تبلیغات
ایران آذربایجانی تورکجه سینین ادبیات اوتاغی - مطالب ابر خورشید بانو
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

نه‌دندیر سنده ایلنمز گولی-دوران، خدا حافظ.

نه‌دندیر سنده ایلنمز گولی-دوران، خدا حافظ. 
منه هم گلدی گئتمک نوبتی، یاران، خدا حافظ! 
جاهاندا اولمادی بیر ده گؤریدیم ماه روخسارین، 
نه قدری جحد قیلدیم، اولمادی امکان، خدا حافظ! 
نئچین سن ترکی-مهر ائتدین، وفادن ال چکرلرمی؟ 
مگر عهدی وفا ائتمز مهی-خوبان، خدا حافظ! 
رقیبلر قویمادی یئتسین الیم بیر دامنی-وصله، 
خیالیله کئچیردیم عمرومو نالان، خدا حافظ! 
نه صبرو طاقتیم قالدی، نه عقلو هوش بالمرّه‌، 
اونونچون چشمی-پرخونوم اولور گریان خدا حافظ! 
او گون کیم محشری-کبرا اولور، وحم ائت او گوندن کی 
توتوب درمانینی دیلدن چکیم افقان، خدا حافظ! 
اوزوب ال ناتوان جاندان کی، تا امّیدی-وصل ائتمز، 
دیلی غمگین، جیگر پرخون، اولوب سوزان، خدا حافظ!

سحرگه ناگاهان گؤردوم دیلی-زاریم نیهان آغلار،

سحرگه ناگاهان گؤردوم دیلی-زاریم نیهان آغلار، 
سیریشگی-عالیله هردم چگر آه و فغان آغلار. 
سوال ائتدیم نه باعثدیر چیخیب افلاکه افقانین؟ 
تؤکر خونی-جیگر جئشمین، آخار هر یان روان آغلار؟ 
کؤنول هوشیار ایمیش مندن، دئدی: بادی-صبادان سور! 
سراسیمه قالیب حئیران، چکر آه، الامان، آغلار. 
صبادان سوردوم احوالی کی، ائی هر حالدان آگاه، 
نه واقئدیر، سنی تاری، اولوب دیل ناتوان آغلار؟ 
دخی بادی-صبا، گؤردوم، بسی دیلکیرو نالاندیر، 
تکلّوم یوخ بَیان ائتسین، قالیبدیر بیزبان، آغلار. 
توتولموش نیطق گوفتاری، دئدی: ائی ناتوان خسته، 
نئجه شرح ائیله‌ییم حالی کی، جومله‌‌‌ اینسو جان آغلار. 
گزیردیم باغو صحرانی، پریشان حالیله، گؤردوم 
دیَیب بادی-خزان سروه قوروموش، باغبان آغلار. 
زبان سؤزدن قالیب خالی، ترحّوم ائتدیم احوالی، 
گؤزومه تار اولوب دونیا، دمادم جیسمو جان آغلار. 
بلی، گر گول بوداغینا توخونسا توند بادی-دهر، 
پریشان اولسا گول برکی، ائدر بولبول فغان، آغلار، 
پوزولدو رؤونقی-گولشن، داغیلدی زینتی باغین، 
دوشوب تابو طراوتدن، گول آغلار، گولسیتان آغلار. 

دوشیدی چرخ گردیشدن، اولایدی دهری-دون ویران، 
بشر تاب ائیله‌مز هرگیز، زمینو آسیمان آغلار. 
ایلاهی، گؤرمه‌سین گؤزلر، یامان گوندور بئله گونلر، 
آمان وئرمز قمو مؤحنت، هامی پیرو جاوان آغلار. 
فیراواندیر قمیم، شرحین بَیان ائتمک دئییل مومکون، 
یاز، ائی موستووفیگی-عالم، مودام اهلی-جاهان آغلار. 
میداد اولسا اگر دریا، قلم اولسا اگر اشجار، 
باشا یئتمز قمیم شرحی، قلم هر لحظه‌‌‌ قان آغلار. 
تنیم رنجور، دیل خسته، دخی بیر قمکوساریم یوخ، 
کیمه شرح ائیله‌ییم دردیم، گئدر تاب و طاوان آغلار. 
بلی، جون کؤوکبی-طالع وبال ائتسه فلک ایچره، 
نوحوستله قیران ائیلر، اولور گون گر یامان آغلار. 
بو دیوانی-قضاوتدیر، موقدّر روزی-اززلدن ! 
کی، هر دم نؤوبه‌نؤو قملر یئتر، بو ناتوان آغلار. 
کسیلمیش طاقتو-تابیم، باشیمدان عقل مهو اولموش، 
گؤزوم اشکی روان ظاهر، کؤنول دایم نیهان آغلار. 
دواسیز دردی-بی‌درمان، قالیب محزونو سرگردان، 
ارستو ایله هم لوغمان، فلاتونی-زامان آغلار. 
تماماً درد و قملردن فراقین دردی افزوندور، 
اونونچون ناتوان هر دم اولوب نالان، قان آغلار.

هیجرین ائدیبدی کؤنلومو برباد، آغلارام،

هیجرین ائدیبدی کؤنلومو برباد، آغلارام، 
چوخلار توتار بو حالیما ایراد، آغلارام. 
کؤنلوم ائوی خرابتر اولدو فراقدن، 
وصلین بو مولکو ائتمه‌دی آباد، آغلارام. 
دامی-فراقدکن، چوخ ایلاهو لابه‌لر 
ائتدیم، نه سود، ائتمه‌دی آزاد، آغلارام. 
نه هیجری-یاره طاقتو حالیم وفا ائدر، 
نه وصله چاتماز ال، ائدیبن داد آغلارام. 
چکدیکجه جؤوری-هیجرینی کؤنلوم فرح تاپار، 
شادام بو امره، بس نییه ناشاد آغلارام؟ 
گویینده محرم ائتدی رقیبی، صفا ایله 
قهر ایله ائتمه‌دی منی هم یاد، آغلارام. 
هیجرینده خوشدور آغلاماق آه و فغان ایله، 
سس وئرمسه بو نالوو فریاد، آغلارام. 
چون ناتوانی-زارو ضعیفم فراقدن، 
بو گونده یار ائتمسه ایمداد، آغلارام. 

ائی اهلی-دیل، فنانی قویون باری آغلاسین، 
اغیاره چونکی یار اولوب یاری، آغلاسین 
من ائتمک عاشقی، نه روا، آه و زاردان؟ 
چوخ دردی وار، قویون کی، سیزی تاری، آغلاسین. 
گیزلین خیالی وار کی، بئله آه و زار ائدر، 
اؤز حالینه قویون بو دیل‌افکاری، آغلاسین! 
بولبول نواسی بی‌سبب اولماز بو باغده، 
گؤردوکجه، هر زامان، گول ایله خواری، آغلاسین. 
هیجرانی-یار اولدو سبب آغلاماغینا، 
یا رب، گؤروم، همیشه سببکاری آغلاسین! 
وورسون علیله باشینا هر شام، تا سحر، 
یاره قم ایچره اولمادی قمخاری، آغلاسین. 
شامی-فراقده قالیبان زارو خسته‌حال، 
سالدیقجا یاده اول مهی-روخصاری، آغلاسین. 
سسلندی ناتوانه کی، اربابی-قم تامام 
حالی-فنایه جمع اولوب ائلجاری آغلاسین!

یانار جانیم، اوغول، دایم سنین ناری-فراقیندا،

یانار جانیم، اوغول، دایم سنین ناری-فراقیندا، 
نئجه پروانه‌لر هر دم یانار شمین آیاغیندا. 
گولی-رویون حواسیله چیخار افلاکه افغانیم 
اولور بولبول نواسی گول فراقو ایشتیاقیندا. 
سنین وصلین خیالییله گؤزو کؤنلوم گزر دایم 
کی، چون مجنونی-سرگشته، گزر لئیلا سوراغیندا. 
نهالی-قامتین ذکری منیم ویردی-زبانیمدیر، 
دمادم ناله‌ی-قومری اولور سروین بوداغیندا. 
او شیرین لبلرین شؤوقو گونو-گوندن اولور افزون، 
اگر فرهاد تک یوز ایل دولانسام هیجر داغیندا. 
حریصم بس کی، اول شیرین‌زبانین ذکرینه هردم، 
اولور خوش نیطقلی طوطی، شاکر اولسا دماغیندا. 
سنین هیجرین اودو، آبباس، دخی، چیخماز کی، جانیمدان، 
ثمندر تک یانار دایم آنان ناری-فراقیندا. 
اوچوب شهباز تک کؤنلوم، گزردی وصل باغیندا، 
پرو بالینی سیندیردی فلک، بو پیر چاغیندا. 
گؤزومده تاردیر دؤوران، مه و خورشیدی-نورفشان، 
محاق ایچره اولوب پونهان، ساناسان چرخ تاغیندا. 
سیریشکیم بیرله کیم، خالی دئییلدیر قامتین گؤزدن 
نه تئز دوشدو طراوتدن او سروین سو قیراغیندا. 

نولایدی گور اولایدیم، گؤرمه‌ییدیم گول کیمی جیسمین، 
قالیبدیر تیره خاک ایچره، مزارین گون قاباغیندا. 
کؤنولده حسرتیم قالدی، مزارین حئیف کیم، بیر دم 
سنی تا گؤرمه‌دیم خورم، اوغول، داماد اوتاغیندا. 
نه‌دندیر اینتیظار ایله، او شهلا گؤز باخار حئیران، 
گؤزوم اول گؤزلره قوربان، باخار آهو سایاغیندا. 
همیشه زارو دیلمهزون، تؤکر گؤزدن سیریشکی-خون، 
پریشان حال ایله دایم، قمو مئهنت بوجاغیندا. 
قمی-هیجران ائدیب طوغیان، قالیبدیر ناتوان سوزان، 
روان اشکی-بصر هر یان اولان گؤزلر بولاغیندا.

سنینله، ائی بوتی-مهروی، مِهریبان من ایدیم،

سنینله، ائی بوتی-مهروی، مِهریبان من ایدیم، 
انیسو-مونیس ایدیم، یاری-مِهریبان من ایدیم. 
جمالی‌نین گولونه نیشی-خوار تاپمادی ال 
کی، حوسن باغینا پئیوسته باغبان من ایدیم. 
صریری نازده سن خوابی-ناز ائدن گئجه‌لر، 
صباحه‌دک سری-گویینده پاسیبان من ایدیم. 
سبب نه اولدو منی هیجره موبتلا قیلدین؟ 
نثار ائدن سری-گویینده جیسمو جان من ایدیم. 
روادی بونجا چکیم دردی-فیرقتین، آخیر، 
ویصال گونلری، ائی دوست، کامران من ایدیم. 
بلا خدنکینه، نئیلیم، منی نیشان قیلدین، 
رقیب تنه‌سینه خاطیری-نیشان من ایدیم. 
سلامت اهلی نه بیلسین نه دیر ملامتی-عشق؟ 
ائل ایچره شؤهرتی-عشق ایله داستان من ایدیم. 
دریغ، یانمادی یار، گؤرمه‌دی فراق اودونو، 
نئچون گومان ائله‌مز عشقده یانان من ایدیم. 
همیشه وصلین ایله شادو خورم اولموشدوم، 
بو هیجر اودونا یانان زارو ناتوان من ایدیم.

ائی گولی-سوسن، سنی بیر ناتوان چکمیش مگر؟

ائی گولی-سوسن، سنی بیر ناتوان چکمیش مگر؟

بیر مهی-آلی مقامه بندیوان چکمیش مگر؟

بئیله تاریک رنگ ایله گیرمیش او قصره بیلمه‌ییب،

سیلله‌لر روخسارینه اول باغبان چکمیش مگر؟

چونکی بو گولشنده سرکردان گزنلر چوخدو، چوخ،

اول سببدن پاسیبانلار خوش نیشان چکمیش مگر؟

رنگو بوییندن موزییندیر بوساتی-بزمی-گول،

خامه‌ی-نقاشی-قودرت گولسیتان چکمیش مگر؟

بو قدر لوطفو نزاکت کیم سنین حوسنونده‌دیر،

لوطفی-طبیله سنی اول ناتوان چکمیش مگر؟

اوزون عشق آتشینه وورماغا دیلشاد پروانه,

اوزون عشق آتشینه وورماغا دیلشاد پروانه,

بلی, بیر دفعه‌ یانماقدان اولور آزاد پروانه.

گؤرور مجلیسلر ایچره شمی هر شب یار, اغیاره,

اونونچون یانماغین ترهین قیلیر بونیاد پروانه.

سنه, ائی شم, تؤهمتلر قیلیر معشوقلر ایچره,

اگرچی خرمنی-عومرون قیلیر برباد پروانه.

دئمه معشوقه بی‌پروادی, شمه کیم ملامتدن

وئریب جان صوبحه‌دک اولدو وفادن شاد پروانه.

بیلیب شمین وفاسین جیسمو جانین آتشه یاخدی.

قمی-هیجران دمی-وصلتده ائتدی یاد پروانه.

جفایی-هیجریدن جانه یئتیب شؤوقی-وصال ایله,

یانیب شمین اودونا ائتمه‌دی فریاد پروانه.

یانار چون ناتوان خسته, مودام اول آتشی-قمدن,

سبور اول, ائیله عادت شیوه‌ی-اوستاد, پروانه!

لاتین الیفباسی و فونتیک الیفباسی

نه اولدو بولبوله کیم, قیلدی گولسیتان ترکین

نه اولدو بولبوله کیم, قیلدی گولسیتان ترکین
ئونوتدو گول‌لرینی, ائتدی آشییان ترکین.
کیم ایله مونیس اولوبدور, کیمه سالیب مئیلین?
روامی‌دیر ائلمک یاری-مئهریبان ترکین?
کؤنول کی, خاری-جفا‌دن همیشه نالان‌دیر.
یارالی‌دیر, ائلمز نالوو فغان ترکین.
چیراغی-رؤوشنی-بزمی-ئومید ایکن, یا رب,
سبب نه اولدو, او مه ائتدی همزبان ترکین?
باخارمی قئیری‌لره چئشمی پیری-کنانین?
ائدرمی عاشق اولان یوسیفی-زامان ترکین.
سنین فراقینه جانیمدا تابو تاقت یوخ,
تنی-فوسورده, عزیزا, ائدرمی جان ترکین?
جهانی ترک ائلمز کیم کی, عاشقی-جان‌دیر,
حیات‌دان اوزوب ال, ائیلمز جهان ترکین.
قراری-جانیم ایدی, کسدی جان توانسینی
اوزولدو قوتی-جان, ائتدی ناتوان ترکین.


 

ائی دوست, یارارمی بؤیله ایقرار?

ائی دوست, یارارمی بؤیله ایقرار?
یار اولدوغوم ایدی, اولدوم اغیار,
سن قئیری‌لر ایله اونس توتدون,
بیلمم نییه یارینی ئونوتدون?
سن قئیر ایله همزبانو یئکدیل,
امما, منه روزگار موشکیل.
بس‌دیر منه وئردییین بو خیففت
اغیار آرا‌سیندا, بیموروووت!
بیرحملیک ائتدییین یامان‌دیر,
بیر رحم ائله کیم, آمان, آمان‌دیر!
باخ بیر فلکه, گؤر ایندی, ذینحار,
گؤر کیم‌لر ایله ائدیب‌دیر ایقرار?
افسوس کی, کئچدی روزیگاریم,
آهیم سنه چاتماز, ائی نیگاریم!
بیگانلیک ائتمه, آشینایم,
درگاهینه کمترین گدایم.
هر آن کی, منی بو حاله سالمیش,
ایندی بئله قئیلو-قاله سالمیش.
گل رحم قیل ایندی, پادشاهیم!
افلاکه یئتیشدی دودی-آهیم.

سن یار ایله ذؤوقده, سفاده,
من بوردا بو جئور ایله جفاده.
واختیندا سی آشینالیق ائقدین
دؤندون بئله بیوفالیق ائتدین.
تقصیر کیمین اولدو پادشاهیم?
بیل‌دیر کی, منه ندیر گوناحیم?
بس نئیلسین, ایندی بو دیلی-زار?
گؤر کیم‌لر ایله چکردیم آزار.
سن نازین ایله اول ایندی خرم.
اغیار ایله قم چکیم دمادم.
سن ائیشده ایلش ایندی خوشدیل,
من هیجریده, هم ملولو موشگول.
اولدور منی, اولسون اللرین وار,
صبر ائیله, گؤزوم, نه تقصیریم وار.
قحر ایله چکردیم آه جان‌دان,
آه چکمییر آد بو ناتوان‌دان.


 

ندیر موراد, فلو ائتمز ایمتاحان ترکین?

ندیر موراد, فلو ائتمز ایمتاحان ترکین?
گولی-فوسورده قیلیر جؤوری-گولسیتان ترکین.
نئجه قرینه کئچیب, چکمز ال جفا‌سین‌دان,
بودور مرامی, قیلا سرو بوسیتان ترکین.
فراقه دوشموشم, اولموش مودام ایشیم افغان,
مگر گول اولمازسا, بولبول ائدر فغان ترکین?
جاهانی ترک ائدرم, جمله دؤولتو وارین,
محل‌دیر ائلمک بؤیله نوجاوان ترکین.
چکیب فراق, اولا‌لی دردو قم گیریفتاری,
سیریشکیمین, اولومو ائیلمک روان ترکین?
نه اولدو, گنجی-روخون ائیلدی نحان گؤز‌دن!
خزینه صاحبی ائیلرمی پاسیبان ترکین?
قدیم رصمدی کیم, مولکی-دیل اولور ویران,
او دم کی, مملکتین قیلسا خوسرووان ترکین.
نه باعث اولدو کی, تئز کسدی من‌دن اونسییت,
قرارو صبرو توان ائتدی ناتوان ترکین.


 

لاتین الیفباسی

اگرچی خوشدو منه اتری, هم سفاسی گولون,

اگرچی خوشدو منه اتری, هم سفاسی گولون,
جفاسی چوخدو, نه حاسیل کی, یوخ وفاسی گولون.
جفایی-خاری گؤروب کؤچدو باغ‌دن بولبول,
گؤرن کیم اولدو بیر گولشنده آشیناسی گولون?
خزانه مئیل ائلدی, آلمادی وفا نظره,
یئتیشدی بولبوله چوخ-چوخ قمو جفاسی گولون.
تؤکر سیریشک اوزینده گؤزوم اوزه آل قان,
اولوبدو چونکو کؤنول زارو موبتلاسی گولون.
یازیلسا نقطهبنؤقته, دئییلسه حرفبحرف,
قوتارماز هشره قدر حالو ماجراسی گولون. .
اوزاری-آلینه باخدیقجا قان اولور دیل‌لر,
ایلاحی, حد‌دن آشیر مؤحنتو بلاسی گولون.
خطا یولونا دوشوب بولبوله جفا قیلدی,
خطایا سالدی اوزون آقیبت خطاسی گولون.
جاحاندا ذرره قدر اولماز, ائی کؤنول, خن‌دان
کی, خونی-بولبول اگر اولماسا غزاسی گولون.
توتاردی خونی-جیگر‌دن اولایدی گر سیراب
گونش تک هر طرفی, ناتوان, ضیاسی-گولون.


 

لاتین الیفباسینان

یئنه یا رب, نه قمکین‌دیر منیم بو شاد اولان کؤنلوم,

یئنه یا رب, نه قمکین‌دیر منیم بو شاد اولان کؤنلوم,
روموزی-عشق‌دن آگاه اولوب, ئوستاد اولان کؤنلوم.
گؤروبدور یاری اغیاره اولوبدور محوی-نززاره,
ائدیب‌دیر سینسین پاره, منیم آباد اولان کؤنلوم.
نییه پئیمانی‌دن کئچدین, نییه ذنجیر‌دن قاچدین?
ندن‌دیر چؤل‌لره دوشدون, منیم برباد اولان کؤنلوم?
فراقین روزی-محشر‌دیر, سراسر مئحنتو قم‌دیر,
او زولفون کییمی درحم‌دیر, منیم آزاد اولان کؤنلوم.
باخین بو ناتوان زاره, گونو بختیم کیمی قاره,
گزر مجنون تک آواره منیم ناشاد اولان کؤنلوم.


 

لاتین الیفباسینان

ییخیب بو کؤنلوم ائوین, ائیلییب ویران, گئتمه,

ییخیب بو کؤنلوم ائوین, ائیلییب ویران, گئتمه,
یوخومدو تابو-توان فیرقته, جاوان, گئتمه!
فدا اولوم سنه من, سن‌دن آیریلا بیلمم,
یقین فراقین ائدر قددیمی کامان, گئتمه.
سنینله روشن ایدی قلبیم, ائی گؤزوم نوری, .
گومان کی, تنگ اولا جانیمه بو جاحان, گئتمه!
بویون بلاسین آلیم, سرو تک ییخیلما, اوغول,
دویونجا گؤرممیشم, گئتمه, بیر زامان, گئتمه!
چیخایدی کاش گؤزوم, گؤرمییدی هیجرانین
اولونجه بیل ائدرم نالوو فغان, گئتمه!
صباحه دک اوتوروب چکمیشم جفا‌لارینی,
بویوم برابری‌سن ایندی الامان, گئتمه!
یقین ال چکجک دوستو آشینا‌لر‌دن,
دیوانه تک دوشجک چؤل‌لره آنان, گئتمه!
سنینله کیم آچیلیب قلبیمین شوکوفه‌لری
موروووت ائیله, عزیزیم, ائدوب خزان, گئتمه!
ترححوم ائیله منه, دردو مؤحنتیم چوخدور,
قویوب بو هیجر بلا ایچره ناتوان, گئتمه!
دی یومما گؤز‌لرینی, قوی گؤروم دویونجا باری,
گؤزومده جاری ائدیب اشک هم روان, گئتمه.


 

لاتین الیفباسینان

خؤجسته بولبو‌لی-خوشنیتق, خوشزبان, گئتمه!

خؤجسته بولبو‌لی-خوشنیتق, خوشزبان, گئتمه!
منه ترححوم ائله, قویما ناتوان, گئتمه!
بو گولشن ایچره, گولوم نووشوکوفته بیر گول‌سن,
سنه هنوز دئییل مؤوسیمی-خزان, گئتمه!
منی - فلکزادیه رحم قیل, سنی تاری,
قاشین کیمی قددیمی ائیلییب کامان, گئتمه!
سنین بو گؤز‌لرینه گؤز‌لریم اولا قوربان,
بیر-ایکی دم منه اول باری همزبان, گئتمه.
یئنی نومووو ائلین, سرووش, دایان باری,
سیریشکیمی قوی ائدیم پایینه روان, گئتمه!
منه کی, گوشئیی-جشم ایله بیر نحان باخدین,
تئز اولدورر منی بو مؤحنتی-نحان, گئتمه!
دوشه ایاق‌دن اول سروی-قامتین, بیللاه,
قییامتی گتیرر باشیمه ایان, گئتمه!
بو جیسمی-زاریم اوچون محض روح‌سن, آخیر,
توتار قرار مگر, روحسوز روان, گئتمه!
ایکی گؤزوم ایشیغی, شاهزاده سیمبریم,
منی ده یولداش آپار, قویما ناتوان گئتمه!


 

لاتین الیفباسینان

خؤجسته بولبو‌لی-خوشنیتق, خوشزبان, گئتمه!

خؤجسته بولبو‌لی-خوشنیتق, خوشزبان, گئتمه!
منه ترححوم ائله, قویما ناتوان, گئتمه!
بو گولشن ایچره, گولوم نووشوکوفته بیر گول‌سن,
سنه هنوز دئییل مؤوسیمی-خزان, گئتمه!
منی - فلکزادیه رحم قیل, سنی تاری,
قاشین کیمی قددیمی ائیلییب کامان, گئتمه!
سنین بو گؤز‌لرینه گؤز‌لریم اولا قوربان,
بیر-ایکی دم منه اول باری همزبان, گئتمه.
یئنی نومووو ائلین, سرووش, دایان باری,
سیریشکیمی قوی ائدیم پایینه روان, گئتمه!
منه کی, گوشئیی-جشم ایله بیر نحان باخدین,
تئز اولدورر منی بو مؤحنتی-نحان, گئتمه!
دوشه ایاق‌دن اول سروی-قامتین, بیللاه,
قییامتی گتیرر باشیمه ایان, گئتمه!
بو جیسمی-زاریم اوچون محض روح‌سن, آخیر,
توتار قرار مگر, روحسوز روان, گئتمه!
ایکی گؤزوم ایشیغی, شاهزاده سیمبریم,
منی ده یولداش آپار, قویما ناتوان گئتمه!


 

لاتین الیفباسینان

 
  • یارپاقلارین سایی :2
  • 1  
  • 2  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم