تبلیغات
ایران آذربایجانی تورکجه سینین ادبیات اوتاغی - مطالب مهستی موسی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

اؤزومه قایتار منی

اؤزومه قایتار منی

تؤک اوستومه

بوتون دردلری، ایلاهی.

اینسان‌لاردان ییغدیغین

غضبینی تؤک اوستومه.

عصبینی

توپلا بارماق‌لارینا،

باس باشیم‌دان.

پیانو دیلینه دؤندر ووجودومو،

تؤک اوستومه آتشینی، اودونو.

ازاب نغمه‌سی چال بدنیمده

چال، چال، چااااال !!!

جانیم آغری‌سین، یانسین.

هایقیرتیم‌دان

یئنی نوت‌لار یارانسین.

و جیلغین نغمه‌یه دؤنوب

چیخیم بو بدن‌دن.

قوپار منی، ایلاهی،

قوپار، آل منی اوندان.

گلدیگیم پاک یولوما،

ایزیمه قایتار منی.

یالواریرام، ایلاهی،

اؤزومه قایتار منی !

اؤزومه قایتار منی !

مهستیدون گئجه

مهستیدون گئجه

تانری سیخمیشدی منی کؤکسونه.

یوخ، او اؤزو چیرپینیردی سینمده.

دون گئجه

من اؤزوم تانری ایدیم

یومروق بویدا بیر تانری.

ائله باخما گؤزلریمه،

ائله باخما

من دلی دئییلم.

***

بیر تکلیفیم وار

ایچیمیزه چکک آی ایشیغینی،

بورونک بولودلارا

و یوماق گؤزلریمیزی.

هه، نه دئییرسن؟

***

منیم اورییم

سئوگیم بویدا

سئوگیم

سوکوتوم قدردیر.

ائئئی، سوکوتوم قارسار سنی

گئری دور !

قیسقانج کیشی‌نین آروادی

سیخیلا‌جاق اول

سیخیلا‌جاق بو اینام‌سیزلیق‌دان.

آغلایا‌جاق، قیشقیرا‌جاق، لنت اوخویا‌جاق

اونونلا راستلاشدیغی گونه.

چکیلیب اوتاغینا

سؤیه‌جک بختینه، دؤیه‌جک دیزینه.

سونرا کوسه‌جک هر شئی‌دن،

سوساجاق…

بیر گون قفیل

چیخیب “قم اوتغی”ندان

آتیلا‌جاق اری‌نین بوینونا

اؤپوش‌لره قرق ائده‌جک اونو.

کیشی‌سی‌نین حاق‌لی اولدوغونو

“اعتراف” ائده‌جک البت.

ارینی مست ائله‌ین

بو “اعتراف”این آرخاسین‌دان

آجی-آجی گولومسه‌یه‌جک

عصیان دولو خیانت !!!

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم