تبلیغات
ایران آذربایجانی تورکجه سینین ادبیات اوتاغی - مطالب ابر واقیف آسلان
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

واقیف آسلان

کیتابین آدی : واقیف آسلان 

کیتابین فورما سی  : جاوا

ساپورت ائدن قولاقجیقلار (موبایل تلفونلاری): بوتون قولاقجیقلاری کی جاوا پروگرامین ساپورت ائدیرلر

اولچوسو : 150 کیلو بایت

ایندیر(دانلود)

یاراتمیسان

یاراتمیسان

شوکور بیرلیگینه، یارادان کیشی!

گئجه‌دن گوندوزه یول یاراتمیسان.

میزان ترزییله گؤروب هر ایشی،

ایشیغی ظلمتدن بول یاراتمیسان.

هره‌ده بیر لقب، هره‌ده بیر آد...

اونونچون بو قدر گؤزلدیر حیات.

مصلحت بلمیسن قارتالا قاناد،

جئیرانچون سوزمه‌یه چؤل یاراتمیسان.

داغلاری، داشلاری خلق ائیله‌میسن،

آلچاقدان اوجایا فرق ائیله‌میسن.

درین دریالاری قرق ائیله‌میسن،

بیر کیچیک داملادان گؤل یاراتمیسان.

بیلمیرم نه‌دندیر یازدیغین یازی،

هله کی، هئچ کیمی سالماییب راضی.

وارلی گیلئیلیدیر، کاسیب نارازی،

هره‌ده بیر جوره دیل یاراتمیسان.

نر-نر نریلده‌ییر شیرلر قفسده،

چاققاللار، تولکولر آیری هوسده.

یازیق بنؤوشه‌نین .باشی‌نین اوسته

ایلاهی، نه دئییب کول یاراتمیسان؟

کیم کی، منم دئییب آزدی یولونو،

گؤزلری گؤرمه‌دی ساغی، سولونو.

دئییرم، نه یاخشی، جومایوغلونو

حاقا، عدالته قول یاراتمیسان.

19مارت 1991

ایلک باهار

ایلک باهار

نه واختسا دونیایا گلیب ایلک باهار،

دونیا سئوینجیندن آشیب-داشیبدیر.

تورپاقدان ایلک دفعه‌‌ گؤیریب اوتلار،

میللی کیتابخانا

یارپاقلار ایلک دفعه‌‌ پیچیلداشیبدیر.

سونرا اینسان گلیب دونیایا مین- مین،

وورولوب: – بو دونیا گؤزلدیر – دئیه

سونرا بیر اوره یه کین دوشوب ایلکین ،

او کین قیلینج اولوب بو گؤزللییه.

اینسان اؤولادینا لایلا دئین دیل

دؤنوب آغی دئییب، او باهار، او ایل.

او گوندن آنالار قالیبدیر سیزلار،

باجیلار عومور ائدیب قولاغی سسده.

یوللارا بویلانان نیشانلی قیزلار

دؤنوب بنؤوشه‌یه، بیتیب یول اوسته.

اوخلانان بیر ایگید قلبیدی لاله،

او واختدان گؤیریر، او واختدان هله.

ائله او زاماندان آخیر ناحاقق قان،

قوربته سورولور ائل گؤزللری.

آتا اوجاغینا قیزلار او واختدان

دؤنوب قارانقوشا قاییدیر گئری.

هله ده بئله‌جه دؤنور فصیللر،

لئیسان عوضینه بضا یاغیر قان.

یامان اوزاقلاشیب بیزیم نسیللر

دونیانین باکیره ایلک باهاریندان.

نه واختسا دونیادا ایلک باهار اولوب،

بو دونیا نه قدر بختییار اولوب.

6اییون 1978

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم