تبلیغات
ایران آذربایجانی تورکجه سینین ادبیات اوتاغی - مطالب نصرت کسمنلی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

جانی سن وئرمه دین

جانی سن وئرمه دین

جانی سن وئرمه دین ، سنده آلاسان ،

اومید وئر یاشاییم ، اؤلدورمه منی .

قییما سئونینه قاتیل اولاسان ،

اومید وئر ، یاشاییم ، اؤلدورمه منی .

اؤلوموم مین یئره یوزولا جاقدیر،

دونیادان بیر سئون آزالاجاقدیر،

قبریم اوره یینده قازیلاجاقدیر

اومید وئر، یاشاییم ، اؤلدورمه منی .

منی اؤز الینله مزاره وئرمه ،

گؤرمک ایسته میرسن ، هئچ منی گؤرمه ،

سن آللاه ، بوقدر گوناها گیرمه .

اومید وئر، یاشاییم ، اؤلدورمه منی .

وآللاه ، اللریمده قالاجاق یاخان ،

بیلمیرم بومنزیل ، اوزاق می ، یاخین ،

یاشاماق منیم ده حاقّیمدی ، آخی ،

اومید وئر، یاشاییم ، اؤلدورمه منی .

جانی سن وئرمه دین

جانی سن وئرمه دین

جانی سن وئرمه دین ، سنده آلاسان ،

اومید وئر یاشاییم ، اؤلدورمه منی .

قییما سئونینه قاتیل اولاسان ،

اومید وئر ، یاشاییم ، اؤلدورمه منی .

اؤلوموم مین یئره یوزولا جاقدیر،

دونیادان بیر سئون آزالاجاقدیر،

قبریم اوره یینده قازیلاجاقدیر

اومید وئر، یاشاییم ، اؤلدورمه منی .

منی اؤز الینله مزاره وئرمه ،

گؤرمک ایسته میرسن ، هئچ منی گؤرمه ،

سن آللاه ، بوقدر گوناها گیرمه .

اومید وئر، یاشاییم ، اؤلدورمه منی .

وآللاه ، اللریمده قالاجاق یاخان ،

بیلمیرم بومنزیل ، اوزاق می ، یاخین ،

یاشاماق منیم ده حاقّیمدی ، آخی ،

اومید وئر، یاشاییم ، اؤلدورمه منی .

آوقوست ٩۶

نصرت کسمنلی شعرلری

 کیتابین آدی :نصرت کسمنلی شعرلری 

اولچوسو :726 کیلوبایت

الیفبا : عرب و لاتین الیفباسی

دیل : آذربایجان تورکجه سی

صحیفه لرین سایی :  191 صحیفه

ایندیر(دانلود)

نصرت کسمنلی نین شعرلری(جاوا کیتابی)

کیتاب آدی : نصرت کسمنلی نین شعرلری

کیتابین فورما سی  : جاوا

ساپورت ائدن قولاق جیقلار (موبایل تلفونلاری):بوتون قولاق جیقلار کی جاوا پروگرمین ساپورت ائدرلر

اولچوسو : 128 کیلو بایت

ائندیر (دانلود)

بیر مئح ایدی

بیر مئح ایدی
بیر مئح ایدی ، اسیب گئتدی .
سؤزلو- سؤزلو سوسوب گئتدی
بلکه ائله کوسوب گئتدی ،
بیرده گئری قاییدارمی ؟
اؤزو بویدا اوره ک ایدی ،
آج کؤنلومه چؤرک ایدی ،
گؤیدن گلمیش ملک ایدی
بیرده گئری قاییدارمی ؟
او باخیش نه باخیشیدی ؟
باخا - باخا قالدیم آللاه !
کیرپیک چالدی ،آتشیندن
ایچین - ایچین یاندیم آللاه !
منه اولان اولوب داها
غم کؤنلومو آلیب داها
اومید اونا قالیب داها
بیرده گئری قاییدارمی ؟

سنین خاطیرینه ...

سنین خاطیرینه ...
نه یازسام سئوگیدن یازیر
قلم ، سنین خاطیرینه .
هیجراندان بوینو بوکولو،
منم ، سنین خاطیرینه .
یولومو دومان باغلاسا،
کؤکسومو حسرت داغلاسا .
گؤزلریمده سئل چاغلاسا
گوللم ، سنین خاطیرینه .
گل یاندیرما دیلین ایله
چوخ اویناما کولوم ایله ،
سون تیکه می سنین ایله
بؤللم ، سنین خاطیرینه .
بیلمیرم ، ملک سن نه سن ،
جان وئره رم ، جان ایسته سن .
بیرجه کلمه اؤل ، سؤیله سن ،
اؤللم ، سنین خاطیرینه .

مندن اسیرگمه ...

مندن اسیرگمه ...
مندن اسیرگمه او گؤزلرینی ،
باخیم گؤزلرینه گؤزوم سئوینسین،
سنی سئودیییمی سؤیله ییم سنه ،
اوره ییم سئوینسین ، سؤزوم سئوینسین ...
مندن اسیرگمه محبّتینی ،
ساخلا سحرکیمی طراوتینی .
گؤستر لئیلی کیمی صداقتینی
حسرت بویون بوکسون ، دؤزوم سئوینسین .
نازلی بیر پری سن اوچوب گلمیسن ،
پاییزدان باهارا کؤچوب گلمیسن .
هانسی درد الیندن قاچیب گلمیسن ،
قوووشسون ایزینه ایزیم سئوینسین .
مندن اسیرگمه گول نفسینی ،
سن اوخو ، دینله ییم یازین سسینی .
مندن اسیرگمه عشق قفسینی
یانیم بو قفسده کؤزوم سئوینسین .
مندن اسیرگمه غؤنچه دوداغی ،
سن آللاه ، قلبیمه چکمه بو داغی .
اوتوراق اوز - اوزه بیر آخشام چاغی ،
چؤره ییم سئوینسین ، دوزوم سئوینسین ...

نصرت کسمنلی نین حیاتی

کسمنلی نوصرت یوسیف اوغلو (1946-2003) - شاعر, پوبلیسیست, 1977-جی ایلدن آذربایجان یازیچیلایر بیرلییی‌نین عضوو, رئسپوبلیکا لئنین کومسومولو موکافاتی لاورئاتی (1982).
آذربایجان دؤولت ئونیوئرسیتئتی‌نین ژورنالیستیکا فاکولتسینه داخیل اولموشدور (1966). ئونیوئرسیتئتین ایی کورسوندا ایکن «باکی» و «باکو» قزئت‌لرینده موخبیر, ادبی ایشچی وظیفهه‌لرینه قبول ائدیلدییینه گؤره قییابی شؤبیه کئچیریلمیش‌دیر (1969-جو ایلده). ئونیوئرسیتئتی بیتیردیک‌دن سونرا آذربایجان یازیچی‌لار ایتتیفاقیندا رئفئرئنت و ادبی مصلحتچی اولموشدور (1978-1985).
 
60-جی ایللرین اول‌لرین‌دن بدیی یارادیجیلیغا باشلامیش‌دیر. 150-دک شعرینه موسیقی بستلنمیش‌دیر. «بوش کند‌لرین هارایی», «مؤوزو عذره ایمپروویزاسییا», «نبیز‌لرین کئشیییند», «سووئت آذربایجانینا سیاحت» و س. سند‌لی فیلم‌لرین, «افرودیتانین قول‌لاری», «قاراباغ احوالاتی» بدیی فیلم‌لرین سسئناری مؤلفی‌دیر. موسکوادا گنج یازیچی‌لارین وی,ویی اومومیتتیفاق موشاویره‌لرینده ایشتیراک ائتمیش‌دیر.
فال اجتماعیییتچی اولموشدور: آذربایجان یازیچی‌لار ایتتیفاقیندا همکار‌لار کومیتسی‌نین صدری (1981-1984), مدنیییت ایشچی‌لری همکار‌لار اتفاقی رئسپوبلیکا کومیته‌سی ریاست هئیتی‌نین عضولویونه نامیزد, آذربایجان تاریخ و مدنیییت عابده‌لری محافظه جمعیتی‌نین عضوو, آذربایجان یازیچی‌لار ایتتیفاقینین وی,ویی قورولتاییندا ایداره هئیتی‌نین عضوو, پوئزییا شوراسینین صدری سئچیلمیش‌دیر. ج.جاببار‌لی آدینا «ازربایجانفیلم» کینوستودییا‌سیندا باش رئداکتور ایشلمیش‌دیر (1985-جی ایلدن). «دونیایا پنجر» سند‌لی تئلئویزییا وئریلیشی‌نین سسئناری مؤلفی و آپاریجیسی اولموشدور (1985-جی ایلدن).

 

لاتین الیفباسینان

سن منی گؤره جک سن ...

سن منی گؤره جک سن ...
منه درد وئریب گئتمه ،
دردیم نن اؤله جک سن .
هارا باخسان ، قارشیندا
سن منی گؤره جک سن .
بو پئشیمان یوللاردا
آخیب گئدن سولاردا،
هر گئجه یوخولاردا،
سن منی گؤره جک سن .
غم دولو اوتاغیندا ،
قوروموش دوداغیندا،
او منسیز یاتاغیندا
سن منی گؤره جک سن.
دن دوشر قارا تئله،
گؤزیاشین دؤنر سئله .
گؤزونو یومسان بئله ،
سن منی گؤره جک سن .
تویدا گولمه یه جک سن
کؤنول وئرمه یه جک سن
به یی گؤرمه یه جک سن
سن منی گؤره جک سن .

سندن سونرا...

سندن سونرا...
اؤزونله آپارمیسان
گونلریمین رنگینی .
کدر منه بنزه ییر،
غم کؤوره لیب سن کیمی .
ایندی باشا دوشموشم ،
سن سیز هر شئیم هدر،
سندن سونرا هئچ کسی
سئومه دیم سنین قده ر .
سئوگی دولو باخیشلار
شکلیندن باخیر منه .
دؤنه جکسن بیلیرم
سن اوّل - آخیر منه .
من ائله بیلیردیم کی ،
هر شئی سویویوب گئدر،
سندن سونرا هئچ کسی
سئومدیم سنین قده ر.
ایچیمده طوفان کیمی
چاغلاییر خاطیره لر.
گؤز یاشلاریم قورومور
آغلاییر خاطیره لر.
من کدردن دویموشام
مندن دویماییر کدر ،
سندن سونرا هئچ کسی
سئومدیم سنین قده ر.
او قدر یاخین ایکن
بو قدر اوزاق اولدوق.
یورولدوق مو سئوگیدن
بیز یاری یولدا قالدیق .
من عذابلار ایچینده ،
سن اؤزون مندن بئتر
سن اؤزون ده هئچ کسی
سئومدین منیم قده ر ...

اوزونده بیر تبسم

اوزونده بیر تبسم
سن دؤنوب باخمادین می ؟
بیر باخیشلا کؤنلومو
یاندریب یاخمادین می ؟
یاشادین اومودومدا ،
کول آختاردین اودومدا ،
قارالمیش بولودومدا
شیمشک تک چاخمادین می ؟
آتیب اوزدن تئلینی .
بال ائیله دین دیلینی ،
منیم تک بیر دلینی
یولوندان ساخلادین می ؟
کولک کیمی اسن سن .
شئیطان می ، یا نه سن سن !
پامبیقلا باش کسن سن
آللاه دان قورخمادین می؟

بو داغدان کئچه بیلمزسن

بو داغدان کئچه بیلمزسن
گولونو بیچه بیلمزسن ،
زَهَرم ، ایچه بیلمزسن
سنین شرابین دئییلم
گل اویناما بو اویونو ،
آچا بیلمزسن دویونو ،
گئت آختار، تاپ اؤز تایینی
من سنین بابین دئییلم .
اؤته ری حیسّ لره یادام ،
کؤنوللر یاندیران اودام ،
سئوگی آدلی بیرکیتابام ،
سنین کیتابین دئییلم .
یانیب ، اودلارا قالانما ،
بو عشقی اه یلنجه سانما ،
پروانه تک چوخ دولانما ،
سنین چیراغین دئییلم ...

سئوه بیلمزسن

سئوه بیلمزسن
هله قلبیمیزده خاطیره ایزی ،
هله آیریلیغین نم لیدی گؤزو ،
هله کی ، سئویریک بیر - بیریمیزی ،
باشقا بیریسینی سئوه بیلمزسن .
گؤر نئچه نغمه نین بسته سی قالیب .
بو اوجاق سؤنوبسه توستوسو قالیب.
الینده الیمین ایستی سی قالیب
باشقا بیری سینی سئوه بیلمزسن .
اینجیدیب ، قلبیمه ده یه بیلمیرسن ،
یولونو بیریوللوق اه یه بیلمیرسن .
منه " یوخ" سؤزونو دئیه بیلمیرسن ،
باشقا بیری سینی سئوه بیلمزسن .
ایل کئچیر ، عؤمورده خاطیره قالیر،
باهار گوللریمیز غؤنچه ده سولور.
هله کی ، گؤزلرین منی آختاریر ،
باشقا بیری سینی سئوه بیلمزسن .
آخار گؤزوموزون یاشی قوروماز ،
دئییردیک بو ایلقار پئیمان پوزولماز
بئله سئوه - سئوه آیریلماق اولماز ،
باشقا بیری سینی سئوه بیلمزسن .

قارا تئللر

قارا تئللر
قارا تئللر آل یاناغا یان دوشوب ،
زامان قاچیب ، فورصتدن بیر آن دوشوب ،
آرامیزا بیر لاله لیک قان دوشوب،
ناحاق دردیم بو لاله نی دئیه سن .
گؤزیاشلاری شئهه دؤنوب تؤکولور،
اللریمده لچک - لچک سؤکولور،
اونون بوینو ، منیم بوینوم بوکولور،
ناحاق دردیم بو لاله نی دئیه سن .
دریلدیمی ، تئزدن اکه بیلمه رم ،
پشیمانام ، دردی چکه بیلمرم ،
. . . . . . . . . . . . . . . . .
ناحاق دردیم بو لاله نی دئیه سن .
دریلمک چون بوی آتمیشدی بو لاله،
اؤزو بویدا سئوگی دولو پیاله.
قولاغیمدان گئتمه یه جک بو ناله ،
ناحاق دردیم بو لاله نی دئیه سن ...

کوسولو قالا بیلمیرم ...

کوسولو قالا بیلمیرم ...
قاییدیب گلمیشم یانینا یئنه ،
نه اولار، بودفعه قلبیمه ده یمه .
دئیه سن گولورسن عاجیزلیییمه
نئیله ییم ، کوسولو قالا بیلمیرم .
سئون لرهمیشه یئسیر دوشوبدو،
آخی ، آرامیزا نه سیرّ دوشوبدو،
ایرادم سئوگینه اسیر دوشوبدو.
نئیله ییم ، کوسولو قالا بیلمیرم .
زامان گؤزله میرکی ، عؤمور- گون آخیر،
سویوقلوغون منی یاندیریر، یاخیر.
گؤزوم گؤزلرینه یالواریب باخیر،
نئیله ییم ، کوسولو قالا بیلمیرم .
اوچوب بولودلارا قونا بیله رم .
بو دردین الینده سولا بیله رم .
عؤمورلوک آج - سوسوز قالا بیله رم ،
نئیله ییم ، کوسولو قالا بیلمیرم ...

 
  • یارپاقلارین سایی :3
  • 1  
  • 2  
  • 3  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم