ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

آتالار سؤزو

بیری مینه باغلیدیر، مینی ده بیره.

***

بیری اود اولاندا بیری سو اولسون گرک.

***

بیری اؤلمسه، بیری دیریلمز.

***

بیری پالچیغا باتیب، بیری ده یانیندا یاتیب.

***

بیری واردی گئجه‌دن، بیری ده دوشدو باجادان.

***

بیری یئیر، بیری باخار - قیامت اوندا قوپار.

***

بیرین گؤر - فیکیر ائله، بیرین گؤر - شوکور ائله.

***

بیرین یاندیریب، بیرین قاندیرما.

***

بیریندن سوروشدولار: قاتیر نییه سسین چیخارتمیر؟

دئدی: آتاسین یادینا سالماق ایستمیر!

***

بیرینی ائوه قویان یوخ ایدی،

سوروشدو: چوخامی هاردان آسیم؟

***

بیرلیک هارادا، دیریلیک اورادا.

***

بیرلیک اولمایان یئرده دیریلیک اولماز.

***

بیره‌نین قانین آلدین - جانین آلدین.

***

بیسم الله دئمکله دونوز بوستاندان چیخماز.

***

بیشینجن گؤزله‌ین دوشونجن ده گؤزله‌یر.

***

بیته آجیق ائله‌ییب کؤینیی یاندیرمازلار.

***

بیتلی الین قوینونا آپاردی، آج گومانا دوشدو.

***

بیتمیش ایشدن گول اییسی گلر.

***

بی‌یارا گئت، بئکار قالما.

***

بیز گلدیک گلینی گؤرمه‌یه،

گلین ده گئدیب تزک درمه‌یه.

***

بیز یالواردیق دازا، داز دا اؤزون قویدو نازا.

***

بیزه چاتدی، دَ‌ییرمان یاتدی.

latincə

بایاتیلار

من عاشق آه ۆ زاردا،

جانیم دردده، آزاردا.

اوْ گۆندن کی قۇل اوْلدوم،

ساتیرلار هر بازاردا.

******

من عاشق بۇ داماخدا،

قم منی بۇداماقدا.

هئچ بیر کافیر گؤرمه‌سین

لئیلیسین بۇ دم آهدا.

******

یاخشی یوْل یاخشی قێزا،

بۇردان کئچن نرگیزه.

بۇ بختور قێزلاری

کؤچورمک دۆشمور بیزه.

******

عزیزیم آیرانسیزا،

آیران وئر آیرانسیزا.

ظۆلم ائوی آباد اوْلماز،

قالماز بۇ دؤوران سیزه.

******

اززییم گؤزل مایا،

دؤنوبدو گؤز آلمایا.

عصره‌میش نر اؤلدوردون،

قانلیسان، گؤزل مایا!

******

عزیزیم آغ چۇخایا،

چال کیشی، آغ چۇخایا.

منیم یاریم جاواندی،

وئردیلر آغ چۇخایا.

نه دیر؟

نه دیر؟

اوّل سلام اولسون، شیکسته قارداش!

اوخو، بو کاغازین چاراسی نه دیر؟

طبیبیمسن دوا ائله دردیمه،

آچ گؤر اورگیمین یاراسی نه دیر؟

گئجه‌لر صوبحه‌دک آسیللام داردان،

کؤنول ال گؤتورمز بو آهو-زاردان،

اؤللم، آیریلمارام وفالی یاردان،

آختار، گؤر ایشلرین چاراسی نه دیر؟

بیر توتی دیللیدیر، قامتی دوزگون،

یاناغی لاله‌دیر، باخیشی سوزگون،

فیکیرلش، چاره قیل بو ایشه گیزلین،

افقانین دردی‌نین داواسی نه دیر؟

آتالار سؤزو

بیر سۇ کی منی آخیدیر، منیم اۆچون دریادیر.

***

بیر شهره گئتدین گؤردون هامی کوْر، سن ده - کوْر.

***

بیر تاباق کۆتوم اوْلسا، بیری سنه یوْخدو.

***

بیر تالادا ایکی آخساق جئیران اوْلماز.

***

بیر تپه یێخیلار، بیر دره دوْلار.

***

بیر تیکه‌نی بیلمه‌ین مین تیکه‌نی ده بیلمز.

***

بیر تیکه‌نین قێرخ ایل حاقی وار.

***

بیر تیکیله داغ آشماق اوْلار.

***

بیر توْربا دنی وار، بئش دَ‌ییرمانا اۆیوتمه‌یه گئدیر.

***

بیر اۆرکده ایکی سئوگی اوْلماز.

***

بیر وار کوْر‌اوْغلو، بیر ده وار کوْر کیشی‌نین اوْغلو.

***

بیر وئرمه، بیر ده دیلر، یاتماغا یئر ده دیلر.

***

بیر وۇران مین وۇر دئیندن یاخشیدیر.

***

بیر وۇرماقلا آغاج یێخیلماز.

***

بیر یاخشیدان اؤترو - ها گزمه‌سن یۆز ایل گز!

***

بیر یاندان باغلایان بیر یاندان آچار.

***

بیر یئرده اوْتور کی، دۇرمایاسان.

***

بیره ده هوْ دئ، مینه ده هوْ دئ!

***

بیره دیَمز، مینی بَینمز.

***

بیری آجیندان شالوارین ساتیردی،

دئدیلر: نیسیه وئررسنمی؟

***

بیری ایتمه‌یینجه بیری بیتمز.

***

بیری کؤرپو تاپمیر کئچه، بیری سۇ تاپمیر ایچه.

***

بیری منیم، بیری بنده‌نین،

بیرینی ده نازلی یارا گؤندریم.

آتا بابا سؤزلری

بیر ده گلین اوْللام، اوْتوردوغومو-دۇردوغومو بیللم.

***

بیر ده قاتیرچی‌نین قاتیرینی هۆرکوتمه.

***

بیر دفعه‌‌ آلدانمیشدا قباهت آلدادانین،

ایکی دفعه‌‌ آلدانمیشدا قباهت آلدانانین.

***

بیر دفعه‌‌ یئمکنَن قارین دوْیماز.

***

بیر دلی قۇیویا بیر داش آتدی،

اوْن عاغیللی اوْنو چێخارا بیلمه‌دی.

***

بیر دلیدن یئددی مهله‌یه ضرر دیَر.

***

بیر دردلی‌نین درمانین اوْ درده دۆشندن آل.

***

بیر دیرهم مین عیبی اؤرتر.

***

بیر دوْغرو کی یالانا اوْخشادی، اوْنو سؤیله‌مه.

***

بیر الده ایکی قارپیز تۇتماق اوْلماز.

***

بیر ات کی گیردی قازانا، اوْلدو یئمه‌لی.

***

بیر گلن بیر ده گلر، صبر ائله.

***

بیر گؤردون نامردی، بیر ده گؤرسن، نامردسن.

***

بیر گؤرن یوْلداش، ایکی گؤرن قارداش.

***

بیر گؤز ایکی گؤزون گؤردویون گؤره بیلمز.

***

بیر گۆل ایله باهار اوْلماز.

***

بیر گۆن دۇز یئدیگین یئره قێرخ گۆن سلام وئر.

***

بیر گۆنون بَیلیگی ده بَیلیکدیر.

***

بیر حالالی مین حرام سایا بیلمه‌ییبدیلر.

***

بیر هسیردی، بیر مممدنه‌سیر.

***

بیر ایگید قێرخ ایلده مئیدانا گلر.

***

بیر ایگید یوْخسول اوْلا، اوْنا ال-آیاق گۆلر.

***

بیر ایگیدین پایی ایکی ایگیدی آج قوْیار.

سئلله‌نی

سئلله‌نی

گئجه-گوندوز، واختی-بیواخت آغلارام.

چشمیم یاشی جئیهون اولو، سئلله‌نی.

یاز مؤوسومو بولبول دیل-دیل اؤتنده،

باغ-باغچالار نرگیزله‌نی، گولله‌نی.

قاییتماق ایسته‌مز گؤزوم گؤزلدن،

قایغیمی آرتیرار دردیم تزلدن،

ائللرده قایدادی روی-ازلدن،

گؤزللرین شاماماسی الله‌نی.

مرد اودو کی، ایشین توتا مردیلن،

ار ایسته‌سن، کئچ نامرددن، ار دیلن،

رمز آنلایان، سؤز دوشونن، درد بیلن،

عالملرده شؤهرتله‌نی، بلله‌نی.

کؤنلوم طلب ائدیب، آختارا یارین،

خالق ایچره هیفز ائلر ناموسون، آرین،

یار یارینا گونده اولسا مقارون،

کؤنولو شن اولو، روحو تئلله‌نی.

قوربانییم، درد چکمیشم ناهانلار.

خیالیم سئومکدی سن تک جانانلار،

یاناشسا اوزونه موشتاق دهانلار،

نفس دیَر، جیغالاری یئلله‌نی.

نازلامالار

لایلا دئییم دۆز، باری،

گل دردیمی اۆز، باری.

بالاما قۇربان اوْلسون

یۆز دۇل آرواد، یۆز قاری.

******

من اززییم، شوْنقاری،

دۆلگر یوْنار یوْنقاری.

بالاما قۇربان اوْلسون،

دوْققوز قوْجا، اوْن قاری.

******

الینده وار هاناسی،

قۇلاغیندا تاناسی.

بیر توْیونو گؤریدیم،

اوْلایدیم بَی آناسی.

******

یۇرد یوْخ تالادان ساوای،

گۆل یوْخ لالادان ساوای.

آنایا نه عزیزدیر

کؤرپه بالادان ساوای؟

******

آ لای-لای، یئنه لای-لای،

جان دئییم سنه لای-لای.

سنه گلن درد، بلا

قوْی گلسین منه، لای-لای.

******

لای-لای، آ بالام لای-لای،

آلینماز قالام، لای-لای.

سنه کج باخانلاری

یاندیرسین نالام، لای-لای.

آتا بابا سؤزلری

بیر عاغیللی باش مین باشی ساخلار.

***

بیر آلماغین بیر ده وئرمیی وار.

***

بیر آرخا کی سو گلیب، گومان وار یئنه گله.

***

بیر آتا یئددی اوغولو دولاندیردی،

یئددی اوغول بیر آتانی دولاندیرمادی.

***

بیر آیاق سن گل، ایکی آیاق من گلیم.

***

بیر بارماق بالدان اؤترو تولوغون گؤتون ییرتمازلار.

***

بیر بیلندن قورخ، بیر ده بیلمزدن.

***

بیر بوغدا اکمه‌سن، مین بوغدا بیچمزسن.

***

بیر چیلپاغی یوز جوببه‌لی سویا بیلمز.

***

بیر چیراق ایشیغینا یوز نفر اوتورار.

***

بیر چیراق کی حاقدان یانا،

یاغی نئیلر، یاغی نئیلر؟!

***

بیر چؤرک اؤزون یئ، بیرین ده الله یولوندا وئر.

***

بیر چولوم وار آتارام، هاردا گلدی یاتارام.

***

بیر چووال قیزیل بورجون اولسون،

بیر چووال بوغدا بورجون اولماسین.

***

بیر دادان پئشمان، بیر دادمایان.

***

بیر داداناندان قورخ، بیر قودوراندان.

***

بیر داغ ییخیلماسا بیر دره دولماز.

***

بیر دانا بیر ناخیری کورلار.

***

بیر داش آلتدا، بیر داش اوستده.

***

بیر داش قوپاندا داها یئرینی توتماز.

***

بیر داشلا دیوار اولماز.

***

بیر داشلا ایکی قوش وورماق اولماز.

***

آتا بابا سؤزلری

بَیلیگی باشارمادین، جانین چێخسین بئله گز.

***

بَیاز ایپک هر رنگه بوْیانار.

***

بضامیرم آغادان قوْرخورام، بضایرم خانیمدان.

***

بێغدان کسیر، ساققالا قوْیور.

***

بیلدیر گئدن بیلدیرچین، هانی سنین بیر قێلچین؟!

***

بیلدیر اؤلوب بوْز ائششک، بۇ ایل گلین آغلایاق.

***

بیلدیر یئدیم بیر اینجیر، ایندی ده قارنیم اینجیر.

***

بیلدیرچین جامالاباددان هارا گئدر؛

دنی یانیندا، سۇیو یانیندا.

***

بیلدیرچی‌نین بَیلیگی داری سوْوولاناجاندیر.

***

بیلدیگیندن دانیش، بیلمه‌دیگین سنی گۆدازا وئرر.

***

بیلن آز دئیر، بیلمه‌ین یۆز.

***

بیلنه بیر، بیلمه‌ینه مین اوْخو.

***

بیله‌نین ده باشینا دؤنوم، بیلمه‌یه‌نین ده،

داد یاریمچیق الیندن.

***

بیلنله بیلمه‌ین تای اوْلماز.

***

بیلمه‌دیگین بیلدیگیندن چوْخدو.

***

بیلمه‌مک آییب دئییل، سوْروشماماق آییبدی.

***

بیلمه‌سن، بیر بیلندن سوْر.

***

بیلسیدیم آتین اؤلدویونو،

قۇلاغی دوْلوسو دارییا ساتاردیم.

***

بیلسیدیم، دردیم ایکی اوْلمازدی.

***

بیلیی گۆجلو اوْلان بیرین یێخار، بیلیگی گۆجلو اوْلان مینین.

***

بیر آج گۆله‌ین اوْلار، بیر ده یالاواج.

***

بیر آج قۇدورغان اوْلار، بیر توْخ.

***

بیر آغاجدا گۆل ده بیتر، تیکان دا.

Latincə

ساققال ایختییاری

ساققال ایختییاری

دئییرلر کی، هره‌نین بیر عادتی اولار. موللانین دا عادتی بو ایمیش کی، چوخ

تئز-تئز ساققالینی تومارلارمیش. تئیمور لنگ اینجیتمک مقصدی ایله بیر

گون اونا دئییر:

- ساققال تومارلاماغی سنه قاداغان ائله‌ییرم. بیر ده تومارلاسان

ساققالینی قیرخدیراجاغام، الینی ده کسدیره‌جه‌یم.

موللا تئیمورا یاخشی بلد ایمیش. بیلیرمیش کی، چوخ دا اونون ایپینین

اوستونه اودون ییغماق اولماز. اودور کی، یازیق ساققالینی تومارلاماغی ترگیدیر.

بو احوالاتدان بیر مدت کئچیر. گونلرین بیرینده تئیمور موللادان

سوروشور:

- موللا، من نه ائله‌ییم کی، اهالی منیم عدالتیمه اینانسین؟

موللا دئییر:

- هر شئیدن قاباق، قیبله‌ی-عالم، هر کیشی‌نین ساققالی‌نین ایختییارینی

اؤزونه قایتار!

Latıncə

ایماملار

ایماملار
" بیسمیللاحیر-رحمانیر-رحیم!” - دئییب,
سیدق ایله چاغیررام شاهی-حیدری.
خیشمه گلیب, بیر الینده گؤتوردو
سک‌سن مین باتمانلیق دری-خئیبری.
حسن ال-موجتبا عالمه راهبر,
حسینی-شهیددی شافئیی-محشر,
ایمام ذئینالابدین دیلیمده ازبر,
قویما داردا من ذلیلو موزتری!
 
محمّد باغیرا وار ایلتیماسیم,
ایمام جعفره باغلامیشام خلاصیم,
بورجلویا ذامیندی موسئیی-کازیم,
قورتاریبدی دار‌دان چوخ ذلیل‌لری.
قریب ایمام رزا - خوراسان شاهی,
سیدق ایله چاغیران هئچ چکمز آهی.
محمّد تاغیدی عالم پناهی,
اونا قوربان دئدیم بو جانو سری.
علیین ناغیدی عالمده الا,
بیر سری مین درده اولوب موبتلا.
ایستییر‌سن, موشگول ایشین حلل اولا,
سیدقی-دیلله چاغیر حسن اسغری.
مئهدی‌نین شنینه گلیبدی آیات,
ایسمینه مؤمن‌لر وئریر سالاوات.
یوومی-ارستده ائتمه خجالت,
یان‌دیرما اودلارا قول السگری!

 

رنج آلی-ابا

رنج آلی-ابا
ایبتیدا "  علیف ”دن درسیم آلمیشام,
الست عالمینده دئمیشم " بلی”.
حقیقت‌دن ایکی گؤزل سئومیشم,
بیریسی محمّد, بیریسی علی.
علی‌دن درس آلدیم, ائیلدیم ازبر,
عرشین سوتونودو, یئر‌لره لنگر.
فاتیمئیی-زهرا, شافئیی-محشر,
اونو سئچدیم گؤزل‌لرین گؤزه‌لی.
حسن ال-موجتبا, چوخدو شؤوکتی,
عرشین گوشواره‌سی, یئرین زینتی,
محشر گونو داردا قویماز اوممتی,
اسغر قوجاغیندا شاه حسین گلی.
خالیقی-لمیزل واحید ال-یئکتای,
قودرتین‌دن کمال وئریب مانا پای.
اوخو "  علیف”, " غئین”, ائیله حاق-سای,
عاریف سئچر ابجد ایله جمع علی.
گوناهیم دریادی, اوزوم قانمیشام,
توتدوغوم ایشلره چوخ ئوتانمیشام,
پوشتی-پناهینا دالدالانمیشام,
آدیم السگردی, اصلیم - گؤیچه‌لی.

 

بایاتیلار(محمد امانی دن)

بایاتیلار
باغچا بارین آرزو‌لار,
عاشق یارین آرزو‌لار.
هر نه کیم, دونیادا وار
اوز میقدارین آرزو‌لار.
محببت مئیدانید
منصور دارین آرزو‌لار.
******
جانانوم تک جان آز وار,
آرامیزدا مین راز وار.
آندا ارکو ناز وارسا,
منده اجزو نییاز وار.
حضرت ائت, کؤنول قوشو,
کمینده شاهباز وار.
******
یوزون گؤز رؤوشنی‌دیر,
زولفون جان جؤوشنی‌دیر.
خیالین ایلن کؤنلوم
محببت کؤوشنی‌دیر.
******
یوزون گول خلاصه‌سی,
لبین مول خلاصه‌سی,
عنبرفشان کاکیلین
تر سونبول خلاصه‌سی.
یازیلمیشدا ذاتین
جوزوو کولل خلاصه‌سی.

شاعر : محمد امانی

یالان اولاجاق

یالان اولاجاق

موللا بیر گون یولدا ائششه‌یینی ایتیریر، نه قدر آختاریرسا، تاپا بیلمیر.

آخیردا ال چکیب پییادا ائوه قاییدیر. بیر آز گلندن سونرا قونشوسو چیخیر

قاباغینا. موللا قونشوسونو گؤرجک سوروشور:

- قونشو، کندده تزه نه وار، نه یوخ؟

قونشو دئییر:

- ائله تزه بیر شئی یوخدور. نئجه؟

موللا سوروشور:

- بس کندده دانیشمیردیلار کی، موللانین ائششیی ایتیب؟

قونشو دئییر:

- یوخ، ائشیتمه‌میشم.

موللا تئز شوکور ائله‌ییر کی:

- اللها شوکور. دئیه‌سن ائششه‌یین ایتمیی یالان اولاجاق. اگر دوغرودان

ایتسیدی، جاماعت دانیشاردی.

Latıncə

بایاتیلار

اوتورموشام داش اوسته,
پاپاق دورار قاش اوسته.
سن دوشمنی نیشان وئر,
ناللاماغی باش اوسته.
  ****** 
گئدر‌سن اوزو قویماز,
دینر‌سن سؤزو قویماز,
کاسیب وار-یوخون وئرسه,
آغانین گؤزو دویماز.
  ****** 
اززینم کاساد اولماز,
مرد علی کاساد اولماز.
یوز نامردین چؤریین,
دوغراسان, کاسا دولماز.
  ****** 
بو سازی آلان گلمز,
اوخویوب-چالان گلمز.
ایگیدی اولدوره‌لر,
دیلینه یالان گلمز.
  ****** 
آختاردین یول بئلهدی,
سور آتین, یول بئلهدی.
دوست‌لار ایلقار‌لی اولسا,
نه گرک یول بلدی.
  ****** 
دؤورانین گشتی گئتدی,
اوخ تکی کئچدی گئتدی.
مرد‌لر بیر بولاق قازدی,
نامرد‌لر ایچدی گئتدی.
 

 
  • یارپاقلارین سایی :8
  • 1  
  • 2  
  • 3  
  • 4  
  • 5  
  • 6  
  • 7  
  • ...  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Mobile Traffic | سایت سوالات