تبلیغات
ایران آذربایجانی تورکجه سینین ادبیات اوتاغی - مطالب عمادالدین نسیمی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

سوسادی کؤنلوم نیگارین لعلی-روح‌افزاسینه،

سوسادی کؤنلوم نیگارین لعلی-روح‌افزاسینه، 
طالبی-شؤوقم حبیبین صورتی-زیباسینه. 
ائی صبا، اوغراشدیغینجا شول خورامان سروه توش، 
مندن اؤپ آنین آیاغین، سجده قیل بالاسینه! 
گؤزلری سئوداسی عاشق جانینا قیلدیقلارین 
اول بیلیر کیم، عاشق اولموش نرگیسی-شهلاسینه. 
عینینی آچ، عینیمه باخ، جومله‌‌‌ عینین عینییم، 
سد هزاران جان فدادیر عینی‌نین سئوداسینه. 
  
سورما سئوداییلرین حالین، طبیبی-آمه کیم، 
دوشمه‌ین بیلمز بو حاله گؤزلری سئوداسینه. 
صورتی، حوسنو جمالی جومله‌‌‌ زیبادیر آنین، 
حوسنونه قوربان اولاییم، بلکه، سر تا پاسینه. 
کیم کی، ظاهر گؤرمه‌دی اوزونده حقین صورتین، 
گوزگوزو عاری دئگیلدیر، چاره قیلسین پاسینه. 
بی بدلدیر حوسن ایچینده، لوطف ایچینده بی‌نظیر، 
واحیدیّت ثابت اولدو حوسنی-بی همتاسینه. 
خیرمانیندا حوسنونون گوندور باشاقچی آی ایله، 
اوتان، ائی نیسبت قیلان، قاشی-هیلالی داسینه. 
زاهیدین هئچ اولدو زئهدو، هئچه کئچدی طاعتی، 
باشلادی یاسینه، شیمدی کیمسه گلمز یاسینه. 
چرخ-نرّادین نوقوشین ترس اوخور گؤزسوز فقیه، 
کبتئینی گؤر کی، آتار هوققابازین طاسینه. 
روحی-قودس اولدو نسیمی، جیسمینی طرح ائیله‌دی، 
گؤوهری-فرد اولدو دوشدو وحدتین دریاسینه.

آفرین اوْلسون نیگارین زۆلفو ایله قاشینه،

آفرین اوْلسون نیگارین زۆلفو ایله قاشینه،

گر ماجال بۇلسام حبیبین چؤوریلیدیم باشینه.

منزیله ایرمک دیلرسن عشقی یوْلداش ائیلگیل.

ایرمه‌دی منزیلینه کیم باخمادی یوْلداشینه.

کبه‌نین ائهرامینا ایرمز حاجی‌نین دگمه‌سی

چیزگینیر در گیردینه، سۆرتر اۆزونو داشینه.

شوْل رقیبی گؤره ایدیم چاه ایچینده بیر کره،

گیللیییدیم باشینا شوْل سد هزاران داش یئنه.

ائی رقیب، بیر یئرده اؤلگیل کی، بۇلونماز آشو سۇ.

یێغیلسین قارغاوو قۇزغون لئشینه، هئی لئشینه.

بۇدونا چێخسین اۇفالار، گؤزونه هم قارا سۇ،

تۇتولسون دیلو قۇلاغین بیر نئچه داش دیشینه.

دئدیلر، میسکین نسیمی، دوْغرویا یوْخدور زاوال،

مۆددیلر قالیب اوْلدو حاضیر اوْلگیل باشینه.

درده موشتاق اولمایان کیمدیر کی، درمان ایسته‌یه؟

درده موشتاق اولمایان کیمدیر کی، درمان ایسته‌یه؟

قبللمؤوتی بیلمه‌ین، سن سانما کی، جان ایسته‌یه.

جؤوهری اولماق گرکدیر، جؤوهری بولماق گرک،

هر کیمین کؤنلونده واردیر وارا اول کان ایسته‌یه.

جان ایله، دونیاوو اوقبا هر کیم اول ترک ائتمه‌دی،

مودده‌یدیر، سانما کیم، اول وارا جانان ایسته‌یه.

خیزرله ظلماتینی تانیمایان حئیوان کیمی،

نه بیله کیم، قاندا وارا، آبی-حئیوان ایسته‌یه؟

کیم اول تانیمادی کندی ووجودی شهرینی،

اول گداهیممت نه یولدان واره سولطان ایسته‌یه؟

عنبرین زولفو آنین کیم کی، دولاشدی بوینونا

باشی توپ اولسون آنین گر اؤزگه چؤوکان ایسته‌یه.

زولفونون کوفرون اگرچی اهلی-فضل ایمان بیلیر،

ائی نسیمی، سانما سن کیم، کافر ایمان ایسته‌یه.

سۆنبولی-زۆلفونون اگر قوْنشوسو لاله دۆشمه‌یه،

سۆنبولی-زۆلفونون اگر قوْنشوسو لاله دۆشمه‌یه،

آلمایا کیمسه کؤنلونو شیوه‌ی-آله دۆشمه‌یه.

صۇرتی-حقسن، ائی قمر، پرده‌سیز ائیله اۆزونو،

تا بۆتی-آذری یازان نقشی-خیاله دۆشمه‌یه.

سوْومه اهلینی اۆزون دعوت ائدرسه گر مئیه.

زاهید الیندن آیروق اوْل، جامی-پییاله دۆشمه‌یه.

یۆز ایله قاشینی نئجه وصف ائده یا بَیان قێلا،

شوْل کی، آنین نیگاهی اوْل بدرو هیلاله دۆشمه‌یه.

خالو خطین قلم کیمی شرح ائده‌رم کی، بیر دخی،

سرزه‌نیش ائیله‌ین منی جۆرمو وباله دۆشمه‌یه.

سۆنبولونو گۆل اۆستونه قوْیما کی، یئلی داغیدا،

تاکی خیالی-خام ائدن فیکری-محاله دۆشمه‌یه.

خال ایله عنبرین ساچین، دال ایله نۆقته‌دیر، ولی،

کیم دئیه زال اگر بنین نۆقته‌سی داله دۆشمه‌یه.

فیتنه قارا گؤزون منی مستی ملالت ائیله‌دی،

شوْل قدهی کیم ایچه کیم، واره بۇ حاله دۆشمه‌یه؟

پرده‌ده یاشیر، ائی قمر، اۆزونو تاکی مۆنکیرین،

کمنزری بۇنون کیمی حۆسنو جمعاله دۆشمه‌یه.

قۆدرت الی اگر اۆزون نقشینی یازه گۆنشه،

تا ابد اوْل کمال ایله قاله، زواله دۆشمه‌یه.

سؤیلنه گر نسیمی‌نین مدرسه‌ده مقالتی،

درسینی قوْیا مدرسه قییل ایله قاله دۆشمه‌یه.

Latincə

درده مۆشتاق اوْلمایان کیمدیر کی، درمان ایسته‌یه؟

درده مۆشتاق اوْلمایان کیمدیر کی، درمان ایسته‌یه؟

قبللمؤوتی بیلمه‌ین، سن سانما کی، جان ایسته‌یه.

جؤوهری اوْلماق گرکدیر، جؤوهری بۇلماق گرک،

هر کیمین کؤنلونده واردیر وارا اوْل کان ایسته‌یه.

جان ایله، دۆنیاوو اۆقبا هر کیم اوْل ترک ائتمه‌دی،

مۆدده‌یدیر، سانما کیم، اوْل وارا جانان ایسته‌یه.

خیزرله ظۆلماتینی تانیمایان حئیوان کیمی،

نه بیله کیم، قاندا وارا، آبی-حئیوان ایسته‌یه؟

کیم اول تانیمادی کندی وۆجودی شهرینی،

اوْل گداهیممت نه یوْلدان واره سۇلطان ایسته‌یه؟

عنبرین زۆلفو آنین کیم کی، دوْلاشدی بوْینونا

باشی توْپ اوْلسون آنین گر اؤزگه چؤوکان ایسته‌یه.

زۆلفونون کۆفرون اگرچی اهلی-فضل ایمان بیلیر،

ائی نسیمی، سانما سن کیم، کافر ایمان ایسته‌یه.

Latincə

گلگیل کی، مۆشتاق اوْلموشام شیرین لبین گۆل قندینه،

گلگیل کی، مۆشتاق اوْلموشام شیرین لبین گۆل قندینه،

گلگیل لبین قندین ایلت، گۆل آنلارین گۆلقندینه.

هر قاندا کیم، شرح ائیله‌سم شیرین دوْداغین قندینی.

ارواح اۇشر سینک کیمی اوْل دادلی شککر خندینه.

شهلا گؤزون مندن کؤنول آلدیوو آند ایچر کی، بۇ

کففارت اوْلسون جانو دیل اوْل گئرچگین سوْوکندینه.

میشکین ساچین مندن منی کسدیوو پئیوند ائیله‌دی.

تحسین آنین تقتیینه، رحمت آنین پئیوندینه.

زۆلف ایله قاشی قاره‌دیر، سروی خۆرامان دیلبرین،

قاشلارینا قۇربان اوْلام، یا طورّه‌ی-دیلبندینه؟

ائی وایز، ابسم اوْل، مانا تاماتینی عرض ائیله‌مه،

من عاشق اوْلدوم گیرمزم هر قیسسخانین پندینه.

ائی عشقه اینکار ائیله‌ین، چۇنو چراوو چندی قوْی،

نیچین دۆشرسن عاشقین چۇنو چراوو چندینه؟

زۆلفو کمندیندن کؤنول قۇرتولماز آیروق شوْیله بیل.

سئوداسینه بئل باغلامیش، هم گؤز قاراتمیش بندینه.

چۆن شهرییارین شهرینه بۇ گۆن نسیمیدیر ملیک،

بۇیروق آنیندیر، حؤکم آنین هم شهرینه، هم کندینه.

Latincə

بیر ساقیگی-باقی کی، وفا قێلدی وۆصاله.

بیر ساقیگی-باقی کی، وفا قێلدی وۆصاله.

لۆطف ایله نظر قێلدی مانا، سۇندو پییاله.

ایچدیم قدهی-پۆرمه‌ی معشوقه الیندن،

جیسمیم قامو جان اوْلدووو جان اۇغرادی حاله.

جان مستی-الست اوْلدووو لا-یقلو حئیران،

کؤنلوم قدهی دۆردو ایچیب ایردی زۆلاله.

هر بیر سری-مۇ منصور اوْلوب سؤیلر ان الحق.

حقا مئی ایچنلر ایریشرلر بۇ خیاله.

هر کیمی کی، یاخمادیوو یاندیرمادی فیرقت،

ایرمه‌دی خلیل کیمی بۇ گۆن نۇری-وۆصاله.

یاندیردی، بلی، عشقین اوْدو، قێلدی منی کۆل،

عشقینده کۆل اوْلان ایریشر کۆلل کماله.

دخی نئده‌رم دۆنیا منه عرضانی قێلسا.

سنی دیله‌رم، قێلما منی قئیره هواله.

سئیّد، قده ایچ، ابسم، ازلدن شهی تقدیر.

هر کیمسه‌یه اؤز قدری ایله سۇندو نواله.

یاندیریجی فیرقتین یاخدی منی نارینه،

کؤنلوم اۇلاشماق دیلر یاری-وفادارینه.

عشقه اسیر ائیله‌دی جانیمی شوْل جؤوری چوْخ،

لۆطف ایله بیر باخمادی یاری-گیریفتارینه.

اوْلدو گؤزومدن ایراق شوْل صنمین صۇرتی،

یارب، ایریشدیر منی دؤولتی-دیدارینه.

گرچی سۆزولموش گؤزو ائیله‌دی سایرو منی،

رحمتی آنین قانی عاشقی-بیمارینه؟

یۆرگیمی یاره‌لی ائیله‌دی شؤوقون، ایریش،

یاره‌سینه باخ بۇ گۆن، قوْیما آنی یارینه.

یاندیریرام جانیمی شمینه پروانه تک،

یانار ایمیش یار ایچون واصیل اوْلان یارینه.

مۆلک ایله مال، ائی ملیک، کیمسه‌یه چۆن قالمادی،

یوْخ تۇت آنی، هئچه سای، قالما اوْنون وارینه.

عشقینه قالو بلا چۆن دئمیشم سیدق ایله،

عهدینی سێندیرمازام دۇرموشام ایقرارینه.

یاره نسیمی کیمی جانینی قۇربان ائدن،

محرم اوْلور تا ابد مخزه‌نی-اسرارینه.

Latincə

حبیبا، فیرقتین سالدی ملاله،

حبیبا، فیرقتین سالدی ملاله،

کاباب اوْلدو اۆرگیم هم چۇ لاله.

نصیب اوْلموش منه حقدن، نیگارا،

دیلیمده گئجه-گۆندوز آهو ناله.

قاشین مئهرابینه قێلدیم سۆجودی،

ولی مۆنکیر اوْلان دۆشدو زلاله.

رقیبین اوْلماسین مقسودو حاصیل،

الیف تک قددیمی اوْل سالدی داله.

بوْیون تۇبا، لبیندیر آبی-کؤوسر،

یۆزون تنه قێلیر شمسو هیلاله.

من اوْل قوواس تکی جان ترکین ائتدیم،

سنین چؤهرنده‌کی اوْل خطتو خاله.

یئر ایله گؤی بینا اوْلمازدان اقدم

نسیمی عاشق ایدی اوْل جمعاله.

Latincə

دۆشدو یئنه دلی کؤنول گؤزلری‌نین خیالینه،

دۆشدو یئنه دلی کؤنول گؤزلری‌نین خیالینه،

کیم نه بیلیر بۇ کؤنلومون فیکری نه دیر، خیالی نه؟

آل ایله آلا گؤزلرین آلدادی آلدی کؤنلومو.

آلینی گؤر نه آل ائدر، کیمسه ایریشمز آلینه.

قییمتینی دوْداغی‌نین دگمه خسیسه سوْرما کیم،

من بیلیرم کی، جان ایله سۇسامیشام زۆلالینه.

گؤزلرینه اسیر اوْلان حالیمی، اوْلدور آنلایان،

کیم کی، بۇ حاله دۆشمه‌دی قوْی وارا کندو حالینه.

سیررینی شوْل قارا بنین چۆنکی یاناغی شرح ائدر،

جان نه اوْلا نثار ائدم یاناغیناوو خالینه؟

دادلی سؤزوندن اۇتانیر آبی-حیات، مهو اوْلور،

گۆلبشکر نه نسنه‌دیر کیم، ایریشه مقالینه؟

حۆسنو جامالو صۇرتین مجلیسی برکامالدیر،

شرحو بَیانو وصفینه عقل ایره‌مز کمالینه.

اۆزونو، قاشینی گؤرن قارشو-به-قارشو، گؤز-به-گؤز،

سانما کی، باخا اوْل گؤگون بدرینه یا هیلالینه.

عاشقی-صادقین قانی یاره حلال ایمیش، ولی،

گیرسه اگر روا دئگیل دیلبر آنین وبالینه.

آی ایله گۆن سۆجود ائدر صۇرتینی گؤریجگیز،

بۇ نه جمعالو حۆسن اوْلور، سللی-الا جمعالینه.

بۇلدو نسیمی چۆن سنی، کئچدی قامودان، ائی صنم،

قوْیدو هریرو اطلسی، گیردی عباوو شالینه.

Latincə

دۆنیا دۇراجاق یئر دئییل، ائی جان، صفر ائیله!

دۆنیا دۇراجاق یئر دئییل، ائی جان، صفر ائیله!

آلدانما آنین آلینا، آندان هزر ائیله!

بیر حاله قرار ائیله‌مز ایام، کئچر عؤمر،

ائی اهلی-نظر، باخما بۇ حاله، نظر ائیله!

پاینده دئگیل دؤولتی، ائی خاجه، جاهانین.

اسبابینه آلدانما، گل آندان گۆزر ائیله!

گر عاشق ایسن سیدق ایله شوْل دیلبر اۆچون، گل

جان ایله جاهان اوْرتایا قوْی، ترکی-سر ائیله!

دۆشدو ساچی‌نین ظۆلمتینه کؤنلوم، ایلاهی.

شوْل حالی پریشانه بۇ شامی سحر ائیله!

چۆن حۆسنونه خطم اوْلدو بۇ گۆن دؤوری-ملاهت.

ائی فیتنه‌لرین خاتمی، شققول-قمر ائیله!

گر مۇسیگی-عمران کیمی شوْل ناره ساتاشدی،

گل، تابیشینی گؤسترو شرحی-شجر ائیله!

دۆنیا ائوینین سلطنتی بئش گۆن ایمیش چۆن،

بۆنیادینی یێخ، ار کیمی، زیرو زبر ائیله!

شوْل پۆسته‌دهانین خبرین بیلدی نسیمی،

شیرینلره شوْل تۆنگی-شکردن خبر ائیله!

Latincə

آی ایله گۆن سۆجود ائدر صۇرتی-جانفزایینه،

آی ایله گۆن سۆجود ائدر صۇرتی-جانفزایینه،

آی ایله گۆن نه دیر کیم، اوْل دۆشمه‌یه خاکی-پایینه.

جامی-جاهاننومادور اوْل، سنده ایکی جاهانی گؤر،

چۆن گؤره‌سن سن اوْلموسان جانی-جاهانه آیینه.

فایلی-مۆطلقی-یقین کیم کی، دیلر گؤره بۇ گۆن.

باخسین آنین جمعالینا، حقی گؤرر بۇ آیینه.

عاشقی-صادق اوْلدورور حق یوْلوندا شهید اوْلا،

حق دئیه‌نی آلیر آنون دۇرموش آنون باهاسینه.

یۇسیفی-میسری جانو دیل، یعنی کی، فضلی-ذۆالجلال.

گلدی صفاوو زؤوق ایله شهری-بدن سارایینه.

قێلدی فنا وۆجودومو کۆلل کریم ایله کلام،

زرقی-حسن بۇدور کی، شاه ساندی بۇ گۆن گدایینه.

هر کی، نسیمیتک سۆجود فضلی-ایلاهه قێلمادی.

دیو کیمی بۇ گۆن آنی بلکه بۇ یوْلدا دایینه.

Latincə

جاندا کی، عشق اوْلمادی، دیلده خبر نه فایده؟

جاندا کی، عشق اوْلمادی، دیلده خبر نه فایده؟

گؤزده کی، گؤرمک اوْلمادی، نۇری-بصر نه فایده؟

هر کیشی کیم، ازلده اوْل بی نصیب اوْلدو منیدن،

آیتو تفسیرو کلام، آنا خبر نه فایده؟

گؤوهرین اۆشته قییمتین سرراف اوْلان عاریف بیلیر،

اوْل کی، مۆبسسیر اوْلمادی گؤره گؤهر نه فایده؟

تۇتیدورور بۇ شککرین دادینی، لذتین بیلن،

قارغا نئدر بۇ گۆلشه‌نی، زاغه شکر نه فایده؟

درد ایله سن نسیمی‌نین گؤوهرینی گل آلماغیل.

عاشق اوْلان کیشیلره عشقه سۆپر نه فایده؟

Latincə

هر کیم کی، مۆشتاق اوْلمادی شوْل دیلبرین دیدارینه،

هر کیم کی، مۆشتاق اوْلمادی شوْل دیلبرین دیدارینه،

یئتیشمه‌دی مۇسا کیمی آنستونارین نارینه.

یارین لیقاسین ایستگیل، جانینی وئرگیل وصلینه

کیم، شوْل نیگارا، چوْخ دئگیل، سن قالما دۆنیا وارینه

قالو بلاده یار ایله قؤولو چۆ قێلدین، ائی کؤنول،

قؤولونده صادقدیر کی، من اینانمیشام ایقرارینه.

یارب، نه شمین نۇریدیر گۆلگون یاناغین، ائی قمر،

کیم، نوْه فلک پروانه‌دیر شوْل صۇرتین انوارینه.

چۆن دۆنیا جیفه‌دیر دئدی حقین رسولو، طالبی،

چۆن کلب ایمیش، گل فاریغ اوْل، باخما آنین مۇردارینه.

اوْل دیلبرین یوْلوندا ترک ائتدی نسیمی جانینی،

بیل چوْخ دئییل جانو جاهان گر ترک ائدرسه یارینه.

Latincə

صۇرتی-حقه، ائی صنم، بدری-رۆخوندور آیینه،

صۇرتی-حقه، ائی صنم، بدری-رۆخوندور آیینه،

داش اوْلا کیم کی، صۇرتین اوْلمایا عاشق آیینه.

عشقی-رۆخون تریقیدیر داری-سلامتین یوْلو،

منزیلینه قاچان ایرور کیم کی، بۇ یوْلدا تایینه.

دۆنیاوو مۆلکو مالینه مئیلو محبت ائیله‌مه،

چۆن گئدیسرسن، ائی ملیک، آخیرتین سارایینه.

وصلی-رۆخوندن، ائی پری، تا ابد اوْلدو مؤهتجیب

کیم کی، مۆقیید اوْلمادی زۆلفو گیرئهگوشایینه.

فاتیحه‌دیر آنین اۆزو، نۇنو الیفدیر، آیتی،

سللو و سللمو الا صۇرتی-جانفزایینه!

زۆلفی-دۇتاسی‌نین قمین سوْر بۇ اسیری-عشقه کیم،

کوْلدور اسیر ائدن منی سیلسیله‌ی-دۇتایینه.

باشینه کیم کی، دۆشمه‌دی کؤلگه‌سی عنبرین، ساچین.

دؤولته صادق اوْلمادی، اۇغرامادی هۆمایینه.

هۇر ایله جنّتو لیقا گؤرمه‌یه حقدن، اوْیلا بیل،

کیم کی، اۆزونده گؤرمه‌دی حقی بۇ گۆن مۆایینه.

عشقینه کیم کی، قێلمادی باش ایله جانینی سبیل.

دردینه چاره بۇلمادی، اۇغرامادی دوایینه.

وئرمیشم اوْل قارا ساچین قؤولو قرارینا کؤنول.

گرچی اینانمازام آنین عهدینوو وفایینه.

حۆسنو رۆزون زکاتینی آیه گر ائیله‌سن اتا

مئهری-مۆنیری- تلتین گؤرونه، ماه بایینه.

حۆسنونه خالیقولبشر خطمی-ملاهت ائیله‌دی.

دؤولت آنین کیم اۇغرادی خطمه‌سی‌نین دۇعایینه.

جان وئریجی لبینده‌دیر شربتی خسته کؤنلومون،

کیمدیر ایریشدیرن آنی شربتی‌نین شفایینه؟

لعلی-لبین حدیسینی اینجویه نیسبت ائیله‌ین،

گؤر نه جفالر ائیله‌میش جؤوهری-جانفزایینه.

عشقینه وئرمه‌سین کؤنول شوْل صنمین، نسیمی تک،

کیم کی، تهممول ائیله‌مز جؤورونوو جفایینه.

Latincə

بۇ نئجه قددو قامتدیر کی، بنزر سروی-بالایه.

بۇ نئجه قددو قامتدیر کی، بنزر سروی-بالایه.

بۇ نئجه حۆسنو صۇرتدیر کی، نۇر احسان ائدر آیه.

جمعالیندان مۆنوور آی ایله خۇرشید، ائی دیلبر.

ملکدیر والئهو حئیران بۇ گۆن بۇ حۆسنی-زیبایه.

قاشیندیر قاب ایله قؤوسئین کی، اسرارینا عقل ایرمز،

ولی بۇ سیرری اوْل بیلدی کی، قۇربان اوْلدو اوْل یایه.

لبین شوْل لعلی-احمردیر، دیشین اوْل دۆرری-گؤوهردیر

کی، لعلی توْرپاغا سالدی، بۇراخدی دۆرری دریایه.

رۆخون کیمی مۆزییندیر گۆلو لاله، آنین شؤوقی.

یاناغین عکسی دۆشموشدور مگر کیم، وردی-حمرایه،

جاهانین توْرپاغی چۆنکی، ابیره عنبر اوْلموشدور،

صبا میشکین ساچین بۇیی بۇراخدی میشکو صحرایه.

وۆصالین ایسته‌ین عاشق عجب سئودایه دۆشموشدور،

جاهانو جانی ترک ائیلر دۆشر هر کیم بۇ سئودایه.

بۇ گۆن، ائی خۇبلارین شاهی، امیری-دیلبرانسان کیم.

خیالین لشکری وئردی کؤنول شهرینی یغمایه.

گؤزومدن گرچی پۆنهاندیر نیگارین صۇرتی، اما

گؤرونن وجهیدیر آنین نظر قێلدیقجا هر جایه.

اؤلورسه ایشتییاقیندان، نه قم، هیجران ایله سئیّد.

اۆزونو گؤردو وۆ ایردی بۇ گۆن فیردؤوسی-الایا.

Latincə

 
  • یارپاقلارین سایی :3
  • 1  
  • 2  
  • 3  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم