تبلیغات
ایران آذربایجانی تورکجه سینین ادبیات اوتاغی - مطالب ابر حضرت مولانا جلاالدین رومی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

وزیرین موریدلری‌نین اونا خلوتنیسینلیگی ترک ائتمیی دفعه‌‌لرله تکلتف ائتمه‌لری

وزیرین موریدلری‌نین اونا خلوتنیسینلیگی ترک ائتمیی دفعه‌‌لرله تکلتف ائتمه‌لری

هامی اونا سؤیله‌دی، ائی فیتنه‌لی علامه،

بیراخ بو جفالاری، سؤیله بو نه هنغامه.

بیزی ایبتیدادان سن، نئجه قبول ائتمیسن،

سون قونوموزه قدر، مرحمت ائتمه‌لیسن.

زییفلیک، عاجیزلیگی، کاسیبلیقی بیلمیسن،

قدریمیزی بیلنسن، بیزه اؤیرت علمی سن.

دؤردایاقلیلار قدر، یوکه گوجوموز چاتماز،

ضعیف آداملاریق بیز، ایشه الیمیز یاتماز .

هر قوشون وار اؤز دنی، بیلیرلر اندازه‌نی؛

بوتون قوشلارین انچیر، اولا بیلرمی دنی؟

کؤرپه اوشاغا وئرسن، چؤرگی سود یئرینه،

او یازیق اوشاق اؤلر، دیریلمک عوضینه.

دیشلر چیخاندان سونرا، ایشلر دیَیشر بیردن،

اوشاق اؤزو- اؤزونه، چؤرک آختارار یئردن.

قانادی چیخمایان قوش، اوچا بیلمز هئچ زامان،

ییرتیجی پیشیکلرین، اووو اولاچاق هامان.

قاناد چیخاندان سونرا، اؤزو پرواز ائدچک،

زحمتسیز، اذیتسیز، فیشتیریقسیز اؤته‌جک.

سن اؤز گؤزل نیطقینله، دیوی ده سوسدورارسان،

اؤز شیرین صؤحبتینله، بیزه شنلیک قورارسان.

قولاقلار دا مست اولار، چونکی دانیشان سنسن،

صحرالار دا گؤیرر، چونکی سؤز قوشان سنسن.

سنینله سانکی رببین، مکانیندا اوجالیق،

ائی آی بورچو بیل سندن، نورونو آلیر بالیق.

سنسیز تانریمیز بیزه، بیلینمز بیر وارلیقدیر،

سنینله ائی ماه یئرلر، همیشه بیر نورلوقدور .

سنین آی اوزون ایله، قئجه هئچ واخت قارالماز،

گوندوزلر نورون یوخسا، یئر اوزو ایشیق اولماز.

سنینله تورپاقلارا، فلکدن ال اوزاتدیق،

سنسیز سمادا اولساق، سانکی تورپاغا چاتدیق.

سرعتی عظمتلی، اولار چرخی- فله‌یین،

معناصی بؤیوک اولار، حیاتین، گؤزللیگین.

گؤزلر سرعتلر یالنیز، جیسیملر اوچوندور بیل،

جیسیم معنا یانیندا، ایسیم کیمیدیر ائی دیل.

الله! الله! بیر نظر، سال بیزیم اوستوموزه،

نا اومود ائتمه بیزی، آلوو وئر توستوموزه .

وزیرین اؤز موریدلری‌نین و اونا اطاعت

وزیرین اؤز موریدلری‌نین و اونا اطاعت

ائدنلری‌نین خاهیشینی رد ائتمه‌سی

- دئدی بیلین، ائشیدین، منی مشهور ائدنلر،

دیل تؤکرک یالواریب، منی مجبور ائدنلر.

قولاغی پامبیقلایین، پیس دویغونو اونودون،

گؤرمک حیسسیاتینی، گؤزونوزدن یوخ ائدین.

باشدا اولان قولاغی، پامبیقلا سیز ائدین کار،

قولاقلار کار اولماسا، باطینینیز کور اولار.

قالین دویغو قولاقسیز،منه طرف ائنین سیز،

ائشیدین خیتابینی، رببینیزه دؤنون سیز.

ظاهری گزینتیمیز، بیزیم سؤز نیتیمیز،

سماوی گزینتیمیز بیزیم بصیرتیمیز.

قورودا اولدوغویچون قورونو آرزو ائتدی

موسانی ائشیده‌رک، تانری سویو قوروتدو.

جیسمانی گزینتیمیز، بیزیم قورودا اولدو،

دنیزی قوروتماقچین، آیاق سویا قویولدو.

عومرون سنین کئچرسه، یئر اوستونده قورودا،

گاه داغدا، گاه چمنده، گاه چؤلده، اوردا- بوردا.

بس هاردا «آبی حئیوان» اؤزون اوچون تاپارسان،

بس دنیز دالغاسییلا، هاردا سن چارپیشارسان.

یئرین تلاتوملرین، درک ائتمه‌یه قادیریک،

صوفی رییازتلرین، سرخوشوق درک ائتمیریک.

آغلین باشدا، مستلیکدن اوزاق گئتمه‌لیسن سن،

بو مستلیک جاملارینا، نیفرت ائتمه‌لیسن سن.

کدرله ظاهر اولدو، صؤحبتلر، دانیشیقلار،

بیر آز اؤزونو سوسدور، سوسانلار آییق اولار.

مکر و حیله‌‌ ایله وزیرین ووردوغو زیانین بَیانی

مکر و حیله‌‌ ایله وزیرین ووردوغو زیانین بَیانی

وزیر ده شاهی کیمی، چوخ نادان قافیل ایدی،

قاچیلماز کئچمیشییله، دؤیوشه قابیل ایدی.

هئچ بیر کس قاچا بیلمز، تانری‌نین قودرتیندن،

گؤزو آچیق اینسانلار، خبردار شؤهرتیندن.

اؤز قودرتییله تانری، نه ایستسه یوخ ائدر،

یوز نؤو بئله عالملر، آلت-اوست، اوست-آلت گئدر.

ایستسه اگر تانری، یوز عالمی یارادار،

سنه اؤز قودرتینی، شؤهرتینی تانیدار.

باخما جاهان سنینچین، بؤیوک مکان کیمیدیر،

او، قودرتین یانیندا، کیچیک مئیدان کیمیدیر.

بو جاهانین اؤزونده، بیل کی، حیات فانیدیر.

آخیرته چاتماقچین، بیر قاچیش مئیدانیدیر.

بو دونیا چوخ محدوددور، حدودسوزدور و داردیر،

بو دونیایلا، او دونیا، آراسیندا سدد واردیر.

فیرعونون یوز مینلرله، اوردوسو حاضر ایدی،

موسا عصایلا مغلوب ائتمه‌یه قادیر ایدی.

جالینوسون مینلرله، طیببی کشفلری واردی،

عیسینین بیر نفه‌سی، اوندان اوستون اولاردی،

یوز مینلرله دونیادا واردیر شعر دفتری

مقدس کلاملارین، یانیندا یوخ دیَری.

حیله‌‌یله تانریسینا، قالیبم دئین لچر،

سنین جانین آلینماز، چؤپه دؤننه قدر.

چوخلو داغ اورکلی‌نین، جانینی آلمیش فلک،

زیرک قوشلاری ایکی، آیاقدان آسمیش فلک.

حیله‌‌نی چوخ آرتیرماق، زیرکلیک یولو دئییل.

شاهین بیجلیگی اونا، عذاب وئرن یولدور بیل.

ائی خزینه آختاران، اونا ماراقلا قالسان،

او خیاللا یاشاسان، آخماق، سویوق ساققالسان.

آخماق کیمدیر کی، سن ده، اونا ساققال اولاسان،

بس گیل نه دیر کی، سن ده، اوندا آلاق قالاسان.

قیزیل- گوموش نه دیر کی، اونا مفتون اولاسان،

گؤزل صورت نه دیر کی، اونا وورغون اولاسان .

بو سارایلار بو باغلار، سنین اؤز زیندانیندیر،

سنین بو مولکو- مالین، بلا ایچره جانیندیر.

تانری او شخصلرین کی، حالین ملالا سالدی،

اونلارین صورتینی، باشقا بیر حالا سالدی.

پیس عمللی بیر قادین، سارالیبان سولدوسا،

تانری اونو مسخئتدی، دؤندردی بیر کابوسا.

بیر عضوو، باشقا عضوه، دیَیشمک مسخ آدلانار،

تورپاغین گیل اولماسی، دئ بس نئجه آلینار،

روح سنی آپاریردی، اوجا چرخی- برینه

چامیر طرفه گئتدین، سوروشدون اسفه‌لینه

اؤزونو مسخ ائتدین سن، بو رزیل صفیللیکدن.

اؤزون بو حالا سالدین، عاغیلا قافیللیکدن.

بو مسخدن داها دا پیس، داها نه اولا بیلر.

او مسخین قارشیسیندا، بو داها دا پیس اولار.

سن اؤز حیکمتاتینی، آخورا طرف چاپدین،

سجده‌ده اولانلاری، سانکی گزدین گئج تاپدین،

آدم اوغلوسان آخی، ائی ویجدانسیز، ناخلف،

نه واختا دک پستلیگی، ساناجاقسان سن شرف.

نه واختاجان دئیرسن، بو عالمی توتارام؟!

بو دونیانین هامیسین، نسلیمه من ساتارام؟!

دونیا قارلا دولارسا، آغارارسا سربسر

تانری بیر نظرییله، اونو تامام اریدر.

بئله گوناهلیلاری، یوزمین اونا اوخشاری،

تانری بیر طوفانییلا، یوخ ائیله‌یر اونلاری.

همین پیس خیاللاری، چئویرر او حیکمته،

زهرلی پیس سولاری، دؤندرر او شربته.

خارابالیق یئرلرده، خزینه‌لر گیزله‌در،

تیکانلاری ائدر گول، جیسیملری جان ائدر.

او، گومان ائدیله‌نی، تئزلیکله ائدر یقین،

مئهر ایله سئویله‌نی، ائده بیلر تامام کین.

آتشین ایچینده ده، ایبراهیمی وار ائدر.

روحون قورویوجوسو، قورخولاری خار ائدر.

راضیلیق سببیندن، اولموشام من سرگردان،

سوزیشسببیندن ده، اولموشام سنه حئیران.

ایختیلافلارین حقیقتده دئییل،

ایختیلافلارین حقیقتده دئییل،

حرکت طرزینده اولماسی‌نین بَیانی

وزیر، بو مینوال ایله اون ایکی مکتوب یازدی،

عیسینین دینینی او، دوشمن دینی تک یوزدو.

عیسی خاصیتیندن، اونون یوخ هئچ خبری،

کوپون معجزهسی‌نین اونونچون یوخ دیَری.

همین صفالی کوپدن، چیخار یوز رنگلی لیباس،

آل گونش شفقی تک، ساده، دوز رنگلی لیباش.

ائله بیل رنگ یوخدور کی، آی کیمی پاریلداسین،

صاف سولاردا گؤرونن، بالیق تک ایشیلداسین.

باخما کی، مینلرله رنگ اؤزونو پاریلدادیر،

سانکی بالیق ائدیر جنگ، گاه سودا، قورودادیر

کیمدیر بالیق کیمیدیر، نه دیر دنیز کیمیدیر؟

بو او گؤزل تانری‌نین، اؤزونون قودرتیدیر.

یوز مینلرله بالیقلار، دنیزده یاشایارلار،

تزیم ائدیب او شخصه، عابده اوخشایارلار.

تانری یاغیش بخش ائیله، یاغ دنیزه، یاغ یئره،

یاغ کی، دنیزده دوررلر، سپیلسین دنیزلره .

سپیر شوالارینی، گونش اؤز کرمییله،

بولودلارا گؤسترسین جومردلیگینی بؤیله.

ائی گونش کرم ائیله، شوانی پارلاق ائیله،

او صاف شفقلرینله، هر یانی پارلاق ائیله.

تانری اؤز قودرتییله، سویا گیللری قاتدی،

دنی جوجرتمک اوچون، تورپاقلا یئر یاراتدی.

او تورپاق وفالیدیر، اوندا نَیی اکرسن،

ائتمز خیانت سنه، اکدیگینی بیچرسن.

بو امانت تانریدان، کؤمه‌یینی آلمیشدیر،

عدالتین گونشی، ظفرینی چالمیشدیر.

حاقین قودرتی اگر، گتیرمسه نؤوباهار،

باشینا کول تؤکنلر، اولمازلار هئچ آشیکار.

طبیعتی بخش ائدن، او سخاوت صاحبی،

هونرلری بخش ائدن، او صداقت صاحبی.

حاق لوطفو- کرمیندن، او ماددجانا گلیر.

محبتین قهریندن، او هر کیمدن گیزله‌نیر.

او، قئیری عضوی مادده، فضیلتدندیر لطیف،

هر شئی اونون کرمی، لوطفییله اولموش ظریف.

قئیری عضوی مادده‌یه، فضیلتدن پای وئرر،

اؤز گوجو قودرتییله، قافیللره های وئرر.

کوکره‌مه‌یه جوشماغا، جانلا قلبده تاقت یوخ،

کیمه دئسک کلامی، اوندا هئچ صداقت یوخ.

کیمده قولاق ائشیتمز، گؤز اونو عوض ائدر،

داش هارادا اولمازسا، اوردا اولار عقیقلر

کیمیا اؤزو نه دیر کی، او، کیمیا یاراداندیر.

معجزه‌ اؤزو نه دیر، او، دونیا یاراداندیر.

بئله سنا سؤیله‌مک، سانکی ترکی سنادیر

او، وارلیغین ثبوتو، وارلیق اؤزو خطادیر.

او، وارلیق قارشیسیندا، ناچیز اولمالیسان سن،

او وارلیغین یولوندا، عاجیز قالمالیسان سن.

اگر کور اولماسایدین، یانیندا ارییردین،

گونش ایستیلیگینی، یاخشی درک ائلییردین.

اگر اولا بیلسیدی، تسللیدن تسکینلیک.

حیاتدا اولمازدی هئچ، سولغونلوقلا چیرکینلیک.

latıncə

وزیرین اینجیلین حؤکوملرینی قاریشدیراراق،

وزیرین اینجیلین حؤکوملرینی قاریشدیراراق،

 هؤکمون ایچینده حؤکم، سؤزون ایچینده سؤز دئمه‌سی و حیله‌لری

هر کسین اؤز آدینا، بیر فرمان حاضر ایدی.

هر بیر فرمانین اؤزو، بیر ایشه قادیر ایدی

هؤکوملرین هر بیری، بیر- بیریندن فرقلییدی،

بیری باشدان- آیاغا، باشقاسی‌نین عکسییدی .

بیریسینده زاهیدلیک، ایشکنجیله چتینلیک،

ساییلیردی توبه‌نین سوتونو و متینلیک.

بیرینده دئییلیردی، زاهیدلیگین خئیری یوخ.

همین بو تریقتده، جومردلیک یوخ، عیبی چوخ.

بیرینده دئییلیردی، جومردلیک و زاهیدلیک،

معبودونوزا سیزین، گتیره‌جک شریکلیک.

بیری صاحب ایختییار، بیری تام تسلیم ایدی.

بوتون بو اینسانلارین، اطرافی تیلسیم ایدی.

بیرینه دئییردی کی، واجیبدیر خیدمت ائتمک،

اگر بئله اولماسا، ایشین تؤهمتدیر دئمک.

بیرینه دئییردی کی، بو ایشده اینکار گرک،

بو ایشده خئییر یوخدور، گل عاجیزلیک گؤسته‌رک.

هر نقه‌در عاجیزلیک، گؤسترسک بو ایشده بیز.

اوندا حاقین قودرتین، بیز یاخشی درک ائدریز.

بیرینه دئییردی کی، اؤزونو عاجیز بیلمه،

نعمته کوفر ائتمکدیر، بو ایشده عاجیز اولما.

گوجونو، قودرتینی، تانری قودرتینده گؤر،

سنده اولان قودرتی، اونون نعمتینده گؤر.

بیرینه دئییردی کی، سن قوشا معنادان کئچ،

قاریشیق فیکیر دئمه، سؤزون معنالیسین سئچ.

بیرینه دئییردی کی، سؤندورمه بو شامی سن،

هامییا ضرر دیَر، اگر شامی سؤندورسن.

سؤندورمک خیالیندان ایمتینا ائتسن اگر.

گئجه قارانلیغیندا، اؤزونه خئیری دیَر.

بیرینه دئییردی کی، سؤندور شامی قورخما سن،

اونون عوضینده سن، یوز مینین گؤره‌جکسن.

اگر شامی سؤندورسن، شامین عومروقالاجاق،

چونکی لئیلی صبر ائتسه، مجنون کیمی اولاجاق.

کیم کی، ترکی دونیا تک، چکینسه پیس عملدن،

چیخاجاق قارشیسینا، دونیوی عمل هر دم.

بیرینه دئییردی کی، حاقین سنه نه وئردی،

اؤزون شیرین ائتمکچین، سؤزونه معنا وئردی.

اونو سئوه‌سن دئیه، هر شئیی ائتدی آسان،

حیاتین گیردابینا، اؤزونو آتمایاسان.

بیرینه دئییردی کی، قوی او تانری‌نین اؤزو،

قبول ائتسین آرزونو، رد ائتمه‌سین هئچ سؤزو.

موخته‌لیف- یئنی یوللار، هره‌سی بیر جور اونلار،

یوللارین هر بیرینی، یالنیز بیر میللت آنلار،

حاقین یولونو تاپماق، سنه اولسا مویسسر.

یهودی بوتپرست ده، منجه او یولو سئچر،

بیرینه دئییردی کی، او یول، یول اولا بیلر،

او یولدا قلب حیاتا، جانلارا قیدا وئرر.

باخما سیرکه زؤوقونه، تبینه اویغون گلیر،

میقداری چوخ اولاندا، اؤلوم ده وئره بیلیر.

اونون چوخ توند اولماسی، پئشمانچیلیق گتیرر،

حتی آلقی- ساتقیسی، خسارتلر یئتیرر.

بیر آرزویا، ایسته‌یه، نایل اولا بیلمه‌سن،

احتیاجدا قالارسان، گئدرسن اؤلومه سن.

آرزو ایله ایمکانین، آراسیندا فرقلر وار،

نهایت بیر گون گلر، اوست- اوسته دوشر اونلار،

بیرینه دئییردی کی، علمی اوخو، عالیم اول،

شرافت نسبله یوخ، عالیملیکله اولور بول.

نهاییت گؤردولر کی، اوممتلرین هر بیری،

آزیب یولو اولدولار، هره بیر دین اسیری.

دینلرین تبلیغاتی، اولماسایدی چوخ دبده،

اولمازدی ایختیلافلار، یوخ اولمازدی ادب ده.

بیرینه دئییردی کی، سن اؤزون ده عالیمسن،

تکجه عالیم دئییلسن، عالیملر عالیمیسن.

کیشی اول ائل ایچینده، تنقیده مروز قالما،

گئت علمینی آرتیر سن، چوخ دا سرگردان اولما.

بیرینه دئییردی کی، یوزده بیر نئجه اولار،

بو کی، فیکیر ایسته‌مز، بیلمه‌ین مجنون قالار.

بو فیکیرلرین هامی، بیر- بیریندن فرقلییدی،

بیری شکر اولسادا، دیگری زهرلییدی.

مظمونو ضدیتلی، فورما گئجیله- گون تک،

داش آراسیندا گؤوهر، تیکان یانیندا گول تک.

زهردن آییراراق، گؤتورمه سن شکری،

وحدت گولزارلیغیندان، آلاجاقسان خطری.

وحدت، وحدت ایچینده، بو بیچیمده مجنوی،

سمک بورجو قورتاردی، کئچ سئماکا معنوی.

latıncə

درین دوشونجه‌لی ایسویلرین

درین دوشونجه‌لی ایسویلرین

وزیرین حیله‌سینی باشا دوشمه‌سی

رزیللیکدن مایه‌لی، قولاق، بورونسوز وزیر،

حیله‌سییله ائدیردی، خالقی تانریدان خجیل.

دینین «نصیحتچیسی»، او کافیر وزیر یئنه،

خالقی زهرله‌مکچین، حیله‌لر گزیر یئنه،

اونون دئدیکلریندن، زؤوق آلماق ایسته‌ینلر،

اول زؤوق آلیردیسا، سونرا گؤروردو ضرر.

سؤیله‌ییردی قاریشیق، فیکیرلری بیرببیر،

سانکی شیرین گولابا، قاتیر زهرلی عطیر.

آییق اول اینانما سن، اونون شیرین سؤزونه،

چونکو سؤز آلتی معنا، میل چکدیرر گؤزونه.

چیرکین اولارسا اینسان، دئدیگی سیرلی اولار.

اگر دئسه اؤلودور، عکسینه دیری اولار،

عاقیللر سؤیله‌میشلر، اورک- اوره یه اوخشار،

چؤرگین پاراسی دا، یقین چؤره‌یه اوخشار.

مؤولا الی سؤیله‌میش:- گؤرسن جاهیلدیر اینسان ،

اونو سن زیبیللیکده ، بیتن آلاق کیمی سان1.

همین آلاق اوستونده، اوتورارسا بیر اینسان،

ائله بیل نجیس اوسته، اوتورموشدور همین آن.

گرک نجیسی یویوب، اؤزونه قوسول وئرسین،

واجیب اولان ناماز، یئنیدن قیلا بیلسین.

- او، ظاهرده دئییردی:- دین یولوندا دوغرو اول،

سونرا حرکتییله، گؤستریردی ایری یول.

باخما ظاهرده گوموش آغ اولاراق پاریلدار،

اونا الینی سورتسن، آغ الینی قارالدار .

سن باخما آلوو اؤزو، ظاهرده قیپقیرمیزی،

بیر شئیی یاندیرارسا، کؤسؤیه دؤنر کؤزو.

شیمشک دئینده سنین، نور گلیر نظرینه،

لاکین خاصیتینده، یاندیرماق واردیر یئنه.

زؤوق صاحبی اولماسا، آگاه دئییلسه اینسان،

اونون سؤیله‌دیکلری، پیسدیر بویوندوروقدان.

دوز آلتی ایل ایدی کی، شاهدان اوزاقدا ایدی،

ترسالار آراسیندا، او، وزیرلیک ائدیردی.

هامی اؤز طالعیینی، اونا تاپشیریردیلار.

اؤل دئسه اؤلوردولر، قال دئسه قالیردیلار.

latıncə

یهودی وزیرین حسدی‌نین بَیانی

یهودی وزیرین حسدی‌نین بَیانی

او وزیر حسدیندن، ایرقچیلیک عملیندن،

قولاق، بورون، دوداغین، اؤزو وئردی الیندن.

او، اومود ائدیردی کی، حسد زهری ایله،

سانجار او اینسانلاری، عذاب وئرر او ائله.

کیم کی، حسد عادتین، اؤزونه سئچسه پئشه،

قالار بورون، قولاقسیز، سؤزو کئچسه‌ده ایشه،

بورون اونا دئییلر، گولون اترینی بیلسین،

اییله‌دیگی عطیرلر، اونون خوشونا گلسین.

هر کیم اتری دویمورسا، بورونسوزدور او دئمک.

عطیر او عطیردیر کی، دیندن آلیر او کؤمک.

بیری عطیر اییله‌دی، شوکر ائتمک یاددان چیخدی،

نعمتی کوفره گلدی، بورونو حددن چیخدی.

شوکر ائیله سن همیشه، شاگیردلره بنده اول،

اونلار قارشیسیندا اؤل، دایمی، پاینده اول.

latıncə

و اونلارا سیرر آچماسی حئکاییتی

و اونلارا سیرر آچماسی حئکاییتی

یوز مینلرله ترسالار، گلدیلر اونا طرف،

جمع اولوب یاواش- یاواش، سئچدیلر اونو حدف،

باجاریقلا اونلارا، بَیان ائدیردی سؤزون،

اینجیل، زوننار، نامازدان، آچیردی سیررین اؤزون.

شیرین دانیشیردی او، وئریردی چوخ ایضاهلار،

مسیحی تعریفله‌ییر، سؤز آچیردی او کی وار.

او، ظاهرده ائله بیل، ائهکام وایزی ایدی.

لاکین باطینده ایسه، شیطان نایبی ایدی.

- بو اونا اوخشاییر کی، رسولدان سهابه‌لر،

ایلتیماس ائیله‌دیلر، نفسلر، مکرلر، حیله‌لر.

دئدیلر سن نئچین بس، مقصدی گیزله‌دیرسن،

صداقتله مسجیدده، عبادتلر ائدیرسن.

- ظاهری مزیتی، اوندان حیسس ائتمیردیلر،

باطینی عیب کیمده‌دیر، دالینجا گئدیردیلر.

توکبتوک ذره‌- ذره‌، بیلیردیلر نفسلری.

تانیییر، آییرد ائدیر، گول ایله کرفسلری.

نزیفیله حسندن، سؤیله‌یک بیر حکایه‌،

نزیفه رسول سیررین، وئردی حسن بسرییه.

هر شئیه فیکیر وئرن، سهابه‌لر هاردا وار،

سیرلر آچیلان کیمی، بو ایشه مات قالدیلار.

- وزیره اورکلرین، تر سالار وئردی یئنه،

تکجه اورکلرین یوخ، تقلید ائتدیلر اونا.

محبت توخومونو، اکدیلر سینه‌لرده،

ساندیلار کی عیسینین، موطلق ناییبی یئرده.

او تک گؤزلو دججالین، لینلیگین بیلن سن!

چات فریادا ائی تانری، کؤمه‌یه گلن سنسن!

یوز مینلرله تله‌لر، بیزلر اوچون تیکیلمیش!

بیزسه تاماهکار قوشوق، دنلر بیزچین تؤکولموش!

دمبه‌دن تله‌لرده، قالیر آیاقلاریمیز!

تله‌دن قاچماق اوچون، سیمورغ اولمالیییق بیز!

بیزی بو تله‌لردن، تانریم آزاد ائدن سن،

بیزسه گئدیریک یئنه، باشقا دامه تزه‌دن.

سانکی آنباریمیزی، بوغدایلا دولدوروروق،

آنبار دولاندان سونرا، چوخ بیگانه اولوروق.

آخیرتی عاغیللا، آنمیریق بو آنلاردا،

یا سبب بوغدادادیر، یا گوناه سیچانلاردا.

نه قدر کی، سیچانلار، آنباردا یووا سالمیش.

بیزیم ثاواب آنباری، اولاجاق ویران قالمیش.

اول ائی جانیم منیم، سیچان شررینی دف ائت،

سونرا بوغدا آنبارا، توپلاماق دالینجا گئت.

بؤیوکلردن خبرلر، ائشیت یاخشیجا درک ائت،

قلبدن گلمیرسه ناماز، اونو قیلماغی ترک ائت.

یوخسا اوغرو سیچانلار، آنباردا توتموش قرار.

قیرخ ایل ییغدیغین بوغدا، آنباریندان یوخ اولار.

نئچین بس هر گون ثاواب، توپلانمیر داملا- داملا،

نئچین ییغیلمر- دولمور، مسجید صادق آداملا.

دمیره توخوناندا، سیچرار چوخلو اولدوزلار،

بو اودلو قلبیم منیم، درد الیندن هئی یانار،

لاکین ظلمت گئجه‌ده، بیر اوغرو گیزلینجه‌دن،

اولدوزلارین اوستونه، بیلینمیر نئچین- ندن.

قویور بارماقلارینی، چکیر اولدوزو بیر- بیر،

فله‌یین چیراقلارین، مقصدی سؤندورمکدیر.

اولسا اگر ائی تانریم، قایغین بیزیمله دایم،

قورخوموز یوخ «اوغرودان»، نئیلر بیزه او لیم

مینلرله تله بئله، قویولسا قدم- قدم،

اگر بیزیملنسنسه، بیز چکمریک هئچ بیر قم.

هر گؤجه تله‌لردن، بیر اینسان روحونو سن،

قورتاریب اؤز لؤوهونده، محفوظا قئید ائدیرسن.

بو قفسدن هر گئجه، آزاد اولار قالانلار،

نه حاکم کؤمکچیدیر، نه ده محکوم اولانلار.

بو ائله زینداندیر کی، خبرسیزدیر یاتانلار،

بو ائله دؤولتدیر کی، خبرسیزدیر سولطانلار.

بورادا دوشونولمور، هاردا خئییر، یا زیان،

آد چکیلمیر شوبهه‌سیز، بو فیلاندیر، او فیلان.

latıncə

خلیفه‌نین لئیلیدن سورغوسو و لئیلی‌نین اونا جاوابی

خلیفه‌نین لئیلی دن سورغوسو و لئیلی‌نین اونا جاوابی

سوردو خلیفه بیر گون، سنسنمی هامان لئیلی؟

عاشقین اولدو مجنون، صحرایا سالدی مئیلی؟

سن باشقا گؤزللردن، فرقلی گؤزل دئییلسن.

لئیلی دئدی :- دانیشما، سن کی، مجنون دئییلسن.

مجنونون گؤزویله سن، باخسایدین اگر منه،

هر ایکی دونیامیز دا، بوش گؤرونردی سنه.

سن اؤزون- اؤزونده‌سن، مجنون اؤزونده دئییل،

محبت یوللاریندا، آییق اولماق شرطدیر بیل .

کیم کی، آییق گؤرونور، او درین یوخودادیر.

اونون آییق اولماسی، اینسانلاری آلدادیر.

کیم کی، یاتمیش گؤرونور، اونلار ساییق کیمیدیر،

قفلتده مست اولان شخص، سانکی یاتمیش دمیدیر.

آییق گؤزله باخماساق، تانریمیزا بیز اگر.

بصیرت گؤزلریمیز، تانریمیزی درک ائدر.

زیان، خئیر، زاوالین، فیکری، ذکری، خیالی،

سان کی، دؤیور جانیمی، ازیر آرزو آمالی.

نه زؤوقو صفاسی وار، نه لوطفو، دعاسی وار،

نه ده اؤجا گؤیلره، صفر ادعاسی وار.

یاتمیش اونا دئیرلر، هر هانسی بیر خیالدان،

اومودلر گؤزله‌یه‌رک، الین گؤتورمز الدن.

اونا یاتمیش دئمزلر، فیکیرلشیب دوشونور.

اونون دوشونجه‌لری، اونا قول- قاناد وئریر.

ائله اینسانلار واردیر، یوخودا دیوی گؤرور.

اونو هوری بیله‌رک، شهوتینی اؤلدورور.

جون نسیل توخومونو شورانلیغا او تؤکدو.

آغلی باشینا گلدی، خیالی اوندان هورکدو.

موردار بدنلیلرین، آغلی دا ضعیف اولار.

اونلار خالقدان گیزلنر، موردار و هریف اولار.

قوش اؤجار گؤی اوزونده، یئره دوشر کؤلگه‌سی؛

کؤلگه سورونر یئرله، اوچان قوشون عوضی؛

ابلهلر او کؤلگه‌یه ، قوش اوولاماق تک باخار.

قاجار قوشون دالینجا، اللری بوشا جیخار.

نادان اولان اینسانلار، سانکی قوشلار نسلیدیر.

جون بیلینمز کؤلگه‌نین، اصلی نَیین اصلیدیر.

او کؤلگه اونوانینا، توشلاییب آتار اوخون،

اوخو آتیب قورتارار، تاپماز ووردوغو اووون.

کؤلگه اووو ائدرکن، قاجاراق اوخلار آتدی.

عومور اوخونون قابی، بوشالدی سونا جاتدی.

تانری کؤلگه‌سی نئجه، اونون دایه‌سی نئجه؟

دایه‌سی آزاد اولموش، خیال سایه‌سینئجه؟

تانریمیزین کؤلگه‌سی، اولار اونون پریسی؛

بو دونیانین اؤلوسو، آخیرتین دیریسی.

latıncə

عاریف آدام حاقیندا تمسیل «تانری اؤلوم

عاریف آدام حاقیندا تمسیل «تانری اؤلوم

آنیندا نفسلری باغیشلار» آیه‌سی‌نین تفسیری

یاتاندا دا عاریفلر، اولارلار آییق کیمی؛

«اونلار یوخودا ایکن، سانارسان ساییق کیمی».

عاریف یاتدیغی یئرده بیلیر دونیانین حالین،

نئجه کی رببیمیز ده بیلیر دونیا احوالین.

گؤرمه‌سن ده اللرین یازارکن سؤزله رقم،

سانکی حیسس ائده‌جکسن، حرکتده‌دیر قلم.

تانری بو باجاریقدان، آزجا عاریفه وئرمیش،

او دا اؤز نؤبه‌سینده، خالقینی عاریف گؤرموش.

جیخدی صحرادا اونون، شیرین جانی گؤر نئجه،

روح آیریلدی بدندن، گوندوزو اولدو گئجه.

ترک ائدرکن الینده، قیزیلی سیپر واردی،

سانکی قارانلیقلارین، باشینا تیغ ووراردی.

هر بیر جانین ایستیی، بیر اولماق تنییله‌دیر

هر بیر تنسه همیشه، روحونا حامیله‌دیر.

اووجو سسییله یئنه، اوو چکیر تله‌سینه،

اوو دا تله‌یه دوشور، سس وئرن یوخ سسینه.

جونکی نور سحر تئزدن، شواسین سالماقدادیر،

دؤورون ساری کرکه‌سی، قانادین چالماقدادیر.

ایسرافیل تک ظلمتی، دئشدی، شفق ساچیلسین.

بئله گؤزل دونیادان، یئنه صؤحبت آچیلسین.

بدن ایجینده روحلار سئوینله دولسون یئنه،

هر بیر بدن روحویلا، قوووشموش اولسون یئنه.

سوردولار پئیغمبردن، بهیشتده یاتماق وارمی؟!

دئدی: یاتماق اؤلمکدیر، بهیشت اهلی یاتارمی؟!

یئنه بیر گون گله‌جک، اؤلنلر دیریله‌جک،

قالخاجاقلار آیاغا، دونیا حاقی بیله‌جک.

اوندا بیر گون اووچونو، اوولاغیندان قووارلار،

اوتلاقدا اوتلایانی، یوکه مروز قویارلار.

کاش تانریم قورودایدین، بیر اصحابو- کهف کیمی،

یادا کی ، قورویایدین، بیر گمیده نوح کیمی.

کاش کی، بو طوفانلاردان، بیزی قورتارایدین سن،

کاش اوولانان قوشلاری، قورتارایدین تله‌دن.

جوخلو اصحابو- کهفلر، بو قاریشیق جاهاندا،

سنین قارشیندا تانری، حاضر هر بیر زاماندا.

ماغارا سنه باغلی ، حبیبلر سنینله‌دیر،

محبت غؤزلرینده، قولاقلاری سنده‌دیر.

یئنه ده اؤیرن بیر سن، ندن سیرری دئمیرلر؟!

حاقین تنتنه‌سینی، بس گؤرمک ایستمیرلر؟!

latıncə

وزیرین ترسالار اوچون حیله‌ قورماسی

وزیرین ترسالار اوچون حیله‌ قورماسی و

مکر ایله مقصدینه نایل اولماسی

دئدی:- ائی شاهیم منیم، کسدیر الیم، قولاغیم،

حؤکمونو وئر دئشیلسین، بورنوم ایله دوداغیم.

دار آغاجی کؤلگه‌سی، اولسون منیم پناهیم،

ائتسینلر ایلتیماسیم، باغیشلانسین گوناهیم.

جارچیلار یایسین خبر، سن اول اونلارا رهبر،

سئچسینلر یول آیریجین، بیلسین گلیب- گئدنلر.

سونرا اؤز وطنیمدن، اوزاقلارا قوو منی،

سپیم آرالارینا، ضعیفلیک، سوستلوک دنی.

اگر او میللت منی، دینه قبول ائتسه‌لر،

ایشلری اولاجاقدیر، پریشانلیق سربسر3.

آرالارینا ساللام، فیتنه‌لر، قالماقاللار،

سئهیرچیلر ده حتی فهدیمه مات قالارلار.

ترسالارین باشینا، ائله اویون آچارام،

ایندی دئمک چتیندیر، دئسم سیرری آچارام.

قلبلرینه گیره‌رم، سیرره طرف گئده‌رم،

فیتنه‌لر دوشونه‌رک، تله تشکیل ائده‌رم.

اؤز سیرریم حیله‌مله من، آچارام یارالاری،

چوخلو شاییه‌لرله، وورولار آرالاری.

اؤزلری اللرییله، تؤکرلر اؤز قانلارین،

سؤزو قیسا ائدک بیز، آلارلار اؤز جانلارین.

خلاصه‌ اونلارا من، دئیه‌رم نثرانییم،

ائی سیرری بیلن شاهیم، بو ایشین حئیرانییام.

شاهیم خبردار اول سن، منیم بو ایمانیمدان،

تسسوفلنمه حالیما، حئیفسیلنمه جانیمدان.

ایسته‌دیم دینیمیزی، او شاهدان گیزله‌دیم من،

او، هانسی دیندندیرسه، دئییم من او دیندنم.

شاه منیم بو سیرریمی، دویدو باشا دوشدو تئز،

طلب ائتدی یانینا، اتهامیم بیشدی تئز.

دئدی:- سن بیر ایینه‌سن چؤرگیمین ایچینده،

اورگیمدن قلبینه، یول وار نازیک بیچیمده.

من او یولدان گؤرورم، سنین وضعیتینی،

حالینی گؤرورم من، بیلیرم صؤحبتینی.

اولماسایدی کؤمه‌ییم، عیسی پئیغمبریمیز،

شاه منی پارچالاردی، مهو اولاردی دینیمیز.

جانیم قوربان ائیله‌رم، عیسی پئیغمبریمه،

یوز مین جانیم اولسادا، وئره‌رم رهبریمه.

عیسیدان آرتیق دئییل، منیم بو مزلوم جانیم،

لاکین اونون دینینی، بیلیرم وار آد سانیم.

حئیفیم گلیر جانیما، بو دینی بیلیرم پاک،

ایسته‌مم جاهیللرین، الینده اولوم هلاک.

شوکر ائدیرم تانرییا، او عیسی پئیغمبره،

اونون “پاک” دینییله بیز، چیخمیشیق آغ گونلره.

یهودیدیر اصلیمیز، اونلاردان قالمیشیق بیز،

لاکین آسمیشیق زوننار، ایسوی اولموشوق بیز.

اطرافیمیز هامیسی، عیسینین دینینده‌دیر،

ائشیدین بوتون سیررلر، اونون اینجیلینده‌دیر.

ائله کی، قازانارام، اونلارین اعتبارین،

اللریندن اونلارین، آلارام ایختییارین.

وزیر بو حیله‌لری، شاه اوچون سایان کیمی،

اورگیندن شوبهه‌لر، یوخ اولدو دویان کیمی.

وزیر نه سؤیله‌دییسه، شاه یئتیردی یئرینه،

حئیرت ائتدی بوتون خالق، شاهین بو ایشلرینه.

خالق ایچینده وزیری، روسوایی- جاهان ائتدی،

اونون بوتون ایشینی هامییا بَیان ائتدی.

قوودو اونو سارایدان، نثرانیلر اوستونه،

قوردوغو حیله‌لری، قایتارسین صاحبینه.

ترسالار ائشیتدیلر، وزیرین وضعیتین،

غؤز یاشی آخیتدیلار، بیلمه‌دیلر نیتین.

دونیامیزین ایشلری اکثر بئله‌دیر، اوغول،

بو ایشلرین هامیسی، سن بیل، حسددن دوغور.

latıncə

پادشاهین وزیری‌نین حکایتی و ترسالار

پادشاهین وزیری‌نین حکایتی و ترسالار

آراسینا تفریقه سالماق اوچون حیله‌سی

او شاهین بیر حیله‌گر، رزیل وزیری واردی،

حتی اؤز حیله‌سییله، سویا «دویون» ووراردی.

ترسالارا دئدی:- جان، قورتارماق ایسته‌سه‌نیز،

دینینیزی اؤزونوز، ملیکدن گیزله‌دینیز،

ملیکه سؤیله‌دی او، ائی سیرر آختاران شاهیم.

اونلاری آز قیر بئله، طوفان قوپاران شاهیم.

آز اؤلدور سن اونلاری، اؤلدورمه‌یین خئیری یوخ،

دینه گتیرر زیان، اؤلدورمکده گوناه چوخ.

سیرلر گیزله‌نیب یئنه، یوز پرده‌لر ایچینده،

ظاهرده سنینله‌دیر، باطین نه‌لر ایچینده.

شاه وزیره سؤیله‌دی:- تدبیرین نه دیر سنین؟

بو مکیرلی حیله‌یه، تعبیرین نه دیر سنین؟

دئدی:- گرک قالماسین، بو دونیادا نثرانی،

نه دینی آشیکاردا، نه ده گیزلی، پونهانی.

latıncə

فاناتیکلیگی و باشقا دینلره قارشی کین

فاناتیکلیگی و باشقا دینلره قارشی کین و عداوت بسله‌دیگی اوجباتیندان خریستیانلاری قیران، یهودی پادشاهی‌نین داستانی: «اوستا و اونون چپگؤز شاگیردی» حکایتی

یهودی تورپاغیندا، بیر ظولومکار شاه واردی،

ایسوییله دوشمندی، نثرانینی قیراردی.

بو حاق یولون آزان شاه، سانکی چپگؤز اولموشدو.

ایکی تانری سئورین، او، قصدینه دورموشدو.

«بیر گون چپگؤز شاگیرده، اوستادی دئدی آرا،

تاخچامیزدا قویولموش، شوشه‌نی گتیر بورا.

چپگؤز اوتاغا گیردی، تاخچایا گؤز گزدیردی.

تاپدی تاخچانی چپگؤز، سوسه‌نی ایکی گؤردو.

چپگؤز اوستایا دئدی:- بوردا شوشه ایکیدیر.

سنه هانسینی وئریم لازیم هانسی بیریدیر؟

اوستا دئدی:- ائی اوغول، شوشه ایکی دئییل، باخ!

دقتینی جمعلشدیر، چپگؤزلویونو بوراخ.

دئدی:- ائی اوستام منیم، وورما منه چوخ تنه،

دئدی:- بیرینی سیندیر، بیرینی گتیر منه.

او، شوشه‌نی سیندیردی، شوشه‌لر یوخا چیخدی،

چپگؤز سهوینی بیلدی، خجیل، اوستایا باخدی.

شوشه بیر اولا- اولا، ایکیسینی گؤردو او،

شوشه‌نی سندیران تک، تئز باشینا ووردو او،

هریسلیک، شهوتلیلیک، اینسانی چپگؤز ائدر.

اونو یولدان آزدیرار، روحونو عوض ائدر.

غرضلیلیک اولاندا، باجاریق یوخا چیخار.

حجابینی ایتیرر، گؤرمز اوزاغا باخار.

قاضی اگر وئررسه، روشوتله ایری قرار،

ظالم آلماز جزاسین، مظلوم آغلار زار- زار.

شاه دا کیندن، حسددن، هریسلیکدن، شهوتدن،

یاخشی- پیسی گؤرمه‌دی، اؤزون سالدی حؤرمتدن.

یوز مین مؤمین بنده‌نین، تؤکدو قانین ناحاقدان.

موسانی آرخا سایدی، اوز دؤندردی او حاقدان.

باققال کیشی و طوطوقوشو حکایتی

باققال کیشی و طوطوقوشو حکایتی

بیر شهرده، بیر باققال، بیر توتی ساخلایاردی،

رنگی یاشیل سسیسه، اینسانا اوخشایاردی.

دوکاندا یاشایاردی، دوکانی قورویاردی،

بوتون تاجیرلرله او، شیرین صؤحبت قوراردی.

خیتاب ائتمکده شخصه، مهارتلی ناتیقدی،

توتی تک دانیشماقدا، دینمکده صادق ایدی.

بیر گون دوکان صاحبی، ائولرینه گئتمیشدی،

دوکانی توتیسینه، او، اعتبار ائتمیشدی.

بیردن بیر زیرک پیشیک، واریدی- دوکان2 اولدو.

سیچان قوودو توتماغا، توتی هئراسان3 اولدو.

توتی اوچدو قورخودان، دوکاندا قاناد چالدی،

قانادلاری توخوندو، یاغ قوتوسو داغیلدی.

بیر آزدان باققال گلدی، کؤردو یاغلار داغیلمیش،

دوکان قاریشمیش تامام، توتی بیر کونجده قالمیش.

باققال دوکانا گیرجک، اوست-باش یاغا بلندی.

توتییه ضربه‌ ووردو، باش توکلری الندی.

توتی نئچه گون سوسدو، دانیشمادی دینمه‌دی،

باققال تامام پرت اولدو ، پئشمانچیلیق سؤنمه‌دی.

ساققال یولوب سؤیله‌دی، گؤر باشیما نه گلدی،

نعمتیمین گونشی، بولودلار آلتدا قالدی.

_________________________________

1حاجت-احتیاج، لازیم اولان شئی.

2واریدی-دوکان-دوکانا داخیل اولماق.

3هئراسان-قورخماق، هورکمک.

ائی کاش الیم سینایدی، دوکانیما واراندا،

شیرین دیللی توتیمین، باشینا ال ووراندا.

گؤردویو درویشلره، تئز وئریردی هدیه‌،

سانیردی او، درویشلر، علاج ائدر توتییه.

اوچ گون، اوچ گئجه کئچدی، باققال اومودسوز اولدو،

اومودینی ایتیردی، سوسماغا مجبور قالدی.

اونون قمی-قوسسه‌سی، آرتدی، داها چوخالدی،

دئدی: بو یازیق قوشون، ندن دیلی لال اولدو؟

توتینی هر گون گؤرور، تأثیر ائدیردی اونا،

تعجبله دیشینی، سیخیردی دوداغینا.

دمبه‌دم هر سؤز باشی، دئییردی ایشیم چتین،

گؤرن ائشیده‌رممی، قوشون، شیرین صؤحبتین.

او، اومود ائدیردی کی، قوش دانیشیب دینه‌جک،

قوشون خوش صیفتینی، یئنه هر گون گؤره‌جک.

بیردن یاماقلی پالتار، کیشی یولدان کئچیردی.

باشی تئشت آرخاسی تک، کئچل سولدان کئچیردی.

توتی دیله گله‌رک، بئله سؤیله‌دی هامان،

سسله‌ییب چاغیراراق، دئدی، اونا ائی فیلان.

کی، سن ائی کئچل کیشی، ندن کئچل اولموسان؟

سن ده یاغ داغیتمیسان، یا توکونو یولموسان؟

بنزتمه‌نی ائشیتجک، خالق گولوشدو بو ایشه،

چونکی توتی حالینی، اوخشادیردی درویشه.

پاک عمللی حالینی، اؤز ایشینه اوخشاتما،

سن گل “شیرین” سؤزونو، “شیر” سؤزونه اوخشاتما.

دونیامیز بو سببدن، یولونو آزان اولموش،

چون تانری درویشیندن، آگاه اولان آز اولموش.

اؤزلرینی نبی تک، عالیم شخص سانیردیلار،

اؤولییالارمیزی، چوخدا تانیمیردیلار.

بئله سؤیله‌ییردیلر، بیز بشر، اونلار بشر،

اونلاردا بیزیم کیمی، ایشله‌یر، یئییب- ایچر.

لاکین هئچ بیلمیردیلر، کورلوقدان گؤرموردولر،

فرق اولوب اولماماغین، هئچ دویا بیلمیردیلر.

ایکی آری چمنده، بحرلنر چیچکدن،

بیری سانجار، او بیری، بال توپلایار لچکدن.

ایکی آهو اوتلاقدا، سو ایچر اوت اوتلایار،

بیری اوتلاق تزکلر، بیری موشک حاضرلایار.

قامیشلیقدا ایکی نئی، بیر گؤلدن سو ایچرلر،

بیریسی بوش قالمیشدیر، بیرین شکر چکرلر.

یوزلرله دینلر واردیر، بیر-بیرینه اوخشاردیر،

لاکین دقت ائیله‌سن آراسیندا فرق واردیر.

بیری یئیرکن اوندان، اییلی موردار آیریلار،

یئیر باشقا بیر ووجود، تانری نورو وار اولار.

بیری نوش ائدر، ایچر، دوغار پاخیللا و حسد،

یئیر باشقا بیر ووجود، او، اولار نوری اهد.

بیر حیصه‌ شیرین تورپاق، بیر حیصه‌ شوران تورپاق،

بیر حیصه‌ تمیز تورپاق، بیر حیصه‌ دیوه اوولاق.

هر ایکی صورت اگر، اوخشاسا بیر-بیرینه،

آجی سویلا، شیرین سو، صفادیر هر بیرینه.

زؤوق صاحبی لازیمدیر، تانیسین تاملاری،

یئسین بالین شهدینی، کنار ائتسین موملاری.

سئهری معجزه‌ ایله، اوخشادیب ائتمیش قییاس،

چونکی هر ایکیسی ده، مکردن آلمیش اساس.

سئهیرچیلر حیله‌یله یوخ ائتمکچین موسانی،

یوندولار موساداکی، اوخشار اولان عصانی.

بو عصایلا، او عصا، آراسیندا فرق بؤیوک،

بو عملله، او عمل، آراسیندا فرقلی یوک.

باشیندا سئهرلی اولان، قافایا اولسون لعنت،

ایچینده وفا اولان، عمله اولسون رحمت.

کافیرلر مئیمون کیمی، بیر-بیرین وورماقدادیر،

بیر آفت گلمیش یئنه، اینسانی یورماقدادیر.

نه قدر بیر-بیرینه، خالق مئیمونلوق ائیلسه،

اؤزو آلار جاوابین، دیگره نه سؤیلسه.

کافر گومان ائیله‌ییر، اونون تک خطاکارام،

نئجه بیلر فرقی، او، ایستئهزالار آختاران.

بیری تانری امرییله، ایستئهزایلا دیگری،

ایستئهزالی صیفتلر، سپسین باشا کوللری.

ایکی اوزلو رییاکار، گویا ناماز قیلیرلار،

قیلدیقلاری نامازی، ناماز آدلاندیریرلار.

اوروج توتماق، نامازدا، هججه گئتمک، زکاتدا،

مونافیق، رییاکارلار مؤمینی قویار ماتدا.

لاکین اویوندا قالیب مؤمین چیخار عاقیبت،

تانری مونافیقلری، مات ساخلایار آخیرت.

گرچی اونلار هر بیری، بیر تاختا آرخاسیندا،

لاکین فرقلری ایسه، یئرله گؤی آراسیندا.

هره گئدیر بیر یولو،اؤز مقامین آختاریر،

اؤز-اؤزونه مووافیق، هره بیر یولا واریر.

تانری مؤمینلرینه، شادلیق سئوینج گتیرر،

مونافیقلری ایسه، جهنمه یئتیرر.

بیر هخس اگر سئویلسه، ذاتیندا وار سئویلمک،

اگر بیر شخص سؤیولسه، ذاتیندا وار سؤیولمک.

«میمو»، «واوو»، «میمو»، «نون» اینسانا شرعیف3 دئییل،

هئچ ده «مؤمین» گلمه‌سی مرد اوچون تعریف دئییل.

گر مونافیق گلمه‌سی، ائشیدیلسه بیر یئردن،

بیر عقرب گلمه‌سی تک، دئشیب کئچر هر یئردن.

جهنم گلمه‌سینده، یوخدور جهنم اودو،

سؤزون آدین چکمکله، بیلینمز اونون دادی.

آد صاحبی چیرکینسه، آدین نه گوناهی وار،

دنیزده سو آجیسا، قابین نه گوناهی وار.

قابداکی سو معنادیر، اونو ساخلایانسا قاب،

معنا دنیزی اولموش، « ایندهو اوممول کیتاب»

تانریدا قودرته باخ، قوشادیر ایکی دنیز،

سولاری آجی شیرین، قاریشان گؤرموروک بیز.

دنیزلر ایکیسیده، بیر منبع‌دن آخیرلار،

منبع‌ ایلاهی منبع‌، او منبع‌دندیر اونلار.

اگر قیزیل قلب ایسه، یاخود تمیز قیزیلسا،

هئچ واخت بیله بیلمزسن، مهک داشی اولماسا.

اینسان دا اؤز جانینی، مهک قویوب یوخلاسا،

شوبهه‌سیز او تاپاجاق، خسته‌لیک هاردا اولسا.

اگر بیلمک ایسته‌سن، قلبینی مصطفینین،

سنین اورگین گرک، کانی اولسون وفانین.

اگر دوشسه بیر خاشاک، جانلی اینسان آغزینا،

ساکیت قالا بیلمز او، ال سالار بوغازینا.

مین تیکه خؤرک اولسا، ایچیندن بیر توک چیخسا،

یالنیز اورک بولانار، تأثیر ائتمز هئچ کسه.

دونیامیزی حیسس ائتمک، نردیواندیر جاهانا،

اوقبامیزی حیسس ائتمک، نردیویان آسیمانا.

بو حیسسین ساغلاملیغین، سیز طبیبده آختارین،

او حیسسین ساغلاملیغین، تک حبیبده آختارین.

بو حیسسین ساغلاملیغی، جامالدان بحرله‌نیر،

او حیسسین ساغلاملیغی، عملدن بحرله‌نیر،

جانلار آلاندیر او شاه، جیسمیمیز ویران ائدر،

سونرا ویران ائتدیگین، یئنه آبادان ائدر.

آفرین او جانا کی، بؤیوک تانریسین،

مولکو، جانی، وارینی، یولوندا باغیشلاسین.

بیری خزینه اوچون، ائتدی ویران خانه‌نی،

همین خزینه‌دن، تیکدی او ویرانه‌نی.

سویو کسدی آرخیندان، اونو پاک-تمیز ائتدی،

سونرا سویو بوراخدی، اؤزونو سیراب ائتدی.

دریسینی دئشه‌رک، چکدی اؤز پئیکانینی،

سونرا درییه وئردی، ساغالماق ایمکانینی.

دوشمنی قیرماق اوچون، ائتدی ویران قالانی،

تیکدی اؤزو یئنیدن، اؤزو قوران قالانی.

کئیفیتلی بیر عمل، شکسیز شوبهه‌سیز اولار،

منیم سؤیله‌دیکلریم، صرورتدیر دوز اولار.

گاه بئله ائیله‌یر او، گاه دا اونون عکسینی،

دینه وورولمالیسان، سئومه‌لیسن آیینی.

ائله حئیران اولما سن، حاقا اوزاق قالاسان،

بئله حئیران اول کی سن، سئوگیدن مست اولاسان.

دوستونا طرف هر آن، بیری‌نین صیفتیدیر،

دیگری‌نین صیفتی، سان تانری صیفتیدیر.

هره‌نین صیفتینه باخ ساخلا ائهتیرامین،

خیدمت ائدن صیفتلر، حئیران ائده‌جک هامین.

او قدر ایبلیس تکین، اینسان صیفتلیلر وار،

باشا دوش هر بیر اله، ال اوزاتماقمی اولار؟

چونکی اووچو قوش کیمی، چیخاردار تئز-تئز سسین،

مقصدی او اووچونون، دولدورماقدیر تله‌سین.

قوشلار ائشیدن زامان،اؤز جینسی‌نین سسینی،

ائنه‌جکدیر سمادان، تاپاجاک تله‌سینی.

درویشلرین سؤزلرین، رزیللر اوغورلایار.

سانکی او دا درویش تک، ایلانلار اووسونلایار.

کیشیلرین عملی، دوغرو، صمیمی اولار.

رزیللرین عملی، حیله‌لر کیمی اولار.

نهنگ شیری گؤتوروب، دیلنمه‌یه گئدن وار،

رزیل ابو موسلومو احمده تای ائدن وار.

ابو موسلوم لقبی یادداشدا کززاب قالدی،

محمّدین لقبی، بیل، اولوللباب اولدو.

حاقین مئیی قورتارسا، گلر اتری موشکوناب،

باده‌لر قورتاراندا، قالار اییلی بیر عذاب.

latıncə

حؤکمویله اولماسی‌نین بَیانی

حؤکمویله اولماسی‌نین بَیانی

او زرگرین اؤلومو، ناققین مصلحتییله،

نه ایسته‌یه باغلییدی، نه ده ضعیف بیر گوله.

نه ده همین پادشاهین، ایستک آرزوسو ایدی،

تانریدان حؤکم اوخونموش، آلین یازیسی ایدی.

بیر آدامین باشینی، ووروبسا خیزیر ایلیاس،

نه قدر آختارسالار، او باش داها تاپیلماز.

کیم کی، ناققیندان آلیر، وحیینی، خیتابینی،

نه ایش ایجرا ائدرسه، آلاجاق ثاوابینی.

سنه جانی وئرن کس، اونو آلسا روادیر،

سنی اؤلدورن الی، اونا وئرن خودادیر.

سن ده ایسمایل کیمی، وئر باش تانری یولوندا،

شادو- خندان سیدق ایله، صافلاش تانری یولوندا.

عومرون بویو سئوینجله، یاشایارسان قالارسان،

سن اهه‌دین، احمدین، پاک جانی تک اولارسان.

عاشق فرح جامینی، ائله کی، باشا چکر،

اؤزو- اؤز، اللرییله جانان آغوشا چکر.

شاه بو قانی تؤکمیی، شهوت اوچون ائتمه‌دی،

بدگومان اولما اوندان، بو قانی او تؤکمه‌دی.

بئله گومان ائتمه سن، زرگری اؤلدورن شاه،

اونو اؤلدورمک اوچون، بو تله‌نی قوران شاه.

ائی بدگومان درک ائیله، خطا زننیندن اؤتوش،

زننین خطا اولارسا، گوناهکارسان باشا دوش.

بو اذیت بو جفا، گرک بحره‌سین وئرسین،

وفاسیزلیق یوخ اولسون، آرتیق تاماهلیق اؤلسون.

بو ایمتیهان سورغو دا، آشکار اولار نیکو-بد،1

نفسه قالیب گلمه‌یه، جیهاد لازیم تا ابد.2

اولماسایدی بو عمل، حؤکمو ایله خودانین،

شاهلا فرقی اولمازدی، بیر وحشی‌نین، گدانین.

شاه شهوتدن تاماهدان، قلبینی پاک ائیله‌دی،

تاماهکارین هریسین، قلبینی چاک ائیله‌دی.

باخما خیزیر دریادا، گمی باتیردی اؤزو.

یوز دوستو ایتیرسه ده، دایم خاطیرده اؤزو.

موسا پئیغمبریمیز، اؤز نورو هونرییله،

اوندان اوتانیردی کی، خالقی مشغولشر ایله.

ائتمه حساب قان اونو، قیزیل گول لچییدیر،

بیلمه مجنون سن اونو، عاغیلین گؤیچییدیر.

آخیتسایدی اگر او، بیر موسلمان قانینی،

کافه‌رم اگر، چکسم اونون آدی - سانینی.

دوشمنی مدح ائیله‌مک، رببی غضبلندیرر،

بدگومان اولار هامی، مؤمینی حیرصلندیرر.

او شاه کیمی شاه ایدی، هر شئیدن آگاه ایدی،

او سئچیلمیش شاه ایدی،خالقینا پناه ایدی،

او، اؤلمه‌لی مرد ایدی، چون اؤزو نامرد ایدی،

اونون تاماهکارلیغی، جانینا بیر درد ایدی.

یاریم جان اولماقلا او، یوز جانا جان بخش ائتدی،

.____________________________________

1نیکو-بد-یاخشی-پیس

2تا ابد-ابدیته قدر.

زرگر جومرد اولمادی، حیاتی حدر گئتدی

تانری‌نین غضبینده، سن بیر عیبرت گؤردونمو؟

زرگرین جزاسینا قولدا حاجت1 گؤردونمو؟

نئشترله قان آلارکن، اوشاق آغلار همیشه،

اوشاق ساغالان کیمی، آنا گولر بو ایشه.

سن اؤزونله اونلاری، ائدیرسن موقاییسه،

چوخ اوزاغا دوشموسن بو ایشده گیرمه بحثه.

بو باره‌ده حکایه‌ یئنه سؤیله‌مک اولار،

فیکرلشک گؤرک بیز، داها نه دئمک اولار.

latıncə

 
  • یارپاقلارین سایی :2
  • 1  
  • 2  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم