تبلیغات
ایران آذربایجانی تورکجه سینین ادبیات اوتاغی - مطالب ممد آراز
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

قبیریستانا گئدن گلین

قبیریستانا گئدن گلین

هارا بئله، هارا بئله

بو گئییمده، بو لیباسدا؟

نه تاپمیسان بوروندویون

قارا شالدا، قارا یاسدا؟

قم نه واختدان چؤرک اولوب؟!

آه چکنده سن دریندن -

دئییرم کی، بو ساعتجا

یئر قوپاجاق مئهوریندن.

اوتوز یاشین آنجاق اولار،

یانیندا دا بیر قیزین وار:

گؤزلرینده بیر یارالی،

بیر کؤرپه‌جه جئیران قمی!

اونا بئله تانیدیرسان

نشه دولو بو عالمی!

هئچ او کؤرپه اولماسایدی

بلکه سنی گؤرمزدیم من.

قبریستانی ائو ائتسن ده

قئیری معنا وئرمزدیم من.

هارا بئله؟ قبریستانا؟

بو گئدیشین سونو وارمی؟

بس، حیاتا گتیردیگین

او کؤرپجیک گوناهکارمی؟ -

اویون واختی، گولوش واختی،

باغ-باغچایا گئدیش واختی،

شکیللره باخان گونو،

تئلینه گول تاخان گونو

یانیب گئدیر: گؤزلری‌نین حیات عشقی،

سئوینج سسی دونوب گئدیر. -

من دئمیرم اونوداسان

واختسیز اؤلن ارینی سن.

حیاتین دا، اؤلومون ده

دئییرم بیل یئرینی سن.

گئت قبر اوسته، گئت، نه اولار؛

واختیندا گئت!

گؤز یاشی یوخ، چیچک آپار!

ارین قالخسا، سؤیله‌مزدی

سنه آغلا.

دئیردی کی، گئت یادیگار

اوشاغیمی یاخشی ساخلا!

گئت، سن اونا هئیکل قویدور،

اؤزونه ده عائله‌‌ قور.

گئت بیر داش قوی داش اوستونه،

چیخ دونیانین سئیرینه بیر،

آخی حیات اؤز ائویندن

قبریستانا یول دئییلدیر...

latincə...

صمد وۇرغونا

صمد وۇرغونا

سن تلسمه‌دین

قوْی نغمه دئمه‌یه بۆلبول تلسسین،

گزدیگی، گؤردویو اۆچ آیدیر، شاعر.

سنین کی، کۆکره‌ین ایلهامین، سسین

مجرایا سێغمایان بیر چایدیر، شاعر.

کؤنلو قار گزنلر تلسسین داغا،

داغین تلسمه‌سی، منجه، عبثدیر.

دنیزلر جان آتسین عمّان اوْلماغا،

عمّانین اؤز سۇیو اؤزونه بسدیر...

قلبین اوْد گزمه‌دی شاختا کسنده،

سؤیله‌دین هر فصلین اؤز عالمی وار.

دئدین تلسسن ده، تلسمه‌سن ده

یئنه اؤز واختیندا گله‌جک باهار.

گاه اوْلدو اوْیلاغین گؤیزن داغی،

سؤزونله آچیلدی آیین قاباغی.

اصل بایرامینی بایرامقاباغی

- ائله‌دی گؤرنده گؤزللر سنی.

سازینا واقیفین سسیمی گلدی،

سسیندن باهارین نسیمی گلدی.

آلقیشا فۆضولی، نسیمی گلدی،

عشقه گتیرنده قزللر سنی.

گاه سینن کۆر اوْلدو کۆر قێراغیندا،

قافقازلا تن دۇردون قافقاز داغیندا.

مۇغاندان قاییدیب ایش اوْتاغیندا

"مۇغان"اێ یازاندا تلسمه‌دین سن.

تله‌سن آتلیلار یوْلدا قالاجاق،

آراملا گئدنلر چوْخ گئتدی آنجاق.

گؤرمه‌یه تلسدی سنی باغچا-باغ،

بنؤوشه اۆزنده تلسمه‌دین سن.

صنعتین آغ گۆنو اۆزونه دۆشدو،

ائللر صؤحبتینه، سؤزونه دۆشدو.

جئیرانلار ملشیب ایزینه دۆشدو،

جئیرانی گزنده تلسمه‌دین سن.

بۇ گۆن اللی یاشا قوْیورسان قدم،

معنالی کئچرسه یاش، کئچسین، نه قم...

بیر واخت دا گله‌جک، دئیه‌جک قلم:

عؤمرونون یۆزونده تلسمه‌دین سن.

12 مای 1956

صمد وورغونا

صمد وورغونا

سن تلسمه‌دین

قوی نغمه دئمه‌یه بولبول تلسسین،

گزدیگی، گؤردویو اوچ آیدیر، شاعر.

سنین کی، کوکره‌ین ایلهامین، سسین

مجرایا سیغمایان بیر چایدیر، شاعر.

کؤنلو قار گزنلر تلسسین داغا،

داغین تلسمه‌سی، منجه، عبثدیر.

دنیزلر جان آتسین عمّان اولماغا،

عمّانین اؤز سویو اؤزونه بسدیر...

قلبین اود گزمه‌دی شاختا کسنده،

سؤیله‌دین هر فصلین اؤز عالمی وار.

دئدین تلسسن ده، تلسمه‌سن ده

یئنه اؤز واختیندا گله‌جک باهار.

گاه اولدو اویلاغین گؤیزن داغی،

سؤزونله آچیلدی آیین قاباغی.

اصل بایرامینی بایرامقاباغی

- ائله‌دی گؤرنده گؤزللر سنی.

سازینا واقیفین سسیمی گلدی،

سسیندن باهارین نسیمی گلدی.

آلقیشا فضولی، نسیمی گلدی،

عشقه گتیرنده قزللر سنی.

گاه سینن کور اولدو کور قیراغیندا،

قافقازلا تن دوردون قافقاز داغیندا.

موغاندان قاییدیب ایش اوتاغیندا

"موغان"ای یازاندا تلسمه‌دین سن.

تله‌سن آتلیلار یولدا قالاجاق،

آراملا گئدنلر چوخ گئتدی آنجاق.

گؤرمه‌یه تلسدی سنی باغچا-باغ،

بنؤوشه اوزنده تلسمه‌دین سن.

صنعتین آغ گونو اوزونه دوشدو،

ائللر صؤحبتینه، سؤزونه دوشدو.

جئیرانلار ملشیب ایزینه دوشدو،

جئیرانی گزنده تلسمه‌دین سن.

بو گون اللی یاشا قویورسان قدم،

معنالی کئچرسه یاش، کئچسین، نه قم...

بیر واخت دا گله‌جک، دئیه‌جک قلم:

عومرونون یوزونده تلسمه‌دین سن.

12 مای 1956

Latincə

شعره گتیر

شعره گتیر

شاعر دوستوم، چالدیغین ساز

ائلدن آیری سس اؤجالتماز،

گل حیاینت نفه‌سینی

حیاتدا دوی، حیاتدا یاز.

گور چایلاری سسینه قات،

نه شؤهرت گز، نه ده کی، آد.

گل زحمت چک، زحمتده‌کی

شان-شؤهرتی شعره گتیر!

طبیعتین اؤز شعری وار،

طبیعتی شعره گتیر.

دره‌نی کئچ، دوزده دایان،

جئیران کئچن ایزده دایان،

آخشاموستو قیزلار گلیر،

دوش بولاغین اوسته دایان.

سئودیگیندن ایلهام آلیر.

چوبان دؤشده توتک چالیر،

او توتکده دیله گلن

صداقتی شعره گتیر.

محبتین اؤز شعری وار،

محبتی شعره گتیر...

دیرمان داغا، ائن آرانا،

آش مورووو، کئچ موغانا.

قار سینه‌سی، گونش اوزو

گونش آلتدا یانا-یانا

پامبیق درن بیر گؤزه‌لین

اللرینی سیخسین الین.

او گؤزه‌لین حوسنونده‌کی

عظمتی شعره گتیر،

قلبینده‌کی چیرپینتینی،

هرارتی شعره گتیر.

قانادینی شیمشکدن آل،

ایلهامیم اورکدن آل!

گول-چیچه‌یین اترینی گل

چیچکلنن امکدن آل.

باخ ائللرین قودرتینه،

چات ائللرین قودرتینه،

چات زامانین سرعتینه.

قلم گؤتور سرعت ایله،

بو سرعتی شعره گتیر.

یازیلمامیش، دویولمامیش

شعریتی شعره گتیر.

گل باهارین خوش چاغیندا

باهار گزمه اوتاغیندا.

یاز باهارین شعرینی ده

طبیعتین قوجاغیندا.

سؤز اوستونده شام کیمی یان،

آسان گلن گئدیر آسان.

من دئمیرم یالنیز گؤزل

بیر خیلقتی شعره گتیر،

شاعر دوستوم، گل حیاتی،

حقیقتی شعره گتیر.

Latincə

سئوگی نغمه‌سی

سئوگی نغمه‌سی

بیر سئوگی نغمه‌سی یارادیم دئیه،

بو آخشام بولانیب، دورولورام من.

اونو دوشونرکن بیلمیرم نییه

باشقا بیر نغمه‌یه وورولورام من.

کیچیک بیر ماهنینی بستله‌یینجه

خیالین مین ائلی دولانسین گرک.

سئون بیر اورگین سسینی نئجه،

نئجه دینله‌مه‌سین سئون بیر اورک...

یئنه دیلله‌نیرسن قونشو اوتاقدان،

"سوس" دئمک گلمیر دیلیمدن، آی قیز.

دالمیشام نغمنه یئنه بایاقدان،

آلمیسان نغممی الیمدن، آی قیز.

ائله بیل، دئییر کی، قوپان بیر صدا،

"دیوار آرامیزدا داشدان اولسا دا،

گرک داش اولمایا اورکلریمیز،

بیر واراق ائله‌یک ایکی قلبی بیز".

سوسورام اؤنونده او شعریتین،

اورگیم دولسا دا، آغ قالیر کاغیذ.

قلمسیز، کاغیذسیز ایلک محبتین

یازیر نغمه‌سینی قلبیمه او قیز.

Latincə

بیر سنین عشقینله...

بیر سنین عشقینله...

یئنه واراقلاندی کؤنول کیتابیم

بیر سنین، بیر سنین عشقینله، گؤزل!

دوشوندوم گول آچیر، بولبول اوخویور

بیر سنین، بیر سنین عشقینله، گؤزل!

سینه‌مه بیر عشقین سازینی آسدیم،

هر کؤنول نغممی او دئدی، یازدیم.

چوخ عشقین سسینه قولاق دا آسدیم

بیر سنین، بیر سنین عشقینله، گؤزل!

گاه اودسوز، آلووسوز پروانه اولدوم،

عشقینله گوله‌جک دیوانه اولدوم.

بلکه یوز گؤزله بیگانه اولدوم

بیر سنین، بیر سنین عشقینله، گؤزل!

قم-کدر اوزونه توتاندا پرده

قملندی چایلار دا، شلاله‌لر ده.

ساندیم-دوغور گونش، گولور سحر ده

بیر سنین، بیر سنین عشقینله، گؤزل!

سنسیز بیر آنیما دئدیم بیر ایلدی،

دردیمی نه باجی، نه آنا بیلدی...

محبت اؤنونده قددیم اییلدی

بیر سنین، بیر سنین عشقینله، گؤزل!

Latincə

شعریم

شعریم

گنج قلم یولداشلاریما.

یاش اؤتوب، آییلیب گؤرورسن بیر واخت

هئچ نه یازمامیسان، عومور یاریدیر.

آلنینا یازیلان قیریشلار آنجاق

عومرونون شیکایت میصراعلاریدیر...

تله‌سیک قلمی آلیرسان اله،

اورک ده تیترگیر اللرین کیمی.

لاکین گؤرونورسن وطنه، ائله

سن ده یازیلمامیش اثرین کیمی.

بضا قوشا دؤنور ساعت دا، آن دا.

آخشام گزدیگینی سحر تاپیرسان.

ائله ده اولور کی، باختین توتاندا

داش آختاران یئرده گؤوهر تاپیرسان.

کاینات دئییممی من شعره، سؤزه!

-اونون مین دویونو، مین آچاری وار.

اونو دویا بیلمز اونداکی کؤزه

قلبینده کؤز تؤکوب آلیشمایانلار.

بلی، دوی بونلاری، ائی شاعر یولداش،

سسینی کسمه‌سین هر اؤتری سس.

نهرین قاباغینا آتیلان بیر داش،

اونون سرعتینی ساخلایا بیلمز!

دوی کی، توغیانیندا بورانین، قارین

اودلو بیر اورکله یازان اولوبدور.

چوخ زامان نشه‌دن دم وورانلارین

اثری، نشه‌لر پوزان اولوبدور.

سؤز گرک اوخ کئچمز قایادان کئچه،

یوخدورسا سؤزونون کسری، - یازما،

اؤزون سئومه‌یینجه، سئویلمه‌یینجه،

اؤزگه‌دن محبت اثری یازما.

عیب ائتمز اوچوشدا ییخیلسان بیر آن،

تکی دئمه‌سینلر قانادسیز قوشدور.

گؤیلری فتح ائدن بیر آنا ترلان

کیم دئییر بالایکن ییخیلمامیشدیر.

شعریم، چوخ دانیشدیم، دئیه‌سن، بیر آز،

سن نییه سوسموسان، - دانیشان منم؟

یوخ، شعر اوجاغی آلووسوز اولماز

آلیشدیران سنسن، آلیشان منم.

شعریم، ائل سازیندا میزراب وور تئله،

اونسوز دا اؤتری اؤتن آز دئییل...

اؤزلری دونیادان گئتمه‌میش هله

آدلاری دونیادان گئدن آز دئییل.

ائلین نفه‌سیدیر ان بؤیوک اثر،

دویسام دا، اؤزومو اؤیه بیلمه‌رم.

یوز بولبول سسی ده منه وئرسه‌لر،

ائلسیز بیر نغمه‌نی دئیه بیلمه‌رم.

شعریم، شیمشکلردن قاناد ایستئ سن،

یئرسه اینسانم نفه‌سییله گل.

دونیادا بیر داملا اولماق ایسته‌سن،

دونیایا سن عمّان هوسییله گل.

Latincə

ککلیک

ککلیک

نه سکیرسن نارین-نارین

یئنه داشدان-داشا، ککلیک؟

کؤنلوم ایستر نغمن کیمی

بیرجه نغمه قوشا، ککلیک!

سینن آلتی سال قیرمیزی،

آیاقلارین آل قیرمیزی.

دیمدیگینده خال قیرمیزی

یانار قوشا-قوشا، ککلیک!

نییه تکسن، دانیش ازل،

داغلار قیزی، خاللی گؤزل...

بیر وفالی یار ایله گل

ووراق عومرو باشا، ککلیک!

داغلار قوینو چیچک-چیچک،

من گئدیرم، گئتمیر اورک.

اوچ مممه‌دین خیالی تک،

بو داغلاردا یاشا، ککلیک!

Latincə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم