تبلیغات
ایران آذربایجانی تورکجه سینین ادبیات اوتاغی - کوچه رئکلاملاری
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

کوچه رئکلاملاری

کوچه رئکلاملاری

هاردان گلدی،

نئجه یول تاپدی شهره

آخین-آخین

بو اجنبی رئکلاملاری.

سپه‌له‌نیب

کوچه-کوچه،

دؤنگه-دؤنگه،

یاخین-یاخین…

آلیب شهری اؤزوندن،

مئیدان اوخویور شهره

بو اجنبی رئکلاملاری.

کوچه بس دئییلمیش کیمی

کؤک آتیب یئرین آلتینا،

جالاناراق

مئترو اوزونو اوج-اوجا،

مئترو بس دئییلمیش کیمی

پرچیمله‌نیب

بینالارین ساغ-سولونا،

آز قالا بینادان اوجا.

هاردان گلدی،

نئجه یول تاپدی شهره

بو رئکلاملار،

شهری سرمست ائله‌ییب.

احسن بئله “آزادلیغ”ا!

اؤزوموزو بوخوولاییب

ایچیمیزده

اؤزگه‌نی سربست ائله‌ییب.

هانی منیم اؤز منلیگیم؟

بو رئکلاملار

گؤزوموزو پردله‌ییب.

هانی منیم میللیلیگیم؟

بو رئکلاملار

بو شهری

اؤزوموزه یاد ائله‌ییب.

یاراشارمی،

مملکتین

بو آغریلی اورگینده

بیر میلچه‌یین دوه بویدا

بو یابانچی رئکلاملاری؟

کیملر بئله اسیر ائتدی

بو شهری،

بو میللتی

بو یالانچی رئکلاملارا؟

بو “چای”لارین عوضینده

دونوب آرازیم، هکریم.

بو “سوک”لارین عوضینده

سورولور شیرم، شکریم.

مین چئشیدلی سیقارئتله

اورگیمه،

بئینیمه زهر سورولور.

دوغرولار آغ یالان اولور،

یالان گؤزومده دورولور.

گؤتورون او رئکلاملاری!

گؤره بیلمیرم دردیمی.

گؤتورون او رئکلاملاری!

ائله بیل یاد شهرده‌یم

قریب کیمی.

تورپاق آتین اوووج-اوووج

“یانیب-سؤنن” گؤزلرینه،

او اوزونده تورپاق گؤروم،-

شهید اولموش،

تورپاق گؤروم

اینیلده‌ین.

چادیر چکین

ساختا، کؤکسوز اوزلرینه.

او اوزونده چادیر گؤروم

دوزوم-دوزوم،

چادیرلاردا اوزلر گؤروم،

گؤزلر گؤروم،-

مین اومیدله

شهردن ایمداد دیله‌ین.

تورپاق تؤکون،

چادیر چکین

او رئکلاملارین اوزونه،

یالانلارا ایشیق دوشسون!

تورپاغیمدا قالانلارا،

اولانلارا ایشیق دوشسون!

گؤرک نئجه تالان اولور

تورپاغیمیز.

گؤرک نئجه یاندیریلیر،

داغیدیلیر تاریخیمیز؟

گؤرک قاضیب قبیرلری

داها نه‌لر آرادیلار؟

گؤرک نئجه ائرمه‌نیلر

بیزیم کؤکوموز اوستونده

اؤزلرینه

ساختا تاریخ یارادیرلار؟

گؤتورون او رئکلاملاری!

ناراحات، ناکام، نیگاران

روحلارا خیانت اولار.

گؤتورون او رئکلاملاری

بو شهرده

شهیدلر خییابانی وار!

KÜÇƏ REKLAMLARI

Hardan gəldi,

necə yol tapdı şəhərə

axın-axın

bu əcnəbi reklamları.

Səpələnib

küçə-küçə,

döngə-döngə,

yaxın-yaxın

Alıb şəhəri özündən,

Meydan oxuyur şəhərə

Bu əcnəbi reklamları.

Küçə bəs deyilmiş kimi

Kök atıb yerin altına,

Calanaraq

metro uzunu uc-uca,

Metro bəs deyilmiş kimi

Pərçimlənib

binaların sağ-soluna,

Az qala binadan uca.

Hardan gəldi,

necə yol tapdı şəhərə

bu reklamlar,

 

şəhəri sərməst eləyib.

Əhsən belə "Azadlığ"a!

Özümüzü buxovlayıb

İçimizdə

Özgəni sərbəst eləyib.

Hanı mənim öz mənliyim?

Bu reklamlar

Gözümüzü pərdələyib.

Hanı mənim milliliyim?

Bu reklamlar

bu şəhəri

özümüzə yad eləyib.

Yaraşarmı,

məmləkətin

bu ağrılı ürəyində

bir milçəyin dəvə boyda

bu yabançı reklamları?

Kimlər belə əsir etdi

bu şəhəri,

bu milləti

bu yalançı reklamlara?

Bu "Çay"ların əvəzində

Donub Arazım, Həkərim.

Bu "Sok"ların əvəzində

Sorulur şirəm, şəkərim.

Min çeşidli siqaretlə

ürəyimə,

beynimə zəhər sorulur.

Doğrular ağ yalan olur,

Yalan gözümdə durulur.

Götürün o reklamları!

Görə bilmirəm dərdimi.

Götürün o reklamları!

Elə bil yad şəhərdəyəm

qərib kimi.

Torpaq atın ovuc-ovuc

 

"Yanıb-sönən" gözlərinə,

O üzündə torpaq görüm,-

 

şəhid olmuş,

torpaq görüm

inildəyən.

Çadır çəkin

saxta, köksüz üzlərinə.

O üzündə çadır görüm

düzüm-düzüm,

Çadırlarda üzlər görüm,

gözlər görüm,-

Min ümidlə

 

şəhərdən imdad diləyən.

Torpaq tökün,

Çadır çəkin

o reklamların üzünə,

Yalanlara işıq düşsün!

Torpağımda qalanlara,

Olanlara işıq düşsün!

Görək necə talan olur

torpağımız.

Görək necə yandırılır,

dağıdılır tariximiz?

Görək qazıb qəbirləri

Daha nələr aradılar?

Görək necə ermənilər

Bizim kökümüz üstündə

özlərinə

Saxta tarix yaradırlar?

Götürün o reklamları!

Narahat, nakam, nigaran

ruhlara xəyanət olar.

Götürün o reklamları

Bu şəhərdə

 

Şəhidlər Xiyabanı var!

 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم