ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

قیرخلار میدانینا واردیم,

قیرخلار میدانینا واردیم,

گل بری, ائی جان, دئدیلر.

عزت ایله سلام وئردیم,

گل, ایشده مئیدن, دئدیلر.

قیرخلار بیر یئرده دوردولار,

اوتور دئیه, یئر وئردیلر,

اؤنومه سوربا سردیلر,

ال لوبمایا سون, دئدیلر.

قیرخلارین قلبی دورودور,

گلنین قلبین آریدیر,

گلیشین هاردان بریدیر,

سؤیله, سن کیمسن? - دئدیلر.

گیر سیماه, بئله اوینا,

سیلینسین, آچیلسین آینا,

قیرخ ایل قازاندا دور قاینا,

داها چیی, بو تن, دئدیلر.

گؤردویونو گؤزون ایله,

سؤیله‌مه سن سؤزون ایله,

اوندان سونرا بیزیم ایله,

اولاسان مئهمان, دئدیلر.

دوشمه دونیا مؤهنتینه,

طالب اول حاق حضرتینه,

آبی-زمزم شربتینه,

بارمابینی بن, دئدیلر.

شیخ خطای نه دیر حالین,

حاقا شوکر ائت, قالدیر الین,

قئیبتدن کسه گؤر دیلین,

هر قولا یئیسن, دئدیلر.

Latıncə

دیل ایله درویشلیک اولماز,

دیل ایله درویشلیک اولماز,

حالی گرک یول اهلی‌نین,

آریلرین هر چیچکدن,

بالی گرک یول اهلی‌نین!

کئچمک گرک دؤرد قاپیدان,

قورتولاسان مورببیدن,

مورببیدن موساهیبدن,

الی گرک یول اهلی‌نین!

من گزه‌رم دردلی-دردلی,

اؤتر فیرقتلی-فیرقتلی

بولبول کیمی اونو دادلی,

دیلی گرک یول اهلی‌نین!

من گزه‌رم آییق-آییق,

دریالاردا اولور قاییق,

بولبوللری شاها لاییق,

گولو گرک یول اهلی‌نین.

خطایم دئر: قوشاق قوشان,

توز اولور تورابا دوشن,

بودور درویشلییه نیشان,

یولو گرک یول اهلی‌نین!

Latıncə

گل بیر پیره خیدمت ائیله,

گل بیر پیره خیدمت ائیله,
امک زایی اولماز اولا.
مورشید اتیین مؤحکم دوت,
کیمسلیندن آلماز اولا.
بیر ایشی بیتیرمک گرک,
عکسیگین یئتیرمک گرک,
یار ایله اوتورماق گرک,
هئچ بیر شممه گلمز اولا.
بیر سویو سویلاماق گرک,
بیر آجی دویلاماق گرک,
بیر دیلدن سؤیلمک گرک,
فیریشتلر بیلمز اولا.
چاروق بحری اولماق گرک,
بیر ئوممانا دولماق گرک,
بیر گؤوحری بولماق گرک,
هئچ سررافلار بولماز اولا.
گئرچک عاشق اولماق گرک,
مشوقینی بولماق گرک,
اولمزدن اون اولمک گرک,
واریب اوندا اولمز اولا.
بیر قوش اولوب ئوچماق گرک,
بو معنانی سئچمک گرک,
بیر قدحدن ایچمک کرک,
ایچنلر آییلماز اولا.
بیر بابچایا گلمک گرک,
خوب تفرروج قیلماق گرک,
بیر گولو قوخلاماق گرک,
هرگیز اول گول سولماز اولا.
گل ختای, سن کئچ اوتور,
داوانی معنایه یئتور,
صحبتینه بیر ار گتور,
جانا باشا قالماز اولا.
 

ادامه مطلب

عاقیل, گل بری, گل بری,

عاقیل, گل بری, گل بری,

گیر کؤنوله, نظر ائیله,

گؤرور گؤز, ائشیدیر قولاق,

سؤیلر دیله نظر ائیله.

باشدیر - گؤودیی گؤتورن,

آیاق - منزیله یئتیرن,

دورلو مصلحت بیتیرن,

ایکی اله نظر ائیله.

صوفی ایسن, آلیب ساتما,

هلالینا حرام قاتما,

یولون ایریسینه گئتمه,

دوبرو یولا نظر ائیله.

ایکی الین قیزیل قاندا,

چوخ گوناهلار واردیر منده,

یا ایلاهی, کرم سنده,

دوشگون قولا نظر ائیله.

خطای عیدور: یا بانی,

وئرن مؤولا آلیر جانی,

اول کندی-کندین تانی,

سونرا ائله نظر ائیله!

Latıncə

گل, کؤنول, اینجیمه بیزدن,

گل, کؤنول, اینجیمه بیزدن,

قالسین, کؤنول, یول قالماسین!

اول-آخیر یول قدیمدیر,

قالسین, کؤنول, یول قالماسین!

ارنلر بیزه بوسودیر,

یالان سؤیله‌ین آسیدیر,

بو گئرچکلر نفه‌سیدیر,

قالسین, کؤنول, یول قالماسین!

بابچادا آچیلان گولدیر,

معنایی سؤیله‌ین دیلدیر,

پس, ازلدن قدیم یولدیر,

قالسین, کؤنول, یول قالماسین!

باشیندادیر آلتون تاجی,

بودور, ارنلر مئراجی,

کسکیندیر یولون قیلیجی,

قالسین, کؤنول, یول قالماسین!

ائی دیوانه, ائی دیوانه,

عاشق اولان قییار جانه,

خطای دئر, تاجلی خانه,

قالسین, کؤنول, یول قالماسین!

گرایلیلار

گؤوهرین کئچمه‌ین یئرده,

ساتما, قارداش, کرم ائیله,

لعل داشینی چای داشینا,

قاتما, قارداش, کرم ائیله.

گؤردون بیر یئرده آشینا,

هر نه دئرسن اؤزباشینا.

یول داشینی یول قوشونا,

آتما, قارداش, کرم ائیله.

گؤردونسه بیر یئرده رقیب,

نئیلرسن یوزونه باخیب,

مونکیری قاتارا چکیب,

گئتمه, قارداش, کرم ائیله...

خطایم چابیریر, اره!

دونیا بؤیله گلمیش زیره,

عاریف, اوخون عبث یئره,

توتما, قارداش, کرم ائیله.

Latıncə

الله-الله, دئیین, بازیلر,

الله-الله, دئیین, بازیلر,
بازیلر, دئیین, شاه منم.
قارشو گلین, سجده قیلین,
بازیلر, دئیین, شاه منم.
ئوچماقدا توتی قوشویام,
آبیر لشکر ار باشییام,
من صوفیلر یولداشییام,
بازیلر, دئیین, شاه منم
نه یئرده اکرسن بیترم,
خاندا چابیرسان یئترم,
صوفیلر, علین توتارام.
بازیلر, دئیین, شاه منم.
منصور ایله داردا ایدیم,
خلیل ایله ناردا ایدیم,
موسا ایله توردا ایدیم,
بازیلر, دئیین, شاه منم.
قیرمیزی تاجلی, بوز آتلی,
آبیر لشگر نیسبتلی,
یوسیف پئیبمبر صیفتلی,
بازیلر, دئیین, شاه منم.
ختاییم آل آتلییام,
سؤزو شکردن داتلییام,
مورتزا علی ذاتلییام,
بازیلر, دئیین, شاه منم.
 

ایچمیشم بیر دولو, اولموشام آییق,

ایچمیشم بیر دولو, اولموشام آییق,

دوشموشم دابلارا, اولموشام گئییک,

سنه دئرم, سنه, سورمه‌لی گئییک,

قاچما مندن, قاچما آوچی دئییلم.

آوچی دئییلم کی, دوشم ایزینه,

قاچا-قاچا قانلار ائندی دیزینه,

سورمه‌لر هئی چکدین قونور گؤزونه,

قاچما مندن, قاچما آوچی دئییلم.

سنه دئرم - سنه, گئییک ارنلر

بیزه سئودا, سنه دالبا وئرنلر,

دیله‌رم مؤولادان یئنمز وورانلار,

قاچما مندن, قاچما آوچی دئییلم.

عیدئر, شاه خطایم اوچان قاچاندان,

ذره‌جه قورخماریق بو داتلی جاندان,

گئدیب دواج اولما آتانا ماندان

قاچما مندن, قاچما آوچی دئییلم.

Latıncə

بیز ده خاندانه گئدر دئر ایدیک,

بیز ده خاندانه گئدر دئر ایدیک,

مئهمان جانلار, بیزه صفا گلدینیز!

هر صاباح, هر صاباح یوزوم اوستونه,

مئهمان جانلار, بیزه صفا گلدینیز!

بلی, دئدیک, بیر گئرچه‌یین دستینه,

جانیم قوربان اولسون حاقین دوستونا,

هر صاباح, هر صاباح یوزوم اوستونه,

مئهمان جانلار, بیزه صفا گلدینیز!

گئتدی یولداشلاریم, قالدیم یالینیز

بابچادا آچیلیر قؤنچه گولوموز,

شکر محبتیز, دادلی دیلیمیز,

مئهمان جانلار, بیزه صفا گلدینیز!

بایقوش کیمی نه بکلرسن ویرانی,

شوکور اولسون سنی بیزه وئره‌نی,

سولطان خطای‌نین ایشی, یئره‌نی,

مئهمان جانلار, بیزه صفا گلدینیز!

Latıncə

یئنه مئهمان گؤردوم, کؤنلوم شاد اولدو,

یئنه مئهمان گؤردوم, کؤنلوم شاد اولدو,

مئهمانلار, سیز بیزه صفا گلدینیز!

قار-قیش یابار ایکن, باهار-یاز اولدو,

مئهمانلار, سیز بیزه صفا گلدینیز!

موصافیر عشق قاپوسونون دیلیدیر,

خیزری سئو کیم, صاحبی‌نین قولودور,

تانری موصافیری پیریم الیدیر,

مئهمانلار, سیز بیزه صفا گلدینیز!

بیر ائوه قهر اولا, موصافیر گئتمز,

چالیشسا, چیرپینسا اکدیگی بیتمز,

چابیرسا, بابیرسا, بیر یئپه یئتمز,

مئهمانلار, سیز بیزه صفا گلدینیز!

حوممت ائیله سن کی, دایما گله,

یامان-یاخشی بیزیم یوزوموز گوله,

بؤیوک-کیچیک اونو, هم, خیزیر بیله,

مئهمانلار, سیز بیزه صفا گلدینیز!

موصافیر گلیر کی, قیسمتی بیله,

موصافیر خیزیردیر عذرونو دیله,

خطایم اوبرویو توت, وئر گل اله,

مئهمانلار, سیز بیزه صفا گلدینیز!

Latıncə

ووجودیم شهرین سئیر ائدیب گزدیم.

ووجودیم شهرین سئیر ائدیب گزدیم.

دیدار ایله محبته عشق اولسون!

همن بیر نسنه‌ده قالدی نظریم,

دیدار ایله محبته عشق اولسون!

عشقیم جوش ائیله‌دی کئچدی سریمدن,

آرتیب گلیر محبتین نوروندن,

نیازیمیز بودور جانی-کریمدن,

دیدار ایله محبته عشق اولسون!

قودرت قندیلیندن آتدی دانیی,

ائندی لؤوهی عذره توتدو بینایی,

جونبوشه گتیرن چرخی-فنایی,

دیدار ایله محبته عشق اولسون!

فیل یوکون یوکلتمه, قارینجا چکمز,

دورلو ریحان چوخدور, گول کیمی قوکماز,

دونیا مالین وئرسن, بیزه گرکمز.

دیدار ایله محبته عشق اولسون!

یوجالاردا اولور اول هوما قوشی,

دوستوم, محبتدیر عاشقه ایشی,

پیریم خطایدیر جومله‌نین باشی,

دیدار ایله محبته عشق اولسون!

Latıncə

کؤنول, نه گزیرسن سئیران یئرینده,

کؤنول, نه گزیرسن سئیران یئرینده,

عالمده هر شئیین وار اولمایینجا.

اولورا-اولمازا دوست دئییب گزمه,

بیر عهدینه بوتون یار اولمایینجا.

یورو, صوفی, یورو, یولوندان آزما,

ائلین قئیبتینه قویولار قازما.

یورولما بیهوده, بوشونا گزمه,

یانیندا مورشیدین یار اولمایینجا.

قالخدی, هاوالاندی کؤنولون قوشو,

قووبا, قئیبت ائتمک گؤنتونون ایشی,

اوستادین تانیماز بوندا هر کیشی,

اونون کیم, مورشیدی ار اولمایینجا.

واریب بیر کؤنتویه سن اولما نؤکر,

چرخینه دؤگر ده دولونو دؤگر,

نه خودادن قورخار, نه حجاب چکر,

بیر کؤنتوده ناموس, آر اولمایینجا.

شاه خطای, ائدیم بو سیرری بَیان,

کامیلمیدیر جاهیل سؤزونه اویان?

بیر باشدان آبلاماق عومره‌دیر زیان,

ایکی باشدان موهوبب, یار اولمایینجا.

وارساغیلار

قایبدن دلیل گؤروندون,

دده‌م, خوش گلدین, خوش گلدین!

بیزی سئویب سئویندیردین,

دده‌م, خوش گلدین, خوش گلدین!

ایکی جان ایدیک بیرلشدیک,

محبت قاپیسین آشدیق,

شوکور دیدارا ایریشدیک,

دده‌م, خوش گلدین, خوش گلدین!

اوستوموزه یول اوبراتدین,

گؤوهر آلدین, گؤوهر ساتدین,

ارلیگینی اثبات ائتدین,

دده‌م, خوش گلدین, خوش گلدین!

بیر آباجدا گوللر بیتر,

دالیندا بولبوللر اؤتر,

شاهیما برگوزار گئدر,

دده‌م, خوش گلدین, خوش گلدین!

بویله, شاه خطایم, بویله,

پیریم دستور وئرسین سؤیله,

شاها مندن نیاز ائیله,

دده‌م, خوش گلدین, خوش گلدین!

بیر گؤزه‌لین ووجودونون شهرینه,

باخ, نظر ائیله ده همن عاریف اول,

دوکانیندا دئدیگین متاینا,

باخ, نظر ائیله ده همن عاریف اول.

سئیر ائت اؤزگه ارنلرین گؤره‌سین,

طبیب سارار یورگیمین یاره‌سین,

چرب ائیله‌مه محبتین چاره‌سین,

باخ, نظر ائیله ده همن عاریف اول.

هرجایی گؤزله قوشما باشینی,

هرجاییلیک ائدیب, آتار داشینی,

موشتری بولورسا, سؤز قوماشینی,

باخ, نظر ائیله ده همن عاریف اول.

خطای دئر: - رحم ائتمزم یالانا,

اؤزون تسلیم ائدر کندی گلنه,

آی الیدیر, گون موهممد بیلنه,

باخ, نظر ائیله ده همن عاریف اول.

Latıncə

گل, آ کؤنول, خوش گؤره‌لیم بو دمی,

گل, آ کؤنول, خوش گؤره‌لیم بو دمی,

بو دا بؤیله قالمایا بیر گون اولا.

کیشی, چکمک گرک قوسسئیی, قمی,

حاقدان گلیر, هر نه گلسه بیر قولا.

ار اودور ائتیقاد ائده پیرینه,

نظر ائده اولو آخیرینه.

البت, یول قدیمدیر ایلتر یئرینه,

سانا کیم نئیلرسه, سالاگؤر یولا.

بیز ده بیلیریک کی, دوستو, قارداشی,

بولامادیم بیر قارا گون یولداشی.

دوست کئچینیب, یوزه گولن قللاشی,

باهاسیدیر, ساتماق گرک بیر پولا.

هر کیشی بیر خیال ایله اگله‌نیر,

دایم اونون کؤنلونده اول بکله‌نیر.

بؤیله اولور سئودیگیم گاه آبلانیر,

کیمی گؤردوک قییامته‌دک گوله.

قارونو گؤر بونادی, یا بولدوقجا,

ایناندی, فلک یوزونه گولدوکجه,

سن ائییلیک ائت, دورما الدن گلدیکجه,

دئدیلر: خالق بیلمزسه, خالیق بیله.

گئرچک اولان کیشی دوستدان آیریلماز,

دگمه کیشییلرده حقیقت اولماز,

سن, سنی ساتیبان, یئدیرسن بیلمز,

بو زاماندا کیمسه یاراماز ائله.

خطای, دونیانین اؤته‌سی فانی,

بیزدن اول بوندا گلنلر قانی?

سانما دایم شاد یورویه دوشمانی,

بیر گون اولوب, نؤوبت اونا دا گله.

Latıncə

بو یولون یولچوسو اولاییم, دئرسن,

بو یولون یولچوسو اولاییم, دئرسن,

الده ایکی قارپیز توتمالی دئگیل,

درویش اولوب, شالوار گئیه‌ییم, دئرسن,

گاهی گئییب, گاهی آتمالی دئگیل.

نامرد بابچاسیندا قؤنچه گول اولماز,

کامیل ایله یولداش اولان یورولماز.

ایکی مخلوق واردیر, حاقا قول اولماز.

مبرورلوق, کیبیرلیک ائتمه‌لی دگیل.

مبرورلار اورادا اولورلار یالان,

کیبر ایمیش یورولوب یوللاردا قالان.

اگر یولچو ایسن کؤرپونو دولان,

گؤز گؤره چامورا باتمالی دگیل

قویون قوزوسونا ناسیل مله‌دی,

اؤکوزون قولابینا کیملر انه‌دی,

قریب بولبول گول دالیندا تونه‌دی,

هر چالی باشیندا اؤتمه‌لی دگیل.

شاه خطای ایمام جعفر موخبیری,

حاقین یارانیدیر وئیسولقره‌نی,

حاقین خزنه‌سیندن گلن گؤوهری,

موشتری اولمادان ساتمالی دگیل.

Latıncə

ایقرار وئردیم, دؤنمن الست بزمیندن,

ایقرار وئردیم, دؤنمن الست بزمیندن,

وئردیگیم ایقراری ایماندان آلدیم.

باشقا سئیران گؤردوم, کندی اؤزومدن,

بو محبتی من مرداندان آلدیم.

نارو بادو خاکدن بیلین خلق اولدوم,

کندی-کندیم آنا رحمینده بولدوم,

مدت تامام اولدو دونیایه گلدیم,

بو عیبرتنومایی جاهاندان آلدیم.

بیلدیگیم اونوتدوم, ائیله‌رم فریاد,

دردیم بودور, دیل یوخ ایسته‌یم ایمداد,

تکرار یئنه تعلیم ائتدی بیر اوستاد,

درسیمی مکتبی-اورفاندان آلدیم.

جان گؤزو قفلتدن آچیلا دوشدو,

ایکیلیک پرده‌سی سئچیله دوشدو,

قودرت خزینه‌سی آچیلا دوشدو,

جواهیری کانی-مرجاندان آلدیم.

بو بیر گیزلی سیردیر, هر جان دویاماز,

اهلی-عشقین قاتارینا اویاماز,

دگمه, جؤوهرفوروش باها قویاماز,

بو دورری-یئکتادیر, عمّاندان آلدیم...

گل دوشونمه, آبلا سیبماز بو ائلیم,

قودرت خزنه‌سی‌نین موفتاهی دیلیم,

بیر اولو درگاها اولاشدی یولوم,

بیلمه‌ین سانیر کی, دوکاندان آلدیم.

آه ائدیب اوتاندیم کندی سؤزومدن,

مست اولوب, تورابه دوشدوم اؤزومدن,

قانلی یاش آخیتدیم ایکی گؤزومدن,

ماجرایی چشمی-گیریاندان آلدیم.

موسایه تسللی گؤروندو توردن,

مست اولوب, آبلینی شاشیردی سیردن.

ان الحق سیررینی آلدیم منصوردن,

محبت کمرین ارکاندان آلدیم...

حق بیلیر سؤزومه حیله‌ قاتمازام,

هر کسه بو سیرری ایان ائتمزم,

قییمتی بیلینمز یئرده ساتمازام,

من بو نصیحتی بیر جاندان آلدیم.

چالیش بو گیردابین چیخ یؤره‌سینه,

درمان گیزله‌نیبدیر درد آراسینا,

ملهم ساریلارمی عشق یاراسینا?

بو علمی حیکمتی لوقماندان آلدیم.

عالم باشدان-باشا بیر سئیرنگاهدیر,

کیر کؤنول شهرینه, گؤر نه درگاهدیر,

بیر گیزلیجه سیردیر, قودرتوللاهدیر,

یازیلمیش دفترو دیواندان آلدیم.

ترکو تجرید اولدوم, تؤکدوم قبایی,

اگنیمه گئییندیم شالو عبایی,

مانا سورون کیمدن آلدیم یاسایی?

ایسماییلا ائنن قورباندان آلدیم.

دونیادان ال چکدیم ارکاندیر ایشیم,

چشمیله بورهاندیر, تؤکولور یاشیم,

سیزلره هدیه‌, الده‌دیر باشیم,

اول یاشیل یاررابی سلماندان آلدیم...

Latıncə

قارشیکی قارلیجا دابی گؤردونمو?

قارشیکی قارلیجا دابی گؤردونمو?

یولدورموش اییامین, اریییب گئدر.

آخان سولاردان سن عبرت آلدینمی?

یوزونو یئرلره سورویوب گئدر.

قادیرسن, ائی ئولو شاهیم, قادیرسن!

هر نئریه باخسان اوندا حازیرسن.

اوستوموزده دؤردگوشلی چادیرسن,

جملهمیزی بیردن بورویوب گئدر.

سیرا-سیرا گلن, اول ئولو قوشلار,

سیرلی اولور, یاخماز اونو گونشلر,

اول-عزل مئیوه وئرن آباجلار,

اونلار دا قالماییب, چورویوب گئدر.

شاه ختایم سؤیلر سؤزو اوزوندن,

درویشلرین ساقینیبدیر گؤزوندن,

اولور-اولماز مونکیرلرین سؤزوندن,

عصریییب کؤنلوموز, فاریییب گئدر.

Qarşıkı qarlıca dabı gördünmü?

Yoldurmuş əyyamın, əriyib gedər.

Axan sulardan sən ibrət aldınmı?

Yüzünü yerlərə sürüyüb gedər.

Qadirsən, ey ulu şahım, qadirsən!

Hər nerəyə baxsan onda hazirsən.

Üstümüzdə dördguşəli çadirsən,

Cümləmizi birdən bürüyüb gedər.

Sıra-sıra gələn, ol ulu quşlar,

Sirli olur, yaxmaz onu günəşlər,

Əvvəl-əzəl meyvə verən abaclar,

Onlar da qalmayıb, çürüyüb gedər.

Şah Xətaim söylər sözü özündən,

Dərvişlərin saqınıbdır gözündən,

Olur-olmaz münkirlərin sözündən,

Əsriyib könlümüz, farıyıb gedər.

 
  • یارپاقلارین سایی :3
  • 1  
  • 2  
  • 3  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم

شبکه اجتماعی فارسی کلوب | Buy Website Traffic | Buy Targeted Website Traffic