تبلیغات
ایران آذربایجانی تورکجه سینین ادبیات اوتاغی - مطالب صائب تبریزی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

مستلیک نیشانی آرتیب اوزونده دیلنوازین،

مستلیک نیشانی آرتیب اوزونده دیلنوازین،

باهاردا آرتیرار چون نیگار دا خابی-نازین.

قالماز اورکده تابی، کیم بیرجه یول گؤررسه.

باغا قدم قویاندا حوسنون او سروینازین.

عقلین قورورو نئیلر عشقین گوجو اؤنونده؟

یوخ قورخوسو ککلیکدن داغلاردا شاهیبازین.

یوخسوللوقدا قورخوتماق عاشقلری ناحاقدیر،

عومرون بویو قالاجاق آلنینداکی او یازین.

اگر محمودون امری هینده قدر چاتیبسا،

آنجاق او باش ایردی فرمانینا آیازین.

بیر یول گئدر حیاتدان صادق اولان عاشقلر

ایلده بیر یول کؤچ ائیلر قافیله‌سی هئجازین.

قورخوم بودور کی، ایشون هوسیمی اویاتسین،

آرزوسونو چین ائتسین بو ایلهامی دیَازین.

دانیش یارین زولفوندن یولو قیسالدا بلکه،

افسانه‌دن دانیشماق اوزاق یولدا نه لازیم.

دوداق دیلین اوجوندان اؤز قانینی ایچر، بیل،

شام تک یانان اورگین ائشیتمزلر آوازین.

گؤزللیگین نیشانی اؤنجه؛ حیالی اولماق،

حیالی اولسان، ائی گول، حاصیل اولار نیازین.

صایب، مجازی عشقین حقیقتین تاپیبسان،

حقیقته دؤنوبدور اونونچون دا مجازین.

اولدوق نئجه حالین دویانی بیز بو جاهانین

بیزده گؤرونور سیرری-نیهانی بو جاهانین.

اسرارینی فاش ائیله‌مه‌دی دونیا، بیز اولدوق -

هم آیناسی، هم آینا توتانی بو جاهانین.

سوسدوقدا دؤنوب سیر دولو گؤوهر اولوروق بیز،

دیندیکده بیزیک اودلو بَیانی بو جاهانین.

تورپاغین اورک داغی کیمی یازدا گؤیرریک،

اوزده اولاریق فصلی-خزانی بو جاهانین.

کؤهنه شراب ایله اورگی نشلنن پیر -

اصلینده بیزیک بختی-جاوانی بو جاهانین.

قطره‌ دیَیشیب گؤوهر اولار صؤحبتیمیزدن،

بیر دورر کیمیگیک، شؤهرتی-شانی بو جاهانین.

زنجیره سالیبدیر بیزی اول آهو نظرلر،

دیوانه‌سیگیک هم ده کی، جانی بو جاهانین.

دوزلوکده بیزی الده عصا ائیله‌دی دؤوران،

سونرا ایه‌رک ائتدی کمانی بو جاهانین.

هوشسوزلوغوموز یادلاری قلبن شاد ائدیبدیر،

یاتدیق، یوخودا کئچدی هر آنی بو جاهانین.

کاروانیمیزین زنگینی عکس ائیله‌دی صحرا،

بو آهی ایدی، هم ده، فقانی بو جاهانین.

بیزده جمع اولوب سیرری ایکی دونیانین آنجاق،

هم حئیرتیگیک، هم ده گومانی بو جاهانین.

ظاهرده اگر گؤزلریمیز پردله‌نیبسه،

اولدوق گئجه شامداندا یانانی بو جاهانین.

صایب، خبرین یوخدومو بو مجلیسیمیزده

موشکولدو اولا درده قالانی بو جاهانین.

آیا بنزر اوْ گؤزل آلدانار هر یاغلی دیله.

آیا بنزر اوْ گؤزل آلدانار هر یاغلی دیله.

کیشی ایستر کی، یوْلون ریشه‌سینی آلسین اله.

کیم کی قافیلدی، اوْ راحتدی سسیندن طبیلین،

بیز اۆرک وۇرغوسونو یوْخلایاریق نبضی ایله.

اؤزونو اؤیمک اؤزو جهله برابر کیمیدیر،

گؤدک اوْلسا لیباسین قوْرخوسو یوْخدور ازیله.

حیله‌ ایله هۆنری هاردا گؤروبسن بیر اوْلا؟!

تۆلکولر اوْولایانی اوْولاماییبدیر شیر هله.

دۆشمنی عاجیز حساب ائیله‌مک عاجیزلیک اوْلار،

چوْخ زامان گیزله‌دیلیر چؤر-چؤپون آلتیندا تله.

گؤز یاشی صایبی آلمیش آرایا حاله کیمی،

نئجه کی، حاله چکیب دؤوره‌سینه آی دا، بئله.

Latıncə

صائب تبریزی

 کیتابین آدی : صائب تبریزی نین شعرلری

اؤلچوسو :  468 کیلو بایت

الیفبا :عرب الیفبا سی

دیل : آذربایجان تورکجه سی

صفحه لرین سایی : 104 صفحه

 

ائندیر(دانلود)

توْرپاقدان قۆوت آلیب کئچیر هر آنی عشقین،

توْرپاقدان قۆوت آلیب کئچیر هر آنی عشقین،

لامکان آز قالیر چاتسین مکانی عشقین.

گئجه قایساق باغلامیش، گۆندوز - تزه یارادیر،

آیسیز، گۆنسوز دوْلانیر بیل، آسیمانی عشقین.

بۇ بیر پارچا توْرپاغی نۇرلاندیران فلکمی؟

بلکه حاله اوْلوبدور گؤیده کامانی عشقین؟

تیترگیب قوْرخوسوندان توْرپاغا ائندی گؤیلر،

ایچ بۇ دوْلو کاسانی، اوْل قهرمانی عشقین.

بۇردا دۇز ایله آلماس بیر قییمته ساتیلمیش،

منیم دۇزومسا اوْلدو ملامت کانی عشقین.

اللها چوْخ شۆکور کی، آخیر گتیردی بختی،

صایب ده اوْلموش ایندی بیر پاسیبانی عشقین.

Latıncə

بۇ بؤیوک یوْلدا توککولله بیتیر هر سفریم،

بۇ بؤیوک یوْلدا توککولله بیتیر هر سفریم،

تسبئحی، زۆنناری حؤرمت ایله ساخلار کمریم.

قۇروموش توْخمو بۇلود ایسلادا، بیتمز یئنیدن،

قایغیم آرتدیقجا منیم، آرتدی اۆرکده کدریم.

اوْ خۇمار گؤزلر اوْلوبدور منی ده مست ائله‌ین،

ائله زنن ائتمه منیم یوْخدو قدهدن خبریم.

هاردا اوْلدوم اوْرادا آشدی باشیمدان سۇ منیم،

بنزه‌رم گؤوهره من، قملر آلیب دؤورو بریم.

من سنین فیکرین ایله گؤر نئجه دالدیم اؤزومه،

قۇروموش باشیمین آلتیندا قوْلوم، یوْخ خبریم.

سینمین هر سۆمویو خنجره بنزر نئجه ده،

اوْدلو آهلار ایله دوْلموشدو کؤروکتک جیگریم.

من کی هر توْرپاغا اؤز توْخمومو سپمم، صایب،

قلبی یانمیشلاری گؤردوکده چوْخالدی شرریم.

Latıncə

قم چکمیه لاییق دئییلم, شاد ائله اوندا.

قم چکمیه لاییق دئییلم, شاد ائله اوندا.
ویرانه اگر ائتمه‌سن, آباد ائله اوندا.
تاپشیرما منی خاطراتا, ائیلمه میسکین,
یول گئتمیه وار قوتیم, آزاد ائله اوندا.
بلکه چاتام او قافیلیه, اوردادی قلبیم,
حوممت‌لی آغام, لاییقی-ایمداد ائله اوندا.
اولموش کیمییم, یوخدو بدنده بئله قانیم,
دیوانه دئییب سن یئنه ایجاد ائله اوندا.
دونیا ائشی‌دیر فریادینی صایبین, آنجاق,
سن ده ائشیدیب فریادیمی یاد ائله اوندا.
 
جانی بیز قورتاراریق بو بده‌نین قئیدین‌دن,
سامانی چک کنارا تا کی, اوزه چیخسین دن.
زولف‌دن آزاد ائده گر بو دیلی-دیوانمیزی,
بو حیاتین تورونا سالماریق عومرو یئنین‌دن.
سییمین قارشیسینی آلماغا گر گؤستره جهد,
بیل, چوخا تیک‌دیررهم بو قابا ایپ کؤینیی من.
دوشسه دؤولت قوشو بیر گون توروما, آند ایچیرم,
من سخاوتله اونو قورتارارام دار‌دان همن...
صایبین آچمادی هئچ موشکولونو خالقین الی,
اوزونو اللها توتموش, تک اودور ایمداد ائدن.

 

لاتین الیفباسینان

ساقی, گل ساخسی قدحله قمینی یونگول ائله,

ساقی, گل ساخسی قدحله قمینی یونگول ائله,
هوسیم یوخدو قالیم دونیادا بیر ذرره بئله.
من بو سونسوز چؤلو گزمکده نفس‌دن دوشدوم,
توت علیم‌دن, آخی وار منزیلیمه چوخ یول هله.
گاحی بوینومدا هماییل, گاحی چیینیمده ایدی -
گئتدی زولفون ده اومورتک داها او دوشمز اله.
هله سن ایمتاحان اوچون ائله دیوانه منی,
اوتمسم مجنونو من, قایتار او دم عاقیل ائله.
قورخولو صحرادا یوخدورسا منه مسکن اگر,
صایبم, واردی اورک‌لرده یئریم حؤرمت ایله.
 
گؤز یاشیم ایله دؤنوبدور قارا تورپاق چمنه,
قوربت ائلدن کؤچ ائدیب گلدی خیالیم وطنه.
باخسام حسرتله اگر هر قارا داش پارچاسینا,
نظریم آلتدا دؤنر داش دا اقیقی - یمنه.
او فنا خنجری کسمیشدی حیاتین سویونو,
بو یانان تورپاغا سو وئردی گؤزوم یاشی یئنه.
عاشقین لالیه بنزر اوریی, قانلا دولوب
کاش وئره بادی-صبا موجده سئون‌دن-سئونه.
قارا توپاق او خوتن آحوسونون میشکین عمیب,
بیز شیر آغزیندا ایکن فیکریمیز ئوچموش خوتنه.
صایب, عشق بحری ایله باشلامیشام شعریمی من,
میصراع‌لار تابع اولوب, گؤر نئجه, فرمان وئرن?

 

لاتین الیفباسینان

بۆلبول قفسده اوْلسا قالار چمندن آیری،

بۆلبول قفسده اوْلسا قالار چمندن آیری،

شامی فانوسا قوْیسان دۆشر اوْ سندن آیری.

قلبین دؤیونتوسوندن داغ تیتره‌دی یئریندن،

داغ چاپانین باشینی سالدی بدندن آیری.

سینمین آتشیندن بۇ دۆنیا اوْدلاناردی،

کؤینگیم ائتمسیدی دۆنیانی مندن آیری.

سنین محبتیندن دوْداقلاریم قوْووشموش،

مۆمکونمودور کی، قالسین سئون-سئوندن آیری.

صایب، مندن سوْروشما ندن قۆربته دۆشدون،

سالدی قریب فیکیرلر منی وطندن آیری.

Latıncə

یاخامی وئرمه‌دیسه عشق گؤزللر الینه،

یاخامی وئرمه‌دیسه عشق گؤزللر الینه،

منی اوْوسونلایاراق آخیری سالدی فئلینه.

دؤنمه‌دی چرخی-فلک نئیله‌مک، آرزومجا منیم،

لبلرین آتدی منی سانکی باهارین سئلینه.

ائله پجمورده حالام، بیر نفه‌سیم قالمیش، اوْ دا

قوْرخورام بیر گۆن اۇچا، دؤنمه‌یه اؤز منزیلینه.

قانادی سێنمیش اوْ بۆلبول کیمییم، باغبانلار

کاش سالایدی منی گۆلدن توْخونان زنبیلینه.

کیمسه‌یه یوْخدو گۆمانیم منه دیلدارلیق ائده،

صایب، اۇچدو یئنه ده فیکریم اوْ قۆربت چؤلونه.

Latıncə

تسبئحه ذکر ائتمه‌یه یوْخدور داها هئچ حالیمیز،

تسبئحه ذکر ائتمه‌یه یوْخدور داها هئچ حالیمیز،

وای اوْلا اوْ کسلره بللی دئییل احوالیمیز.

بۇ بۇرولغان کی، گؤرورسن پیشوازا چێخمیش بیزی،

مجنونون رۇحودور اوْ، باشلانمیش ایستیقبالیمیز.

هر هۆباب دریادا بنزر بیر مۆقدس اؤرتویه،

رحمت ایله باشلاسا گر نامه‌ی-آمالیمیز.

داش اۆرکلی کسلرین اوْلسا ترههوم حیسسلری،

درک ائدرلر خالق اۆچون قالخار بۇ قئیلو-قالیمیز،

سادلؤوه کسلر بۇ دۆنیادان گۆدرلر منفت،

بیز هۇماییق، بایقوشا مؤهتاج دئییلدیر فالیمیز.

آلنیمیز قلب آیناسیندان هم تمیزدیر، هم ده صاف،

اوْردا عکس اوْلموش بیزیم ایلک لحظه‌دن ایقبالیمیز.

زنن ائدیردیک هر ایشی آسانجا حل ائتمک اوْلار،

شاهی‌نین جنگینده ایمیش آنجاق ایستیقلالیمیز.

ظۆلمتین رنگیله جؤوهرلنمه‌میشدیر آینامیز،

راحت ائتمیش آبی-حئیواندان بیزی ایقبالیمیز.

بیز کی، میلچک اوْولاماق اۆچون بئله توْر قۇرمادیق،

اوْندا هؤرومجک توْرو اوْلسون گرک آمالیمیز.

ایندی پئشمانلیق اۆزوندن خێرمانا اوْد وۇرموشوق،

صایب، هئچ قم ائتمه یوْخدور یئر اۆزونده مالیمیز.

Latıncə

کیم کی، وارلاندی، سیلیندی خاطیریندن نامیمیز،

کیم کی، وارلاندی، سیلیندی خاطیریندن نامیمیز،

دؤولتین آرتدی، اۇنوت دوْستو، بۇدور ایامیمیز.

هر کسین آرتار مقامی چوْخ یئیر اؤز قلبینی،

اؤزگه جاملاردان کیچیک اوْلسون بیزیم قوْی جامیمیز.

سالدی درده بۇ جمعیت اینجیدیلمیش قلبیمی،

اوْ گۆموش پۇللو بالیقتک پۇللار اوْلدو دامیمیز.

گؤز آچینجا گلدی، کئچدی عؤمروموز، چاتدی سوْنا،

بیر قێغیلجیمتک بیزیم ده یاندی، سؤندو شامیمیز.

سێخدی آزاد قلبیمی بۇ دۆنیانین گۆلشنلری،

قۇمرونون اوْ تار گؤزونده سرو اوْلوب اندامیمیز.

یوْخ مۆعللیم دینجلیگی شاگیرد الیندن هئچ زامان،

زهره دؤنموشدور حیات، چۆن حاصیل اوْلماز کامیمیز.

آرخامیز صحرادی، اؤنده یوْخدو بیر یوْل گؤسترن،

جؤوری-دؤوراندان اوْلوب یۆز پاره قلبی-خامیمیز.

الده لاله رنگلی جام، صایب، اؤزون ده یوْلداسان،

تا فلک دؤوران ائدیر بیل کی، دوْلانار جامیمیز.

Latıncə

اوْل قدر قددیم اییب عشقیم کامان ائیلر منی.

اوْل قدر قددیم اییب عشقیم کامان ائیلر منی.

آلیب الدن آد-سانیم اوْ بینیشان ائیلر منی.

قالمیشام خالقین پناهیندا دئمه، ناحاقدی بۇ،

تاجیرین چاتسا الی بیل کی، تالان ائیلر منی.

مۆشکول ایشدیر کئچدیگین صحرانی بیر ده کئچمه‌یین،

قوْرخورام عشقیم زۆلئیخاتک جاوان ائیلر منی.

بۇ گؤزل گۆللر منی حئیران ائدیبدیر، قوْرخورام -

باغیبان یانیندا بۇ ایشلر یامان ائیلر منی.

قلبی‌نین سیرری نه اوْلدو، بیلمه‌دیم، صایب، اوْنون،

قوْرخورام فیکریم نیهایت خستجان ائیلر منی.

قان وئرمیشم هر کلمه‌یه من اؤز بدنیمدن،

سؤنموش اوْ سۆهئیل اۇلدوزو دؤنموش یمه‌نیمدن.

آیلا گۆنشه، شمه ده مؤهتاج دئییلم من،

چوْخ قلبه ایشیق دۆشدو منیم انجومه‌نیمدن.

کیم صؤحبتیمه آسسا قۇلاق درک ائدر البت،

کؤنلوم قدیر آخشامینا دؤنموش یئنه قمدن.

باشدان آیاغا نئی کیمی دیل-دیل اؤتورمسه،

ظاهرده فقط دیلسیز، آغیزسیز بدنم من.

دیکمیش گؤزونو گؤوهریمه ایندی بۇ دۆنیا،

توْز ذره‌سی آنجاق تؤکولور پیرهه‌نیمدن.

بیز دریادا پالتار هایینا قالمیشیق، افسوس،

کؤینک یئرینه گئی هۆبابی، سؤیله‌یک احسن!

تۇتی نئجه الوان گؤرونور باغدا، چمنده،

من ده بزه‌رم یئر اۆزونو سؤز چمه‌نیمدن.

زهر ایچسم اگر آغزیم آجی اوْلماز حیاتدا،

رۇزگاری آجی ائتدی منه چۆنکی بۇ مسکن.

تۆکدن ده ظریف سؤز یارادان اوْلسا دا صایب،

سؤز مۆلکونه اینجی تؤکوروک بیز ده قلمدن.

Latıncə

شئهلی یاناغا باخماغا هئچ تاقت اوْلارمی؟

شئهلی یاناغا باخماغا هئچ تاقت اوْلارمی؟

طۇفانا گمی دۆشسه مگر راحت اوْلارمی؟

معشوق دۆشه بیلمز کنارا سئوگیلیسیندن،

هر حۆسن مگر آیینه‌دن خلوت اوْلارمی؟

دیشلرسه آنا دؤشلرینی قان امر اؤولاد،

پیسلیک ائدنه یاخشیلیق هئچ قیسمت اوْلارمی؟

هر لاله داغی قلبده مین داغا دؤنورسه،

گئتسن باغا بۇ حال ایله بیر لذت اوْلارمی؟

قددین بۆکولوب، عؤمر گؤدلدی دئمک آرتیق،

ایری دۆزه‌لر هئچ، بئله بیر صؤحبت اوْلارمی؟!

بیر کس کی خسیس اوْلدو اوْنا آسما قۇلاق سن،

دۆشسه گؤزونه قێلچیق اگر زحمت اوْلارمی؟!

یالوارمادی شئه باغبانا؛ قوْی وصله یئتیم من،

عشق عالمیدیر، بۇردا مگر میننت اوْلارمی؟!

ناققال آدامین آغزینی تیکسن، یئنه سۇسماز،

سؤز قانمایانی هئی باشا سال، عیبرت اوْلارمی؟

خوْشدور زارافات کیم باجاریرسا اوْنو، آنجاق -

صایبده اگر یوْخسا بۇ حال، عادت اوْلارمی؟

هیجران دۆیونو قافیله اوْلدو سینم اۆسته،

ساربان اۇیویور، قافیله قالمیش هله دۆزده.

گزمه بۇ چؤلو، بۇردا ائله بیر تیکان اوْلماز

گۆل قؤنچه‌سینی آختارا اوْ، تاپمایا بیزده.

بیر بئیت قدر فاصیلمیز واردی حیاتدا،

معنادا بیریک، آیری گؤرونسک بئله، اۆزده.

دیوانه ده اوْلساق یئنه بۇ صحرادا قاللیق،

زنجیر ده قێلینجتک اییلر گرده‌نیمیزده.

صایب، تزه یازمیش بۇ قزلدن، دئییرم من،

یارین دا خوْشو گلسه، شاد اوْللوق اؤزوموز ده.

Latıncə

کیم دئییر کی, بیر یئره چاتماز بیزیم هر دادیمیز?

کیم دئییر کی, بیر یئره چاتماز بیزیم هر دادیمیز?
داغی یئردن اوینادیبدیر آهیمیز, فریادیمیز.
کؤرپنی یاخشی یاتیردار یاخشی یئللنسه بئشیک,
سیلکلندیکجه بیزیم مؤحکملنر بونیادیمیز.
شیرینین رسمین اورک قانیملا هر آن چکمیشیک,
بیسوتونو ائیلدی مشحور فقط فرحادیمیز.
دوستا نقصان سایمیرام; اونلار بیزی آز یاد ائدر,
بیز ائله دؤورانداییق یاددان چیخیبدیر آدیمیز.
اووو توتجاق تئز کمندله باغلاییرلار اووچولار,
گؤر نئجه چکمیش کمندله داغ بیزه سییادیمیز?
سانما محو اولدوق بیزی قلبلرده آختار سن یئنه,
بیر ده دوشمز سئللره ویران اولان آبادیمیز.
دؤیدو, برکیتدی بیزی, صایب, زامانین ذیندانی,
توبه ائتدی بیر داحا دؤیسون بیزی ئوستادیمیز.
 

قۇروبدو مجلیسی گۆللر یئنه گۆلوستاندا،

قۇروبدو مجلیسی گۆللر یئنه گۆلوستاندا،

چیچکلی سۆفره‌دی بۇ باغداکی خییابان دا.

اوْ آغ لچکلر ایله هر طرف تۆله بۆرونوب،

ائله بیر آغ گئیینن لئیلیدیر بۇ بوْستاندا.

گۆموش تک آغ گؤرونور قاپقارا اوْ توْرپاق دا،

شۆکوفه یارپاغیدیر دقت ائتسن هر یاندا،

اۆرکده‌کی قۇباری آچماغا باغ عاجیز ایدی،

باهار چیچکلر ایله وئردی قلبه درمان دا.

گئجه‌نی صۆبحه کیمی یاتمایان اوْ مستلرتک،

اۆفوقده گۆلدو سحر سانکی بیر بَیاز دوْندا.

نئجه سؤز اهلینی من حئیران ائتمه‌ییم، صایب،

الینده‌کی بۇ قلم بیتمز هر نئییستاندا.

یۆک ائتمه قلبینه دردین جاهانین،

قۇش آسماز هر بۇداقدان آشییانین.

یالاندان چکمه آه قوْرخا فلکلر،

اییلسه اوْخ وۇرارمی اؤز نیشانین؟

ساغالماز مجنونو زنجیرله‌سن ده،

قمی یوْخ دالغادان چایدا باتانین.

زامانی فتح ائله اوْدلو نفسله،

بئلینی اوْددا ایمیشلر کامانین.

گؤزل گۆللر سیفاریش ائیله‌میشلر،

قێرین سرحددینی یازلا خزانین.

صدف تک آغزینی پاک ائیله‌سن سن،

اۇدارسان گؤوهرینی آسیمانین.

زهردن قێل هزر، عادت ائدرسن -

زهرله مهو اوْلار آخیردا جانین.

جانین الدن گئدیر، بۇندان نه فایدا،

اوْلار فایداسی هر درده داوانین.

وظیفه‌ نردیوانیله اۇجالما،

بۇز اۆسته‌دیر آیاغی نردیوانین.

گؤیون کی، قامتی قؤوسه دؤنوبدور.

چتیندیر دۆز گئده ایشی جاهانین.

آخان گؤز یاشلاری بیر گۆن سئل اوْلسا،

یێخار قفلت ائوین اوْلسون گۆمانین.

سن اؤز خاصیتینله چوْخ اؤیونمه،

اؤیون کی، راضی قالدی مئهیمانین.

جانی چوْخ بسله‌مه، رۇحا فیکیر وئر،

آخی آینا گؤزودور آینادانین.

بئیینسیز بوْش قفسدی دۆنیا، صایب، -

سۆمویو آت، ایت اوْلسون مهریبانین.

Latıncə

 
  • یارپاقلارین سایی :3
  • 1  
  • 2  
  • 3  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم