تبلیغات
ایران آذربایجانی تورکجه سینین ادبیات اوتاغی - مطالب اسنکدر اعتبار
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

الیمیزدن دئییملر

الیمیزدن دئییملر

الیمین ایچینده الین نه زریخ،

ائله بیل تانریدان گلن مکتوبدو.

اوردا یازیلیب کی، - منی دویمایان،

ابدی ظلمته، ظلمه محکومدو.

***

آنا قوجاغیندا کؤرپه ار کیمی،

اللرین الیمده ایستیله‌نیردی.

منی خیانتین ائله یاندیردی،

اوجاغی باشیمدا توستوله‌نیردی.

***

فیکری نه، سؤزو نه، دئسین، ائله‌سین،

الینین الیمه ایختییاری وار.

الین الیمده‌دی، یاتیر، دینجه‌لیر،

گؤره‌سن الیمدن بختییاری وار؟!

***

الیمه الینین ایشیغی دوشور،

اللریم بوی آتیر سنه سارماشا،

ان بؤیوک سؤزوموز اوغول، قیز اولا،

نوه‌لر قولومدان توتا، ساللاشا.

سن ائله گؤزلسن

سن ائله گؤزلسن

سن ائله گؤزلسن، گؤزللیگینله

قارانلیق ایچینده دونیا نورلانیر.

سن یئرده گزدیکجه، سنی گزدیرن

آیاغین آلتیندا یئر قورورلانیر.

سن ائله گؤزلسن، یئل بهانه‌دیر،

گؤوده‌لی آغاجلار سنه باش اییر.

چینارین، پالیدین قورورلو باشی

یولونا دَ‌ییر.

گؤی سنی گونشدن قوروسون دئیه،

باشی‌نین اوستونده بولود گزدیریر.

یئریمیر واخت، زامان، الله دا سوسوب،

بوتون کایناتی سنه گؤزله‌دیر.

آماندی، خالینا گؤز دیَر دئیه،

سحر اولدوزلاری گؤیده گیزله‌دیر.

ائله تاماملاییب، تانریمیز سنه،

پریلر ائوینه زمانت وئریر.

سحر آی گونشه، آخشام اولاندا

گونش سنی آیا امانت وئریر.

کیمم کی، من سنه - سئوگیلیم - دئییم،

سن تانری یانیندا، من کانداردایام.

گؤروشه بیلمریک، - سن اوربیتده‌سن،

من ایسه اوربیتدن چوخ کناردایام.

سن ائله گؤزلسن، سنی گزدیرن،

جیغیر حئیرتله‌نیر، یول حئیرتله‌نیر.

سنی تیکانیندان قوروسون دئیه،

یولونا گول توتان کول قئیرتله‌نیر.

10.07.03.

Latincə

بو، منیم افسانم

بو، منیم افسانم

دئییرلر بیر آغاج اولوب،

تانری اونا نفس وئریب،

هوس وئریب،

بؤیوسون،

تورپاغین سینه‌سینده

اورک کیمی دؤیونسون!..

آغاج بوی آتیب، قوللانیب،

بوداقلانیب،

بوداقلاری یارپاق-یارپاق پوللانیب،

نه پاییزدا، نه ده قیشدا،

سارالماییب، سولماییب.

آغاج کؤلگه سالماییب،

قوهوم، قارداش، دوست گلنده

بورون ساللاییب.

تانری دا غضبله‌نیب،

یوخ ائدیب اونو بیر گون،

ائله بیل کی، هئچ اولماییب!..

Latincə

بیر قیز سنه اوخشادی

بیر قیز سنه اوخشادی

بیر قیز سنه اوخشادی،

آغلیم چیخدی باشیمدان.

سنلی کئچن گونلریم

گلیب کئچدی قارشیمدان.

او گونلر کی، من سنی

باشیم اوسته قالدیریب

رقص ائدردیم، گونشی

گؤیدن یئره سالدیریب.

او گونلر کی، سئوگیدن

قانادلاریم وار ایدی.

نه شاماخی، یئر اوزو،

گؤی ده منه دار ایدی.

بیر قیز سنه اوخشادی،

فیرلاندی یئر باشیما.

قوجالمیشام، بو یادا

نییه چیخدین قارشیما؟!

Latincə

دویمادیم

دویمادیم

دویمادیم، نه قدر سئودیم حیاتدا،

اولدوم محبتین اسیری، آجی.

شاعر ایسکنده‌رم، ایندی بیلدیم کی،

دونیا حؤکمداردی، محبت تاجی.

منم! منم! - دئین قهرمانلاری،

کیمی اوولامادی؟ سئوگی اووچومو؟

دویمادی گؤزلریم، اورک سئوگیدن،

اؤلسم، آچیق گؤرر ائللر اووجومو؟

03.12.01.

Latincə

اوخوماسان، یاخشیدی

اوخوماسان، یاخشیدی

شعریمی اوخویوب، اوشومه‌دینسه،

بشری، وطنی دوشونمه‌دینسه،

اوخوماسان، یاخشیدی!

شعریمله بیر ذره‌ اؤجالمادینسا،

عشقه، اینسانلیغا اوج آلمادینسا،

اوخوماسان، یاخشیدی!

شعریمی اوخویوب منی گؤرمه‌سن،

من گولن نادانا سن ده گولمه‌سن،

اوخوماسان، یاخشیدی!

اوخشادیم شعریمده اوخو، گؤر کیمی،

قوخویا بیلمه‌سن سؤزو گول کیمی،

اوخوماسان، یاخشیدی!

سالدیم سؤز چمه‌نی سؤز یاخاسیندا،

نه قالیب، گؤرمه‌سن سؤز آرخاسیندا،

اوخوماسان، یاخشیدی!

بؤیوک کهکشان وار سؤزدن او اوزه،

دورماسان او گؤیله یئرده اوز-اوزه،

اوخوماسان، یاخشیدی!

یاشایا بیلمه‌سن سؤزله قول-بویون،

گیرمه، سنلیک دئییل بو میدان، اویون،

اوخوماسان، یاخشیدی!

اؤلوب-دیریلمیرسن سؤزله اگر سن،

چایا سوسوز گئدیب، سوسوز گلنسن،

اوخوماسان، یاخشیدی!

اوخوماسان، یاخشیدی!

24.06.06

Latincə

پیچیلتی

پیچیلتی

اورگیمله قولاق آسدیم؛

مئشه‌نین او باشیندا

دردینی پیچیلداییر ایشیلدابؤجک،

پیچیلتییلا دانیشیر

اوت اوتلا، چیچک چیچکله.

گئجه‌لر

اولدوزلارین پیچیلتیسیدیر،

یاغیر اوستوموزه ایشیق-ایشیق.

یئرله گؤیون سئوگیسیندن

چوجریر توخوم.

پیچیلداییر بنؤوشؤ:

- گونش، گونش،

توت الیمدن، گؤیه قالخیم.

Latincə

اوخوجویا

اوخوجویا

منه توخونمایین، یازیم، یارادیم،

بو یوللا وطنه بلکه یاریدیم.

هله ده بیر اینجی تاپا بیلمه‌دیم،

نه قدر سؤز مولکو گزدیم، آرادیم.

حدردی عومرومون کئچن گونلری،

اؤزومو بوش یئره اودا قالادیم.

سنی بیرجه دوداق گولدورمک اوچون

بوتون حیاتیمی سؤکوب-تالادیم.

صاباح داها یاخشی شعر یازاجام،

اؤزومو همیشه اؤزوم توولادیم.

منیمله گیزلن-پاچ اوینادی ایلهام،

ایت کیمی ایی چکیب اونو آرادیم.

سئهرینه دوشموشم، چیخا بیلمیرم،

تئز-تئز ائشیدیرم داها - کار - آدین،

- من سنه گول کیمی عومور وئرمیشدیم،

ایسکندر، سن اونو نییه کورلادین؟

گئدیب داش یونایدین، چکمه تیکیدین،

بلکه آداملارا گرک اولاردین.

سهو ائدیر عومرومه قیبته ائدنلر

بیلیر نه چکمیشم اوغلوم، آروادیم.

چمن اورگیمین گولودو شعریم،

کیمینه خوش گلر، کیمی بَینمز،

نادانا ها یانیم، ها دؤنوم کوله،

نه اودو، نه ده کی، کولو بَینمز.

Latincə

گؤیدو گؤزون

گؤیدو گؤزون

گؤیدو گؤزون!

گؤی دنیزین دیبی وار،

گؤی مئشه‌نین ساحلی،

گؤزلری‌نین یوخ، گؤزل.

گؤزلرینه - گؤی- دئین

نَیه باخیب -گؤی- دئییب؟

رنگینه یوخ،

بلکه ده

گؤیه باخیب -گؤی- دئییب.

گؤیدو گؤزون!

اونون دا سما کیمی

مین عالمی، سیرری وار.

گؤیلری کشف ائدیریک،

گؤزون ده کشف اولونار.

Latincə

گل، بیر نغمه اوخویاق

گل، بیر نغمه اوخویاق

گل، بیر نغمه اوخویاق؛

بیر دوداق من اولوم،

بیر دوداق سن اول.

هاردا اورک سو دئسه،

بیر بولاق من اولوم،

بیر بولاق سن اول.

اوشوین اللری ایسیتمک اوچون

بیر اوجاق من اولوم،

بیر اوجاق سن.

گل، یالان دئمه‌یک بیر-بیریمیزه،

بیر اوشاق من اولوم،

بیر اوشاق سن اول.

قییما عشقیمیزه، بیز اوزاقلاشاق،

بیر اوزاق من اولوم،

بیر اوزاق سن اول.

گل، ائله یاشایاق، ائله یاناق کی،

یولچولار یول گئتسین ایشیغیمیزدا.

قوی بیزه اوخشاسین اوشاغیمیز دا.

گؤز آچیب حیاتی گؤرن کؤرپه‌یه،

بیر قوجاق من اولوم،

بیر قوجاق سن اول.

داش اوستونده بیر قیز گؤردوم،

ائله بیلدیم داش گول آچیب.

دئدیم - گؤرن هانسی باغچا،

هانسی چمن گولدن اولوب؟

چیچک بیلیب بو گؤزه‌لی،

داش دا دؤنوب گولدان اولوب.

Latincə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم