تبلیغات
ایران آذربایجانی تورکجه سینین ادبیات اوتاغی - مطالب ابر تورکجه شعر
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

اورک آغریسی

اورک آغریسی

سیرامیزدان گئتمیش

قلم دوستلاریمین

عزیز خاطیره‌سینه

اورک آغریسییلا سالیرام یولا ساغیمدان،

سولومدان گئدن دوستلاری.

دئییرم کاش بو درد سونونجو اولا،

نه سن ایتیره‌سن، نه من - دوستلاری.

بیر دوست ایتیرنده بیزیم جرگه‌دن

باغریمدا لالتک آچیلیر یارام،

فخری قارووولدا دایاناندا من

سانکی سون منزیله یاخینلاشیرام.

دئییرام هئچ کسی یاخماسین اودوم،

گؤرمه‌ییم بیر داها شاعر یاسینی.

آپاریر اؤزویله هر کؤچن دوستوم

بو شاعر قلبیمین بیر پارچاسینی.

ریاکار

ریاکار

منیم اؤولادیما آنا دیلینده

درس دئین "عاغیللی" موعلّیمه باخ.

"وطن"، "وطن" دئییر، اؤز اؤولادینی

عجنبی دیلینده اوخودور آنجاق.

اؤزگه‌یه: "دیلینی اؤیرن!" - دئییرسن،

اؤزونسه... بو دیلی بَینمه‌ییرسن!..

نه دئیک بو میسکین ریاکارلیغا؟..

یوخسا، اؤز قینینی بَینمیر باغا؟..

بیر نه دیر، بئش-آلتی دیل بیلسین گرک،

بیزیم صاباحیمیز - کؤرپه‌لریمیز.

وطن دیلینه ده دوداق بوزمه‌یک،

بوردان آیاق آچیب، یولا چیخاق بیز.

ائوده آیاق آچیر اوّلجه هر کس،

سونرا اوزاقلارا دوشور قدم‌لر.

ایلکینی بیلمه‌ین سونونو بیلمز،

ائودن اوز دؤندرن چؤلده ورملر.

"اوّل ائوین ایچی" دئمیشلر نه‌دن؟

سن چؤلو بیلمزسن، ایچی بیلمه‌دن.

یاخشی بیلمک اوچون اؤزگه بیر دیلی

اوّل اؤز دیلینی یاخشی بیلمه‌لی.

نییه اؤزوموزو اؤگئی سایاق بیز؟

نییه آتامیزی تانیمایاق بیز؟

اؤزگه‌نی سئویرسن؟

اینانمیرام من!

اؤزونو سئومه‌ین اؤزگه‌نی سئومز.

وطنین دیلینه گرکسیز دئین

وطنین اؤزونو نئجه سئویر بس؟

اوزونه دورسایدی یئدیگین چؤرک،

رذیل اولدوغونو اؤزون قاناردن.

دیلیمی دانسایدیم من ده سنین تک

سن کیمه درس دئییب پول قازاناردین؟

وطن قئیرتینی چکمه‌ین اوغول

هم اؤزونه یوکدور، هم اؤزگه‌سینه؛

بو دیلده درس دئییب قازاندیغین پول،

یئدیگین چؤرک ده حرامدیر سنه!

بؤیوت بالانی دا سن اؤزون تکی،

دئنن، اؤزون یاشا، عالم یوخ اولسون.

ناموس اولماسا دا کئچینر، تکی

دیلین اوزون اولسون، قارنین توخ اولسون.

سنینچین دونیایا دیَر، آ نادان،

بیر آنلیق اؤتری کؤنول خوشلوغون.

مین دفعه‌‌ کیچیکدیر آتالیغیندان

سنین اینسانلیغین، وطنداشلیغین!

اوکتیابر، 1967

اوچ-دؤرد کلمه

اوچ-دؤرد کلمه

اوغول، بو دونیادا شان-شؤهرت، آد-سان

هونرلر گؤسترن قهرمانیندیر.

بلی، اوزواغلیق، آلنیاچیقلیق،

زحمتدن دویمایان مرد اینسانیندیر.

اوزانی اولدوغوم بو گؤزل وطن،

حئیرانی اولدوغوم بو گؤزل وطن،

قوربانی اولدوغوم بو گؤزل وطن

سنین خزان بیلمز گولوستانیندیر.

دونیا بئش‌گونلوکدور دئینه یازیق،

دؤشونه-باشینا دؤینه یازیق.

چؤرگی زحمتسیز یئینه یازیق،

حیات، یاشاماغی باجارانیندیر.

من کیمم، نچییم، قوی ائللر دئسین، -

یازیب-پوزورام کی، کؤنوللر دئسین، -

مندن سونرا گلن نسیللر دئسین -

بو اوچ-دؤرد کلمه ده سولئیمانیندیر.

من گئدیم دئییم

من گئدیم دئییم 
گونلرین بیرینده ملّانین آروادی باشقا آروادلارلا برابر گؤلده 
پالتار یویورموش. بو طرفدن شهرین حاکمی ده اؤز یاخین آداملاری ایله 
بورادان کئچیرمیش گؤلده باشی-گؤزو آچیق آروادلاری گؤروب دایانیر، باشلاییر 
بونلارا باخماغا.ملّانین آروادی ایشی بئله گؤرنده آغزینی آچیب گؤزونو 
یومور؛ دیشی‌نین دیبیندن چیخانی بونلارا دئییر. حاکم گؤرور کی، 
یوخ اگر بیر آز دا دایانسا، لاپ بی‌آبیرچیلیق اولاجاق. آروادین نام-نشانینی 
بیلیب چیخیب گئدیر. 
اورادان-بورادان اؤیره‌نیر کی، آرواد ملّانین آروادیدیر. صاباحیسی 
ملّانی یانینا چاغیریب سوروشور: 
- ملّا، فلان آرواد سنین آروادیندیر؟ 
ملّا دئییر: 
- بلی، منیم آروادیمدیر، نئجه؟ 
حاکم دئییر: 
- گئت، اونو بورایا گتیر! 
ملّا سوروشور: 
- حاکم، باشینا دؤنوم، نَیینه لازیمدیر منیم آروادیم؟ 
حاکم دئییر: 
- اونا سؤزوم وار، گئت تئز گتیر! 
ملّا دئییر: 
- حاکم، قربانین اولوم! جسارت ائله‌ییرم... اولماز کی، او سؤزو سن 
منه دئیه‌سن، من گئدیم آروادیما دئییم؟

نه‌دندیر سنده ایلنمز گولی-دوران، خدا حافظ.

نه‌دندیر سنده ایلنمز گولی-دوران، خدا حافظ. 
منه هم گلدی گئتمک نوبتی، یاران، خدا حافظ! 
جاهاندا اولمادی بیر ده گؤریدیم ماه روخسارین، 
نه قدری جحد قیلدیم، اولمادی امکان، خدا حافظ! 
نئچین سن ترکی-مهر ائتدین، وفادن ال چکرلرمی؟ 
مگر عهدی وفا ائتمز مهی-خوبان، خدا حافظ! 
رقیبلر قویمادی یئتسین الیم بیر دامنی-وصله، 
خیالیله کئچیردیم عمرومو نالان، خدا حافظ! 
نه صبرو طاقتیم قالدی، نه عقلو هوش بالمرّه‌، 
اونونچون چشمی-پرخونوم اولور گریان خدا حافظ! 
او گون کیم محشری-کبرا اولور، وحم ائت او گوندن کی 
توتوب درمانینی دیلدن چکیم افقان، خدا حافظ! 
اوزوب ال ناتوان جاندان کی، تا امّیدی-وصل ائتمز، 
دیلی غمگین، جیگر پرخون، اولوب سوزان، خدا حافظ!

ائی چکیب شاخی-صنوبر تک قدو بالا، ییگیت،

ائی چکیب شاخی-صنوبر تک قدو بالا، ییگیت، 
عاریضون فیردووس باغیندا گولی رعنا، ییگیت. 
گولشه‌نی-جنّتده بیتکن ناز ایله نازیک نیهال، 
حوسن بورجونده دوغوب ماهی-فلکسیما، ییگیت. 
سرخوشان بئلی آچوق، آشوفته کاکیل، مست ناز، 
عیب ایمس سورماق گلیش هانداندور، ائی میرزا، ییگیت. 
سن ملکسن، یا پری، یا هوری، یا نخلی-بهیشت 
کیم، بنی آدمده بولماس سن تکی رعنا، ییگیت. 
دیلی بولبول، زولفی سونبول، خالی فیلفیل، بویو سرو، 
خطتی سبزه، یوزی لاله، گؤزلری شهلا، ییگیت. 
نولاسی قول کیشوری‌نین حالی سن بدمِهر ایلن، 
اول قریب پیرو سن بیر شوخی-بی‌پروا، ییگیت.

من گئدیم دئییم

من گئدیم دئییم 
گونلرین بیرینده مولّانین آروادی باشقا آروادلارلا برابر گؤلده 
پالتار یویورموش. بو طرفدن شهرین حاکمی ده اؤز یاخین آداملاری ایله 
بورادان کئچیرمیش گؤلده باشی-گؤزو آچیق آروادلاری گؤروب دایانیر، باشلاییر 
بونلارا باخماغا.مولّانین آروادی ایشی بئله گؤرنده آغزینی آچیب گؤزونو 
یومور؛ دیشی‌نین دیبیندن چیخانی بونلارا دئییر. حاکم گؤرور کی، 
یوخ اگر بیر آز دا دایانسا، لاپ بی‌آبیرچیلیق اولاجاق. آروادین نام-نیشانینی 
بیلیب چیخیب گئدیر. 
اورادان-بورادان اؤیره‌نیر کی، آرواد مولّانین آروادیدیر. صاباحیسی 
مولّانی یانینا چاغیریب سوروشور: 
- مولّا، فیلان آرواد سنین آروادیندیر؟ 
مولّا دئییر: 
- بلی، منیم آروادیمدیر، نئجه؟ 
حاکم دئییر: 
- گئت، اونو بورایا گتیر! 
مولّا سوروشور: 
- حاکم، باشینا دؤنوم، نَیینه لازیمدیر منیم آروادیم؟ 
حاکم دئییر: 
- اونا سؤزوم وار، گئت تئز گتیر! 
مولّا دئییر: 
- حاکم، قوربانین اولوم! جسارت ائله‌ییرم... اولماز کی، او سؤزو سن 
منه دئیه‌سن، من گئدیم آروادیما دئییم؟

latincə

بایرام آیی باشلار، باشلاماز

بایرام آیی باشلار، باشلاماز 
هاوالار خوشلار، خوشالماز 
باخچامیزدا داغ تکین قالان 
(چای قیراغی دولاییسینا اوخشایان) 
قار قالاغی‌نین دؤشونده 
تجروبه ائتمه‌یه باشلادیم. 
اوزون گونلر چالیشدیم، 
تر تؤکدوم، 
بوزلامیش قارلاری 
قازدیم، سؤکدوم. 
آرزیلادیغیم کؤهولو، کؤهولجیگی 
ایسته‌دیگیم شکیلده، 
قارین آلتیندا 
قاضیب بیتیره بیلدیم. 
مکتبدن قاییدارکن، 
کؤنلوم خوش، اورگیم شن، 
ساعتلاریمین چوخو 
بو سویوق داخماجیغین 
ایچینده کئچردی 
او گوندن. 
قاضیب تورپاغا چیخاردیغیم 
آرخین ایچی ایلن 
نازیک قار آلتی سولار 
آخیشیب کئچدیکجه، 
“بیستون” داغلاری‌نین آلتیندان 
“شیرین” آرخ قاضیب قاییران 
آرخینا سود آخیران 
“فرهاد”دان 
ذؤوق آلیب سئوینردیم. 
منه بو داراشلیق 
بالاجا، سوپ – سویوق، 
قاپیسیز - باجاسیز داخماجیغین 
واقع ده اولدوغو کیمی، 
بوز کلوا کیمی یوخ، 
بلکه داش دیوارلا، 
ایستی هاوالی 
کؤهول کیمی گلردی، 
اورگیم دینجه‌لردی. 
آرخجاجیغین تکینده 
زینه - زینه آخیشان، 
جانسیز. سویوق. لیل سولار 
گؤزومه ایستیلیکدن 
بوغور – بوغور بوغلایان 
آریلیقدان 
بوللول کیمی پارلایان 
زور – زور شاققیلداییب چاغلایان 
سولار کیمی گؤرونردی... 
پالتار یویان قیز – گلینلری گؤروردوم 
آرخین اوتای - بو تاییندا. 
گول اندام ایسه هامیدان باشدا، 
سویون لاپ چیخاریندا، 
هیریلدایا، هیریلدایا، 
آغ بیلکلری، مرمر اللری ایله 
پالتارلارین سویا چکیر. 
یولداشلاری ایله 
پیچیلداشا، پیچیلداشا، 
دئییب گولوب، 
قاققیلداشا، قاققیلداشا 
گاهدان بیر اوزومه گولومسه‌ییر، 
ممنوعن باخیشلاری، 
دوزلو ایشارتلری ایله 
منه محبت دمتی گؤندریر.

ایندی

ایندی 
سن تعریف ائتدیگین اول ثمند آتین، 
کلّه‌‌منقو توتوب یاماندی ایندی. 
نالی، میخی دوشوب، چوخ پیس گونده‌دی، 
آیغیران بیر اؤلو سیچاندی ایندی. 
آریخ چیخیب قیشدان، آییلماسی یوخ، 
نوختالانیب یئره چکیلمه‌سی یوخ، 
چوخدانکی اؤلودو، دیریلمه‌سی یوخ، 
بیر دری، بیر سوموک، پالاندی ایندی. 
قارغا، قوزغون ائدیب جمعده‌یین پارا، 
اوچ میلدن قالیبدی دیشلر آغارا، 
اومسوق ائتدین منی، قویدون آوارا، 
دئدیم: یقین بیر شیر، آسلاندی ایندی. 
یاش گؤنون دوزلاییب ساتمیشام پولا، 
اوّلکی قایدادا دوشموشم یولا، 
دئدیم کی، دوستلوقدا ائ`تیبار اولا، 
قویموسان کؤنلومو بیجاندی ایندی. 
نه بیلیم، بئله ده نفس اولور مگر، 
دوش یولا، گزگینن هر شامو-سحر، 
قوربانی، سئودیگین آتدیسا اگر، 
سؤیله، آت یئریشلی قورباندی ایندی!

یارادان سنی

یارادان سنی 

حالال اولسون بو قامته، بو بویا، 
نه گؤزل یارادیب یارادان سنی؛ 
سنه بدنظردن دیَمه‌سین خطا، 
قوی الله ساخلاسین بلادان سنی. 

بیلمم گونش دئییم، یوخسا آی سنه، 
بو فانی دونیادا یوخدو تای سنه، 
گؤزللیگی خودا وئریب پای سنه، 
عزیز توتوب بَیدن، پاشادان سنی.  

جامالین اوخشاتدیم داغلار قارینا، 
گؤزوم دوشوب آغ سینه‌نین نارینا، 
گؤزل اولان بئله باخماز یارینا، 
اووچویام قویمارام بره‌دن سنی. 

اینصاف ائله، هردن افقانی گولدور، 
گؤزونون یاشینی آماندی، سیلدیر. 
قاپیندا قول ساخلا، یا دا کی، اؤلدور، 
اونوتمارام خئییر-دوعادان سنی.

سنسن

سنسن 

باشینا دؤندویوم گول اوزلو یاریم، 
بیزیم بو داغلارین مارالی سنسن. 
کئچیردین سینمدن یامان اوخلاری، 
جسه‌دیم ائیله‌ین یارالی سنسن. 

قارا تئللری‌نین شاناسی ساری، 
امه‌رم لبیندن وئرسن نوباری، 
اوزونو سن مندن دؤندرمه باری، 
اونسوز دا دولانان یارالی سنسن. 

باغبانام باغچاندا بار اولان واختی، 
سینه‌مین اوستونده وار اولان واختی، 
افقانین الینده وار اولان واختی. 
دئیردین کی، صبری قراری سنسن.

ایندی

ایندی 
سن تعریف ائتدیگین اول ثمند آتین، 
کلّه‌‌منقو توتوب یاماندی ایندی. 
نالی، میخی دوشوب، چوخ پیس گونده‌دی، 
آیغیران بیر اؤلو سیچاندی ایندی. 
آریخ چیخیب قیشدان، آییلماسی یوخ، 
نوختالانیب یئره چکیلمه‌سی یوخ، 
چوخدانکی اؤلودو، دیریلمه‌سی یوخ، 
بیر دری، بیر سوموک، پالاندی ایندی. 
قارغا، قوزغون ائدیب جمعده‌یین پارا، 
اوچ میلدن قالیبدی دیشلر آغارا، 
اومسوق ائتدین منی، قویدون آوارا، 
دئدیم: یقین بیر شیر، آسلاندی ایندی. 
یاش گؤنون دوزلاییب ساتمیشام پولا، 
اوّلکی قایدادا دوشموشم یولا، 
دئدیم کی، دوستلوقدا ائ`تیبار اولا، 
قویموسان کؤنلومو بیجاندی ایندی. 
نه بیلیم، بئله ده نفس اولور مگر، 
دوش یولا، گزگینن هر شامو-سحر، 
قوربانی، سئودیگین آتدیسا اگر، 
سؤیله، آت یئریشلی قورباندی ایندی!

سحرگه ناگاهان گؤردوم دیلی-زاریم نیهان آغلار،

سحرگه ناگاهان گؤردوم دیلی-زاریم نیهان آغلار، 
سیریشگی-عالیله هردم چگر آه و فغان آغلار. 
سوال ائتدیم نه باعثدیر چیخیب افلاکه افقانین؟ 
تؤکر خونی-جیگر جئشمین، آخار هر یان روان آغلار؟ 
کؤنول هوشیار ایمیش مندن، دئدی: بادی-صبادان سور! 
سراسیمه قالیب حئیران، چکر آه، الامان، آغلار. 
صبادان سوردوم احوالی کی، ائی هر حالدان آگاه، 
نه واقئدیر، سنی تاری، اولوب دیل ناتوان آغلار؟ 
دخی بادی-صبا، گؤردوم، بسی دیلکیرو نالاندیر، 
تکلّوم یوخ بَیان ائتسین، قالیبدیر بیزبان، آغلار. 
توتولموش نیطق گوفتاری، دئدی: ائی ناتوان خسته، 
نئجه شرح ائیله‌ییم حالی کی، جومله‌‌‌ اینسو جان آغلار. 
گزیردیم باغو صحرانی، پریشان حالیله، گؤردوم 
دیَیب بادی-خزان سروه قوروموش، باغبان آغلار. 
زبان سؤزدن قالیب خالی، ترحّوم ائتدیم احوالی، 
گؤزومه تار اولوب دونیا، دمادم جیسمو جان آغلار. 
بلی، گر گول بوداغینا توخونسا توند بادی-دهر، 
پریشان اولسا گول برکی، ائدر بولبول فغان، آغلار، 
پوزولدو رؤونقی-گولشن، داغیلدی زینتی باغین، 
دوشوب تابو طراوتدن، گول آغلار، گولسیتان آغلار. 

دوشیدی چرخ گردیشدن، اولایدی دهری-دون ویران، 
بشر تاب ائیله‌مز هرگیز، زمینو آسیمان آغلار. 
ایلاهی، گؤرمه‌سین گؤزلر، یامان گوندور بئله گونلر، 
آمان وئرمز قمو مؤحنت، هامی پیرو جاوان آغلار. 
فیراواندیر قمیم، شرحین بَیان ائتمک دئییل مومکون، 
یاز، ائی موستووفیگی-عالم، مودام اهلی-جاهان آغلار. 
میداد اولسا اگر دریا، قلم اولسا اگر اشجار، 
باشا یئتمز قمیم شرحی، قلم هر لحظه‌‌‌ قان آغلار. 
تنیم رنجور، دیل خسته، دخی بیر قمکوساریم یوخ، 
کیمه شرح ائیله‌ییم دردیم، گئدر تاب و طاوان آغلار. 
بلی، جون کؤوکبی-طالع وبال ائتسه فلک ایچره، 
نوحوستله قیران ائیلر، اولور گون گر یامان آغلار. 
بو دیوانی-قضاوتدیر، موقدّر روزی-اززلدن ! 
کی، هر دم نؤوبه‌نؤو قملر یئتر، بو ناتوان آغلار. 
کسیلمیش طاقتو-تابیم، باشیمدان عقل مهو اولموش، 
گؤزوم اشکی روان ظاهر، کؤنول دایم نیهان آغلار. 
دواسیز دردی-بی‌درمان، قالیب محزونو سرگردان، 
ارستو ایله هم لوغمان، فلاتونی-زامان آغلار. 
تماماً درد و قملردن فراقین دردی افزوندور، 
اونونچون ناتوان هر دم اولوب نالان، قان آغلار.

هیجرین ائدیبدی کؤنلومو برباد، آغلارام،

هیجرین ائدیبدی کؤنلومو برباد، آغلارام، 
چوخلار توتار بو حالیما ایراد، آغلارام. 
کؤنلوم ائوی خرابتر اولدو فراقدن، 
وصلین بو مولکو ائتمه‌دی آباد، آغلارام. 
دامی-فراقدکن، چوخ ایلاهو لابه‌لر 
ائتدیم، نه سود، ائتمه‌دی آزاد، آغلارام. 
نه هیجری-یاره طاقتو حالیم وفا ائدر، 
نه وصله چاتماز ال، ائدیبن داد آغلارام. 
چکدیکجه جؤوری-هیجرینی کؤنلوم فرح تاپار، 
شادام بو امره، بس نییه ناشاد آغلارام؟ 
گویینده محرم ائتدی رقیبی، صفا ایله 
قهر ایله ائتمه‌دی منی هم یاد، آغلارام. 
هیجرینده خوشدور آغلاماق آه و فغان ایله، 
سس وئرمسه بو نالوو فریاد، آغلارام. 
چون ناتوانی-زارو ضعیفم فراقدن، 
بو گونده یار ائتمسه ایمداد، آغلارام. 

ائی اهلی-دیل، فنانی قویون باری آغلاسین، 
اغیاره چونکی یار اولوب یاری، آغلاسین 
من ائتمک عاشقی، نه روا، آه و زاردان؟ 
چوخ دردی وار، قویون کی، سیزی تاری، آغلاسین. 
گیزلین خیالی وار کی، بئله آه و زار ائدر، 
اؤز حالینه قویون بو دیل‌افکاری، آغلاسین! 
بولبول نواسی بی‌سبب اولماز بو باغده، 
گؤردوکجه، هر زامان، گول ایله خواری، آغلاسین. 
هیجرانی-یار اولدو سبب آغلاماغینا، 
یا رب، گؤروم، همیشه سببکاری آغلاسین! 
وورسون علیله باشینا هر شام، تا سحر، 
یاره قم ایچره اولمادی قمخاری، آغلاسین. 
شامی-فراقده قالیبان زارو خسته‌حال، 
سالدیقجا یاده اول مهی-روخصاری، آغلاسین. 
سسلندی ناتوانه کی، اربابی-قم تامام 
حالی-فنایه جمع اولوب ائلجاری آغلاسین!

یانار جانیم، اوغول، دایم سنین ناری-فراقیندا،

یانار جانیم، اوغول، دایم سنین ناری-فراقیندا، 
نئجه پروانه‌لر هر دم یانار شمین آیاغیندا. 
گولی-رویون حواسیله چیخار افلاکه افغانیم 
اولور بولبول نواسی گول فراقو ایشتیاقیندا. 
سنین وصلین خیالییله گؤزو کؤنلوم گزر دایم 
کی، چون مجنونی-سرگشته، گزر لئیلا سوراغیندا. 
نهالی-قامتین ذکری منیم ویردی-زبانیمدیر، 
دمادم ناله‌ی-قومری اولور سروین بوداغیندا. 
او شیرین لبلرین شؤوقو گونو-گوندن اولور افزون، 
اگر فرهاد تک یوز ایل دولانسام هیجر داغیندا. 
حریصم بس کی، اول شیرین‌زبانین ذکرینه هردم، 
اولور خوش نیطقلی طوطی، شاکر اولسا دماغیندا. 
سنین هیجرین اودو، آبباس، دخی، چیخماز کی، جانیمدان، 
ثمندر تک یانار دایم آنان ناری-فراقیندا. 
اوچوب شهباز تک کؤنلوم، گزردی وصل باغیندا، 
پرو بالینی سیندیردی فلک، بو پیر چاغیندا. 
گؤزومده تاردیر دؤوران، مه و خورشیدی-نورفشان، 
محاق ایچره اولوب پونهان، ساناسان چرخ تاغیندا. 
سیریشکیم بیرله کیم، خالی دئییلدیر قامتین گؤزدن 
نه تئز دوشدو طراوتدن او سروین سو قیراغیندا. 

نولایدی گور اولایدیم، گؤرمه‌ییدیم گول کیمی جیسمین، 
قالیبدیر تیره خاک ایچره، مزارین گون قاباغیندا. 
کؤنولده حسرتیم قالدی، مزارین حئیف کیم، بیر دم 
سنی تا گؤرمه‌دیم خورم، اوغول، داماد اوتاغیندا. 
نه‌دندیر اینتیظار ایله، او شهلا گؤز باخار حئیران، 
گؤزوم اول گؤزلره قوربان، باخار آهو سایاغیندا. 
همیشه زارو دیلمهزون، تؤکر گؤزدن سیریشکی-خون، 
پریشان حال ایله دایم، قمو مئهنت بوجاغیندا. 
قمی-هیجران ائدیب طوغیان، قالیبدیر ناتوان سوزان، 
روان اشکی-بصر هر یان اولان گؤزلر بولاغیندا.

 
  • یارپاقلارین سایی :62
  • 1  
  • 2  
  • 3  
  • 4  
  • 5  
  • 6  
  • 7  
  • ...  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم