تبلیغات
ایران آذربایجانی تورکجه سینین ادبیات اوتاغی - مطالب حبیب ساهیر
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

شهید فیریدون ایبراهیمی`نین خاطیره سینه

سنین ایزین، کؤلگه ن قالمیش آستارا`نین باهاریندا

ایل دؤنومون توتان یوخدور،
یوخدور سنی یادا سالان
قبرین اوسته گؤی اوت بیتدی،
ائی ناموراد یازیق جاوان!
آسیلدیغین گوندن بری
ماتملیدیر گؤی گولوستان

دولاشارکن شومال یئلی،
یوردون قیزیل بایراغیندا
ائللر ایله اود یاندیردین
بابکیلر اوجاغیندا.
لاکین افسوس سون ایشیق تک
سؤندون حیات چیراغیندا...

نه ائللرین مکتبینده
کیتابینی آچان اولدو
نه یازدیغین قیزیل یازی
رواج تاپیب، دستان اولدو.
لاکین سانما بو عصیرده
هر شئی بیتیب نیسیان اولدو.

گونون یئددی رنگی اریر
قیزیل اٶزه ن سولاریندا
سنین ایزین، کؤلگه ن قالمیش
آستارا`نین باهاریندا.
فاشیزم هله حؤکوم سورور
قیزیل اودلار دییاریندا...

مکتبلرده آنا دیلین
اوخوتدوران اوستا یوخدور
اوردو – اوردو اویماقلاردا
اسیر چوخدور، آزاد یوخدور،
گئچیب چیراق، سؤنوب اوجاق،
خارابا چوخ، آباد یوخدور...

گئتدیم بابا دییارینا،
گؤردوم بایقوش فیکره دالیب،
قبرین اوسته آخشام چاغی،
پاییز گونو، شفق سالیب
سندن یولداش خاطیره لر
درین سیزی جاندا قالیب

عزراییله قیلینج چکیم،
یئنه بیر گون اؤله جه یه م
چیراق کیمی یا بیر آخشام
یا بیر سحه ر سؤنه جه یه م
بیلیره م کی یئر آلتیندا
توز تورپاغا دؤنه جه یه م

بونلا بئله امینه م کی،
نور ظولمتی بوغاجاقدیر
ان نهایت اوفوقلاردان،
قیزیل گونه ش دوغاجاقدیر
داش نه قده ر برک اولسا دا،
ایستی سویوق اوغاجاقدیر

فیریدون ایبراهیمی ،آستارادا آنادان اولدو؛ تئهران اونیوئرسیته سینده حوقوق قورتاردی، میللی حٶکومتین دادسیتانی اولان بو یازیچی و غزئته چی فدایی، میللی حٶکومتین قانلی خزانیندان سونرا، ۱۳۲۶ دا شاه حٶکومتی طرفیندن ائعدام ائدیلدی. اؤلومله قهرمانجا قارشیلاشماسی ایبراهیمی`نی اونودولماز بیر خالق دستانینا چئویردی.

بیزیم توركو شیرین دیلدیر

آنا گولدور، بیر گون سولار

آنا دیلى شیرین اولار

بیزیم توركو شیرین دیلدیر

خوش صدالى، زنگین دیلدیر

دیل گونشدیر، ایشیق ساچار

آزادلیغا قاپى آچار

یادین دیلى بویوندوروق

بیر گئچیددیر بوروق بوروق

بویوندوروق خالقى بوغار

گئچیدلرده قولدور سویار

قوى یادلاشسین سئناتورلار

خالقى سویان تاجیر، توججار

یالتاق شاعیر یولون آزسین

تكجه فارسى غزل یازسین!

 

آنالار

قورخـما! بو ماوی گؤی آلتیندا یانان آل گونشین

و اوفوق­لرده گوله ن آل شفقین سؤنمه یه­ جک

ایلک باهارین آچاجاق گول

اوته جک بولبول­لر

دونیامیز بیر ده بو عالم­ده خزان گؤرمه یه ­جک

دونیا دوردوقجا سهندˊین اوجا بورجوندا یانان

اول گؤموش رنگلی آی، یول­لاری آیدینلاداجاق

آخاجاق نهر­لرین

هم آچاجاق لاله­لرین

بیر ده ائولرده اینان سؤنمه یه ­جک اود و اوجاق

ائی منیم شانلی ائلیم

حور وطنیم

آل گونشیم

آی قادین­لار

آنالار

بیر ده آچین پنجره ­نی

صوبح آچیلماقدادی

صوبحون یئلی داغ­لاردان اسیر

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم