تبلیغات
ایران آذربایجانی تورکجه سینین ادبیات اوتاغی - مطالب سرییه محمدی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

اولیم اولمامیش...

اولیم اولمامیش...

بیر دولو بولودام گؤیون اوزونده،

دردی اورک-اورک ییغیرام ائله.

یاغمیرام چمنه، داغا، مئشه‌یه،

یاغاندا ایچیمه یاغیرام ائله.

هله ده توشام من شرعین داشینا،

بؤهتانین، یالانین، شرعین داشینا.

قایتاریب چیرپارام هاچان باشینا

ایللردی ییغیرام، ییغیرام ائله.

نئجه قورتاراجاق سونو بو عصرین،

آخدی، توکنمه‌دی قانی بو عصرین.

سؤکولور، داغیلیر، تالانیر قصریم،

من دوروب باخیرام، باخیرام ائله.

صبر ائیله‌ییب صبری قییمتدن سالدیم،

دؤزه-دؤزه یاری-یاریمچیق قالدیم،

“الله” دئیه-دئیه اللهدان اولدوم

یئنه ده اللهی چاغیررام ائله.

آهلانان، آغلایان آنا منیمدی،

داغلانیب سینه‌سی یانان منیمدی،

قورورو تاپدانیب سینان منیمدی

اؤزگه یئرده کؤمک آختاررام ائله.

کؤرپم قونداغیندا گولله‌له‌نیبدی،

قانی بئشیگینده سیله‌له‌نیبدی.

قئیرتیم، ووقاریم سیلله‌له‌نیبدی،

غضبدن شیمشکتک چاخیرام ائله.

هایقیریرام، هاییم اؤزومه یئتمیر،

نالم اینیلتیدن او یانا گئتمیر،

اؤز ائلیمده الیم اؤزومه چاتمیر،

گؤزده قان-یاش اولوب آخیرام ائله.

اؤزگه‌دن گوج اومور جسارت، قئیرت،

حقیقت قیفیلدا، قاندالدا جورت،

اورگیمده دهشت، گؤزومده حئیرت

باخیب یانا-یانا یاخیللام ائله.

تورپاق وطن دئییل، شهیدی یوخسا،

روحو باغیشلاماز شهیدین یوخسا،

تورک اوغلو، ترپن دی، هایقیر دی، یوخسا

اولیم اولمامیش آخیرام ائله.

کوچه رئکلاملاری

کوچه رئکلاملاری

هاردان گلدی،

نئجه یول تاپدی شهره

آخین-آخین

بو اجنبی رئکلاملاری.

سپه‌له‌نیب

کوچه-کوچه،

دؤنگه-دؤنگه،

یاخین-یاخین…

آلیب شهری اؤزوندن،

مئیدان اوخویور شهره

بو اجنبی رئکلاملاری.

کوچه بس دئییلمیش کیمی

کؤک آتیب یئرین آلتینا،

جالاناراق

مئترو اوزونو اوج-اوجا،

مئترو بس دئییلمیش کیمی

پرچیمله‌نیب

بینالارین ساغ-سولونا،

آز قالا بینادان اوجا.

هاردان گلدی،

نئجه یول تاپدی شهره

بو رئکلاملار،

شهری سرمست ائله‌ییب.

احسن بئله “آزادلیغ”ا!

اؤزوموزو بوخوولاییب

ایچیمیزده

اؤزگه‌نی سربست ائله‌ییب.

هانی منیم اؤز منلیگیم؟

بو رئکلاملار

گؤزوموزو پردله‌ییب.

هانی منیم میللیلیگیم؟

بو رئکلاملار

بو شهری

اؤزوموزه یاد ائله‌ییب.

یاراشارمی،

مملکتین

بو آغریلی اورگینده

بیر میلچه‌یین دوه بویدا

بو یابانچی رئکلاملاری؟

کیملر بئله اسیر ائتدی

بو شهری،

بو میللتی

بو یالانچی رئکلاملارا؟

بو “چای”لارین عوضینده

دونوب آرازیم، هکریم.

بو “سوک”لارین عوضینده

سورولور شیرم، شکریم.

مین چئشیدلی سیقارئتله

اورگیمه،

بئینیمه زهر سورولور.

دوغرولار آغ یالان اولور،

یالان گؤزومده دورولور.

گؤتورون او رئکلاملاری!

گؤره بیلمیرم دردیمی.

گؤتورون او رئکلاملاری!

ائله بیل یاد شهرده‌یم

قریب کیمی.

تورپاق آتین اوووج-اوووج

“یانیب-سؤنن” گؤزلرینه،

او اوزونده تورپاق گؤروم،-

شهید اولموش،

تورپاق گؤروم

اینیلده‌ین.

چادیر چکین

ساختا، کؤکسوز اوزلرینه.

او اوزونده چادیر گؤروم

دوزوم-دوزوم،

چادیرلاردا اوزلر گؤروم،

گؤزلر گؤروم،-

مین اومیدله

شهردن ایمداد دیله‌ین.

تورپاق تؤکون،

چادیر چکین

او رئکلاملارین اوزونه،

یالانلارا ایشیق دوشسون!

تورپاغیمدا قالانلارا،

اولانلارا ایشیق دوشسون!

گؤرک نئجه تالان اولور

تورپاغیمیز.

گؤرک نئجه یاندیریلیر،

داغیدیلیر تاریخیمیز؟

گؤرک قاضیب قبیرلری

داها نه‌لر آرادیلار؟

گؤرک نئجه ائرمه‌نیلر

بیزیم کؤکوموز اوستونده

اؤزلرینه

ساختا تاریخ یارادیرلار؟

گؤتورون او رئکلاملاری!

ناراحات، ناکام، نیگاران

روحلارا خیانت اولار.

گؤتورون او رئکلاملاری

بو شهرده

شهیدلر خییابانی وار!

latincə

کیمی گؤزله‌ییرسن ؟

کیمی گؤزله‌ییرسن ؟

بیلمیرم، چایلارمی آخدی ترسینه ؟

یازیلانی کیم اوخودو ترسینه ؟

بو تورپاق اوغروسو، یئر هریسینه

نه دیل، نه عملله بیز باتان اولدوق.

ایلک ناحاق قان آخدی آرایا او گون،

اوغوللار تلسدی هارایا او گون،

قادین یایلیق آتدی آرایا او گون

قاییدیب او یاتان بیز یاتان اولدوق.

“دوز آددیم” سهو یولا ایز اولور بضا،

عاغیل یوخ، قان دئین دوز اولور بضا،

سنی گؤزله‌ییریک ایللردی، بس سن

کیمی گؤزله‌ییرسن، آی وطن اوغلو؟!

******

یئر ده قاچیر آیاق آلتدان،

بو دونیادان بئزیب یئر ده.

سانکی دیَیشیب دونیاسین،

یئر آختاریر باشقا یئرده.

دؤنرگه‌سی دؤنوب داها

بو دونیانی آهلار آلیب.

آلتی دا، اوستو ده بیزیک

بو دونیانین نَیی قالیب؟!

اولوب هر بیر درده اورتاق،

دیریلیر سو ایچیب گؤزدن.

گلدیک اولاق یئنی تورپاق،

بو دونیا کؤچ ائدیر بیزدن.

******

بو طالع نه آغیر یوک اولدو عومره،

بیر داشقین سویوتک تؤکولدو عومره،

ایللردی، بو سویو من بو خمیره

قاتا بیلمه‌دیم کی، قاتا بیلمه‌دیم.

یییم تک قاپیمدان ایزینسیز گیردی،

اؤز حالال عومرو تک عومرومو سوردو.

بو یئرسیز قوناغی، بو یئرلی دردی

نه آتا ، نه ده کی توتا بیلمه‌دیم.

داها نه‌لر ائدیم، دؤزسون،

صبریمه

اوغول تاپ، گول-چیچک دوزسون صبریمه،

سنه جان آتیردیم، چاتدیم قبریمه،

گؤیچم، هئییف سنه چاتا بیلمه‌دیم!

******

بو دونیایا گلدیک کی،

بو دونیانین آغیرلیغینا

چیینیمیزی وئرک.

گلمه‌دیک کی

تکجه سئوینجینی،

خئیرینی درک.

آغاج کیمی چوروینه‌جن،

دورماغا تاب گتیرنه‌جن

دوراجاغیق.

بوزلوغوندان بوزاریب،

قارالیغیندان قارالیب

آخیری تورپاق اولاجاغیق.

کیمی گؤزله‌ییرسن ؟

کیمی گؤزله‌ییرسن ؟

بیلمیرم، چایلارمی آخدی ترسینه ؟

یازیلانی کیم اوخودو ترسینه ؟

بو تورپاق اوغروسو، یئر هریسینه

نه دیل، نه عملله بیز باتان اولدوق.

ایلک ناحاق قان آخدی آرایا او گون،

اوغوللار تلسدی هارایا او گون،

قادین یایلیق آتدی آرایا او گون

قاییدیب او یاتان بیز یاتان اولدوق.

“دوز آددیم” سهو یولا ایز اولور بضا،

عاغیل یوخ، قان دئین دوز اولور بضا،

سنی گؤزله‌ییریک ایللردی، بس سن

کیمی گؤزله‌ییرسن، آی وطن اوغلو؟!

******

یئر ده قاچیر آیاق آلتدان،

بو دونیادان بئزیب یئر ده.

سانکی دیَیشیب دونیاسین،

یئر آختاریر باشقا یئرده.

دؤنرگه‌سی دؤنوب داها

بو دونیانی آهلار آلیب.

آلتی دا، اوستو ده بیزیک

بو دونیانین نَیی قالیب؟!

اولوب هر بیر درده اورتاق،

دیریلیر سو ایچیب گؤزدن.

گلدیک اولاق یئنی تورپاق،

بو دونیا کؤچ ائدیر بیزدن.

******

بو طالع نه آغیر یوک اولدو عومره،

بیر داشقین سویوتک تؤکولدو عومره،

ایللردی، بو سویو من بو خمیره

قاتا بیلمه‌دیم کی، قاتا بیلمه‌دیم.

یییم تک قاپیمدان ایزینسیز گیردی،

اؤز حالال عومرو تک عومرومو سوردو.

بو یئرسیز قوناغی، بو یئرلی دردی

نه آتا ، نه ده کی توتا بیلمه‌دیم.

داها نه‌لر ائدیم، دؤزسون،

صبریمه

اوغول تاپ، گول-چیچک دوزسون صبریمه،

سنه جان آتیردیم، چاتدیم قبریمه،

گؤیچم، هئییف سنه چاتا بیلمه‌دیم!

******

بو دونیایا گلدیک کی،

بو دونیانین آغیرلیغینا

چیینیمیزی وئرک.

گلمه‌دیک کی

تکجه سئوینجینی،

خئیرینی درک.

آغاج کیمی چوروینه‌جن،

دورماغا تاب گتیرنه‌جن

دوراجاغیق.

بوزلوغوندان بوزاریب،

قارالیغیندان قارالیب

آخیری تورپاق اولاجاغیق.

Latincə

“ده‌ده قورقود”ون 1300 ایللیگی

“ده‌ده قورقود”ون 1300 ایللیگی

موناسیبتیله یازیلمیش شعر

خوش گلمیسن، دده‌م قورقود،

بیزه مین اوچ یوزیلیندن،

گلدین، گؤردونمو بیر اثر

گؤردویون اوغوز ائلیندن؟

اوغوز ائلی یاغمالانیب

اوغوزلارین یاتیر هله،

اوغوز آدی دامغالانیب

ناحاق قانلار باتیر هله.

قورولماییبدی چادیرلار

ایگید اوخو دوشن یئرده.

ایندی قاچقین حیاتی وار

ایگیدلر اؤتوشن یئرده.

بو دفعه‌ قادین آتدیغی

یایلیق دوشمه‌دی یئرینه.

قیصاص، قئیرت بویاتیدی

یامان ایشله‌دی درین..

یایلیق آتیلدی آرایا

پاپاقلار باشدان سوروشدو.

یئرینه دوشمه‌ین یایلیق

پاپاقسیز باشلارا دوشدو.

یاشاساق دا نیشانگاهدا

قئیرت بوزو سینان دئییل.

اوز توتما قوپوزا، دده‌

بو هنا او هنا دئییل.

باشچی باشدا اولمایاندا

خالق یولونو آزان اولار.

میللتی داردا اولانین

باشچیسی خان قازان اولار!

دیلیم گلمیر دئمه‌یه ده

دردیمیزی سن بؤله‌سن،

دؤنوب یاریم ائلدن، دده‌،

بوتؤو ائلینه گله‌سن!

******

بو دونیادا توتدوغوم یئر

ائنیم، اوزونوم قدر.

فقط دونیایا سیغمارام

درددن داغیلسام اگر!

Latincə

اولیم اولمامیش...

اولیم اولمامیش...

بیر دولو بولودام گؤیون اوزونده،

دردی اورک-اورک ییغیرام ائله.

یاغمیرام چمنه، داغا، مئشه‌یه،

یاغاندا ایچیمه یاغیرام ائله.

هله ده توشام من شرعین داشینا،

بؤهتانین، یالانین، شرعین داشینا.

قایتاریب چیرپارام هاچان باشینا

ایللردی ییغیرام، ییغیرام ائله.

نئجه قورتاراجاق سونو بو عصرین،

آخدی، توکنمه‌دی قانی بو عصرین.

سؤکولور، داغیلیر، تالانیر قصریم،

من دوروب باخیرام، باخیرام ائله.

صبر ائیله‌ییب صبری قییمتدن سالدیم،

دؤزه-دؤزه یاری-یاریمچیق قالدیم،

“اللاه” دئیه-دئیه اللهدان اولدوم

یئنه ده اللهی چاغیررام ائله.

آهلانان، آغلایان آنا منیمدی،

داغلانیب سینه‌سی یانان منیمدی،

قورورو تاپدانیب سینان منیمدی

اؤزگه یئرده کؤمک آختاررام ائله.

کؤرپم قونداغیندا گوللله‌نیبدی،

قانی بئشیگینده سیلله‌نیبدی.

قئیرتیم، ووقاریم سیللله‌نیبدی،

غضبدن شیمشکتک چاخیرام ائله.

هایقیریرام، هاییم اؤزومه یئتمیر،

نالم اینیلتیدن او یانا گئتمیر،

اؤز ائلیمده الیم اؤزومه چاتمیر،

گؤزده قان-یاش اولوب آخیرام ائله.

اؤزگه‌دن گوج اومور جسارت، قئیرت،

حقیقت قیفیلدا، قاندالدا جورت،

اورگیمده دهشت، گؤزومده حئیرت

باخیب یانا-یانا یاخیللام ائله.

تورپاق وطن دئییل، شهیدی یوخسا،

روحو باغیشلاماز شهیدین یوخسا،

تورک اوغلو، ترپن دی، هایقیر دی، یوخسا

اولیم اولمامیش آخیرام ائله.

Latincə

کوچه رئکلاملاری

کوچه رئکلاملاری
هار‌دان گلدی,
نئجه یول تاپدی شهره
آخین-آخین
بو اجنبی رئکلام‌لاری.
سپلنیب
کوچه-کوچه,
دؤنگه-دؤنگه,
یاخین-یاخین…
آلیب شهری اوزون‌دن,
مئیدان اوخویور شهره
بو اجنبی رئکلام‌لاری.
کوچه بس دئییلمیش کیمی
کؤک آتیب یئرین آلتینا,
جالاناراق
مئترو ئوزونو ئوج-ئوجا,
مئترو بس دئییلمیش کیمی
پرچیملنیب
بینا‌لارین ساغ-سولونا,
آز قالا بینا‌دان ئوجا.
هار‌دان گلدی,
نئجه یول تاپدی شهره
بو رئکلام‌لار,
شهری سرمست ائلییب.
احسن بئله “ازادلیغ”ا!
اوزوموزو بوخوولاییب
ایچیمیزده
اوزگنی سربست ائلییب.
هانی منیم اوز منلیییم?
بو رئکلام‌لار
گؤزوموزو پردلییب.
هانی منیم میللیلیییم?
بو رئکلام‌لار
بو شهری
اوزوموزه یاد ائلییب.
یاراشارمی,
مملکتین
بو آغری‌لی اوره یینده
بیر میلچیین دوه بویدا
بو یابانچی رئکلام‌لاری?
کیم‌لر بئله اسیر ائتدی
بو شهری,
بو میللتی
بو یالانچی رئکلام‌لارا?
بو “چای”‌لارین اوزینده
دونوب آرازیم, هکریم.
بو “سوک”‌لارین اوزینده
سورولور شیرم, شکریم.
مین چئشید‌لی سیقارئتله
اوره ییمه,
بئینیمه زهر سورولور.
دوغرو‌لار آغ یالان اولور,
یالان گؤزومده دورولور.
گؤتورون او رئکلام‌لاری!
گؤره بیلمیرم دردیمی.
گؤتورون او رئکلام‌لاری!
ائله بیل یاد شهردیم
قریب کیمی.
تورپاق آتین اوووج-اوووج
“یانیب-سؤنن” گؤز‌لرینه,
او اوزونده تورپاق گؤروم,-
شهید اولموش,
تورپاق گؤروم
اینیلدین.
چادیر چکین
ساختا, کؤکسوز اوزلرینه.
او اوزونده چادیر گؤروم
دوزوم-دوزوم,
چادیر‌لاردا اوزلر گؤروم,
گؤز‌لر گؤروم,-
مین اومیدله
شهر‌دن ایمداد دیلین.
تورپاق تؤکون,
چادیر چکین
او رئکلام‌لارین اوزونه,
یالان‌لارا ایشیق دوشسون!
تورپاغیمدا قالان‌لارا,
اولان‌لارا ایشیق دوشسون!
گؤرک نئجه تالان اولور
تورپاغیمیز.
گؤرک نئجه یان‌دیریلیر,
داغیدیلیر تاریخیمیز?
گؤرک قاضیب قبیر‌لری
داها نلر آرادی‌لار?
گؤرک نئجه ائرمنی‌لر
بیزیم کؤکوموز اوستونده
اوزلرینه
ساختا تاریخ یارا‌دیر‌لار?
گؤتورون او رئکلام‌لاری!
ناراحات, ناکام, نیگاران
روح‌لارا خیانت اولار.
گؤتورون او رئکلام‌لاری
بو شهرده
شهید‌لر خییابانی وار!

 

سون زامانلار قبریستانلیقلار

سون زامانلار قبریستانلیقلار

یامان بؤیویور.

تورپاغیمیز دارالدیقجا،

دارالیب سیخیلدیقجا،

آلینان تورپاقلاریمیزلا

آرامیزدا

ایللر چوخالدیقجا،

سایی چوخالیر قبیرلرین.

بؤیویور قبریستانلیق.

کیمی بئزیب درددن-فیکیردن،

توکه‌نیر اؤزو-اؤزونده.

کیمی چؤرک دردیندن،

عائله‌سینه الیبوش دؤنمکدن

اوستون توتور اؤلومو.

بئزیب آرتیق اؤزو ده.

بؤیویور قبریستانلیق،

بؤیودوکجه دردلریمیز،

آغریلاریمیز.

بؤیودوکجه قبریستانلیق

اینله‌ییر تورپاقلاریمیز،

اؤلور اینتیقام گؤزله‌ین

شهید روحلاریمیز.

گؤزونو دیکیب آسفالت دؤشه‌مه‌یه

فیکیر ائله‌مه، قارداش!

آسفالت چؤرک بیتیرمیر.

ایمداد دیله‌مه اللهدان،

اللرینی آچیب گؤیه.

الله چؤرک یئتیرمیر.

بئز اؤز دؤزمه‌ییندن،

دؤزه-دؤزه بئزمه‌ییندن.

بیر قارین چؤرکدن اؤترو

بئزمه اؤز جانیندان.

هله کی کئچمه‌میسن

او تورپاقلار یولوندا

20 % قانیندان.

اؤلمه‌یه حاقیمیز یوخ

بیر پارچا چرک اوچون.

اؤلمک گرک

او چؤرگی بیتیرن

بیر اوووج تورپاق اوچون

بئزیب

واختسیز-وعده‌سیز،

بو یاریمچیق تورپاقدا

عومرونو یاریمچیق

وورما باشا.

اؤلمک هونر دئییل، قارداش!

اؤلومه نه وار کی؟

اؤزونده گوج تاپیب دا،

اؤلدوروب ده

اؤلومو سن،

هونرین وار بوتؤو یاشا!

******

اللریم آچیلیب گؤیه

گؤزلریم گؤیه دیکیلی،

ایلاهی اوز سوراغیندا

یئر ایله گؤی آراسیندا

قالمیشام دارا چکیلی.

نه یئر وار یئره ائنمه‌یه،

نه اوستونده قیر قازانی.

تورپاق وار گئدیب اؤلمه‌یه،

تورپاق وار داردان اوسانیب

یانیر، آی الله، چاتاچات

منی او سینمیش بوداغین،

او تورپاغین اودونا چات !

بو بلادا، بو درد-سرده

ایللر بیزی قویوب گئدیر.

میللت بوت یارادیب یئرده،

بوش ودلره اویوب گئدیر.

یوزدن بیره عجل دوشن،

اؤلن جانا دویوب گئدیر.

الله، بئله عادیلشن

اؤلومون فریادینا چات !

منی توتوب شهید قانی

بارماغیم تتییه گلمیر.

تورپاق گوناهین قوربانی،

ائدن بو گوناهی سیلمیر.

« مککه یودوغو » گوناهی

الله دا سینیره بیلمیر.

آی بو میللتین اللهی،

میللتیمین دادینا چات

******

آغ ساچی آلدادیر یاشیم،

یاشدان آرتیق چکیب باشیم.

بو ریسکی هر آددیمباشی

ائدیریک، اللها پناه !

کیم وار، دردی کیمله بؤلک ؟

درده تک دؤزرمی اورک ؟

سینیره بیلک، بیلمه‌یک

اؤتورروک، اللها پناه !

گئتدیگیمیز یول نه یولدو ؟

بو یول نییه داشلا دولدو ؟

بلکه اؤلومه توش اولدوق ؟

گئدیریک…اللاها پناه !

Latincə

واخت اؤتورمک اوچون دئییل

واخت اؤتورمک اوچون دئییل

بیر ییغین درددی، مؤهنتدی.

گیلئی ائتمک اوچون دئییل،

عصره، زامانا تؤهمتدی

درد وار کی، اؤتوب-کئچه‌سی،

درد ده وار، اتک-اتکدی.

هله گؤزدن سو ایچه‌سی

ظلمه، عذابا کؤتکدی

چادیردا یازیلان شعرلر.

بیتیرمه‌دی، هر نه اکدیک

شوران تورپاق سؤز گؤیرتدی.

گؤز یاشییلا هر نه یئدیک،

هر نه یئدیک ایچ گؤینتدی.

هر نه اکدیک، درده دؤندو

واراق-واراق، ییغین-ییغین.

تورپاغا بیزدن یاخیندی،

اللها تورپاقدان یاخین

چادیردا یازیلان شعرلر.

دوز آرادیم، چادیرلاردا

گؤردویومدن دوز اولمادی.

اوز آرادیم، او حیاتین

اوزو قدر بوز اولمادی.

یئتیشمه‌ییب کال حقیقت،

هله لالدی، لال حقیقت

سیزده‌دیر اصیل حقیقت

چادیردا یازیلان شئیلر.

نه یاخشی کی شاعرلر وار،

شاعر ظلمت اریدندی.

نه قدر کی، شاعرلر وار،

عذاب چیگینلرینده‌دی.

ائلدن-ائله قاچاق دوشموش

قاچقینلارین اؤز سسیدی.

عذاب یئییب، قم داشیمیش

دردین دیَمیش مئیوه‌سیدی

چادیردا یازیلان شعرلر.

درد قوجالار، سؤز قوجالماز.

هر گلن گون اؤته‌سیدی.

شور تورپاغا علناً سؤز

اؤز یوردوندا بیته‌سیدی.

هر شئی دؤنوب ده اؤزونه،

دولونجا اؤز قلیبینه،

چادیرلاردان خاطیره‌دی

بو گوندن صاباحکی گونه

چادیردا یازیلان شعرلر.

******

یاشامیر،

یاشاماغی یامسیلاییر

چادیردا بؤیوین اوشاقلار.

دردلرله

کؤکلو-کؤمجلی دوغولورلار.

اؤزلریندن قاباق

دردلری بؤیویور

اؤزگه یاردیملارییلا.

یاشلاری چاتمیر درده

درده محکوم

چادیر اوشاقلاری‌نین.

******

او قدر چوخ یاشادیم کی،

گؤردوم

تورپاقلا اینسانین

جیسمن دیَیشدیگینی.

گؤردوم

تورپاغین دا اینسان کیمی

قلبینه داغ،

گؤزونه میل چکیلدیگینی.

گؤردوم

تورپاغین دیل آچیب

اینسان کیمی

اینساندان ایمداد دیله‌دیگینی.

فقط گؤرمه‌دیم

هارایینا یئتیلیب

دردینه علاج ائدیلدیگینی.

گؤرمه‌دیم، گؤرمه‌دیم.

او قدر آز یاشادیم کی!

Latincə

بو دونیایا گلن گوندن…

بو دونیایا گلن گوندن…

هر شئی آسیلیدیر بیزدن

بیزسه بیر توکدن آسیلی،

بو دونیایا گلن گوندن

کیرپیگیمدن یاش آسیلیب.

بیر آجی ایز قویور هر ایل،

عادتکاردی دئمه‌یه دیل،

بخت ده یئریمیر، ائله بیل

آیاغیندان داش آسیلیب.

ائله بیل آلدانیب هامی،

ایتیریب عشقه اینامی،

بو اوزویون گؤزو هانی؟

اوزرینده قاش آسیلیب.

یولوم چکیلیب عوموردن،

یول آغارتدیم ساچدا دن-دن،

نه باهار یاشادیم کی من

یاخامدان بو قیش آسیلیب.

دوز کسیلن، ایری قالان،

دوزو دوزده قویوب یالان،

دیل حقیقت دئدیگی آن

بوغازیندان باش آسیلیب.

هر شئی آسیلیدیر بیزدن،

بیزسه بیر توکدن آسیلی،

بو دونیایا گلن گوندن

کیرپیگیمدن یاش آسیلیب.

Latincə

اؤزوم دئییلم

اؤزوم دئییلم

تورپاق، وطن یاریلاندی،

ات سوموکدن آرالاندی،

عومروم-گونوم قارالاندی

من ایندی اؤزوم دئییلم.

سئوینج ایتیب ایلیم-ایلیم،

اوزولوب هر یئردن الیم،

بونجا گؤزللشدی اؤلوم…

من ایندی اؤزوم دئییلم.

صبر ائیله‌ییب یاتان اولدوق،

دوروب تورپاق ساتان اولدوق،

سوده حرام قاتان اولدوق،

من ایندی اؤزوم دئییلم.

توتولدوم شهید روحونا،

قاچقین، دیدرگین آهینا

باتدیم تورپاق گوناهینا

من ایندی اؤزوم دئییلم.

کیشیلر وار، اؤلو، لئشدی،

اصیل کیشی اوچدو، بئشدی،

چیگینلریم کیشیلشدی

من ایندی اؤزوم دئییلم.

هانی او روح، هانی او “من”،

نشه‌یم، دردیمده سؤنن،

هر نَیم، دئییلم همن

هر نَیم، دوزوم دئییلم،

من ایندی اؤزوم دئییلم!

Latincə

باشینا کول، بئله دونیا

باشینا کول، بئله دونیا

اومماق داها کئچیب سندن،

کوسمه‌ییم هانسی اوزوندن؟

واختسیز دویدوم، واختسیز سندن

باشینا کول، بئله دونیا!

یوردوموزدا ایت اولاییر،

یاغیلار میدان سولاییر،

بیز ساییریق، فلک ساییر…

باشینا کول، بئله دونیا!

کورسو باشدا، یئر آیاقدا،

ایشلریمیز باش-آیاقدی،

حاق ناحاقدی، ناحاق حاقدی

باشینا کول، بئله دونیا!

بو قفیل ضربه‌ برک اولدو،

سؤز کاریخدی، گؤز توتولدو،

ایچیم چؤلومه گؤرک اولدو

باشینا کول، بئله دونیا!

ائلیم سورگون، ائلیم قاچقین،

چادیرلار تک دردیم مین-مین،

حاقی یوخدور سنده حاقین

باشینا کول، بئله دونیا!

سندن اوغوللار گئدیبدی،

گرگین، دیرگین ایدی،

ائله گیدیسن کی گیدی

باشینا کول، بئله دونیا!

تاماهکاری آج قویمورسان،

دیلنچیدن پای اومورسان،

قاندان دویمورسان، دویمورسان…

باشینا کول، بئله دونیا!

شرعین آغزی باللانیبدی،

خئییر یامان آلدانیبدی،

طالعییمیز باغلانیبدی

باشینا کول، بئله دونیا!

دوغرویا کور، دوزه کارسان،

دوشمنه گئن، دوستا دارسان،

نه یوخسان سن، نه ده وارسان،

باشینا کول، بئله دونیا!

ائل قیریلیر، یورد داغیلیر،

اویناییرسان، شر نه چالیر،

قیصاص قییامته قالیر…

باشینا کول، بئله دونیا!

Latincə

چادیرلارا آلیشماییب،

چادیرلارا آلیشماییب،

نئیله‌یک؟

(قابیلین “چادیرلارا آلیشمایین”

شعرینه جاواب)

شاعر قارداش، تانری بیزه قارغادی،

چادیرلارا آلیشماییب نئیله‌یک؟!

اوستوموزده گزن قوزغون، قارغادی

چادیرلارا آلیشماییب، نئیله‌یک؟!

تورپاغیمیز اویوم-اویوم اویولور،

ائولریمیز تالان اولور، سویولور،

کؤرپه یانیب قونداغیندا کول اولور

چادیرلارا آلیشماییب، نئیله‌یک؟!

نَییمیز وار؟

چادیرلارا سیغیندیق

بو ظلمو ده اؤتوب-کئچری ساندیق.

یامان گونون عومرو یامان اوزاندی…

چادیرلارا آلیشماییب، نئیله‌یک؟!

اؤلن اؤلدو، قاچان قاچدی، آ قارداش!

ظولوم-ذلت حددین آشدی، آ قارداش!

درد بیزیمله دوغمالاشدی، آ قارداش!

چادیرلارا آلیشماییب، نئیله‌یک؟!

سولاریمیز دورولمور کی، دورولمور،

حاق-عدالت دوغرولمور کی، دوغرولمور،

شر آت چاپیر، یورولمور کی، یورولمور…

چادیرلارا آلیشماییب، نئیله‌یک؟!

تورپاق دوروب شهیدلرین چیینینده،

آنا-باجی قالیب الی قوینوندا،

تاماهکارین گؤزو قاچقین پاییندا

چادیرلارا آلیشماییب، نئیله‌یک؟!

بوردا تورپاق، باشدا کورسو داواسی،

بئینیمیزده اؤلوم-قالیم هاواسی،

بیر تورپاق کی اولا دوشمن یوواسی

چادیرلارا آلیشماییب، نئیله‌یک؟!

گؤرورسنسه، سونونو دئ، بو یاسین،

موخننتی ایسته‌یینه چاتماسین،

شاعر قارداش، شاعرلیگین توتماسین،

چادیرلارا آلیشماییب، نئیله‌یک؟!

میدان شرعین، خئییر ائله تکدی، تک،

سن ده درد یوکله‌مه، باجاریرسان چک.

زامان کیمی اوزوموز ده برکدی، برک

چادیرلارا آلیشماییب، نئیله‌یک؟!

ایللر کئچدی، یانا-یانا آلیشدیق،

بیگانه‌لیک هوپدو قانا، آلیشدیق،

قیلینجیمیز گیردی قینا، آلیشدیق

چادیرلارا آلیشماغا نه وار کی؟!

چادیرلارا آلیشماییب، نئیله‌یک؟!

Latincə

گؤیچه‌یه!

گؤیچه‌یه!

دردین هر اوزونو گؤروب یاشادیق

نه یئره سیغماز بو ذلت، نه گؤیه،

اومیدیمیز ساپا دؤندو، یاشادی…

گؤیچه‌لیلر قاییداجاق گؤیچه‌یه!

ائئی، دده‌ السگر، دایانما دالغین

حاقی گئج آنیلیر بو اولو خالقین،

شر هله گوجلودور، هله ده آزغین

گؤیچه‌لیلر قاییداجاق گؤیچه‌یه!

دؤنونجه اؤزونه حاقین قودرتی،

قاییدینجا تورکون بیرلیک شؤهرتی،

مین-مین سلاح ایمز بیرجه قئیرتی

گؤیچه‌لیلر قاییداجاق گؤیچه‌یه!

یاغی قلبیمیزه یارا، داغ ووروب،

طالع باختیمیزا قارا باغ ووروب،

هله قارشیمیزدا قاراباغ دوروب

گؤیچه‌لیلر قاییداجاق غؤیچه‌یه!

قاییداجاق، آغدام، شوشادان کئچیب،

قاییداجاق شرعی گؤزوندن بیچیب،

کلبه‌جردن کئچیب، لاچیندان کئچیب

گؤیچه‌لیلر قاییداجاق گؤیچه‌یه!

تورکلر تکلنمسه باسیلا بیلمز،

بو تاریخ بئله‌جه یازیلا بیلمز،

اوردا یاد قبیرلر قاضیلا بیلمز

گؤیچه‌لیلر قاییداجاق گؤیچه‌یه !

ییغیب گؤزلرینه گؤیچه گؤلونو،

باش قویوب دوزونه، قوجوب چؤلونو،

اؤپوب گؤزلرینه قویوب گولونو

گؤیچه‌لیلر قاییداجاق گؤیچه‌یه !

حسرتیم صبریمی باسار دا کئچر،

آیدینلیق ظلمتی آشار دا کئچر،

یوردسوزا یورد اولما، آی باسارکئچر

گؤیچه‌لیلر قاییداجاق گؤیچه‌یه!

کؤپک آرخاسینا قویروقدو سوندا،

داغیلان اوغوزلار یومروقدو سوندا،

قاساس گؤر نه قیصاص اولاجاق،

اوندا…

گؤیچه‌لیلر قاییداجاق گؤیچه‌یه!

گؤیچه‌لیلر یاشایامماز گؤیچه‌سیز،

داغلار ووقارسیزدیر دومانسیز، چنسیز،

بولبوللر لال اولار باغسیز، چمنسیز

گؤیچه‌لیلر قاییداجاق گؤیچه‌یه!

دؤز، دده‌م السگر، سؤز زامانیندی،

قویو قازانیندی، دوز یازانیندی،

میدان اول-آخیر سن - اوزانیندی…

گؤیچه‌لیلر قاییداجاق گؤیچه‌یه!

آدیم سییاره‌دیر، کندیم کسه‌من،

دؤنه‌جم قوینونا بیر گون کسه من،

هله کی قوی دئییم، دؤنوب سسه من

گؤیچه‌لیلر قاییداجاق گؤیچه‌یه!

گؤیچه‌لیلر قاییداجاق گؤیچه‌یه!

Latincə

صبریم-قبریم

صبریم-قبریم

بو دونیایا گلن گوندن بو یانا

ایینه-ایینه قاضیییرام قبریمی.

آزالمیشام ایینه-ایینه اؤزومده

بؤیوتموشم یئره اکیب صبریمی.

زامان اؤز آتینی چاپدیقجا یانا،

صبریم گؤز یاشیملا گلیبدی جانا.

روحوم یارپاق کیمی ساریلیب اونا

حیسسیم اؤنونده دیز چؤکوب صبریمین.

منه پاییز گلیر، او سارالمیر هئچ،

دؤنورم تورپاغا، او قارالمیر هئچ،

منی توکندیریر، او یورولمور هئچ

سینامیشام، برکه چکیب صبریمی.

سوندا صبریم ائله قبریمدی منیم،

قبریمسه داشلاشان صبریمدی منیم،

یول گلیب، قیریلیب بوردا دونه‌نیم

دفن ائدین، صاباحا بوکوب صبریمی.

Latincə

 
  • یارپاقلارین سایی :2
  • 1  
  • 2  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم