تبلیغات
ایران آذربایجانی تورکجه سینین ادبیات اوتاغی - مطالب آیرلیق
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

آیریلیق

آیریلیق

او سون گؤروش، او سون ویدا،

سالیرسانمی منی یادا؟

آیریلاندا بیر الویدا،

سؤیله‌مه‌دیک، سن ده، من ده.

سونو یوخ بو یالانلارین،

آچیلاجاق صاباحلارین،

آیری-آیری دونیالارین،

اینسانیییق، سن ده، من ده.

یازان یازیب یازیمیزی،

کیم چکجک نازیمیزی،

گل بو آیریلیغیمیزی،

قبول ائدک، سن ده، من ده.

گؤزلری‌نین یاشینی سیل آغلاما

گؤزلری‌نین یاشینی سیل آغلاما

بیلیرم چتیندیر سندن آیریلماق

گؤزلری‌نین یاشینی سیل آغلاما.

سنه ده عذابدیر منسیز تک قالماق،

گؤزلری‌نین یاشینی سیل آغلاما.

سئوینجلی، کدرلی گونلر گؤرموشوک،

دردیمیز بیر اولوب بیرده بؤلموشوک.

بیز بیر-بیریمیزدن آیری قالمیشیق،

گؤزلری‌نین یاشینی سیل آغلاما.

بیلیرم یانیمدا اولمایاجاقسان،

بلکه ده سن منی اونوداجاقسان.

قبریمین اوستونده آغلایاجاقسان،

گؤزلری‌نین یاشینی سیل آغلاما.

سن منی گؤروب دلی اولاجاقسان،

حالیما بیر باخیب سن دوناجاقسان.

منیم یئریمه سن قوجالاجاقسان،

گؤزلری‌نین یاشینی سیل آغلاما.

بیر چتین یولدو عذابدی محبت،

گوندوزو پیس گونه قویدو محبت.

منی باخ بو حالا سالدی محبت،

گؤزلری‌نین یاشینی سیل آغلاما.

Latincə

سئچیم و خوشبختلیک

سئچیم و خوشبختلیک

بیرینی سئویرسن جانیندان آرتیق،

بیر ده گؤرورسن کی، ائتدی خیانت.

قارشیدا بیر یول وار، آنجاق آیریلیق،

قارشیدا سئچیم وار: نیفرت، محبت.

سئچسن محبتی، قوروردان ال چک،

قورور اولان یئرده محبت نه دیر؟!

قلبینده بؤیوسون گیزلی بیر چیچک،

کیم نه دئییر-دئسین، بوش افسانه‌دیر.

ویجدانین آغلاسا، سئچسن نیفرتی،

اونوت او سئوگینی، او محبتی،

یولونوز، قلبینیز اولسون تام آیری،

آرزولار، اومیدلر، ایستک-کام آیری.

آغلینلا، فیکرینله سئچ بیر گؤزل قیز،

بلکه خوشبختلیگی سن تاپدین اوندا.

بلکه ده آخیردا قالاجان یالقیز،

خوشبختلیک بدبختلیک اولاجاق سوندا.

یوخ...بئله یاشاماق دئییلدیر حیات،

حقیقی حیاتلار قلبله یاشانیر.

دایما قلبی‌نین دری‌نینه بات،

گؤر اورک ایسته‌ییر، یوخسا کی دانیر...

هر زامان قولاق آس قلبین سسینه،

اونوت دوشونمیی، سن بوش وئر باشا.

باخما کئچمیشینه، گله‌جه‌یینه،

بو آندا اولانی بو آندا یاشا.

خوشبختلیک دئییلدیر یاخشی یاشاماق،

خوشبختلیک اورکله یاشاماقدادیر.

خوشبختلیک عاغیللا دایم چارپیشماق،

خوشبختلیک حیاتلا ووروشماقدادیر...

Latincə

باغیشلا

باغیشلا

بیلیرم اوزاقسان، اوزاقسان منه

سنی گؤرمه‌دن اؤلورم باغیشلا.

بو سون شعریمی چاتدیریم سنه،

سنی گؤرمه‌دن اؤلورم باغیشلا.

سیمانی دا گؤرمک اولمادی قیسمت،

مکتوبلا ائدیرم، ائدیرم صؤحبت.

قیسا زاماندا یاراندی محبت،

سنی گؤرمه‌دن اؤلورم باغیشلا.

سئویردیم من سنی دلیجه‌سینه،

دؤزوردوم سئوگی‌نین ایشگنجه‌سینه.

قویمادیم گئده‌سن بیر اؤزگه‌سینه،

سنی گؤرمه‌دن اؤلورم باغیشلا.

دئمه‌دیم دردیمی، سریمی سنه،

وئرمه‌دین او گؤزل قلبینی منه.

باغیشلا سئوگیلیم باغیشلا یئنه،

سنی گؤرمه‌دن اؤلورم باغیشلا.

گؤزل سؤزلرینله قلبیمه گیردین،

سئودیم من سنی، منی سئویندیردین.

بو سون نفه‌سینده گوندوز سؤیله‌سین،

سنی گؤرمه‌دن اؤلورم باغیشلا.

Latincə

او آیریلیق دئدیکلری بودومو؟

او آیریلیق دئدیکلری بودومو؟

چیخیب گئتدین یئنه تنها قالمیشام

بو سئوگیدن اؤز پاییمی آلمیشام

اللریمده شکیللرین دونموشام

او "آیریلیق" دئدیکلری بودومو؟

باخار گؤزلریمه، گؤزون اوتانار

اورگین گئت دئیر، اوزون اوتانار

آیاغین تیتره‌یر، دیزین اوتانار

آتاممازسان منه طرف آددیمی

بیر گون قوپار آیریلیغین تیلسیمی

آنلایارسان سنه اولان سئوگیمی

سویوقدان تیتره‌ین قیزیل‌گول کیمی

دوداقلارین پیچیلدایار آدیمی

حیات بیر ده کؤرپه باغیشلار سنه

گئجه‌لری آغلایاراق ترپنر

بو شعریمی لایلا دئییب کؤرپنه

هزین سسین پارچالایار روحومو

Latincə

سنینله..

سنینله..

دئمه‌کی نه واختسا اونودار منی

اونودوب سئوه‌جک بیر اؤزگه‌سینی.

بو بئله اولماییب اولمایاجاقدیر

تاپیلماز او کسی کی وئره یئرینی.

سنینله آچیلار هر گون سحریم.

سنین تسللینله بیتر کدریم.

ایستی نفه‌سینله یاشاییرام من

خاطیره اولاراق قالسین سؤزلریم.

نئیله‌ییم کی.سئویرم.

سنسیز قالا بیلمیرم

اگر اولسا آیریلیق

بو دونیادان کؤچه‌رم.

Latincə

سن منیم قلبیمده یاشایاجاقسان

سن منیم قلبیمده یاشایاجاقسان

سانما کی، آیریلدین ایتدی بو سئوگی

سن گئتدین سنینله گئتدی بو سئوگی

کؤک آتدی، قلبیمده بیتدی بو سئوگی

سن منیم قلبیمده یاشایاجاقسان

سنینچون آچیلار یئنی بیر صاباح

منیمله قالاجاق بو کدر بو آه

اولسان دا اؤزگه‌نین قیسمته بیر باخ

سن منیم قلبیمده یاشایاجاقسان

اوزسن ده الینی الیمدن ایندی

بو ال ده، بو جان دا، روح دا سنیندی

سندن آیریلماقمی؟ یوخ بو چتیندی

سن منیم قلبیمده یاشایاجاقسان

یاندیردین قلبیمده سؤنمز بیر اوجاق

اود توتوب بو اورک، دایم یاناجاق

اؤلدون حیاتیمدا سئوگیلیم آنجاق

سن منیم قلبیمده یاشایاجاقسان

Latincə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم