تبلیغات
ایران آذربایجانی تورکجه سینین ادبیات اوتاغی - مطالب سن سیز
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

نه اولار بوراخما سن بو اللری...

نه اولار بوراخما سن بو اللری...

گئدیرم حیاتیم اونوتما منی،

یادا سال خوش آنلاری، او خوش گونلری.

دؤنمه سئوگیندن گؤزله سن منی،

نه اولار بوراخما سن بو اللری...

حیاتیم اولوبدور سنسیز معناسیز،

اؤلموشم من بوردا سنسیز علاجسیز.

مجبورا قالمیشام من سنسیز یالقیز،

نه اولار بوراخما سن بو اللری...

گونلریم دؤنوبدور بوردا ایللره،

یوخدور سنسیزلیگیمه بوردا بیر چاره.

رؤیامدا دئییرم هانی او یاره،

نه اولار بوراخما سن بو اللری...

گزیردیک سنینله بیز او بولواری،

بیلمیردیک نه واختسا قالاریق آیری.

بیزی آییردی بو آپرئل آیی،

نه اولار بوراخما سن بو اللری...

دئییردیم من سنه آی شیرین سؤزلوم،

دورمادان دئیردین آی گولر گؤزلوم.

کیمسه‌دن خبرسیز سن اولدون سؤزلوم،

نه اولار بوراخما سن بو اللری...

خطرینه دیَمیشم منی باغیشلا،

آدینی قلبیمه یازدیم ناخیشلا.

بضا آغلایاردین یاغان یاغیشلا،

نه اولار بوراخما سن بو اللری...

آرخامجا آغلاما یولومو گؤزله،

شکیلیمه باخاراق سن منی اؤزله.

اورکدن دئییرم بونو بیر سؤزله،

نه اولار بوراخما سن بو اللری...

Latincə

نئجه یاشاییم؟

نئجه یاشاییم؟

سنی گؤرمه‌ینده داریخیر قلبیم

دانیشا بیلمیرم توتولور دیلیم

همیشه یولونو گؤزله‌رم گولوم

یارسیز بو یئرلرده نئجه یاشاییم؟

سنسیزلیکده سنی هر آن آنمیشام

بیرلیکده اولاندا خوشبخت اولموشام

سن گئتدین یئنه‌ده تنها قالمیشام

تنها بو یئرلرده نئجه یاشاییم؟

سئویرم سئوگیلیم سن بونا اینان

دیلیم دئیه بیلمز بو سؤزو یالان

سنسیز حیاتیم بیل قارا زیندان

زیندان حیاتیندا نئجه یاشاییم؟

سنسیزلیک حسرتی منی بوغوبدور

باخاندا هر یانا قارا بولوددور

بولودلو حیاتیما قملر یاغیبدیر

قم یاغیشی آلتیندا نئجه یاشاییم؟

Latincə

گل اؤلمه‌یه قویما منی

گل اؤلمه‌یه قویما منی

سنسیز بو دونیادا یاشاماق چتین،

سنله ایمیش سئوگیم، عشقیم سعادتیم

پوچ اولوبدور بو حیاتدا محبتیم،

سون نفسدیر سسله‌ییرم یالنیز سنی

یالواریرام گل اؤلمه‌یه قویما منی .

سئللر سولار تک چاغلادیم،

بو دونیادا هئی آغلادیم.

جان صحیفه‌می ورقله‌دیم،

سون نفسدیر سسله‌ییرم یالنیز سنی

یالواریرام گل اؤلمه‌یه قویما منی.

دایان گئتمه بیر دؤن گئری،

سنینله‌دیر اورگیمین دردی-سری.

بیر بؤلموشم آخی سنله خئیری-شرعی

سون نفسدیر سسله‌ییرم یالنیز سنی،

یالواریرام گل اؤلمه‌یه قویما منی.

گؤر سندن نه دیله‌ییرم،

اوزونو گؤرمک ایسته‌رم.

آغلاییب یاشلار تؤکرم،

سون نفسدیر سسله‌ییرم یالنیز سنی

یالواریرام گل اؤلمه‌یه قویما منی.

"پروانه"یم دردلیلره درد یولداشی،

بو دونیادا سندن قالان تک گؤز یاشی.

سن گلمه‌سن کیم قویاجاق مزار داشی؟

سون نفسدیر سسله‌ییرم یالنیز سنی

یالواریرام گل اؤلمه‌یه قویما منی .

Latincə

سنکی یوخسان یانیمدا

سنکی یوخسان یانیمدا

یامان آجی سیزلاییر، کؤنلومده‌کی یارالار.

بو یارالی کؤنولده جانیم، سنی هارایلار.

سینمده‌کی دردلری، یالنیز سئوگین آنلایار.

آغلاماییم نئیله‌ییم، سنکی یوخسان یانیمدا،

قملی گؤزوم آختاریر، سنی دردلی آنیمدا.

گل اوز-اوزه دوراق بیز، باخ گؤزومده کدره.

بیرجه کلمه سؤزونله، دؤنر جوشان سئللره،

نه اولار گل اللر چک، قریبسه‌ین تئللره،

آغلاماییم نئیله‌ییم، سنکی، یوخسان یانیمدا،

قملی گؤزوم آختاریر، سنی دردلی آنیمدا.

سون دفعه‌ گؤروشنده، کدرله آیریلمادیق،

منجه سئوگی یولوندا، بیز هئچده یانیلمادیق،

آیریلیقدا اوشودوک، ندندیر آنلامادیق،

آغلاماییم نئیله‌ییم سنکی، یوخسان یانیمدا،

قملی گؤزوم آختاریر، سنی دردلی آنیمدا.

“پروان”نین قلبینی، کیمسه یوخ سن بیلیرسن.

بیلیرسن یارالییام، ائله سوال وئریرسن،

گؤزلرین کدرلیدیر، نییه تئز-تئز دئییرسن؟

گؤزلر نئجه گولسون بس، سنکی یوخسان یانیمدا،

قملی گؤزوم آختاریر، سنی دردلی آنیمدا.

Latincə

سنکی یوخسان یانیمدا

سنکی یوخسان یانیمدا

یامان آجی سیزلاییر، کؤنلومده‌کی یارالار.

بو یارالی کؤنولده جانیم، سنی هارایلار.

سینمده‌کی دردلری، یالنیز سئوگین آنلایار.

آغلاماییم نئیله‌ییم، سنکی یوخسان یانیمدا،

قملی گؤزوم آختاریر، سنی دردلی آنیمدا.

گل اوز-اوزه دوراق بیز، باخ گؤزومده کدره.

بیرجه کلمه سؤزونله، دؤنر جوشان سئللره،

نه اولار گل اللر چک، قریبسه‌ین تئللره،

آغلاماییم نئیله‌ییم، سنکی، یوخسان یانیمدا،

قملی گؤزوم آختاریر، سنی دردلی آنیمدا.

سون دفعه‌ گؤروشنده، کدرله آیریلمادیق،

منجه سئوگی یولوندا، بیز هئچده یانیلمادیق،

آیریلیقدا اوشودوک، ندندیر آنلامادیق،

آغلاماییم نئیله‌ییم سنکی، یوخسان یانیمدا،

قملی گؤزوم آختاریر، سنی دردلی آنیمدا.

“پروان”نین قلبینی، کیمسه یوخ سن بیلیرسن.

بیلیرسن یارالییام، ائله سوال وئریرسن،

گؤزلرین کدرلیدیر، نییه تئز-تئز دئییرسن؟

گؤزلر نئجه گولسون بس، سنکی یوخسان یانیمدا،

قملی گؤزوم آختاریر، سنی دردلی آنیمدا.

Latincə

تانریمی آپاردی، اؤزونمو گئتدین؟

تانریمی آپاردی، اؤزونمو گئتدین؟

سنسیزم، یالقیزام، تنهایام داها

تانریمی آپاردی، اؤزونمو گئتدین؟!

خبرین اولدومو باتدین گوناها،

تانریمی آپاردی، اؤزونمو گئتدین؟!

...من عشق دلیسییدیم-سئوداسی سندن،

ایندی آیریلیقسان ساچیمدا دن-دن.

سن اؤزون گلمیشدین، چاغیرمادیم من،

تانریمی آپاردی، اؤزونمو گئتدین؟!

...کؤنول، سنه یئندیم، تک سنه بیل، سن،

آیریلیق اؤلومدن بئتردی بیلسن...

ائی، منی تکلییه تاپشیریب گئدن

تانریمی آپاردی، اؤزونمو گئتدین؟!

Latincə

سنسیز یامان داریخمیشام

سنسیز یامان داریخمیشام

اورگیمده سوخورلانمیش محبتین ایزلرینی،

باخیشینلا یاشادارسان ایلک عشقیمین بنزرینی،

بو دونیایا دیَیشمه‌رم شفق ساجان گؤزلرینی،

اود آلمیشام صیفتیندن، آخیب سنه قاریشمیشام

سنسیز یامان داریخمیشام!

بیر هارای وار گنجلیگیمده، قویاممیرام اونا بیر آد

گؤر ندندیر؟ عشقیمیزدن عرشه قالخیب ناله،فریاد

بو آیریلیق گونلرینده بیرجه کره اولسایدیق شاد،

دئیه بیلمم، بختی کمم، دردلی-قملی یارانمیشام

سنسیز یامان داریخمیشام!

او گولوشون نه شیریندیر، حسرتینسه یامان جتین

من سویویوب بوزا دؤندوم، قیزدیرارمی هرارتین؟

بیر گیزلیجه، بیر آلوولو، بیر بلالی محبتین

آلوووندا توستوله‌نیب، یانیب-یانیب کول اولموشام

سنسیز یامان داریخمیشام!

ائله بیلمه ساکیت-ساکیت اینیلده‌ین من بیر نئیم،

ائله بیلمه ساجلارینا سیگال جکن بیر کوله‌یم،

اوزاقداسان... خیالینلا یاشاییرام، ائله بیل کی سنینله‌یم

هاردا اولسام سنی هر آن دوشونمه‌یه جالیشمیشام

سنسیز یامان داریخمیشام!

Latincə

خوشبخت سنمی؟

خوشبخت سنمی؟

آغلاما دئدیمسه، آغلاتدین منی،

نه اولدو بیتیردین اؤجا سئوگینی؟

منی آغلار قویدون، اؤلدوردون منی

منسیز حیاتیندا دئ خوشبختمیسن؟

منه اینانمادین دایم یوخلادین،

سئوگیمی سایمادین، قورورا قاندین

امین اول سؤزوندن، دئمه آلداندین

منسیز حیاتیندا دئ خوشبختمیسن؟

بو حیات اوزومه گولمه‌دی هئچ واخت

همیشه سیندیردی، یوخ ائتدی حیات

دئ منسیز اولدونمو سن ایندی راحت؟

منسیز حیاتیندا دئ خوشبختمیسن؟

سئوگیدن اؤجادیر قورورون سنین.

نه قدر عومرو وار سنین حیسسی‌نین؟

قییمتی یوخمودور منه سئوگی‌نین؟

منسیز حیاتیندا دئ خوشبختسنمی؟

آخیر کی آنلادیم هئچم من سنه،

صاحب اولاممادیم سنین سئوگینه

منیم سوالیما جاواب وئرسنه،

منسیز حیاتیندا دئ خوشبختسنمی؟

Latincə

سنسیز

سنسیز

سنسیز آچیلاجاق یئنه سحرلر،

گونش سنسیز دوغوب، سنسیز باتاجاق.

گزیب دولاشدیغیم گؤزل شهرلر،

منه تکجه سنی خاتیرلاداجاق.

باخدیغیم بوتون عشق فیلملرینده،

سنی گؤره‌جه‌یم قهرمان کیمی.

اله قلم آلیب گونون بیرینده،

یازاجاغام سنی بیر رومان کیمی.

بیزیم بو داغلارا دوشنده ایلک قار،

اورگیم سنسیز لاپ برک اوشویه‌جک.

آییراجاق بیزی ایکیجه دیوار،

بیر ده آراداکی او بومبوز کولک...

بیلدیگیم یوزلرله آدلار ایچینده،

کؤنلومده ان دوغما آد اولاجاقسان.

تانیشلار، اؤزگه‌لر، یادلار ایشینده،

سن منه ان اوزاق، یاد اولاجاقسان.

بوتون شعرلرده هئی دؤنه-دؤنه،

بیل کی تکجه سنی سسله‌یه‌جه‌یم.

گلمه‌یه‌جه‌یینی بیلسم ده، یئنه

حسرتله یولونو گؤزله‌یه‌جه‌یم.

سنسیز آچیلاجاق یئنه سحرلر،

گونش سنسیز دوغوب، سنسیز باتاجاق.

گزیب دولاشدیغیم بوتون شهرلر،

منه تکجه سنی خاتیرلاداجاق...

Latincə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم