تبلیغات
ایران آذربایجانی تورکجه سینین ادبیات اوتاغی - مطالب سحر خانیم
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

سحر خانیمین شعرلری(جاوا کیتابی)

  کیتاب آدی : سحر خانیمین شعرلری

کیتابین فورما سی  : جاوا

ساپورت ائدن قولاق جیقلار (موبایل تلفونلاری): پتون قولاغ جیقلاری کی جاوا پروگرمین ساپورت ائدرلر

اولچوسو : 74 کیلو بایت

ائندیر (دانلود)

کؤچدن قالان دورنا

کؤچدن قالان دورنا

قوجا آغاج یاواش – یاواش

یارپاقلارین قولاغینا پیچیلداییر

یئل أیله نیر ، قولاق آسیر

گؤیده بولود فیکره دالیر

بولاق آغیر – آغیر

آخیر ،

عشقه دایاق داغلاریمی توتوب دومان

آرزو بویلو چارداغیمی ییخیب خزان

هردن اوره ک کیلئیله نیر:

باش گؤتوروب گئدم گرک !

من دئییرم یانا یانا:

دایان اوره ک ! دایان اوره ک !

خزان چاغی اسن یئلین چیلغین لیغین آنلاسایدین

دئمزدین کی گئدک اوره ک

ایلقاری نئیله یک اوره ک؟

دورنا کیمین کؤچن قوشلار

نه آنلاییر خزانلاردا یازی ایتگینلرین سؤزون

یاز قوشلاری گؤرسه خزان یومار گؤزون

من کی دورنا دئییلم اوره ک

فیرتینالار ذیروه سینه ائلچی اولان

یارپاقلانان تورپاقلارین یولچوسویام

گونشلرین ایچگی سینه چاناق اوره ک

دیلک بویلو داغلاریما دایاق اوره ک

یازا وورغون قوشلار ایله آیاق اولما !

گئدر گیلر اوره گینه قوناق اولما !

من کی سنی ساتمامیشام یالان – یالان دویغولارا

منی یالان سئودالارین دنیزینه آتما اوره ک

منی یازا ساتما اوره ک

هئچ بیلیرسن نه فیرتینا قوپاجاقدیر

بولاق دؤنوب ، بولانیق سئل اولان زامان

خزانلارین اویانلارین آرزو بویون خزان یئلی ییخاندادا

ییخیلماغا گوله ر ، دورار

دوروب گینه سینه گئریب ، اوجالماغا فیکیر قورار

من کی دورنا دئییلم اوره ک

وارلیغیمی خزان یئلی اؤلوشگه دیب

بیر اووج خاطره

بیر اووج خاطره

سؤزلرین گؤزلریمه ایل گئجه دن دان تؤره دیر

سنه وورغون اوره گیم قان یئرینه جان تؤره دیر

بیلمیرم هجرینه دؤزمک یئتیره ر وصله منی

نئجه کی داغ دؤزومو سینه ده وولقان تؤره دیر

اوتوراق ائیله ییر هجرینده زامان قافله سی

یوخسا اومید وصالین منه درمان تؤره دیر

نییه بیهوده تومارلیر باخیشین گؤزلریمی؟

بو اووندورماق اوره کده یئنی توفان تؤره دیر

سن بیلیرسن کی منیم قلب ده آرامیم یوخ

اودا دوران کیمی غم ساغرینه قان تؤره دیر

دولانیرسان گئجه – گوندوز اوچان افکاریم ایله

خیالیم قلبیمه سندن سر و سامان تؤره دیر

راضی سان گل قونوشاق ، یوخسا دایانما سووشاق

سانماکی دویماماغین عاشیقه افغان تؤره دیر

سن منیم سن ، منی سنسیز قویا بیلمز دوران

بیر اووج خاطره قلبیمده سنه جان تؤره دیر

قلبیمین قات – قاتینا قان کیمی یاتدین ، دئمه دین:

