تبلیغات
ایران آذربایجانی تورکجه سینین ادبیات اوتاغی - مطالب محمد بی ریا
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

اوغلان بو نه سس دیر؟

اوغلان بو نه سس دیر؟

اوغلان! قاپینی باغلا، نه هایدیر بو، نه سس دیر؟
گئت سویله اوتانسین بو جماعت داها بسدیر!

((قافلانتی)) نی كئچدی یئنه مشروطه صداسی
باشلاندی بو تبریزلیلرین كوهنه اداسی
ییرتیلدی عجب مستبدین قانلی رداسی
مین لرله رعیت بو یولون اولدو فداسی

كور گوزلری گوردو، سونی بیهوده، عبث دیر
اوغلان! قاپینی باغلا، نه هایدیر بو، نه سس دیر؟

البت كئچه جكدیر الیمه بیر كره فرصت
اوندا وئره رم منده، بو مخلوقه اذیت
بیر- بیر گئده جك حبسه، بو اعضای جمعیت
پولدور منه هر شئی، نه یه لازیمدی حمیت

باش توتموری حیله م- كلكیم، ایل اوزو نس دیر!
اوغلان! قاپینی باغلا، نه هایدیر بو، نه سس دیر؟

بوش- بوش دانیشیب، یورسا اوزون ملت نادان
آغلار قالاجاق، اولمیاجاق ارضده خندان
دونیاده گرك اولمیا بیر صاحب وجدان
ترتیب اولونوبدیر اولارین جرمینه زندان

ظاهیرده آدی اولكه دی، باطینده قفس دیر
اوغلان! قاپینی باغلا، نه هایدیر بو، نه سس دیر؟

سن ائیله خیال ائیله مه منده دالی قاللام
آخیر اولارین كوتله سینه، زلزله ساللام
عزرائیل اولوب، قدرتیله جانلارین آللام
بیر- بیر توتارام باشلارینا قدداره چاللام

باخ دوره نه، ماموردی، نگهبان دیر، عسس دیر
اوغلان! قاپینی باغلا، نه هایدیر بو، نه سس دیر؟

بو خاكده، حكم ائیله یه جك دائم اسارت
بیر گون ائله رم ائولریزی ظلمله غارت
وار منده قوشون، قهر و غضب، كین و مهارت
ائتمیشدی اگر بعضی لری خیلی جسارت

اولكوتدوم، اولار سسلرینی گور نئجه كسدی؟
اوغلان! قاپینی باغلا، نه هایدیر بو، نه سس دیر؟

ارثآ یئتیشیبدیر منه، بو دولت و ملت
حاكمدی بوتون میللته، هر نقطه ده دولت
تقسیم اولوناندا یئتیشیبدیر سیزه ذلت
رد ائیله مه گوزدن نه دی مقصد، نه دیر علت؟

عالمده ضرر ائیله دی، هر كس كی تلسدی
اوغلان! قاپینی باغلا، نه هایدیر بو، نه سس دیر؟

یازان:  محمد بی ریا

بختیار وطنیم

بختیار وطنیم

هر زامان آرزیم بودور بیر لاله زار اولسون وطن

لاله لر گولله ر آچیلسین خوش دییار اولسون وطن

آزریستان اؤلکه سی ظولمییله چوخ تالان اولوب

ایسترم آابادلیغین تا پایدار اولسون وطن

اتحاد ائتمک گه ره کدیر بو وطن اوغروندا بیز

محو ائده ک ظالیملری تا بختیار اولسون وطن

چوخ امیینم گؤرمه سین ذلت داهی یوردوم منیم

هئر جهتدن صاحیب-ای عز-او- ووقار اولسون وطن

یازان-مه حه ممه د بیرییا

ستارخان و مشروطه بایرامی

ستارخان و مشروطه بایرامی

قولاق آسین یئنه سویله ییم ائللر
بو شانلی اولكه نین سعادتیندن
سیزه كاهن كیمی وئریم خوش خبر
رشید اوغوللارین رشادتیندن

قرنلر بویو، بو یورد، بو توپراق
چوخ بلالر چكیب ظالیم الیندن
ظولمون پنجه سینده اولوب اویونجاق
سیزیلدامیش یازیق ناامید وطن

نهایت بو وطن بیر اوجا سسله
چاغیردی دادینا نوجوانلاری
اونون دوره سینه بویوك هوسله
توپلاندی تبریزین قهرمانلاری

دئدیلر حققینی قویماریق باتا
دوشدولر ایگیت لر دویوش مشقینه
قیلینجی باغلاییب، میندیلر آتا
آزادلیق عشقینه، وطن عشقینه

صف- صف دایاندیلار مقابیلینده
ناامید آنانین، مرد اوغوللاری
انتقام كلمه سی ازبر دیلینده
تاپیلدی میللتین بویوك سرداری

محبتله وطن باخدی سردارا
گوردی شجاعتلی پهلوان دیر او
بیلدی هئچ بیر زمان او دوشمز دارا
چونكی جسارتلی قهرماندیر او

سویله دی: گل اوغول، یاپیش الیمدن
گوزومون یاشینی سیل اته گین له
چالیش ظولمكاردان خلاص اولوم من
سئوینسین اوره گیم، شاد اوره گین له

ائشیتجك بو سوزو غیرتلی سردار
باشیندا توكلری دوردو بیز كیمی
دونیا گوزلرینده اولدو تیره- تار
جوشدو دالغالانمیش بیر دنیز كیمی

سویله دی: ای آنا، ای بویوك وطن!
الیمده اسلحه، دیلیمده اسمین
گلدیم امدادینا شجاعتله من
گوزلریمده غضب، اوره گیمده كین

قوچ كیمی ایگیت لر گیردی میدانا
مستبد سلطانا ائتدیلر قیام
مشروطه آلدیلار بوتون ایرانا
خائینه عشرتی قیلدیلار حرام

وطنین سویمه لی، ایش بیلن اوغلو
((ستارخان)) دئییلن ناموسلو سردار
ظالیمین اوزونه باغلاییب یولو
سلطانین قلبینی ائتدی داغدار

بو گون ای وطنین رشید ائللری
او تاریخدن كئچیر ایندی قیرخ بئش ایل
بیزیم خلقیمیزین ایگیت لیكلری
گونش تك بولوتدا گیزله نن دئییل

غالیب گلمه یه جك، بیلین خیره، شر
بیزه بیرلیگیمیز وئره جك نجات
وار اولسون حقیقت، وار اولسون بشر
وار اولسون آزادلیق، وار اولسون حیات

یازان:  محمد بی ریا

قم چمه عموغلو هله بو میللت آییلماز

قم چمه عموغلو هله بو میللت آییلماز

آج لوت قالا داییم ,چکه مین ذلت آییلماز

مشروته اوچون تؤکدوله بو شهریده قان‌لار

قاانون-ائ اساسی دییه جان وئردی جاوان‌لار

آخیردا یئنه حؤکموران اولدو بیزه خان‌لار

کئچدی باشینا توربا داحی اوممت آییلماز

قم چمه عموغلو هله بو میللت آییلماز

هر عصریده توش اولدو بلایه بلایه یازیغ ایران

اولموشدو سیپر جؤوو-او-جفایه یازیغ ایران

سون گونده اسیر اولدو ریزایه یازیغ ایران

چکدی نقدر رنج-او-سیتم مئحنت آییلماز

قم چمه عموغلو هله بو میللت آییلماز

ایران‌لی اسیر‌دیر اونو قول خاق ائدیب الله

حاقین طلب ائتسه اولاجاغ عرضیده قومراه

لازیم دئییل ایران‌لی هر ایشدن اولا آقاه

جوخ برک یاتیب اولسا نقدر صحبت آییلماز

قم چمه عموغلو هله بو میللت آییلماز

عصرافیل ایر سووری چیخیب ارشیده چالسا

هئچ دورمایاجاغ‌دیر نقدر بو دالی قالسا

گر مخلوقون احوالینی من‌دن خبر آلسا

هر کس دییرم دورما چاتیب فورصت آتیلماز

قم چمه عموغلو هله بو میللت آییلماز

ایران‌لی گرک اولماسین آافااقیده آزاد

قان آغلاییب ائتسین گرک او ناله-وو-فریاد

همسایه‌لری ائتسه ایر لوطفیله ایمداد

دوشمز باشا ائتمز ابه‌دن هیممت آییلماز

قم چمه عموغلو هله بو میللت آییلماز

بئش یورقانین آلتیندا بو تمبل نئجه یاتمیش!   

چیخمیر نفه‌سی فیس-فیسئ‌دیر قان تره باتمیش

توپ گولله‌لری عالم-ای ایمکانی اویاتمیش

واه...واه! اونو قویماز دورا بو قیفلت آییماز

قم چمه عموغلو هله بو میللت آییلماز

بیر گون گلجک من گؤرورم دیک دوراجاقسان

اطرافه باخیب باشه جوتل‌لی ووراجاقسان

هر یئرده گئدیب بوینونو موتلق بوراجاقسان

وئر اوندا رییاسیز سؤزومه قییمت آییلماز

قم چمه عموغلو هله بو میللت آییلماز

محمّد بیرییا

 

لاتین الیفباسینان

آذربایجان مارشی

آذربایجان مارشی

بی دونیانین قورخو بیلمز بیر قهرمان ائلیییک

آلوو‌لار‌دان یارانیلمیش آذربایجان ائلیییک

یوردوموزو یاشاداجاخ آدیمیزلا شانیمیز

هیندیستانین داغ‌لارین‌دان موحکیم‌دیر ایمانیمیز

تاریخ‌لرین ذینتی‌دیر شؤهرتیمیز شانیمیز

بونا شاهید بدندکی ایلیییمیز قانیمیز

بی دونیانین قورخو بیلمز بیر قهرمان ائلیییک

آلوو‌لار‌دان یارانیلمیش آذربایجان ائلیییک

بیز بیر ائلیک قوی بیلینسین آندیمیز‌دیر سؤزوموز

خایین‌لارا مرحمتله باخا بیلمز گؤزوموز

خالقیمیزی هیفز ائتمیشیک ایللر بویو اوزوموز

تیکیلممیش یئره بیزیم آننی آچیخ اوزوموز

بی دونیانین قورخو بیلمز بیر قهرمان ائلیییک

آلوو‌لار‌دان یارانیلمیش آذربایجان ائلیییک

بیر یولوموز وارسادا او هوررییتین یولودور

باش‌دان-باشا اوریییمیز سیداقتله دولودور

آذربایجان ائلی حاقین بوکولمیین قولودور

دوس‌لاریمیز بیزه گولدور دوشمان تیکان  کولودور

بی دونیانین قورخو بیلمز بیر قهرمان ائلیییک

آلوو‌لار‌دان یارانیلمیش آذربایجان ائلیییک

سو وئریب‌دیر آنا , ایشیغیندا اولکرین

بسلنمیشیک قوجاغیندا ,آل گونشین سحرین

هر یئرینی بوروموشوک قافلانکینین –خزرین

آلیر بیز‌دن بوتون ائللر سوراغینی ظفرین

بی دونیانین قورخو بیلمز بیر قهرمان ائلیییک

آلوو‌لار‌دان یارانیلمیش آذربایجان ائلیییک

 

شهیدین آناسی

هر مزارین اوسته توكوب قانلی گوز یاشی
((ایوای اوغول!)) دئیب چكه رم ناله,آغلارام
ناله م دوشنده هرداشا, دیللندیرر داشی
قبرینده بیتمه یینجه قیزیل لاله,آغلارام
عادت ائدیبدیر آغلاماغا,گوزلریم منیم
تاثیر ائدرمی قاتلینه سوزلریم منیم؟

         ×            ×              ×

تك بیر سنه اوره ك دولوسو باغلاییب امید
دائم الین له حس ائله ییردیم نجاتیمی
آزادلیقین یولوندا سنی ائتدیلر شهید
بی رحملر زهرله دیلرشن حیاتیمی
قلبیم اینانمیرام دوزه بو سون مصیبته
باعث لرین دوچار اولا نفرین ولعنته!

     ×              ×                  ×

هر زحمته تحمل ائده ن, بی نوا آنان
مین ذوق آلیردی نازینی چكدیكده صبح وشام
ایندی روادیر ای گوزومون نورو, ناگهان
من اوز بویوم برابری اوغلومدان آیریلام؟
یوخ – یوخ! جهانی ترك ائله ییب ئولمك ایستره م
هجرینده قویمارام اوره گیم باغلاسین ورم

    ×            ×                     ×

آلدی قراروصبریمی, دهشتلی ماتمین
اولدوم بلای فرقت وحسرتله روبرو
سنسیز نه حظی وار, داها معناسیز عالمین؟
چوخ گوردو بیر سنی منه بو چرخ كینه جو
حقیمده روزگار ائله دی ظولمونو تمام
یولداشلازین گرك آلا ظالمدن انتقام

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم