ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

دؤرد درویش ایسته‌رم، احمدی-لزگی،

دؤرد درویش ایسته‌رم، احمدی-لزگی،

دۆنیانین بوْیونجا یاشی بیر اوْلا.

یئمز، ایچمز، ذکری-شۆکور ائیله‌یر،

اوْنلارین کلمه‌سی، ایشی بیر اوْلا.

بیر اوْتاق ایسته‌رم، گۆموشدن کانی،

اوْنون کرپیجینی گتیرن هانی؟

بیر حئیوان ایسته‌رم قێرخ ایکی جانی،

باشی قوْلتوغوندا، دؤشو بیر اوْلا.

بیر نر ایسته‌یه‌رم گؤتوره داغی،

اوْوسارینی چکه الیینن ناغی،

آلتمیش مین بوْستانین، یئتمیش مین تاغی،

سکسن مین بینانین داشی بیر اوْلا.

خسته قاسیم دئیر: نئچه مین نئچه،

سکسن مین داروازا، دوْخسان مین کۆچه.

بیر عالیم ایسته‌رم بۇ سیرری سئچه،

هر بیری مین کلمه، باشی بیر اوْلا.

Latıncə

بیر لؤوحه‌

بیر لؤوحه‌

ایشته سکسن یاشیندا بئلی بوکوک بیر قادین

آیلار, ایللر بیلمه‌دن قیرمیش قولون, قانادین.

زامان چکمیش جانینا گؤزلری‌نین نورونو,

عومرو آلمیش الیندن قلبی‌نین سورورونو.

ووجودونون سون باهار یارپاغیندان فرقی یوخ,

دوداغیندا بیر گولوش, بیر قاینایان شرقی یوخ.

چوهره‌سینده پریشان بولودلارین وار عکسی,

اللرینده سرینلیک - بیر مزار هدیه‌سی.

ام‌میش اوزون ایللرین باهارینی, قیشینی,

مجلیسلرین بولونموش نشه‌سینده, قمینده.

بوروموش ان نهایت کؤلگه‌لر باخیشینی,

ایندی گزر خیالی مزارلیق عالمینده.

او یئنه یاشاماقدان بیقمامیش, اوسانمامیش,

او یورغون, او ضیاسیز, او قوه‌سیز, او قامیش

ووجودیله یئنه ده عومور سورمک ایستییور,

“اه نه اولور بیر آز دا گؤزلریم گؤرسه!..” دییور.

ائی هنوز گنجلیگی‌نین دملرینی یاشییان,

قلبینده گور دالغالی چاغلایانلار داشییان,

او سکسن یاشلی قادین یاشاماق ایستییورکن

بیلمم نیچین حیاتدان اوزاقلاشماداسین سن?

Latıncə

بو, خود ورقا ایله گولشادن

بو, خود ورقا ایله گولشادن

آغازی-حکایتدور

نققادی-نوقودی-گنجی-اخبار,

وززانی-کونوزی-رنجی-آسار.

اوستادی-موورریخی-زمانه,

معماری-موسسیسی-فسانه,

گولزاری-روایت آبیاری,

اسراری-حکایت ایختییاری,

آچمیش روخی-بزمه بابی-ایشرت,

وئرمیش گوللو نوقله رنگو شؤهرت.

بین سعی ایله ظاهر ائیلیوب گنج,

اولموش بو ادا ایله گؤهرسنج.

کیم هییی-عربده بیر جاوانبخت,

ایقبال آنی قیلدی صاحبی-تخت.

اول سرورین آدی ایدی هاریس,

مولکه والی, سریره واریث.

اوتوز مین ائو اول ایلین1 سوادی,

معروف بونئینی شئیبه آدی.

تیکدوکده او جمع ایچینده رایت,

قیلدی قموسی اونا اطاعت.

__________

1 ائلین

اول بررنوردو دشتپئیما,

بیر نؤو’ ایله قیلدی زبتی-اهیا.

آسوده‌لیک اولدو خلقه باجی,

نقدی-دعوات آلان خراجی.

دادیندان آلوب صبایلر پند,

میش ائیله‌دی کورگه مو دهنبند.

بذلینده یاشوردی حاصیلین کان,

ادلینده گوم اولدو ظلمو ادوان.

اندیشه‌ی-خسمه رعیی دافئ’

تدبیری-اوموره فیکری نافئ’.

جاهی اونا وئرمیوب تغییور,

آباسی تریقیدن تنففور.

اول جومله‌یه گرچی اولدو فایق,

ترک ائیله‌مه‌دی تریقی-سابیق.

احشام ایله قت’ ائدردی صحرا,

اکثر اونا برری-مککه معوا,

گه تاییفو گاه ساحلی-یم,

گاهی هرمی-هریمه محرم.

سالو مه اول آفتابی-کامیل

یئردن-یئره دگشیریردی منزیل.

هر بوق’ه‌ده کیم قیلوردو تمکین,

اول یئره دوزردی نافه‌ی-چین.

آفاقه نومونه‌ی-خیامی,

وئرمیش شبی-قدردین پیامی.

چادیرلری یئرده آلتی-زین,

آغ اوسته قرا چو قوررتول-عین

یوردوندا خیامی-عنبرین فال,

مهبوب یوزونده خال تیمسال.

سیمابی-سراب عکسی-آبی,

قیلدی اونا چادیری هوبابی.

چادیرلار ایچینده آشکاره,

شه ماهو هشم اونا سیتاره.

نققا’ چو شاهیدی-نهاری,

فیاض چو ابری-نووبهاری.

هم قوتی-طالعینه خورسند,

هم واریثی-مولکدین برومند.

اول طالعیی یارو بختی یاور,

بولموش صدفیندن ایکی گؤوهر.

ایلکی خلفه هومام اولوب آد,

آد قویدو هیلال او بیره اوستاد.

چون آنلاری بسله‌دی زمانه,

هر بیریسین ائیله‌دی یئگانه.

دایم اولار ایله بزمی-ایشرت,

قایم اولار ایله پوشتی-دؤولت.

گؤردو چو شهی-خوجسته ایقبال,

تغییر اونا اولدو زعفدین حال.

ترکیبده نشعه‌ی-قوسوری,

گون-گون اونا آرتورور فوتوری.

اؤز حاصیلیدین اوزوب شوماره,

خطت چکدی حسابی-کارو باره.

اوغلانلارا اول نیکو شمایل,

داپشوردی ریاستی-قبایل.

دؤوران اولارا یئتوردی نؤوبت,

اول خوسرووه لازیم اولدو اوزلت.

آخیر بوراخوب لیباسی-رؤونق,

دریاسینا قطره‌ اولدو مولهق.

قعت ائیلیوب آرزویی-پئیوند,

پئیوندی گؤتوردو آزدن بند.

جان مورغی چو گؤزله‌دی مقامین,

سیندیردی قفس, بوراخدی دامین.

قورتولدو او قئیدی-چار سودن,

دینلندی کودورتی-ادودن.

خوش صاحبی-بارگاهی-تمکین,

هم دینه اولا الینده, هم دین.

آسوده قیلا آنی کمالی,

راحت وئره فئیضی-لایزالی.

دیرلیکده اولا جاهان شفیقی,

اؤلمکده اولا دعا رفیقی.

نسب ائیله‌دی چون سیپهری-مینو,

اول دور بدلینه ایکی لؤ’له.

چون فرق آدی اول ایکی گوزیده,

همقدر اولوبن مثالی-دیده.

بو اونا موتی, او مونا مونقاد,

اهیایی-خراب اولاردین آباد.

آماده قمو حضوری-ظاهر,

باغلاندی قمو قوسوری-ظاهر.

لییکن یوخ آراده مئیویی-دیل,

رف’ اولدو حضوری-شیوه‌ی-دیل.

حاضیر قمو نقدی-عومری-مفقود,

یوخ عرصه‌ده جینسی-نسل مؤوجود.

یوز گؤستره گر فوتوری-دؤولت,

یوخ واریثی-دستگاهی-شؤوکت.

نوومید گونو اولا اومیدی,

ابوابی-سعادتین کیلیدی.

فرضاًد کی, یاخشیدور سیفاتی,

حقا اولور آته‌نین حیاتی.

اوغول آتادین قالور نیشانه,

اوغولسوزون ایتورور زمانه.

اول ایکی حدیقه‌ی-ریاست,

رعنا گولی-رؤوزه‌ی-کییاست.

چون گؤرمه‌دیلر مالی-مقسود,

اؤز گولبینیدین نهالی-مقسود.

شور ائیله‌دی آرزویی-بولبول,

گؤرمک او نهالی-نسلدین گول.

گولبون نئجه کیم تیکیلدی باغه,

مرهم نئجه کیم قویولدو داغه.

نه باغده گول جامال بولدو,

نه زخمی-دیل اندی-مال بولدو.

دریایه اگرچی دوشدو باران,

ساچیلدی زمینه توخمی-احسان.

باغلانمادی اول صدفده گؤوهر,

بر وئرمه‌دی آلدی دانه‌دین بر.

هاریس نئجه ائیله‌دی ایمارت,

سبز اولمادی دانه‌ی-زیرات.

اول سعییده چون گوم اولدو وایه,

مؤهتاج اولوندولار دعایه.

حال اهلیدین آلدیلار دعالار.

اوممید ایله قیلدیلار اتالار.

آچدیلار اوزه دری-مبررات,

پهن ائیله‌دیلر بوساتی-خئیرات.

آخیر, آچولوب دری-ایجابت,

ایبرامی-دعا یئتوردی حاجت.

خطم ائیله‌دی آرزو کیتابین,

هر ماهوشین بیر آفتابین.

قیلدی او هرمسراده کامیل.

تشریفی-سودوری-نسله قایل.

یئر دوتدو صدف ایچینده گؤوهر,

فانوسی-اومید اولوب مونوور,

اول نوقطه‌ی-آبه کیلکی-تقدیر,

قیلدی رقمی-نیشانی-تصویر.

دوزدو عملی مورببیگی-کان

بو معدنه دورر, او کانه مرجان.

چون وعده‌ی-همل اولوندو آخر.

وقت اولدو چیخا شوکوفه‌دن بر,

دوغدو بیری هورو بیری قیلمان,

یعنی بیری قیز, بیریسی اوغلان,

اوغلان دئمه, اووجی-قدر ماهی,

قیز سؤیله‌مه, حوسن پادشاهی.

اوغلان دئمه, نوری-چشمی-عالم,

قیز سؤیله‌مه, خسته جانه مرهم

اوغلان دئمه, مایه‌ی-صباهت,

قیز سؤیله‌مه مولکی-جانه آفت.

اوغلان دئمه اول ملیک نیشانه,

قیز سؤیله‌مه فیتنه‌ی-زمانه.

اوغلان دئمه موشتریگی-ایقبال,

قیز سؤیله‌مه زؤهره‌ی-نوکوفال.

گؤستردی اوغول هومام نخلی,

قیز وئردی روتب هیلال نخلی.

شوکرانییه هر بیرین آتاسی

بیتمکدین او یوزده مودداسی.

آچدیلار اوزه زخیره بابین,

بذل ائیله‌دیلر پوزوب حسابین.

مؤهتاجلره وئریلدی بس گنج,

وززانه یئتیشدی وزنه‌دین رنج.

ازبس کی, خرابه اولدو معمور,

گوم ائیله‌دی نقدی-عقل گنجور.

صرف ائتدی اول ایکی اینجه انعام,

گوم ائیله‌دی فقرو مسکنت نام.

اول زهروو موشتری نیشانه,

باسدوقدا قدم بو خاکدانه,

خاتیلری صافو اوزلری پاک,

محضی-خیردو تمام ایدراک.

اول گونو دویدیلر مالی,

کئیفیتی-هیجر ایله وصالی.

بیلدیلر اولو ادیمی-تعسیر,

تغییری-قضاوو رعیو تدبیر.

چون دامه اولا اسیر ماهی,

نه سود اونا ایزتیرارو آهی?!

وئردیلر اولار ریضا قضایه,

خورسند اولوب امری-موقتزایه.

دیل آچدی قیلوب اول ایکی نووزاد,

افغان بدلینه حمد بونیاد.

رف ائیله‌دیلر دویوب حسابی,

هم اؤزیدن, اؤزگه‌دن عذابی.

سالدوقده اولار زمینه سایه,

یئردن اولاری گؤتوردو دایه.

الدن-اله چون گولی-بهاری,

گزدوردیلر ائیلیوب نثاری.

آلدی اله دایه تیغی-نوسرت,

نه تیغ کی, جؤوهری-محبت.

ره باغلادی اوقده‌دین شیکافه,

اول ایکی ریشه‌یه دوزدو نافه.

سو یئرینه دؤکدولر گولابی,

یودولار اول ایکی دورری-نابی.

پس چولغایوب اونلاری هریره,

لوطف ایله یئتیردولر سریره.

دیل پرده‌سی اولدو, سینه بندی,

جان تاری او پرده‌نین کمندی.

چون گنجدین اولدو خانه آباد,

وقت اولدو قویولماق آنلارا آد,

آد اوغلانا قویدو آته ورقا,

گولشا قیزا نام اولوندو ایلقا.

شرط ائیله‌دی اول ایکی برادر,

گر ائیلسه عومر او لعلو گؤوهر.

هم بخت اولا اول ایکی موکررم,

تزویج ایله بیر-بیرینه محرم.

اول گون اولار بولوب مزادی,

بیر-بیری‌نین اولوندو نامزادی.

چون دؤوردین اولدولار دوساله,

لب باغلادی شیردین قضاله.

دایه اولار ایله باتدی گنجه,

تا پنجه‌ی-سال اورولدو پنجه.

امما اول ایکی محبت آگاه,

بیر-بیریله ایدی گاهو بیگاه.

گون-گون اول ایکییه ساقیگی-عشق,

سوناردی شرابی-باقیگی-عشق.

شؤوق آنلارا ائیلیوب ضیاده,

زؤوق اولدو موزاف اول آراده.

اکثر او هسب-نسب امینی,

اول کیشوری-حوسن نازه‌نینی.

گولشا ائوینه گوزار ائدردی,

نزّاره‌ی-رویی-یار ائدردی.

ائیلردی تفرروج اول سمنبو,

بیفیکری-رقیبو تعنی-بدگو.

گه قیبله‌سینه دوروب نامازه,

گه رازیده اول رهی-نیازه,

بو هم اونا موبتلایی-اولفت,

باغلو او هواده پایی-اولفت.

گر گؤرمسه آنی ائیلر افقان,

بیر وعظ ایله سان ویدا ائدر جان.

تا اولمییه اول شیکسته خاطیر,

جانانی ایدی یانینده حاضیر.

بو اونا اسیر, او مونا مفتون,

بو اونا هزین, او مونا محضون.

گاهی بو اولوب آنین شیکاری,

اول گاه اولوب مونون فیکاری,

گه رؤوزه‌ی-عشقه بو اولور گول,

گاه اول بیری باغی-شؤوقه بولبول.

بو طرز اولارا کئچردی احوال,

دوققوز یاشا تا یئتیردیلر سال,

پس اول گولی-باغی-جاهو میکنت,

مئیل ائیله‌دی اوغلون ائده سوننت.

جمع ائتدی اعاظیمو اعالی,

ییغدوردو افاخیمو اهالی.

بیر بزم کی, ائتدی آندا بونیاد,

نه بزم فزایی-ایشرتاباد.

اسبابی-ضیافتین رغیدی,

پور قیلدی مسافتی-بریدی.

قیلدی اولا تا کی, زینتی-خان,

جدیو همه‌لین بوروجی-بوریان,

مئی ائتدی زمینی آسیمان فام,

خور ساغرو انجوم آره‌ده جام.

ناهیدی-فلک دوزوب سورودی,

قیلدی اؤزینی او بزمه اودی.

قویدو او سوروردین زمانه,

بین داغ نیهادی-آسیمانه.

بیر هفته بو رسمه ائیلیوب سور,

جمع-بیقمو اهلی-بزم مسرور.

پایانه چو یئتدی شوغلی-مرغوب,

تحصیلی-اولوم اولوندو متلوب.

بیر بورج او مداره اولدو تعیین,

تا موشتریوو مه ائده تمکین.

اول ایکی نیگار ایچون مورتتب,

بیر عیشی-موجددد اولدو مکتب.

مکتب دئمه گل کی, اول دبیستان,

فیردووس اونا جمعهورو قیلمان.

جبریلی-امین اولوب ادیبی,

اول ایکی پریروخون رقیبی.

اول شوغله دوتوب تریقی-تعزیم,

خور صفهه‌سین ائتدی لؤوهی-تعلیم.

مه اونلاره رهل ائدوب هیلالین,

آرتوردو او روتبه‌ده کمالین.

آلوب اله خامه‌ی-مورادی,

درس اونلارا یازدی اوستادی.

بیر گونده اوخودولار اداتی,

هم موفره‌دیوو مورککباتی.

آز گونده اول ایکی جؤوهری-پاک,

بو معدنی-عقل, او کانی-ایدراک,

کسب ائیله‌دی بو ملک, او هوری,

هر علمدن اولدوغو زروری.

اخلاقو معانیوو قیرات,

تفسیرو حدیسو فیقهو هئی’ت,

اینشاوو مصاحتو ستورلاب,

تاریخو اصولو رملو ائهساب.

هر بیریسیدین دوزوب طبیعت,

ندور غرض آنلادی حقیقت.

گر ظاهری اول ایکی یئگانه,

اول شوغل اولاره اولوب بهانه,

مشغول او درسو بحثی-قاله,

محبوسی-کودورتی-مقاله.

لییکن اولاری مئیی-محبت,

سرمست قیلوب شرابی-اولفت.

گون-گون اولاره ایچوردی باده,

کئیفیتی-شؤوق اولوب ضیاده,

دیل بیر-بیری‌نین قیلوب کبابی,

یوز بیر-بیری‌نین ائدوب کیتابی,

گویا کی, اولان زمانه ملهوز,

هر بیر-بیره ایدی لؤوهی-محفوظ.

حقا کی, دئگیل بو نوکته بؤهتان,

اثباتینا واردور الده بورهان.

هر مسئله‌ی-قریبو موشکیل,

عاجیز اولا حله خاطیری-دیل.

بیر-بیره نظر آچاندا راهی,

معلوم اولور آنلارا گوماهی.

خوش مولک دورور او مولکی-معنا

بولماز اونا راهی-جهل قت’ا,

دانیش اولارا یئتیردو چون نئیل,

آدابی-جیداله قیلدیلار مئیل,

تا آنلایالار بولوب فراست,

قووغا گونو زربو ردی-آلت.

رزمینده سلاحی-جنگه ورقا,

بیر وز’ ایله اولدو کارفرما,

بحرام گؤرنده آتدی یایین

تحسین ایله دوتدو اؤزگه آیین.

چون اول ایکی سیدی-دشتیاری,

بیر-بیری‌نین اولدولار شیکاری.

اول بحری-محبت ایجره ورقا.

قیلدوقدا صفینه قرقی-سئودا.

سو ایچره سوسوزلوغا گیریفتار,

یار ایستر الینده دامنی-یار.

وصل ایچره هریقی-ناری-هیجران,

گولزارده پایبندی زیندان.

رنجوره نه سود, الینده باده,

گر ایچسه اولور زیان ضیاده.

هم خانه‌سی کام او, عیشه ناکام,

هیجرانه اسیرو وصله بدنام.

حقا کی, بو عاشقه جفادور,

وصلت گونو هیجرگین بلادور.

گولشا دخی آندا کامه مهروم,

اول بورجده نقدی-دورج مختوم.

صبر الدنو گئتدی, دیده‌دن خاب,

لب تشنه, الینده شربتی-آب.

نوش ائیله‌مگه هزار مانع’,

خان حاضیرو خاطیر آندا جایئ’.

بو وضعله اول ایکی قمرتاش,

اون ایکییه تا یئتوردیلر یاش.

صبر ائیله‌دیلر چکوب قرامت,

تا یئتمییه آنلارا ندامت.

یوخ آره‌ده گرچی کامی-خاطیر.

صبر ایله گوم اولدو نامی-خاطیر.

زینتدئهی-بزمی-چرخی-اخزر,

مشّاته‌ی-چار جینسی-گؤوهر.

دون-گون اولارین دوزوب کمالین,

آرتوردو ملاهتی-جامالین.

ادامه مطلب

یۆزون صۆبحی-کرامتدور، کرامت،

یۆزون صۆبحی-کرامتدور، کرامت،

ساچین شامی-قییامتدور، قییامت.

بۇ کیم، آغزیمدا قالمیش حسرتیندن،

سری-انگوشت ندامتدور، ندامت.

یاغان سن یار ایچون اگیار الیندن

مانا سنگی-ملامتدور، ملامت.

گؤزومده قێل وطن، ائی سرو بوْیلو

کی، خوْش جایی-ایقامتدور، ایقامت.

سانا قۇل کیشوری تا عاشق اوْلدو،

بروسوایی-ملامتدور، ملامت.

Latıncə

وح کی، من بیچاره‌نی بیچاره قێلدین عاقیبت،

وح کی، من بیچاره‌نی بیچاره قێلدین عاقیبت،

دربه‌در سالیب منی آواره قێلدین عاقیبت.

قؤنچه تک آغزیم دوْلو خۇنابی-حسرت ائیله‌ییب،

گۆل کیمی پیراهه‌نیمی پاره قێلدین عاقیبت.

آنجه گۆلدون من فقیری-ناتوان احوالینه

کیم، نصیبیم گیریه‌ی-همواره قێلدین عاقیبت.

گرچی اؤلدوردون منی-بیمارینی حسرت بیله،

شۆکر کیم، تابوتوما نززاره قێلدین عاقیبت.

چاک قێلدین کیشوری‌نین کؤنلینی تیغی-هیجر ایله،

رازی پۆنهانی آنون آشکاره قێلدین عاقیبت.

Latıncə

بیللم کی, ائدر آخیر اول نرگیسی-مستانه

بیللم کی, ائدر آخیر اول نرگیسی-مستانه

بو عاشقی شئیدانی مجنون کیمی دیوانه.

یوخ حاجتی گولگونه, اول عاریزی گولرنگه,

بیر شانه گرک ناچار اول زولفی-پریشانه.

سن گؤرمه‌میسن آخیر ترسا قیزین, ائی کافیر,

ایمانه گل, ائی زاهید, تعن ائیله‌مه صنعانه‌.

هر نه دئیه‌جکسن دئ, هر… یییه‌جکسن, یئ!

بیر گون سنه من چاللام بیر ضربه‌تی-خسمانه.

دور گئت, گؤز اؤنوندن ایت, چوخ باشیمی آغریتما,

هر یانه گئدیرسن گئت, گلمه دخی بو یانه!

قوربانین اولوم, ساقی, سندن نه تغافولدور,

من زاهیده توش گلدیم, سن دؤور ائله مستانه!

مست اولمامیشام, بالله, بو نش’ه‌نی خام ائتمه,

تؤک وئر منه بو مئیدن بیر ساغری-ریندانه.

سن گؤرمه روا مندن بو سوزی-دیل اسکیلسین,

ایسترسن اگر قوی-قوی یانسین اودا پروانه!

دور کی, جیگریم یاندی, مجمر کیمی اودلاندی,

آز قالدی گؤزوم یاشی وئرسین منی طوفانه.

گر ائتسه طلب کؤنلون وصلی-لبی-جانانی,

گل سن ده نباتی تک قوی باشینی میدانه.

Latıncə

گولغوله سالدیم گئنه نؤه فلکی-اخضره‌,

گولغوله سالدیم گئنه نؤه فلکی-اخضره‌,

ائتدی مدد طالعیم, یئتدی الیم ساغره.

دیو, به فضلی-خودا اولدو پریدن جودا,

موژده آپار, ائی صبا, اول بوتی-سیمینبره.

شامو سحر, موتصیل, شوغلوم اولوب مشقی-عشق,

گؤزلریمی دیکمیشم لؤوهی-روخی-دیلبره.

بیر یوکه کیم, دؤزمه‌دی گاوی-فلک, سیرره باخ,

گؤتدو بئلیندن اونون, چاتدی منی-کافاره.

تاری بیلیر, اودلارام خیرقوو سجّاده‌نی,

ساقی , بو قان کاسه‌سین قویما الیندن یئره.

قاصیدی-اهلی-نیاز, هودهودی-عاشقن-اواز,

لوطف ایله بو نامه‌نی باغلا او خوش شهپره.

دورما, دؤنوم باشینا, من سنه قوربان اولوم,

حوممت ائله, وئر صفا شؤوق ایله بالو پره.

بیرجه تاماشا ائله دیده‌ی-خونباریمه,

سؤیله گینن حالیمی اول مهی-خوش-منظره.

Latıncə

سۆلئیمانام, دیَیشمه‌رم

سۆلئیمانام, دیَیشمه‌رم

کؤنول نئجه سئوینمه‌سین, باهار گلیب, باهار گلیب,

گزیب دییار-دییار گلیب.

گلیب الینده لاله‌لر,

شفق دوْلو پییاله‌لر.

گلیب عطیر سپه-سپه,

وطنیمین توْرپاغینی اؤپه-اؤپه

وجده گلسین ماوی خزر,

سحر-سحر

دالغالانسین یۇردومون آل بایراقلاری,

ماهنیلارلا قؤنچلنسین گؤزللرین دوْداقلاری.

باهار گلیب ماهنیمیزا, شعریمیزه,

کیم اؤیونمز, اوْلسا بیزیم یئریمیزه?!

وطنیمین باهار دیللی بیر کوْلخوْزچو لئیلاسینی,

قان لکه‌لی,

تهلوکه‌لی

سارایلارین قوْشون-قوْشون لئیلاسینا دیَیشمه‌رم!

یئنی سوْوئت شعریمیزین بیر بندینی, معناسینی

خاریجده‌کی آدی بؤیوک,

زمانه‌نین اۆستونه یۆک

میلیوْن-میلیوْن کیتابلارین معناسینا دیَیشمه‌رم

خزریمده ظفر چالمیش بیرنئفتچی‌نین گۆلوشونو

بؤهتان آتان,

یالان ساتان

دوْداقلارین گۆلوشونه دیَیشمه‌رم.

بیزیم گؤزل دۆنیامیزا بیر کؤرپه‌نین گلیشینی

آچیق دئییم,

چوْخ سئودیگیم

ایلک باهارین گلیشینه دیَیشمه‌رم!

اؤز ائویمدیر وطنیمین هر بۇجاغی,

کؤنولاچان باهار چاغی

ایلهامیما قاناد وئرن,

حیاتیما حیات وئرن

سئوگیلیمین جامالینی گۆنه, آیا دیَیشمه‌رم!

باهار آدلی دۆنیامیزی یۆز دۆنیایا دیَیشمه‌رم!

بیر دوْست کیمی گزیر یئنه باهار دوْغما دییاریمی.

بۇ واریمی دۆنیاداکی بۆتون وارا دیَیشمه‌رم!

خوْشبخت آنا وطنیمده جاندان گۆلن باهاریمی,

یاد ائللرده قان آغلایان مین باهارا دیَیشمه‌رم!

بیلیر وطن, بیلیر آنام, دیَیشمه‌رم,

دیَیشمه‌رم, سۆلئیمانام, دیَیشمه‌رم!

Latıncə

آنا چؤرگی

آنا چؤرگی

بۇ باغین باشقا گؤزللیکلری وار,

بوْیلانیب اینجه چیچکلر, اوْتلار.

اوْخشاییر بیر داها شاعر گؤزومو,

بۇردا سربست سانیرام من اؤزومو.

گۆنشیمدن یئنه قۆوت آلیرام,

نه وئریرسه بۇ طبیعت, آلیرام.

نئچه آیدیر کی, شهردن اۇزاغام,

سۇ, هاوا, مئیوه جهتدنسه توْخام.

دئییرم ماهنی یاشیل مئینه‌لره,

اۆزومو بلکه بۇ یای بوْللو وئره!

یاشاماز, اوْلماسا اینساندا اینام,

هله ساغدیر قوْجا, آغبیرچک آنام.

اللشیر عشق ایله متبخده یئنه...

قوْجالار گلمسه‌لر باغ یئرینه

بیر چوْخ ایشلرده بیز عاجیز قالاریق,

نه دئییم, دادلی یئمکسیز قالاریق.

آنا! هر یئرده یئتیرسن کؤمه‌یه,

بله‌دم سن بیشیرن هر خؤره‌یه.

یئنه دۆشموش باشیما ایستی چؤرک,

سؤزومو سن یئره, گل, سالما گؤرک.

آنا جان! تندیره دوْلدور اوْدونو

سئیر ائدک تندیری‌نین گۇر اوْدونو.

چک, تئز اوْل کیبریتی, یانسین تندیر,

بیر قێزیل رنگه بوْیانسین تندیر.

گؤیه قالخسین باجامیزدان تۆستو,

یێغیلاق دؤورنه آخشاموستو.

قۇلاق آس گؤر سنین ایلکین نه دئییر:

سن محبتله یوْغوردوقجا خمیر

بۇ ایشیندن, آنا, لذت آلیریق,

اوْ آریق اللره حئیران قالیریق!

کس, توْتوق کۆنده‌لری, دۆز تاباغا,

جانیمیز قوْی سنه اوْلسون ساداغا.

سنه زحمتسه ده, تئز کۆنده‌نی یای,

یای, ناخیش وۇر, آنا جان, تندیره یاپ.

یوْخ, یانیلدیم, منه بیر آن قۇلاق آس,

بزه آنجاق اوْنو خاشخاشلا بیر آز.

بنزه‌سین بیر قدر اۇلدوزلو گؤیه,

هر گؤرن سؤیله‌سین احسن چؤره‌یه!

گؤرورم کۆنده‌لرین بوْللوغونو,

گئی قالین الجه‌یینی, قوْللوغونو.

قوْیما اوْد قارسالاسین اللرینی,

باغلا یایلیقلا دۆماغ تئللرینی.

قوْی بیزیم حسرتیمیز تئز بیتسین,

نه اوْلار, بیر نئچه‌سی کۆت گئتسین.

یئنه جانلانسین اۇشاقلیق چاغیمیز,

گزسین اللرده قێزیل قازماغیمیز.

ائله بیل کؤرپه اۇشاقدیر اوْغلون,

فرحیندن اۇچاجاقدیر اوْغلون!

آنا جان! کیبریتی چک, اۇمسونارام,

تندیرین یانماسا, بیل, من یانارام.

چاره تاپ بسله‌دیگیم آرزولارا,

چؤرگین یاخشی بیشندن سوْنرا

بۆرویوب اسگییا بیر شوْربالیغی

اوْنو باسدیر کۆله, تندیرده بیشیر.

اوْغلونون خالقا ایاندیر قێلیغی.

سالارام یوْخسا اۇشاقلارتک هشیر.

یئیریک شوْربالیق اۆستوندن اۆزوم,

سنه قۇربان اوْلوم آنجاق من اؤزوم.

سنه زحمتسه ده تئز کۆنده‌نی یای,

یای, ناخیش وۇر, آنا جان, تندیره یاپ.

گلیر اوْندان آنا توْرپاق اتری,

اینجه گۆللر بیتیرن باغ اتری.

اتری گلدیکجه بیزیم بۇرنوموزا

داها چوْخ باغلانیریق یۇردوموزا.

اوْنو اؤپدوکجه گؤزوم, هم دوْداغیم

برک دۇرور, یئردن اۆزولمور آیاغیم.

سن کئچرکن. آنا, تندیر باشینا,

باخیرام قارتک آغارمیش ساچینا,

آنیرام قملی کئچن گنجلیگینی.

گؤرمه‌دیک اوْندا سنین دینجلیگینی.

ایندی سن بارلی آغاجسان, باشی دیک,

ایفتیخار ائت, آنا جان, بیز سنینیک!

سن چتینلیکلره گؤسترمه‌دین اۆز,

آناسیز اوْلماسین هئچ بیر گۆنوموز.

آنا! سۆفرنتک آچیقدیر اۆرگین,

هر زامان بوْللوجا اوْلسون چؤرگین!

آنا جان! تندیره دوْلدور اوْدونو,

سئیر ائدک تندیری‌نین گۇر اوْدونو!

Latıncə

گئجه‌نین روْمانتیکاسی

گئجه‌نین روْمانتیکاسی

بۇ یاتمیش کۆچه‌لرده بۇ گئجه منم آییق,

منم آددیملاریملا بۇ سۆکوتا یاراشیق.

دئییل یالنیز بۇ گئجه, بیر چوْخ گئجه‌لر بئله,

چێخاراق کۆچه‌لره گزیرم گۆله-گۆله.

یئریگیرم - خیالیم, اۆرگیم, بئینیم آتش, -

سوْنسوز نشه دۇیورام, بۇ سوْنسوز گزهاگزدن

آیاقلار سیلمه‌سینلر دئیه, قۇرودور گۆنش -

کۆچه‌لره یازدیغیم شعریمی سحر تئزدن.

بۇ گئجه تکباشیما گزیرم کۆچه‌لری;

باخیرام بیرلشمه‌دن گؤزلریمین چپری.

یئریگیرم, شعریمی اؤته‌رک دوْداقالتی.

ایشیغام قارانلیقدا, دئییلم بیر قارالتی.

بۇ اۇلدوزلو, بۇ آیلی, بۇ ایلهاملی گئجه‌ده

یئریگیرم, منیمله یئریگیر بۇ گئجه ده...

یۇردومون آددیمیندان گئری قالمیر آددیمیم,

اۇلدوزلار رقص ائدیرلر دؤوره‌سینده آدیمین...

یئریگیرم, عملیم الیمده فانار کیمی,

باخیشیملا سمانی کسیرم بیر نار کیمی.

قلبیم اوْد آلسین دئیه, اۇدورام اۇلدوزلاری,

شعریمین کؤهنه دوْستو, گؤز وۇران اۇلدوزلاری

منم آددیملایاراق سۆروین اؤز کؤلگمی,

منم گنج اۆرگیمده داشییان, گنج اؤلکمی.

بۇ اۇلدوزلو, بۇ آیلی, بۇ ایلهاملی گئجه‌ده

یئریگیرم, منیمله یئریگیر بۇ گئجه ده...

ائولرین قاپیسیندا گؤز قێرپا-قێرپا یانان

ائلئکتریک لامپاسی دئییل, میصراعلاریمدیر.

تا اۇزاق پنجره‌دن قێلینج کیمی اۇزانا

ایشیغین پروانه‌سی منیم اؤز دیلداریمدیر

بیلیرم کی, سئوگیلیم باخاراق یوْللاریما

نیگاران گؤزلرییله هر آن گؤزله‌ییر منی;

اوْ بۇ ساعت گؤرمه‌ییر اۇلدوزو دا, آیی دا,

بیر خیال عالمینده سانکی ایزله‌ییر منی.

باشقا بیر پنجره‌ده منیم شاعر یوْلداشیم

بیر باخینیز, دایامیش باشینی ماساسینا.

دئییر کی, سؤز تاپ, باشیم, دئییر کی, سؤز وئر باشیم

اؤلمز سؤزلر گرکدیر اؤلمزلر دۆنیاسینا!..

باشقا بیر پنجره‌ده فیکره دالمیش مۆهندیس,

گله‌جک بۇروقلارین نقش ائدیر جیزگیسینی.

بیر داها گۆلدورمکچون بۇ یۇردون گۆزگوسونو

یئرلرین آلت قاتیندا آراییر قێزیل دنیز.

بۇ اۇلدوزلو, بۇ آیلی, بۇ ایلهاملی گئجه‌ده,

یئریگیرم, منیمله یئریگیر بۇ گئجه ده.

آرتیق من ساحلده‌یم... بۇ ساحل منه تانیش,

بۇ ساحل منه یاخین, بۇ دئییل بیر آلدانیش

من ده ایلک گنجلیگیمده, ایلک باهار سماسینی

اؤز سئوگیلیمله بیرگه سئیر ائتمیشم بۇ سۇدا.

اۇداراق سالخیم-سالخیم دنیزین هاواسنی:

دۇرموشام سئوگیلیمچین بۇ ساحلده پۇسقودا,

بسدیر بۇ قدر گزدین, دئدیم اؤزوم اؤزومه,

گئجه گؤره‌سن, قۇلاق آساجاقمی سؤزومه?

گئجه‌نین قۇلاغینا: "گۆندوز گلیر, قاچ!"-دئدیم.

- سئوگیلیم, گۆنش دوْغور, پنجره‌نی آچ!- دئدیم!

Latıncə

اوْلماسایدی

اوْلماسایدی

دینمزدی ماهنیم منیم, گلمزدی شعریم جانا,

گۆنش بایراقلی مین-مین سحریم اوْلماسایدی,

چینار کیمی قوْل-بۇداق آتمازدیم دؤرد بیر یانا,

باکیتک بیر قهرمان شهریم اوْلماسایدی.

چاشباش اوْلوب قالاردیم من یوْللار آیریجیندا,

گؤزل آنا یۇردومون توْرپاغیندا, داشیندا.

قانیم کیمی قاینایان بۇلاقلارین باشیندا,

آچیلان سۇفره‌لردن خبریم اوْلماسایدی.

یارامی قارا گۆنده ماهنیلاریملا ساردیم,

دالغالاری آوارتک بۇ اللریمله یاردیم.

من اۆرک سؤزلریمی هارا, هارا یازاردیم,

میلیوْن-میلیوْن اۆرکلر دفتریم اوْلماسایدی!

کؤنوللردن سیلینیب آدیم اۇنودولاردی.

اۆرگیمه دۆنیانین قم-قۆسسه‌سی دوْلاردی.

پاییز چیچکلریتک ماهنیلاریم سوْلاردی,

زحمتیمین سوْنوندا ظفریم اوْلماسایدی.

گنجلر ساحل بوْیونجا خیالا دالاردیمی?!

منیم شعرلریمده بۇ آهنگ اوْلاردیمی?!

گؤزللرین گؤزلری معاویه‌ چالاردیمی

شهریمین آیناسی خزریم اوْلماسایدی?!

اۆرگیمدن کئچه‌نی آچیق دئییم سیزه من:

گنجلیگیمدن وۇرغونام گۆنشلی گۆندوزه من,

چێخمازدیم ائل ایچینه, گؤرونمزدیم گؤزه من,

بئش-اۆچ نظره چارپان اثریم اوْلماسایدی!..

چوْخداندیر بیر وۆصالین سئوداسی وار باشیمدا,

یاخشی بیلیر بۇ سیرری دوْستوم دا, قارداشیم دا.

من جاوان گؤرونردیم اینانین بۇ یاشیمدا.

دردلی آرازلا باغلی کدریم اوْلماسایدی!

خالقیمچون قازانمیشام شؤهرتی من, آدی من.

عشقیمدن یاراتمیشام بۇ گؤزل حیاتی من.

ماهنیلارلا بزردیم بۆتون کایناتی من,

بیر گۆن توْرپاق آلتینا صفریم اوْلماسایدی!

Latıncə

ساققال ایختییاری

ساققال ایختییاری

دئییرلر کی، هره‌نین بیر عادتی اولار. موللانین دا عادتی بو ایمیش کی، چوخ

تئز-تئز ساققالینی تومارلارمیش. تئیمور لنگ اینجیتمک مقصدی ایله بیر

گون اونا دئییر:

- ساققال تومارلاماغی سنه قاداغان ائله‌ییرم. بیر ده تومارلاسان

ساققالینی قیرخدیراجاغام، الینی ده کسدیره‌جه‌یم.

موللا تئیمورا یاخشی بلد ایمیش. بیلیرمیش کی، چوخ دا اونون ایپینین

اوستونه اودون ییغماق اولماز. اودور کی، یازیق ساققالینی تومارلاماغی ترگیدیر.

بو احوالاتدان بیر مدت کئچیر. گونلرین بیرینده تئیمور موللادان

سوروشور:

- موللا، من نه ائله‌ییم کی، اهالی منیم عدالتیمه اینانسین؟

موللا دئییر:

- هر شئیدن قاباق، قیبله‌ی-عالم، هر کیشی‌نین ساققالی‌نین ایختییارینی

اؤزونه قایتار!

Latıncə

بۇی چکدی زۆلفی-عاریزی تا وئردی تاب آنا,

بۇی چکدی زۆلفی-عاریزی تا وئردی تاب آنا,

ریحان گؤگردی, تاب هؤروب آفتاب آنا.

کۇیینده مسکن ائتدی, کؤنول یاخما هیجر ایلن,

چۆن جنّت اهلیدیر, نه وئرورسن عذاب آنا.

سوْرغاج کؤنول لبین نوْلا دئرلرسه گۆل یۆزی,

بیمار شربت ایچسه قاتارلار گۆلاب آنا.

زۆلفینی سالما یۆزینه, قێلما گۆنوم قارا

کیم, وئرمز آی ایشیغ, دۆشر اوْلسا سهاب آنا.

گؤز خندگینه سۇ سالوبام تکی بۇلمایا

یوْل وصل گۆنلرینده شها, خئیل خاب آنا.

لعلیندن اؤزگه تشنه‌ی-دیدارینا مۆدام,

گر آبی-خێزر اوْلورسا گؤرونور شراب آنا.

یئردن گؤگه یئتیره هیدایت سؤزو اگر,

اوْلورسا مۆلتفیت شهی-آلیجناب آنا.

Latıncə

حقین سیفاتینی گؤروبن سن نیگاردا,

حقین سیفاتینی گؤروبن سن نیگاردا,

اوْل وجهه ناظرم من اوْ نقشو نیگاردا.

یۆزین کیم, سلاسیل پۇرچینده گیزلودور,

بیر رۇمیدیر کی, قالمیش اوْلا زنگیباردا.

یاشیم آخاندا ایسته‌رم اوْل ماهی کیم, اوْلور

حاجت قبول اوْلوجاق اختر گۆداردا.

یۆزین گؤرنده سوْرماغیما آچمادی آغیز

بختیم گۆلی آچیلمادی دردی-ابهاردا.

سوْرما, هیدایت, اوْل صنمین خشمو غمزه‌سین,

امنو فراغت ایسته‌مه بۇ رۇزیگاردا.

Latıncə

ائی جانو کؤنول مئهرین ایله والئهو شئیدا,

ائی جانو کؤنول مئهرین ایله والئهو شئیدا,

اێسباتین ایچون کؤونو مکان اوْلدو هۆوئیدا.

حؤکمونله سنین ساکین اوْلوب تخته‌ی-اغبر,

امرینله روان چیزگینه‌دیر گۆنبه‌دی-خزرا.

سنسن کی, اوْلوبدور کرمین آمی جاهاندا,

هر خاره وئرورسن گۆلو هر خاره‌یه خارا.

سندن نه دیلو دیده ایلن گیزلو دئییم راز,

هر دیدوو هر دیل ایله بیناسنو گۆیا.

یارب کی, نه ایش دۆشسه هیدایتی‌نین الین دۇت,

سندن بۇدور اوْل دۆشمسه ائی دۇست تمننا.

Latıncə

 
  • یارپاقلارین سایی :12
  • 1  
  • 2  
  • 3  
  • 4  
  • 5  
  • 6  
  • 7  
  • ...  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Website Traffic | Buy Targeted Website Traffic