ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

آتیبان توتدوم سنی,

آتیبان توتدوم سنی,

عجب اوووتدوم سنی.

عومر اوزدوم, جفا چکدیم,

شوکور, بؤیوتدوم سنی.

******

قیزیل گولون چاناغی,

آستانالار تورپاغی.

کیم بالامی ایسته‌مز,

گؤزونه بیبر یارپاغی.

******

بالامین ال یایلیغی,

اورتاسی زر یایلیغی.

هره بیر کره دئسین

بالاما جان ساغلیغی.

******

گؤیده اولدوز ناشیدی,

کیم بالامین یاشیدی.

قیز گؤزومون قاراسی,

اوغلان اورک باشیدی.

******

آتیم, توتوم بو بالانی,

شکره قاتیم بو بالانی.

آتاسی ائوه گلنده

قاباغا توتوم بو بالانی.

******

آتین, توتوم بو بالانی,

شکره قاتین بو بالانی.

شکردن آجی اولسا,

گؤتورون, آتین بو بالانی.

******

Latıncə

آتا بابا سؤزلری

***

بیری مینه باغلیدیر، مینی ده بیره.

***

بیری اود اولاندا بیری سو اولسون گرک.

***

بیری اؤلمسه، بیری دیریلمز.

***

بیری پالچیغا باتیب، بیری ده یانیندا یاتیب.

***

بیری واردی گئجه‌دن، بیری ده دوشدو باجادان.

***

بیری یئیر، بیری باخار - قییامت اوندا قوپار.

***

بیرین گؤر - فیکیر ائله، بیرین گؤر - شوکور ائله.

***

بیرین یاندیریب، بیرین قاندیرما.

***

بیریندن سوروشدولار: قاتیر نییه سسین چیخارتمیر؟

دئدی: آتاسین یادینا سالماق ایستمیر!

***

بیرینی ائوه قویان یوخ ایدی،

سوروشدو: چوخامی هاردان آسیم؟

***

بیرلیک هارادا، دیریلیک اورادا.

***

بیرلیک اولمایان یئرده دیریلیک اولماز.

***

بیره‌نین قانین آلدین - جانین آلدین.

***

بیسمیللاه دئمکله دونوز بوستاندان چیخماز.

***

بیشینجن گؤزله‌ین دوشونجن ده گؤزله‌یر.

***

بیته آجیق ائله‌ییب کؤینیی یاندیرمازلار.

***

بیتلی الین قوینونا آپاردی، آج گومانا دوشدو.

***

بیتمیش ایشدن گول اییسی گلر.

***

بییارا گئت، بئکار قالما.

***

بیز گلدیک گلینی گؤرمه‌یه،

گلین ده گئدیب تزک درمه‌یه.

***

بیز یالواردیق دازا، داز دا اؤزون قویدو نازا.

***

بیزه چاتدی، دَ‌ییرمان یاتدی.

***

Latıncə

آنان تئل دوزر سنه,

آنان تئل دوزر سنه,

باجین گول بزر سنه.

تانریدان عهدیم بودور,

دیَمه‌سین نظر سنه.

******

لای-لای چالدیم همیشه,

کاروان ائنر ائنیشه.

یاستیغیندا گول بیتسین,

دؤشه‌یینده بنؤوشه.

******

بویا-بوخونا دول, گز,

بوینوما دولا قول, گز.

جاوانلار جرگه‌سینده

سن ده بیر ایگید اول, گز.

******

یاخامدان آل ممه‌نی,

توتماسین قال ممه‌نی.

آغلاما, عزیز بالام,

آغزینا سال ممه‌نی.

******

ائلمی سورمه منی,

چک گؤزه سورمه, منی.

اوشاق یاتمیر, آغلاییر,

آغزینا سور ممه‌نی.

******

نازلاسین دیلیم سنی,

بؤیوتسون ائلیم سنی.

میداندا آت اوینادان

بیر ایگید بیلیم سنی.

******

Latıncə

موللا, هارای

موللا, هارای
اوشاق‌لار حالای گلمک یولو ایله موللا‌لار (باشچی‌لار) آرا‌سیندا ایکی دستیه
آیریلیر‌لار. موللا‌لار‌دان بیری‌نین گؤزونو یومور‌لار. گؤزو آچیق موللانین
دستسینده اولان‌لار قاچیب گیزلنیر‌لر. گؤزویومولو موللانین اوشاق‌لاری متده
اوتورور‌لار. او, گؤزونو آچیر, گیزلنن اوشاق‌لاری موللاسی ایله اوشاق‌لاری آختارماغا
باشلاییر. هر یئر‌دن کئچدیکده گیزلنن اوشاق‌لارین موللاسی برک‌دن
خبردارلیق ائدیر. مثلا, “بولاغین یانین‌دان کئچدیک”, “درنی او
تایا آدلادیق”, “لی‌نین ائوی‌نین یانینداییق” و ای.آ. بو خبردارلیق‌دان
مقصد گیزلنن اوشاق‌لارین مؤحکم گیزلنمه‌سی, گؤزه گؤرونممسی‌دیر.
اگر آختاران موللا گیزلنن اوشاق‌لار‌دان بیرینی گؤرسه اویونو ئودموش
اولور. گیزلنن اوشاق‌لار اونون گؤزونه گؤرونمه‌دن قاچیب متیه گلسه‌لر,
اونلاری آختاران موللانین اوشاق‌لاری آغیز-آغیزا وئریب برک‌دن “موللا,
هارای, موللا, هارای!” - دئیه قیشقیریشیر‌لار. آختاران موللا اونلارین متیه
گیرمسینی گؤرمسه, گیزلنن طرفی ئودور.

 

مره

مره
اوشاق‌لار حالای گلمک شرطی ایله ایکی دستیه آیریلیر‌لار. اویون ایشتیراکچی‌لاری
اوزلرینه گیز‌لی آد قویوب, ایکی-ایکی گلیب موللا‌لارین (باشچی‌لارین)
قارشی‌سیندا دورور‌لار:
- حالای, حالای!
موللا‌لار دئیر‌لر:
- حالدیخ, قیلدیخ.
اوشاق‌لار‌دان بیری دئیر:
- کیمه چای‌لار قورو‌دان, کیمه داغ‌لار داغی‌دان.
موللا‌لار‌دان بیری جاواب وئرر:
- منه داغ‌لار داغی‌دان.
اوزونه شرطی اولاراق “داغ‌لار داغی‌دان” آدی قویان اوشاق بیر موللایا,
“چای‌لار قورو‌دان” دا او بیریسینه دوشور.
بو مینواللا اوشاق‌لار ایکی یئره آیریلیر‌لار. ئوزاقدا بیر داش نیشان قویور‌لار.
هر دسته‌دن بیری قاچیر. کیم تئز گئدیب الینی داشا وورار و موللاسینین
یانینا تئز قاییدارسا, قلبه چالار. کیم گئری قالسا, باشی قاپازلانیب
سیرا‌دان چیخاری‌لار.

 

بایاتیلار

اوتورموشام داش اوسته,
پاپاق دورار قاش اوسته.
سن دوشمنی نیشان وئر,
ناللاماغی باش اوسته.
  ****** 
گئدر‌سن اوزو قویماز,
دینر‌سن سؤزو قویماز,
کاسیب وار-یوخون وئرسه,
آغانین گؤزو دویماز.
  ****** 
اززینم کاساد اولماز,
مرد علی کاساد اولماز.
یوز نامردین چؤریین,
دوغراسان, کاسا دولماز.
  ****** 
بو سازی آلان گلمز,
اوخویوب-چالان گلمز.
ایگیدی اولدوره‌لر,
دیلینه یالان گلمز.
  ****** 
آختاردین یول بئلهدی,
سور آتین, یول بئلهدی.
دوست‌لار ایلقار‌لی اولسا,
نه گرک یول بلدی.
  ****** 
دؤورانین گشتی گئتدی,
اوخ تکی کئچدی گئتدی.
مرد‌لر بیر بولاق قازدی,
نامرد‌لر ایچدی گئتدی.
 

بایاتی لار( آرخا کومک)

بو یوردون تاجی باغ‌لار,
مئیوه‌سی آجی باغ‌لار.
آغریسا قارداش باشی,
یئنه ده باجی باغ‌لار.
  ****** 
داغ باشیندا قار اولار,
باغچا‌لاردا بار اولار
قاینانا پیس اولاندا
درده قالان یار اولار.
  ****** 
آیا بئله باخار‌لار,
گونه بئله باخار‌لار.
آرخاسی اولمایانین
ائوین بئله ییخار‌لار.
  ****** 
درد الین‌دن داغ یانار,
باغچا یانار, باغ یانار.
قارداش گیرسه قاپیم‌دان,
ائویمده چیراق یانار.
  ****** 
گمیم گلر یان گئدر,
ایچینده بیر جان گئدر.
قارداش گلن یول‌لارا
باجی‌لار قوربان گئدر.
  ****** 
سنه تئل‌لی دئییر‌لر,
علی بئل‌لی دئییر‌لر.
بورا بیر ایگید گلیب,
بیزیم ائللی دئییر‌لر.
  ******  
 

بایاتی لار( آرخا کومک)

قیزین باختی آغ اولسون,
قوهوم‌لاری ساغ اولسون.
قیزین گئتدییی یول‌لار
یانسین, چیلچیراق اولسون.
  ****** 
عزیزییم دادی وار,
یارین شیرین دادی وار.
یوز ایگید سیرا‌سیندا
قارداشیمین آدی وار.
  ****** 
داغ دؤشونده دامیم وار,
باغیمدا بادامیم وار.
گل قاپی‌دان گیر, قارداش,
دئسین‌لر آدامیم وار.
  ****** 
قوربان سنه گؤزوم, یار,
واردی سنه سؤزوم, یار.
بور‌دان بیر قونشو کئچدی,
سرکرده‌سی بیزیم یار.
  ****** 
عزیزیم قارا باغ‌لار,
آل اوستن قارا باغ‌لار.
یارامی یار باغلاسین,
یار یاخشی یارا باغ‌لار.
  ****** 

 

لاتین الیفباسی

بایاتیلار

جئیران, چؤله دولان گل,
سونام, گؤله دولان گل.
یاد اولکده دؤزمه‌سن,
بیزیم ائله دولان گل.
  ****** 
قارداش گل, آی قارداش, گل,
قار‌لی داغ‌لاری آش, گل.
قوربت ائلدیر, کیمسم یوخ,
تؤکور گؤزوم قان-یاش, گل!
  ****** 
آغری‌دیر یارا منی,
طبیب یوخ یارا منی.
بوردا بیر کیم‌سنم یوخ,
یئتیرین یارا منی.
  ****** 
توتمادی داغ‌لار منی,
بولبوللو باغ‌لار منی.
قریبم, بیر کسیم یوخ,
تکجه یار آغلار منی.
  ****** 
بو یئر‌لر تالا یئری,
بورج یئری, قالا یئری.
قییامت او گون قوپار,
ائل کؤچه, قالا یئری.
  ****** 
عاشق, قارا یاخشیدی,
گئی‌سن قارا یاخشیدی.
قوربتده دولانماق‌دان,
گئت‌سن گورا, یاخشیدی. 

 

بایاتیلار

عزیزیم کتان یاخشی,
گئیمیه کتان یاخشی.
قوربت یئر جننت اولسا,
یئنه ده وطن یاخشی.
  ****** 
بو یول‌دان اوتن یاخشی,
گئیمیه کتان یاخشی.
گزمیه قوربت اولکه,
اولمیه وطن یاخشی.
  ****** 
سو گلر آرخا, هارای!
تؤکولمز چارخا, هارای!
ایگید قوربته دوشسه,
چاغیرار آرخا, هارای!
  ****** 
دردیم ائله جار هارای!
قارا گونوم وار, هارای!
یاد اوبا, قریب اولکه,
کؤنول ایستر یار, هارای!
  ****** 
سوراغین قارغا‌دان آل,
هاییفین دارغا‌دان آل.
قوربتده یار خبرین
بیر آتی یورغا‌دان آل.
  ****** 
بئله دیمی قوربت ائل,
ایگید اوغول, قوربت ائل.
آدامی تئز قوجال‌دیر
قریب اولکه, قوربت ائل.

لاتین الیفباسینان

بایاتیلار

ککلیییم, فرم سنسیز,
دوشوبدور پرن سنسیز.
یاد ائلده, یاد اولکده,
اینان, گولمرم سنسیز.
  ****** 
بو ائلین آدی ندی?
دوستو نه, یادی ندی?
قوربت ائلده بیلمه‌دیم,
آغزیمین دادی ندی?
  ****** 
پاییز قیش‌دان عزلدی,
یارپاق تؤکن خزلدی.
وطن ویران دا اولسا,
او, جننت‌دن گؤزلدی.
  ****** 
آرازا گمی گلدی,
من دئدیم, هامی گلدی.
سن آغلا, آی گؤز‌لریم,
آیریلیق دمی گلدی.
  ****** 
گمی گلدی, یان گلدی,
ایچینده بیر جان گلدی.
وطن حسرتی چکدیم,
گؤز‌لریمه قان گلدی.
  ****** 
قوی گئدیم یوردا منی,
تاپشیرما قوردا منی,
گؤزو یولدا قالان وار,
اولدورمه بوردا منی.
  
 

لاتین الیفباسینان

بایاتیلار

آلماز اوزوک, دار بارماق,
مورادیم سنی آلماق.
هر ایگید کاری دئییل
یار‌دان یادیگار آلماق.
  ****** 
قارشیدا داغی موشتاق,
سینمده داغیمیش, داغ.
بیزه موشتاق اولانا
بیز اوندان داغی موشتاق.
  ****** 
عزیزیم دردی منده,
درمانین دردی منده.
نامرد آغاسی اولمام,
قول اوللام دردیمنده.
  ****** 
گؤرونور گؤزه تکله,
بو درده دؤزه تکله.
نامردین رحمی اولماز,
یوز یالوار, یوز اتکله.
  ****** 
اززییم او لنگینه,
ایگیدین او لنگینه,
خاین دوست, قاری دوشمن,
گؤز دیکر اولن گونه.
  
 

لاتین الیفباسینان

یئنه یا رب, نه قمکین‌دیر منیم بو شاد اولان کؤنلوم,

یئنه یا رب, نه قمکین‌دیر منیم بو شاد اولان کؤنلوم,
روموزی-عشق‌دن آگاه اولوب, ئوستاد اولان کؤنلوم.
گؤروبدور یاری اغیاره اولوبدور محوی-نززاره,
ائدیب‌دیر سینسین پاره, منیم آباد اولان کؤنلوم.
نییه پئیمانی‌دن کئچدین, نییه ذنجیر‌دن قاچدین?
ندن‌دیر چؤل‌لره دوشدون, منیم برباد اولان کؤنلوم?
فراقین روزی-محشر‌دیر, سراسر مئحنتو قم‌دیر,
او زولفون کییمی درحم‌دیر, منیم آزاد اولان کؤنلوم.
باخین بو ناتوان زاره, گونو بختیم کیمی قاره,
گزر مجنون تک آواره منیم ناشاد اولان کؤنلوم.


 

لاتین الیفباسینان

ییخیب بو کؤنلوم ائوین, ائیلییب ویران, گئتمه,

ییخیب بو کؤنلوم ائوین, ائیلییب ویران, گئتمه,
یوخومدو تابو-توان فیرقته, جاوان, گئتمه!
فدا اولوم سنه من, سن‌دن آیریلا بیلمم,
یقین فراقین ائدر قددیمی کامان, گئتمه.
سنینله روشن ایدی قلبیم, ائی گؤزوم نوری, .
گومان کی, تنگ اولا جانیمه بو جاحان, گئتمه!
بویون بلاسین آلیم, سرو تک ییخیلما, اوغول,
دویونجا گؤرممیشم, گئتمه, بیر زامان, گئتمه!
چیخایدی کاش گؤزوم, گؤرمییدی هیجرانین
اولونجه بیل ائدرم نالوو فغان, گئتمه!
صباحه دک اوتوروب چکمیشم جفا‌لارینی,
بویوم برابری‌سن ایندی الامان, گئتمه!
یقین ال چکجک دوستو آشینا‌لر‌دن,
دیوانه تک دوشجک چؤل‌لره آنان, گئتمه!
سنینله کیم آچیلیب قلبیمین شوکوفه‌لری
موروووت ائیله, عزیزیم, ائدوب خزان, گئتمه!
ترححوم ائیله منه, دردو مؤحنتیم چوخدور,
قویوب بو هیجر بلا ایچره ناتوان, گئتمه!
دی یومما گؤز‌لرینی, قوی گؤروم دویونجا باری,
گؤزومده جاری ائدیب اشک هم روان, گئتمه.


 

لاتین الیفباسینان

ائیلر

ائیلر
(جیغا‌لی گرای‌لی)

محببت سارایی ئوچسا,
قلب آلیشار, دیل وای ائیلر.
کؤنول پروازلانیب ئوچسا,
گزر یارینی,
وفادارینی,
اوز دیلدارینی,
تاپامماسا, دیل وای ائیلر.

آشیق یارینی گؤرمسه,
سییاه ساچ‌لارین هؤرمسه,
آچیلان گولون درمسه,
گول تؤکو‌لر,
اغیار گولر,
بئل بوکو‌لر,
جیغا آغلار, تئل وای ائیلر.

اووچو ایتیرسه مارا‌لی,
کسی‌لر صبری-قراری.
داغ‌دان-داش‌دان خبر آلی,
اوریی یانار,
یارینی آنار,
درد‌لی قانار,
چمن سیز‌لار, چؤل وای ائیلر,

محببتین تامی بالسا,
آشیغین آغرینی آلسا,
یار یارینا حسرت قالسا,
ساز دا آغلار,
سؤز ده آغلار,
گؤز ده آغلار,
گؤز‌دن آخان سئل وای ائیلر.

هیجران یاشی درین گلسه,
محببتی ایکی بؤلسه.
جاوان حسین ناکام اولسه,
چای‌لار چاغ‌لار,
دوست سوراق‌لار,
یاری آغلار,
حیف, دئییب ائل وای ائیلر.

دئ, داغلارین بو چاغیندان

آشیق, گؤتور تئل‌لی سازی,
دئ, داغ‌لارین بو چاغین‌دان,
ائشیدیلسین خوش آوازین
خاچبولاغین یایلاغین‌دان.

باخ, قارتال‌لی قایا‌لارا.
بزک‌دیر ئولو داغ‌لارا,
گؤز وورور‌لار بولود‌لارا
یوردومون هر بوجاغین‌دان.

طبیعتین بودور هالی,
گونئی‌لره سریب خالی,
بوز تپه‌لر اورتوب شالی,
دویماق اولمور نؤوراغین‌دان.

کمرقایا, ائیناللیدوز,
دوروبدور سننن اوزبوز,
سیزیلداشان ذنبورو سوز,
بال سوزولور "جایناغین‌دان".

یاخلیچوخور, گیل‌لی بولاق,
کپزه چیخ, گؤی گؤله باخ,
گزمیینن اولماز دویماق,
آذربایجان تورپاغین‌دان.

سارییال‌دان گل قوشقارا,
حؤرمت ائیلر سنتکارا.
گؤزله, دوشمه بوران-قارا,
چیخ داغ‌لارین سیناغین‌دان.

جاوان حسین, آوازین خوش,
ذیل‌دن اوخو, اورک‌دن جوش,
شئ`ر ده یاز, نغمه ده قوش,
دورر سوزولسون دوداغین‌دان.

 

لاتین الیفباسینان

 
  • یارپاقلارین سایی :4
  • 1  
  • 2  
  • 3  
  • 4  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Mobile Traffic | سایت سوالات