تبلیغات
ایران آذربایجانی تورکجه سینین ادبیات اوتاغی - مطالب پروفسور حسین محمدزاده صدیق
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

پرفسور دوکتور حسین محمدزاده صدیق دوغو گونودو

گولون وصالینی سن بیل غنیمت ای بولبول

کجا کی قسمت اولا بیرده نوبهار سنا

 

زومار آیین 15 پرفسور دوکتور حسین محمدزاده صدیق دوغو گونودو

پرفسور صدیق آذربایجان اوچون چوخ چالیشان و زحمت چکن بیر اینسان دیر

الله دان اونلارا  اوزون عومور و ایشلرینده داها اوغورلو اولماقلارین دیلریک

داها گئنیش بیلگی اوچون پرفسور صدیقی سئونلر سیته سی نه باش چکین

http://www.duzgun.ir/

سسیم قاشقایې

سسیم قاشقایې

نفَسیم‌‌‌، هوسیم‌‌‌، سسیم قاشقایې‌‌‌،
اوبام‌‌‌، ائلیم‌‌‌، کیمسه‌م کسیم قاشقایې‌‌‌.
بایراغېن چیڲنیمدن قۏیمارام یئره‌‌‌،
قۏیما یاد اؤنۆنده اسیم قاشقایې‌‌‌.
دومانلې داغلارېن آردېندا قالدېم‌‌‌،
دادېما‌‌‌، یئت فریاد رسیم‌‌‌، قاشقایې‌!
باشقالارېندان دای محبت اوممام‌‌‌،
سنین محبّتین بسیم‌‌‌، قاشقایې‌!
دۆزگۆن دئییر: منیم سسیمه سس وئر،
نفسیم‌‌‌، هوسیم‌‌‌، سسیم قاشقایې‌!
قاشقایې لوحه‌لری - ص 9 .  

اعتنا

 اعتنا

درمانا چئوریلدی یار شعریم منیم،
وئردیگین درده دوا لازم دڲیل.
شعریمی بوت تک سیتایېش ائیلیرم،
داها هئچ ربّ و خدا لازم دڲیل.
کفر سؤیلرسم ایلاهی عفو قېل،
کافیره یاشقا جزا لازم دڲیل.
من سنین مجنونونام عاغلېم اوچوب،
مجنون اۆچۆن اعتنا لازم دڲیل.
هر جفایا دۆزگۆن عادت ائیله‌میش
بویله معتادا جفا لازم دڲیل.
اورمو لوحه‌لری - ص 7.
اردبیل یۆکسلیر آباد اۏلور،
تبریزین قلبی آچېر شاد اۏلور.
سئوگی بسلیر ائلینه نسل جدید،
گنجی یۆز بیدادا بیر داد اۏلور.
تۆرکجه میز فیرلاناراق دیللرده،
دؤنور عصیانلارا فریاد اۏلور.
اردبیل لوحه‌لری

آناما هدیه

کیتابین آدی : آناما هدیه

یازان : پروفسور حسین محمدزاده صدیق

اولچوسو :  410 کیلو بایت

الیفبا : عرب الیفبا سی

دیل : آذربایجان تورکجه سی

صفحه لرین سایی : 65 صفحه

ایندیر(دانلود)

تحمیدیه

 تحمیدیه

یاریم نئجه اۏلدون نهان، آخېر سن عیان‌سان،
جان‌بخش ائلین، جان آلانسان، گذران‌سان!
ادراکین اۆچۆن باخ سنین، عؤمرۆمدۆ تالانمېش،
آخیر نه ایمیش سن، نه قازانج سان، نه زیان‌سان!
هر کیم اؤزۆنۆن عاغلې قدره بیر یئره یوردو،
کیمسه دئدی یۏخسان، کیمی ده سؤیله‌دی جان‌سان.
من وارلېغېنی گاهی ایناندېم، گهی داندېم،
عاغلېم یارادان سؤیله‌دی، کؤنلۆم: جان آلان‌سان.
آختاردېم عؤمۆرلۆک سنی، عطّارېنا سوردوم،
سؤیله دئدی مندن اونا:«‌‌سن عطرفشان‌سان!»‌
من تۆرکۆ سایا، قلبی تمیز ساده بیر انسان،
قۏی بیرده دئییم: «‌‌الله آمان، سن نه یامان‌سان!»‌
شئیطان سنی مندن آلا بیلمز، نئجه آلسېن،
سن منده کی ایمان، همی ده تنده کی جانسان!
من عؤمرۆمۆ وئردیم سنی ادراک ائدیم، امّا،
دۆزگۆن دئدی:«‌‌ادراکینا سیغماز» نه گران‌سان!
تبریز یۏللارېندا - ص 6.

دئدیلر

دئدیلر

جان ائویندن ائله سفر دئدیلر‌‌‌،
ائیلمه جانا هئچ گذر دئدیلر‌‌‌.
چولقادې دؤره‌می غم هیجران‌‌‌،
یارا گل ائیله بیر نظر دئدیلر‌‌‌.
آغلادېم‌‌‌، سېتقادېم‌‌‌، فغان ائتدیم‌‌‌،
منه دۆنیادا بی‌بصر دئدیلر‌‌‌.
جانا جانان قوشو گلیب قۏندو‌‌‌،
ائیله جانېندان الحذر دئدیلر‌‌‌.
شعر یازدېم غمینده سؤز قۏشدوم‌‌‌،
گرچی هر شعریمه گؤهر دئدیلر‌‌‌،
دئدیلر اعتباری یۏخ سؤزۆنۆن‌‌‌،
بو سؤزۆ گؤر نه معتبر دئدیلر‌!
زنگانا قېش گۆنۆ آیاق باسدېم‌‌‌،
یایدا گل‌‌‌، قېشدا یۏخ ثمر دئدیلر‌‌‌.
یایدا گئتدیم‌‌‌، یووامی بۏش گؤردۆم،
«کؤچدۆ ائل‌‌‌، قالمادې اثر» دئدیلر‌‌‌.
اڲرینی‌‌‌، دۏغرونو باغېشلادېلار‌‌‌،
دۆزگۆنه «اڲریلیک ائده‌ر‌‌‌!» دئدیلر‌!‌‌‌...
زنگان لوحه‌لری - ص 23

تاجېمسان

تاجېمسان

سن آنا‌‌‌، باشېمدا تاجېمسان کولاهېمسان منیم‌‌‌،
شؤکتیم‌‌‌، شانیم‌‌‌، جلالیم‌‌‌، عزّ و جاهېمسان منیم‌‌‌.
هر کیمین دۆنیادا وارسا مۆلکۆ‌‌‌، مالې‌‌‌، دؤلتی‌‌‌،
دۆنیادا هم عقبادا سن دستگاهېمسان منیم‌‌‌.
چولقاسا یان یؤره‌می ظلمت قارانلېقلار‌‌‌، آنا‌!
قلبیمین آیدېن گؤیۆنده صبح‌گاهېمسان منیم‌‌‌.
اغیارېن یۆزلر ستمگر قان سورانی وار ایسه،
سن منیم حاققېم آلانسان‌‌‌، سن سیپاهېمسان منیم‌‌‌.
هردنی انسانلېغا خور باخماغا یۏل سئچسه ده‌‌‌،
اۏغلونا یۏل گؤسته‌رن دوسدوغرو راهېمسان منیم‌‌‌.
دۆنیادا سوچدان قاچېندېم‌‌‌، بیر گۆناه دا ائتمه‌دیم‌‌‌،
آمما پرونده‌مده سن سوچسان گۆناهېمسان منیم‌‌‌.
باخ‌‌‌، کۆلاهسېز باش آچېق دۆزگۆن گئجه - گۆندۆز دئییر:
سن آنا باشېمدا تاجېمسان‌‌‌، کولاهېمسان منیم‌‌‌.
زنگان لوحه‌لری (آناما هدیه) - ص 79 - یای 75 تهران

حسرت قۏیدون

حسرت قۏیدون

کؤنلۆ حالدان حالا دؤنده‌رمڲه حالېن گلدی،
باشېمې آلدې دومان‌‌‌، قال و مقالېن گلدی‌‌‌.
بیر ایشېق دریاسېنا گؤزلریم آچدېم‌‌‌، بیردن‌‌‌،
یۏخوما گیردی اۆزۆن‌‌‌، یۏخسا خیالېن گلدی‌‌‌.
بو گۆمان ایدی‌‌‌، بو ظن ایدی‌‌‌، قوتارمازمېش هیجر‌‌‌،
ناغېل ایمیش‌‌‌، دئدیلر قالخ که وصالېن گلدی‌!
مانشانا‌‌‌، زنگانا‌‌‌، انگورانا حسرت قۏیدون‌‌‌،
عاشیقین پئشوازېنا مکر ایله آلېن گلدی‌‌‌.
منی خرّمدره ده قویلا دئدیم‌‌‌، یالواردېم‌‌‌،
دئدی سایماز یانا دؤن‌‌‌، دؤن که زوالېن گلدی‌‌‌.
من غزل یازمایدېم‌‌‌، سن منه یازدېردېن اۏنو‌‌‌،
یاز دئدین‌‌‌، آغلا دئدین‌‌‌، بلکه غزالېن گلدی‌‌‌.
دۆزگۆنۆ دۏغرو یۏلا چکمه‌دی اڲری باخېشېن‌‌‌،
بو دره‌دیم‌‌‌، جایدېم آمان‌‌‌، قۏیما وبالېن گلدی‌‌‌.
زنگان لوحه‌لری - ص 60 .

مباهات واختېدېر

مباهات واختېدېر

صبح اۏلدو‌‌‌، قالخ، دور کی مناجات واختېدېر‌‌‌،
دؤن یاره سارې قبله‌ی حاجات واختېدېر‌‌‌.
تۆرکۆن قارانقو طالعی آلت - اۆست اۏلمادا‌‌‌،
یېرمېنجې عصر‌‌‌، کشف و کرامات واختېدېر‌‌‌.
خصم دنی بئلی داها سېنمېش‌‌‌، یاراق گتیر‌‌‌،
دورما سیلاح آل که مهمّات واختېدېر‌‌‌.
من گنجلرده ملّی غیرتی حس ائتمیشم بوگۆن،
آلچاق دنی‌یه سؤیله مجازات واختېدېر‌‌‌.
بیر قرن خۏر باخېب قاپېدا ساخلادېن منی‌‌‌،
گل مئیدانا‌‌‌، گل ایندی ملاقات واختېدېر‌‌‌.
قلبیمده ساخلادېم نئچه ایللر جراحتی‌‌‌.
یاریم طبیب اۏلوبدو حجامات واختېدېر‌‌‌.
حیله‌یله کیش دئدینسه‌‌‌، سیاستله اۏینادېن‌‌‌،
عسکرلریم چۏخالمادا‌‌‌، شاهمات واختېدېر‌‌‌.
زنگان دیارېدېر‌‌‌، مدنیت اوجاغېدېر‌‌‌،
باغرېن داغېلسېن‌‌‌، ایندی مباهات واختېدېر‌‌‌.
دۆزگۆن کؤنۆلده تئللری دیللندیریر گؤزه‌ل‌‌‌،
گل شاهه چک گیلن که مغامات واختېدېر‌‌‌.
زنگان لوحه‌لری - ص 59 .

سندن سارېدېر

سندن سارېدېر

سؤزلری خرمدره‌لی‌‌‌، لهجه‌‌سی دادلې دلبریم‌‌‌،
عاشیقی‌نین آجې قیشا دؤزمڲی سندن سارېدېر‌‌‌.
قاچغېن اۏلوب دال چئویریب یوردا‌‌‌، ائله‌‌‌، یوواسېنا‌‌‌،
شیرین جانېندان اللرین اۆزمڲی سندن سارېدېر‌‌‌.
خویونون خولقونون سنین یۏخ قۏخوسو بوردا گؤزه‌ل‌‌‌،
بېقماغې‌‌‌، بو حیاتدان بئزمڲی سندن سارېدېر‌‌‌.
ائودن الین اۆزۆب چؤلۆن در به درینه چئوریلیب‌‌‌،
یایې‌‌‌، قېشې‌‌‌، داغ دره‌نی گزمڲی سندن سارېدېر‌‌‌.
من بیلیرم دؤزمز ایمیش ذره‌جه دۆزگۆن یالانا‌‌‌،
بونجا یالانلارا گؤزه‌ل دؤزمڲی سندن سارېدېر‌‌‌.
زنگان لوحه‌لری - ص 45.

اۆزلرینه

 اۆزلرینه

اردبیلده قهوه‌خانادا شعر اۏخویان شاعیرلره خیطاب.
گل چېخارت دفترینی شعرین اۏخو،
خط به خط قوربان اۏلوم سؤزلرینه‌‌‌.
نئجه من سؤیله‌مه‌ییم حئیرانام،
اۏ صداقتله دۏلو گؤزلرینه‌‌‌.
آیېق اول دۆشمنیوین حیله‌‌سی وار،
کول قالار دیوانېوېن کؤزلرینه‌‌‌.
دینله‌ییرلر سنی حؤرمتله‌‌‌، اۏخو،
اۏخو‌‌‌، گلسینلر قۏی اؤزلرینه‌‌‌.
ساهیر اۏغلو سایېلېرسان دۆزگۆن،
قورخما سؤیله سؤزۆنو اۆزلرینه.
اردبیل لوحه‌لری- 1347 - ص 19 .

اعتنا

درمانا چئوریلدی یار شعریم منیم،
وئردیگین درده دوا لازم دڲیل.
شعریمی بوت تک سیتایېش ائیلیرم،
داها هئچ ربّ و خدا لازم دڲیل.
کفر سؤیلرسم ایلاهی عفو قېل،
کافیره یاشقا جزا لازم دڲیل.
من سنین مجنونونام عاغلېم اوچوب،
مجنون اۆچۆن اعتنا لازم دڲیل.
هر جفایا دۆزگۆن عادت ائیله‌میش
بویله معتادا جفا لازم دڲیل.
اورمو لوحه‌لری - ص 7.
اردبیل یۆکسلیر آباد اۏلور،
تبریزین قلبی آچېر شاد اۏلور.
سئوگی بسلیر ائلینه نسل جدید،
گنجی یۆز بیدادا بیر داد اۏلور.
تۆرکجه میز فیرلاناراق دیللرده،
دؤنور عصیانلارا فریاد اۏلور.

سلطان ارک

من یارامدان قان گئده‌نده‌‌‌،
بیر وفالار یان گئده‌نده‌‌‌،
قورخمادیم ترپنمه‌دیم هئچ،
گؤیلره یۆکسلدی باشېم،
جانېمې جانانېما قوربان ائده‌نده‌‌‌.
گۆن به گۆن باشېم اوجالدې،
«‌‌اؤلمه‌سین دۆزگۆن»‌ ائشیتدیم.
کؤلگه‌سینده ارلرین ارلر یاشادې،
ارکی، ملّت قلبینه سلطان ائده‌نده‌‌‌.
انقلاب اولدو،
یوواسېز قالدې دۆشمن،
قۏرخدو دۆشمن،
قاچدې دۆشمن
قاچماغیله ملّته یۏل آچدې دۆشمن...
بیر امانت تک سنه تاپشېردې دۆزگۆن:
«‌‌ارک»‌دیر بو،
یېخما، نادان! ریشه‌سی چۏخ برک‌دیر بو
ریشه‌سی چۏخ برک‌دیر بو
جاندې، جانانېن ائوینده
ملّتین قلبینده،

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم