تبلیغات
ایران آذربایجانی تورکجه سینین ادبیات اوتاغی - مطالب راشید داغلار اوغلو
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

بیر ده گۆل!

بیر ده گۆل!

«نه گؤزلسن!» ایکی کلمه سؤز دئدیم.

منیم کیمی بینوایا بیر ده گۆل!

اؤلدورسه‌لر یالان گلمز دیلیمه،

سن سالمیسان بۇ بلایا، بیر ده گۆل!

اێسمتینی اؤیرنمیشم گؤزوندن،

آ بختور، نۇر تؤکولور اۆزوندن،

الله حاقی اینجیمه‌رم سؤزوندن،

بۇ یاشیمدا بۇ سئودایا بیر ده گۆل

جانیم یامان اۆشوموشدو، ایسیندی،

سن خوْشبخت اوْل گۆلمه‌یینده بسیمدی.

دینله‌دیگیم نغمه‌دی، یا سسیندی؟!

رشید دئییر من قوْجایا بیر ده گۆل!

ائله بیلمه گۆلونج گۆنه قالمیشام،

بیر چیچه‌یین اترین آلدیم، سرخوْشام.

بیر جئیرانین کؤلگه‌سیندن وۇرموشام،

اذیتیم دؤندو زایا بیر ده گۆل،

تۆفنگ تپدی دۆشدوم چایا بیر ده گۆل.

latincə...

عزیزیم

عزیزیم

گؤزل یاریم، یاری یاشین مۆبارک!

یۆزه یئتیش اللی یاشدی عزیزیم.

الله سنی هر آرزونا چاتدیرسین،

گۆلر اۆزلو، گۆموش ساچدی عزیزیم.

بیلیرسنکی یالان یوْخدو سؤزومده،

بیر سن، بیر ده، اۆچ بالامدی گؤزومده.

لذت وئریر گؤیرتین ده، دۇزون دا،

قایقاناغین داها خوْشدو عزیزیم.

شۆکر اللها! اۇدوزمادیق سئچیمده،

آی سایالیم برابریک بیچیمده.

شئشه‌له‌نیب آلتمیشیمین ایچینده

رشید سنه قوْشما قوْشدو عزیزیم.

بۇ گۆن منه نئجه خوْشدو عزیزیم!

آند یئریم

آند یئریم

بو یئر سنین یادیندامی؟!

من سنی سئودیگیم یئردی.

من دئدیم کی، - گل ائولنک!

سن منی سؤیدویون یئردی.

بو نه مسلک، بو نه دیندی؟!

آجیسی بالدان شیریندی.

بورا منیم آند یئریمدی

سن منی دؤیدویون یئردی.

دیلیم گلمیر نئجه دئییم؟!

تاپدیغیمی ایتیردیگیم،

سنه چیچک گتیردیگیم،

خطرینه دیَدیگیم یئردی.

مات قالمیشام، دوزو واللاه

سونراسی اللها پناه.

بیری ثاواب، بیری گوناه!!

من سنی سئودیگیم یئردی!

سن منی سؤیدویون یئردی!

یازییازان بئله یازدی؛

هر یوزان بیر جوره یوزدو.

رشید، سنه بو دا آزدی،

اؤزونو اؤیدویون یئردی.

بیر کند گؤردوم

بیر کند گؤردوم

کندینیزه قوْناق گلدیم،

نئجه گؤزل بیر کند گؤردوم.

بیر یئرده نؤقصان گؤرمه‌دیم،

هر یئرده مرحمت گؤردوم.

هاوا تمیز، سۇلار دۇرو،

اێنسانلاردا اۆزون نۇرو.

رسسام چکیب گؤیو، یئری،

قلمینده قۆدرت گؤردوم.

باغلاریندا هر مئیوه‌سی،

داغلاریندا شلاله‌سی،

چایلاریندا زۆمزومه‌سی،

ائله بیل کی، جنّت گؤردوم.

آباد اوْلسون سیزین ائللر،

قوْناغی باشا چکیرلر،

آدینا قۇربان کسیرلر،

ائلده گؤزل عادت گؤردوم.

توْرپاق حالال، اینسان حالال،

اوْنونچوندو بۇ جاه-جالال،

حالاللیغا یوْخدور زاوال،

حالاللیقدا حیکمت گؤردوم!

نئجه گؤزل بیر کند گؤردوم.

Latıncə

سئوگیلیم

سئوگیلیم

شۆکور، سن وارسان! نئینیرم

دؤولتی-مالی سئوگیلیم.

حؤرمتینه قوْی باش اییم،

منیم وفالی سئوگیلیم.

آتام-آنام، ائوده‌کیلر…

سنی مندن چوْخ سئودیلر.

سسی ایپک، سؤزو شکر،

منیم هایالی سئوگیلیم.

بایرامیمدی گلدیگین گۆن!

آی ائویمین-ائشیگیمین،

آی کؤرپمین، بئشیگیمین

جاهی-جالالی سئوگیلیم.

یاریجانیم، یاندیم اینان!

ساچلارین آغاریب یامان.

آغ ساچینا اؤزوم قۇربان،

منیم سایالی سئوگیلیم.

Latıncə

آند یئریم

آند یئریم

بۇ یئر سنین یادیندامی؟!

من سنی سئودیگیم یئردی.

من دئدیم کی، - گل ائولنک!

سن منی سؤیدویون یئردی.

بۇ نه مسلک، بۇ نه دیندی؟!

آجیسی بالدان شیریندی.

بۇرا منیم آند یئریمدی

سن منی دؤیدویون یئردی.

دیلیم گلمیر نئجه دئییم؟!

تاپدیغیمی ایتیردیگیم،

سنه چیچک گتیردیگیم،

خطرینه دیَدیگیم یئردی.

مات قالمیشام، دۆزو واللاه

سوْنراسی اللها پناه.

بیری ثاواب، بیری گۆناه!!

من سنی سئودیگیم یئردی!

سن منی سؤیدویون یئردی!

یازییازان بئله یازدی؛

هر یوْزان بیر جۆره یوْزدو.

رشید، سنه بۇ دا آزدی،

اؤزونو اؤیدویون یئردی.

Latıncə

قلب اللهین ائویدیر

 کیتاب عنوانی : قلب اللهین ائویدیر

شاعر:رشید داغلار اوغلو

کیتابین فورما سی  : جاوا

ساپورت ائدن قولاغ جیق لار (موبایل تلفونلاری):بوتون قولاغ جیقلار کی جاوا پروگرمین ساپورت ائدرلر

اولچوسو : 111 کیلو بایت

ائندیر (دانلود)

زیارته گله‌سن

زیارته گله‌سن

بۇ دۆنیانین هر ذره‌سی قێزیلدیر،

فهمین اوْلا گؤتوره‌سن گؤره‌سن.

آرتیق-اکسیک یاراتماییب یارادان،

کپک چێخماز بۇ دۆنیانی اله‌سن.

پیر اوْلاسان باتمایاسان گۆناها!

دئمه‌یه‌سن بۇ اۇجوزدو، بۇ باها.

ذکر ائده‌سن، شۆکر ائده‌سن اللها،

یئری-گؤیو یارادانی سئوه‌سن

الله عشقی اۆرگیمده بؤیودو،

داغلاروْغلو، اۇنوتما بۇ اؤیودو:

- تمیز ساخلا، قلب اللهین ائویدی!

بئله یئری زیارته گله‌سن.

Latıncə

اؤیرن

اؤیرن

اێنسان بیر دۆنیادیر! سیرلی-سوْراقلی

تانییا بیلمزسن یۆزوندن اؤیرن.

اؤزونه بلد اوْل - سسینی دینله،

اوْنو صؤحبتیندن، سؤزوندن اؤیرن.

پئیغمبر اوْلسان دا اللهدان کؤمک،

هئچ کسه قیسمت دؤی هر شئیی بیلمک.

اینسانا زینتدیر گؤرمک-گؤتورمک،

اصلیندن گؤر-گؤتور، دۆزوندن اؤیرن.

منیم سؤزلریمی ساخلا یادیندا -

ملک وار، ایبلیس وار اینسان دوْنوندا.

گۆناها باتماینان حاقین یوْلوندا،

اینسانین اؤزونو اؤزوندن اؤیرن.

Latıncə

دئدیم

دئدیم

گۆللرین گۇر واختی، بیر یاز آخشامی،

عشقیمی مین گۆلدن بیر گۆله دئدیم.

الله سنه شۆکور، نه بختییارام،

بیر بؤیوک داستانی گؤز ایله دئدیم.

دانیشماق ایسته‌دیم، سؤزوم قێریلدی،

گؤزللیک اؤنونده بوْینوم بۇرولدو.

زاواللی کؤنلومده بیر توْی قۇرولدو،

«اێنسان خوْشبخت اوْلار، بیر بئله؟!» دئدیم.

اییریمبیر یاشیندا تیتره‌دی الیم،

منی بۇ یاشیمدا قوْجالتدی گۆلوم.

اۆزونده نۇر گؤردوم آچیلدی دیلیم،

- گؤر نه‌لر چکیرم، حیسس ائله دئدیم!

دئدیم، گۆل تاپمادیم سندن تر-تمیز،

یاشایا بیلمه‌رم، اؤله‌رم سنسیز!

«قۇل خاتاسیز اوْلماز، آغا کرمسیز»،

قاپیندا قۇلونا رحم ائله دئدیم.

رشیدم جنّته سالدیم اؤزومو،

گؤزللیکدن چکنمیرم گؤزومو!

بۇ قفیل عشقیمی، قفیل سؤزومو،

بۆتون گؤزللردن گؤزله دئدیم.

Latıncə

کؤنول باغلادیم

کؤنول باغلادیم

وفاسیز گؤزله کؤنول باغلادیم،

عؤمروم حدر گئتدی جاوان یاشیمدان.

یانان بیلر محبتین اوْدونو،

اوْد-آلوْوو آرالانمیر باشیمدان.

گلدیم گؤروشونه تاپا بیلمه‌دیم،

فیکرینی باشیمدان آتا بیلمه‌دیم،

گئجه‌لر یئریمده یاتا بیلمه‌دیم،

گؤیلر گؤزه‌لیسن، بیلدیم ائی ملک!

باش آچا بیلمه‌دیم یئرده ایشیندن.

بۇلاق ایدیم، چایا دۆشدوم چاغلادیم،

داشا دیَدیم ایچین-ایچین آغلادیم،

چؤللردن گۆل دردیم، قوْما باغلادیم،

اترینی وئرمه‌دی نه گۆل، نه چیچک،

گۆللره شئه دۆشدو گؤزمون یاشیندان.

رشید، قاریشدیردین یازی چیللینن،

بیلمه‌دین اوْینادین داغلار سئلیینن.

بیر شام کی یانماسا حاقین الیینن،

اوْنو سؤندوره‌جک خفیف بیر کۆلک

قالسین کی سئل گله داغلار باشیندان.

Latıncə

بیر گؤزه‌لین عشقینه

بیر گؤزه‌لین عشقینه

آی مله‌ییم، بیر گؤزه‌لین عشقینه

اوْدا دۆشدوم، قوْیما یاندیم آماندی!

اوْنا باخدیم، قضا گلدی باشیما،

باشکئچیدده یئر باشیما دوْلاندی.

آی مله‌ییم یاد بیلمه‌سین سؤزومو،

سنی تاپیب ایتیرمیشم اؤزومو.

گؤزللیکدن چکنمیرم گؤزومو،

لئیلی دئسه - من گؤزلم. یالاندی.

هر قضانین قۇربانی وار آی خانیم،

دؤندر منی قوْی باشینا دوْلانیم،

رشید دئییر اوْندان سوْنرا آل جانیم،

بیر یاخشیلیق، بیر یامانلیق قالاندی.

Latıncə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم