تبلیغات
ایران آذربایجانی تورکجه سینین ادبیات اوتاغی - مطالب ابر ابو طالب اللهیاری( توتقون)
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

قوجا طبیعت

قوجا طبیعت

 

یاز گلیب یئنه‎ده یئــــــر نفس چکیر

اسنه ییر، اویخودان اویانیـــــر داغلار

اؤپــدوکجه آل گونش آغ آپبـاغ آلنین

یام یاشیل ایرنگه بویانیـــــــر داغلار

 

قاییدیر کؤچـــــــری یاشیل دورنالار

چال چاغیر باشلانیب چؤللــــرده یئنه

گاه گولور ماوی گـؤی، گاهدان آغلاییر

بولودلار مورواریــــــــد سپیر چمنه

 

بزه‎نیب چیچکله باغچالار، باغــــــلار

آغاجـــــلار باشینا سالیب آغ اؤرپک

چالاراق سازینــــــــی توراغاغیی‎لار

داغیـلیـر غم، کـده‎ر، آچیلیـــر اوره‎ک

 

آتـلانیـب سئـل سـولار دره‎ده، داغـدا

قـوپاریب نعـره‎سین چایـلار، ایرماغلار

یاییلیب عالمه شَنلیــــــک نغمـه‎سی

آچیلیب دویونلو دیللـــر، دوداغـــــلار

 

خان چوبان توتـه‎یین چالیـر سَره ده

یاییلیب سوروسو داشلــــی گونئیه

قـویـونــــلار، قــوزولار خومارلاناراق

قـولاغ یاتیـریبــــــــلار ناله‎لـی نئیه

 

باخدیقجا چؤللــــره داشلانیر دویغو

عشقین ایشتیهاسی آچیلیـــر بوردا

آرزی قـانـادلانیـــر، دیلـه‎ک آتـلانیــر

سئوینج‎لراوزلره ساچیلیــــــر بوردا

 

داغـلارین دؤشونـدن فیشقیران سولار،

یاشاییش نغمه‎سین اوخـور ائللـــــره

آخدیـقجـا گـوللــــــرین دامـارلاریـنـا،

اینجـه ناخیش وورور یاشیل چـؤللـره

 

خلـوت ائـدیبـدیلــــر عشـوه، ناز ایـله

یاشیل باش سونالار، چیمیر گـؤللـرده

آچـاراق قانـادیـن، سـویـون اوزونــده

سانکـی قازلار آچیب حوولـه اللـرده

 

بوتون گـؤزه للیکلـر یاغیـر اوزوندن

دئمـک جاوانـلاشیب، قـوجـا طبیعت

یام یاشیل ایـپکــدن گئیینـیب پالتـار

یایـلاغــلار، آرانـــلار، مئشه‎لـرالبت

شاعیر:ابوطالب اللهیاری(توتقون)

بولاغلار منی

بولاغلار منی

قیش کؤچـوب, یاشیل‌یاز چیچکله‌ننده
گزمه‌یه چاغیـریر او, داغــــلار منی
داشاندا دؤشوندن, شیپ شیرین سولار
ایچمه‌یه چاغیریر بــولاغـــلار منی

چؤللر بزه‌ننده گلین سیاغــــــــی
داغلارین چوخ اولار گلن قـــوناغی
لالـــــه‌نین الینده باخسان, آیـاغـی
یـوللاریـن اوستونده سوراغلار منی

آرمید آغاجلاری پـانبیق آتـانـــدا
داغـلارین یـالیندا دومان یاتـانــدا
گونشین کروانی گلیب, چاتانــــدا
سسله‌یـر ماهنی‌لی, دوداغــلار منی

گؤیلر گورولداییب, شاققیلدایانـدا
کهلیک سیلدیریم دا قاققیلدایانــدا
قایناییب سماوار, پاققیلدایـانـــدا
کئشگه, قوناغـلایـا, اوتـاغلار منی

توتقـونام , اوره‌کـدن یارالییـام من
جئیرانلـی داغـلاردان آرالییـام من
گـؤر نئجه بیـر باشی بـلالییـام من
بوراخماز شاختالار، سازاغلار منی

شاعیر:ابوطالب اللهیاری(توتقون)

سن

تیکان اولـــــــــوب، آیاغـــلارا بـاتینجـا
چیچکلــه‌نیب، یاخـالارا تاخیـــل سن
زهــر اولما، دادان سنی تُــوپـورسون
شیپ شیرین اول، اوره‌کلره آخیل سن

هریئتنــــه ساعـات کیمی قـــورولما
شر سئونــدن بــو ، دونیادا قاچ اوغول
قیفیـــل اولـــوب ، آغیــــز‌لارا ، وورولما
کلیـد اول‌کــی، قیفیـل‌لاری آچ اوغول

بولــود اولسان بوش ـ بوشونا کیشنه‌مه
سس، سمیرسیز یاغمیرینــــی اَله سن
شیمشک اولما، چاخیشینــدان اود یاغـا
آل‌گــونش اول، ایشیغینی چیلــه سن

آیاغ آلتــــــــدا ، تاپـــــدالانار « تپه »لر
بیر داغ اول‌کی، قوپارماسین یئل سنی
«آغ شین» اولمـاق هنر دئییل دونیادا
بابـک اول‌کی، آلقیشلاسین ائل سنی

گـؤلمج اولما، یئتن سنـــی لیلله‎تسین
ده‌نیـز اول‌کـی، درین‌لییین خوشلانسین
آغاج اولسان سؤیـود اولما، چینـار اول
قوی، کولگه‌نده، یورولانلار هوشلانسین

شاعر اولسان قاشا، گوزه، زولفه یوخ
صـداقتـــه، محبتــــه شعیــــــــــر یــاز
انسانـلیــغا، قارداشلیـغا ، دوستلوغا
عدالتـــه، سعــادتــــه شعیـــــــر یــاز


شاعیر ابو طالب اللهیاری( توتقون)

اللهیاری جنابلارینین اؤزل وئبلاق لاری

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم