تبلیغات
ایران آذربایجانی تورکجه سینین ادبیات اوتاغی - مطالب ابر احمد جاواد
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

بئیتلر، اوچلوکلر و دؤردلوکلر

بئیتلر، اوچلوکلر و دؤردلوکلر

اووچو بیلمز، خیالی‌نین اؤز سسیدیر،

اؤز قلبی‌نین، اؤز عشقی‌نین نشه‌سیدیر؟!

بو سس بضا بیر قوش اولور،

بیر بوداغا قونموش اولور،

اؤتور یونجالی باغدا!

بضا باخارسان بیر مارال،

اندامی‌نین هر یئری خال، -

گزر دومانلی داغدا!..

ایلک باهارین ایلک نفه‌سی،

جوشان عشقین بیر هوسی؛

نه اولورسا، اولسون آدی،

سسدیر روحومون قانادی!

آنجاق منیم دویدوغوم سس،

بو سسلره هئچ بنزه‌مز.

latincə...

لئیلا

لئیلا

دئییرلر قاراباغ بیر جنّت ایمیش،

بسلرمیش قوینوندا گؤزللرینی!

منده قودرت یوخدور قلم چالماغا،

تعریف ائیله‌مه‌یه آنجاق بیرینی.

او گرگین قاشلارین کؤلگه‌سینده‌کی،

جان آلیب، جان وئرن گؤزلره قوربان!

بوگونکو لئیلانین خوش سسینده‌کی

معنالی، معناسیز سؤزلره قوربان!

قوربان قبول ائدیب تؤکسه قانیمی،

نَیی وار شاعرین، وئرر جانینی؟!

قمزه‌سی قان اولان، گردیشی الا،

دوغرودان گؤزلدیر، گؤیچکدیر لئیلا!

چیچکلر قوینوندا بسله‌میش اندام،

چیخدی دوداغیندا باده‌نین جانی.

گؤزلسن، اینجه‌سن، قور یئنی بیر دام،

اسیر ائت، قول ائیله ماهی-تابانی.

بؤیله‌دیر اؤنونده هر یئنی شاعر،

یئنی بیر یول بولار، بیر عمل بسلر.

منیم طبیعتدن ایسته‌ییم بودور،

چوخالسین یوردومدا بؤیله گؤزللر!

کؤنول تازالاندی سیتاییشیندن،

کؤنوللر سولطانی، ائللر گؤزه‌لی!

قورخوم وار دونیانین بیرجه ایشیندن،

مومکونسه دیَیشدیر قلم-ازلی!

سؤیله کی، چیچکلر سولماسین، لئیلا!

منیم قورخدوغوم حال اولماسین، لئیلا!

دولانسین باشینا اولدوزلار، آیلار،

بو کؤهنه دونیانین لئیلاسی دا وار!

گؤزللر توپلاشیب اولسونلار باجی،

لئیلا دا اونلارین باشی‌نین تاجی!

بنزردی

بنزردی

باییلیرکن گؤزلریندن، قاشیندان،

سئویرکن اونو پک گنج یاشیندان؛

بنیم چالدی اورگیمین باشیندان،

بیر ییلان کی، گؤیرچینه بنزردی!

ایتیردیم هدفی، قیریلدی یاییم،

بو شیکاردان بنیم یوخدور بیر پاییم.

باشقا تانری گؤستر، اونا تاپاییم،

سنین عشقین، چونکی دینه بنزردی!

کئچیردیم درد ایله چوخ قیشی، یازی،

حسرتله بکلرکن او سروینازی!

اوزاتدی الیمه قیریلمیش سازی،

چالدیم... نغمم بیر اؤلومه بنزردی.

هؤروردوم ساچینی بیر قزل کیمی،

چیخیردین قارشیما بیر گؤزل کیمی!

اسکی شاعر یازمیش بیر مثل کیمی

باخیشلارین بیر شاهینه بنزردی.

بیلمم کی، شفقسن، روحسان، خولیاسان؟

حقیقتمی پارلار، یوخسا رؤیاسان؟

ساچیندا چیچکلر، سن اوفئلیاسان!

اونون ساچی، سنینکینه بنزردی!

هاملئت، “آذربایجان”،

1919، 19 اوکتیابر

گنجه‌دن گلیرم...

گنجه‌دن گلیرم...

گنجه‌دن گلیرم، یوکوم اوزومدو،

گنجه‌نین عسگری دوزوم، دوزومدو.

بیر عمیم قیزی وار، ایکی گؤزومدو،

اؤزگه‌یه وئرمه‌رم، من اؤزوم آللام،

شیرین قاداسینی جانیما ساللام!

آشیق شعریندن

گنجه‌دن گلیرم، یوکوم خورمادی،

گنجه‌نین یوللاری بورما، بورمادی.

گنجه‌ده بیر قیز وار، تئلی دورنادی،

گونشه سن چیخما، من چیخیم دئییر!

گنجه‌دن گلیرم، یوکوم چیچکدی،

گنجه‌نین گوللری لچک-لچکدی.

گنجه‌ده بیر قیز وار، آدی چیچکدی،

قوشلارا سن اوچما، من اوچوم دئییر!

گنجه‌دن گلیرم، مالیم نه مالدی،

گنجه‌دن آلدیغیم ایپکدی، شالدی.

گنجه‌ده بیر قیز وار، آدی مارالدی،

جئیرانا سن قاچما، من قاچیم دئییر!

گنجه‌دن گلیرم، یوکوم خینادی،

کؤنلوم دلی قوشو اونا قونادی.

گنجه‌ده بیر قیز وار، آدی سونادی،

سولارا سن آخما، من آخیم دئییر!

گنجه‌دن گلیرم، سؤزه بند اولوب،

گنجه‌نین مئیوه‌سی شکر، قند اولوب.

گنجه‌ده بیر قیزا گؤزوم بند اولوب،

جاوادا سن باخما، من باخیم دئییر!

* * *

سحر زامانییدی اثرکن یئللر،

دوشرکن ژاله‌لر اویاتدی سنی.

چاتیلدی قاشلارین، داریلدین بانا،

ایسلاتدی ژاله‌لر نازیک بدنی.

بوتون بیر سحری یانیلییوردوم،

بوش قالمیش قوینونا چیچک دولدوردوم.

گولزارینا قورآن دئیه ال ووردوم،

اینانمادین نییه، بیلمه‌دین یعنی؟

آند ایچدیم کی، کؤنلوم سنسیز یاشاماز.

آغلار سنسیز، سینیق، او بیر تئللی ساز.

قوللارینا وئردین او دم بیر پرواز،

اوخشادین سیننه جانسیز دوشه‌نی!

شیمدی سنسیز خسته کؤنلوم سرسری،

دولاشییور، دورور قوربت ائللری.

ائی منی بیر دفعه‌ گولدورن پری،

آغلار نئچین قویدون ایللرجه منی؟

قوربان اولدوغوم

قوربان اولدوغوم

بیر خئیلی زاماندیر گئتدی، گلمه‌دی،

عهدی پئیمانینا قوربان اولدوغوم!

ایسته‌دی جان وئردیم، قدیر بیلمه‌دی،

او شیرین جانینا قوربان اولدوغوم!

دئدیم: آیریلیغا یوخدور تاوانیم،

آیریلیب گئتمه‌سین سروی-روانیم!

بیر داها دؤنمزمی یوسما ترلانیم،

آدینا، سانینا قوربان اولدوغوم!

(او تمیز قانینا قوربان اولدوغوم!)

من هئی گؤیه باخدیم، گؤی منه باخدی،

گؤیلره باخماقدان گؤزلریم آخدی!

شیمشک اولدو، آنجاق بیر دفعه‌ باخدی،

باخدی قوربانینا قوربان اولدوغوم!

کؤنول وئرمک ایستر بیر موژده یئنه،

سئوگیلی یوردومون گؤزللرینه!

شعریمه جان وئریب، گؤیلردن ائنه،

او حاق دیوانینا قوربان اولدوغوم!

او منیم شعریمین روحو، رواجی،

بوتون گؤزللرین باشی‌نین تاجی!

بیلمزمی کی، اونسوز عومروم چوخ آجی،

شؤهرتو شانینا قوربان اولدوغوم!

گؤزللیکلر یاپما، دویغولار جانسیز،

منه تن ائیله‌ییر هر یئتن قانسیز.

آتیلان اوخلاردان چیخ گل زیانسیز،

نامو نیشانینا قوربان اولدوغوم!

بیر گئجه یاتمیشدیم قملی، موکددر.

قلبیمی سیخیردی سونسوز فیکیرلر.

بیردن گونش دوغدو، آچیلدی سحر،

باخدی گؤزلریمه او قومرال گؤزلر!

سسیمه اویاندیم، بومبوش بیر اوتاق،

داغلارین قارینا دؤنموشدو یاتاق.

عشقیمه، دویغوما یوخدو بیر اورتاق،

بو اییی دونیادا ایختیلات قاتاق!

باتوم، 1916

بیر گون

بیر گون

هیجرانلار، الملر، طوفانلار ایچره

قیسیق بیر سس کیمی ائله‌جه‌یم بن!

بؤیله گؤز یاشییلا کئچن عومرومون

سونوندا بیر آجی گوله‌جه‌یم بن!

عشقیمین نه ایمیش بیلمم گوناهی؟

ییخیلدی قلبیمین ایستینادگاهی.

نصیبیم اولسا دا دونیانین آهی،

بیر گون گؤز یاشیمی سیله‌جه‌یم بن!

یاخیندا دیدارین نصیب اولماسا،

اومیدسیزلیک بنی دوشورمز یاسا!

آلاراق الیمه دمیردن عصا

بیر گون حضورونا گله‌جه‌یم بن!

توتولدوم طوفانا، ساریلدیم سانا،

سن ائی قیریق قلم، گل بیر توغیانا!

دؤزمک گوج اولارسا بؤیله هیجرانا،

سنینله دردیمی بؤله‌جه‌یم بن!..

Latincə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم