تبلیغات
ایران آذربایجانی تورکجه سینین ادبیات اوتاغی - مطالب بختیار واهاب زاده
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

ریاکار

ریاکار

منیم اؤولادیما آنا دیلینده

درس دئین "عاغیللی" موعلّیمه باخ.

"وطن"، "وطن" دئییر، اؤز اؤولادینی

عجنبی دیلینده اوخودور آنجاق.

اؤزگه‌یه: "دیلینی اؤیرن!" - دئییرسن،

اؤزونسه... بو دیلی بَینمه‌ییرسن!..

نه دئیک بو میسکین ریاکارلیغا؟..

یوخسا، اؤز قینینی بَینمیر باغا؟..

بیر نه دیر، بئش-آلتی دیل بیلسین گرک،

بیزیم صاباحیمیز - کؤرپه‌لریمیز.

وطن دیلینه ده دوداق بوزمه‌یک،

بوردان آیاق آچیب، یولا چیخاق بیز.

ائوده آیاق آچیر اوّلجه هر کس،

سونرا اوزاقلارا دوشور قدم‌لر.

ایلکینی بیلمه‌ین سونونو بیلمز،

ائودن اوز دؤندرن چؤلده ورملر.

"اوّل ائوین ایچی" دئمیشلر نه‌دن؟

سن چؤلو بیلمزسن، ایچی بیلمه‌دن.

یاخشی بیلمک اوچون اؤزگه بیر دیلی

اوّل اؤز دیلینی یاخشی بیلمه‌لی.

نییه اؤزوموزو اؤگئی سایاق بیز؟

نییه آتامیزی تانیمایاق بیز؟

اؤزگه‌نی سئویرسن؟

اینانمیرام من!

اؤزونو سئومه‌ین اؤزگه‌نی سئومز.

وطنین دیلینه گرکسیز دئین

وطنین اؤزونو نئجه سئویر بس؟

اوزونه دورسایدی یئدیگین چؤرک،

رذیل اولدوغونو اؤزون قاناردن.

دیلیمی دانسایدیم من ده سنین تک

سن کیمه درس دئییب پول قازاناردین؟

وطن قئیرتینی چکمه‌ین اوغول

هم اؤزونه یوکدور، هم اؤزگه‌سینه؛

بو دیلده درس دئییب قازاندیغین پول،

یئدیگین چؤرک ده حرامدیر سنه!

بؤیوت بالانی دا سن اؤزون تکی،

دئنن، اؤزون یاشا، عالم یوخ اولسون.

ناموس اولماسا دا کئچینر، تکی

دیلین اوزون اولسون، قارنین توخ اولسون.

سنینچین دونیایا دیَر، آ نادان،

بیر آنلیق اؤتری کؤنول خوشلوغون.

مین دفعه‌‌ کیچیکدیر آتالیغیندان

سنین اینسانلیغین، وطنداشلیغین!

اوکتیابر، 1967

شاعر - وطن

شاعر - وطن 
آرادا-بره‌ده گؤرورسن تئز-تئز، 
دئییرلر: "نه چوْخدور شاعرلریمیز، 
بۇنون قارشیسینی آلاق بیز گرک، 
بیزه حکیم گرک، مۆهندیس گرک..." 
منسه دئییرم کی، شاعر بوْل اوْلسون، 
بۆتون دوْغولانلار شاعر دوْغولسون. 
صنعتکار صنعته آماللا باشلار، 
شعریم - آمالیمدیر - دئسم، یئریدیر. 
شعر یازماسا دا، عقیده‌‌‌داشلار 
دۆنیانین ان بؤیوک شاعرلریدیر. 
"شاعر چوْخدور" دئیه گیلئیلنمه‌یین، 
الحذر ائله‌یین طۆفئیلیلردن. 
یاخشی سؤز اؤنونده سیز ده باش ایین، 
شاعر کی، ییٛغماییر سؤزلری یئردن. 
شاعری کیمسه‌یه دیَیشمه‌رم من، 
اوْنلار هر جیلوه‌ده مین سیرّ آختاریر. 
ایدراکم ایریشمز درینلیگیندن 
اوْنلار سؤز آختارمیر، فیکیر آختاریر. 
اوْنلار گئجه-گۆندوز درد، الم چکیر، 
بۇ آغری گلمه‌سین چوْخ یۆنگول سیزه. 
بلکه ده ان ضعیف، ان کیچیک شاعر 
بؤیوک وطنداشدیر وطنیمیزه... 
  
شاعرین بدنی - بۇ آنا توْرپاق، 
نفسی - خزریدیر، قانی - کۆر، آراز. 
چوْخ شئی وطنسیز ده یاشاییر، آنجاق 
شعرسه وطنسیز، ائلسیز یاشاماز... 
شاعره وظیفه‌‌‌، رۆتبه نه گرک! 
"وطن"، "وطن" دئییر کؤنول سسی ده. 
وطنی سئومکدیر، وطنی سئومک، 
شاعرین ان بؤیوک وظیفه‌‌‌سی ده. 
آنجاق... بلا اوْندا، درد اوْندادیر کی، 
وظیفه‌‌‌ خۇمان گؤزونو اؤرتن، 
وطنی پۇل کیمی جیبینه دۆرتن 
بیر رۆشوت دۆشگونو، رۆتبه‌لی نادان 
دۇروب کۆل اۆفورور گؤزلریمیزه. 
وطنی سئومه‌یین "قایدالاریندان" 
اۇتانماز-اۇتانماز درس دئییر بیزه. 
وطنی سئومکده نه قایدا، قانون؟ 
وطن سئوگیسی‌نین حۆدودو وارمی؟ 
ائی نادان، اؤلچولر اؤزونون اوْلسون، 
محبت اؤلچویه، حدّه سیٛغارمی؟ 
مای، 1967

بختیار واهاب زاده

 

بختیار واهاب زاده نین سئچیلمیش اثرلری

بیچیم : آندروید

حاضیرلایان : اوختای نژادمحمد

ائندیر : دانلود

اومید

اومید

قورخمورام، دوشمنیم قوی مین-مین اولسون.

نئیله‌یر منه؟

شؤهرت سنین اولسون، آد سنین اولسون،

اومید وئر منه!..

اومید ایسته‌ییرم، من اومید آنجاق،

اومیدله قویارام داغی-داغ اوسته.

نه شؤهرت، نه منصب، نه دؤولت، نه وار.

ائی کؤنول، دونیادان سن اومید ایسته!..

اومید آرزولارم قیزیل ناخشیدیر.

دئیرلر، یئمکدن اومید یاخشیدیر.

دئیک دنیزده‌یم، ساحل گؤرونمور.

اومید منیمله‌دیر،

او، مندن دؤنمور.

ساحله جان آتیب چیرپینیر اورک.

دئ، نئیله‌یه‌جک

اوستومه شیغییان لپه‌لر منه؟

اومید وئر منه!

ایناملا اوجالتدیق آنامیز یئری،

بیز مؤحتاج اولمادیق دوستا، دوشمنه.

دمیر چپرلری، داش هاسارلاری

دیشیمله سؤکرم، اومید وئر منه!

حسرت ده، هیجران دا دئییل قورخولو.

اومیدله آچیلار هر عشقین یولو!

بیر ایل - بیر آن کیمی گؤرونر منه.

اومید وئر منه!

حسرت - وصال قدر خوش گلر منه،

اومید وئر منه!

اینام وئر منه!

یامان داریخیر،

سفره چیخیر

منیم کؤنلومده‌کی خیاللار یئنه،

بلدچی یئرینه اومید وئر منه.

دیلکلر اومیدله بیرگه دوغولسا،

یئرین ترکینده ده اوجالار اینسان.

آرزومو تاپماغا اومیدیم اولسا،

منزیل باشیندایام، یولا چیخمادان.

اومیدله قویارام داغی داغ اوسته.

ائی کؤنول، اؤزوندن سن اومید ایسته!..

مارت 1967

latincə

مئشین قاپیلار

مئشین قاپیلار

گؤزله‌مه اوتاغیندا

ساعتلارلا گؤزلرین

لال قاپییا دیکیلر.

منیم نه چکدیگیمی

قاپیلار آرخاسیندا

مورگو دؤینلر بیلر.

اورگینده بؤیویور،

دوداغمدا کیچیلیر

سؤزون ده، سوالم دا.

آخ!.. بیزیم عومروموزون

گؤرن نئچه پارچاسی

اریگیب کوله دؤنموش

قاپیلارین دالیندا؟

قاپیلار آرخاسمدا

بیز نه قدر دورموشوق.

نئچه گؤزل آرزونو

سیقار توستولریله

هاوایا سووورموشوق.

آخ، سرت اوزلو قاپیلار،

ایکی اوزلو قاپیلار

طالعلر حل اولونور

قاپی‌نین او اوزونده.

آداملار بوینوبوکوک

ایلشیب مات-معطل

قاپی‌نین بو اوزونده.

دیندیرسن گلر دیله

قاپیلارین آغزینا

سپیلن توزلار بئله.

اونلار توز دئییل، آنجاق

قاپیلارا توخونوب

آیاقلارم آلتینا

تؤکولن آرزولاردیر.

اورکلرده دوغولوب،

بیرجه "یوخ" کلمه‌سیله

یوخ اولان آرزولاردیر.

آخ!.. بو بیر کلمه "یوخ"اون

آرخاسیندا نه‌لر وار،

نئچه اییلمه‌لر وار.

او "یوخ" دئییر، بو، یوخدان،

او اؤزو ده خوشلانیر.

دئییرم کی،

یالتاقلیق دا،

قورخاقلیق دا

ائله بوردان باشلانیر.

سیز ائی مئشین قاپیلار،

سیز ائی مئشین قاپیلار،

سیزین اوزونوز سویوق؛

سیزدن اومیدله گیریب،

اومیدسیز چیخان دا چوخ.

سیزی تپیکلریله

ووروب آچان تاپیلار،

سیز ائی باغلی قاپیلار،

قاشقاباقلی قاپیلار!

سئنتیابر، 1966

نه سن گۆلسن،نه من بۆلبول

نه سن گۆلسن،نه من بۆلبول

بیر قێز قارلی قێش گۆنونده

دیبچکده بیر گۆل بیتیردی.

قێش فصلینده گۆله باخیب

اۆرگینه یاز گتیردی.

بۇ گۆل، اصل قێزیل‌گولدو -

لچکلری واراق-واراق.

تیکانی بوْل، رنگی قێزیل،

اتری یوْخدو اوْنون آنجاق.

* * *

قوْنشولوقدا بیر اوْغلانین

قفسده بۆلبولو واردی.

اوْغلان اوْنون نغمه‌سیله

دردلرینی اوْووداردی.

نه اوْلدوسا... اوْخومادی،

سۇسدو بۆلبول بیردن-بیره.

اوْغلان دۆشدو مین فیکیره.

قوْنشوداکی قێزیل‌گولدن

خبر تۇتدو اوْغلان بیر گۆن.

بۆلبولونو اوْ گتیریب

قنشرینه قوْیدو گۆلون.

گۆل، بۆلبولو گؤرن کیمی،

سێغاللاندی،

تۇمارلاندی.

گؤزلرینه ناز-قمزه‌دن

سۆرمه چکیب خۇمارلاندی...

اوْخومادی بۆلبول یئنه

سۇسوب دۇردو، لال کسیلدی

بۇ حال گۆله آجیق گلدی.

گۆل داها دا شیوه‌لندی،

سۇسوب دۇردو بۆلبول یئنه

حسرت قالدی بۇ دار قفس

نغمکارین نغمه‌سینه.

بۇ اینادی گؤرونجه گۆل،

رنگی سوْلدو،

خزان اوْلدو

یۇماق کیمی تئز یۇمولدو.

یاواش-یاواش دیله گلدی

بۇ دم بۆلبول

دئدی: - ائی گۆل،

منی تانی،

اۆرگیمده قم کاروانی،

سن گۆلسنسه، اترین هانی؟

دئمه سۇسوب نه‌دن بۆلبول؟

یازیم دؤنوب سازاق اوْلوب

کؤکسوم باشی داغ-داغ اوْلوب

وطنینده دۇستاق اوْلوب

چوْخ دئسه ده، "وطن"، بۆلبول.

دیبچکده‌سن، قفسده‌یم.

سن علاجسیز، من خسته‌یم.

ایندی اؤزگه هوسده‌یم،

-آغلار زدن-زدن بۆلبول.

زامان بیزدن کام آلیبدیر،

داها اۆرک قوْجالیبدیر. بیزدن آنجاق آد قالیبدیر،

نه سن گۆلسن، نه من بۆلبول.

آپرئل، 1956

اومید

اومید

قورخمورام، دوشمنیم قوی مین-مین اولسون.

نئیله‌یر منه؟

شؤهرت سنین اولسون، آد سنین اولسون،

اومید وئر منه!..

اومید ایسته‌ییرم، من اومید آنجاق،

اومیدله قویارام داغی-داغ اوسته.

نه شؤهرت، نه منصب، نه دؤولت، نه وار.

ائی کؤنول، دونیادان سن اومید ایسته!..

اومید آرزولارم قیزیل ناخشیدیر.

دئیرلر، یئمکدن اومید یاخشیدیر.

دئیک دنیزده‌یم، ساحل گؤرونمور.

اومید منیمله‌دیر،

او، مندن دؤنمور.

ساحله جان آتیب چیرپینیر اورک.

دئ، نئیله‌یه‌جک

اوستومه شیغییان لپه‌لر منه؟

اومید وئر منه!

ایناملا اؤجالتدیق آنامیز یئری،

بیز مؤهتاج اولمادیق دوستا، دوشمنه.

دمیر چپرلری، داش هاسارلاری

دیشیمله سؤکرم، اومید وئر منه!

حسرت ده، هیجران دا دئییل قورخولو.

اومیدله آچیلار هر عشقین یولو!

بیر ایل - بیر آن کیمی گؤرونر منه.

اومید وئر منه!

حسرت - وصال قدر خوش گلر منه،

اومید وئر منه!

اینام وئر منه!

یامان داریخیر،

صفره چیخیر

منیم کؤنلومده‌کی خیاللار یئنه،

بلدچی یئرینه اومید وئر منه.

دیلکلر اومیدله بیرگه دوغولسا،

یئرین ترکینده ده اؤجالار اینسان.

آرزومو تاپماغا اومیدیم اولسا،

منزیل باشیندایام، یولا چیخمادان.

اومیدله قویارام داغی داغ اوسته.

ائی کؤنول، اؤزوندن سن اومید ایسته!..

مارت 1967

مئشین قاپیلار

مئشین قاپیلار

گؤزله‌مه اوتاغیندا

ساعتلارلا گؤزلرین

لال قاپییا دیکیلر.

منیم نه چکدیگیمی

قاپیلار آرخاسیندا

مورگو دؤینلر بیلر.

اورگینده بؤیویور،

دوداغمدا کیچیلیر

سؤزون ده، سوالم دا.

آخ!.. بیزیم عومروموزون

گؤرن نئچه پارچاسی

اریگیب کوله دؤنموش

قاپیلارین دالیندا؟

قاپیلار آرخاسمدا

بیز نه قدر دورموشوق.

نئچه گؤزل آرزونو

سیقار توستولریله

هاوایا سووورموشوق.

آخ، سرت اوزلو قاپیلار،

ایکی اوزلو قاپیلار

طالعلر حل اولونور

قاپی‌نین او اوزونده.

آداملار بوینوبوکوک

ایلشیب مات-معطل

قاپی‌نین بو اوزونده.

دیندیرسن گلر دیله

قاپیلارین آغزینا

سپیلن توزلار بئله.

اونلار توز دئییل، آنجاق

قاپیلارا توخونوب

آیاقلارم آلتینا

تؤکولن آرزولاردیر.

اورکلرده دوغولوب،

بیرجه "یوخ" کلمه‌سیله

یوخ اولان آرزولاردیر.

آخ!.. بو بیر کلمه "یوخ"اون

آرخاسیندا نه‌لر وار،

نئچه اییلمه‌لر وار.

او "یوخ" دئییر، بو، یوخدان،

او اؤزو ده خوشلانیر.

دئییرم کی،

یالتاقلیق دا،

قورخاقلیق دا

ائله بوردان باشلانیر.

سیز ائی مئشین قاپیلار،

سیز ائی مئشین قاپیلار،

سیزین اوزونوز سویوق؛

سیزدن اومیدله گیریب،

اومیدسیز چیخان دا چوخ.

سیزی تپیکلریله

ووروب آچان تاپیلار،

سیز ائی باغلی قاپیلار،

قاشقاباقلی قاپیلار!

سئنتیابر، 1966

ائکراندا گؤروش

ائکراندا گؤروش

اوغول شهرده‌دیر،

آناسا کندده،

گؤروشه بیلمیرلر بیر مملکتده.

ائکرانین اؤنونده اوتوروب آنا

فخرله،

قورورلا باخیر اوغلونا.

اوغول شعر اوخویور: "آی آنام سنه

جانیمی وئرسم ده، بو آزدیر یئنه..."

اوغول شعر اوخویور،

آنا دینله‌ییر.

"بالام بیر بالاجا سینیخیب" دئییر.

مای، 1966، شکی

آذربایجان اوغلویام

آذربایجان اوغلویام

آذربایجان اوغلویام،

اودو الله سانمیشام.

آنام تورپاق،

آتام اود،

من اوددان یارانمیشام:

اود کیمی ایستیقانلی،

سئلتک دلیقانلییام.

حیات قدر قدیمم،

تورپاق قدر شانلییام.

اود کیمی یاندیرانام.

سو کیمی سؤندورنم

منی یاندیرسالار دا،

سودا باتیرسالار دا،

یئنه منم، من منم!

کؤکوم اوسته بیتمیشم،

شؤهرتیم وار،

شانیم وار.

منیم گله‌جکله ده

اؤز عهدی-پئیمانیم وار.

آذربایجان اوغلویام،

آت بئلینده دوغولدوم؛

زامانین قازانیندا

نئچه دفعه‌ داغ اولدوم.

منیم دامارلاریمدا

گور سئللر چاغلامیشدیر.

آنام جنگیلر اوسته

منی قونداقلامیشدیر.

آذربایجان اوغلویام،

مین ایلدیر،

اؤز آدیمین

کئشیگینده دورموشام،

سلاحیم اولمایاندا

نیفرتیمی باریتتک

قلبیمه دولدورموشام...

هونر گؤسترمه‌یینجه

آدسیز یاشامیشام من.

دده‌م قورقود آد وئردی

منه اؤز هونریمدن.

یولوما نور چیله‌ین،

قولوما قوت وئرن

عشقیم،

اوستادیم اولدو؛

آدیم دوغدو هونردن

هونریم، آدیم اولدو.

آذربایجان اوغلویام،

یاشیم آدیمدان قدیم.

هئچ کسین تویوغونا

عومرومده "کیش" دئمه‌دیم.

کیمسه‌نین تورپاغیندا

گؤزوم یوخ؛ بیلسین عالم

تورپاغیمدان بیر چرک

کیمسه‌یه ده وئرمه‌رم.

من بیر قدیم ماهنییام

خاللاریم الوان-الوان.

موسیقیم - قاراباغدیر،

سؤزلریمسه - ناخچیوان.

بو تورپاقدا یارانمیش

کوروغلونون جنگیسی،

قیراتین اوزنگیسی!

اؤزومه وورولمادیم،

سئوینج ده گؤرموشم من،

سیتم ده،

درد ده، قم ده...

سابیرین گؤز یاشییلا

اؤزومه گولموشم ده.

چنلیبئلدن دوشه‌لی

جیغیرلاری داغیدیب

گئنیش یوللار سالمیشام

چنلیبئلدن ده اؤجا

داغلارا اؤجالمیشام.

اؤجالسام دا گونبگون،

دوننکی سون زیروه‌مه

بو گون یئنه "آز" دئدیم.

تاریخین کؤلگه‌سینده

دالدالانان میللتین

صاباحی اولماز دئدیم!..

نئیله‌یککی... زامانین

اوغورسوز یوللاریندا

ایکییه بؤلونموشم.

ایکی باشلی، بیر قلبلی

بیر بدنه دؤنموشم.

هم تبریز، هم باکیدیر

مککم، مدینم منیم.

پاسپورتسوز یاشار بو گون

ایکی وطنی اولان آذروغلوم،

قافاریم، الیم، مدینم منیم.

بالاش، بیز ایکیمیز ده

بیر آنانین اوغلویوق،

بیز کی، آذروغلویوق.

هر ایکیمیز ازلدن

بیر آرزونون قولویوق.

ائلیمیز ده بیر بیزیم،

دیلیمیز ده بیر بیزیم.

وطنیمیز بیر بیزیم،

دونه‌نیمیز بیر بیزیم،

اولموشوق بیر وطنده

بیز بو گون باشقا-باشقا.

بیزیم طالعلریمیز

بس نئچون باشقا-باشقا؟

اؤز مسله‌کیم، اؤز عشقیم

دایم مندن اؤنده‌دیر.

آذربایجان بایراغی

باشیمین اوستونده‌دیر!..

عقیده‌مین، عشقیمین،

قانیمین رنگی بایراق،

بوتون آرزولاریمین،

قیزیل چلنگی بایراق.

هر شئیدن بو دونیادا

شرف اؤجا شان اؤجا،

زامانین یوللاریندا

من کی، سنی توتموشام،

دایم باشیمدان اؤجا!

نویابر، 1966

نسنسه، اؤزون اول

سیز ائی بیزدن سونرا شعره گلنلر،

بو چتین یوللاردا اوغورلار سیزه!

عشقینیز - گله‌جک.

یاشینیز - سحر.

قلبینیز ایشیقلی، فیکرینیز تزه!

مرد اولون!

میداندا دورون مرد کیمی،

اویمایین اؤتری شؤهرته، آدا.

بیزیم شعریمیزین دونه‌نی کیمی

بؤیوکدور، شانلیدیر ایستیقبالی دا!

ائهتیرام اولسا دا، هامی ازلدن،

"سلفین یولوندان من اوزاق! - دئییر

دونن آتاسینا "اؤنه باخ!" - دئین

بو گون اؤولادینا "دالا باخ!" - دئییر.

بیز اؤز آتامیزا دئیردیک بیر واخت:

"اونوتما،

هر گونون اؤز حؤکمو وار ها!.."

ایندی اوغلوموزا دئییریک آنجاق،

"گل تزه نیرخ قویما کؤهنه بازارا!"

زؤوقلر، دویغولار دیَیشیر هر آن،

گلدیکجه، گئتدیکجه نسیللر بیر-بیر.

ازلدن بئله‌دیر، اؤولادلاریندان

آتالار همیشه گیلئیله‌نیبدیر:

"آی هزارات، بیر زمانه گلیبدیر،

آلا قارغا شوخ ترلانی بَینمز.

اوغوللار آتانی، قیزلار آنانی،

گلینلر ده قاینانانی بَینمز..."

آتامیز دئیردی بونو بیر زامان،

ایندی بیز دئییریک اؤولادیمیزا.

اوغول او کسدیر کی، کؤهنه کیتابدان

بو کؤهنه یازینی، بو فرقی پوزا!

آتا او کسدیر کی، دایانیب اؤنده

اؤولادین حیسسیله یاشایا بیلسین،

اؤولاد او کسدیر کی، چیگینلرینده

آتانم دردینی داشییا بیلسین.

سیز ائی بیزدن سونرا شعره گلنلر،

بو چتین یوللاردا اوغورلار سیزه.

عشقینیز - گله‌جک،

یاشینیز سحر،

قلبینیز ایشیقلی،

حیسسینیز تزه!

قاچان تئز کؤهنه‌لر بو تزه‌لیکدن،

آنجاق بیر مطلبی دئمه‌لییم من:

سازیمدا عیبه‌جر سسلر اویدوران

ساختا خاللار ووران جاوانلار دا وار.

اؤزگه‌نین هینینه، "قصری-سولئیمان"،

اؤزونون قصرینه "هین" دئییر اونلار.

منیم بئله‌سینه بیرجه سؤزوم وار:

"یاد یئرین حالواسی چوخ شیرین اولار".

قاچیرسان، مین ایللیک عنعنه‌دن قاچ!

هر کسه بنزه‌مه، سن تزه یول آچ!

دئدیگین هر سؤزو دوی درین-درین.

حیاتدا گؤردویون گئریلیکلرین

دئمه کی، هامیسی عنعنه‌دندیر!..

سن نییه آرخانی کؤهنه ساییرسان

قاچیب اؤز آتاندان بس بو ندندیر،

اؤزگه آتالاری یامسیلاییرسان؟

گولمه اؤز کؤکونه، آییبدیر سنه!

اوت کؤکو اوستونده بیتر، اونوتما،

کؤهنه دامغاسینی ووروب آتانا،

اؤزگه‌دن اؤزونه سن آتا توتما!

یادین کؤهنه‌سی ده دیلین ازبری،

عنعنه‌ن چیینینه نییه یوک اولدو؟

آنلایا بیلمیرم، نه واختدان بری

یادی یامسیلاماق یئنیلیک اولدو؟!

بوتون کؤهنه‌لره: - "بو نه دیر؟" - دئیه

گولسک، نه قازانار بوندان گله‌جک؟

وطن ده، میللت ده کؤهنه‌دیر دئیه

بلکه تزه‌سینی آختارماق گرک؟

اوندا کیم دئیه‌جک، کیم، بیزه یاخشی؟

هر کؤهنه پیس دئییل، هر تزه یاخشی!

لئوه1 نه دئییرسن؟ او قوجا لوغمان،

اؤزگه بولاغمدان قطره‌ ایچمه‌دی.

فؤوقلبشر اولدو، آنجاق هئچ زامان،

موژیک پالتارینی او دیَیشمه‌دی!

1 ل.ن.تولستویا ایشاره‌دیر.

"تزه یول!" - دئییب ده قیشقیرمایین سیز،

صنعت عالمینده یول بیرمی، یوزمو؟

اصل صنعتکاری یولسوز، جیغیرسیز

هئچ گؤردونوزمو؟

یاز ایلهام دئیه‌نی، اورک دئیه‌نی،

یول اؤزو دولانیب تاپاجاق سنی،

قلبینی، بئینینی ناحاق یورما سن!

آماندیر، اؤزوندن یول اویدورما سن!

یئنیلیک خطرینه یازماقدان ساکین!

ایلهامدیر یارادان صنعتی، شعری.

یاغماق خاطیرینه یاغان یاغیشین

نه باغا خئیری وار، نه داغا خئیری!

قلبینه، حیسسینه دایم آرخالان،

بیر ده... الوان سسلی ایللریمیزه.

کؤهنه سؤز دئمه‌میش ایلهام هئچ زامان

هر قلبین اؤز سؤزو تزه‌دیر بیزه!

نسنسه، اؤزون اول!

تزه‌سن اوندا،

سن کؤهنه اولورسان یامسیلایاندا!

نسنسه، اؤزون اول،

کؤکوندن یاپیش!

دوننه آرخالان،

بو گوندن یاپیش!

دئکابر، 1966

Latıncə

نه سن گولسن،

نه سن گولسن،

نه من بولبول

بیر قیز قارلی قیش گونونده

دیبچکده بیر گول بیتیردی.

قیش فصلینده گوله باخیب

اورگینه یاز گتیردی.

بو گول، اصل قیزیل‌گولدو -

لچکلری واراق-واراق.

تیکانی بول، رنگی قیزیل،

اتری یوخدو اونون آنجاق.

* * *

قونشولوقدا بیر اوغلانین

قفسده بولبولو واردی.

اوغلان اونون نغمه‌سیله

دردلرینی اوووداردی.

نه اولدوسا... اوخومادی،

سوسدو بولبول بیردن-بیره.

اوغلان دوشدو مین فیکیره.

قونشوداکی قیزیل‌گولدن

خبر توتدو اوغلان بیر گون.

بولبولونو او گتیریب

قنشرینه قویدو گولون.

گول، بولبولو گؤرن کیمی،

سیغاللاندی،

تومارلاندی.

گؤزلرینه ناز-قمزه‌دن

سورمه چکیب خومارلاندی...

اوخومادی بولبول یئنه

سوسوب دوردو، لال کسیلدی

بو حال گوله آجیق گلدی.

گول داها دا شیولندی،

سوسوب دوردو بولبول یئنه

حسرت قالدی بو دار قفس

نغمکارین نغمه‌سینه.

بو اینادی گؤرونجه گول،

رنگی سولدو،

خزان اولدو

یوماق کیمی تئز یومولدو.

یاواش-یاواش دیله گلدی

بو دم بولبول

دئدی: - ائی گول،

منی تانی،

اورگیمده قم کاروانی،

سن گولسنسه، اترین هانی؟

دئمه سوسوب ندن بولبول؟

یازیم دؤنوب سازاق اولوب

کؤکسوم باشی داغ-داغ اولوب

وطنینده دوستاق اولوب

چوخ دئسه ده، "وطن"، بولبول.

دیبچکده‌سن، قفسده‌یم.

سن علاجسیز، من خسته‌یم.

ایندی اؤزگه هوسده‌یم،

-آغلار زدن-زدن بولبول.

زامان بیزدن کام آلیبدیر،

داها اورک قوجالیبدیر. بیزدن آنجاق آد قالیبدیر،

نه سن گولسن، نه من بولبول.

آپرئل، 1956

Latıncə

کاروسئل

کاروسئل

فیرلانیر کاروسئل بیر تکر کیمی.

دایما فیرلانان، دؤنن یئر کیمی.

فیرلانیر اوشاقلار دستبه‌دسته.

کیمی "آت" بئلینده، کیمی "فیل" اوستده.

کاروسئل فیرلانیر... اؤتور خوش آنلار.

اوشاقلار ال چالیر شادلیقلاریندان.

اوشاقلار زنن ائدیر، دایانیب اونلار،

آنجاق باشلارینا دولانیر جاهان.

سئوی‌نین، اوشاقلار، گولون، ایله‌نین.

کاروسئل دولانیر،

دیَیشیر زامان.

هله‌لیک جاهانین باشینا سیز یوخ،

سیزین باشمیزا دولانیر جاهان.

سئوی‌نین، اوشاقلار، عومور گؤدکدیر،

حیات تومارلاییر، اوخشاییر سیزی.

هله‌لیک دونیا دا گؤتوره‌جکدیر

سیزین نازینیزی، شیلتاغینیزی.

کاروسئل فیرلانیر... بیر دسته دوما

سانکی دؤوره ووروب صفه دوزولور.

آتالار، آنالار اوشاقلاری‌نین

باخیب سئوینجینه سئوینیر، گولور.

بوتون بو شنلیکدن اوزاقدا آنجاق

بارماغی آغزیندا دوروب بیر اوشاق.

اوشاقلار فیرلانیر... باخیر اونلارا

او گولور... اونون دا دیَیشیر حالی.

اوزاقدان باخدیقجا فیرلانانلارا

فیرلانیر اونون دا فیکری، خیالی.

او دا خوشحاللانیر، حزز آلیر گئندن.

دویور فیرلانماغین خوش اولدوغونو،

اوشاق میدانچایا تک گلدیگیندن

یوخدور کاروسئله میندیرن اونو.

آنجاق او خوشبختدیر...

او قلبه من ده

حئیرانام...

ائی کؤنول،

دوشون، دوشون سن.

او، حزز آلا بیلیر اؤزگه‌سی‌نین ده

حززیندن، زؤوقوندن، سعادتیندن!...

اییول، 1965، قوسار

Latıncə

ائکراندا گؤروش

ائکراندا گؤروش

اوغول شهرده‌دیر،

آناسا کندده،

گؤروشه بیلمیرلر بیر مملکتده.

ائکرانین اؤنونده اوتوروب آنا

فخرله،

قورورلا باخیر اوغلونا.

اوغول شعر اوخویور: "آی آنام سنه

جانیمی وئرسم ده، بو آزدیر یئنه..."

اوغول شعر اوخویور،

آنا دینله‌ییر.

"بالام بیر بالاجا سینیخیب" دئییر.

مای، 1966، شکی

Latıncə

هابیل سئگاهی

هابیل سئگاهی

کمانه کامانا توخونان زامان

طوفانمی هایقیردی، سئلمی چاغلادی؟

بدبخت بیر قریبین آه-آمانیندان

بلکه گؤی کیشنه‌دی، بولود آغلادی؟

دورنامی آیریلدی، اؤز قاتاریندان

اوبامی داغیلدی، علمی تالاندی؟

زامانمی آیریلدی اؤز آخاریندان؟

اصلیمی هیچقیردی، کرممی یاندی؟

کامانین قولوندا یاتان خاللارین

هر بیری قم یوردو، هیجران یوواسی.

بیر قولون اوستونه جمع اولوب مین-مین

نسیمی عصیانی، واقیف نواسی.

اونداکی بو قودرت، بو سیرر نه دیر، نه؟

عذابلا، ذلتله دولودور بو قول.

آیلارا، ایللره، قرینه‌لره

بؤلونن تاریخین یولودور بو قول.

او ائنن، او قالخان سسلر، آوازلار

یاز باشی داغلارین سئلیدیر بلکه؟

کامانین باغریندا آغاران توزلار

یانان آرزولارین کولودور بلکه؟

بو سس، سیناق اوچون - قوسسه‌نین، قمین

کؤنوللر ائوینه سیاهتیمی؟

بو سس، ایلک آتامیز قوجا آدمین

تکلیکدن گیلئیی، شیکایتیمی؟

بلکه سوسدورولان نئچه داهی‌نین

یارالی روحودور بو سس، بو ناله،

دانیشمیر... دوشونور دریندن-درین

سؤزسوز نغمه‌لرله آغلاییر ائله.

هر خالی بنزه‌ییر بیر یانار کؤزه،

قیغیلجیم سیچراییر هر نفه‌سیندن،

بو سسلر دانیشیر بلکه ده بیزه

آتشلر یوردونون فلسفه‌سیندن.

دئییرم، بو سسی دینله‌ینده من،

نییه دقیقه‌لر دؤنوب ایل اولمور؟

بو سسین اودونا، دئییرم، گؤرن

نییه بوتون سسلر یانیب کول اولمور؟

بو سسدن اورگیم اولدو بیر تیکه -

باغریمین باشیندا یارادیر بو سس.

آیین جامالیندا قارا بیر لکه،

لاله‌نین کؤکسونده قارادیر بو سس.

یوخ! کاردیر قولاغی کایناتین دا،

ائشیده بیلسیدی سویا دؤنردی.

سونسوز کایناتین سونسوز قاتیندا

ایشیقسیز اولدوز دا شؤللنردی.

بو آهمی، آمانمی اؤجالیر یئردن،

یئر اؤز فریادینا اؤزو بئزدیمی؟

قوجا فضولی ده بو ناله‌لردن

نئی کیمی بند-بند کسیلمزدیمی؟

بو آغاج پارچاسی یانماییر اؤزو،

آنجاق اود-اوجاقسیز یاندیریر بیزی،

اودون آتشینه اود شان-شان اولور.

بو سسین اودونا آلیشار سو دا؛

آغاج هر آتشه آلیشان اولور،

بو نییه آلیشمیر بئله بیر اودا؟

هابیل! آی اینصافسیز، اورگیمیزی

یاندیریب یاخماقدا قصدین نه دیر، نه؟

نییه یاندیریرسان آتشسیز بیزی؟

بو حاقی کیم وئریب، کیم وئریب سنه؟

سئنتیابر-اوکتیابر 1964

Latıncə

آغیل - گؤز

آغیل - گؤز

یئرین لایلاری کیمی،

گؤیون قاتلاری کیمی

فیکریم آچیلیر هردن

گؤز اؤنومده قاتباقات.

شئیلرین ان کیچیگی -

آتوم ذره‌جیکلری،

ان بؤیویو - کاینات.

او دا گؤزله گؤرونمور،

بو دا گؤزله گؤرونمور.

بئله اؤتدو عصرلر،

طبیعتین وئردیگی

گؤز عاجیزمیش نه قدر...

اینسان او کیچیکلیگی،

اینسان او بؤیوکلویو

گؤرمه‌یه چوخ جان آتدی،

اؤزونه گؤز یاراتدی.

او، میکروسکوپ یاراتدی،

او، تئلئسکوپ یاراتدی.

چوخ ائهکاملار داغیلدی،

چوخ قورغولار پوزولدو.

عصریمیزده

عاغیل دؤندو گؤز اولدو.

آوقوست 1963

Latıncə

 
  • یارپاقلارین سایی :2
  • 1  
  • 2  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم