تبلیغات
ایران آذربایجانی تورکجه سینین ادبیات اوتاغی - مطالب قوسی تبریزی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

نولا گر کؤنلومده عشقی-نالفرما گیزله‌نیر،

نولا گر کؤنلومده عشقی-نالفرما گیزله‌نیر،

بو کؤنول بیر قطره‌‌دیر کیم، اوندا دریا گیزله‌نیر.

عاشقی-پاکیزه گؤوهر سینه‌سینده خونی-دیل،

گیزله‌نیر، گر پرده‌ی-مینادا سهبا گیزله‌نیر.

برق ابر آلتیندا پونهان قالماغی مومکون دئییل،

ناله‌ی-آتش اینان، سینمده بیجا گیزله‌نیر.

درد الیندن دودی-آهیم چون فلک پئیماله‌نیر،

یاشینیر خورشیدی-تابانو مسیحا گیزله‌نیر.

دورمایان، اوتورمایان خلق ایله بیلمز کیم، نئچین

یئر اوزوندن قاچیبان گؤیلرده عیسی گیزله‌نیر.

بالو پرسیز بولبولم، مومکونمودور گؤرمک منی -

کیم، یووامین خارو خاشاکیندا عنقا گیزله‌نیر.

بیر پری پئیوسته واردیر، شیشه‌سینده قؤوسی‌نین،

سنگیدیل بوتلر گؤزوندن سانما بیجا گیزله‌نیر.

گلیر باهار، آچیلیر گول، هزار ائدر فریاد،

گلیر باهار، آچیلیر گول، هزار ائدر فریاد،

بو عند‌لیب خزانو باهار ائدر فریاد.

فغان کی، حالیمه او داش باغیرلی رحم ائتمز،

اگرچی نالم ایله کوهیسار ائدر فریاد.

اؤزو سالیر اؤزون اوددان-اودا سپند کیمی،

زبانی-حالیله هر کیم شوار ائدر فریاد.

بو هرج-مرجده هئچ بیلمیرم نه قووغادیر -

کی، مست ناله قیلیر، هوشییار ائدر فریاد.

بو عینه اؤیله کی، اوددان سپند ناله چکر،

سنی گؤرن کیمی بی‌ایختییار ائدر فریاد.

نه نؤو کیم، داغیدیر توند باد خارو خسی،

بییانی-هؤوسلمی تاریمار ائدر فریاد.

جرس کیمی ییغارام گرچی ناله‌دن دیلیمی،

یوز اول قدر بو دیلی-بیقرار ائدر فریاد.

کیمین مورادی ایله بس فلک دؤنر، یارب -

کی، گردیشیندن اونون کیم کی، وار، ائدر فریاد.

سیپئهری-چرخه دوشر گیردیباد تک قؤوسی،

نه سرزه‌مینده کی، بیر بیقرار ائدر فریاد.

لاتین الیفباسینان

تونوک زرفم، منی ساقی الیندن گلسه هوشیار ائت،

تونوک زرفم، منی ساقی الیندن گلسه هوشیار ائت،

اگر احمال ائدیرسن بس خبردار اول، خبردار ائت!

منه چوخ روخستی-گؤفتار اول شیرین زبان وئرمز،

اونا رازی-دیلیم، ائی خامه، بیر رنگیله ایظهار ائت!

بو حالیلن شبی-هیجراندا، بی‌رحم، آلمادین جانیم،

منی مندن آلیب، یارب، منیمله یاریمی یار ائت!

طبیبیمدن دوا اومدوم آیاغین چکدی باشیمدان،

اونا سن درد بیدرمانیمی ائی زف ایظهار ائت!

سؤز ایله نازه‌نینلر عشق دردینه اینانمازلار،

بو دیل بیلمزلری، یارب، گیریفتار ائت، خبردار ائت!

سنین فریادینا اون سنگدیل وئرمز قولاق، آمما

اونا احوالیمی ائی نئی، دیلین توتدوقجا تکرار ائت!

گل اول خورشیددن چشمیم سارایین رؤوشن ایسترسن،

فلک مهدینده بختیم کووکبین، ائی ناله، بیدار ائت!

سنین چون آغزینی قندی-موکررر ائیله‌مز شیرین،

همن قؤوسی نیهان ائلدن اونون آدینی تکرار ائت!

گونوم گئجم کیمی پئیوسته قاره‌دیر سنسیز،

گونوم گئجم کیمی پئیوسته قاره‌دیر سنسیز،

گؤزوم چیراغی، گؤزوم هیچ کاره‌دیر سنسیز.

جاهاندا رمل ایله گنج آختاران هریس کیمی،

منیم تامام ایشیم ایستیخاره‌دیر سنسیز.

سنینله هم بو ایمیش قیسمتیم، سانیردیم کیم،

منه نصیب دیلی-پاره-پاره‌دیر سنسیز.

عجب کی، مرهمی-کافور وصل ایلن بیتسین،

بو نؤو کیم، جیگریم باشی یاره‌دیر سنسیز.

نه‌دن بو قؤوسیگی-مهجور یانماسین گئجه‌لر -

کی، هر سیتاره اونا بیر شراره‌دیر سنسیز.

عالمده بۇ گۆن عاشقی-خۇنینجیگر آزدیر

عالمده بۇ گۆن عاشقی-خۇنینجیگر آزدیر

کیم، خۇنی-جیگر قدری بیلن سیمیبر آزدیر.

چوْخدور هوس اربابی، ولی عاشقی-صادق

آزدیر، نئجه کیم، نغمئیی-تر چوْخ، اثر آزدیر.

ائی سینه وئرن قۆلزومی-خۇنخارینه عشقین،

غۇر ائت کی، بۇ دریادا صدف چوْخ، گؤهر آزدیر.

اوْل کۇی سوْراغیندا وئریر خۆلد نیشانین،

وایزده، سؤزون دوْغروسو، دوْغرو خبر آزدیر.

مندن دیله هرگاه کباب ایستسه کؤنلون،

هرچند بۇ بیتابیده، ساقی، جیگر آزدیر.

گر اوْلسا سؤزو مئهرو وفانین اؤزو اوْلماز،

دۆنیا دوْلودور لاف ایله، آمما هۆنر آزدیر.

نئی دخی هزین ناله ایله باغریمی دوْغرار،

گۇیا دیلی-بیمار وئرن دردی-سر آزدیر.

اندیشه‌ی-طۇفان چوْخ اوْلور بحرده آمما،

سن لنگری-تسلیم اله آلسان، خطر آزدیر.

اوْل چشمی-سییاه مستی گؤرن کیمسه بیلیر کیم،

قؤوسی کیمی صاحبدیلو بالیغنزر آزدیر.

فغان کی, سؤز دئمیه دوغرو سؤزلو یار آزدیر,

فغان کی, سؤز دئمیه دوغرو سؤزلو یار آزدیر,
شبی-سییاه چوخو شمی-شامی-تار آزدیر.
بو قم کی, وار منیم جانی-ناتوانیمده,
تامامی خلق منه اولسا قمکوسار آزدیر.
گیریز چاغی سوپاحی-بلاوو مؤحنت‌دن,
اومید باغلاما‌لی, آرخا‌لی هاسار آزدیر.
حضور قدری بیلن اندلیب‌دن سور کیم,
خزان بیر-ایکی نفس چوخ, یوز ایل باهار آزدیر.
بولونسا یاری-وفادار قویمانام اتگین,

علیم دیلیم کیمی کوتاحی‌دیر کی, یار آزدیر.
وفاوو مئهرده هرچند ایمتییازین وار,
هنوز اول کی, گرک یوخدور, اول کی, وار آزدیر.
بو عاریزو‌لار ایله کیم احاته ائتدی منی,
مین ایل مورادیم ایله دؤنسه روزیگار آزدیر.
اگر شراب وئریر‌سن آیاغا دور, ساقی -
کی, ناگووار چوخو آبی-خوشگووار آزدیر.
اگرچی بولبولم, اما باهار اوچون قؤوسی,
گؤزومده حسرتو گؤنلومده خار-خار آزدیر.

 

لعلی-نابین بیلمنم رۇحی-رواندیر، یا نه دیر؟

لعلی-نابین بیلمنم رۇحی-رواندیر، یا نه دیر؟

سرو قددین مددی-عؤمری-جاویداندیر، یا نه دیر؟

بیلمنم، ائی سبزی-تهگولگون منه منزور اوْلان،

قاشو گؤزدور، یا لبی-شککرفشاندیر، یا نه دیر؟

خلق دئرلر وار دهان ایله مییانین، سؤیله کیم،

اصلی واردیر، دوْغرومو سؤزدور، یالاندیر، یا نه دیر؟

پیچو تابه بیر نهانی نۆکته سالمیش عالمی،

هیچ کیم بیلمز کیم اوْل، مۇیی-مییاندیر، یا نه دیر؟

باغریمی بیر کان ائدن واردیر، دئییل معلوم کیم،

سن اؤزونسن، یا سؤزوندور، یا دهاندیر، یا نه دیر؟

وار بیر بیداد ائدن عشاقه، آمما بیلمنم،

بختدیر، یا چرخ، یا دؤوری-زماندیر، یا نه دیر؟

مۇر تک هرچند اؤلدورمک منی آسان اوْلور،

آخیر ائی بیدادگر اوْل دخی قاندیر، یا نه دیر؟

کئچدی عؤمروم بۇ چمنده آچمادیم گؤز تا بیلم -

کیم باهار ایامی، یا فصلی-خزاندیر، یا نه دیر؟

یاخشیلار بیرله یامان باشلارسان ائی ناز آفرین،

هئچ دئمزسن کیم، بۇ یاخشیدیر، یاماندیر، یا نه دیر؟

سؤیله قؤوسی کیم، نه وئردین آلا بیلمزسن اوْنا؟

سنه‌دن اوْل بی باک آلان بیر نقدی-جاندیر، یا نه دیر؟

دیلیم فغانیلوو دیده قان ایلن دوْلودور،

دیلیم فغانیلوو دیده قان ایلن دوْلودور،

کؤنول صحیفه‌‌سی شرحو بَیان ایلن دوْلودور.

وۇروبدور آغزینا مین قیفلی-آهه‌نین قئیرت،

هنوز سقفی-فلک ال-امان ایلن دوْلودور.

هارای کیم، نه دیلیم وار، نه بیر دیل آنلایانیم،

اگرچی نئی کیمی جیسمیم فغان ایلن دوْلودور.

اگرچی کؤنلومه ظاهرده دیَمک آساندیر،

بۇ چؤل کمینگهی شیرین-جییان ایلن دوْلودور.

سێنیق سبوده سۇ تۇتماز قرار، مئی دۇرماز،

شیکسته کؤنلومه مهوم کی، قان ایلن دوْلودور.

خۇماریلن منی اؤلدوردو ساقیگی-بی‌رحم،

سبویی-باده‌ی-گۆل‌رنگ جان ایلن دوْلودور.

بۇ بیر پییاله‌ده یارب، نه سئهر ائدیب ساقی -

کی، اۆستو باده ایلن، آلتی قان ایلن دوْلودور.

بصیرت اهلی دلیل ایسته‌مز کی، کؤونو مکان

نیشان ایلن دوْلودور، بی‌نیشان ایلن دوْلودور.

یۇوادا قؤنچه‌له‌نیر عند‌لیب بس کی، چمن،

نوایی-قؤوسیگی-آتشزبان ایلن دوْلودور.

من ایسته‌منم دردیمی جانانه دئسینلر،

من ایسته‌منم دردیمی جانانه دئسینلر،

احوالیمی اول زولفی-پریشانه دئسینلر.

اول لئیلییه قوربان اولورام من تهی-دیلدن،

قوی بیر نئچه بیته منه دیوانه دئسینلر.

پروانه یاخار وار-یوخونو بیر اودا یئتسه،

راضی دئییلم کیم، منه پروانه دئسینلر.

اونلار کی، دئییرلر بو نه فریادو فغاندیر،

باری بو سؤزو اول گولی-خندانه دئسینلر.

دیلر تؤکرم بولبولو پروانه‌یه قؤوسی،

تا بیر گون اولار حالیمی جانانه دئسینلر.

اگر مین داغ یاندیرسام کؤنول بیر آیری داغ ایستر،

اگر مین داغ یاندیرسام کؤنول بیر آیری داغ ایستر،

گدا گر سربسر عالم چێراغاندیر، چێراغ ایستر.

گؤزوم گؤرمز حیادان، وصل اۆچون آمما کؤنول تیترر،

بلادیر بؤیله سرخوْش کیم، الی تۇتماز، آیاغ ایستر.

محبت اوْلسا تکلیفو توازئ اوْلماز اوْلماسین،

اۆزوندن بللیدیر هر میزبانین کیم قوْناق ایستر.

منه گۆلکشت تکلیفین ائلرلر درد بیلمزلر،

نه بیلسینلر بۇنو کیم، نیکهتی-گۆل هم دماغ ایستر.

منی دیوانه‌یه عشق ایچره هر بیدردی بنزتمین -

کی، مجنون وۆستی-صحرا سوْرار، فرهاد داغ ایستر.

شبی-هیجران قارادیر اختری-بختیم کیمی، آمما،

خیالین پرتؤووندن مئهرو مه مندن چێراغ ایستر.

گؤزو صۇرت گؤرن، منیدن آگاه اوْلمایان قافیل

اگر وصل ایستسه، بیر کوْره بنزر کیمی، چێراغ ایستر.

نسیمی-صۆبحدن هر گۆن سری-کۇیین سوْرار قؤوسی،

سۇ قافیل اؤز ائوینین هم یوْلون بیلمز، سوْراغ ایستر.

بو رنگ منیم باغریم اگر کان اولاجاقدیر،

بو رنگ منیم باغریم اگر کان اولاجاقدیر،

عالم قامو بیر قیته گولوستان اولاجاقدیر.

ائی شاخی-گول اول قامتی-مؤوضون هوسیندن،

چوخ سرو بو گولشنده خورامان اولاجاقدیر.

گؤز یاشینا یوز وئرمیشم، آمما بیلیرم کیم،

اول سئیل ایله کؤنلوم ائوی ویران اولاجاقدیر.

سن اوخلارین ائی ناله ییغیب ساخلا کی، بیر گون،

سینم هدفی-ناوه‌کی-موجگان اولاجاقدیر.

اؤلمم دخی، ائی نقدی-حیاتیم، اؤلور اولسام -

کیم، روحی-روانیم سنه قوربان اولاجاقدیر.

صرف ائتدی جییر قانینی ایسراف ایله چشمیم،

بیلمز کی، بوگون-دانلا پریشان اولاجاقدیر.

از بس کی، باهار آیینی ساقی گؤزوم ایستر،

اول گونلر اولونجا جییریم قان اولاجاقدیر.

یوز سیغییله تؤوبه وئریر اؤزگه‌یه زاهید،

آمما اؤزو مین قاتلا پشیمان اولاجاقدیر.

هیجران گئجه‌سی گلدی کی، هر قطره‌ی-اشکیم،

پروانه‌لره شمی-شبیستان اولاجاقدیر.

قؤوسینی اونوتما کی، سنن قاشین اوجوندان،

هر میسری بیر متلی-دیوان اولاجاقدیر.

اوْنونچون من سنه یالوارمانام کیم، یالواران چوْخدور،

اوْنونچون من سنه یالوارمانام کیم، یالواران چوْخدور،

منیم کؤنلوم آلان یوْخدور، سنه کؤنلون وئرن چوْخدور.

منی دیلخسته‌نین هم صدقه‌‌سی چوْخ، سوْرگیلن حالین،

سنینچین نرگیسی-بیمارین احوالین سوْران چوْخدور.

دیلی-سدپارمی سن آلگیلن، ائی ناموسلمان کیم،

بۇگون اوْل لاله‌ی-سدبرگی دؤرد یاندان درن چوْخدور.

گؤزوم نؤقصانی-ناز اوْلماز، سۇال ائت حالی-زاریم کیم،

منیم دردیم بیلن یوْخدور، سنه گر بیلدیرن چوْخدور.

قاچان فۆرصت وئریر نازی-تغافول دردی-هیجرانه،

بلی اهیا وئرن آزدیر و گؤر نه اؤلدورن چوْخدور.

اۇزاقدیر یوْل، گرکدیر لنگو لنگین باشا آپارماق،

و گر نه اؤز سمندین بیر هاوور یوْرتوب-یوْران چوْخدور.

قنیمتدیر کیمین کیم، دیده‌ی-منیسی رؤوشندیر،

و گر نه چشمی-صۇرتبین ایله قؤوسی گؤرن چوْخدور.

گرچی هر عاشقه هیجران قاتی مۆشکول گؤرونور،

گرچی هر عاشقه هیجران قاتی مۆشکول گؤرونور،

منه بیر لحظه‌‌ فراغین نئچه مین ایل گؤرونور.

من دۆشن وادییه باسمان قدم ائی عاشقلر -

کی، بۇ چؤللرده نه مجنون و نه مۆهمیل گؤرونور.

شیرلر پنجه سالیر وادیگی-خۇنخارینده،

عشق اگر بیجییرو بیخودو بیدیل گؤرونور.

جذبه‌ی-عاشقه اغیار اوْلا بیلمز مانع،

خارو خس آتشی-سۇزانه نه هاییل گؤرونور؟

ساوورار کۆللری اؤز باشینا پروانه اۆچون،

شم ظاهرده اگر سرکشو قافیل گؤرونور.

اؤزگه تاتلره اوْخشاتما منیم تاتیمی -

کی، منه مۆتصیل اوْل کبه مۆقابیل گؤرونور.

وصل بزمینده کی، اغیار اوْلا انگل قؤوسی،

هر ایلی بیر دمو، هر ساتی بیر ایل گؤرونور.

latincə

قؤنچه‌ی-گۆل تا گۆلوستانین چێراغین یاندیریر،

قؤنچه‌ی-گۆل تا گۆلوستانین چێراغین یاندیریر،

عند‌لیبین پرده‌ی-چشمینده یاغین یاندیریر.

یانارام آه ائتمه‌سم، گر آه چکسم، آه کیم،

بۆلبولی-بیچاره‌نین باغو بۇداغین یاندیریر.

ائیله‌میشدیر شامی-هیجران سینمی ظۆلمتسرا،

بۇ سبددن اوْندا جانان شم داغین یاندیریر.

عشق اهلی عاشق ایستر جۆمله‌ی-احبابینی -

کیم، سمندر میزبان اوْلسا قوْناغین یاندیریر.

گرمدیر ازبس نیگاهیم یاندیریر گؤز پرده‌سین،

به نه سهبادیر بۇ سهبا کیم، ایاغین یاندیریر.

یاندیریر اوْل آتش ایله خانیمانین عاقیبت،

هر کیمین گردونی-دۇنپرور اوْجاغین یاندیریر.

اوْل گۆلیچون باغیبان نازین چکر هر خاردن،

نیکهتی-گۆل گرچی قؤوسی‌نین دیماغین یاندیریر.

latincə

کیم کی، بۇ عالمده عؤمرون صرف ائدیب یار آختاریر،

کیم کی، بۇ عالمده عؤمرون صرف ائدیب یار آختاریر،

گنجی-گؤوهر داغیدیب ویرانه‌ده مار آختاریر.

بس کی، وئرمز یۇخو گؤز آچماغا فیرست کیمسه‌یه،

صۆبح گۆن شمیله هر گۆن چشمی-بیدار آختاریر.

چێخمادی مجنون گئدندن سوْنرا بیر شئیدا سسی،

عؤمرولردیر کیم، طبیبی-عشق بیمار آختاریر.

بس کی، خطت اوْل کؤوکبی-حۆسنون گۆنون ائتمیش قارا،

زۆلفی-رۆخساری-چێراغیله گیریفتار آختاریر.

پرده‌ی-دام ائیله‌میش زاهید ریداسین خلق اۆچون،

قاپیلاردا سبهه فالی بیرله زۆننار آختاریر.

یوْخ، دخی کؤنلوم منیم مئیخانه‌یه ماییل دئییل،

کیم گزیب ائو-ائو خرابات ایچره هۇشیار آختاریر.

دامنیندن ال، آیاقدان دۆشمییله چکمنم.

کؤنلوم اوْل آییشه رۇیی-تا نفس وار آختاریر.

باشی ازبس کیم، بیزیم چؤللرده دیَمیش داشلارا،

سئیل فریاد ائیله‌ییب دامانی-کۆهسار آختاریر.

اؤزگه رؤونق وار قؤوسی، حۆسن بازاریندا کیم،

بیر متا اوْندا ایکی عالم خریدار آختاریر.

latincə

 
  • یارپاقلارین سایی :2
  • 1  
  • 2  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم