تبلیغات
ایران آذربایجانی تورکجه سینین ادبیات اوتاغی - مطالب عاشیق حسین جوان
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

وار

وار 

آیدینلیقدان قاچان، کؤلگه‌ده ایتن، 
قارانلیقدا کولدا یاتانلار دا وار، 
مقصدسیز یاشاییب، ایری یول توتان، 
عمّانا داش-تورپاق آتانلار دا وار. 

دوز گئتمه‌ین حقیقتین یولویلا 
ایشله‌مه‌ین اؤز یوردوندا ائلییله، 
ویجدانینی، ناموسونو الییله 
اؤزو تک نادانا ساتانلار دا وار. 

بیلمیر عصمتینی، بیلمیر آرینی، 
سالیر آیاق آلتدا اؤز ووقارینی، 
وئریب اؤزگه‌لره ایختیارینی، 
اؤزگه اته‌ییندن توتانلار دا وار. 

لال خوروز تک و`ده‌سینده بانلامیر 
پیس ایشینده اؤز-اؤزونو دانلامیر، 
ایندییه‌دک آنلاماییب آنلامیر، 
بوش دانیشیب، آرا قاتانلار دا وار. 

عطیرلی گوللری اوزمک ایسته‌ین 
اوزوب یاخاسینا دوزمک ایسته‌ین، 
قوّاسلیق بیلمه‌ین، اوزمک ایسته‌ین، 
حسین، عمّانلاردا باتانلار دا وار.

اوغول

اوغول

گل آتانین سؤزلرینه قولاق آس،

یئتیر عصرلره سن دقت، اوغول،

اونوتما کی، بیز قوناغیق دونیادا،

عومروموزدن گئدیر هر ساعت، اوغول.

قیمتلی واختلارین گئتمه‌سین بوشا،

کامیل صنعتکار اول، همیشه یاشا،

ناموسلا عومرونو وئرگیلن باشا،

ائل سنه بسله‌سین محبت، اوغول.

سن یا بیر عالیم اول، یا بیر صنعتکار،

اؤیون صنعتینله ائیله ایفتیخار،

یازیب-یاراتدیغین قالسین یادیگار،

یاشادار اینسانی، ایش، صنعت اوغول.

خالقین سئوسین سنی اؤز اوغلو کیمی،

اؤز اورگی کیمی، اؤز آغلی کیمی،

ایگید بابک کیمی، کور‌اوغلو کیمی،

اولسون اورگینده متانت، اوغول.

داغیلماسین فیکرین، چاشماسین هوشون

بیر ایشی باشلاسان ازلدن دوشون،

مذمّت ائتمه‌سین سنی تای-توشون،

اولما دوست یانیندا خجالت، اوغول.

آشیق حسین دئیر، گله‌جک صاباح،

صاباحین نبضینی توت، اول بیر جراح،

بیلمزه یول گؤستر، اولگیلن همراه،

ساخلا بو سؤزومو امانت، اوغول.

دونیادا

دونیادا

چیرپینما اوره ییم, دؤیونمه قلبیم,
کیچیلمه دوشمنه, اییلمه یادا!
اودلار اولکسی‌نین ئوجالیب باشی,
دئییلیر شؤهرتی بوتون دونیادا.

آه چکمه, قم یئمه, چوخ باخما یولا,
آغلاما, سیزلاما, ائیلمه نالا,
چوخ چکمز یئتر‌سن یئنه وصالا,
دردین آرتیب اولماز حد‌دن ضیادا.

پارچالانما اورک, یارالانما سن,
تزه بوتؤولندین, پارچالانما سن,
وفا‌لی دوستون‌دان آرالانما سن,
دولان آرخاسینجا, دولان پییادا!

چتین‌دیر اولوم‌دن, یامان آیریلیق,
ائیلدی قددیمی کامان آیریلیق,
سیخسا دا حسینی زامان, آیریلیق,
دوستون‌دان ال چکمز, دؤنمز نبادا!

 

اوغول

اوغول

گل آتانین سؤز‌لرینه قولاق آس,
یئتیر عصر‌لره سن دقت, اوغول,
ئونوتما کی, بیز قوناغیق دونیادا,
عومروموز‌دن گئدیر هر ساعت, اوغول.

قییمت‌لی واخت‌لارین گئتمسین بوشا,
کامیل صعنتکار اول, همیشه یاشا,
ناموسلا عومرونو وئرگیلن باشا,
ائل سنه بسلسین محببت, اوغول.

سن یا بیر عالیم اول, یا بیر صعنتکار,
اویون سنتینله ائیله ایفتیخار,
یازیب-یاراتدیغین قالسین یادیگار,
یاشادار اینسانی, ایش, سنت اوغول.

خالقین سئوسین سنی اوز اوغلو کیمی,
اوز اوره یی کیمی, اوز آغلی کیمی,
ایگید بابک کیمی, کوروغلو کیمی,
اولسون اوره یینده متانت, اوغول.

داغیلماسین فیکرین, چاشماسین هوشون
بیر ایشی باشلاسان عزل‌دن دوشون,
مزممت ائتمسین سنی تای-توشون,
اولما دوست یانیندا خجالت, اوغول.

آشیق حسین دئیر, گلجک صاباح,
صاباحین نبزینی توت, اول بیر جرراه,
بیلمزه یول گؤستر, اولگیلن همراه,
ساخلا بو سؤزومو امانت, اوغول.

 

محببت

محببت

بولبولون قلبین‌دن سیلینیب گئتمز,

گولشن محببتی, گول محببتی.

آشیغین هئچ زامان دوشمز دیلین‌دن,

وطن محببتی, ائل محببتی!

وورغونویام ساکیت آخان سولارین,

آزاد دیلک‌لرین, صاف دویغو‌لارین,

دوست‌لار قلبیندکی عشقین, ایلقارین,

گئتمز اورییم‌دن بیل, محببتی!

من اوزوم فرحادام, وطنیم شیرین,

قوینومدا بسله‌دیم من شیرین-شیرین,

قند‌دن ده شیرین‌دیر, بال‌دان دا شیرین,

آنا محببتی, دیل محببتی!

کؤنول آغلاسا دا, یادا باش ایمز,

یاد وئرن آتلاسی, خارانی گئیمز,

محببت عاشقی هئچ زامان دئمز,

حسین, اوریین‌دن سیل محببتی!

داغلار

داغلار

نه گؤزل‌سن, سفالیسان,
سولماسین گولزارین, داغ‌لار!
یاخشی دوست تک وفالیسان,
پوزولماز ایلقارین, داغ‌لار!

یاز اولاندا قارین اریر,
کؤکسون گولزارا دؤندریر,
خسته‌لره شفا وئریر,
سرین بوزون, قارین, داغ‌لار!

شلاله‌لی قوجا ترتر,
خاچین چایی, دلی قارقار,
جبی‌نین‌دن آخان تر‌لر,
جوشدورور چای‌لارین, داغ‌لار!

قوشقار, کپز, مورغوز, مروو...
قاش‌لارین‌دان گئتمیر قروو,
دلی داغ‌دان قالخاندا اوو,
ایزلر اووچو‌لارین, داغ‌لار!

اویرنمیشم السگر‌دن,
یازیرام سیندفتر‌دن,
جاوان حسین هر‌دن-هر‌دن,
یازیر اوز اش`ارین, داغ‌لار!

 

لاتین الیفباسینان

ائیلر

ائیلر
(جیغا‌لی گرای‌لی)

محببت سارایی ئوچسا,
قلب آلیشار, دیل وای ائیلر.
کؤنول پروازلانیب ئوچسا,
گزر یارینی,
وفادارینی,
اوز دیلدارینی,
تاپامماسا, دیل وای ائیلر.

آشیق یارینی گؤرمسه,
سییاه ساچ‌لارین هؤرمسه,
آچیلان گولون درمسه,
گول تؤکو‌لر,
اغیار گولر,
بئل بوکو‌لر,
جیغا آغلار, تئل وای ائیلر.

اووچو ایتیرسه مارا‌لی,
کسی‌لر صبری-قراری.
داغ‌دان-داش‌دان خبر آلی,
اوریی یانار,
یارینی آنار,
درد‌لی قانار,
چمن سیز‌لار, چؤل وای ائیلر,

محببتین تامی بالسا,
آشیغین آغرینی آلسا,
یار یارینا حسرت قالسا,
ساز دا آغلار,
سؤز ده آغلار,
گؤز ده آغلار,
گؤز‌دن آخان سئل وای ائیلر.

هیجران یاشی درین گلسه,
محببتی ایکی بؤلسه.
جاوان حسین ناکام اولسه,
چای‌لار چاغ‌لار,
دوست سوراق‌لار,
یاری آغلار,
حیف, دئییب ائل وای ائیلر.

دئ, داغلارین بو چاغیندان

آشیق, گؤتور تئل‌لی سازی,
دئ, داغ‌لارین بو چاغین‌دان,
ائشیدیلسین خوش آوازین
خاچبولاغین یایلاغین‌دان.

باخ, قارتال‌لی قایا‌لارا.
بزک‌دیر ئولو داغ‌لارا,
گؤز وورور‌لار بولود‌لارا
یوردومون هر بوجاغین‌دان.

طبیعتین بودور هالی,
گونئی‌لره سریب خالی,
بوز تپه‌لر اورتوب شالی,
دویماق اولمور نؤوراغین‌دان.

کمرقایا, ائیناللیدوز,
دوروبدور سننن اوزبوز,
سیزیلداشان ذنبورو سوز,
بال سوزولور "جایناغین‌دان".

یاخلیچوخور, گیل‌لی بولاق,
کپزه چیخ, گؤی گؤله باخ,
گزمیینن اولماز دویماق,
آذربایجان تورپاغین‌دان.

سارییال‌دان گل قوشقارا,
حؤرمت ائیلر سنتکارا.
گؤزله, دوشمه بوران-قارا,
چیخ داغ‌لارین سیناغین‌دان.

جاوان حسین, آوازین خوش,
ذیل‌دن اوخو, اورک‌دن جوش,
شئ`ر ده یاز, نغمه ده قوش,
دورر سوزولسون دوداغین‌دان.

 

لاتین الیفباسینان

آغرین عالیم

آغرین عالیم

آی قاباق‌لی, هیلال قاش‌لی,
قومرال گؤزلو, آغرین آلیم!
جئیران کیمی شوخ باخیش‌لی,
ایشوه-ناز‌لی, آغرین آلیم!

گؤزل کئچن ایللر کیمی,
رنگی سولماز گول‌لر کیمی,
اوخویان بولبول‌لر کیمی,
خوش آواز‌لی, آغرین آلیم!

ائی شرف‌لی, ناموسلو قیز,
اوریی پاک, قلبی تمیز,
مین چیچیین بیرینی اوز,
سولماز یاز‌لی, آغرین آلیم!

نه وارا, شؤهرته آلچال,
سئوگیلینله قوشا قوجال!
اوز یارینا مین نغمه چال,
تئل‌لی ساز‌لی, آغرین آلیم!

جاوان حسین ائدیر دیلک,
سیزسیز حیات نیه گرک.
سنی گؤرن تمیز اورک,
جوشوب یازدی, آغرین آلیم!

 

لاتین الیفباسینان

یار نئجه اولدو?

یار نئجه اولدو?

بولاق, سن‌دن خبر آلیم,
سؤیله گؤروم, یار نئجولدو?
گونش اوزلو, آی جامال‌لی,
قددی قلمکار نئجولدو?

ایتیرمیشم بیر مارالیم,
کسیلیب صبری-قراریم.
سن‌دن بیر سؤز خبر آلیم,
سؤیله بییلقار نئجولدو?

آرامیزدا سن اول, هکم,
آتاسیز, قارداشسیز, تکم.
ایتکین گئدن او باختیکم,
آغ سینه‌سی قار, نئجولدو?

ائشیدین, آشیق جاوانام,
نه آتام وار, نه ده آنام...
وطن‌دن اودور نیشانام,
بیلمم او یار نئجولدو?

وار اولسون ائللرین سنین

تؤکولوبدور آغ بوخاغا
خورمایی تئل‌لرین سنین.
یاراشیر قایماق دوداغا,
شیرین‌دیر دیل‌لرین سنین.

دوشمسین ائللری درده,
قم قالماسین کؤنول‌لرده,
گزیر دیلسیز پرده‌لرده.
صنعتکار اللرین سنین.

حسین اوخور ذیلده, بمده,
قالماسین کؤنول‌لر قمده.
ائل سؤز‌لری وار سینمده,
وار اولسون ائللرین سنین.

 

لاتین الیفباسینان

بایاتیلار

بایاتیلار
آشیغام, ائلچی منی,
گؤزل‌دیر ائلچی منی.
اوز سئودیییم بیر قیزا
گؤندرین ائلچی منی.

بور‌دان دؤرد باجی کئچدی,
باخدی قییقاجی کئچدی.
عومروم بحرسیز اولدو,
گون‌لریم آجی کئچدی.

تورپاقدا آج اولمایا,
اینسان‌دان باج آلمایا.
ائله دونیا یارانا,
اینسان‌لار قوجالمایا.

شانا ساچدا اولایدیم,
سورمه قاشدا اولایدیم.
سیننیم گئری دؤنیدی,
اون بئش یاشدا اولایدیم.

من عاشقم, آی خومار,
گئجه سرخوش, آی خومار.
سئوگیلیم جاواب وئرمز,
آ یاتیر خومار-خومار.

آشیق, نه گؤزل یازدی,
میرزه‌لر گؤزل یازدی,
قومرو کیمی دانیشان
سیننده تئل‌لی سازدی.

آشیق گرمه‌دوزلودو
سؤزو شیرین, دوزلودو.
مجلیسی گؤی‌لر کیمی
اولکر‌لی, ئولدوزلودو.

من عاشقم, دریندی,
کولو باغ‌دان در ایندی,
بلدچیم کور تالئییم,
دوشدوم, قویو دریندی.

خبر وئرین گولخارا,
گئیینمسین گول-خارا.
عاشقی ناکام گئتدی,
قیسمت اولدو گول خارا.

آشیق, آدین شیریندی,
فرحاد دوستو شیریندی.
دوست‌دان دوستا گلن پای
بئچه بال‌دان شیریندی.

 

لاتین الیفباسینان

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم