تبلیغات
ایران آذربایجانی تورکجه سینین ادبیات اوتاغی - مطالب ابر شیروانی ادیللی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

منیم اودلار دیاریم

منیم اودلار دیاریم

بو ائلین هر داشی‌نین، تورپاغی‌نین تورکلویو وار،

هر آغاج، هر کولونون، یارپاغی‌نین تورکلویو وار،

سویونون، صحراسی‌نین، یایلاغی‌نین تورکلویو وار،

ائنمز، اوچ‌رنگلی، بؤیوک بایراغی‌نین تورکلویو وار،

تورکلویوم، بیر اوجا میللیتیم - اودلار دیاریم،

قوروروم، وارلیغیم، حئیثیتیم - اودلار دیاریم!

اولو تاریخ، اولو کنگر، آلاتئی، قوتدو بو ائل،

مرد کیاغسار، قوجا زردوشت، دده‌‌ قورقوددو بو ائل،

اودونون نورو ایله حاق یولونو توتدو بو ائل،

قودرتییله اوجالیب دوشمنی قورخوتدو بو ائل،

آدی تاریخده قدیمدن قدیم اودلار دیاریم،

قوروروم، وارلیغیم، حئیثیتیم - اودلار دیاریم!

کؤکسو اوستونده ده باخما، نئچه سرحد دایانار،

یئنه گئرچکده، اورکلرده بوتؤودور بو دییار،

لعنته گلمیش او سرحدلری قیرماقدی قرار،

خالقیمین قیرماغا گوج-قوووتی ده، حاقی دا وار،

بودور اوغرونداکی سون نیتیم، اودلار دیاریم،

قوروروم، وارلیغیم، حئیثیتیم - اودلار دیاریم!

مای، 2005.

عزیز وطن

عزیز وطن

عزیز وطن،

بو اورگیم، جانیم کیمی،

داماریمدا قانیم کیمی

وارلیغیما باغلیسان سن!

عزیز وطن،

هر آن نئجه قرار توتار

روح بدنده،

قرار توتدوق بیز ده سنده!

آزادلیغین بیزیم اوچون

بیر سعادت،

اسیرلیگین بیزه ذلت،

یاد اللرده قالان ائللر

قلبیمیزده درین یارا،

جان وئرریک، قان تؤکریک،

چیخاق خوشبخت صاباحلارا!

عزیز وطن،

سنه اولان محبتیم

حیاتیما معنا وئرن

حیسس اولوبدور،

او اولوی حیسس بو دونیادا

منله بیرگه دوغولوبدور،

منله بیرگه اؤله‌جکدیر،

کؤنلوم وطن سئوگیسییله

آغلایاجاق، گوله‌جکدیر!

بوتؤو وطن،

سن میللتین ان بؤیوک بیر دیلییسن،

هاوا-سو تک گرگیسن،

بوتؤولویون میللت اوچون شرف-شاندیر،

اصل عومور سورن اینسان

بو آماللا یاشایاندیر!

عزیز وطن، عزیز وطن،

قلبیمیزده بوتؤوسن سن،

اوردا “آراز” آدیندا بیر

سرحد ده یوخ،

آیریلیق یوخ، حسرت ده یوخ،

بیردیر گنجه، تبریز، زنجان،

کرکوک، باکی، قزوین، تهران!

قدیم، اولو اکباتانیم،

ایلک وطنیم، ایلک مکانیم،

بیر ائلی ده گرک آنیم،

دوغما، عزیز خوراسانیم،

اؤز اونوانیم،

گوندوغانیم!

یوردومون بوتون ائللری،

خویو، دربندی، کنگری

بیر اولوبدور، بیر اولاجاق،

بوتؤو وطن تورپاغیندا

بیر گون بوتؤو دؤولتیم ده

قورولاجاق!

18.05.2009.

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم