ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

نه دیر؟

نه دیر؟

اوّل سلام اولسون، شیکسته قارداش!

اوخو، بو کاغازین چاراسی نه دیر؟

طبیبیمسن دوا ائله دردیمه،

آچ گؤر اورگیمین یاراسی نه دیر؟

گئجه‌لر صوبحه‌دک آسیللام داردان،

کؤنول ال گؤتورمز بو آهو-زاردان،

اؤللم، آیریلمارام وفالی یاردان،

آختار، گؤر ایشلرین چاراسی نه دیر؟

بیر توتی دیللیدیر، قامتی دوزگون،

یاناغی لاله‌دیر، باخیشی سوزگون،

فیکیرلش، چاره قیل بو ایشه گیزلین،

افقانین دردی‌نین داواسی نه دیر؟

سئلله‌نی

سئلله‌نی

گئجه-گوندوز، واختی-بیواخت آغلارام.

چشمیم یاشی جئیهون اولو، سئلله‌نی.

یاز مؤوسومو بولبول دیل-دیل اؤتنده،

باغ-باغچالار نرگیزله‌نی، گولله‌نی.

قاییتماق ایسته‌مز گؤزوم گؤزلدن،

قایغیمی آرتیرار دردیم تزلدن،

ائللرده قایدادی روی-ازلدن،

گؤزللرین شاماماسی الله‌نی.

مرد اودو کی، ایشین توتا مردیلن،

ار ایسته‌سن، کئچ نامرددن، ار دیلن،

رمز آنلایان، سؤز دوشونن، درد بیلن،

عالملرده شؤهرتله‌نی، بلله‌نی.

کؤنلوم طلب ائدیب، آختارا یارین،

خالق ایچره هیفز ائلر ناموسون، آرین،

یار یارینا گونده اولسا مقارون،

کؤنولو شن اولو، روحو تئلله‌نی.

قوربانییم، درد چکمیشم ناهانلار.

خیالیم سئومکدی سن تک جانانلار،

یاناشسا اوزونه موشتاق دهانلار،

نفس دیَر، جیغالاری یئلله‌نی.

پیغمبرین مئراجی

پیغمبرین مئراجی
آشیق‌لار قؤولیله, عاریفو عاقیل,
دؤرد دفعه پیغمبر مئراجا گئتدی.
اوتوز آلتییلا جمع اولوبدو اون یئددی,
خسته دیلیم بو یول‌لارا بلددی.
شیعه مذهبینده سولودین بئشدی,
اوچ موقررر ملک بیلمه‌دی, کئچدی.
فرمانی-قودرت‌دن نیدا یئتیشدی:
– حبیبیم, نلئی‌نین عرشه زینتدی.
هر یان‌دان سس گلدی: “یا محمّدا!”
مسجیدی-اقسایا یئتیشدی  صدا.
موسا عرض ائیلدی: “ ائی باری خودا,
نه قورغو منزیلت, نه فضیلتدی?!”
حاق‌دان پیغمبره یئتیشدی سلام,
گلدی شیرو بیرینج, قویولدو تاام,
اوز توتدو درگاها هییی-لاینام*:
– یالقیز طعام یئمک بیزه اذیتدی.
پردئیی-حجاب‌دان بیر دست گلدی,
طعامی یئدی‌لر, آلمانی بؤلدو.

نوتفه‌سی, خیلقتی, ذاتی گؤزلدی,
اینان, بو سؤز‌لریم, بیل, حقیقتدی.
نوری-ایرحمت‌دن آلدی دستماز,
ایکی رکت ادا ائیلدی ناماز.
اوز توتدو درگاها ایزد ایله نییاز:
– خودایا, تاواققام سن‌دن اوممتدی.
حبیبولله میندی ایرفرف آتین,
خالیقی-لمیزل وئردی باراتین,
بیزه وعجیب اولان سؤومو سالاتین,
اوچ حیسه سین قویدو, بیریسین گتدی.
اشرفی-مخلوقات, عالم سروری
اوخودو تشححود, قاییتدی گئری.
هوری, قیلمان, ملک, نئچه مین پری...
امر ائیلدی حاق, گؤی‌لری بزتدی.
باغیشلاندی اوممت‌لرین گوناهی,
شادو خرم اولدو ایسلام پناهی.
گلدی بیر آرسلان, توتدو ایراحی,
مصطفی گؤرنده, خاتمین آتدی.
یئتیشدی هوجریه عزیزو ازیم,
شاهی-مر‌دان دئدی: “مئراجین قدیم!”
گؤستردی آلمانی, ائتدی تبسسوم,
بویوردو: “حر ایشین سیرری-قودرتدی”.
شاعرین سینه‌سی حاق بازاریدی,
ساتدیغی کلمه‌لر لعل-میرواریدی.
عالیمین علمییله هئلمی یاریدی,
هجوو حدیان دئمک ناحاق صحبتدی.
یازیق علعسگرم, آزدی کمالیم,
وعجیبدی کی, بیر ئوستاد‌دان درس آلیم,
درس آلدیم, اویرندیم, اولدو اوز مالیم,
بیز‌دن ده ئوستادا نفی-رحمتدی.
*هییی-لاینام (هییی-لایمون) - همیشه اویاق, یاتمایان

 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Mobile Traffic | سایت سوالات