سوروشوم قلبی دنیز توتماغا امکان تؤره دیر؟

قلمیم تنگه گلیر دویقولاری یازماق اوچون

بیر باخیش دالغالارین مین بئله دیوان تؤره دیر

قلمیم چاشدی «سحر» باشلادی دیوانه لیگه

قوی اوجالسین سسی یار شأنینه شایان تؤره دیر

الینی وئر منه

ائلیمین گوللری سولمایان کیمی

دریالار اوسگویه دولمایان کیمی

توتولوب اولمایان کیمی

اوچماقدیر دیلگیم قانات وئر منه

غم توزون آپارمیر گؤزومون سئلی

سوسدوروب دیلیمی ننه لیک فئلی

دردیمی توکنمز حیات وئر منه

چال سازی سسینده سؤزومو دئییم

قان رنگین گؤسترمز دونومو گئییم

واردیر چارپیشماغا هله لیک هئییم

گئدیرم چنلی یول قیرآت وئر منه

جانیملا وارلیغیم ، واریم دیدیشیر

اوخ قالیب سوموکده یارا بیتیشیر

حیاتیم بوش – بوشا باشا یئتیشیر

بو سون گونلریمده ثبات وئر منه

قولوما قارداشدان دایاق ایستیرم

دیلیمه ائلیمدن سایاق ایستیرم

دنیزلر توتوملو چاناق ایستیرم

دردیمی یازماغا داوات وئر منه

گؤزله ییر سنی

یورغون گمیچیلر گؤزله ییر سنی

قوندار بئل ایشچیلر

جوان ایشچیلر

یاشاماق حاققیندان پایسیز اؤره ک لر

اوغوشموش ، دایاقسیز سایسیز اؤره ک لر

حسرت گدیگینده گؤزله ییر سنی

سن سیزلیک قورخوسو

(نه دئییم آخی)

...

گؤزله ریم گؤزله ییر

قیناما منی

هانسی یوللاردان گلیرسن

سیغماییر ایستکلریم منطقلرین ارکانینا

ایسته ییر عنوان اولوم دیوانه لر دیوانینا

سن آچان گوندن قاپانمیش یوللاری رؤیالره

مین دیلک ایلمک له نیر هر دم کونول دامانینا

هانسی یوللاردان گلیرسن گؤیده اولدوزلار گولور

چن دوشور حسرت قباسیندان باخیش میدانینا

سن دوننلر باغچاسیندا اکدیگیم بیر آرزوسان

گئج بئجردین دوشمه دی کؤلگه ن گؤروش ایوانینا

دامجی – دامجی قان دامیرکن ، قلبیمین پیمانه سی

دالغا – دالغا یوکسلیر میدان وئریر توفانینا

قوی اؤره ک دریای عشق اولسون ، بوتون وارلیق گمی

قوی چئویرسین دالغالار دونیانی قان عمانینا

بیر شوشه گولاب کیمی

داغ دایاقلی کوره ک

ابریشم دویغولو اوره ک

دیله سیغماز دیلک تک سارسیلماز کولک

دیله ییرم

زامان دونگه سینده سولماز گول

محبت گنیش لیگینده کونول

کینه کدریندن کونلو کول

دیله ییرم

پولاد تک اراده

بیر شوشه گولاب کیمی ساده انسان

دیله ییرم

پاساژ قاباغیندان ، پاساژ قاباغینا چاتماق

ساوالان دایاناجاقلی یاشاماق

چتین یولا یولداش دیله ییرم

چتین یولا

یولداش ...

آند ایچیرم

دالغالی گؤللرینه آند ایچیرم

دامغالی اللرینه آند ایچیرم

قویماریق باغلی قالا قوللاریمیز

قورویا گول – بوتامیز ، خوللاریمیز

یئته دوستاق دیبینه یوللاریمیز

باغلانان قوللارینا آند ایچیرم

کسیلن یوللارینا آن ایچیرم

قویماریق آل گونشین رنگی سولا

قورخولوق یوردوموزا کؤلگه سالا

چن توتا آرزو یولون ، گؤز قارالا

آغاران تئللرینه آند ایچیرم

چن توتان بئللرینه آند ایچیرم

قویماریق غم دنیزی دالغالانا

گتیره تولکو فئلی خلقی جانا

اودوموز اؤزگه اوجاغیندا یانا

سارالان گوللرینه آند ایچیرم

ساری بولبوللرینه آند ایچیرم

یازاریق قوچ نبی نین شانلی سؤزون

چالاریق سازدا ائلین جانلی سؤزون

دویاریق خان آرازین قانلی سؤزون

سارالی سئللرینه آند ایچیرم

یارالی ائل لرینه آند ایچیرم

آی باجاسی

گئجه دیر ...

باخیرام آی باجاسیندان

باشقا بیر ماوی گؤیه

اوردا دا وار ائله بیل:

گئجه یوردون قانا دؤنموش دنیزیندن

نئچه بیر غملی بولود

چنلی داغ

قانلی سؤیود

گئجه دیر ...

باخیرام آی باجاسیندان

باشقا بیر ماوی گؤیه

بوغولان آخشاملار

 

وارلیغیم داغلاردا چنه بنزه ییر

گؤزه للر تئلینده دنه بنزه ییر

غربت پنجه سینده بوغولان آخشام

حسرته ، نیسگیله ، منه بنزه ییر

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم