تبلیغات
ایران آذربایجانی تورکجه سینین ادبیات اوتاغی - مطالب عاصم اردبیلی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

گوزلرون ده نه وار؟

گوزلرون ده نه وار؟
 

گوزون دولوب  سوزایلن  بیلمیره م گوزون ده نه وار؟

اوزون  گورن ده  دیلیم  لال  اولور  اوزون ده نه وار؟

باخان دا  شـــــوق ایله   شمشاد  مثـــــلی   قامت اینه

تاپانمیرام  اوزومـــــــــو  نازنین  اوزون ده   نه وار؟

آجی سوزون منه بال دان شیرین دی  بیر سوزه  گل

اوزون بویور بو معما  نه دیر؟  سوزون ده  نه وار؟

نه کوزدو  کونلومو  یاخدیقجا  داغ لی  لاله  بیته ر؟

بو شـــــوره زاری گلستان ائده ن کوزون ده نه وار؟

عومور یازین دا  کی  کونلوم  سن ایله  یازلاندی

او یازلا  یازلانیرام  دادمیشام   کوزون ده   نه وار؟

او گون کی آیریلیقا چاره ( دوز )  دئدین هله لیک

اطاعتین ده  وار (عاصم) گوره ( دوزونده ) نه وار؟

دئمه اوزون ده / سوزون ده / کوزون ده  اولدوغونو

گوزون دولوب سوز ایلن کاش بیله ام گوزون ده نه وار؟

 

                              عاصم

            اردبیل گئجه یاری سی 13/6/1387

 

گه ل ... گئت

گه ل ... گئت
 

گه ل بوشان شان اوره گین قصه سین انشاءائله گئت

بیربه بیر ووردوغون اوخلاره تماشا ائله گئت

آیریلیق دان نظر ائت گوزده ن آخان قان یاشیما

قطره لرده ن توره نن چشمه نی دریا ائله گئت

گیزلی اسراریمی ائل ده ن ائله دیل ده ن دیله سال

سن ده  مجنونونو ائل لر آرا رسوا ائله گئت

داغلی یام بارلی باغین پنجره سین آچ اوزومه

قاراقیش دان قارالان باغریمی احیا ائله گئت

بیرباخیش سئوگی یه ایل لر بویو حسرت ده وارام

گه ل گولوم گه ل اونوبوجان ایله سودا ائله گئت

قتلیمین حوکمونو سن سیزلیگیم امضا ائله یب

گه ل بومحکومون اوزون حوکمونو اجرا ائله گئت

ظلماتین داش قلعه سین ده ن باشا داش یاغمادادیر

تکجه بیرجلوه قارانلیق دا تماشا ائله گئت

باخ بو وحشت ده بوغولموش آجی قیشقیرتی لارا

لال سکوت دان دوغولان های کویو معنا ائله گئت

گئجه نین باغلاقارا معجرین آیدین سحره

گوندوزون خیمه سینی اولکه ده برپا ائله گئت

(عاصم )این دردی آغیر اولسادا یونگول دو یوکو

گه ل بو قارقانمیش ایلان کوسمه مداراائله گئت

 

              عاصم اردبیلی – اردبیل  14/7/1388

نه ده ن ؟

نه ده ن ؟
  

بوباغین بولبولو بیرده ن بیره لال اولدو نه ده ن ؟

قوزقونا قارقایا جولانه مجال اولدو نه ده ن ؟

شانلی یازکسمیش ایدی قاره قیشین بوز نفسین

یازا چیخمیش صونالارغرق ملال اولدو نه ده ن ؟

هانکی صرصر الی پرپر ائله دی گول چیچگی

بوبرومندآغاجین میوه سی  کال اولدو نه ده ن ؟

بیز کی جان جان دئمه دیک اولکه ده قان قان دئینه

سئوگی منظومه سی حال اهلینه قال اولدو نه ده ن ؟

می ای انگوری  سوزوم یوخ کی حرام ایدی بیزه

انسانین قانی نی نوش ائتمه ک  حلال اولدو نه ده ن ؟

بیزبیلردیک کی دوغولماز یئنی ده ن رستم زال

یوردون حراجه قویان رستم زال اولدو نه ده ن ؟

ایسته دیک سیره چیخاق ماوی سمالرده بیرآن

سیندی قول یاندی قاناد سیرمحال اولدو نه ده ن ؟

آی کیمین آیدین ایدی (عاصمه) ناحق ایله حق

پس حقین قامت موزونو هلال اولدو نه ده ن ؟

           عاصم اردبیلی    6/9/1388

داغ دایاق لی ......

داغ دایاق لی ......
 
ای نازنین گئدنده اوزونلن آپار منی

قالسام بیلیرسن اولدوره جک انتظارمنی

دونموش چاغیمدا یای نفسینلن سواولموشام

گوسترمحبتین قاراقیشدان قوتارمنی

حسرتده یه م یاشیلیقا ای یام یاشیل یازیم

سن سیز داریخدیرار بوچیچک سیز باهارمنی

من اووچویامسا سن کیمی شیرین شکاری ام

کیپریک اوخون کامان قاشا قوی ائت شکارمنی

اغیارایلن عومور, عومور اولماز ممات دیر

باش دیر حیات ده ن اگر اولدورسه یارمنی

سینه مده سوزلریم قالانیب  دیر قاطارقاطار

هاردان بولال جماعته ائل لر قاتارمنی

من ائل لرین دینه ن  دیلی ام سانمادینمیره م

سوسموش دیلیم گلر سوزه دیندیرسه تارمنی

من لال سکوت دا زهرلی فریادی دینلیره م

ای مدعی حیا ائله چوخ سا نما کارمنی

تا ائلده نم اولن گونه جک داغ دایاقلی یام

حاشا ائلیمد ه ن آیری سالاشاختا قارمنی

آیدینلایب عیاریمی ائل لر قیزیل کیمی

" عاصم " اوجالداجاق بئله بیر اعتبارمنی

 

              اردبیل   16/10/1388

داغ دایاق لی ......

ای نازنین گئدنده اوزونلن آپار منی

قالسام بیلیرسن اولدوره جک انتظارمنی

دونموش چاغیمدا یای نفسینلن سواولموشام

گوسترمحبتین قاراقیشدان قوتارمنی

حسرتده یه م یاشیلیقا ای یام یاشیل یازیم

سن سیز داریخدیرار بوچیچک سیز باهارمنی

من اووچویامسا سن کیمی شیرین شکاری ام

کیپریک اوخون کامان قاشا قوی ائت شکارمنی

اغیارایلن عومور, عومور اولماز ممات دیر

باش دیر حیات ده ن اگر اولدورسه یارمنی

سینه مده سوزلریم قالانیب  دیر قاطارقاطار

هاردان بولال جماعته ائل لر قاتارمنی

من ائل لرین دینه ن  دیلی ام سانمادینمیره م

سوسموش دیلیم گلر سوزه دیندیرسه تارمنی

من لال سکوت دا زهرلی فریادی دینلیره م

ای مدعی حیا ائله چوخ سا نما کارمنی

تا ائلده نم اولن گونه جک داغ دایاقلی یام

حاشا ائلیمد ه ن آیری سالاشاختا قارمنی

آیدینلایب عیاریمی ائل لر قیزیل کیمی

" عاصم " اوجالداجاق بئله بیر اعتبارمنی

ساراسن

نه  وامق من  نه عذراسن  نه من مجنون نه لیلا سن

منی جانا گوزون ده غرق ائده ن طوفانلی دریاسن

دیریلدیرسن نگاهونله توکورسن قان سپاهونله

منیم ظنیم جه  گه  چنگیز سن    گاهی مسیحا سن

نه قهرون ده ن منیم ایمن قالار بو قان اولان کونلوم

نه مهرون ناردن ساخلارمنی اولما زلیخاسن

سنیلن من منم سن سیزکیم ام ای نازنین بیلمه ام

بونوبیللم  کی ذهنیمده آچیلمازبیرمعماسن

بوغازیمده ن قوپان های سان منه حق ده ن چاتان پای سان

دئیه بیلمه ام کیمه تای سان  کی سن هرحسنه دارا سن

بولاق سان داغ دوشونده یاقیزیل گول سن یاشیل باغدا

کی بوندان باش  گلر سن عطرده  اوندان مصفاسن

سوزون وارسوزلو سازلاردا ایزون وارشانلی یازلاردا

دنیز خوی لی آرازلاردا زامان تا  واردی    گویا سن

کیمه بیربوغداغیرت چاتسا سنده ن غیره باش اگمه ز

بلی سن آدمی آلداتمایان بیرآیری حواسن

عنایت قیل سنون بیرغمزه وون محتاجی دیر "عاصم"

کی سن قسمت ده سهمی سن عصمت لی ساراسن

ساراسن

ساراسن
 نه  وامق من  نه عذراسن  نه من مجنون نه لیلا سن
منی جانا گوزون ده غرق ائده ن طوفانلی دریاسن
دیریلدیرسن نگاهونله توکورسن قان سپاهونله
منیم ظنیم جه  گه  چنگیز سن    گاهی مسیحا سن
نه قهرون ده ن منیم ایمن قالار بو قان اولان کونلوم
نه مهرون ناردن ساخلارمنی اولما زلیخاسن
سنیلن من منم سن سیزکیم ام ای نازنین بیلمه ام
بونوبیللم  کی ذهنیمده آچیلمازبیرمعماسن
بوغازیمده ن قوپان های سان منه حق ده ن چاتان پای سان
دئیه بیلمه ام کیمه تای سان  کی سن هرحسنه دارا سن
بولاق سان داغ دوشونده یاقیزیل گول سن یاشیل باغدا
کی بوندان باش  گلر سن عطرده  اوندان مصفاسن
سوزون وارسوزلو سازلاردا ایزون وارشانلی یازلاردا
دنیز خوی لی آرازلاردا زامان تا  واردی    گویا سن
کیمه بیربوغداغیرت چاتسا سنده ن غیره باش اگمه ز
بلی سن آدمی آلداتمایان بیرآیری حواسن
عنایت قیل سنون بیرغمزه وون محتاجی دیر "عاصم"
کی سن قسمت ده سهمی سن عصمت لی ساراسن

                          اردبیل   19/10/1388

قاتماقاریشیق سوزلر

ای نازنین  اول جه گلیب   من ده ن آل منی

بیرگون ساتاندا ایسته دیگون حاله سال منی

هجران نوالی نی کیمی قیمت ده یونگولـــم

گوستر محبتین ســـورا  بیرعمر چال  منی

سینمده چئوریلیب زهره ایچدیگیم سودا

ازبس چکیب دی چارمیخا بوش قیل وقال منی

گاه بال کیمین شیرین دی دادیم گاه زهرکیمین

بئش دیقه امتحان ائله داد دال با دال منی

توشدوم غزل خیالینه دلداری اوخشایام

دردین الینده ن آلمادی آنجاق خیال منی

ائل ده ن گوزوم سوزآچدی دیلیم سوسدی دینمه دی

کورلاردا حق واربیله یوردومدا لال منی

من بیرقوشام اسارت , اولوم حکمودور منه

یوخ فرقی آل جانیم یادا زندانه سال منی

سوردوم  خیال آتین باغا حال آختاریب تاپام

آت هورکدی ایت یوگوردی یئره چالدی حال منی

شعریمده ایسته دیم قالا ایمن ده  مال داوار

بیلمه ام نه اولدو ووردو داوار یولدو مال منی

من بیرموتال  چی ییت  سوزو آتدیم ایت آغزینا

کئفلندی ایت قودوز کیمی قاپدی موتال منی

گیردیم   آیی لا   بیر چووالا چنگه لشمه گه

حیوان کی یوخ  بودارلادی یول سوز چوال منی

گئتدیم کمال اهلینه دستانی سئوله یه ام

یئتمیش یاشیمدا بیلدی کمال اهلی کال منی

گلدیم  شعر یغینجاسینا فیض کسب ائده م

گوردوم ائدیرله آلت جنگ وجدال منی

گئتدیم عزا محافیلینه مطلب آلماقا

مومن لر ائتدی خولی یه شمره مثال منی

گاه ایسته دیم کی قاره یه آق سئوله یم ولی

بیلیدم کی آغلارائتمه یه جک لر حلال منی

ظنیم بو ایدی دوستا  افندی حطاب ائده م

گوردوم چتین باغیشلایا  تورگوت اوزال منی

بیریول دا کونلوم ایسته دی کو ک ده ن عرب له نم

گوردوم ائلیم ده ن آیری سالار  انفعال منی

وئردیم بو پیرتداشیق سوزومو تارچی  سیزلایا

تارتوشدو تیرتیرا  داشا باسدی قاوال منی

دوستوم سوروشدو شعرده ن  عاصم نه تاپموسان؟

دردا جوابیم اولمادی بوغدی سئوال منی

واقتسیز خوروزکیمین منی سوزبانلادیر اودور

یئرسیز دئیل کی دانلایا اهل وعیال منی

من قافیه گزنده چاپان چاپدی یوردومو

وئردیم خارال خارال پولو تاپسین مارال منی

آنجاق مارال دا دوزمه دی فقرین فشارینا

آتدی یامان زامان دا اوزیباجمال منی

نشرائیله دیم بوسوزلری حشمت لی ائل لره

ائل لرده ائتدی شاعر صاحب مدال منی

من یازدیم ائل بگندی سوزوم دوشدو دیل لره

سالدی ایاقدان هجرده ن آرتیق وصال منی

کس لرسوزونده داغ کیمی بویلاندی سوزلریم

ناکس ایاغی آلتدا خیال ائتدی نال منی

عاصم ائلین دینن دیلی دیر ساخلا حورمتین

نال آرزیسین بوراخ ائله بوینوندا شال منی

گوزگو داش اولدی

گوردون گوزه لیم  گوزگو نهایت ده داش اولدو

باشلار ایاق اولماق دا ایاق دوندو باش اولدو

گوزده ن کیمی ائل آتدی  گئدیب غیره ال اولجاق

گوزده ن نه فقط دوشمه دی  گوز اوسته قاش اولدو

ایل لر بویو گوددوک قورویان آرخا سوگلسین

سو گلمه دی آنجاق کی گولوف لرده یاش اولدو

قارداش  قاراداش دان آشاقی  بولگو  بولنده

قانلی دویوشون حان بازاریندا داداش اولدو

بیر سورمه لی گوز قالمیش ایدی پاخلا گوزون ده

گوز دگدی اوبیچاره یه  گوز چیخدی ماش اولدو

ایش دوندو چراغ سوندو سماده ن قیر الندی

اول گون کی قویون قوردولا (عاصم )هاماش اولدو

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم