تبلیغات
ایران آذربایجانی تورکجه سینین ادبیات اوتاغی - مطالب ابر مراغالی اوحدی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

حقدن ایلتیماس قایداسی

حقدن ایلتیماس قایداسی 
ترسلیک ائتمیرسنسه، اوحدی، دایان 
لازیم اولمایانی ایسته‌مه اوندان. 
نَیینه گرکدیر خرمن، کند، باغ؟! 
نه اونون اؤزوندن یاخشی اولاجاق؟! 
اگر ایسته‌ییرسن، اؤزونو ایسته، 
او، سنی یئتیرر مورادین اوسته. 
موریدسه، مورادی اودور اینسانین، 
قئیرینی ایسته‌سن سوستدور ایمانین. 
یولو اونسوز گئدن یولدا قالار، دور! 
ترک ائله اؤزونو، قالان تک اودور. 
اؤزونو فنا ائت، او، اول بیر آندا، 
سن هئچ اولاجاقسان اونا چاتاندا. 
او قوش بو دانه‌نین شیکاریدیر، بیل، 
گزدیگین، بو ائودن کناردا دئییل. 
کئچر داراغینا یارین ساچلاری، 
دوز گئدر اوخلار دا هدفه ساری. 
اورا اؤزباشینا کیم گئده بیلر!؟ 
بیر اللهلا گئدر، کیم گئتسه اگر. 
نه وارسا دونیادا، دوغرو سؤز بودور، 
یا اونون اؤزودور، یا اونونکودور. 
اونون دونیاسینا عاغیل ایریشمز، 
یانینا گئتمه‌یه علم گیریشمز. 
کمالین نه قدر اولسا دا قوچاق، 
یئنه یورولاراق یولدا قالاجاق. 
چاغیرسا آیریلا بیلمه‌یه‌جکسن، 
قووسا بس هارایا گئده‌جکسن سن؟! 
قاچسان، هارا وار کی، اوردا او، یوخدور؟! 
ساواشسان، سئومزلر، حقیقت بودور. 
اونو تانیمایان دونیادا نه وار، 
او، یا بوش قاپیدیر، یا قورو دیوار. 
بو رسمین سیرّینی کیم، نئجه بیلر، 
رساما شوبهیله باخیرسان اگر؟! 
او جالال بیزسیز ده اولار، یاخشی باخ! 
ابدی اولموشدور، دایم اولاجاق. 
منصبده، مقامدا اولدوقجا گؤزون، 
آند اولسون اللها، گؤرمزسن اوزون. 
او، سندن اولماییر بیرجه آن اوزاق، 
گوناه بیزده دئییل، اؤزون یاخشی باخ! 
کیمسه اؤزباشینا قوووشماز یارا، 
آنجاق محمّدله گئدیلر اورا.

مۆناجات

مۆناجات

ائی آغلا، کمالا یاراشیق وئرن!

ائی جیسم ایله جانا لۆطف گؤسترن.

سنین صیفتینده ایتدی صیفتیم،

یوْلوندا مهو اوْلدو هم مریفتیم.

منه ده نۇروندان بیر آز ایشیق ساچ،

نه اوْلار منه ده بیرجه قاپی آچ.

نۇروندان بئینیمه دامیزدیر بیر آز،

یاغ تؤک چێراغیما، فایداسیز اوْلماز.

آزمارام یوْلومو سن سالسان نظر،

چاتارام منزیله، سن اوْلسان رهبر.

گؤره‌رم، البته‌‌، گؤسترسن اگر،

اگر گؤسترمه‌سن، گؤز نئجه گؤرر؟!

چوْخداندیر آرامسیز من بۇ یوْلدایام،

سانکی بیر قۇیونون اۇچروموندایام.

پرده دالیندایام نه مدتدی وار،

نه اوْلار پرده‌نی بیر ائیله کنار.

ادب گؤزله‌مه‌ییب قاپینی دؤیدوم،

بۆکولوب آخیردا حالقایا دؤندوم

آسماقچون حالقانی سنین قاپیندان

گؤز یاشی تؤکورم، ائدیرم فغان.

من سنی گزیرم، بیل ائی دایاغیم،

بلکه ده بیر یوْلا گله آیاغیم.

من یوْل ایتیرمیشم، دئ هاردادیر یوْل؟

یاپیش اللریمدن منه آرخا اوْل.

قۇرتار خیاللارین الیندن منی،

افو ائت، ایشلریمه چک اؤز پرده‌نی.

سن اوْلسان منیمله آچیلار یازیم،

سن اوْلسان منیمکی، قئیری نه لازیم؟!

سن سالسان اۆستومه کرم کؤلگه‌نی،

من الده ائده‌رم کؤنلوم دئیه‌نی.

سندن قئیریسینه یالوارسام اگر،

گل دؤی آغاجینلا، درس آلیم مگر.

بئله گؤزللیکده دامغام وار ایکن،

گؤر نه‌لر گتیردیم اؤز باشیما من؟!

دوْلدوردون ایلیکله سۇمویومو سن،

آنجاق بیر فرلی ایش گلمه‌دی مندن.

چێخار توْرپاغیمدان قۆرره یئلینی،

اؤز پاک اۆنسورونه قوْووشدور منی.

پارلاق گۆندوزلر تک ایشیقلات منی،

رد ائت وۆجودومدان ظۆلمت گئجه‌نی.

هر واخت دۆشوندوکجه اوْ بؤیوک آدی

فیکیر قارتالیمین سێنیر قانادی.

منی آختارماغین آنجاق خیالدیر،

حالیمی سوْرماغین امری-ماهالدیر.

نئیلر یارانمیشی ابدی مؤوجود؟!

ادمی-هئچلیگی نئیلر اوْ وۆجود؟!

چوْخداندیر قاچمیشام دۆکاندان چؤله،

اۆزومون سۇیونو وئرمیشم یئله.

من بۇ یوْخسوللوقدان خجالتده‌یم،

قاچاق دۆشدویومدن ندامتده‌یم.

اۆرگیم سێخیلیر عمللریمدن،

قمدن اؤلمه‌ییرم داشام، نَیم من؟

قازانج آرزوسویلا چێخدیم صفره،

بختیم گتیرمه‌دی دۆشدوم ضرره.

بدنیم الیندن زارا گلدی جان،

اؤزومدن دیَمیشدیر منه بۇ زیان.

باغریم قانا دؤندو بۇ قمدن، ائیواه،

نئجه ده برک ایمیش منیم جانیم، آه!

الیمله قارالدی بیر نئجه واراق!

وای منیم حالیما، طالعییمه باخ!

من کیمی بیر یوْخسول نئیله‌یه بیلر

کی، اوْنو حسابا آلا بیر نفر؟

قۇیویا دۆشه‌رم، تۇتماسان چێراق،

کؤمک اوْل، یوْلوندان دۆشمه‌ییم ایراق.

سنین کره‌میندیر کؤمگیم، آرخام،

واریم گؤز یاشیدیر هئی سحر-آخشام.

سندن گۆناهیمچون عۆذر ایسته‌ییرم.

بۇنو اؤزون دئدین “ایست”، – دئییرم.

احتیاج الیمی قالدیریب گؤیه،

گلمیشم قاپینا “ایمداد ائت” – دئیه،

بلکه مرحمتین تۇتا الیمدن،

یوْخسا قم الینده مهو اوْلارام من.

دوْلاشیق عۆذرلر نئیله‌یه بیلر؟!

منه عملیمدن دَ‌ییر بۇ ضرر!

هر نه بۇیوردونسا باجارمادیم من،

ایندی کی گؤستردین، ائده‌رم حؤکمن.

افو ائتسن، یئریدیر، کیم نه سؤیله‌یر؟!

لاییقم اوْدلارا یاخسان دا اگر.

بیزه قمخار اوْل کی، قمینله شادیق،

الینی چکمه کی، قئیرییه یادیق.

اگر یوْلوموزا تۇتسان بیر چێراق،

بۇ ظۆلمت گئجه‌دن اوْلاریق اۇزاق.

نَییمیز واردیر کی، سن وئرن دئییل؟!

دئ، کیم نه قۇرموش کی، سن قۇرآن دئییل؟!

لۆطف ایله چاره ائت دردلریمیزه،

گل اؤز خزینندن بخشیش وئر بیزه.

آچاراق الیمی، اته‌ییمی من،

قاپینا گلیرم، قوْوما هئچ نه‌دن.

آیاغیم گئتمیرسه، من نئجه گئدیم؟!

بۆساتدا بیر شئییم یوْخسا نه ائدیم؟!

بیلیرم، یاخشی-پیس چوْخ ایشلریم وار،

اؤزوم ائیله‌میشم، نئیله‌مک اوْلار؟!

قلم چک ائتدیگیم گۆناهین اۆستدن،

من یوْلو آزمیشی یوْلا گتیر سن.

اگر بۇ بنده‌یه ائیله‌سن کؤمک،

اوْنا ابدیت وئرمیسن، دئمک.

خوْش ائتسین کؤنلومو اوْ حۆسن، اوْ جامال،

اؤز گردنبندینی گل بوْینوما سال.

سنین الینده‌دیر ایشیم، چاغیر بیر،

قاپیندا توْرپاغا دؤنسم، یئریدیر.

رۇحومو وفایا بند ائله مؤحکم،

کؤنلومو سیدق ایله هم ائیله همدم.

واخت کئچیر قدهی دوْلدور وئر گؤرک،

بۇ گئجه گئتمیرم من کنده، گئرچک.

آرخانجا اوْ قدر قاچاجاغام من،

کلف دۆیونونو آچاجاغام من.

بۇ دؤوران الیندن اوْلموشام بیزار،

منی سن گؤندردین، اؤزون ده قایتار.

سن یاخشی بیلیرسن، ائی پروردیگار،

باشیمدان بئینیمی چێخارمیشدیلار.

محبت، سرخوْشلوق، دیوانه اوْلماق،

منی یوْخسول ائتدی، دیوان تۇتاراق.

سنه سنین اۆچون ال آچیرام من.

سن اوْلسان، وار، دئمک، هر نه ایسته‌سن.

بیر ده یاخشیلارین خاطیری اۆچون،

منی خاسلاریندان حساب ائت اؤزون.

تاماهین کؤکونو جانیمدان چێخار،

احتیاج الینده منی ائتمه خار.

حۆضور شرابیندان دوْیونجا ایچیرت،

بۇ سؤز مئیدانیندا منی قالیب ائت.

تووحید

تووحید

“دئ کی، او، اللهدیر” اونون سؤزودور،

آلقیشا، سنایا لاییق اؤزودور.

او، تکدیر، قئیریسی تک اولا بیلمز،

همیشه مؤوجوددور، دوغماز-تؤره‌مز.

آدی حاق اهلینه گون تک ایاندیر،

ابدی یاشایان، قادیر اولاندیر.

آدی باشلانغیجدیر عهده، ایناما،

قورآن دا آدییلا یئتدی تاماما.

اونون خاریجینده یوخدور بیر مکان،

اونون صیفتیندن یوخدور بیر نیشان.

ووجودو جؤوهردن، عرضدن اوزاق،

وارلیغی سههتدن، مرزدن اوزاق.

تایی اولمامیشدیر مؤوجود اولالی،

او، مؤوجود اولدوقجا دیَیشمز حالی.

قودرتی آغ سودان، قارا تورپاقدان

آی، گونش یاراتدی، نورلاندی جاهان.

خیلقتین مغزیدیر، قالان پرده‌دیر،

دونیادا نه وارسا، اودور بیرببیر.

وارلیغی ایدراکین فؤوقونده دورور،

ذاتینا ایریشمز بو عاجیز شعور.

کیم اونون ذاتینا ال آتسا اگر،

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم