تبلیغات
ایران آذربایجانی تورکجه سینین ادبیات اوتاغی - مطالب میکایل موشفیق
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

رادیوْ

رادیوْ

گیزلی-گیزلی هاوانین رایلاریندان آشاراق،

دۆشونجه وادیسیندن قاچیب اۇزاقلاشاراق،

قوْهوم-قارداش بیلمه‌ییب هر کسه یاخلاشاراق

هر یئردن خبر وئریر

آللوْ، آللوْ سسلری.

عجب جیلوه گؤستریر

آللوْ، آللوْ سسلری.

قێوریم قامچیلار وۇروب داغلارا، دنیزلره،

بیر خبرله یاخلاشیب اۇزاقلاردان بیزلره،

یوْلچولاری توْپلاییر بیر یێغناغا، بیر یئره

هر گۆن صؤحبت ائیله‌ین

آللوْ، آللوْ سسلری.

هر شئیی تئز بلله‌ین

آللوْ، آللوْ سسلری.

ائللر آیری، ائللرده یاشایانلار دا آیری،

خبرسیزکن چوْخ ایشدن اؤلکلرین مۆخبیری،

بیرلشیب سایه‌نیزده هپ کؤنول ایقلیملری،

چیچکله‌نیر، آللانیر

آللوْ، آللوْ سسلری.

نشه‌له‌نیر، حاللانیر

آللوْ، آللوْ سسلری.

نه یئللر اۇغولتوسو، نه وۇلکانلار نره‌سی،

نه خیالی دیولرین کؤپوکلو یایقاراسی،

قێشقیریب باغیرسانیز کسیلمه‌دن آراسی

قیامت ائیلرسینیز

آللوْ، آللوْ سسلری.

سیز باشقا بیر نرسینیز

آللوْ، آللوْ سسلری.

سسینیزه تای اوْلماز سیزین کئچدی-کئچدیده،

هر یئرده آش اوْردا باش، اوْلموشسونوز گئت-گئده،

بیر توْرپاغین، بیر ائوین بۆتون سرگوذشتی ده

ایچینیزده ساقلیدیر

آللوْ، آللوْ سسلری.

دوْغرودان ماراقلیدیر

آللوْ، آللوْ سسلری.

گولناز

گولناز

یئنی اون دؤرد یاشا گیرمیشدی بو یاز

ساریشین، نشه‌لی، خیرچین گولناز.

او گزینمیشدی ازلدن باشاچیق،

یوخدو روحوندا سؤنوکلوک، وارلیق.

ساده قوشلار کیمی پرواسیزدی،

یئره سیغماز اوچاغان بیر قیزدی.

ایبتیدای ساواد آلمیش بو سنه،

سای وورولمازدی سیجاق نشه‌سینه...

آرادان کئچمه‌دی بیر اؤیله زامان

بو دؤنوش گولنازی سارسیتدی هامان.

سسله‌نیب ائوده اوغورسوز بیر زنگ،

ساردی اطرافی اوزاق بیر آهنگ.

ائلچیلر گلدی تبسسوم ائده‌رک،

دئدیلر: - “جئیرانی” لازیم گؤرمک؛

چونکی بیزلرده اونون اووچوسو وار.

موختسر، ائلچی گلن آروادلار

گؤردولر خوشلادیلار قیزجیغازی،

باخدیلار گولنازا مین کرره آزی.

بیلمه‌دن اؤیله نیشانلاندی اره،

توتولوب قالدی توکنمز کدره.

آرادان کئچدی نهایت ایکی ایل،

ایل دئییل، هر بیری بیر داغ تکی ایل.

گولناز آرتیق بؤیوموش پک مغرور...

اوز-گؤزوندن ساچیلیر شعر، قورور.

دئدی بیر گون گولناز: - یاخشی، آنا،

عیبی یوخ من کی، نیشانلاندیم اونا.

سؤیله‌ییرلر کی، اونون یوخ ساوادی،

بیر ییغینجاقدا چکیلمزمیش آدی.

بیر ده چوخ کؤهنه فیکیر صاحبیدیر،

اسکی، پک اسکی آداملار کیبیدیر.

مکتبه گئتمه‌یه قویماز کی، منی؛

آننه، بیلمم کی، کیم آلداتدی سنی.

بو یاماندیر کی، ائشیتمزکن آدین،

منی سن گؤر کیمه قوشدون، جالادین!

آننه‌سی:

باخ، قیزیم، باخ، اولان اولموش، کئچمیش؛

باخ، قیزیم، یاخشی دئییل منجه بو ایش.

دوغرو، یوخدور ساوادی، وار پاراسی؛

اولما گل آنننه، یاوروم، آسی.

گل، قوزوم، سؤزلریمه بیر قولاق آس،

چیخما یولدان، چوخ آییبدیر، گولناز!

سنه گؤندرمیش ایپک بیر چارشاف،

اؤیله چارشاف کی، جامالین کیمی صاف.

دور دا بیر سال باشینا، نازلی باجیم،

قالماسین بلکه بو کؤنلومده آجیم!

گئجه سسسیزدی گولومسردی قمر؛

یوخدو هئچ شئیده سییاهلیقدان اثر.

واردی گؤزلرده، کؤنوللرده گولوش،

دادلی بیر چاره‌دیر هر درده گولوش.

ییرتاراق آی گئجه‌نین اؤرتویونو،

مهو قیلمیشدی او ظلمت یوکونو.

هر طرف پارلاق، اوفوقلر لکسیز،

یوخدو گؤیلرده بولودلاردان ایز.

بو نصیحتدن اولان شن گولناز

قملی “ایلول” کیمی توتقوندو بیر آز.

آزاجیق هر طرفی ساردی سوکوت،

ایندی گولناز موتهیییر، مبهوت

دوشونورکن، جوشاراق قیزدی باقین،

اولدو سئللر کیمی دارغین، داشقین،

دئدی: - آننم، بو قئیدسیز حرکت،

بیلمه‌دن یاپدیغین، آدسیز حرکت،

نه اوچوندور، نه دئمکدیر، گؤستر!

بو نصیحت منه عایدمی مگر!

گئت زیبیللیکلره آت چارشافینی،

منه قاندیرما اوغورسوز لافینی.

من نه چارشاف، نه ده بیر ار تانیرام،

یالنیز ان تازه عمللر تانیرام.

مقصدیمدیر اوخوماق، اؤیرنمک،

عملیم دایم اوچوب یوکسلمک.

یوخ، بولاندیرما او سؤزلرله منی،

سوزمه، دور، شوبهه‌لی گؤزلرله منی!

آننه، کئچمیش او نصیحت واختی،

چونکی گلمیش یئنی صؤحبت واختی.

هونرین وارسا بو گوندن سؤیله،

منی آلداتما چوروک فیکرینله!

عصریمین من گؤزاچیق یاوروسویوم،

باشقادیر ایندی خیالیم، آرزوم.

اوکتیابر منه وئرمیش قوووت،

بیر قیزیل دویغو و بیر اولویت

کی، اونون سایه‌سی آلتیندا منه

یئنی اینسان گوجو گلمیش، آننه!

خبرین یوخ، آننه، من کومسومولوم،

توتدوغون یولدان اوزاقدیر بو یولوم.

بو یولون یولچوسویام من، آننه،

نه دئییرسن بو ایشه سن، آننه؟

باخ، یارین درسیمی ایکمال ائده‌رک،

شؤوق ایله گئتمه‌لییم کنده، بو پک،

پک مقدس عملیمدیر، منجه...

باخ، گرک کندلریمیز اورفانجه

آچاراق شهپر اوجالسین فلکه.

منی سن آنلامیییرسان بلکه...

“بسله‌میشدیر منی قوینوندا بو گون”،

“بو گونون حؤکمونو اؤیرن و دوشون”.

بیتیریب سؤزلرین آرتیق گولناز،

آننه‌سین سوزدو دریندن او بیر آز،

دئدی:

ایسته‌ییرسن یئنه آزاجیق دانیشیم.

دئدی آنینه‌سی:

بو سؤزوندن، بالا، چیخماز کی، باشیم!

بیر لؤوحه‌

بیر لؤوحه‌

ایشته سکسن یاشیندا بئلی بوکوک بیر قادین

آیلار, ایللر بیلمه‌دن قیرمیش قولون, قانادین.

زامان چکمیش جانینا گؤزلری‌نین نورونو,

عومرو آلمیش الیندن قلبی‌نین سورورونو.

ووجودونون سون باهار یارپاغیندان فرقی یوخ,

دوداغیندا بیر گولوش, بیر قاینایان شرقی یوخ.

چوهره‌سینده پریشان بولودلارین وار عکسی,

اللرینده سرینلیک - بیر مزار هدیه‌سی.

ام‌میش اوزون ایللرین باهارینی, قیشینی,

مجلیسلرین بولونموش نشه‌سینده, قمینده.

بوروموش ان نهایت کؤلگه‌لر باخیشینی,

ایندی گزر خیالی مزارلیق عالمینده.

او یئنه یاشاماقدان بیقمامیش, اوسانمامیش,

او یورغون, او ضیاسیز, او قوه‌سیز, او قامیش

ووجودیله یئنه ده عومور سورمک ایستییور,

“اه نه اولور بیر آز دا گؤزلریم گؤرسه!..” دییور.

ائی هنوز گنجلیگی‌نین دملرینی یاشییان,

قلبینده گور دالغالی چاغلایانلار داشییان,

او سکسن یاشلی قادین یاشاماق ایستییورکن

بیلمم نیچین حیاتدان اوزاقلاشماداسین سن?

Latıncə

توزاناق

توزاناق
یئنه توز... آمان, بو توز بولود‌لاری نه ایستر
بیلمم سن‌دن, ائی باکی, سن ائی آتش دییاری!
سن بیر‌دن دیرچلیب, بیر‌دن بوی آتان شهر,
اوزرین‌دن قووسانا بو ایینه‌لی روزگاری!
نئچین سوقاق‌لارین‌دان یولچو‌لار اوتن زامان
ساچ‌لارینی اوخشاماز لطیف اسن کولک‌لر?
نئچین یانیق چؤل‌لرین بیتیرممیش بیر فیدان?
نئچین سیننی اوپمز گؤزو یاش‌لی چیچک‌لر?
او دیلبرین... قاش‌لاری آلتینداکی گول‌لر, آه,
روامی‌دیر بولانسین زهر‌لی توز‌لارینلا?
او بیر یاز سحرین‌دن داها شوخ اولان نیگاه1
روامی‌دیر سیخیلسین هر آجی روزگارینلا?
بونا سبب منمییم, یوخسا کئچمیشین اوغلو?
یوخسا سنی بو حالا سالمیش قوجا تبیه     ت?
بو سؤز دوزمو, دوغرومو, بو عصرین متین اوغلو
دییور: - خاییر, دئییل‌دیر من‌دن ئوجا طبیعت!
هر شئی بو بیر جوت قولون اسیرییکن, نیچین ده
بو گوناهی اوستونه آتالیم طبیعتین?!
ایستسیدی دایما گول یارپاق‌لار ایچینده
بسلیردی جیسمینی او کئچمیش جمعیتین.
فقط اونلار یانمادی, اکمدی‌لر بیر آغاج,
بیر باغ سالمادی‌لار هئچ قوم دولو چؤل‌لرینده;
بیر یئتیمین حالینی آندیران بو احتیاج
تعمین اولونور آنجاق بو گونون اللرینده.
توزلانمیش, بیر ورم‌لی کیتاب اوخوتدورماسین
هر توزاناق سیننده یاشایان بو گنج ائله.
ایستمم, او کولک‌لر پنجرمی وورماسین
ساپساری بیر کؤلگه‌نین قوبار‌لی اللریله!
من ایسترم دؤرد یانین اورمان‌لارلا قاپانسین,
نفس آلیب وئره‌سن گؤی یارپاق‌لار ایچینده.
من ایسترم گنج اوغلون, من ایسترم گنج قیزین
گزدیکجه ذؤوقه دالسین کؤلگه باغ‌لار ایچینده.
او زامان واقیف کیمی, شاقرایان ندیم کیبی
سایرییاراق هوسله کیم ائیلمز ترننوم?
اوندا هانسی شاعرین حاسیل اولماز مطلبی
آغعجلیق‌لاردا ائللر ائیلدیکجه تکللوم?2
اوندا ایکی طرف‌دن منه تأثیر ائدر‌سن,
اوندا ایکی عشق ایله قلبیمی تیتره‌در‌سن.
اوندا سیننده بیتمیش دالغا‌لی اوتلارین‌دان,
ورق‌لرله اوخشانان قاینار ذاوود‌لارین‌دان
آلیب دویونجا ایلهام,
من هر سحر, هر آخشام,
باغیرارکن شعریمی من بار-بار اوفوق‌لره
اوندا گؤی ساچ‌لارینی اوخشایان داد‌لی یئل‌لر,
دئییل دمیر قاناد‌لی, ایپک قاناد‌لی یئل‌لر
بستلییب شعریمی, قاچار‌لار اوفوق‌لره.

1 نیگاه - باخیش
2 تکللوم - موساحیبه

 

دیلنچی

دیلنچی
سرت, سویوق بیر قیش گئجه‌سی... سما بیاز, یئر بیاز,
ئوغولدایان کولک‌لرله سارسیلمادا سوقاق‌لار.
هر کیمین کی, قانادی وار چووغون اولسا داریلماز,
فقط یئنه بو سویوق‌دان قیسیلمادا سوقاق‌لار.
گلن ده وار, گئدن ده وار, من ده وارام بو گئجه,
طبیعتین دحشت‌لری تیتره‌دییور اطرافی.
بیر بوجاقدا یورغون تیترک اللریله کمنچه
چالان ضعیف بیر ایختییار اینلدییور اطرافی.
یانیندا بیر یاوروسو وار, یورولما‌دان چالییور.
کامانچانین سیم‌لرین‌دن قوپان یانیق هاوا‌لار
اینجلدیکجه, هر کس اوندان آجی بیر حزز آلییور.
یئل‌لر دخی ولوله‌لی اوتویورکن بو یول‌دان,
یاواش-یاواش سس‌لرینی دییش‌دیریب بیر قادار,
اونلار دخی ئوزاق‌لاردا, آغلییور‌لار کؤنول‌دن.
- ائی ایختییار, سن ائی ظالیم, مظلوم دولو ایللرین
اورک‌لره کدر ساچان, الم وئرن تؤحفه‌سی!
آجی دولو, عذاب دولو, ظولوم دولو ایللرین
مرحمتسیز فیرچا‌لارلا قارالانمیش لؤوحه‌سی!
سنین آرتیق واختین اوتموش,
سنی دؤوران سفیل ائتمیش.
فقط اونو, او سئویم‌لی قیزجیغازی,
اولما راضی,
قیش دوندورسون, گونش یاخسین.
بوراخ اونون اللرینی,
بوراخ اونون هؤرولممیش تئل‌لرینی.
قوی بوراخسین
اوخودوغو یانیق, خسته هاوا‌لاری.
بوراخ, باری
چاغلییورکن یوردوموزدا یاشاییشین سئل‌لری,
بلکه اوپسون گؤز‌لرینی سعادتین یئل‌لری.

 

حسرتلی قاری

حسرتلی قاری
کوردوستان داغ‌لاری دؤشونده بیر یول,
بیر یول کی, ئوپوزون, بیر یول کی, قیوریق,
زومرود اتک‌لرله قاپا‌لی ساغ, سول.
آیریجیندا یولون بیر قاری دورموش,
آلنی دوشونجه‌لی, قول‌لاری سارقیق,
یئتیم باخیش‌لارلا بوینونو بورموش.
باخیر نوازیشله ئولو داغ‌لارا,
اوزون‌دن ایختییار, موتلو داغ‌لارا,
چولغامیش اوزونو سیر‌لی بیر هوزن.
وارلیق خبرسیز‌دیر اونون حالین‌دان,
گونشسه آغ ساچ‌لی بورج‌لر دالین‌دان
ال آتیب, اوزونو آچیر گوندوزون.
بیلینمز قلبی‌نین داشیدیق‌لاری,
یولچکن گؤز‌لرله بو محضون قاری
دوغرو‌دان گؤره‌سن کیم‌لری گؤز‌لر?
ائی یولچو, ائی چوبان, ائی هاوا‌لی قوش!
سیزی بکلمک‌دن آرتیق یورولموش
او قاینعیان, آخان دقت‌لی گؤز‌لر.
ایشته بیر آرابا گلیر ئوزاق‌دان
موسلسل, قاریشیق گورولتو‌لارلا.
بیر تونج عکسی- صدا قارشیکی داغ‌دان
سؤیلییر: “قارینی, دورما, خبرله!”
یئرینده دیکسینیب ایختییار قادین
تیترییر, اثرک یارپاق ووجودو.
آلماقچین اوستونو بیر کؤحنه یادین,
بیر فایتون قارینین اونونده دوردو.
فایتوندا اوتورموش یورغون نفر‌لر
بیزیم کند و قضا ایشچی‌لریدی.
سؤیدی‌لر: - آنا! نه وار, نه خبر?
قادین یولچو‌لارا روحونو گردی.
قووماق ایستر کیمی توتقون فیکرینی,
بیر کیرپیک چالاراق, باشینی سیلکدی.
یولچو‌لار سوزونجه بیری-بیرینی,
قادین گؤز‌لرینی اونلارا دیکدی...
کؤنول دفترینی ورقلیینجه
ساچیلدی بوشلوغا خالص اینجی‌لر.
باشین‌دان کئچنی اینجه‌دن-اینجه
آچدی یولچو‌لارا, دئدی موختصر:
- آی بالا! اون ایکی ایل بون‌دان قاباق بیر
ایمانسیز آیریلیق مانا قوردو دام.
فلک دئدیک‌لری داشورک‌لی پیر
پارلاق گوندوزومو ائیلدی آخشام.
او زامان بیر اوغلوم آیریلدی من‌دن,
اوخوماق ایستییب گئتدی تیفلیسه,
سانکی روحوم ئوزاق دوشدو بدن‌دن,
قاپیلدی وارلیغیم بیر آجی حیسه.
دئدیم: - گئتمه, بالا, هنوز ئوشاقسین,
دونیانین ایشینی بیلن تاپیلماز;
ایسترمی‌سن گؤی‌لر باشیمدا چاقسین?
اینسان اولان بنده حیسه قاپیلماز.
بئش سنه اوخودون, کیفایت ائدر,
ئومودوم سنه‌دیر, واز کئچ سفر‌دن.
منه کیم باخاجاق? اولما دربه‌در.
نه قدر یالواریب-یاخاردیمسا من
ضررجه سؤز‌لریم ائتمدی تأثیر
اوغلومون دؤیونن اورکجییینه.
- دوغرو‌دان آنالیق بیر شئی دئییل‌دیر, -
جاوان خاطیرینا دیمییب یئنه,
تیتریه-تیتریه سؤیله‌دیم: - اوغول!..
گئت, آرتیق, سفرین ئوغورلو اولسون!
تانری نییازینی ائیلسین قبول,
یولون آل یاناق‌لی گول‌لرله دولسون!
من اونو جانیم‌دان آرتیق سئوردیم,
بیر آن دوشردیسه گؤزوم‌دن ایراق.
آرتاردی حسرتیم, آرتاردی دردیم,
هر ضرره‌دن اونو ائدردیم سوراق.
جان باغیمدا قودسی بیر آغاج اکدیم,
ندنسه دادمادیم بیر شئی بارین‌دان.
من اونو گؤزلمیش, گؤزلیجکدیم
یایین ایستیسین‌دن, قیشین قارین‌دان.
بوراخدی تیفلیسی, سونرا, دئییر‌لر,
بیر باشقا دریادا یئلکن آچدی او.
بیر یاورو قوش کیمی دوشدو دربه‌در,
بیلمم باش گؤتوروب هارا قاچدی او?
بو ئوجسوز-بوجاقسیز ائللره سوردوم,
سوردوم دنیز‌لره, جوشدو دالغا‌لار.
سالخیم-سالخیم اسن یئل‌لره سوردوم,
گز‌دیردیم دردیمی دییاربادییار.
ایچیمده قوصصه‌دن بیر خزینه وار,
کؤنلوم بیر آدا‌دیر قم دریا‌سیندا.
آچماسام دردیمی, کیم بیلیر نه وار
عومرومون قارانلیق ماجرا‌سیندا?
کؤنلوم دایانمادی, فالچییا گئتدیم,
چکدی دیرناغیما قریب بیر شکیل;
او شکله بیر قدر تاماشا ائتدیم,
قارشیمدا بیر خیال اولوندو حاسیل.
اوت, دیرناغیمدا گؤردوم اوغلومو,
هپ عینی پالتاردا, عینی بیچیمده.
دئرکن فالچی مانا: - اوولادین بومو?
بیر ایلان قیوریلدی سانکی ایچیمده.
- شاهسووار, شاهسووار! - دئییب آغلادیم,
ایچیمده سیزلادی بیر یانیق کامان.
دارغین سولار کیمی جوشوب چاغلادیم,
گؤزوم‌دن اود چیخدی, باشیم‌دان دومان.
شاهسووار‌دان بیر آز کیچیک اوغلومو
عسگران داواسی آلدی الیم‌دن.
او گون‌دن ایختییار, خسته کؤنلومو
دونیایا خوش باخان گؤرمه میشم من.
سونرا داوا دوشدو, چئوریلدی دونیا;
بونو من‌دن گؤزل سیز بیلیرسینیز.
دییشدی کؤکون‌دن داغ, دنیز, قایا,
دییشدی هر قدم, دییشدی هر ایز.
بیز قونشوموز اولان ائرمنی‌لرله
یاشاردیق بیر یئرده جانجییر کیبی.
کیم تاپدی داوایا بیلمم وسیله,
بیلمم “بؤیوک‌لر”ین نیدی مطلبی?!
داغیلدی اولکه‌لر, تالاندی ائللر,
سونا‌لار اویلاغی تاریمار اولدو.
قم ترننوم ائتدی سئودا‌لی دیل‌لر,
ائللرین شنلییی خاکیسار اولدو.
بیزیم حالیمیزا توتولدو گؤی‌لر,
بولود‌لار بئلینی بوکوب آغلادی.
قلبیمی یاتاغان دویغو‌لار کسر
ذئحنیمده گزدیکجه کئچمیشین یادی.
هر دومان بیر آحدی, هر سس هیچقیریق
او زامان روحوموز گلیرکن دیله.
ایندی یئددی سنه اولدو کی, آرتیق
قلبیمیز دؤیونور اوز قایداسیله.
ایندی, ائی بو یول‌دان اوتن یولچو‌لار!
آخی, بوردا منیم کیمیم, نییم وار?
ایندی من بو حالدا نئیلییم, ائی دوست?
قوی سیزه دردیمی سؤیلییم, ائی دوست!
دئر‌لر, شاهسوواریم گلمیش یاخیندا,
خوش گونه چیخارمیش اونو آیریلیق.
هر کس اوز کئ     یفینده, اوز داماغیندا,
یئریم‌دن اوینا‌دیر منی آیریلیق.
دئر‌لر, شاهسوواریم بیر بؤیوک کیمی
ایشلییر باکینین مدن‌لرینده.
منسه هیجرانینی آغیر یوک کیمی
چکیرم عومرومون “رحگوزریند”.
هر گلن‌دن اونو سوراقلاییرکن
ایختییار جانیم‌دان بئزگین چاغیمدا.
کئچن گون‌لریمی واراقلاییرکن
گولمییم ده گلیر, آغلاماغیم دا.
ایندی بو گؤیدکی بولود‌لار کیمی,
قارشینیز‌دان اوتن بیر روزگار کیمی
او دیلبر چای کیمی بور‌دان کئچرکن,
سلام‌لار آپارین اوغلوما من‌دن.
سؤیلیین: یولونو سنین گؤزلییر
حسرت‌لی گؤز‌لرله درد‌لی بیر قاری.
هپ سنی گؤزلییر, سنی اوزلییر
قلبی‌نین قرارسیز چیرپینیش‌لاری!
یولچو‌لار دئدی‌لر: - قولاق‌لاریمیز
یاخشی خبر‌لره آچیق‌دیر, آنا!
سیفاریش‌لرینی یئر‌لی-یئرینده
گئدیب چات‌دیراریق, یقین, اوغلونا.
دینلییب قارینی اینجه‌دن-اینجه,
آزاجیق بیر زامان صحبت ائتدی‌لر...
آرا‌دان بیر خفیف روزگار اسینجه
گئتدی‌لر, یولچو‌لار واریب گئتدی‌لر.
- یولچو یولدا گرک! - دئیه, آتلارا
دیدی ایلان کیمی ایتی قامچی‌لار.
تکر‌لر تورپاغی جیرماقلایینجا,
گؤز‌لر‌دن ایتمیشدی بیزیم ایختییار.
ایختییار گؤز‌لر‌دن ایتمیشدی, آنجاق
یولچو‌لار دا واریب گئتمیشدی. آنجاق,
- لئیلا, لئیلا! - دئیه اطرافا پس‌دن
بیر چوبان تورکوسو یاییلمادایدی...
سانکی ایلهام آلیب وارلیق بو سس‌دن,
جانلی‌لار قشش ائدیب باییلمادایدی,
جانسیز‌لار ئویقو‌دان آییلمادایدی,
آییلمادایدی!..

 

لاتین الیفباسی

بیر لؤوحه

بیر لؤوحه
ایشته سک‌سن یاشیندا بئلی بوکوک بیر قادین
آیلار, ایللر بیلمه‌دن قیرمیش قولون, قانادین.
زامان چکمیش جانینا گؤز‌لری‌نین نورونو,
عومرو آلمیش الین‌دن قلبی‌نین سورورونو.
ووجودونون سون باهار یارپاغین‌دان فرقی یوخ,
دوداغیندا بیر گولوش, بیر قاینایان شرقی یوخ.
چوهرسینده پریشان بولود‌لارین وار عکسی,
اللرینده سرینلیک - بیر مزار هدییه‌سی.
اممیش ئوزون ایللرین باهارینی, قیشینی,
مجلیس‌لرین بولونموش نشسینده, قمینده.
بوروموش ان نهایت کؤلگه‌لر باخیشینی,
ایندی گزر خیا‌لی مزارلیق عالمینده.
او یئنه یاشاماق‌دان بیقمامیش, ئوسانمامیش,
او یورغون, او ضیاسیز, او قوهسیز, او قامیش
ووجودیله یئنه ده عومور سورمک ایستییور,
“اه نه اولور بیر آز دا گؤز‌لریم گؤرسه!..” دییور.
ائی هنوز گنجلییی‌نین دم‌لرینی یاشییان,
قلبینده گور دالغا‌لی چاغلایان‌لار داشییان,
او سک‌سن یاش‌لی قادین یاشاماق ایستییورکن
بیلمم نیچین حیات‌دان ئوزاقلاشماداسین سن?

 

گولوشلر

گولوشلر
گولوش وار‌دیر سس‌لرینه تونج عکس‌لر یاپ‌دیریر,
گولوش وار‌دیر کؤنول‌لری روزگار‌لارا قاپ‌دیریر.
بعضی تیکر کؤنول‌لرده آلوو‌لار‌دان بیر مبد,
ایللر بویو آتشینه اینسانلیغی تاپ‌دیریر.
بورونرک چوخو ایپک فوسونلو بیر چارشافا
ساچیر بوللور تبسسوم‌لر, ایلنجه‌لر اطرافا.
او پردیی پارچالاساق جان آتاریز نهایت
و باش‌لاریز گؤز یاش‌لاری عالمینی توافا.
گولوش وار‌دیر دوداقالتی, گولوش وار‌دیر موستحزی,
زنجیرلیر ئوچان‌لاری حالقالاندیقجا بعضی,
بعضی سیجاق گؤروش‌لره دوغرو یول‌لار گؤستریر.
فقط اونون گولوش‌لری بیر قؤنچیه یاسلانان
رنگسیز پارلاق ژاله‌لر‌دن نومونه‌دیر, هر زامان
گنج عومرومه یوکسلمکچین قاناد وئریر, جان وئریر.

 

دوشونجه

دوشونجه
گونش ایپک تئل‌لری‌نین ساریمتراق رنگینی
سحر چاغی دالغا-دالغا هر طرفه یاییرکن
گتیریرم خیالیما بیر آل بایراق رنگینی.
دوشونرک دئرم, بو دا, اوت بیر صاباح ائرکن
بیر دونیانین گؤی‌لرینده گونش کیمی هر سحر
پارلایاراق اولکه‌لره سرپجک‌دیر شفق‌لر.
کیچیک قوش‌لار جه-جه ووروب قونورکن آغاج‌لارا
هر بیر نغمه قارداشلاشماق سس‌لری‌دیر سانیرام.
شن گئجه‌لر آی ایشیغی دوشورکن یاماج‌لارا
شورا‌لارین ائللردکی کؤلگسینی آنیرام.
دیلبر سولار دالغاسینا دنیز‌لرده, گؤل‌لرده
اوخویارام یئنی حیات سئوداسیله چیرپینان,
اسکیلییه عصیان ائدن کؤنول‌لری هر زامان.
یورغون-آرغین کاروانیله صحرا‌لاردا, چؤل‌لرده
بعضی گئجه یاری یولدا قالان‌لاری دینله‌دیم,
- هانکی شئی‌دیر یولچو‌لارا نجات وئرن? - سؤیله‌دیم.
بیراغیز‌دان دئدی‌لر کی, دان یئری, دان ئولدوزو!
سوردوم, بون‌دان گؤزه‌لی یوخمو پارلایان‌لارین?
دالغالاندی قارشیمدا او واقیت بو دییارین
آل بایراغا سیغینمیش کؤنول آچان ئولدوزو.

 

لاتین الیفباسی

عصیانا باشلا

عصیانا باشلا
عصر‌لرجه شرقلی‌لره کسیلدین آجی,
سن ائی وحشی, سن ائی آزغین ایمپئریالیزم!
گل چیندکی عصیان‌لارا باخما قییقاجی,
دوشون, بو گون اونلاردا وار بؤیوک بیر عزم.
قیزیل کانتون اوردو‌لاری آلوولو بیر داغ
کیمی سالمیش وارلیغینا آتش, زلزله,
شانخای قالسین, نانکینه ده ائتدین الویدا,
اینقیلابین ذربسیله گلرک دیله.
ایندی جوشقون بیر دنیز‌دیر هر ایشچی چینده,
چکیل گئری, قورخوتاماز کیمسیی قوهن,
سن گئت حربین یول‌لارینی کانتون‌دان اویرن!
دئییر‌لر کی, نانکین یانیر آلوو ایچینده,
یارین سؤنر ظالیم‌لارین تؤکدویو یاشلا.
سلام سنه, چین ایشچیسی, عصیانا باشلا!

 

لاتین الیفباسی

آنا

آنا
آنا دئدیم, اورییمه یانار اودلار ساچیلدی,
آنا دئدیم, بیر اورپریش حاسیل اولدو جانیمدا,
آنا دئدیم, قارشیمدا بیر گؤزل صحنه آچیلدی,
آنا دئدیم, فقط اونو گؤرمز اولدوم یانیمدا.
آنا, آنا!.. بو کلمه‌نین وورغونویام عزل‌دن,
اونو گؤزل آنلاتاماز دوشوندویوم ساطیر‌لار.
آنا اولماز بیزه هر بیر “یاوروم” دئین گؤزل‌دن,
چونکی اونون خیلقتینده آیریجا بیر فوسون وار.
باشقا عالم یاشامادیم بؤیله گؤزل بیچیمده,
اونو کیمسه گؤزللییین جیلوسینده یاراتمیش;
آنا, آنا... چیچک‌لی بیر فیدان‌دیر کی, ایچیمده
تا عزل‌دن کؤک سالاراق, اورییمده بوی آتمیش.
او فیدانی بعضی واقیت ایستییوروم چکرک,
قوپاراییم اورییم‌دن, فقط اوندا وارلیغیم
سیزیلدارکن, سانکی بیر سس قوپوب اینجه و تیترک
بیر لیسانلا سؤیلویور کی: - منه دیمه, یازیغیم!
چونکی سنی من بسله‌دیم, من بؤیوتدوم, اوخشادیم,
سؤیله‌دییین سؤز‌لر کی وار بئشییی‌نین اوستونده
اوخودوغوم تورکو‌لرین کؤلگسی‌دیر, اوولادیم!
منه مخصوص ورق‌لر وار هر کیتابدا, هر دینده.
نه دوغرو سؤز یازیق‌لار کی, گؤرمه میشم اونو من,
دییور‌لار کی, موشفیق, خسته بیر تیفیلدین, آنانی
بابان کیمی سویوق اللر قوجاغینا چکرکن,
یالنیز آجی فغان‌لارین تیتره‌دیردی هر یانی.
ایندی منه هر کس: - آنان, بابان وارمی? - سؤیلسه,
دییوروم کی, - قاپیلما‌دان بیر خولیایا, بیر حیسه -
اولان اولموش, کئچن کئچمیش, ایندی منی یاشا‌دان
بیر مقدس, بیر صمیمی عملیم وار, تاپدیغیم.
ایناندیغیم بیر قیبله وار, او دا هر گون, هر زامان
یورولمعیان قول‌لاریملا, دوشونرک یاپدیغیم
بیر عالم‌دیر, بیر عالم کی, سما‌لاری قیپقیزیل,
یوکسک‌لری, آلچاق‌لاری, فزا‌لاری قیپقیزیل!

 

خالی

خالی
ایشچی قیز, توخودوغون او دیوار خالی‌سیندا
حیران اولدوم اورک‌دن ایشله دییین صعنته,
بیر گؤزللیک اثری وئردین بشرییته.
بؤیوکلویون چوخونا مجهول ایکن اول‌لر,
ووردوغون ناخیش‌لارین, قیز, ان باهالی‌سیندا
مئیدانا چیخدی بو گون سندکی بؤیوک هونر.
قابارلانان او اینجه, او نازیک بارماق‌لارین
بیری‌نین تأسفله جلب ائتسه نظرینی,
آلقیش‌لار توتاجاق‌دیر او باخیشین یئرینی.
اینان کی, قوناق‌لارین اونونه چیخسا یارین,
خالیندا رنگی-روحو سولمعیان او ئولدوز‌لار,
هم سنین, هم اولکه‌نین گؤی‌لرینی یالدیز‌لار.
سن ائی شرقین امکچی قیزی, چیرپین, قانادلان!
بورویجک شؤهرتین بو سنت مئیدانینی,
اولا بیلمز چکدییین زحمتی گؤز‌دن سالان.
بیر‌سن سنت یولوندا جان‌دان کئچن ارلرله,
مئیدانا بوراخدیغین بؤیله شاه اثر‌لرله
ئوجال‌دیرسان اولکمین شؤهرتینی, شانینی.

 

لاتین الیفباسی

دودوک صدالاری

دودوک  صدالاری
سحر‌لر ئویار-ئویماز اوفوق‌لر بیر خوش رنگه,
تیخانیر قولاغیمیز سینیر‌لی بیر آهنگه,
او زامان خیالیمیز دودوک‌لر جوشموش سانیر.
بیر چیلغین اورپریشله بو هایقیران دودوک‌لر,
بوینوموزا حیاتین آغیر یوکونو یوک‌لر,
نهایت هر طرفده گئدیش-گلیش باشلانیر.
توپلاشیر امکچی‌لر ایش باشینا هوسله,
- اوفوق‌لر بورونورکن فجیر‌دن بیر کؤملیه, -
دودوک‌لرین امرینی یئرینه یئتیرمیه.
- چاغیرینیز بیز‌لری کسیلمین نفسله
دودوک‌لر! یورولما‌دان چاغیرینیز بیز‌لری,
تعقیب ائدجییز بیر حرکتله سیز‌لری.
ائی هر دودوک روحون‌دان روحا آخان  صدا‌لار,
اورک‌لرده شن امک شامی یاخان  صدا‌لار,
سیزینله ماکینانین دویون‌لری آچیلیر.
بورو‌لارین آغزین‌دان قاچیب ئوزاقلاشینجا,
سرعت‌لی دالغا‌لارلا سیز بیزه یاخلاشینجا,
ایچیمیزه حیاتین جیلوه‌لری ساچیلیر.
دودوک‌لرین موسلسل ئوزون چاغیریش‌لاری,
هاوادا بو گؤرونمز سس‌لرین یاریش‌لاری
سایسینده چؤزولور سوکونتین باغ‌لاری.
بزن تبسسوم‌لرله جیلوه‌لر بولورسونوز,
بزن توتقون گؤز‌لرین شاهیدی اولورسونوز
ائی دودوک  صدا‌لاری! ائی دودوک  صدا‌لاری!

 

لاتین الیفباسی

سئوگیلر

سئوگیلر
سئوگی وار‌دیر کی, دوداق‌لاردا آچار گول‌لرینی,
سئوگی وار‌دیر کی, بیر آز قار کیمی, روزگار کیمی‌دیر.
سئوگی وار‌دیر اوخودور قلبیده بولبول‌لرینی,
بؤیله بیر سئوگی منیم روحومو اوخشار کیمی‌دیر.
سئوگی وار‌دیر کی, ئوزاق‌دان بیزه پارلاق گؤرونور,
اونا یاخلاشمایالیم, چونکی او ظلمتله دولو.
سئوگی وار‌دیر کی, دوشر یئر‌لره دایم سورونور,
اویله بیر سئوگی ده مین دورلو خیالتله دولو.
سئوگی وار‌دیر کی, باهار‌دان بیزه گول‌لر گتیریر
ایچی ذققوم و زهر, قوخلاما, قلبین قانایار.
سئوگی وار‌دیر اوزو خوش, داخی‌لی بیر قورخولو یار.
سئوگی وار‌دیر بیزه چوخ داد‌لی عمل‌لر گتیریر,
فقط هپسینده قارانلیق گئجه‌لر کؤلگه‌سی وار.
سئوگی‌لرده قاریشیق بیلمجه‌لر کؤلگه‌سی وار.

 

لاتین الیفباسی

اولکم

اولکم
دونیامیزی سئیر ائتدیم مین دورلو هوس‌لرله,
گؤردوم جوشویور دیل‌لر پک نشه‌لی سس‌لرله,
باخدیم دولودور یار‌لار شن قلبی‌لی کس‌لرله,
پک شاد اولاراق گولدوم آباد اولان اولکمده.
قم‌لر‌دن, الم‌لر‌دن آزاد اولان اولکمده.
باخدیم کی, دومان گؤرمز یوکسک‌لری بیللوری,
اینسان‌لاری ماتمسیز, ایستک‌لری بیللوری,
داغ‌لار, اووا‌لار گولشن, هر بیر یئری بیللوری,
هر شئی گولویور گؤردوم, پک شاد اولان اولکمده.
قم‌لر‌دن, الم‌لر‌دن آزاد اولان اولکمده.
قیش گئتدی اولوم‌لرله, اولکمده باهار وار‌دیر,
باغ‌لاردا گؤزللیک‌لر, شن قحقحه‌لر وار‌دیر,
سئودا‌لی کؤنول‌لرده سئودیک‌لری یار وار‌دیر,
دایم سئویشیر‌لر, باخ, مزداد اولان اولکمده.
قم‌لر‌دن, الم‌لر‌دن آزاد اولان اولکمده.
ویج‌دان‌لاری پک شففاف, اینسان‌لاری نورانی,
موشفیق, بیله بیلدینمی, عالمده شو دؤورانی?!
قاپ‌لار یارین آرتیق ساغ دونیا‌لاری اورفانی.
هر یئر گولجک, نورا مؤتاد اولان اولکمده.
قم‌لر‌دن, الم‌لر‌دن آزاد اولان اولکمده.

 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم