تبلیغات
ایران آذربایجانی تورکجه سینین ادبیات اوتاغی - بذ قالاسیندا
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

بذ قالاسیندا

قوجا داغلارین اوجا زیروه سینده باخیر ووقاریله بیر قالا

ائله بیل كی، یئر اوره گین یاریب چیخاریر نهنگ اوجا بیر قایا

قایانین باشیندا طبق كیمی قالانی قویوب آپاریر آیا

دئیه سن به یا كی، خطر گوروب آلیشان آنا

گویه قالدیریر بالاسین، قویوب ایكی اووجونا

سورونوب قالانین توپوغون اوپور كوله گیله رقص ائله ین دومان

بولودون امیر مه مه سین شیرینجه یاتیر قالا

سینه سین ده گاه یاراراق اونون اوجالیب، بو دور

گونشین قیزیل ایشیغین اودور

گئجه اولدوزون قوجا سیرداشی

آی اونون همیشه كی، یولداشی

او گورر بیرینجی آلاولار اولكه سینه سحر سوكولنده دان

ساوالان ساغیندا فلكلره اوزادیر باشین

باخیب آختاریر قوجامان سهندینی، اولمه ین قوشا قارداشین!

اوجا داغلارین قوجا زیروه سینده باخیر ووقاریله بیر قالا

مئشه لر اوپور آیاغین اونون

كولك اوخشاییر یاناغین اونون

سایا بیلمز سن بولاغین اونون

اولا بیلمه میش هله داشلاری یووا قارتالا!

 

دوشه رك و سویكه نرك قیلینج كیمی ساللارا

دورورام، گئدیب كئچیرم داغین، چاتیرام یالا

نئچه زیروه لر، نئچه سیلدیریم، نئچه اورمانین

قایاسین، دوزون، كئچیدین، بویوك مزاریستانین

كئچه رك یاواش گئدیرم، گئدینجه هر بیر آن اوجالیر قالا

دونه رك باخاندا بیر آنلیغا كئچیلن یولا

قارالیر گوزوم...

دایانیب اونومده بو دور قالا

اوتوروب او داغ یئكه لیكده شیش قایادان سالا

ستمین اسیرگه مه میش اونا قوجا روزگار

بوراخیب، اوتوب كئچن عصرلر اونو یادگار

بو آلاولار اولكه سینین دوشوندن امنلره

داغیلیب سادا، اله نیر گئنه ظلمت، ووقار

باخیری، سوسور سادا، داغلارا و چمنلره

ائله بیل باخیر زامانین گوزو...

باش اییب ووقارینا توپراغین اوپه رك اونون

دئدیم: ای قالا!

دئه نه دیر آدین؟

ازلینده كیم اولوب اوستادین؟

نئچه موحتشم ساریلیب باشان دومان، ای قالا!

سنی قوینونا بو دیار آلیب آنا مثلی مهربان، ای قالا!

سوكولوب دیوارین، توكولوب داشین

اوره گین یقین دولودور، بوجور چاتیلیب قاشین!

كئچیب عصرلر، دئه نه لر چكیبدی سنین باشین؟

كیم اولوب ازلده كی یولداشین

و سیلاحداشین؟

سوكولوب دیوارین، توكولوب داشین...

گئنه یاز گلنده همیشه لاله دی سیر داشین

گورونور ووروب سنه ضربه لر

كئچن عصرلر و قرینه لر...

گئنه توكجه سارسیماییب ولی ووقارین سنین

و چكیبدی قامچیلارین زامان كوره گن قالا

و چكیبدی داغ اوره گن قالا

و ووروبدو زنجیری ایگیت بیله گن قالا

كی، بوغوب سسین، قویا سون بویوك دیله گن قالا...

گئنه لاله لر

یاز اولونجا قالدیراراق سینه نده پیاله لر

دئییری كی، قاینایان آل قانین هله دونمامیش

دایانیب اونومده بو دور قالا
اوتوروب او داغ یئكه لیكده شیش قایادان سالا
ستمین اسیرگه مه میش اونا قوجا روزگار
بوراخیب، اوتوب كئچن عصرلر اونو یادگار
بو آلاولار اولكه سینین دوشوندن امنلره
داغیلیب سادا، اله نیر گئنه ظلمت، ووقار
باخیری، سوسور سادا، داغلارا و چمنلره
ائله بیل باخیر زامانین گوزو...
باش اییب ووقارینا توپراغین اوپه رك اونون
دئدیم: ای قالا!
دئه نه دیر آدین؟
ازلینده كیم اولوب اوستادین؟
نئچه موحتشم ساریلیب باشان دومان، ای قالا!
سنی قوینونا بو دیار آلیب آنا مثلی مهربان، ای قالا!
سوكولوب دیوارین، توكولوب داشین
اوره گین یقین دولودور، بوجور چاتیلیب قاشین!
كئچیب عصرلر، دئه نه لر چكیبدی سنین باشین؟
كیم اولوب ازلده كی یولداشین
و سیلاحداشین؟
سوكولوب دیوارین، توكولوب داشین...
گئنه یاز گلنده همیشه لاله دی سیر داشین
گورونور ووروب سنه ضربه لر
كئچن عصرلر و قرینه لر...
گئنه توكجه سارسیماییب ولی ووقارین سنین
و چكیبدی قامچیلارین زامان كوره گن قالا
و چكیبدی داغ اوره گن قالا
و ووروبدو زنجیری ایگیت بیله گن قالا
كی، بوغوب سسین، قویا سون بویوك دیله گن قالا...
گئنه لاله لر
یاز اولونجا قالدیراراق سینه نده پیاله لر
دئییری كی، قاینایان آل قانین هله دونمامیش
ووقارین گئنه، كئچیری مین ایكی یوز ایل، بو گونده تالانمامیش
هله سونمه میش آلاوین، اگر چه اوزون زاماندی كی، یانمامیش
قاپانیبدی یاد قانیله، زامان توز ا یله گوزون
دوداغیندا دوندورولوبدو خنجرین سوزون...
گئنه لاله لر
یاز اولونجا قالدیراراق دوشونده پیاله لر
دئییری: اینانمامیسان، قالا، اولن اوزون
و عصیرلرین كولو اورتسه ده
یانیری ایچینده پیریل- پیریل غضبین، كوزون...
دیله گل، دی آچ اوره گین قالا!
دئه نه دیر سنین دیله گین قالا
دئه نه لر چكیبدی باشین، داشین؟
سنی كیم اولوب بو گونه قویان؟
قوجا دوشمنین، یا كی یولداشین؟
باشیوی اوپوب اوتوشن بولود
نفسین دئییل؟
دیریسن، دئمك اولو سان قالا
اوزو غملی سینه سی قان قالا!
دئه نه دیر آدین؟
كیم اولوب، دانیش، قوجا فرهادین؟
تانیمیرسان بو علی الدوام
قوجاغان قوناق گلن اوولادین؟
گتیریب بولار ووقاران سلام
كی، اوپوب شرفلی بو توپراغین
ائل اوچون ایگیتلیگه آند ایچه
حیاتیندان، ائل دئسه، واز كئچه
دئه نه دیر آدین؟
نییه دینمیسن؟
نییه سوسموسان؟
قالا دینمه ییر
نه جواب، نه سوز، نه ده بیر كلام
نه ده سس- سمیر!
قالانین گزیر سینه سین نسیم
گزیشیر نسیم ایله آغ بولود
جواب آلمایینجا یانیر ایچیم...
قالانین دیبینده اوتورموشام
دولانیر باشیمدا فیكیر مدام
اوره گیمده دغدغه، مین خیال
نئچه مین سوال!
گونش اودلو توپ تك اوفوقده ساللاناراق باتیر
و قیزیل دونویلا گلین كیمی بزه نیر قالا
گئجه شرقدن چاپاراق آتین قانادین سه ریر
و یاواش- یاواش یوماراق گوزون دره، داغ یاتیر
و طبیعت ایله ده من اوزوم!
دئیه بیلمه رم نه زامان منیم یومولور گوزوم...
گوزومو یوخو آپاران كیمی
گوزومه گوروندو هامان قالا
كی، قیمیلدانیر قوجا شیرلر یوخودان سحر اویانان كیمی
اوجالیردی هئی بو سوسان قالا
اوجالینجادا، آغاریردی صبح چاغی دان كیمی
قالانین بو هئیكلی عاقبت
دونوب اولدو بیر اولو قهرمان
آتی كیشنه ییب شاها قالخیری
قیلینجی الینده پاریلدایان
او وورونجا های دره، یال و داغ
دونوب اولدو اوردو، ایگیت، قوچاق
گله رك تلاطمه اوردولار
بیری توركیجه
بیری توركمن، بیری كوردیجه
باغیریردیلار:
اولو بابكه
ابدی شرف، بویوك افتخار!
یاییلیردی شیمشه گه بنزه ین سسی بابكین
داغا، دوزلره
و ایشیق ساچیردی یانان ببكلره، گوزلره
و اومود وئریردی اوركلره
گوج اولوردو قوللارا، دیزلره
یاییلیردی شیمشه گه بنزه ین سسی بابكین:
بو یئرلر بیزیم دیر ازلدن، بیزیم
نییه دوغما یوردومدا من قول گزیم؟
نییه یاد الیلن سویولسون ائلیم؟
نییه سوسدورولسون شكر تك دیلیم؟
بو یئرلر بیزیم دیر ازلدن، بیزیم
گرك اوز دیاریمدا آزاد گزیم
قودوز شاهلارا بیز ازلدن یادیق
خلیفه آدین قویسادا، شاهدیر او
سیزین تك بشر، یوخسا آللاهدیر او؟!
عرب قارداشین دا گوزل یوردو وار
او یوردوندا اوز عشقی وار، دردی وار
قوی آزاد گزه دوغما یوردوندا او
بو آزادلیغا بیز اوركدن شادیق.
گوواراسی اولسون او شیرین حیات
و لاكین بو یئرده بیزیم دیر بیزیم
گرك منده یوردومدا آزاد گزیم!
عرب قارداش اولسا، اونا قارداشیق
آغیر گونلرینده اونا سیرداشیق
قیلینج ایله گلسه و لاكین، اولار
بو یورد اونلارا هر بیر آددیم مزار!
قیام ائیله ینده بیز آند ایچمیشیك
آزادلیق اوچون هر نه دن كئچمیشیك
بو یئرلرده بیز
یا آزاد گرك ایشله ییب دینجه لك
و یا خود شرفله ایگیت تك اولك
سویولسون نییه كندلینین هر زادی
چیچكلنسین آمما اونون باغدادی؟!
بو ائللر آزادلیق سودوندن امیر
ایگیت تك اولر، لاكین اولماز اسیر
ائشیتسین، دوشونسون بونو معتصم:
بویورسون دویوش قصدی وار مئیدانا
آزادلیق گركدیر بوتون ایرانا
گرك حر اولا فارسی دا، توركوده، كوردوده
بو ائللر حقیقت بیلیر قرآنی
اونا سارسیماز ذره جه ایمانی
گئدیر عرشه ائللرین آلقیشی
گزیر آت بئلینده قادین، كیشی
بو ائلین گوزونده یوخ آسلانین
دیشی، اركگی!
امه گی جوشور آزاد انسانین
قیلینج الده هم آپاریر خیشی
چالاغان كیمین
او حاضیرلاشیر گله جك سمالارینا اوچوب هاوالانماغا
ایش اولوب شرف و امك بولاق كیمی قایناییر
قوتاراندا ایش قیزی، اوغلانی چالیب اویناییر...
گاه آخیر دومان كیمی اوردولار
ازیلیب، دونور لپه لر كیمین
آزاد انسانین گوجو سئل كیمین داغیدار، ییخار
داغیدار قارانلیغی، گون چیخار...
بو ظفر سورور دوز ایگیرمی ایل
دویوشور، اكیر آزاد اولموش ائل...
آزاد اولسا ائل امیرین حیاتی اولار قارا
چكیلیب ایچینده خلیفه لیك ائله بیل دارا...
دوشونور مدام قوجا معتصم
او كی ائتدی شیعه یه مین ستم
اوره گینده كینه، اوزونده غم
سحر- آخشام ایشلری مصلحت
نه قالیر ندیم، نه ده باش بیلن...
تاپیر عاقبت
قوجا حیله گر ظفرین یولون:
كوره دن دمیری چیخادار دمیر
بوكه جكدی یولداشی بابكین او پولاد قولون
ازه گر او توركو بو توركلر
آغالیق قالار بیزه بی خطر!
كوره دن دمیری چیخادار دمیر
گئدیر افشینه قوجا ائلچیلر، بویوك ارمغان
گئدیر اوزبكیستانا هر سحر دولو كاروان...
گلیب آخیریندا اوپور او، معتصمین الین.
عرب اوردوسو، عجم اوردوسو
نه كی واردی شرقده، غربده
سودانیندادا، یمنینده ده
میصیرینده ده، عدنینده ده...
آخیشیر گلیر، قارالیر سهند
ساوالان سوسور، آلینیر میشوو
بوغولور قانیندا دا مازیار
كسیلیر آراس، سوكولور مرند...
بورویور دومان كیمی اوردولار...
قورویور قانیله تامام بیر ایل
قوجا ایرانین شرفین، آدین
و آزادلیغین قوجامان بو ائل
و اوجالدیردی گویه فریادین
سوواریر قانیله داغین، داشین
یاد اونونده دیك توتور اوز باشین
آنالار وئریر ایگیت اوغلونو
گلین ایسه سئوگیلی یولداشین
نه گركدی بونلار آزادلیق اولماسا ملته؟
آزاد اولمایان ایه جك یقین باش اسارته
اسیر عومر سورسه اگر جوان
او، جوان دئییل، سورونن كوله!
شیرین عشقدن نه قانار بشر
آزاد اولماسا اوز ائوینده گر؟!
قوجا سومباتین، قوجا تولكونون
بیر ائلین دوزون بیر عومور دادان
اوزو دوست ایكن، ایچی بیر ایلان
بئله دوشمنین آجی خنجری ده ییر آرخادان
قورولور كمند
توتولور قوچاق
توتولور بوتون یاری، یولداشی
قیریلینجا ساقه، سینار بوداق
وورولور آزاد دوغولان بیلكلره عاقبت كلك ایله بند.
اوتوروبدو تخته باخیر گولر قوجا معتصم
تاجی اینجیلی، ائوی محتشم
سوزولور شراب
دانیشیر كامانچا، گولور روباب
سوزورو اسیر گلن اینجه قیز و گلینلر هئی
دولانان پیاله لر هر آن بوشالینجا مئی...
وئریر امر جلادا بابكین قوپاریر قولون
آییریر سولون
ساغ الینن او اوزونه چكیر بیر اووج قانین
بو نه دیر؟- دئیه، سوروشور خلیفه ی مسلمین!
ائشیدیر جواب:
من ائلیم كیمی قانیله، جانیله سنه دوشمنم
ساری رنگینن
قاباغیندا من
آیاغیمدا كونده اگر اولم
یازاجاقدی تاریخینیز كی ، قورخودان اولموشم
سیلیرم بو لكه نی اوز قانیملا من ایندی دن!
یوخودا بو حالته آغلادیم
بیر ائلین اومیدی باتان گونه
ساوالانین یاد الیله بختی یاتان گونه
نییه باتدی گون، نییه اولدو بابك ائل اوغلوموز...؟
نییه لرله گویلره دوغرو گوز آپاراندا من
گورورم دورور گوزومون اونونده هامان قالا
گئنه بابكین اولو هئیكلی
اوزانیب الی
اوجادان دئییر:
اونه باخ، اونه
گویه یوخ، منه!
اولومون گوجو ائل اوچون اولنلره چاتمامیش
یاتیب ائل، ولی قالا یاتمامیش
چاغیرین ائلی، بوغا ظلمتی
قیرا زنجیری، آتا ذلتی
چاغیرین ائلی، آییدین، دورون
كی آلاولار اولكه سی شن گرك
آزاد ائللره اولا تن گرك
آییلین، بوغون بو قارانلیغی
گونو میخلایین گویون آلنینا
سیزه قول كیمین یاراماز حیات
گوزون آچ اوزون، یاتانی اویات
آییلین، دورون
دویوشوب آزاد بیر حیات قورون...
ائله نعره چكدی بو سوزلری باغیران زامان
كی، اویاندی یئر، ساوالان دا اسدی، سهند ده
میشوون باشین بورودو دومان
تر ایچینده منده هراسینان
آییلان زامان
یوخودان دوروب قالانین بوتون دره سی، داغی
گونشین قیزیل كیمی بایراغی
بزه ییر فقط قالانین باشین!
باش اییب اونون اوپورم بو گون ده پولاد كیمین دایانان داشین!

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم