ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

دیل اوزادیر بحث ایله اول عاریزی-خندانه شم،

دیل اوزادیر بحث ایله اول عاریزی-خندانه شم، 
اود چیخار آغزیندان، ائتمزمی حذر کیم یانه شم. 
نولا قئیرت آتشی جانیم اریتسه موم تک، 
بو نه سؤزدور کیم، دئمیشلر عاریزی-جانانه شم. 
عاریزی-جانان ایله بحثی-کمالی-حوسن ائدر، 
دیل اوجونداندیر کی، هر سات دوشر نؤقصانه شم. 
کاه آیاغی باغلی، گاه بوینو، نه‌دندیر بیلمزم، 
بیر پری عشقینده اولموشدور مگر دیوانه شم. 
نولا جانیم قامتین ایسترسه، کؤنلوم عاریزین، 
رسمدیر عالمده بولبول گول سئور، پروانه شم. 
قیل شبیستانی مونوّر کیم، نثارین قیلماغا 
ریشته‌دن دورلر چکیب جمع ائیله‌میش دامانه شم. 
ائی فوضولی، شؤوقدن یاخدین طنین روزی-ویصال، 
نئتدین، ائی قافیل، گرکمزمی شبی-هیجرانه شم.

شهرین توکو

شهرین توکو 
دئییرلر کی، مولا بیرینجی دفعه‌‌ کنددن شهره گلنده باشینا چوخ 
قریبه احوالاتلار گلیر. بو احوالاتلاردان بیری ده بئله اولور: 
مولّا شهرین قالالارینی، بورجلرینی گؤروب حئیران-حئیران باخیرمیش. 
بونو گؤرن ممورلاردان بیری مولّانی اله سالماق مقصدیله یاخینلاشیب 
اوندان سوروشور: 
- نه اولوب، آ کیشی!؟ دوه نالبنده باخان کیمی نه گؤزونو ضیلّه‌ییب 
باخیرسان؟ 
مولّا دئییر: 
- واللاه، من کند آدامییام. شهره بیرینجی دفعه‌‌دی گلیرم. باخیرام 
کی، ائولر، کوچه‌لر، باغلار، دوکانلار، هر شئی وار. اؤزلری ده چوخ 
گؤزلدیلر. آمّا، باخ، شهرین اورا-بوراسیندان گؤیه دیکلن بو شئیلر 
ندی، باشا دوشه بیلمیرم. 
ممور یاخینداکی بورجلردن بیرینی گؤستریب دئییر: 
- نییه باشا دوشمورسن؟ بونلار بیزیم شهرین باشی‌نین توکلریدی، 
بئله دیک-دیک دوروبلار. 
مولّا باشا دوشور کی، ممور اونو اله سالیر. بیر اونا باخیر، بیر دؤنوب 
بورجه باخیر، بیلمیر نه دئسین. ائله بو دقیقه‌ده شهر حاکمی بئش-اون 
آداملا بورجون اوستونه چیخیب اطرافا باخماغا باشلاییر. مولّا ممورا 
دئییر: 
- شهرینیزه سؤزوم یوخدو، آمّا بئله کی من گؤرورم، دئیه‌سن 
شهرینیزین باشینی تمیز ساخلامیرسینیز. 
ممور سوروشور: 
- نییه؟ 
مولّا حاکمگیلی گؤستریب دئییر: 
- بیر باخ، گؤر، بیر توکون اوستونه نئچه بیت دیرماشیب...

صنعت

صنعت 

اینسان زکاسی‌نین اوفوقلریندن 
بعضاً گونش کیمی گؤروننده سن، 
دوغور اورکلره بیر آیدین سحر. 
صنعت دونیاسیندان آخان شفقلر 
بیر قودرت گتیریر اینسان اوغلونا. 
بعضاً آجیسا دا دوغولدوغونا، 
آرتسا دا قلبی‌نین قمی، قوصّه‌‌سی، 
گؤرورسن یانیقلی بیر توتک سسی، 
یا بیر گؤزل شعر، یا بیر ترانه‌‌‌ 
اونو بو حیاتا باغلاییر یئنه... 
داغین اته‌یینده بیتن بیر لاله، 
آیین دؤوره‌سینده گؤرونن حاله، 
بیر اولدوزلو گئجه، بیر آیلی آخشام  
سیلیر اورکلرین آیناسین تامام. 
داشلارین قلبیندن سوزولن بولاق، 
چیچکلی بیر باغچا، بولبوللو بیر باغ، 
بیر اینسان عومرو تک آخیب گئدن سو، 
حیاتین بو گؤزل لطیف قورغوسو 
یاخیندان اؤیرنسک صنعتدیر، صنعت. 
ایستر اینسان قورسون، ایستر طبیعت... 
افسوسلار اولسون کی، بیزیم اؤلکه‌ده 
بو صنعت، بو هونر قالدی کؤلگه‌ده. 
حیات بوغولاندا گؤز یاشلاریندا، 
قارلاردان داغ قوردو زامانین الی. 
شعرین، صنعتین گؤزل هئیکلی 
داغیلیب مهو اولدو یاد پنجه‌لرده. 
دولدو دویغولار دا، دوشونجه‌لر ده. 
ایندی بیر ایلدیر کی، دئدیگیم پری 
آچیب اوزونده‌کی بوز پرده‌لری، 
گلمیش یوردوموزا بیر باهار کیمی. 
(هونر یاشامامیش آرزولار کیمی...) 
مین طوفان گؤرسه ده دونیادا خیلقت،  
توتسا دا هر یئری اؤلوم، فلاکت، 
مین قاسیرغا اولسا، عمّانلار داشسا، 
سولار شیش داغلارین باشیندان آشسا، 
آیلار، ایللر کئچسه هئی زامان-زامان، 
دونیایا یئنیدن ایلک گلن اینسان 
یئنه هر آددیمدا بیر نیشان گؤرور، 
هر نیشان دالیندا بیر جاهان گؤرور. 
بیر جاهان اوستوندن کئچمیش عصرلر... 
نه سوراق وئرن وار، نه ده بیر خبر. 
لاکین داشلار اوسته قالان هر صنعت، 
بیر عالم اولدوغون ائدیر حکایت... 
ایندی وطنیمیز بیر لاله‌زاردیر، 
صنعتین، هونرین قیمتی واردیر. 
جاواندیر بو یئرده تاریخین یاشی. 
یئنیجه قووموشوق اؤلکه‌دن قیشی. 
صنعتین باغچاسی چیچک-چیچکدیر، 
او آلین تریله دیرچله‌جکدیر. 

تبریز،1946

مؤوسیمی-نووروزو نئیستان آشیکار اولدو یئنه،

مؤوسیمی-نووروزو نئیستان آشیکار اولدو یئنه، 
شهریمیز شیخی بو گون خوش بادخار اولدو یئنه. 
قؤنچه‌‌‌دن گول باش چیخاردی، سالدی اوزوندن نیقاب 
  
بولبولی-شئیدا خطیبی-لاله‌زار اولدو یئنه. 
کؤهنه دونیا یئنگی خلت گئیدی بو مؤوسیمده اوش، 
چؤهره‌‌‌سی دؤوری بو گون نقشو نیگار اولدو یئنه. 
نرگیسی گؤر جام الینده مئی سونار عاریفلره، 
جومله‌‌‌سین مست ائیله‌دی، کندی خومار اولدو یئنه. 
باده ایچمک رؤوزاده گر سن دیلرسن هور ایله، 
یار الین توت، باغچایا گیر نووباهار اولدو یئنه. 
ساقیا، جامی گتیر کیم، من اوشاتدیم تؤوبمی، 
کؤهنه تقویمیم منیم بی‌اِعتیبار اولدو یئنه. 
سن نسیمی راضینی، ائی دان یئلی، یاره یئتیر: 
سنسیزین حالیم پریشان، بیقرار اولدو یئنه.

حق ازل مئیخانه‌سیندن وئردی بو جامی منه،

حق ازل مئیخانه‌سیندن وئردی بو جامی منه، 
کاینات اهلی تعجب قیلدیلار قامو منه. 
بیلمز ایدیم خطتی-روخصارین صیفاتین سؤی‌له‌مک، 
فیتنه چشمین قمزه‌سی اؤیرتدی ایلهامی منه. 
صبرو آرامیم گئدیبدیر گؤرمزم عینیمده خواب، 
فیرقتین بیر ائیله‌میشدیر صوبح ایله شامی منه. 
چوخ جفا حاصیل اولان سندن منه، ائی بی وفا، 
عاقیبت ائیلر خیالین رسمی-بدنامی منه. 
کؤینه‌ییندن چیخ، دئدیم شول سرو گول خندانیما، 
ذرّه‌‌‌جه قایینمادی گؤستردی اندامی منه. 
ائی خطای، زولفی‌نین زنجیرینه قئید ائتمه دیل، 
دانه‌دیر خالی اونون هم زولفیدیر دامی منه 
  
خاکی-پایین سورمه‌دیر، عینیمه عنام ائت منه، 
گر قبول اولماز مورادیم سندن ائلام ائت منه. 
دردیمین درمانی روخصارینی گؤرمکدیر سنین، 
تشنه‌یم بالله، دوداغین شربتین جام ائت منه. 
چون کؤنول خالین اوجوندان دوشدو زولفین قئیدینه، 
بی‌گوناه اؤلدورمگیل هر لحظه‌‌‌ آرام ائت منه. 
ایسته‌من ظاهرده فاش اولماق آنینچون گؤزله‌رم، 
مئهری-عشقین رازینی، ائی یار، ایلهام ائت منه. 
بو خطایدن گؤتورگیل مؤحنتی-هیجرانینی، 
ائی پری رو، تانریچون، آنجاق ایلزام ائت منه.

latin

اورک آغریسی

اورک آغریسی

سیرامیزدان گئتمیش

قلم دوستلاریمین

عزیز خاطیره‌سینه

اورک آغریسییلا سالیرام یولا ساغیمدان،

سولومدان گئدن دوستلاری.

دئییرم کاش بو درد سونونجو اولا،

نه سن ایتیره‌سن، نه من - دوستلاری.

بیر دوست ایتیرنده بیزیم جرگه‌دن

باغریمدا لالتک آچیلیر یارام،

فخری قارووولدا دایاناندا من

سانکی سون منزیله یاخینلاشیرام.

دئییرام هئچ کسی یاخماسین اودوم،

گؤرمه‌ییم بیر داها شاعر یاسینی.

آپاریر اؤزویله هر کؤچن دوستوم

بو شاعر قلبیمین بیر پارچاسینی.

ریاکار

ریاکار

منیم اؤولادیما آنا دیلینده

درس دئین "عاغیللی" موعلّیمه باخ.

"وطن"، "وطن" دئییر، اؤز اؤولادینی

عجنبی دیلینده اوخودور آنجاق.

اؤزگه‌یه: "دیلینی اؤیرن!" - دئییرسن،

اؤزونسه... بو دیلی بَینمه‌ییرسن!..

نه دئیک بو میسکین ریاکارلیغا؟..

یوخسا، اؤز قینینی بَینمیر باغا؟..

بیر نه دیر، بئش-آلتی دیل بیلسین گرک،

بیزیم صاباحیمیز - کؤرپه‌لریمیز.

وطن دیلینه ده دوداق بوزمه‌یک،

بوردان آیاق آچیب، یولا چیخاق بیز.

ائوده آیاق آچیر اوّلجه هر کس،

سونرا اوزاقلارا دوشور قدم‌لر.

ایلکینی بیلمه‌ین سونونو بیلمز،

ائودن اوز دؤندرن چؤلده ورملر.

"اوّل ائوین ایچی" دئمیشلر نه‌دن؟

سن چؤلو بیلمزسن، ایچی بیلمه‌دن.

یاخشی بیلمک اوچون اؤزگه بیر دیلی

اوّل اؤز دیلینی یاخشی بیلمه‌لی.

نییه اؤزوموزو اؤگئی سایاق بیز؟

نییه آتامیزی تانیمایاق بیز؟

اؤزگه‌نی سئویرسن؟

اینانمیرام من!

اؤزونو سئومه‌ین اؤزگه‌نی سئومز.

وطنین دیلینه گرکسیز دئین

وطنین اؤزونو نئجه سئویر بس؟

اوزونه دورسایدی یئدیگین چؤرک،

رذیل اولدوغونو اؤزون قاناردن.

دیلیمی دانسایدیم من ده سنین تک

سن کیمه درس دئییب پول قازاناردین؟

وطن قئیرتینی چکمه‌ین اوغول

هم اؤزونه یوکدور، هم اؤزگه‌سینه؛

بو دیلده درس دئییب قازاندیغین پول،

یئدیگین چؤرک ده حرامدیر سنه!

بؤیوت بالانی دا سن اؤزون تکی،

دئنن، اؤزون یاشا، عالم یوخ اولسون.

ناموس اولماسا دا کئچینر، تکی

دیلین اوزون اولسون، قارنین توخ اولسون.

سنینچین دونیایا دیَر، آ نادان،

بیر آنلیق اؤتری کؤنول خوشلوغون.

مین دفعه‌‌ کیچیکدیر آتالیغیندان

سنین اینسانلیغین، وطنداشلیغین!

اوکتیابر، 1967

اوچ-دؤرد کلمه

اوچ-دؤرد کلمه

اوغول، بو دونیادا شان-شؤهرت، آد-سان

هونرلر گؤسترن قهرمانیندیر.

بلی، اوزواغلیق، آلنیاچیقلیق،

زحمتدن دویمایان مرد اینسانیندیر.

اوزانی اولدوغوم بو گؤزل وطن،

حئیرانی اولدوغوم بو گؤزل وطن،

قوربانی اولدوغوم بو گؤزل وطن

سنین خزان بیلمز گولوستانیندیر.

دونیا بئش‌گونلوکدور دئینه یازیق،

دؤشونه-باشینا دؤینه یازیق.

چؤرگی زحمتسیز یئینه یازیق،

حیات، یاشاماغی باجارانیندیر.

من کیمم، نچییم، قوی ائللر دئسین، -

یازیب-پوزورام کی، کؤنوللر دئسین، -

مندن سونرا گلن نسیللر دئسین -

بو اوچ-دؤرد کلمه ده سولئیمانیندیر.

من گئدیم دئییم

من گئدیم دئییم 
گونلرین بیرینده ملّانین آروادی باشقا آروادلارلا برابر گؤلده 
پالتار یویورموش. بو طرفدن شهرین حاکمی ده اؤز یاخین آداملاری ایله 
بورادان کئچیرمیش گؤلده باشی-گؤزو آچیق آروادلاری گؤروب دایانیر، باشلاییر 
بونلارا باخماغا.ملّانین آروادی ایشی بئله گؤرنده آغزینی آچیب گؤزونو 
یومور؛ دیشی‌نین دیبیندن چیخانی بونلارا دئییر. حاکم گؤرور کی، 
یوخ اگر بیر آز دا دایانسا، لاپ بی‌آبیرچیلیق اولاجاق. آروادین نام-نشانینی 
بیلیب چیخیب گئدیر. 
اورادان-بورادان اؤیره‌نیر کی، آرواد ملّانین آروادیدیر. صاباحیسی 
ملّانی یانینا چاغیریب سوروشور: 
- ملّا، فلان آرواد سنین آروادیندیر؟ 
ملّا دئییر: 
- بلی، منیم آروادیمدیر، نئجه؟ 
حاکم دئییر: 
- گئت، اونو بورایا گتیر! 
ملّا سوروشور: 
- حاکم، باشینا دؤنوم، نَیینه لازیمدیر منیم آروادیم؟ 
حاکم دئییر: 
- اونا سؤزوم وار، گئت تئز گتیر! 
ملّا دئییر: 
- حاکم، قربانین اولوم! جسارت ائله‌ییرم... اولماز کی، او سؤزو سن 
منه دئیه‌سن، من گئدیم آروادیما دئییم؟

من گئدیم دئییم

من گئدیم دئییم 
گونلرین بیرینده مولّانین آروادی باشقا آروادلارلا برابر گؤلده 
پالتار یویورموش. بو طرفدن شهرین حاکمی ده اؤز یاخین آداملاری ایله 
بورادان کئچیرمیش گؤلده باشی-گؤزو آچیق آروادلاری گؤروب دایانیر، باشلاییر 
بونلارا باخماغا.مولّانین آروادی ایشی بئله گؤرنده آغزینی آچیب گؤزونو 
یومور؛ دیشی‌نین دیبیندن چیخانی بونلارا دئییر. حاکم گؤرور کی، 
یوخ اگر بیر آز دا دایانسا، لاپ بی‌آبیرچیلیق اولاجاق. آروادین نام-نیشانینی 
بیلیب چیخیب گئدیر. 
اورادان-بورادان اؤیره‌نیر کی، آرواد مولّانین آروادیدیر. صاباحیسی 
مولّانی یانینا چاغیریب سوروشور: 
- مولّا، فیلان آرواد سنین آروادیندیر؟ 
مولّا دئییر: 
- بلی، منیم آروادیمدیر، نئجه؟ 
حاکم دئییر: 
- گئت، اونو بورایا گتیر! 
مولّا سوروشور: 
- حاکم، باشینا دؤنوم، نَیینه لازیمدیر منیم آروادیم؟ 
حاکم دئییر: 
- اونا سؤزوم وار، گئت تئز گتیر! 
مولّا دئییر: 
- حاکم، قوربانین اولوم! جسارت ائله‌ییرم... اولماز کی، او سؤزو سن 
منه دئیه‌سن، من گئدیم آروادیما دئییم؟

latincə

ایندی

ایندی 
سن تعریف ائتدیگین اول ثمند آتین، 
کلّه‌‌منقو توتوب یاماندی ایندی. 
نالی، میخی دوشوب، چوخ پیس گونده‌دی، 
آیغیران بیر اؤلو سیچاندی ایندی. 
آریخ چیخیب قیشدان، آییلماسی یوخ، 
نوختالانیب یئره چکیلمه‌سی یوخ، 
چوخدانکی اؤلودو، دیریلمه‌سی یوخ، 
بیر دری، بیر سوموک، پالاندی ایندی. 
قارغا، قوزغون ائدیب جمعده‌یین پارا، 
اوچ میلدن قالیبدی دیشلر آغارا، 
اومسوق ائتدین منی، قویدون آوارا، 
دئدیم: یقین بیر شیر، آسلاندی ایندی. 
یاش گؤنون دوزلاییب ساتمیشام پولا، 
اوّلکی قایدادا دوشموشم یولا، 
دئدیم کی، دوستلوقدا ائ`تیبار اولا، 
قویموسان کؤنلومو بیجاندی ایندی. 
نه بیلیم، بئله ده نفس اولور مگر، 
دوش یولا، گزگینن هر شامو-سحر، 
قوربانی، سئودیگین آتدیسا اگر، 
سؤیله، آت یئریشلی قورباندی ایندی!

یارادان سنی

یارادان سنی 

حالال اولسون بو قامته، بو بویا، 
نه گؤزل یارادیب یارادان سنی؛ 
سنه بدنظردن دیَمه‌سین خطا، 
قوی الله ساخلاسین بلادان سنی. 

بیلمم گونش دئییم، یوخسا آی سنه، 
بو فانی دونیادا یوخدو تای سنه، 
گؤزللیگی خودا وئریب پای سنه، 
عزیز توتوب بَیدن، پاشادان سنی.  

جامالین اوخشاتدیم داغلار قارینا، 
گؤزوم دوشوب آغ سینه‌نین نارینا، 
گؤزل اولان بئله باخماز یارینا، 
اووچویام قویمارام بره‌دن سنی. 

اینصاف ائله، هردن افقانی گولدور، 
گؤزونون یاشینی آماندی، سیلدیر. 
قاپیندا قول ساخلا، یا دا کی، اؤلدور، 
اونوتمارام خئییر-دوعادان سنی.

سنسن

سنسن 

باشینا دؤندویوم گول اوزلو یاریم، 
بیزیم بو داغلارین مارالی سنسن. 
کئچیردین سینمدن یامان اوخلاری، 
جسه‌دیم ائیله‌ین یارالی سنسن. 

قارا تئللری‌نین شاناسی ساری، 
امه‌رم لبیندن وئرسن نوباری، 
اوزونو سن مندن دؤندرمه باری، 
اونسوز دا دولانان یارالی سنسن. 

باغبانام باغچاندا بار اولان واختی، 
سینه‌مین اوستونده وار اولان واختی، 
افقانین الینده وار اولان واختی. 
دئیردین کی، صبری قراری سنسن.

ایندی

ایندی 
سن تعریف ائتدیگین اول ثمند آتین، 
کلّه‌‌منقو توتوب یاماندی ایندی. 
نالی، میخی دوشوب، چوخ پیس گونده‌دی، 
آیغیران بیر اؤلو سیچاندی ایندی. 
آریخ چیخیب قیشدان، آییلماسی یوخ، 
نوختالانیب یئره چکیلمه‌سی یوخ، 
چوخدانکی اؤلودو، دیریلمه‌سی یوخ، 
بیر دری، بیر سوموک، پالاندی ایندی. 
قارغا، قوزغون ائدیب جمعده‌یین پارا، 
اوچ میلدن قالیبدی دیشلر آغارا، 
اومسوق ائتدین منی، قویدون آوارا، 
دئدیم: یقین بیر شیر، آسلاندی ایندی. 
یاش گؤنون دوزلاییب ساتمیشام پولا، 
اوّلکی قایدادا دوشموشم یولا، 
دئدیم کی، دوستلوقدا ائ`تیبار اولا، 
قویموسان کؤنلومو بیجاندی ایندی. 
نه بیلیم، بئله ده نفس اولور مگر، 
دوش یولا، گزگینن هر شامو-سحر، 
قوربانی، سئودیگین آتدیسا اگر، 
سؤیله، آت یئریشلی قورباندی ایندی!

سحرگه ناگاهان گؤردوم دیلی-زاریم نیهان آغلار،

سحرگه ناگاهان گؤردوم دیلی-زاریم نیهان آغلار، 
سیریشگی-عالیله هردم چگر آه و فغان آغلار. 
سوال ائتدیم نه باعثدیر چیخیب افلاکه افقانین؟ 
تؤکر خونی-جیگر جئشمین، آخار هر یان روان آغلار؟ 
کؤنول هوشیار ایمیش مندن، دئدی: بادی-صبادان سور! 
سراسیمه قالیب حئیران، چکر آه، الامان، آغلار. 
صبادان سوردوم احوالی کی، ائی هر حالدان آگاه، 
نه واقئدیر، سنی تاری، اولوب دیل ناتوان آغلار؟ 
دخی بادی-صبا، گؤردوم، بسی دیلکیرو نالاندیر، 
تکلّوم یوخ بَیان ائتسین، قالیبدیر بیزبان، آغلار. 
توتولموش نیطق گوفتاری، دئدی: ائی ناتوان خسته، 
نئجه شرح ائیله‌ییم حالی کی، جومله‌‌‌ اینسو جان آغلار. 
گزیردیم باغو صحرانی، پریشان حالیله، گؤردوم 
دیَیب بادی-خزان سروه قوروموش، باغبان آغلار. 
زبان سؤزدن قالیب خالی، ترحّوم ائتدیم احوالی، 
گؤزومه تار اولوب دونیا، دمادم جیسمو جان آغلار. 
بلی، گر گول بوداغینا توخونسا توند بادی-دهر، 
پریشان اولسا گول برکی، ائدر بولبول فغان، آغلار، 
پوزولدو رؤونقی-گولشن، داغیلدی زینتی باغین، 
دوشوب تابو طراوتدن، گول آغلار، گولسیتان آغلار. 

دوشیدی چرخ گردیشدن، اولایدی دهری-دون ویران، 
بشر تاب ائیله‌مز هرگیز، زمینو آسیمان آغلار. 
ایلاهی، گؤرمه‌سین گؤزلر، یامان گوندور بئله گونلر، 
آمان وئرمز قمو مؤحنت، هامی پیرو جاوان آغلار. 
فیراواندیر قمیم، شرحین بَیان ائتمک دئییل مومکون، 
یاز، ائی موستووفیگی-عالم، مودام اهلی-جاهان آغلار. 
میداد اولسا اگر دریا، قلم اولسا اگر اشجار، 
باشا یئتمز قمیم شرحی، قلم هر لحظه‌‌‌ قان آغلار. 
تنیم رنجور، دیل خسته، دخی بیر قمکوساریم یوخ، 
کیمه شرح ائیله‌ییم دردیم، گئدر تاب و طاوان آغلار. 
بلی، جون کؤوکبی-طالع وبال ائتسه فلک ایچره، 
نوحوستله قیران ائیلر، اولور گون گر یامان آغلار. 
بو دیوانی-قضاوتدیر، موقدّر روزی-اززلدن ! 
کی، هر دم نؤوبه‌نؤو قملر یئتر، بو ناتوان آغلار. 
کسیلمیش طاقتو-تابیم، باشیمدان عقل مهو اولموش، 
گؤزوم اشکی روان ظاهر، کؤنول دایم نیهان آغلار. 
دواسیز دردی-بی‌درمان، قالیب محزونو سرگردان، 
ارستو ایله هم لوغمان، فلاتونی-زامان آغلار. 
تماماً درد و قملردن فراقین دردی افزوندور، 
اونونچون ناتوان هر دم اولوب نالان، قان آغلار.

 
  • یارپاقلارین سایی :61
  • 1  
  • 2  
  • 3  
  • 4  
  • 5  
  • 6  
  • 7  
  • ...  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Mobile Traffic | سایت سوالات