تبلیغات
ایران آذربایجانی تورکجه سینین ادبیات اوتاغی - مطالب نفرت
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

دایان!

دایان!

توخونما الیمه گوناهین چوخدور,
گؤزومده تیکان‌لی مفتیل کیمی‌سن
سنین گؤز‌لرینده حقیقت یوخدور,
کیمینله دییشدین بیر باخ, کیمی سن?

داها خوش گلمز او نوازیش منه,
دولاشما باشیمدا دومان‌لار کیمی
بدبخت, یالتاقلیقدا یاراشمیر سنه
دییش دانیشدیغین یالان‌لار کیمی

قانینا ایت قانی قاتیلیب اینان
خمیرین حراملیق زاد‌دان طوطولوب
ناموس‌دان, قئیرت‌دن, آردان ئوزاقسان
منلییین آیاق‌لار آلتدا آتیلیب

او نئجه اورکدی, او نئجه قلبدی,
کارت تک آتیلیبسان اورتایا آشکار
زامانی اویونجاق دوشونمه, بس‌دیر!
اویونا طوطوب‌لار سنی, ساختاکار.

بؤیله یاشاماغا دیرمی سؤیل?
سن بو طبیعتله هارا گئدر‌سن
قوزو جیلدینده دیشی جاناوار
قارشین آلینماسا نلر ائدر‌سن!

 

احمد‌لی گؤزلینه

احمد‌لی گؤزلینه

سانماکی, دالینجا من آغلاییب یالواراجام.
فیکیرلشدین گئدر‌سن دوشوبده آختاراجام?
بو سئوگی‌نین کیتابین بو دفعه باغلایاجام.
اونون علی دییب‌دیر اوزگه‌لرین الینه
ایندی یازیغیم گلیر احمد‌لی گؤزلینه!

یادین قولوندا گؤردوم, اوره ییم داشا دؤندو
بس "سئویرم" دئییردین نه تئز آتشین سؤندو?
یاریم او گون‌دن سونرا بو اوره ییمده اولدو .
تالئیین اوخشاماسین باشقا بدبخت گلینه
ایندی یازیغیم گلیر احمد‌لی گؤزلینه!

بیر گون گلن آخیر کی, بیر گون چیخیب گئدجک.
دوشونمزدیم هئچ زامان او خیانت ائدجک,
اینانمازدیم, گؤرصمده اوزگسینی سئوجک,
هئییف سرعت اولاجاق یاد‌لارین قزلینه
ایندی یازیغیم گلیر احمد‌لی گؤزلینه!

منی فدا ائیلدین , سنه قوربان اولموشام.
یازیغین گلمه‌دیمی سارالمیشام سولموشام,
سؤیله بس سنین اوچون نه تئز اغیار اولموسام?
ایندی گولور ایبلیس تک اوزگسی‌نین اوزونه
ایندی یازیغیم گلیر احمد‌لی گؤزلینه!

منیم اوچون اولمو‌سن دالیمجا باخما بئله,
یاد ایمیشم من سنه ساتمیسان منی ائله,
گؤرمییمکی بیر داها گتیردین منی دیله.
کاشکی سئویرم دئین یارا چیخسین دیلینه
ایندی یازیغیم گلیر احمد‌لی گؤزلینه!

قیناماسین‌لار منی احمد‌لی اهالیسی.
چیخیر هر‌دن اینسانین هم یاخشیسی, هم پیسی,
منده توش گلیب‌دیر وفاسیز سئودالیسی.
هئییف‌لر کی, دیمه‌دی چوخلو اذیتیمه
ایندی یازیغیم گلیر احمد‌لی گؤزلینه

 

سن دئییلم کی!

سن دئییلم کی!

بو گون سنی گؤرموشم ایچینده ذر-لیباسین.
اونلارامی ساتمیسان? ساخلاییر اورک یاسین.
من قیصاص آلمالییام, سنین یوخدو قیصاصین,
خیانتینی گؤرموشم, دای سئون دئییلم کی,
آجیق وئرردیم سنه هئییف, سن دئییلم کی!

اوزگسینه گئدرک گؤز‌لریم‌دن دوشمو‌سن,
سنی تانیمیرام من منیم اوچون اولمو‌سن,
یازیق, باشا دوشمه‌دیم - ایبلیسمی‌سن, گولمو‌سن,
هر شئیی آشکار ائله! بیل دؤنن دئییلم کی,
آجیق وئرردیم سنه هئییف, سن دئییلم کی!

ویجدانینلا تک قالیب خجالت چکمه‌دینمی?
بو سئوگی‌نین یولوندا گؤز یاشی تؤکمه‌دینمی?
یادیگار شکیل‌لری دیوار‌دان سؤکمه‌دینمی?
منه نییه باخیرسان? سئوینن دئییلم کی,
آجیق وئرردیم سنه هئییف, سن دئییلم کی!

بونو دئ هئچ اولماسا: نه اوچون آلداتمیسان?
"ملک" دئدیم ایبلیس‌سن اوزونو تانیتمیسان.
داها گلمه گئرییه آرزو‌لار یانیتمیسان.
آیریلدیغیمیز اوچون من اولن دئییلم کی,
آجیق وئرردیم سنه هئییف, سن دئییلم کی!

اومود‌لریم او گون‌دن سنینله باتدی, گئتدی.
یول‌دان چکدیم گؤزومو بئله تئز نییه بیتدی,
او ائدرک خیانت سئوگیده سونا یئتدی.
سئومیر‌سن سئومه داها, دیلنن دئییلم کی,
آجیق وئرردیم سنه هئییف, سن دئییلم کی!

هر گون یادا دوشور‌سن آغریییر اورک نئجه!
چکیلمز‌دیر حسرتین ایندی هر کئچن گئجه,
بوتون هیس‌لر سنینله بیلکی چیخیب‌دیر هئچه,
بیرده سنی دونیادا هئچ گؤرن دئییلم کی,
آجیق وئرردیم سنه هئییف, سن دئییلم کی!

یادیندامی دئیردین منی هئچ واخت بوراخما,
اولاجاغیق بیز خوشبخت گؤزله بیر آز داریخما,
اوزون سئچدین قیسمتی بئله دالیمجا باخما,
گئری دؤنمز او گون‌لر من او من دئییلم کی,
آجیق وئرردیم سنه هئییف, سن دئییلم کی!

 

سئوگیده پئشمانچیلیق

سئوگیده پئشمانچیلیق

ینه‌ده قاییدیب عذر ایسته‌ییرسن

باغیشلا دئیه‌رک شانس دیله‌ییرسن

منسه اینانمیرام دئدیگین سؤزه

آخی منی آلداتمیسان بیر نئچه دفعه‌

اولموشدون حیاتدا سئوگی مله‌ییم

ان چتین گونومده سندین ملهمیم

دئییردیم قورویور منی مله‌ییم

آنلادیم آلدانیب اونا اورگیم

ایندی تانیییرام نئجه اینسانسان

ملک لیباسیندا گیزلنمیش شیطان

دؤنوب گئرییه باخدیغیم زامان

قفلت یوخوسوندان آییلدیم بیر آن

من نئجه سئومیشم سن تک اینسانی

اورگی قایا تک داش باغلایانی

بونو آنلادیغیم چوخ گئج اولسادا

سئوگیم بوتونلوکله سنده اولسادا

ائتدیگیم سهولری تکرار ائتمه‌رم

سئوگینله یانسامدا سنه دؤنمه‌رم

آنام دوز دئییردی سئومه‌ییر سنی

قارالتما اونونلا گله‌جه‌یینی

اولانلار تانیتدی سنی بیر داها

گرک دئییل بلدچی گؤرونن داغا

ائندیردین سئوگیمی گؤیلردن یئره

سنین ده قوی ائنسین سئوگین بیر هئچه

Latıncə

سن اولدون

سن اولدون

قلبیم ذدلنن, سینان بیر واختدا,
سن گلدین, قلبیمه ملحم سن اولدون
باشینا تاج قویوب, اوتورتدوم تاختدا
او تاجی کیرله‌دن, آتان سن اولدون.

قلبیمده شاهزادم بؤیوتدوم سنی,
اوزونو قول ائدن یئنه سن اولدون
گؤزومده بیر پری گؤروردوم سنی
گؤزومو کور ائدن یئنه سن اولدون.

سئویرم دئییردین, پوچ اولدو عومروم,
عومرومو پوچ ائدن اینان سن اولدون.
ایستمیر سئوگینی قاچیر بو کؤنلوم
قاچماغی اویره‌دن بیل کی, سن اولدون.

بیلمه‌دین قدرینی بو ساف سئوگیمین,
یالانلا آلدا‌دان, یالان سن اولدون
قییمتین اولدوردون اولوی عشقیمین
بو عشقه لکنی سالان سن اولدون.

بیر زامان یالانسیز دونیام اولموشدوم,
ایندی یالان جهنمیم یئنه سن اولدون
سن منه یالانچی, شورگؤز دئییردین,
منه یالان دئین ائله سن اولدون

بلکه ده سئوگیمه اینانمادین سن,
اما کی, سئویرم, دئین سن اولدون
بلکه ده یالان‌دان ئوتانمادین سن
اما یالان دئمه ائدین سن اولدون.

 

سن اولدون

سن اولدون

قلبیم زدلنن، سینان بیر واختدا،

سن گلدین، قلبیمه ملهم سن اولدون

باشینا تاج قویوب، اوتورتدوم تاختدا

او تاجی کیرله‌دن، آتان سن اولدون.

قلبیمده شاهزادم بؤیوتدوم سنی،

اؤزونو قول ائدن یئنه سن اولدون

گؤزومده بیر پری گؤروردوم سنی

گؤزومو کور ائدن یئنه سن اولدون.

سئویرم دئییردین، پوچ اولدو عومروم،

عومرومو پوچ ائدن اینان سن اولدون.

ایستمیر سئوگینی قاچیر بو کؤنلوم

قاچماغی اؤیره‌دن بیل کی، سن اولدون.

بیلمه‌دین قدرینی بو صاف سئوگیمین،

یالانلا آلدادان، یالان سن اولدون

قییمتین اؤلدوردون اولوی عشقیمین

بو عشقه لکنی سالان سن اولدون.

بیر زامان یالانسیز دونیام اولموشدوم،

ایندی یالان جهنمیم یئنه سن اولدون

سن منه یالانچی، شورگؤز دئییردین،

منه یالان دئین ائله سن اولدون

بلکه ده سئوگیمه اینانمادین سن،

اما کی، سئویرم، دئین سن اولدون

بلکه ده یالاندان اوتانمادین سن

اما یالان دئمه ائدین سن اولدون.

Latıncə

سنی سئومه‌ییمین معناسی یوخدور.

سنی سئومه‌ییمین معناسی یوخدور.

اونسوزدا سن یوخسان منیم قلبیمده،

سنی سئومه‌ییمین معناسی یوخدور.

من ایناندیم سنین محبتینه،

سنی سئومه‌ییمین معناسی یوخدور.

نئچه ایللر حسرتینه دؤزموشم،

یوخلوغوندا وارلیغینی گؤرموشم.

من هر زامان اؤز-اؤزومه دئمیشم،

سنی سئومه‌ییمین معناسی یوخدور.

اللریمده چیچک قاپینا گلدیم،

سن منه آیریلاق، آیریلاق دئدین.

سیمانا باخیب سنه من سؤیله‌دیم،

سنی سئومه‌ییمین معناسی یوخدور.

من سندن گؤرموشم قم، کدر، نیفرت

یاخشی کی، سن منه اولمادین قیسمت.

ائتدین منه بیر اوغلانلا خیانت،

سنی سئومه‌ییمین معناسی یوخدور.

نه بیلیرسن نه‌لریم وار، نَییم یوخ

خسته‌یم من تانریدان دیله‌ییم چوخ.

آرتیق بو کایناتدا سئوگیلیم یوخ،

سنی سئومه‌ییمین معناسی یوخدور.

یاخشیلیغین وار، ائتدین منی شاعر

دردیندن یازیرام من قزل، شعر.

بونا باخمایاراق کی، دئییرم

سنی سئومه‌ییمین معناسی یوخدور.

Latıncə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم