تبلیغات
ایران آذربایجانی تورکجه سینین ادبیات اوتاغی - مطالب حکیم خاقانی شیروانی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

کاروان سسی‌نین طریفی

کاروان سسی‌نین طریفی 
بیر سال دنیز رنگلی بتهایه نظر، 
گمی تک گؤر نئجه گئدیر دوه‌لر. 
کیم گؤرموش دنیزی بئله داش کیمی؟ 
  
کیم گؤروب قورودا یئریسین گمی؟ 
گؤر نئجه قاتارلا گئدیر کاریوان، 
سمادا آی گزیر سانکی دورمادان. 
قولاق وئر آرامسیز ووران زنگلره، 
یول بویو سوسمایان بو آهنگلره. 
روح آچیر سحرین ایلیق نفه‌سی، 
قوش دیلی اوخویور زنگلرین سسی. 
بو سسلر اینسانی گتیریر جانا، 
سونسوز لذّت وئریر یولدا اینسانا.

کوفه‌نین تعریفی

کوفه‌نین تعریفی 
باغداددان سونرا دا سن کوفه‌یه گئت، 
کوفه‌نی سعادت تورپاغی زنن ائت، 
کوفه‌یه گیریرکن اولجه، شکسیز، 
دؤرد آرخ گوره‌جکسن اورادا تمیز. 
کوفه‌لی دوشونسه عدالت، شرف، 
هورمتله باخاجاق باغدادا طرف. 
بیر شهر گوررسن، فاضیل آداملار، 
کماللا، لوطف ایله اورادا یاشار. 
کوفه‌نین گئنیشدیر خئیلی ساحه‌‌سی، 
قورتارماز بورانی گزسه ده مسیح. 
یاتیب هود پئیغمبر بورادا راحت، 
نوح دا بو شهرده ائتمیش ایقامت. 
سو، آتش ایجیندن بو یئر یوکسه‌لیر، 
مشریقه، مغریبه گوزللیک وئریر. 

دجله چایی‌نین تعریفی

دجله چایی‌نین تعریفی

دجله‌نین مجراسی فلکلره‌دیر،

فلکلر ده کرخی مئهراب زنن ائدیر.

کرخین بیر قوتبودور یئددینجی فلک،

دریا قطره‌‌سیدیر دجله‌نین، دئمک.

دجله‌ده یویونور اولدوزلار، آنجاق،

بونونچون اولموشدور اوزلری پارلاق.

گاه گوموش دوزلدیر سولاری، اینان،

گاه شوشه یارانیر حوبابلاریندان.

سولاری گولابدیر سانکی، چاغلایار،

اونونلا یوخ اولور باشدان آغریلار.

سولاری اونونچون یارادیر حوباب؟

کی، دولسون حوبابدان شوشه‌یه گولاب.

ائی رسسام، روحلاری گورمک ایسته‌سن،

سئیره دال دجله‌نین جمعالینی سن!

نه قدر کولکله کؤپوک اویناشدیر،

او اوزوک-اوزوکدور، هم ده داش-قاشدیر.

یئرییر عیسی تک او سربست، آزاد،

راهیب تک زنجیره دوشوب، جکر داد.

اوستوندن اسدیکجه یئل، سویو بورور،

گاه یارپاق یارادیر، گاه دویون وورور.

کولک موهندیسلیک ائدیب عملده،

هندسه دوزلدیر گوموش جدولده.

گوموش بیر موهندیس اولماسایدی گر،

اوقلیدیس شکیلی اولاردی مگر؟

دجله‌یه باش اییر دونیادا چایلار،

گلیندن آهسته حرکتی وار.

نازلی بیر بزکجی الی خوش گونده؟

مین ناخیش یاراتمیش اونون اوزونده

ایستیدن داد جکیب یانان اورکلر،

دجله‌نین سویوندان تسکینلیک دیلر.

کووثره برابر بو چای دریندیر،

سویو چوخ ایجمه‌لی، تمیز، سریندیر.

دجله بیر آخیجی، زنگین ثروتدیر،

اونون سایه‌سینده باغداد جنّتدیر.

یئرلر خلیفه‌سی، باخ، بودور باغداد،

چونکی خلیفه‌لر یوردودور باغداد

هوریلر صفینی کئچیب، یئترسن

عیسینین او یوکسک مقامینا سن.

بونلار بیر ظاهری صورتسه، آنجاق،

معنالار عالمی تکجه اودور، باخ!

بونلار بیر پییاده، او ایسه شاهدیر،

او بوتون عالمه ایستینادگاهدیر.

گورونجه بو بؤیوک شنی، جالاه،

گوزونه گورونر حوسنو، جامالی.

قورخورام حضورا گلن زامان سن،

یاناسان اوزونون هرارتیندن.

اونا آتمیش اولسان بیر آددیم اگر،

اولدوز تک او گونش سنه نور وئرر.

او دا جمعشید کیمی عدالتلیدیر،

او دا گونش کیمی هرارتلیدیر.

اوزویو مینلرجه جمعشیده اشدیر،

اونون هر بارماغی نورلو گونشدیر.

اونون کاندارینی اوپر ملکلر،

اونون قاپیسیندا قولدور فلکلر.

قویار اممامه‌سی تاج اوستونه تاج،

او آلار هم یئردن، هم گویدن خراج.

جیینینده شانلی بیر عباسی واردیر،

قولاقدا انبییا نیداسی واردیر.

آلنی چوخ آچیقدیر، سؤزو لذیذدیر،

آتینین نالی دا پاکدیر، تمیزدیر.

او قدر اؤپولموش تورپاغی، بیر باخ،

گووهره دؤنموشدور اونونده تورپاق.

سولطانلیق آختاران بؤیوک آداملار

اونون کانداریندان گلیب پای آلار،

نقش اولوب یئرینده شاهلارین اوزو،

تورپاغی موزئیه بنزه‌ییر، دوزو،

اونونده تورپاقدیر بوتون سولطانلار،

فخر ائدیر تورپاغی اوپمکله اونلار.

آدی وورولماسا بیر پولا، اینان،

چیخماز دینله باغلی زررابخانادان،

قیزیل داشیماسا آدینی اگر،

اونون قیزیللغی بس نَیه دیَر؟

آدینی داشییان قیزیلسا، بی‌شکک

موشتری آلنینا اولار بیر بزک...

موهرویله قارانلیق گئجه‌لر آشکار

سپیلر فله‌یه حسابسیز دینار،

دقت ائت گویه سن، اولدوزلارا باخ،

خلیفه پولودور بو قدر پارلاق.

حرفلری دوزرکن اللهین اؤزو،

یازمیش هر بیرینه موقتفی سؤزو*.

خاقانی ایلهامی آچیب شهپری،

ایسته‌دی مدح ائتسین عباسیلری،

اونلارا دعاچی بیر قوشدور، لاکین،

شروان قفه‌سینده اولموشدور ساکین.

بیر گون خلاص ائتسه اونو آسیمان،

اوچاراق باغداددا قورار آشییان.

باغدادین آبو-هاواسی حاقیندا

باغدادین آبو-هاواسی حاقیندا

باغدادین عشقیله قوجا دونیادا.

عزیز عومروموزو وئرمیشیک بادا.

دیریلیک سویودور سویو، موختسر،

ایجنه ابدی حیات بخش ائدر.

عیسی نفه‌سیدیر اونون نسیمی،

اؤلونو دیریلدر توخونان کیمی.

بورادا فضیلت اهلی، موتته‌سیل،

مشغولدور علمله، هونر ایله، بیل!

اونلارین هر سؤزو مین معنا ساچار،

هر لؤوهی بیر آندا مین مکتب آچار.

هر مکتب سککیز باغ کیمیدیر، بی‌شکک،

هر بیری بئیی‌نین اوچ هوجره‌سی تک:

هافیزه، دوشونجه و خیال، اصلن،

دوغموشدور، یقین بیل، بو اوچ هوجره‌دن.

اونلارین عدالت محکمه‌‌سینده،

اولموشدور بو دونیا بیر کیچیک بنده.

باغدادین تعریفی

باغدادین تعریفی

فاضیللر شهری، گوزلدیر باغداد،

اورادان گؤرونور، سانکی کاینات.

بیر دوست جامالی تک روح وئریر جانا،

اورادا چاتارسان هر بیر آرزونا.

ذؤوق وئریر او، وصال گئجه‌لری تک،

اونسیت مکانی بو یئردیر گئرجک...

گوزل خطتی اولان عزیز کاتیبلر،

یازرمیشلار: "گورمه‌لی یئردیر بو شهر".

کرامت لووهونده یازارکن باغداد،

اونو قئید ائدرلر آیدین: باغی-داد*.

حقیقت اوزومو دریلیر باغدان،

خوشبختدیر بورادا یاشایان اینسان.

بورانی بیر جنّت زنن ائتمیش آدم،

گئدرکن تاپشیرمیش ملکلره هم.

دجله اونا گوره آخیر بورادان،

کی، چایدا ملکلر یویونسون هر آن.

جمعالددین موصولو ایله

جمعالددین موصولو ایله

گؤروش و اونونلا صؤحبت

ائی فلک جلاللی، اوجالسین شانین،

داها روونق تاپسین سنین اونوانین!

ائی دونیا شوهرتلی، سنین نفوذون،

یوکسلسین فووقونه آیین، اولدوزون.

اوزونسن، من بونو ائتمیشم یقین

بیرینجی رقمی تانری خطتی‌نین.

پارلاق ایشیق سالدین زمانه‌یه سن

اولدوزلار نور آلیر سنین کولگندن.

خیلقتین دؤرد آرخی، گورونسن اگر،

سنه قیبته ائدیر، پاخیللیق ائدر*.

ووران باش دویونو جان ایلمه‌یینه،

سن اولدون، اومیدیم سنه‌دیر یئنه.

او بیری دونیایا بیزی بیر زامان،

اوزونله آپاران سن اولاجاقسان.

اوخودوم، دینله‌دی او سؤز حاکمی،

بَیندی اورکدن شئرلریمی.

او، صدف آغزیندان سپدیکجه گووهر،

ائله بیل دولوردو دورله دنیزلر.

همیشه چیخسا دا، دورلر دنیزدن،

او دورر دنیزلری یاراتدی سوزدن.

دوشن میرواریلر ایکی دوداقدان،

هر ایکی دونیانی بزردی، اینان!

نوردان یارانمیشدیر نیطقی، نفه‌سی،

شیکارگاهین تصویری

شیکارگاهین تصویری

نهایت، یئتیشدیم خوش بیر مکانا،

بورا شیکارگاهدی بؤیوک سولطانا.

گوزومه گؤروندو بو یئر چوخ آلی،

میثیلسیز بیر جمعن، گوزل، صفالی.

اونون قارشیسیندا سؤنوکدو دونیا،

یا حرف اوزرینده سوکوندو گویا*.

بورادا قورولان یوکسک چادیردان،

سانکی گؤرونوردو مینلرله جاهان.

بورا شاه مئیدانی بیر شیکارگاهدی،

قوربانلار کسیلن بیر باریگاهدی.

یوز سارای ایردی قارشیسیندا باش،

بو سارای یوز گویه، فله‌یه سیرداش.

گلیب بو سارایا سولطان ایکی یوز،

سورموشدور بو درگاه تورپاغینا اوز.

هر بیری اوچ دفعه‌‌ اؤپوب تورپاغی،

لاتین الیفباسینان

سفر تفسیلاتی

سفر تفسیلاتی

دؤورون امیری‌نین فرمانییلا من،

نهایت، قورتاردیم شیروان بندیندن*.

صفرده صحرالار چیخدی اونومه،

یورغون بدنیمی سورودوم یئنه.

اوزاشدیم شیروانم قهتلیگیندن،

وبال چایینی کئچیب گئتدیم من.

شیروان مهبه‌سیندن اوزاغا گئتدیم،

بیر مقصد دالینجا ایراقا گئتدیم.

قالدی قارا دنیز منیم آرخامدا،

صفیدرود چایمی کئچدیم بیر آندا.

گؤردوم کوهیستانا چاتیب، نهایت،

سککیز بهیشت کیمی یئددی ویلایت.

تورپاغی عیسییا توتییا وئرر،

داشلاری موسایا کیمییا وئرر*.

اورادا هر ایلین دؤرد باهاری وار،

ایکی بایرام گؤرور گونده او دییار.

نظری جلب ائدیر قامیشلیقلاری،

قرنفیل باغلاری، مئیوه باغلاری.

اونون هر طرفی بیر گولوستاندیر،

گوزل عطیر وئرن باغدیر، بوستاندیر.

ایکی توپ قویموشدور خوزیستانا او،

اوچ ضربه‌‌ وورموشدور هیندیستانا او*.

تورپاغی جمعندیر اونون باهار، قیش

چایلارین بئلینه کؤرپو چاتیلمیش...

تاغلی کورپولری یئددی گؤزلودور،

گوللری ساپلاقدا سککیز اوزلودور.

قاچاقدان، قولدوردان آسوده، لاکین،

خزیندارلاری بوسبوتون خاین.

تسسوف، بئله بیر فوسونکار جنّت،

اولوبدور جهنم اهلینه قیسمت!

کسر وحشی کیمی یوللاری اونلار،

گوندوز یاتیب، گئجه ائدرلر شیکار.

اونلارین حیاتدا مقصدلری یوخ،

اینسانلیغا آزجا هورمتلری یوخ.

یولون کنارینا چیخیب، سحرلر،

گویا قوناقلاری قبول ائدرلر.

لاکین، او حیله‌‌گر تولکولر هر آن،

پوسقودا دوراراق، گودورلر کاروان.

اول یول گوستریب کاروانا اونلار،

سونرا دا یولونو کسیب، سویورلار.

اوزده گولسه‌لر ده، دیشلری قانلی،

زؤهاک آغیزلیدیر، اژداها جانلی.

ایستی قومدا بیشمیش یومورتا کیمی،

دویغوسوز قلبلری دویا بیلیرمی؟

اهلی-اینسان دئییل، سانکی، حئیواندیر!

طوفانلی دنیزتک چوخ بی اماندیر.

اونلار نه دیندیرر، نه ده کی، دینر،

نه فریاد ائشیدر، نه آمان بیلر.

اوردا اوغرولارلا دوستدور دارغالار،

هره‌نین مین دیلی، مین اداسی وار.

یامان نا‌اهل اولور او یئرین اهلی،

هم اوددور، هم سودور اونلارین دیلی*.

بلا رنگی وورور بویاقچیلار دا،

اودور کی، قارادیر آداملار اوردا.

سامیریلر کیمی دانیشان زامان،

اود، آلوو پوسکورور آغیزلاریندان*.

جورکجیسی دخی یامان خسیسدیر،

ظاهرا ملکدیر، لاکین ایبلیسدیر.

گئجه آدام یئیر اورادا آشپاز،

گوندوز عیسی ایله ائیله‌یر نیاز.

قسسابی هر گونده نئجه جان آلار،

بویاقچی رنگ اوچون قیزیل قان آلار.

آدامین اوزونه گولور درزیلر،

داخیلده هامیسی خبیس، حیله‌‌گر.

دوولت آداملاری اوغرودور تامام،

روشوتله دولانیر حاکملر مودام.

غرض... جانیلردن تئز آیریلاراق،

گئتدیم، اوزلرینه قالدی باغچا، باغ...

Latincə

"بیر" گلیب "مین" اولار، اگر اونو سن،

"بیر" گلیب "مین" اولار، اگر اونو سن،

یئریندن اوچ خانا سولا کوجورسن*.

پییادان کئچدیمی یئددی خانه‌نی،

اودماق جتین اولار، چوخ گومان، سنی*.

صدفجین قطره‌‌لر گویلردن ائنیر،

میرواری گزمکله قییمته مینیر.

خوسوسن، سیاهت - دونیانی گزمک،

بؤیوک آداملارا اولموشدور بزک.

قضا پرگاریم سانجیب درینه،

قویدو ایلک نوقته‌نی یئر اوزرینه

کاینات یئر ایله بئله یوکسه‌لیر،

هر خطت بیر نوقته‌دن باش آلیب گلیر.

تورپاق جووهریدیر بو کایناتین،

هم خزینه‌سیدیر جواهیراتین

دونیانین بئشیگی اولموش بو تورپاق،

تورپاقدان دوغولموش معنالار آنجاق.

مصطفی تورپاقدا یاتدیغی اوچون*،

یئر گویدن عزیزدیر، اوستوندور، اوستون!

اورک ایکی‌اوزلو آینادیر، آنجاق،

اونو دا هیفز ائدیر بیزیم بو تورپاق.

بیر اوزو ایشیغا مئیل ائدیر هر آن،

دیگری آیریلمیر قارا تورپاقدان.

تورپاقدیر بئشیگی بوتون خیلقتین،

هر باکیر معنانین، سؤزون، صنعتین.

دایما دؤور ائدن بو ماوی گویلر

یئرین، مخلوقاتین دالینجا دونر.

تورپاغا هورمتله آیاق باس کی، سن

یئرده اؤز-اوزونه گویرمه‌میسن.

صفرده اوزاغا توتوب اوزونو،

دؤردونجو ایقلیمه چاتدیر اؤزونو*.

او دؤردونجو ایقلیم یئددینجی گویدن،

یئرین سایه‌سینده اوستوندور، بیلسن.

گونش، اولکلره، قیزاردیمی دان،

یاییر اؤز نورونو دؤردونجو قاتدان.

دؤردونچو نووبه‌ده یاراندی اینسان،

سیرادا دؤردونجو کیتابدیر "قورآن"*.

دؤردونجو اولکه‌یه صفر ائت سن ده،

چاتارسان مقصده بو صفرینده.

گؤیون دوققوزونجو آتینا آتلان،

ایراقا یولا دوش بیر آن دورمادان!

دردینه بیر جاره آختارسان اگر،

اونا یئنه ایراق بیر جاره ائدر.

تورپاغی او دونیا تورپاغینداندیر،

دیریلیک سویو تک سویو درماندیر.

یاناغین قیزارار ایراقدا اولسان،

آغزین دادا گلر اونون سویوندان.

او یئرده چوخ گوزل آبو-هاوا وار،

آزجا اوردا قالسان، سنی ساغالدار.

آبی-کووثر کیمی شفاف بولاقلار،

عرضین مرکزینده اولدوزتک پارلار.

دونموش بیر روحداندیر تورپاغی اونون،

اودور کی، عزیزدیر قوجاغی اونون.

گؤیون اوست قاتیدیر ایراق تورپاغی،

گؤی ایسه او یئردن دورور آشاغی.

مندن اویرندیگین بو سوزلری سن،

تئز ایراق اهلینه چاتدیرا بیلسن،

او زامان، یقین کی، سنه ملکلر،

هر آددیم باشیندا آفرین دئیر.

"الیف" قامتیمی "میم" کیمی ایدی*.

"الیف" قامتیمی "میم" کیمی ایدی*.

ائی گونش بو قوجا دونیادا تکسن،

خالقین قاپیسیندا همیشه‌لیکسن.

من قاپی حالقاسی اولموشام دئیه،

آهیم حالقا-حالقا یوکسه‌لیر گویه.

ائله کی، بو آهلار سینمدن آخیر،

منیم بوغازیمی یاندیریب یاخیر.

یوکسه‌لیر گویلره، او، زنجیر تکین،

کئچیر آیاغینا بناتین-نشین*.

چوخدور پنجره‌سی گونه باخانلار،

هر حالدا، منیم ده بیر پنجه‌رم وار.

موهتشم بایراغین یوکسه‌لن زامان،

مین دویون آچیرسان، نه اولار، بیر آن.

منیم ده گؤزومون پنجره‌سیندن،

باخاسان بیر آنلیق اورگیمه سن...

کیم کی، دال قاپیدان آلیر روزونو،

یئنه پای وئریرسن اونا نورونو.

ائله آداملارا اوزوک وئریرسن،

کی، اونو تورپاغا آتیرلار همن.

بیر سوفره کی، اوندا چوخلو قیزیل وار،

او سوفره‌نی یئره کیم توتوب چررپار؟

بالیقتک یوز قیزیل پولو اولانلار،

بیلیرلر اونلارین مین دریاسی وار.

دوولت نه قودرتین، نه هونریندیر،

منصب ده، ثروت ده ناکسلریندیر.

کیم کی، آلچاقلارا ائدیر یالتاقلیق،

یئتیر مورادینا، ائله‌ییر شاهلیق.

اینصافدان اثر ده قالمامیش، گؤر بیر،

زامانین الیی نه ظلم اله‌ییر؟!

ایندی بو دونیادا قالمامیش نیشان،

ایگیدلیک، کیشیلیک و آداملیقدان.

فله‌یین دؤورانی دیَیشمیش، آرتیق،

گونشین اؤزو ده ائدیر پاخیللیق.

یوخ، تامام یانیلدیم، هله‌لیک، بسدیر،

بونلار گلیب کئجن آنی هوسدیر.

* * *

...ائی گویلرین گؤزو و پاسیبانی!

- ائی یئر جورکجیسی و ارمغانی!

ائی یئددی جمعنه یاشیللیق وئرن،

ائی آلتی گلینی آل بضادیرن*،

ائی هئچ قاپانمایان، هر واخت آچیق گؤز،

ائی یامان اودلو دیل، - دئمه‌دن بیر سؤز؛

سنین قودرتینله باغلاردا مودام،

بوی آتیر هم اییده، هم پوسته، بادام.

سن گؤی گونبزینه یاغدیراندا نور،

آیین دا کیسه‌سی نارینجلا دولور.

بیر سنین ساینده بو گویلر آنجاق،

باغلاییر بئلینه قیزیلدان قورشاق.

قیزیل نشترینله سن قان آلیرسان،

گئجه‌نین قاپقارا زولمت قولوندان

قیزیل شفقینله دونیالار یانیر،

عالم آل-قیرمیزی رنگه بویانیر.

سنین ایشیغی‌نین سایه‌سینده قان،

گووهر اولور داشدا قالدیغی زامان.

دئ، هانسی باش تاجی منی اونودور؟

خاقانی اؤزو ده سنین قولوندور.

قبول ائت یولوندا باشیندان کئجن،

بیر قولون باشینی توهفه کیمی سن!

ائی، بوتون گوزلره دایم نور وئرن،

حقیقت عالمی، حقیقت گورن.

سنی اولدوغون تک بیلمه‌سم اگر،

باغیشلا، کور کیمی اولور قریبلر.

ائی، گووهر سوررافی، اؤزون واقیفکن،

نییه بیر ده مندن سیرر اویره‌نیرسن؟

آوام بیر کیشییم، ساوادیم دا کم،

نه یئره، نه ده کی، گویه بله‌دم.

نه یاخشی بیلیگیم، فراستیم وار،

بئله بیر آدامدان نه اومماق اولار؟

اؤزوم ده خجالت جکیرم بو آن،

اوزومو تر باسیر اوتاندیغیمدان.

سنه تزیم ائدیب، من باش ایه‌رک،

دورورام قارشیندا قولو باغلیتک.

سحر عذر ایسته‌ییر، باخ، عوضیمدن،

منیم گوناهیمدان گرک کئجه‌سن.

هر زامان گولردیر اوزو سحرین،

چونکی آیناسیدیر دوغرو کسلرین.

آپارسین عذرومو سحر نسیمی،

قوباردان تمیزله توزلو قلبیمی.

خاقانی مجلیسی سنین نوروندان،

ذؤوق آلیر گویلرده یاندیغین زامان.

بیلدین هر سیررینی، هر عادتینی،

ایشیقلا گوستردین عبادتینی.

قورو، یاش اولورسا اونون اودونو،

یقین کی، سن اؤزون ائدیرسن بونو.

سندندیر الینده گول-جیجک اولسا،

سندندیر اوووجو قیزیللا دولسا.

سنینله همسوببت اولدوغو زامان،

یونو ایپک کیمی یومشالیر، اینان!

دونیانین بوز کیمی سردابه‌سینه،

جلالم هرارت بخش ائدیر یئنه.

اونوتماییب اونو، سوزولدوکجه سن،

هردن قاپیسیندان، پنجره‌سیندن.

هورورسن قیرمیزی قیزیلدان جونا،

اوتاغی بضایر، گیریر مین دونا.

دولدوروب ائوینی بزکله، پوللا،

اونون اته‌یینی خالص قیزیللا،

سیلیرسن، قالدیریب یئردن باشینی،

هم آلین توزونو، هم گؤز یاشینی.

هر آغیر خسته‌نین درمانی سنسن،

شیروان مهبه‌سینده بیر دوستاغام من.

ایکیمیز ده درددن سارالمیشیق بیز،

اود-آلوو ایجینده یانیر قلبیمیز.

چوخ گیلئی ائتمیشیک بیز اللریندن،

وفاسیز دونیانین عمللریردن.

بدنیم درد اوچون بیر کور قویودور،

هم دمیر داغیدیر، قورورلا دورور*.

سیرلری قویوتک اورته‌سن گرک،

ایفشا ائتمه‌یه‌سن اونلاری داغتک.

عجم خاصیتلی آدامدان بیر آز،

گیزلی سیرر ائشیتسن فایداسیز اولماز،

Latincə

گونشه خیتاب و قیزیلی مذمّت

گونشه خیتاب و قیزیلی مذمّت

...اوشاغا خوش گلیر قیرمیزی، ساری

کیشی جومماز لعله، قیزیلا ساری.

قیزیل گول فنایا گئتمزدی، اینان،

گولو اولماسایدی لعلدن، قیزیلدان.

پیسلیک ذاتیندادیر قیزیلین اصلن،

گوللری اولومه اودور سؤوق ائدن.

قیزیلین میقداری آرتارسا اگر.

دولار صاحبی‌نین قلبینه کدر.

کیم ییغسا قیزیلی کیسئیه، بی‌شکک،

بوغازی ایلمه‌یه کئجر کیستک.

کیمین قیزیلدادیر گوجو، یقین بیل،

کوله‌دیر، قیزیلین صاحبی دئییل!

بیر موهنت اودودور جانا سیمو-زر،

دوز اولار، قیزیلا دئییلسه "آذر"*.

زردوشتون آدینین اولیدیر زر،

زره سجده ائدیر آتشپرستلر*.

زر نه دیر؟ سؤنموش بیر آتشدیر، آنجاق،

اونا دئمک اولار: بیر اؤلو تورپاق.

بلکه اونو یانمیش تورپاق سانیرسان،

قیزیل اود پارچاسی اولموشدور، اینان!

اورک جئشمه‌سی‌نین باغلانمیش گؤزو،

بئله سؤنموش-اودلا آچیلماز، دوزو.

قلبینی قیزیلا باغلاسان آز-ماز،

بو قاپی اوزونه هئچ واخت آچیلماز.

تاماه دمیریندن گئیینسن پالتار،

قیزیل پالتارینا میقناتیس اولار*.

بو دمیر پالتاری چیخارسان اگر،

درحال قیزیل ماقنیت سندن ال جکر.

قیزیل هم اوغرودور، هم ده گولبه‌دن،

بیریوللوق اوز دوندر ایکیوزلودن.

او بوت گورونسه ده موقددس پری،

سیندیرماق لازیمدیر ائله بوتلری.

خاقانی ایسته‌مز اولسون تاماهکار،

قیزیلا، یا بوته اولسون پرستار.

چوخدان اویرنمیشم بوت قیرماغی من،

قاچمیشام آتشه باش اینلردن*.

آلتیباشلی دونیا آرزولار اینسان،

قیزیل یئددیباشلی ایلاندیر، ایلان*.

کیمین گوزلرینده قیزیل توتوب یئر،

او، آینایا باخیب، اؤزون گورمه‌ییر.

* * *

سن، ائی گووهرلره گوزل رنگ وئرن،

هر شئیه بیر صورت، بیر آهنگ وئرن.

دونیادا هر کسه عزیز، مهریبان،

هامییا بیر باخان، بیر قییمت قویان!

گونش! سن هر شئیه نوروز ائدیرسن،

چوخ بؤیوک، چوخ اوجا اولسان دا، بضا،

ائنیرسن اوستونه قارا تورپاغین،

آیاغی آلتینا هر بیر آلچاغین.

ائی، کیمسه‌دن ایشیق اسیرگه‌مه‌ین،

نه اوچون کسیرسن نورونو مندن؟

دوستدان اسیرگه‌دین مهریبانلیغی،

آنجاق دوشمن ائدر بو یامانلیغی.

شیروان نور جئشمنه قرق اولوب تامام،

بس نییه من بئله قارانلیقدایام؟

دردیمی آچماغا بیر همنفس یوخ،

خوش سوهبت ائتمه‌یه یاخین بیر کس یوخ،

موهنتله سینه‌سی داغلی قالمیشام،

قوصصه‌‌ده آیاغی باغلی قالمیشام.

پارس اودو پوسکورور دوداقلاریمدان،

ائدیب هیند خنجری قلبیمی شان-شان*.

قاپی حالقاسیتک آسیلییام من،

سیزلارام هر یئتن نامرد الیندن.

گرکسیز داش کیمی باشسیز، آیاقسیز،

قارانلیق گوشه‌ده قالمیشام یالقیز.

باشیما بیر جکیج ضربه‌‌سی دیَدی،

Latincə

گونشه خیتاب

گونشه خیتاب

اوروج آغیزلارا ائی مؤهور ووران،

ائی وئرن باهارا گوزللیکله جان!

هر سما جیسمی‌نین سنسن محرمی،

ائی دونیا مولکونه آتش زمزمی.

آیا ایشیق وئرن سونسوز فلک ده،

ساینده دینجه‌لیر هر کلبک ده.

قورخوندان بو ماوی سمادا سحر

گیزلنمیش مینلرله رعنا گوزللر.

کاینات ایجینده آچاراق قاناد،

نارینجتک دایما گزیرسن آزاد.

باغلیدیر هوسنونه هر ایکی جاهان،

سنسن زنجیلرین توکونو بوران.

جئجه‌لر قارانلیق، گوندوزلرسه نور،

سنین لوطفون ایله برقرار اولور.

سن قیزیل سپیرسن اؤز خزینندن،

دونیایا سن موفته ایستی وئریرسن

اولورسان گاه حیات آرتیران کووثر،

گاه شولن بیجاقتک عومورو کسر.

سن هر بیر قاپییا بیر باش وورورسان،

هر چؤر-چؤپ سنینله اولور کامران.

قؤوسی-قوزئهی ده رنگله‌ین سنسن،

بیر سامان چؤپو ده رنگ آلیر سندن.

سنینله بضایر دونیا جامالی،

ساینده دیَیشیر عالمین حالی.

ائدیرسن سولتانا، یوخسولا هورمت،

گویلردن آرتیقدیر سنده سخاوت.

آیا سن وئریرسن موفته نور دونو،

آلیرسان یئنه ده گئرییه اونو.

یا وئرمه خلتی مؤهتاجلارا سن،

یا دا وئردیگینی آلما الیندن.

هر بیر تاج سنینله ائدر ایفتیخار،

اوتلار دا ساینده بوی آتیب قالخار.

نئچین یار اولورسان آخماقلارا سن،

نئچین پای وئریرسن آلچاقلارا سن؟

تورپاقدان سن ائتدین هر شئیی ظاهر،

یاراتدین هر یئرده قیزیل، جواهیر

بس نئچین چوخلارین کدره باتدی؟

ایقبالی اونلاری تورپاغا آتدی؟

Latincə

باشلانغیج

باشلانغیج

بو قارا تورپاقلا ماوی آسیمان،

قویموشدور دونیادا بیزلری حئیران.

بو فلک، بو تورپاق نه قدر کی وار،

عومور کیسمیزی بوشالداجاقلار.

قریبه دئییلمی، سما دؤور ائدیر،

لاکین ثابت دورور مهورینده یئر.

بو ایکی سئهرباز هر آخشام-سحر،

اینینه گاه قارا، گاه آغ دون گئیر

سارسیلیر وارلیغین ایندی تمه‌لی،

آچیر قاپیلاری هئچلیگین الی

دؤرد حامبال بئلیندن آتیر یوکونو*،

نه ایلی گؤرونور، نه آیی، گونو

گؤی آتی ترک ائدیر گؤیون تاغینی

سالیر هم نالینی، هم دیرناغینی*.

پلنگ دریسیتک گؤی خال-خال اولور،

هر شئی بوشلوق ایجره پاییمال اولور.

واختدیر، اؤز دووروندن قالسین فلکلر،

رقص ائتسین یئرده‌کی خطلر، جوککلر.

هامان بو قوزبئلین، واختدیر کی، بیردن،

بوز دووشان، آغ سیچان دوشسون بئلیندن*.

دیشیلر قالسینلار بالا دوغماقدان،

قارینلار دوواغا دونسونلر بیر آن.

آلا گوزلرینه چیخسین بیر یارا،

دونیانین گونونو ائله‌سین قارا.

چونکی اینسانلاردا، قالمامیش، البت،

نه دوستلوق، نه وفا، نه ده اونسیت.

دونیادا قالمامیش اعتبار، بلی،

گوزه گورونمه‌ییر بیر اینصاف اهلی.

قانون-قایدا ایتیب، باخ، بیردفه‌لیک،

نه دینجلیک قالیبدیر، نه آسوده‌لیک.

ایندی دین گویونده دججاللار چوخدور،

هئییف کی، خلاصکار بیر مئهدی یوخدور*.

بو دونیانین الی پییالمیزه،

هئی زهر سوزه‌رک، ایچیرتدی بیزه.

گؤی، سیتم شربتی حاضرلایاراق،

اونو عاریفلره ایچیرتدی آنجاق.

آخماقلار گوزونده دونیا هئچ زامان،

سئجیلمز بیر اوشاق اویونجاغیندان.

قضا تاختاسیندا بو عقلیکملر،

الیفبا اویره‌نیر هر آخشام-سحر.

خاقانی حیاتین سیررینی قانیب،

تورپاغین اوستونده موهکم دایانیب،

اوز توتوب، هورمتله دئییر ائللره،

اونو احتیراملا دینله‌ینلره.

Latincə

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم