ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

بایاتیلار

من عاشق آه ۆ زاردا،

جانیم دردده، آزاردا.

اوْ گۆندن کی قۇل اوْلدوم،

ساتیرلار هر بازاردا.

******

من عاشق بۇ داماخدا،

قم منی بۇداماقدا.

هئچ بیر کافیر گؤرمه‌سین

لئیلیسین بۇ دم آهدا.

******

یاخشی یوْل یاخشی قێزا،

بۇردان کئچن نرگیزه.

بۇ بختور قێزلاری

کؤچورمک دۆشمور بیزه.

******

عزیزیم آیرانسیزا،

آیران وئر آیرانسیزا.

ظۆلم ائوی آباد اوْلماز،

قالماز بۇ دؤوران سیزه.

******

اززییم گؤزل مایا،

دؤنوبدو گؤز آلمایا.

عصره‌میش نر اؤلدوردون،

قانلیسان، گؤزل مایا!

******

عزیزیم آغ چۇخایا،

چال کیشی، آغ چۇخایا.

منیم یاریم جاواندی،

وئردیلر آغ چۇخایا.

آتالار سؤزو

بیر سۇ کی منی آخیدیر، منیم اۆچون دریادیر.

***

بیر شهره گئتدین گؤردون هامی کوْر، سن ده - کوْر.

***

بیر تاباق کۆتوم اوْلسا، بیری سنه یوْخدو.

***

بیر تالادا ایکی آخساق جئیران اوْلماز.

***

بیر تپه یێخیلار، بیر دره دوْلار.

***

بیر تیکه‌نی بیلمه‌ین مین تیکه‌نی ده بیلمز.

***

بیر تیکه‌نین قێرخ ایل حاقی وار.

***

بیر تیکیله داغ آشماق اوْلار.

***

بیر توْربا دنی وار، بئش دَ‌ییرمانا اۆیوتمه‌یه گئدیر.

***

بیر اۆرکده ایکی سئوگی اوْلماز.

***

بیر وار کوْر‌اوْغلو، بیر ده وار کوْر کیشی‌نین اوْغلو.

***

بیر وئرمه، بیر ده دیلر، یاتماغا یئر ده دیلر.

***

بیر وۇران مین وۇر دئیندن یاخشیدیر.

***

بیر وۇرماقلا آغاج یێخیلماز.

***

بیر یاخشیدان اؤترو - ها گزمه‌سن یۆز ایل گز!

***

بیر یاندان باغلایان بیر یاندان آچار.

***

بیر یئرده اوْتور کی، دۇرمایاسان.

***

بیره ده هوْ دئ، مینه ده هوْ دئ!

***

بیره دیَمز، مینی بَینمز.

***

بیری آجیندان شالوارین ساتیردی،

دئدیلر: نیسیه وئررسنمی؟

***

بیری ایتمه‌یینجه بیری بیتمز.

***

بیری کؤرپو تاپمیر کئچه، بیری سۇ تاپمیر ایچه.

***

بیری منیم، بیری بنده‌نین،

بیرینی ده نازلی یارا گؤندریم.

آتا بابا سؤزلری

بیر ده گلین اوْللام، اوْتوردوغومو-دۇردوغومو بیللم.

***

بیر ده قاتیرچی‌نین قاتیرینی هۆرکوتمه.

***

بیر دفعه‌‌ آلدانمیشدا قباهت آلدادانین،

ایکی دفعه‌‌ آلدانمیشدا قباهت آلدانانین.

***

بیر دفعه‌‌ یئمکنَن قارین دوْیماز.

***

بیر دلی قۇیویا بیر داش آتدی،

اوْن عاغیللی اوْنو چێخارا بیلمه‌دی.

***

بیر دلیدن یئددی مهله‌یه ضرر دیَر.

***

بیر دردلی‌نین درمانین اوْ درده دۆشندن آل.

***

بیر دیرهم مین عیبی اؤرتر.

***

بیر دوْغرو کی یالانا اوْخشادی، اوْنو سؤیله‌مه.

***

بیر الده ایکی قارپیز تۇتماق اوْلماز.

***

بیر ات کی گیردی قازانا، اوْلدو یئمه‌لی.

***

بیر گلن بیر ده گلر، صبر ائله.

***

بیر گؤردون نامردی، بیر ده گؤرسن، نامردسن.

***

بیر گؤرن یوْلداش، ایکی گؤرن قارداش.

***

بیر گؤز ایکی گؤزون گؤردویون گؤره بیلمز.

***

بیر گۆل ایله باهار اوْلماز.

***

بیر گۆن دۇز یئدیگین یئره قێرخ گۆن سلام وئر.

***

بیر گۆنون بَیلیگی ده بَیلیکدیر.

***

بیر حالالی مین حرام سایا بیلمه‌ییبدیلر.

***

بیر هسیردی، بیر مممدنه‌سیر.

***

بیر ایگید قێرخ ایلده مئیدانا گلر.

***

بیر ایگید یوْخسول اوْلا، اوْنا ال-آیاق گۆلر.

***

بیر ایگیدین پایی ایکی ایگیدی آج قوْیار.

نازلامالار

لایلا دئییم دۆز، باری،

گل دردیمی اۆز، باری.

بالاما قۇربان اوْلسون

یۆز دۇل آرواد، یۆز قاری.

******

من اززییم، شوْنقاری،

دۆلگر یوْنار یوْنقاری.

بالاما قۇربان اوْلسون،

دوْققوز قوْجا، اوْن قاری.

******

الینده وار هاناسی،

قۇلاغیندا تاناسی.

بیر توْیونو گؤریدیم،

اوْلایدیم بَی آناسی.

******

یۇرد یوْخ تالادان ساوای،

گۆل یوْخ لالادان ساوای.

آنایا نه عزیزدیر

کؤرپه بالادان ساوای؟

******

آ لای-لای، یئنه لای-لای،

جان دئییم سنه لای-لای.

سنه گلن درد، بلا

قوْی گلسین منه، لای-لای.

******

لای-لای، آ بالام لای-لای،

آلینماز قالام، لای-لای.

سنه کج باخانلاری

یاندیرسین نالام، لای-لای.

آتا بابا سؤزلری

بیر عاغیللی باش مین باشی ساخلار.

***

بیر آلماغین بیر ده وئرمیی وار.

***

بیر آرخا کی سو گلیب، گومان وار یئنه گله.

***

بیر آتا یئددی اوغولو دولاندیردی،

یئددی اوغول بیر آتانی دولاندیرمادی.

***

بیر آیاق سن گل، ایکی آیاق من گلیم.

***

بیر بارماق بالدان اؤترو تولوغون گؤتون ییرتمازلار.

***

بیر بیلندن قورخ، بیر ده بیلمزدن.

***

بیر بوغدا اکمه‌سن، مین بوغدا بیچمزسن.

***

بیر چیلپاغی یوز جوببه‌لی سویا بیلمز.

***

بیر چیراق ایشیغینا یوز نفر اوتورار.

***

بیر چیراق کی حاقدان یانا،

یاغی نئیلر، یاغی نئیلر؟!

***

بیر چؤرک اؤزون یئ، بیرین ده الله یولوندا وئر.

***

بیر چولوم وار آتارام، هاردا گلدی یاتارام.

***

بیر چووال قیزیل بورجون اولسون،

بیر چووال بوغدا بورجون اولماسین.

***

بیر دادان پئشمان، بیر دادمایان.

***

بیر داداناندان قورخ، بیر قودوراندان.

***

بیر داغ ییخیلماسا بیر دره دولماز.

***

بیر دانا بیر ناخیری کورلار.

***

بیر داش آلتدا، بیر داش اوستده.

***

بیر داش قوپاندا داها یئرینی توتماز.

***

بیر داشلا دیوار اولماز.

***

بیر داشلا ایکی قوش وورماق اولماز.

***

آتا بابا سؤزلری

بَیلیگی باشارمادین، جانین چێخسین بئله گز.

***

بَیاز ایپک هر رنگه بوْیانار.

***

بضامیرم آغادان قوْرخورام، بضایرم خانیمدان.

***

بێغدان کسیر، ساققالا قوْیور.

***

بیلدیر گئدن بیلدیرچین، هانی سنین بیر قێلچین؟!

***

بیلدیر اؤلوب بوْز ائششک، بۇ ایل گلین آغلایاق.

***

بیلدیر یئدیم بیر اینجیر، ایندی ده قارنیم اینجیر.

***

بیلدیرچین جامالاباددان هارا گئدر؛

دنی یانیندا، سۇیو یانیندا.

***

بیلدیرچی‌نین بَیلیگی داری سوْوولاناجاندیر.

***

بیلدیگیندن دانیش، بیلمه‌دیگین سنی گۆدازا وئرر.

***

بیلن آز دئیر، بیلمه‌ین یۆز.

***

بیلنه بیر، بیلمه‌ینه مین اوْخو.

***

بیله‌نین ده باشینا دؤنوم، بیلمه‌یه‌نین ده،

داد یاریمچیق الیندن.

***

بیلنله بیلمه‌ین تای اوْلماز.

***

بیلمه‌دیگین بیلدیگیندن چوْخدو.

***

بیلمه‌مک آییب دئییل، سوْروشماماق آییبدی.

***

بیلمه‌سن، بیر بیلندن سوْر.

***

بیلسیدیم آتین اؤلدویونو،

قۇلاغی دوْلوسو دارییا ساتاردیم.

***

بیلسیدیم، دردیم ایکی اوْلمازدی.

***

بیلیی گۆجلو اوْلان بیرین یێخار، بیلیگی گۆجلو اوْلان مینین.

***

بیر آج گۆله‌ین اوْلار، بیر ده یالاواج.

***

بیر آج قۇدورغان اوْلار، بیر توْخ.

***

بیر آغاجدا گۆل ده بیتر، تیکان دا.

Latincə

آتا سؤزلری

***

بیر ایش باشلامایینجا قورتارماز.

***

بیر ایشی بیتیرمه‌یینجه بیر ایشه باشلاما.

***

بیر ایت هورمکله کاروان قاییتماز.

***

بیر کندین کی، کوخاسی موردوش اولا،

هئچ اولار کی، اوردا خئییر ایش اولا؟!

***

بیر کورا بیر دیَنک.

***

بیر کؤچمک - یوز تالانماق.

***

بیر کوللوکده ایکی خوروز بانلاماز.

***

بیر قاتی نازیک، ایکی قاتی یوغون،

قات یاریمی هاردان تاپیم؟!

***

بیر قازاندا ایکی کلله قایناماز.

***

بیر قیز بیر اوغلانیندی.

***

بیر قویوندان ایکی دری چیخماز.

***

بیر قوز اوچون داش آتیلماز.

***

بیر قولغونا مین قیرغینا سببدیر.

***

بیر میخ بیر نالی، بیر نال بیر آتی،

بیر آت بیر ایگیدی، بیر ایگید بیر ائلی ساخلار.

***

بیر موشترییچون دوکان آچیلماز.

***

بیر ناخیرین آدینی بیر آلا دانا باتیرار.

***

بیر ناپاکدان قورون، بیر ده کؤپکدن.

***

بیر پاکین دعاسی، بیر ناپاکین دعاسی.

***

بیر اولسون، پیر اولسون.

***

بیر سؤزون مین بیر بوداغی وار.

***

بیر سؤزونو بئش باتمان باللا یئمک اولمور.

***

بیر سو کی گیردی قابا، اولدو ایچمه‌لی.

Latıncə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Website Traffic | Buy Targeted Website Traffic