تبلیغات
ایران آذربایجانی تورکجه سینین ادبیات اوتاغی - مطالب حسرت و گؤزلنتی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

هارداسان گؤز نوروم،هارداسان ایندی

هارداسان گؤز نوروم،هارداسان ایندی

چیخیب اؤجا داغاباخدیم سول ساغا،

دردیمی دانیسشدیم بیر داشا داغا.

گؤزوم هئت زیلله‌نیب باخیر یوللارا،

هارداسان گؤز نوروم هارداسان ایندی.

باخ گولوم سولوبدو جانیم دردیندن،

اینان هئچ بئزمه‌دیم سنین سئوگیندن.

منی آیری سالما او نور اوزوندن،

هارداسان گؤز نوروم هارداسان ایندی.

تاقتده قالمیییب دؤزمه‌ییر بو جان،

سن گلمیرسن اوندا من گلیم دایان.

منی تکجه آنلایان دویان،

هارداسان گؤز نوروم هارداسان ایندی.

بیر دویسام سسینی بیر ایل بسیمدی،

سئوگینه بیل مؤهتاج منیم قلبیمدی.

حسرتله اوزانان سنه الیمدی،

هارداسان گؤز نوروم هارداسان ایندی.

قویما حسرتیندن یانام آلیشام،

دردیمی دانیسشدیم اریدی بیر شام.

اوتاغیم قارانلیق نورسوز قالمیشام،

هارداسان گؤز نوروم هارداسان ایندی.

آرتیق اورگیمده دایانمیر درده،

ایشیقسیز بیر یئرده قلبیم الینده.

اورک چوخ کیچیکدی دؤزمز بو درده،

هارداسان گؤز نوروم هارداسان ایندی.

نه اولار بیر سس وئر سسیمه منیم،

بیر سؤزون بس ائدر یانینا گلیم.

آغلاماقدان داها بئزیب گؤزلریم،

هارداسان گؤز نوروم هارداسان ایندی.

داها یازمایاجام آیریلیق سؤزون،

یئنه زیللنه‌جک یوللارا گؤزوم.

نورسوزدو یوللاری بو گؤزوم،

هارداسان گؤز نوروم هارداسان ایندی.

Latıncə

سنی سندن اؤترو داریخانین وار

سنی سندن اؤترو داریخانین وار

منی تنها قویوب گئتمه هئچ یانا،

سنی سندن اؤترو داریخانین وار،

قویما کی، اورگیم اوت توتوب یانا،

سنی سندن اؤترو داریخانین وار،

گؤنلومو حسرتین داغیدیب دیدیر،

بوتون سئوگیلیلر گؤروشه گئدیر،

آی گولوم سنده‌کی، بو ایناد نه دیر،

سنی سندن اؤترو داریخانین وار،

سسیمی یئتیرسین سنه کولکلر،

سئوگی اونوانلیدیر آرزو دیلکلر،

لاکین دوستلارین سنه دئیه‌جکلر،

سنی سندن اؤترو داریخانین وار،

بضا دوشونورم بو حسرتله من،

سیزین ائوه قدر گله بیله‌رم،

قوی بیلسین بوتون ائل، ائشیتسین عالم،

سنی سندن اؤترو داریخانین وار.

Latıncə

گولوم

گولوم

بیر سنی قلبیمدن چیخارا بیلسم.

بوتون بو دردلری اونودا بیلسم

بیرده‌کی دونیایا من یئنه گلسم

اینان کی، من سنی سئومه‌رم گولوم...

گئتدیگین یئرده سن موتلوسان مگر

دئییرلر باغ قدرین باغبانی بیلر

کیم سنی دئ گؤروم من قدر سئور

ایندسه من سنی سئومیرم گولوم...

قلبیمده یاشاییر اولموش محبت

بلکه‌ده بئله یمیش-بئله یمیش قیسمت

واخت واردی من سنه قالمیشدیم حسرت

ایندیسه سن منه حسرتسن گولوم...

Latıncə

هارا گئدیرسن

هارا گئدیرسن

بیر واخت واردی سنی سئویرم دئیردین

یولومدا جانینی قوربان وئرردین

قلبی‌نین سیررینی تک من بیلردیم

ایندی منی قویوب هارا گئدیرسن؟

دوست ایتیرمک چتیندی اؤزون بیلیرسن

او تنها گونلری چوخ کئچیرمیسن

سنینده باشیندا محبت دردی

ایندی منی قویوب هارا گئدیرسن؟

بیر اورک یئتمیردیمی سنه ازلدن

ایکینجی اورگی قوپاردین مندن

ایکی اورکله یاشایارسان سن

منی اورکسیز قویوب هارا گئدیرسن؟

یاخشی، من یاشایا بیلمه‌رم سنسیز

بس نئجه یاشاییم ایندی اورکسیز؟

قلبیمدن سیلینیب گیزلیجه، سسسیز

ایندی منی قویوب هارا گئدیرسن؟

دئمک گئدیرسن یاخشی یول سنه

تانری‌نین نظری اوستونده اولسون

منیمسه گؤزومون آخان یاشلاری

اورکسیز جانیمین همدمی اولسون.

Latıncə

قلب هارایی

قلب هارایی

اورگیم دولودو، ندن باشلاییم؟

بلکه باشلاماغا حاقیم دا یوخدور.

قلبیمین دردینی کیمه سؤیله‌ییم؟

منیم سؤیله‌مه‌لی سؤزلریم چوخدور.

سوکونت ایچینده اینله‌ییر قلبیم،

کدرین ایچینده چیرپینیر اورک

قلبیمین سسینی کیمه چاتدیریم،

کیم منیم دردیمه قولاق وئره‌جک.

دانیشسام دردیمی قورتارماز سؤزوم،

طالعییم آغیردیر، کدریم چوخدور.

قیسمتیم بئله‌دیر، من گرک دؤزوم،

دؤزمکدن ساوایی علاجیم یوخدور .

Latıncə

خزان

خزان

بیر یارپاق آغاجدا ائتدی اینتیهار.

نه آغاج دانیشدی، نه ده بوداقلار.

گؤیلردن تؤکولدو گاه یاغیش، گاه قار،

دومانا بوروندو چمنلر، داغلار.

ائله بیل طبیعت رحمته گئتدی،

باغلاردا چیچکلر سارالیب سولدو.

بیر یارپاق آغاجدا اینتیهار ائتدی

قلبیمه بو زامان قم، کدر دولدو.

یارپاقلار تؤکولور آغاجدان هر آن،

یارپاقلار آغاجدا اینتیهار ائدیر.

بلکه ده هارداسا باخ همین زامان

بیر اینسان دونیانی ترک ائدیب گئدیر...

Latıncə

گلسن نه اولار؟

گلسن نه اولار؟

سنی جانیم قدر چوخ سئویرم من

بیرجه گؤزلریمی یولدا قویما سن

سنسیز گؤز یاشلاریم سئل اولوب آخار

سئللره قوشولوب گلسن نه اولار؟

اریگیر شام کیمی سئون اورگیم

سنسیز بو حیاتی آخی نئیله‌ییم

یئر-گؤی سن گئدندن اولوبدور مزار

قلبینی دینله‌ییب گلسن نه اولار؟

ایسته‌من نه یاغیش نه سئل نه کولک

تک سنین سئوگیندیر روحوما گرک

چیچکلرله بیرگه سئوگیمده سولار

سئوگیلیم ائله بو گون گلسن نه اولار؟

Latıncə

حسرتینده‌یم

حسرتینده‌یم

قدرینی بیلمه‌دیم من او گونلرین

ایندی او گونلرین حسرتینده‌یم

سنینله کئچیردیم ان خوش ایللری

من همین ایللرین حسرتینده‌یم

ایندی سنسیز منیم یوخ راحتلیغیم

سانکی قفسده‌یم یوخ آزادلیغیم

سنی اونوتماق اوچون جیریب آتدیغیم

من او شکیللرین حسرتینده‌یم

اورگیم اود توتوب یوخدور سؤندورن

آغلایان گؤزومو یوخدور گولدورن

بیرجه باخیشینلا منی اؤلدورن

او قارا گؤزلرین حسرتینده‌یم

سن یوخسان گؤزلریم یئنه دولوبدور

سنسیز حیات منی یامان یوروبدور

محبت باغیمدا گوللر سولوبدور

او سولان گوللرین حسرتینده‌یم

Latıncə

هر یئر سفالی, نشعلی...

هر یئر سفالی, نشعلی...
هر یئر سفا‌لی, نشه‌لی, هر شئی تربنیسار...
هر دم گولومسه‌دیکجه گونش مست اولور باهار.
داغ‌لار چیچکله سوسلنرک سبزو دیلگوشا...
قوش‌لار اوتر, سولار آقیب اطرافا گول ساچار.
سئیر ائیلدیکجه بن شو گؤزل کایناتی, هپ
روحوم ئوچار, ئوچار, ابدی بیر سفا دویار.
جننت قدر بو منزره مؤجوزنوما... فقط
هپ بیسمر, دئییلسه نصیبیم ویسا‌لی-یار.
دیداری-یار, ایشته اودور جننتیم بنیم;
اینسان اولان جیحاندا ناسیل سئوگیسیز یاشار!؟

هپ سئوگی‌دیر گؤزللییی اینسانا سئو‌دیرهن,
محرومی-عشق اولونجا گؤزللیک ده جان سیقار.
دونیادا وارسا دئولتی-جاوید, او, عشق‌دیر;
اولماز سئویب-سئویلمین عومرونده بختییار.

 

نَییمه گرکدیر بو دونیا منیم

نَییمه گرکدیر بو دونیا منیم

بیر قم اوجاغییام آلوووم سؤنوب

حسرتین قلبیمی ایکییه بؤلوب

مجنون خیالیملا کوله‌یه دؤنوب

کیمسه‌سیز چؤللرده گزیرم سنی

آرخامجا گلدیکده قاچدی آرالی

قیریلدی عومرومون آرزو ملالی

بیر سوسان بولبولم قلبی یارالی

سارالمیش گوللرده گزیرم سنی

عومور چوخ گئجیکیب گومان تله‌سیر

وصالین یولومون هیجرانین کسیر

گوناهسیز دوستاغام سئوگیمه اسیر

آیلاردا ایللرده گزیرم سنی

عومرومو تالایان خزان اولموسان

یولومو باغلایان دومان اولموسان

ائله بیر مقدس یالان اولموسان

او سنلی گونلرده گزیرم سنی

بیر اورک گومانسیز قالاندان سونرا

گول آچمیش آرزومدا سولاندان سونرا

طالع سنی مندن آلاندان سونرا

نَییمه گرکدیر بو دونیا منیم

سن یوخسان طالعییم قم دولو گولوش

نَییمه گرکدیر بو دونیا منیم

عومور ساراییمین اوتاغی سؤکولموش

نَییمه گرکدیر بو دونیا منیم

بیر باخیش تکله‌نیب قمه دالیبسا

وصالین هارداسا ساچین یولوبسا

اللریم الینه حسرت قالیبسا

نَییمه گرکدیر بو دونیا منیم

سنسن ساغالماز یاراما علاج

تنهالیق گؤزومه بویلانیر آج-آج

طالعییم تک سنین سئوگینه مؤهتاج

نَییمه گرکدیر بو دونیا منیم.

Latıncə

سن بیلمه‌دین بو سئوگی‌نین قدرینی

سن بیلمه‌دین بو سئوگی‌نین قدرینی

ائله بیلدیم اؤتری بیر هوس ایدی

سن بیلمه‌دین بو سئوگی‌نین قدرینی

نه بیلیدیم چکدیکلریم عبثدی

سن بیلمه‌دین بو سئوگی‌نین قدرینی

اورگیمده نئچه کدر سیزلادی

باخیشلاریم دایم سنی ایزله‌دی

حسرت ایله یوللارینی گؤزله‌دیم

سن بیلمه‌دین بو سئوگی‌نین قدرینی

یوخو ایدی بلکه سنه بو سئوگی

ساچلاریمدا دؤندو دنه بو سئوگی

هئییف، بیر ده هاچان دؤنه بو سئوگی

سن بیلمه‌دین بو سئوگی‌نین قدرینی...

Latıncə

سئوگیدن آغلایان گؤرمه‌میشدیم من

سئوگیدن آغلایان گؤرمه‌میشدیم من

سئوگیدن آغلایان گؤرمه‌میشدیم من

سنین قدر هئچ واخت سئومه‌میشدیم من

بئله سئویلمکچون گؤرمه‌میشدیم من

سن منیم عومرومه باهار تک گلدین

یازدا بیتن بیرینجی نوبار تک گلدین.

سنینله خوشبختم، هامیدان فرقلی

سندن اؤنجه گزیردیم یامانجا دردلی

سنینله تانیدیم اری، نامردی

سن منیم عومرومه باهار تک گلدین

یازدا بیتن بیرینجی نوبار تک گلدین.

سنلی دونیام منه ظفر گؤرونور

سنسیز کئچن عومور حدر گؤرونور

سئوگیندن قلبیمه آتش بورونور

سن منیم عومرومه باهار تک گلدین

یازدا بیتن بیرینجی نوبار تک گلدین.

سنه باغلانمیشام قیسا زاماندا

سنینله باغلیدیر آرزو، گومان دا

سنسیز هئچ گئتمه‌ییر، دورور زامان دا

سن منیم عومرومه باهار تک گلدین

یازدا بیتن بیرینجی نوبار تک گلدین.

بیل کی، اؤزومدن چوخ سئویرم سنی

گؤزله‌ییرم هر هان شیرین کلمه‌نی

اولموسان قلبیمین بیرجه همدمی

سن منیم عومرومه باهار تک گلدین

یازدا بیتن بیرینجی نوبار تک گلدین.

سانکی بیر دونیامدا ایکی دونیاسان

سانکی کؤرپه تک منه آنا لایلاسان

دایم آرزولادیغیم شیرین خولیاسان

سن منیم عومرومه باهار تک گلدین

یازدا بیتن بیرینجی نوبار تک گلدین.

آختارمیشام سنی عومروم بویونجا

من سنی سئوه‌جم سننن دویونجا

سنسیز حیات منه اولوب اویونجاق

سن منیم عومرومه باهار تک گلدین

یازدا بیتن بیرینجی نوبار تک گلدین.

سن منیم بالاجا دونیام اولموسان

دایم گؤزله‌دیگیم خولیام اولموسان

یاتیب گؤرمه‌دیگیم رؤیام اولموسان

سن منیم عومرومه باهار تک گلدین

یازدا بیتن بیرینجی نوبار تک گلدین.

گؤزلریمین باخان نورو سن اولدون

اورگیمین سئویملی یاری سن اولدون

یاخشی کی منی سئون باری سن اولدون

سن منیم عومرومه باهار تک گلدین

یازدا بیتن بیرینجی نوبار تک گلدین.

دؤیونن اورگیم، هیجانیمسان

سن منیم داماردا آخان قانیمسان

قلبیمه یازیلان بیرجه یاریمسان

سن منیم عومرومه باهار تک گلدین

یازدا بیتن بیرینجی نوبار تک گلدین.

سن منیم حیاتدا آرزوم-آمالیم

ایستردیم هر زامان یانیندا قالیم

سن منیم شیرینیم، شکریم-بالیم

سن منیم عومرومه باهار تک گلدین

یازدا بیتن بیرینجی نوبار تک گلدین.

ایسته‌رم ایندیجه یانینا گلیم

سنی سئودیگیمی دئسین بو دیلیم

سنینله یازیلیب منیم عجلیم

سن منیم عومرومه باهار تک گلدین

یازدا بیتن بیرینجی نوبار تک گلدین.

Latıncə

یئنه قلبیم قلبینه حسرت

یئنه قلبیم قلبینه حسرت

بیر اورک وار سنسیز داریخیر

ایکی گؤز وار یوللارینا باخیر

گؤر او گؤزلردن نئجه یاش آخیر

یئنه سن دوشدون، سن یادیما...

کوله دؤندردی منی اؤز اودوم

سنی هردن ایسته‌دیم اونودوم

یئنه سن دوشدون، سن یادیما...

بلکه ده گون گلر سن گلرسن گولوم

بیتر آرتیق ظولوم گل گؤروشک.

قلبیمه الویدا عومره یوخدور وفا

قویما سنسیز اؤلوم

گل گؤروشک.

حسرت یئنه قلبیم قلبینه حسرت

بئله قالمیش، نئجه قالمیش آی گونه حسرت

ظلمت داها گؤز گؤزو گؤرمور ظلمت

یئنه قالدیم نییه قالدیم من سنه حسرت.. ؟

نییه بختیمین اولدوزو سؤندو

منیم هر گونوم ایللره دؤندو

زامان اؤتمور سنسیز همندی

دیَه‌سن گئتدین بیر دفعه‌لیک

منی گؤرسن کؤورله‌جکسن

آخی سؤز وئردین گله‌جکسن

دیَه‌سن گئتدین بیر دفعه‌لیک...

بلکه ده گون گلر سن گلرسن گولوم

بیتر آرتیق ظولوم گل گؤروشک.

قلبیمه الویدا عومره یوخدور وفا

قویما سنسیز اؤلوم

گل گؤروشک.

حسرت یئنه قلبیم قلبینه حسرت

بئله قالمیش، نئجه قالمیش آی گونه حسرت

ظلمت داها گؤز گؤزو گؤرمور ظلمت

یئنه قالدیم نییه قالدیم من سنه حسرت..؟

Latıncə

حسرت

حسرت

بیلمزدیم عومرومدن اؤتن ایللری

دؤنوب حسرت ایله ورقله‌یه‌جم

بیر زامان چیینیمه دوشن تئللری

اونودوب، اؤزگه تئل تومارلایاجام

سانکی بیر دوستاغام اؤز زیندانیمدا

ندن قاپیلاری آچا بیلمیرم

عومرومدن داها چوخ سئودیگیم قیزین

بس نییه یانینا قاچا بیلمیرم

بلکه سئومه‌میشم هئچ او گؤزه‌لی

من اؤزوم اؤزومو آلدادیرمیشام

بیر سوال یارانیر، سئومه‌میشمسه

بس نییه هر گئجه من آغلامیشام

سئومیشم من اونو حیاتیم قدر

سئوگی آیریلیغا بویون ایرمی؟

بو سئوگی گتیردی منه قم-کدر

بو قدر عذابا گؤرن دیَرمی؟

ائله بیل دونیانین سونو دا گلیب

ایچیمده بیر اؤلمک حیسسی اویانیب

سنسیز بو دونیانین معناسیدا یوخ

ائله بیل دونیانین اؤزو دایانیب.

Latıncə

سن بیلمه‌دین بو سئوگی‌نین قدرینی

سن بیلمه‌دین بو سئوگی‌نین قدرینی

ائله بیلدیم اؤتری بیر هوس ایدی

سن بیلمه‌دین بو سئوگی‌نین قدرینی

نه بیلیدیم چکدیکلریم عبثدی

سن بیلمه‌دین بو سئوگی‌نین قدرینی

اورگیمده نئچه کدر سیزلادی

باخیشلاریم دایم سنی ایزله‌دی

حسرت ایله یوللارینی گؤزله‌دیم

سن بیلمه‌دین بو سئوگی‌نین قدرینی

یوخو ایدی بلکه سنه بو سئوگی

ساچلاریمدا دؤندو دنه بو سئوگی

هئییف، بیر ده هاچان دؤنه بو سئوگی

سن بیلمه‌دین بو سئوگی‌نین قدرینی...

Latıncə

 
  • یارپاقلارین سایی :3
  • 1  
  • 2  
  • 3  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم