ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

دیلبرا، عشقین تنیمده سئوگیلی جاندیر منه،

دیلبرا، عشقین تنیمده سئوگیلی جاندیر منه،

پرتؤوی-مئهری-روخون خورشیدی-تاباندیر منه.

دردی-هیجریندن سنین هرگیز شیکایت قیلمازام،

هئچ علاج ائتمن طلب، نئیچون کی، درماندیر منه.

آسیتانین خاکینی وئرمن جمعیی-عالمه،

هر آیاغین تورپاغی مولکی-سولئیماندیر منه.

تا جمعالین موسحفین گؤردوم، ایا نوری-ایلاه،

ذکری-عشقین دیلده دایم، ویردی-قوراندیر منه.

ائی خطای، خوبلارین جؤوری وفادیر عاشقه،

فیرقتی، هیجری نیگارین لوطفو احساندیر منه.

Latincə

گئتدی اول محرو یانیم‌دان, یوز جفا قالدی منه,

گئتدی اول محرو یانیم‌دان, یوز جفا قالدی منه,
جؤور بیلمن, کیم, بلایی-مونتحا قالدی منه.
ائی پری, چوخ ایشوئیی-هوس‌نین مغرور اولما کیم,
مولکی-فانی سانماگیل, کیم نه سانا قالدی, منه.
تا کیم, اول خورشیدروخ گئتدی گؤزوم‌دن سو تکی,
گؤز یاشیم اونون اوزون‌دن آشینا قالدی منه.
سن گئدن‌دن برلو آنجا زارو افغان ائتمیشم,
یئرو گؤگ, اینسو ملک جمله باخا قالدی منه.
دیلبرین گئتدی, خطای, سن نئدیر‌سن دونیانی?
چونکی جان گئتدی, بو تن, یارب, نییه قالدی منه!
 
هردم غمینده نالوو آهیم یئتر منه,
دونیا یوزونده اول یوزی-ماهیم یئتر-منه.
اثبات قیلمیشام روخی-ذرد, اشکی-سورخیمی,
دوییی-عشقه بؤیله گوواحیم یئتر منه.
عالم خلاییقی منه جمله هسود اولا.
اول آسیتانین ایتی پناهیم یئتر منه.
زاهید, اوگونمه, تالئیی-سدم, دئییب یوکوش,
سن وار ایشینه بختی-سییاحیم یئتر منه.
کسمه اومیدی-رحمتی حق‌دن, خطای, سن,
جمله خطاده لوطفی-ایلاهیم یئتر منه.

 

گئتدی اول دیلبر, بسی دردو بلا قالدی منه,

گئتدی اول دیلبر, بسی دردو بلا قالدی منه,

نه بلا, بیل کیم, یوکوش جؤورو جفا قالدی منه.

بونجا گلدیم, من گدایه هئچ اینایت قیلمادین,

ائشیگینده قالدیغیم دستی-دعا قالدی منه.

موژده گلدی دیلستانیمدن کی, قتل اولدو رقیب,

شوکر کیم, بیگانه گئتدی, آشینا قالدی منه.

آنجا کؤوکب کیمی, یاش تؤکدی, غمیندن گؤزلریم,

یئر ایله, گؤگ ایله کئیوان هم, باخا قالدی منه.

ائی خطای, زولفی تک آریندی یوزدن زنگبار,

دیلبری-چینو خؤتن, خوبی-خطا قالدی منه.

جان اولماز ایسه, سن تکی جانان یئتر منه,

وصلین بو خسته کؤنلومه درمان یئتر منه.

هیجرین جفاسی ائیله ییخیبدیر بو کؤنلومو,

هر شب قاپوندا نالوو افغان یئتر منه.

ظلمت ایچینده آبی-حیات ایسته‌مز کؤنول,

لعلین زولالی چشمه‌ی-حئیوان یئتر منه.

زاهید, قوپارما سن منی مئیخانه‌دن بو گون,

روزی-ازلده یار ایله پئیمان یئتر منه.

گرچی, خطای, گئتدی الیندن ویصالی-دوست,

هردم خیالی-دیده‌یه مئهمان یئتر منه.

Latıncə

ایقرار وئردیم, دؤنمن الست بزمیندن,

ایقرار وئردیم, دؤنمن الست بزمیندن,

وئردیگیم ایقراری ایماندان آلدیم.

باشقا سئیران گؤردوم, کندی اؤزومدن,

بو محبتی من مرداندان آلدیم.

نارو بادو خاکدن بیلین خلق اولدوم,

کندی-کندیم آنا رحمینده بولدوم,

مدت تامام اولدو دونیایه گلدیم,

بو عیبرتنومایی جاهاندان آلدیم.

بیلدیگیم اونوتدوم, ائیله‌رم فریاد,

دردیم بودور, دیل یوخ ایسته‌یم ایمداد,

تکرار یئنه تعلیم ائتدی بیر اوستاد,

درسیمی مکتبی-اورفاندان آلدیم.

جان گؤزو قفلتدن آچیلا دوشدو,

ایکیلیک پرده‌سی سئچیله دوشدو,

قودرت خزینه‌سی آچیلا دوشدو,

جواهیری کانی-مرجاندان آلدیم.

بو بیر گیزلی سیردیر, هر جان دویاماز,

اهلی-عشقین قاتارینا اویاماز,

دگمه, جؤوهرفوروش باها قویاماز,

بو دورری-یئکتادیر, عمّاندان آلدیم...

گل دوشونمه, آبلا سیبماز بو ائلیم,

قودرت خزنه‌سی‌نین موفتاهی دیلیم,

بیر اولو درگاها اولاشدی یولوم,

بیلمه‌ین سانیر کی, دوکاندان آلدیم.

آه ائدیب اوتاندیم کندی سؤزومدن,

مست اولوب, تورابه دوشدوم اؤزومدن,

قانلی یاش آخیتدیم ایکی گؤزومدن,

ماجرایی چشمی-گیریاندان آلدیم.

موسایه تسللی گؤروندو توردن,

مست اولوب, آبلینی شاشیردی سیردن.

ان الحق سیررینی آلدیم منصوردن,

محبت کمرین ارکاندان آلدیم...

حق بیلیر سؤزومه حیله‌ قاتمازام,

هر کسه بو سیرری ایان ائتمزم,

قییمتی بیلینمز یئرده ساتمازام,

من بو نصیحتی بیر جاندان آلدیم.

چالیش بو گیردابین چیخ یؤره‌سینه,

درمان گیزله‌نیبدیر درد آراسینا,

ملهم ساریلارمی عشق یاراسینا?

بو علمی حیکمتی لوقماندان آلدیم.

عالم باشدان-باشا بیر سئیرنگاهدیر,

کیر کؤنول شهرینه, گؤر نه درگاهدیر,

بیر گیزلیجه سیردیر, قودرتوللاهدیر,

یازیلمیش دفترو دیواندان آلدیم.

ترکو تجرید اولدوم, تؤکدوم قبایی,

اگنیمه گئییندیم شالو عبایی,

مانا سورون کیمدن آلدیم یاسایی?

ایسماییلا ائنن قورباندان آلدیم.

دونیادان ال چکدیم ارکاندیر ایشیم,

چشمیله بورهاندیر, تؤکولور یاشیم,

سیزلره هدیه‌, الده‌دیر باشیم,

اول یاشیل یاررابی سلماندان آلدیم...

Latıncə

من درویشم - دئی, کؤکسون گررسن,

من درویشم - دئیه, کؤکسون گررسن,

حقی ذکر ائتمه‌یه دیلین وارمیدیر?

کندینی گؤرسنه ائلده آپارسان!

حالین حال ائتمه‌یه حالین وارمیدیر?

بیر گون بالیق کیمی آبا سارارلار,

مورشیددن, رهبردن خبر سورارلار,

توستو یاخیب گوشه-گوشه آراپلاپ,

من آرییام, دئرسن, بالین وارمیدیر?

دردلی اولمایانلار, درده یانارمی?

صادق درویش ایقراریندان دؤنپمی?

هر بیر اوچان, گول دالینا قونارمی?

من بولبولم دئرسن, گولون وارمیدیر?

شاه خطای, سنین دردین دئشیلمز,

دردی اولمایانلار درده توش اولماز,

مورشیدسیز, رهبرسیز یوللار آچیلماز,

مورشید اته‌یینده الین وارمیدیر?

Latıncə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Website Traffic | Buy Targeted Website Traffic