تبلیغات
ایران آذربایجانی تورکجه سینین ادبیات اوتاغی - مطالب قاسم چراقلی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

اولوتورپاق

اولوتورپاق

آنا تورپاق، اولو تورپاق

هم اینسانین اللهی،

هم اینسانین قولو تورپاق.

سنسن آنالارین آناسی دا،

سنسن آتالارین آتاسی دا،

سنسن دونیانین دونیاسی دا،

داهیسی ده، دوهاسی دا،

اجدادی دا، اولوسو دا:

بو دونیاسی، "او دونیاسی" دا ...

آنا تورپاق، اولو تورپاق،

ائی اینسانین اللهی،

ائی اینسانین قولو تورپاق!

اینسان - سنین نادینج بالان،

ان شیلتاق و ان دینج بالان.

سؤکوب داش-قایا دیشلرینی،

عمارتلر تیکن ده او،

هامارلاییب، طومارلاییب،

اورگینی چکن ده او،

اوز-گؤزونو شیریملاییب،

اکن ده او، بیچن ده او،

آتوم یوکلو فلاکتله

داخیلینی سؤکن ده او.

هم اینسانین اللهی،

هم اینسانین قولو تورپاق! دؤزورسن

بشرین هر بلاسینا، دؤزورسن

اینسانین چوخ اداسینا، تحقیر

ائشیتمیسن چوخ واخت سسینده، لاکین

سون نفه‌سینده

یول وئرمیسن اورگی‌نین باشیندا،

دینجلیک تاپیر تورپاغیندا، داشیندا.

قالیر اولو یادداشیندا؟

گئج دئییل هله

گئج دئییل هله

دئ هانسی منصبه، عقیده‌‌یه سن

ویجدانلا، ناموسلا، قوللوق ائدیرسن؟!

بیر وطنداش کیمی، بیر اؤولاد کیمی،

وطنین بورجونو اؤده‌ییرمیسن؟

وظیفه‌‌ن، شؤهرتین بؤیوکدور یئتر

جیبین - عقیده‌‌نین اؤلچو واحیدی،

بیر الین آلاندیر، بیری اؤتورن

هاچانسا اوتانماق اؤلچون وار ایدی.

باشین چوخ قاریشیب کئفه-داماغا، کئف-

داماق البته‌‌ سنینچون خوشدور

اؤزونو توتموسان بالا-قایماغا

اؤزون تک فیکرین ده ائله سرخوشدور.

بو گونون، صاباحین کئشیگینده دور،

یادداشلاردا هئیکل اولوب قالاسان.

بدخاهی حیاتین اؤزو اونودور،

قورخ کی، بدخاه کیمی دامغالاناسان.

آییلماق واختیدیر، گئج دئییل هله،

وطن اللریندن ضرر چکمه‌سین

بئشیککسمه‌سنمی وظیفه‌‌ ایله؟

چیخ کی، ائل قلبینه قانقال اکمه‌سین.

قدرینددیر

قدرینددیر

یئر قدرینده‌دیر, گؤی قدرینده,
کاینات ساخلاییر مووازینتین.
قدری, قدر‌دن چیخار‌دان اینسان
اونو قودرتینه قایتارار چتین.
کاینات خلق اولوب اوز قدرینده,
اونو قدرینده خلق ائدیب الله,
قیش گئجه‌سی ده, یاز سحری ده بؤیوک
معجزهه‌دیر, معجزه واللاه
بیر ئوشاق دوغولور, بیر بورج آلتیندا-
تانری تالئیینی 0 گون‌دن یازیر.
بو ئوشاق بؤیویور, ئوشاق بوی آتیر,
تالئ یازیسی دا آلنیندا حاضر.
بلکه ائله بودور آلین یازیسی -
اینسان بو یازییا دوغرو یول گلیر.
قیریر آددیم-آددیم بوتون سد‌لری
اینسان پیلله-پیلله قالخیر, یوکسلیر.
اولسون درد قدرینده, قم قدرینده
ایلاحی خوشبختلیک قدرسیز اولسون!
اولچوسوز-بیچیمسیز اولسون سئوینج‌لر,
اومور‌لر خطرسیز, کدرسیز اولسون!
سئوینج قدرینده, قم قدرینده!
ایلاحی, سعادت قدرسیز اولسون.
کدره برابر وئرمه سئوینجی,
وئرمی‌سن بیر اومور, - کدرسیز اولسون.
ایلاحی, دئمیرم یولون دوزون وئر.
قویما شر قوهه‌لر مئی‌دان اوخویا.
هر شئیی اینسافلا, قدرینده وئر,

قویما بو دونیامیز ذحر قوخویا.
اولوم قدرسیز‌دیر, درد قدرسیز‌دیر,
دوغوم قدرینه چاتماییر آنجاق.
توتولور فیتوایا ایسلام دونیاسی,
دونیا, بئله گئتسه, تامام یاناجاق.

 

لاتین الیفباسینان

شوشا

شوشا
بو یئرلرین داغی, داشی,
موسیقی‌دن یارانمیشدیف.
نغملرله خومارلانیب,
ماهنیلارلا اویانمیشدیف.
مئشلری یاشیل یارپاق,
کؤرپلری شیرین-شیلتاق.
قایالاری پاپاق-پاقاق
ذیرولرده دایانمیشدیف.
لایلالیدیر, هولایلیدیر,
یاماجلاری دولایلیدیر,
قایالاری قالایلیدیر گول-
چیچکله بویانمیشدیر.
گؤزللییین گؤزو بورا,
شاعرلرین سؤزو بورا,
گلن گلیر مجلیس قورا
گئدن کئفسیز دایانمیشدیف. 
 

لاتین الیفباسی نان

سومقاییتلیلارا

سومقاییتلیلارا
پاپاق آلتدا ایگید یاتیر,
یارپاق آلتی تومورجوق تک.
پاپاق آلتدا ایگید یاتیر,
ایلدیریملا یوکلنرک.
پاپاق آلتدا یاتانلارین
غضبی ده یوخولودور.
وطنینه توخونمایین,
ایلدیریمدان قورخولودور.
پاپاق آلتدا یاتانلارین
غضبینه اود آتدیلار.
سوکوتا دالمیش داغلارین
وولکانینی اویاتدیلار.
ساکیت, کؤرپه بالالاردا,
غضب دئیلن شئی یوخودو.
وطن قالیردی داردا, وطن
ده فرمان اوخودو.
ساکیت, کؤرپه بو ایگید‌لر,
ساکیتلییین بیردن بوغدو.
بلکه وطن ایستیییدی,
بلکه وطن اوزو دوغدو,
پاپاق آلتدا یاتان ایگید,
بیرجه چاغریشدان آییلدی.
گونشی بایراق ائلدی,
اودو هر یانا یاییلدی.
پاپاق آلتدا یاتان ایگید,
بیر اود اولدو, اودا
دوشدو.
دویمه-دویمه بوی آتیردی
قفلت بیر توفانا دوشدو.
گورشاد اولدو, تئز اوتوشدو.
پاپاق آلتدا ایگید یاتیر,
یارپاق آلتی تومورجوق تک.
پاپاق آلتدا ایگید یاتیر,
ایلدیریملا یوکلنرک. 
 

لاتین الیفباسی نان

هیکل-وطن

هیکل-وطن
کندیمیزین ایگیدلری,
شهید اولسا دؤیوشلرده,
لازیمدیمی هیکل‌لر
لازیمدیمی باش داشی ?!
کندیمیزین ایگیدلری,
شهید اولسا دؤیوشلرده,
لازیمدیمی گول-چیچک
لازیمدیمی گؤز یاشی?!
داغلاریمیز مرمر هیکل
باشداشیدیر ایگیدلره.
یاغیشلاری, لئیسانلاری
گؤز یاشیدیر ایگیدلره.
بزینده چؤل-چمنی
ی ئوردوموزون چیچکلری
تر-تزسی, گؤیچکلری
گؤزل وطن چلنگدیر,
اکلیلدیر ایگیدلره, وطن
ائله وطن بویدا بیر
هیکلدیر ایگیدلره. 
 

لاتین الیفباسی نان

شهید‌لر- وطنپاییدیر

شهید‌لر- وطنپاییدیر

وطن, شهید‌لر سنین یولوندا,

ال-اله توتوب واحید اولدولار.

یارپاق, یارپاق تؤکولدو‌لر قدملرینه,

شهید اولدولار.

شهید‌لر دیرک-دیرک سانجیلدی

تورپاغینا,

نیزه, قالخان اولدولار.

یاراق اولدولار.

ایگید‌لر - شهید ایگید‌لر

سنه لاییق اولدولار

قددینی دیکلت وطن

فخرله باخ ایگیدلرینه,

قلبه سنیندیر, آنجاق.

یارپاق-یارپاق

قدملرینه تؤکولموش شهید‌لر

یامیاشیل دیرکلرینده

تزه-تر یارپاق اولاجاق ...

شهید‌لر وطنین عشقی, آمالی, شهید‌لر

وطنین اوغول پایی, قیز پایی. آرتیر,

آرتیر وطنین مقدسلییی آرتدیقجا

ایگیدلرین شهیدلیک سایی.

لاتین الیفباسی نان

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم