ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

قیز باخیر

قیز باخیر

اوزاغا، اوزاق

یئرلره،

نورا قرق اولونموش

گور شهرلره،

ایشیغی آچیلی پنجره‌سیندن،

شیررنتک تؤکولن

آغ سالونلارا،

صوبحه‌دک رقص ائدن

شوخ جاوانلارا.

آختاریر

آراییر

سعادتینی،

دونیادا

یئگانه

محبتینی. قیز

باخیر،

کؤوره‌لیر

بوینونو بوروب.

آمما او بیلمیر کی، بیلمیر کی، قطعی

اونون سعادتی

یانیندا دوروب.

سئوگی(موبایل کیتابی)

  کیتابین آدی : سئوگی شعرلری

کیتابین فورما سی  : جاوا

ساپورت ائدن قولاغ جیقلار (موبایل تلفونلاری): بوتون قولاغ جیقلاری کی جاوا پروگرامین ساپورت ائدرلر

اولچوسو : 141 کیلو بایت

ایندیر(دانلود)

سئوگیلیم

سئوگیلیم

سنینله خوش کئچن او گؤروشلری،

عومرومون ان شیرین یوخوسو ساندیم.

سنی تانیدیغیم او گوندن بری،

ائله بیل یوخودان بیردن اویاندیم.

نه شیرین، نه گؤزل بیر رؤیا ایدی،

شیرین صؤحبتلرین، شیرین وصالین.

بو بیر دوستلوق ایدی، یا سئودا ایدی.

ایلیشیب کؤنلومده قالدی خیالین.

منی بو یوخودان اویاتماسینلار،

خیالین کؤنلومدن قوی سیلینمه‌سین.

یاندیرسین قلبیمی بو عشقین اودو،

یاندیرسین، آشکاردا هئچ بیلینمه‌سین.

Latıncə

یوخو

یوخو

یوخودا گؤردوم کی،سئومیرسن منی،

باتان آرزولاریم پوچدور ناحاققدیر.

طالعییم سؤیله‌ییر کؤنلوم دئیه‌نی،

اللرین گؤزلرین مندن اوزاقدیر.

یوخودا گؤردوم کی، دوداقلاریندا،

منیم آدیم دئییل باشقا بیر آد وار،

عومرومون معنالی بو گنج چاغیندا،

منه دؤنوک چیخدی وفا اعتبار.

آییلدیم یوخودان قارالدی گؤزوم،

بورودو قلبیمی تنهالیق، قورخو.

دوشدو خاطیریمه سنین بو سؤزون،

عزیزیم ترسینه یوزولار یوخو.

یوخوما گلسیدین عذابلاریملا،

منیم چکدیگیمی سن تابلامازدین.

سئودیگین سئوسیدی سنی منیم تک،

اؤز ناکام عشقیمه من آغلامازدیم.

یوخوما گلسیدین اگر بیر آخشام،

دئیردیم قوی یوخوم ابدی اولسون،

من چپر چکردیم کیپریکلریمی،

یوخوما قویمازدیم داها هئچ کیمی.

Latıncə

سئوه بیلمیرم

سئوه بیلمیرم

هردنبیر قایناییر یادلارا قانیم

هردن ده قیریلیر اولان گومانیم

چوخدور سسله‌یه‌نیم چوخدور اومانیم

بیر سندن اومیدی اوزه بیلمیرم.

ظلمت گئجه‌لره قاریشسام دا من

کوسکون قیسمتیمله باریشسام دا من

هر یئری گزسم ده دولاشسام دا من

سن کئچن یئرلری گزه بیلمیرم.

ساختا تبسسومون یوخ اولسا بئله

یالان محبتین اوخ اولسا بئله

"سئویرم" دئیه‌نیم چوخ اولسا بئله

سن دئین یالانی دئیه بیلمیرم.

سئوگییه الویدا سؤیله‌سم ده من

نملی گؤزلریمی گیزله‌سم ده من

سندن قیصاص آلماق ایسته‌سم ده من

سندن اؤزگه‌سینی سئوه بیلمیرم.

Latıncə

سئویرم ایلک عشقیم سئویرم سنی

سئویرم ایلک عشقیم سئویرم سنی

بیر یئرین آغریسا آغرییار جانیم,
ائی منیم داماردا آخان بو قانیم.
سنی سئودیییمی دئ نئجه دانیم,
سئویرم ایلک عشقیم سئویرم سنی.

سنی سئومک اوچون یارانمیشام من,
سنی هر دقیقه بیل آنمیشام من.
دونیایا جاهانا سس سالمیشام من,
سئویرم ایلک عشقیم سئویرم سنی.

ئونوتسان سن منی گور قازارام من,
اگر چیخیب گئت‌سن تئز آزارام من.
داغ‌لارا داش‌لارا بیل یازارام من,
سئویرم ایلک عشقیم سئویرم سنی.

آغاج‌لار باش اییر منیم سئوگیمه,
عشق‌لر چاتا بیلمز منیم عشقیمه.
هر زامان دئیجم سالیب دیلیمه,
سئویرم ایلک عشقیم سئویرم سنی.

چاتسا دا سئوگیمیز بیر گون بیل سونا,
قویمارام ایلک سئوگیم کول اولوب یانا.
آیریلان زامانی دئیجم اونا,
سئویرم ایلک عشقیم سئویرم سنی.

یاد‌لار آرا وورسا بیل سئویرم من,
گؤزون گؤز‌لریمده چوخ خوشبختم من.
اولورم گؤر یئنه نه دئییرم من,
سئویرم ایلک عشقیم سئویرم سنی .

 

ابدی سئوگی

ابدی سئوگی

دیل دئیه بیلمیر اورک سئوه‌نی،

عشقین، محبتین حؤکمونه بیر باخ.

من سئوه بیلمیرم منی سئوه‌نی،

منیمسه سئودیگیم سئویر اؤزگه‌نی.

اوشاقلیق واختیندان سئویرم سنی،

سنده وفالی اول اونوتما منی،

اورکدن دئییرم بو 4 کلمه‌نی،

ابدی اولاراق سئویرم سنی.

من شاعر دئییلم باغیشلا منی.

من آنجاق یازیرام کؤنلوم دئیه‌نی

بو قیسا شعرله خاتیرلا منی

هله‌لیک، هله‌لیک اؤپورم سنی!

Latıncə

شوبهه

شوبهه

آدینی کاغیذا یازا بیلمیرم،

نه واختسا بیر یئره آتیلا بیلر.

سنین شکیلینی چکه بیلمیرم،

گؤرنلر حوسنونه وورولا بیلر.

بو یازدیغیم میصراع قیسقانجلیق دئییل،

دئمیرم قارشیمدا قول کیمی اییل.

سنی اونوتماغیم، سنی سئومه‌ییم،

باشیما بلالار گتیره بیلر.

ایسته‌ییرم گؤرم سنی هر زامان،

ناراحات حیسسلریم وئرمه‌ییر آمان.

"سئویرم" سؤزونو دئدیگین او آن،

تانری معجزه‌سی ساییلا بیلر.

بیلمیرم! بو سئوگی، یا اؤیرنجه‌دیر،

بو سیررین تعریفی، دئیین، نئجه‌دیر؟

تسللیم تک-تنها، یالقیز گئجه‌دیر،

قورخورام حیسس منی آلدادا بیلر!!!

Latıncə

عشق

عشق

پروانه باغلانیب شمه گؤر نئجه

دولانیر باشینا شمین هر گئجه

دیوانه بیلمیر کی، شم عشقدن یوخ

کیم ایسه اود ووروب یانیر ساده‌جه.

عالمی سئیر ائدن گؤزومسن منیم

هر شیرین صؤحبتیم،سؤزومسن منیم

منه ائله گلیر سن منیمله‌سن

بلکه ده روحومسان، اؤزومسن منیم.

سن منیم عشقیمسن، محبتیمسن

منیم خوشبختلیگیم، سعادتیمسن

سنی دیَیشمه‌رم هئچ بیر گؤزله

سن منیم سئودیگیم تک آفتیمسن.

سن منیم حیاتیم،سن منیم دونیام

سن منیم سینمده ووران اورگیم

گوندوزلر خیالیم، گئجه‌لر رؤیام

یادیمدان چیخمیرسان بیر آن، مله‌ییم.

سئوگیلیم، قلبیمین پاره‌سی سنسن

گؤزومون ایشیغی، قاره‌سی سنسن

طبیبلر دئدیلر درده دوشموشم

دردیمین درمانی، چاره‌سی سنسن.

عشقین آتشینه پروانه‌یم من

عهدیمه صادقم، مردانه‌یم من

گل منی قیسقانما سن گؤزللره

تک سنین عشقینله دیوانه‌یم من.

بولبول اؤز دردینه چاره دولانسین

قیسقانسین گولونو خاره دولانسین

باجارسا بیر کیمسه عشقه دوشمه‌سین

دوشدوسه قلبینده یاره دولانسین.

Latıncə

سن منیم سن، من ده سنین

سن منیم سن، من ده سنین

بیز سؤز وئریب عهد ائتمیشیک،

سن منیم سن، من ده سنین.

بو سئوگییه آند ایچمیشیک،

سن منیم سن، من ده سنین.

بیر گونشسن طالعییمده،

بیر اومیدسن دیله‌ییمده.

یازیلیبدیر اورگیمده:

سن منیم سن، من ده سنین.

سنسن آرزوم، ایسته‌ییم ده،

صاباحیم، گله‌جه‌ییم ده.

پیچیلداییر اورگیم ده:

سن منیم سن، من ده سنین.

هیجران گلیر، سینانیرام،

حسرتینله هئی یانیرام.

گولوم، سنه اینانیرام،

سن منیم سن، من ده سنین.

عشقیم، سن ده مندن دویما،

باشقا بیریسینه اویما.

منی سنسیزلیکده قویما،

سن منیم سن، من ده سنین.

گؤر نه دئییر دلی اورک،

بیر یئرده آغلایاق، گولک.

او گون اولسون دئیه بیلک:

سن منیم سن، من ده سنین

Latıncə

گیزلی محبتیم

گیزلی محبتیم

سنسیز سئویرم سنسیز گولورم

قلبیم بیر قورویان دنیزدیر آخی

سنی اؤزگه‌سیندن آلا بیلمیرم

محبت هامییا عزیزدیر آخی

سوروشما ندندیر اورگیمده قم

بو منیم طالعیه شیکایتیمدیر

بو منیم سئوگیلیم بو منیم یاریم

بو منیم اوغورسوز محبتیمدیر

ایستردیم اونودوم سنی ابدی

نه یازیقکی قلبیم یئنه یوخ دئییر

قورتولماق ایسته‌دیم عشق عذابیندان

دیل اونوت دئسه ده قلبیم یوخ دئییر

قالمیشام ایکی یول آراسیندا من

بیری اونوت دئییر بیری سئو دئییر

نه سئوه بیلیرم نده اونودا

بئله‌جه سئودیگیم بونو بیلمه‌ییر

Latıncə

نه گوناه ائیله‌میشم من؟

نه گوناه ائیله‌میشم من؟

نه گوناه ائیله‌میشم من؟

چکیرم قوسسه کدر قم

منی چوخ سیخدی بو عالم

یارالاندیم اورگیمدن،

دیله‌رم ملهمی سندن.

تؤکور یارپاغین آغاجلار

سوزولور قلبیمه قانلار

تأثیر ائتمه‌ییر دوالار

یارالاندیم اورگیمدن،

دیله‌رم ملهمی سندن.

سنسن اورگیمین پاراسی

سنسن عومرومون معناسی

سنسیزلیک خنجر یاراسی

یارالاندیم اورگیمدن،

دیله‌رم ملهمی سندن.

Latıncə

بیر گون

بیر گون

سنه اوره ییمی آچا بیلمسم,
پاییز باخیشیم‌دان یاغیش سئللنر.
سیرریمی, سؤزومو سؤیلسم سنه,
یاغیش گؤز‌لرینده باهار دیللنر.

اگر گؤز‌لرینه باخا بیلمسم,
او دلی کولک‌لر هارای قوپارار.
سن‌دن ئوزاق‌لاردا اولسام دا گولوم,
شیمشک‌لر سسیمی سنه آپارار.

بیر گون بولود اوره یین‌دن کئچرم,
بیر گون سنین گؤز‌لرینه کؤچرم,
اوزومو سؤیکییب گؤیون اوزونه,
بیر گون ساچ‌لارینا سیغال چکرم

قوشولوب بیر دفعه آغ گؤیرچینه,
گؤی‌لر‌دن یانینا گلرم سنین.
گؤزومده سئللنر آرزو یاغیشی,
بیر گون گؤز‌لرینده گولرم سنین.

 

سئوگی

سئوگی

سنه دئییب‌لر کی, او سنی سئومیر.
اوزون‌دن, گؤزون‌دن اوخونمور سئوگی
آنچاق بونو دئین هئچ اوزو بیلمیر
ندیر صاف محببت ابدی سئوگی

سئوگی دیلده دئییل, هئی سؤیلیه‌سن
سئوگی گؤزده دئییل, گؤز سوزدوره‌سن
سئوگی اورکده‌دیر, گرک سئونده
هر کس‌دن گیزلیجه بونهان سئوه‌سن

 

بو گئجه یوخومدا سنی گؤرموشم

بو گئجه یوخومدا سنی گؤرموشم

ایلاهی، گؤزومه اینانمیرام من،

بو گلن سئودیگیم او قیزمی گؤرن؟

ساریلدی بوینوما اؤپدو اوزومدن

ائله بیل دونیایا تزه گلمیشم

باخدی گؤزلریمه، روحوم ایسیندی،

چکیلدی بولودلار، گؤی یئره ائندی.

گئتدین، یاشامادیم، اؤلموشم ایندی

سئوگیلیم، من سنی بئله سئومیشم.

گلینلیک دونوندا گلمیسن قوناق،

"سوس" دئدین "دانیشما، اؤپ منی آنجاق""

اورگیم اود توتوب، روحوم یاناجاق

بو گئجه یوخومدا سنی گؤرموشم.

Latıncə

 
  • یارپاقلارین سایی :2
  • 1  
  • 2  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Mobile Traffic | سایت سوالات