تبلیغات
ایران آذربایجانی تورکجه سینین ادبیات اوتاغی - مطالب سعید موغانلی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

توركوستان آدلی خاتین

دوغولور شرقدن توركون گونشی
تانری توركو قوروسون دئیه

و آددیم آتاندا

هئچ خیشیلدامیر قورو یارپاقلار

و خییاوان- خییاوانا پیچیلداییر:

اوز- گوزونو سیل بیر خاتین گلیر

آسفاتلار دوشه نیر آیاقلارینا

و آغاجلار قولو بوینوندا دایانیرلار

مئیدان چیراغلاری قیزاریر اوتاندیغیندان

و یاشیل چیراغلار گوزله شیر احمال- احمال



و خاتین دئمه تربیز

گنجه،قاراباغ

داش كنددیر،ایستانبول

اورال دی، گوی گول دیر

قارا دنیز دیر

ساوالان دیر، دلی كور دور

گولوشو توركمن آتلارینین كیشنه مه سی دیر

باخیشی آنادولو داغلارینین دلی بوز قوردو

دوزلو لوغوندا بیزیم بو اورمو گولو

دلی لیگینده خزر

حسرتینده آراز

بیر كیشی سینه گوز آتاندا

مین كیشی نین دایانیر اوره یی

آه خاتین... آه خاتین... آه خاتین
اوره گیمیز اوجاقدا پیشیر
جیگرلریمیز دوستاقدا
دیلیمیز آغزیمیزدا قورویور
بیر خاتین كلمه تكرار اولاندا

آه خاتین...

اللرینی بوز قوردا اوزات

و اونو...

اوخو اشهدی قاراباغین شیكسته سیله اوخو

و اولا آلتای مینالریندن

(اولا:)

-       سو نرگیزی یارالانماسین دئنن،

            آمین!...

و باغیرمایاندا چیچكلر

قور ائتمه سین دوداقلاری

        آمین!...

و اینسانلار كیمی

پارتلاماسین آللاهین اوره یی

تامارزی دان

          آمین!...

           خاتین آمین...

...

آه خاتین...

قاراباغدا قوردلار اولامیر سنسیز

بابكین قالاسی آغلاییر یالقیز

بویور آددیم قوی

سنیندیر اوره گیمیز

سنیندیر واللاه سنیندیر تبریز

آچ آیاقلاریندان آچ زنجیرلری

آت باشیندان یئره قارا اورتوگو

سنی گوزللندیرن او ساچلاریندیر

گوزلرین آی سودادیر

دوداقلارین گونشین ایتی قیزماسی

امیزدیر یارالی كورپه قوردلاری

دوشلرینه تاخیلان قین سیز پیچاقدان

تورپاغیمیز دیر بو خاتین

سئوگیمیز دیر

دونیادان بوشانیلمیش

آنامیز دی دئمه

آه... آنامیز توركیستان

ساچلاری سیبری ده آغاریر

آیاقلاری بیزیم بو تبریزده

     قاندال لارا باغلانیر

سول قولو سین كیانگ دا چین دووارلارینا

     هوروكله نیب

ساغ قولو میصرده چابالیر، بوسنی ده قاناییر

     یونوندا دویوشور

(آه آنام)

چیگنینده آیی پنجه سی

دوشلرینده پیچاق یاراسی

آه دوشلریندن امدیگیمیز سود

چچنده حارام اولور

و كوپك لنینین میردار كوچوك لری

سینه سینده هوروشور

قابان كمونیست واراقلاییر

سوسیالیزمین قورو قوسماق كیتابلارین

جنتدن ائی قافقازیمدا

دوشلرینده یالانچی بیر دموكراسی

قازیر چینین پاندا آیی لاری

تمدنلر دانیشیغی كلاشینكف گوجو ایله

اویور گوزوموزون گیله لرین

یا اول، یا آنلاما شعاری ایله

تمدنلر دانیشیغیندا

آلیش- وئریش اولور

تاپدالانمیش میللتلرین ائلی- دیلی

دجل قونشولارین اللرینده اویونجاقدیر قاراباغ

آه باجیمیز قاراباغ

گره كلی احتیاجیمیز قاراباغ

آه قاراباغ...

آه دومانلی داغلارینین شیكسته سی آه...

دوشلری ظولمدن یاریلمیش سونام

ساچلاری كین له كسیلمیش آنام

آه آنام...

آه یارالی توركیستان آه...

 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم