تبلیغات
ایران آذربایجانی تورکجه سینین ادبیات اوتاغی - مطالب علی آقا واحید
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

صلح اولماسا

صلح اولماسا
گول منی سن ایسته سن عومروم هدر اولماز
صلح اولماسا، اولاد وطن بخته ور اولماز
آزاده لیقی، صولحی سئویللر بیزیم ائللر
بیر یئرده کی ، صولح اولسا، او یئرده ضرر اولماز
اودلار وطنین نازلی گوزه للر بورویوبدور
ائللرده مثل وارکی، گوزل سیز شهر اولماز
آهیم اودو بلکه ائله سین قلبینه تاثیر
نیسان سویونو ایچمه یه داشدان گهر اولماز
هیجران گئجه سی، من چکنی چکمه سین اغیار
ظننیم جه قیامت گونو بوندان بتر اولماز
زولفون اوزونو توتسادا، گویچک لیگین آرتیر
ظلمت گئجه لر اولماسا آیدین سحر اولماز
واحید سنه، غم چکمه رقابت ائدن اولسا
مین گول قووشا بیر یئره ، بحر خزر اولماز

بیلیرم اویره دن اولدو

ای گول ، سنی آخر ، بیلیرم اویره دن اولدو

سالدین منی هیجرانه ، بو بیلمم ، نه دن اولدو؟

 

دوزدوم نه قده ر زحمته ، هر نازینی چكدیم

كونلوم غمی - عشقینله اسیرئ - محن اولدو

 

سن بویله وفاسیزدا دئییل دین ، بیلیرم من

ظنیمجه ، سنی بو ایشه تحریك ائدن اولدو

 

رسوایئ - جاهان ائیله دین آخر منی ، گئتدین

ایندی منه بیگانه گلیب طعنه زن اولدو

 

بیر واخت پیشیمان اولاجاقسان بو عمل دن

سندن بو ایشین ، بلكه حسابین چكه ن اولدو

 

گزدین ، گوزلیم ، غیرایله ، من دردینی چكدیم

گلدی نه بلا باشیما ، بو غصه دن اولدو

 

واحید او گولون وصلینه بیگانه یئتیشدی

دردین چكه ن عالمده بیر آنجاق حسن اولدو

نازلی یاره یالوارما

کونول وفاسیز اولان نازلی یاره یالوارما ،

نه اعتبار اونا ؟ بی اعتباره یالوارما !

داریخما یاخشی – یامان روزگاریمیز کئچه جک ،

بو بئش گون عومره گوره روزگارا یالوارما !

سنین ده بیر گون اولار نوبهارین ، ای بولبول ،

بو ذوق سوز ، بو صفا سیز بهاره یالوارما.

فقیره ، عاجزه ، مظلومه احترام ائیله ،

عدویه ، قان ایچنه ، ظولمکاره یالوارما !

وطن یولوندا اولوم مرد اوچون سعادت دیر،

حیات اوچون فله یئ – کج مداره یالوارما !

مخالف اهلینه باش ایمه ، سن ده منصور اول ،

((ان الحق )) اوسته چکیلسنده داره ، یالوارما !

نه اولدو دوولتی جمشید ، مولکئ ایسکندر ؟

نه تاجداره نه بیر شهریاره یالوارما !

اگر حیاتینی ،واحید ، خوش ائتمک ایستیرسن ،

نه گول جفاسینی چک ، نه ده خاره یالوارما.

موسیقی نشئه سی

موسیقی نشئه سی مین سوگیلی جانانه دگر

اثر ناله نی عارف ایچون جانه دگر

موسیقی اهلینه انصاف ایله قیمت قویماق

لحن داود ایله مین تخت سلیمانه دگر

بیخبرلر نه بیلیر لهجه خواننده نه دیر

اهل حال اولسا ، بو سؤز قدرده میلیانه دگر

پرده غم داغیلیر تاره دگنده مضراب

طره دلبره هردم نئجه کی شانه دگر

موسیقیله اولار هر خسته یه عالمده علاج

بو طبابت نئچه مین چاره لقمانه دگر

بیزه بو علم حرام اولموش ایدی کئچمیشده

یعنی شیطان ایشی دیر ، رخنه سی ایمانه دگر

یاشاشین قرمزی شهرتلی وطن قانونی

بوسخاوت نئچه مین حاتم دورانه دگر

قیلدی هر یئرده بنا موسیقی مکتب لرینی

نغمه نین فایده سی ایندی هر انسانه دگر

خلقیمیز موسیقی علمین اوخویور مین لر جه

ئولکه میزچون بو شرف مهر درخشانه دگر

موسیقیله منی دفن ایله سه لر واحد اگر

قبریمین تورپاغی مین روضه رضوانه دگر

موسیقی مجلیسینین

موسیقی مجلیسینین طرفه علامتلری وار

گوش قیل، گور نئجه جانسوز حكایتلری وار

موسیقی ذوقینه اول كس كی دگیلدیر واقف

بو بساطین نه بیلیر، كیم نه شرافتلری وار

تاری بیهوده حساب ائتمه اگر عارف سن

گور كی مه رولر الیندن نه شكایتلری وار

اودا بیر زلفی سیه دلبرین آلوده سی دیر

كی صداسیندا پریشانلیق اشارتلری وار

خوار، ظن ائتمه، ساقین، موسیقی خادملرینی

اونلارین ذوقینه گیر، گور نه نزاكتلری وار!

موسیقی غم داغیدیر، ذوق وئریر انسانه

درك قیلماز بونی اونلار كی سفاهتلری وار

شاعرین، موسیقی خادملرینین، رسامین

اینجه دقتله دوشون، گور نه مهارتلری وار

موسیقی ذوقی هلاكولره تاثیر ائتمیش

اوخو تاریخی، دوشون، گور نه روایتلری وار

بعضی نادان نه بیلیر موسیقی ذوقین، "واحد"

چون كی جاهل دیر، اولدوقجا جهالتلری وار

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم