تبلیغات
ایران آذربایجانی تورکجه سینین ادبیات اوتاغی - مطالب وطن و آذربایجانا گوره شعرلر
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

بایاتیلار

داغلار مارالا قالدی,

اوْتو سارالا قالدی.

سرین چشمه, گؤی یایلاق

یئنه مارالا قالدی.

******

عزیزیم سؤزه قالدی,

بیر شیرین سؤزه قالدی.

یاد قوْوولدو داغلاردان,

ائل-اوْبا بیزه قالدی.

******

داغلاردا تالام قالدی,

بیچمه‌دیم, لالام قالدی.

داغیلسین قۆربت اؤلکه,

اوْردا بیر بالام قالدی.

******

باغچادا باریم قالدی,

درمه‌دیم, ناریم قالدی.

اؤزوم یاد ائله دۆشدوم,

وطنده یاریم قالدی.

******

آرازدا آخار قالدی,

ترلان اۇچدو, سار قالدی.

ائلیمدن آیری دۆشدوم,

گؤزلریم باخار قالدی.

******

گئتدی آرخا دوْلاندی,

سۇلار چارخا دوْلاندی.

دۆشمن ائلین گۆجوندن

قوْرخا-قوْرخا دوْلاندی.

Latıncə

بو وطن یئنه دوراجاق

یورد یئری، هله قارادیر
اوزوم یانیندا- یانیندا
بوینو بوکوک بنووشه دیر
سوزوم یانیندا- یانیندا

نه دن بیزی درده چکه ر
غم یئدیده ر، یا درد اکه ر
وئردیغینی آلار- توکه ر
زامان سونوندا- سونوندا

ای یارییان، غم ساریدان
هر شئی باشلار آیریلیقدان
قیلینج قورشان، دردینی دان
دوشمن اونونده- اونونده

آیریلیق گتیرن اولومون
کیم چکه ر غمین، ظولومون؟
زامان سوووران کولومون
گوز وار جانیندا- جانیندا

باخما آیریلیق سوزونه
قان یاش دولماسین گوزونه
هر شئی قاییدار اوزونه
دونه ر سونوندا- سونوندا

بیز اولمزیک، تانری باخیر
اوغوللار وار، دورار آخیر
کور کوکره یه ر، آراز آخیر
هله قانیندا- قانیندا

هر شئی سونوندا واراجاق
یورد وار- تک آدی قالاجاق
بو وطن بیرده دوراجاق
کوهنه دونوندا- دونوندا

آذربایجان

آذربایجان
کؤنلوم قوشو قاناد چالماز, سنسیز بیر آن, آذربایجان !
خوش گونلرین گئتمز مودام خیالیمدان آذربایجان !
سندن ئوزاق دوشسم ده من عشقین ایله یاشاییرام,
یارالانمیش قلبیم کیمی, قلبی ویران آذربایجان.
بوتون دونیا بیلیر سنین قودرتینله, دؤولتینله,
آباد اولوب, آزاد اولوب, مولکو-ایران, آذربایجان !
بیسوتونی-اینقیلابدا شیرین-وطن اوچون فرحاد,
کولونگ وورموش اوز باشینا زامان-زامان آذربایجان !
وطن عشقی مکتبینده جان وئرمیی اویرنمیشیک,
اوستادیمیز دئمیش هئچدیر وطنسیز جان, آذربایجان !
قورتارماکچون ذالیملارین الین‌دن ری شومشادینی,
اوز شومشادین باشدان-باشا اولوب آل قان, آذربایجان !
یارب, ندیر بیر بو قدر اورکلری قان ائتمیین ?
قولو باغلی قالاجاقدیر نه واختاجان آذربایجان ?!
ایگیدلرین ایران اوچون شهید اولموش, اوزینده,
درد آلمیسان, قم آلمیسان سن ایراندان, آذربایجان !
اوولادلارین نه واختادک ترکی-وطن اولاجاقدیر ?
ال-اله وئر, عصیان ائله, اویان اویان آذربایجان !
یئتر فراق اودلاریندان اود الندی باشیمیزا,
دور آیاغا ! یا آزاد اول, یا تامام یان, آذربایجان !
شهرییارین اوریی ده سنینکی تک یارالیدیر,
آزادلیقدیر سنه ملحم, منه درمان, آذربایجان !

لاتین الیفباسی نان

قارا تورپاق

یادگاردی قارا تورپاق بابامـــــــــــــیزدان
ائلیـــــــــــــــمیزدن ؛ آتامیزدان آنامیزدان
آنا دیل عشقی یازیلمــــیش یازیمیزدا
باش گئدر ؛ دونمه‌ریک آممــا یازیمیزدان
بیزی محو ائتماغا ظالیم چالیشــاندا
قویماین تورک دیلی گئتــسین آرامیزدان
بو نه تاریخ ؛ بو نه ئولکه ؛ بونه دوران
قارا گون هر گون آشیر قاپ پاجامیزدان
دیش قیجیردیر گوز آغاردیر بیزه ظالیم
نیه ال چکمـــــیری بایقوش یاخامیزدان
شهریارین آدی دونیـــــــــــــاده گزرکن
آیری سالدی بیزی حـــیدر بابامیزدان
خان چوبان ظولمه دایانماز بئلین اگمز
نیه آیریلدی او نازلی ســــــــارامیزدان
قولاق آس ناله سسی گور نه اوجالدی
چئملی بئل ؛ قانلـی دره ارک قالامیزدان
چئملی بئل یوخلامیوب هاردا کوراوغلو
قوچ نبی اولــمیا کوچموش آرامیزدان
ظولمه باش اگمدی ایل لر بوئی بابک
نیه سس گلمـیری بابک قالامیزدان
دولانیر هنده وری قورد قودوز اولموش
قویمــــــــــاین باج آلا آذر بالامیزدان
اوزان عاشیق سازی چالسین سس اوجالسین بایقوشو سورگون ائدک ائل اوبامــیزدان

وطن سرحددی

وطن سرحددی

وطن - تورپاغیمدا،

وطن - اوزاقدا

طالعیین سونوجو قازدیغی تورپاق،

وطن - تانری یازان آلین یازیمی

سیلیب باشداشیما یازدیغی تورپاق.

وطن - عومرون سونو،

تورپاغین سونو.

اؤلومسوز تورپاغین سون حددی یوخدور.

“سرهدده قدردیر وطن” دئینلر

منیم وطنیمین سرحددی یوخدور.

سرحد دیرکلری - بیتمه‌میش عومور…

ایتیب اوغوللارین گئتدیگی یئرده.

بیتیب وطنیندن اوزاق وطنچون

بیر عومرون یاریمچیق بیتدیگی یئرده.

قالان عومرونو ده وئریب وطنه

اوزادیب وطنین عومرون اوغوللار،

مزار داشلارییلا اؤلدویو یئرده

سرحد دیرگینه دؤنوب اوغوللار.

سرحد - وطنیمین چاتیلمیش قاشی،

گؤزو گئدنلرین یوللاری اوستده،

بو تورپاق دایانیب اولو بابه‌کین

قوربتده کسیلن قوللاری اوستده.

بیر سرحد دیرگی نئیله‌یه بیلر

بو خالقین، تورپاغین صبری اؤنونده؟!

سرحد دیز چؤکمورمو، قوربتده اؤلن،

بؤیوک دوهالارین قبری اؤنونده؟!

دارالسا دا قیسمن اؤزونده تورپاق،

دوشسه ده وطنسیز یاغی الینه،

نسیمی دؤنوبدو وطندن اوزاق،

وطنین ابدی “هقق” هئیکلینه!

سرحددن او یانا بؤیویور وطن.

ایچینده اؤز دردی اؤزونو ازیر.

مین ایللردی اولو دده‌ قورقودوم

دونیانی آتیللا آتییلا غزیر.

یورد، وطن باشلاییر “انا” آدییلا

قوشالاشیب سؤزه غلدیگی یئردن،

بو تورپاق غؤتوروب “وتن” آدینی

آنامیز تومریسین اؤلدویو یئردن!

وطن - عومرون سونو، تورپاغین سونو،

اؤلومسوز تورپاغین سون حددی یوخدور،

“سرهدده قدردیر وطن” دئمه‌یین

منیم وطنیمین سرحددی یوخدور!

Latincə

آذربایجان، آذربایجان

چوخ كئچمیشه م بو داغلاردان

دورنا گوزلی بولاقلاردان

ائشیتمیشه م اوزاقلاردان

ساكت آخان آرازلاری

سینامیشام دوستی یاری

ائل بیلیر كی سن منیم سن

یوردوم یووام مسكنیم سن

دئمه ك دوغما وطنیم سن

آیریلارمی كونول جاندان

آذربایجان، آذربایجان

 

من بیر اوشاق، سن بیر آنا

اودور كی باغلی یام سانا

هانكی سمته، هانكی یانا

هی اوچسامدا یووام سن سن

ائلیم، گونوم، اوبام سن سن

 

فقط سندن گن دوشنده

آیریلیق مندن دوشنده

ساچلاریما دن دوشنده

بوغاز آیلار، ایللر منی

قیناماسین ائللر منی

 

داغلارینین باشی قاردیر

آغ اورپه گین بولوتلاردیر

بویوك بیر كئچمیشین واردیر

بیلینمه ییر یاشین سنین

نه لر چكمیش باشین سنین

 

 

دوشدون اوغورسوز دیللره

نحس آیلارا، نحس ایللره

نسللردن نسللره

كئچن بیر شهرتین واردیر

اوغلون قیزین بختیاردیر

 

هی باخیرام بو دوزلره

آلا گوزلی گوندوزلره

قارا خاللی آغ اوزلره

كونول ایستر شعر یازا

گنجله شیرم یازا یازا

 

بیر طرفین بحر خزر

یاشیل باش سونالار گزر

خیالیم دولانار، گزر

گاه موغانی، گاه ایلداری

منزل اوزاق، عمریم یاری

 

سیرا داغلار گن دره لر

اوره ك آچان منظره لر

جیران قاچار، جویور مه لر

نه چوخدور اویلاغین سنین

آرانین، یایلاغین سنین

 

كئچ بو داغدان بو آراندان

آستارادان لنكراندان

آفریقادان هندوستاندان

قوناق گلیر بیزه قوشلار

ظلم الیندن قورتولموشلار

 

بو یئرلرده لیمون ساری

اگیر، سالیر بو داقلاری

داغلارینتین دوم آغ قاری

یارانمیشدیر قارلی قیشدان

بیر سنگردیر یارانیشدان

 

لنكرانین گولی رنگ رنگ

یوردوموزون قیزلاری تك

دمله چایی، توك وئر گورك

آنامین دلبر گلینی

یادلارا آچما الینی

 

ساری سنبل بیزیم چورك

پامبیغیمیز چیچك- چیچك

هر اوزومدن بیر شیره چك

سحر- سحر آج قارینا

قوت اولسون قوللارینا

 

مین قازاخدا كوهلن آتا

یالمانینا یاتا- یاتا

آت قان تره باتا- باتا

گوی یایلاقلار بئلینه قالخ

كپه ز داغدان گوی گوله باخ

 

ای آزاد گون، آزاد انسان

دویونجا ایچ بو بهاردان

بیزیم خاللی خالچالاردان

سر چنار كولگه سینه

آلقیش گونش اولكه سینه

 

كونلوم گئچیر قارا باغدان

گاه بو داغدان گاه او داغدان

أخشام اوستی قوی اوزاقدان

هاوالانسین خانین سسی

قاراباغین شكسته سی

 

گوزل وطن‍ ‍‍‍‍‌معنان درین

بئشیگیسن گوزللرین

عاشق دییه ر، سرین- سرین

سن گونشین قوجاغیسان

شعر، صنعت اوجاقیسان

 

اولمز كونول ، اولمز اثر

نظامی لر، فضولی لر

الین قلم، سینه ن دفتر

دئه، گلسین هرنه یین واردیر

دئییلن سوز یادگاردیر

 

بیر دون بیزیم باكی یه باخ

ساحیللری چیراغ- چیراغ

بوروقلارین هایقیراراق

نعره چالیر بوز چوللره

ایشیقلانیر هر داغ دره

 

نازلادیقجا سرین كولك

ساخللره سینه گرك

بیزیم باكی، بیزیم اوره ك

ایشیقدادیر قوت سوزی

سحرلرین اولكر گوزی

 

گوزل وطن او گون كی سن

آل بایراقلی بیر سحردن

الهام آلدین، یاراندیم من

گولور توپراغ، گولور انسان

قوجا شرقین قاپو سو سان

 

نغمه لریم سرین – سرین

عاشقی یم بو گونلرین

آتامیز شانلی رهبرین

گنجلیگی سویله نیر بوردا

حیات وئرمیش بیزیم یوردا

 

دینله منی، گوزل وطن

بیر سوز گلیر اورگیمدن

خلقیمیزین عشقیله سن

گوله جكسن هر بیر زمان

آذربایجان، آذربایجان

شهیدین آناسی

هر مزارین اوسته توكوب قانلی گوز یاشی
((ایوای اوغول!)) دئیب چكه رم ناله,آغلارام
ناله م دوشنده هرداشا, دیللندیرر داشی
قبرینده بیتمه یینجه قیزیل لاله,آغلارام
عادت ائدیبدیر آغلاماغا,گوزلریم منیم
تاثیر ائدرمی قاتلینه سوزلریم منیم؟

         ×            ×              ×

تك بیر سنه اوره ك دولوسو باغلاییب امید
دائم الین له حس ائله ییردیم نجاتیمی
آزادلیقین یولوندا سنی ائتدیلر شهید
بی رحملر زهرله دیلرشن حیاتیمی
قلبیم اینانمیرام دوزه بو سون مصیبته
باعث لرین دوچار اولا نفرین ولعنته!

     ×              ×                  ×

هر زحمته تحمل ائده ن, بی نوا آنان
مین ذوق آلیردی نازینی چكدیكده صبح وشام
ایندی روادیر ای گوزومون نورو, ناگهان
من اوز بویوم برابری اوغلومدان آیریلام؟
یوخ – یوخ! جهانی ترك ائله ییب ئولمك ایستره م
هجرینده قویمارام اوره گیم باغلاسین ورم

    ×            ×                     ×

آلدی قراروصبریمی, دهشتلی ماتمین
اولدوم بلای فرقت وحسرتله روبرو
سنسیز نه حظی وار, داها معناسیز عالمین؟
چوخ گوردو بیر سنی منه بو چرخ كینه جو
حقیمده روزگار ائله دی ظولمونو تمام
یولداشلازین گرك آلا ظالمدن انتقام

شهید مزارلار Şəhid Məzarları

گلیریک دونیایا بیر عمال اوچون گدیریک...

یاشاییر بو یورد, بو تورپاگ !

اولر بیزیم کیمی وطنده بیر گون,

وطنجون اولومه هازیر اولماساگ !

وطنی سئومیرلر گوروجا سؤزل,

وطندیر یارادان, یاشادان بیزی,

بیز ده یئری گلسه

اولوموموزله

گلدیک, یاشاتماغا وطنیمیزی!

نئچه عصرلره بس ائدر بازن

وطنه های وئرن بیر اودلو سس د,

دونن ده بوگون ده یاشاییر وطن,

بابکین گیریلان گوللاری اوسده

شهید مزارلاری... دوشمن گانیمی!

وطنین کؤکسونده ووگارلا دوروپ

منیم وارلیغیمی بیر تاسدیگ کیمی

یوردون سینسینه مؤحرلر ووروپ

شهید مزارلاری...

بو ماقبرلر

او عصرین بو عصره ئوزانان ائلی

باسگینلار...

هوجوملار

ووروشلار,

نلر!

بیر هالگین تاریحی...

آشگی, اَملی!

شهید مزارلاری...

منی,

هم سنی,

بیر یولا چاغیریر,

تک بیر سؤز دئییر

بوتون عصرلرین فیکیرلرینی,

بیر فیکرین اودونا شؤللندیریر,

شهیدلر نور ساغیر آمالیمیزا,

همیشه یئنیلمز,

همیشه ماغرور!

اونلار گوناگ گلیر هایالیمیزا,

اونلار روحوموزدا بینالار گورور.

شهیدلر سیچراییپ حایالیمیزدان

اوتور ماهنیسینی

اوتن چاغلارین.

هاییر دوا وئریر بیزه هر ذامان,

باشینا دولانیب اود- اوجاگلارین

شحیدلر بوشلانیر اَسرلر اوستدن,

دولانیر ذامان,

دؤنور گارینه

نئجه یاشاماغین, نئجه اولمئغین,

تحرینی اوغردیر نولرین,

وتنی سئویرم دئین چوخ اولار,

دئمیه نه وار کی, دیل یورولماسا.

وطن ده بیزیم تک اولر, یوخ اولار,

وطنین یولوندا اولن اولماسا.

Gəlirik dünyaya bir amal üçün gədirik...

Yaşayır bu yurd, bu torpag !

Ölər bizim kimi vətən’də bir gün,

Vətəncün ölümə hazır olmasag !

Vətəni sevmirlər guruca sözlə,

Vətəndir yaradan, yaşadan bizi,

Biz də yeri gəlsə

Ölümümüzlə

Gəldik, yaşatmağa vətənimizi!

Neçə əsrlərə bəs edər ba’zən

Vətənə hay verən bir odlu səs də,

Dünən də bugün də yaşayır vətən,

Babək’in gırılan golları üsdə

Şəhid məzarları... Düşmən ganimi!

Vətənin köksündə vügarla durup

Mənim varlığımı bir tasdig kimi

Yurdun sinəsinə möhrlər vurup

Şəhid məzarları...

Bu magbərələr

O əsrin bu əsrə uzanan eli

Basgınlar...

Hücumlar

Vuruşlar,

Nələr!

Bir halgın tarihi...

Aşgı, əməli!

Şəhid məzarları...

Məni,

Həm səni,

Bir yola çağırır,

Tək bir söz deyir

Bütün əsrlərin fikirlərini,

Bir fikrin oduna şö’lələndirir,

Şəhidlər nur sağır amalımıza,

Həmişə yenilməz,

Həmişə mağrur!

Onlar Gonag gəlir hayalımıza,

Onlar ruhumuzda binalar gurur.

Şəhidlər sıçrayıp hayalımızdan

Ötür mahnısını

Ötən çağların.

Hayır dua verir bizə hər zaman,

Başına dolanıb od- ocagların

Şəhidlər boşlanır əsrlər üstdən,

Dolanır zamanə,

Dönür garinə

Necə yaşamağın, necə ölmeğin,

Təhrini öğrədir nəvələrinə,

Vətəni sevirəm deyən çox olar,

Deməyə nə var ki, dil yorulmasa.

Vətən də bizim tək ölər, yox olar,

Vətənin yolunda ölən olmasa.

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم