تبلیغات
ایران آذربایجانی تورکجه سینین ادبیات اوتاغی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

تلگرام

تلگرام دا بیزی ایزله بیلرسز
telegram.me/BilimYurdu

رادیوْ

رادیوْ

گیزلی-گیزلی هاوانین رایلاریندان آشاراق،

دۆشونجه وادیسیندن قاچیب اۇزاقلاشاراق،

قوْهوم-قارداش بیلمه‌ییب هر کسه یاخلاشاراق

هر یئردن خبر وئریر

آللوْ، آللوْ سسلری.

عجب جیلوه گؤستریر

آللوْ، آللوْ سسلری.

قێوریم قامچیلار وۇروب داغلارا، دنیزلره،

بیر خبرله یاخلاشیب اۇزاقلاردان بیزلره،

یوْلچولاری توْپلاییر بیر یێغناغا، بیر یئره

هر گۆن صؤحبت ائیله‌ین

آللوْ، آللوْ سسلری.

هر شئیی تئز بلله‌ین

آللوْ، آللوْ سسلری.

ائللر آیری، ائللرده یاشایانلار دا آیری،

خبرسیزکن چوْخ ایشدن اؤلکلرین مۆخبیری،

بیرلشیب سایه‌نیزده هپ کؤنول ایقلیملری،

چیچکله‌نیر، آللانیر

آللوْ، آللوْ سسلری.

نشه‌له‌نیر، حاللانیر

آللوْ، آللوْ سسلری.

نه یئللر اۇغولتوسو، نه وۇلکانلار نره‌سی،

نه خیالی دیولرین کؤپوکلو یایقاراسی،

قێشقیریب باغیرسانیز کسیلمه‌دن آراسی

قیامت ائیلرسینیز

آللوْ، آللوْ سسلری.

سیز باشقا بیر نرسینیز

آللوْ، آللوْ سسلری.

سسینیزه تای اوْلماز سیزین کئچدی-کئچدیده،

هر یئرده آش اوْردا باش، اوْلموشسونوز گئت-گئده،

بیر توْرپاغین، بیر ائوین بۆتون سرگوذشتی ده

ایچینیزده ساقلیدیر

آللوْ، آللوْ سسلری.

دوْغرودان ماراقلیدیر

آللوْ، آللوْ سسلری.

سیزی دئییب گلمیشم

سیزی دئییب گلمیشم 
سیزی دئییب گلمیشم، ائی منیم موسلمان قارداشلاریم! او کسلری 
دئییب گلمیشم کی، منیم صؤحبتیمی خوشلاماییب، بعضی بهانه‌لرله 
مندن قاچیب گئدیرلر، مثلا، فالا باخدیرماغا، ایت بوغوشدورماغا، 
درویش ناغیلینا قولاق آسماغا، حامامدا یاتماغا و قئیری بو نؤوع واجیب 
عمللره. چونکی هوکمالار بویوروبلار: “سؤزونو او کسلره دئ کی، سنه 
قولاق وئرمیرلر”. 
ائی منیم موسلمان قارداشلاریم! زمانی کی، مندن بیر گولمه‌لی 
سؤز ائشیدیب، آغزینیزی گؤیه آچیب و گؤزلرینیزی یوموب، او قدر “خا-خا!..” 
ائدیب گولدونوز کی، آز قالدی باغیرساقلارینیز ییرتیلسین و دسمال عوضینه 
اتکلرینیزله اوز-گؤزونوزو سیلیب، “لعنت شیطانا!” دئدینیز، او واخت ائله 
گومان ائتمه‌یین کی، موللا نصر‌الدینه گولورسونوز. 
ائی منیم موسلمان قارداشلاریم! اگر بیلمک ایسته‌سه‌نیز کی، کیمین 
اوستونه گولورسونوز، او واخت قویونوز قاباغینیزا آینانی و دقتله 
باخینیز جامالینیزا. 
سؤزومو تامام ائتدیم، آنجاق بیرجه عذروم وار: منی گرک باغیشلایاسینیز، 
ائی منیم تورک* قارداشلاریم کی، من سیزله تورکون آچیق آنا دیلی 
ایله دانیشیرام. من اونو بیلیرم کی، تورک دیلی دانیشماق عیبدیر و شخصین 
علمی‌نین آزلیغینا دلالت ائدیر. آمما هردن‌بیر کئچمیش گونلری یاد ائتمک 
لازیمدیر: سالینیز یادینیزا او گونلری کی، آنانیز سیزی بئشیکده ییرغالایا- 
ییرغالایا سیزه تورک دیلینده لای-لای دئییردی و سیز قولاق آغریسی سببینه 
ساکیت اولموردونوز. آخیری بیچاره آنانیز سیزه دئییردی: 
– بالا، آغلاما، خورتدان گلر، سنی آپارار! – و سیز دخی جانینیزین 
قورخوسوندان سسینیزی کسیب، آغلاماقدان ساکیت اولوردونوز. 
هردن‌بیر آنا دیلینی دانیشماقدا کئچمیشده‌کی گؤزل گونلری یاد ائتمه‌یین 
نه عیبی وار؟! 
موللا نصر‌الدین 
“موللا نصر‌الدین”، 7 آپرئل 1906، ¹1 
__________ 
* آذربایجانلی

بئیتلر، اوچلوکلر و دؤردلوکلر

بئیتلر، اوچلوکلر و دؤردلوکلر

اووچو بیلمز، خیالی‌نین اؤز سسیدیر،

اؤز قلبی‌نین، اؤز عشقی‌نین نشه‌سیدیر؟!

بو سس بضا بیر قوش اولور،

بیر بوداغا قونموش اولور،

اؤتور یونجالی باغدا!

بضا باخارسان بیر مارال،

اندامی‌نین هر یئری خال، -

گزر دومانلی داغدا!..

ایلک باهارین ایلک نفه‌سی،

جوشان عشقین بیر هوسی؛

نه اولورسا، اولسون آدی،

سسدیر روحومون قانادی!

آنجاق منیم دویدوغوم سس،

بو سسلره هئچ بنزه‌مز.

latincə...

آلی کیشی

آلی کیشی

آلی کیشی نئچه ایللر حسن خانا ایلخی اوْتاریب عؤمرونو، گۆنونو اوْنون

قاپیسیندا چۆرودوب، ساققالینی آغارتمیشدی.

اوْ، هر گۆن سحر دان یئری آغاراندا ایلخینی هایلار، بۆتون گۆنو اوْتارار،

گئجه‌دن بیر پاس کئچندن سوْنرا خالخالا گتیرردی. تای داغلاردا، داشلاردا

کؤوشنلرده آلی کیشی‌نین آیاغی دیَمه‌میش بیر یئر یوْخ ایدی.

یئنه ده بیر گۆن آلی کیشی ایلخینی سۆروب دریا قێراغینا آپارمیشدی.

آتلار دریانین قێراغینداکی اوْتلاقدا اوْتلاییردیلار. آلی کیشی اؤزو ده بیر

طرفده داشا سؤیکه‌نیب اوْتورموشدو. قوْجا ایلخیچی بیر ده باخدی کی، بۇدو

دریادان ایکی آت چێخدی. آلی کیشی دریا آتی اوْلماغینی ائشیتمیشدی، آمما هئچ

گؤرمه‌میشدی. آتلار یاواش-یاواش گلیب ایلخییا قاریشدیلار. ایکی مادیانا

یاخینلاشاندان سوْنرا یئنه قاییدیب دریایا گیردیلر. آلی کیشی نه قدر

ایلخیچیلیق ائله‌میشدی، بئله شئی گؤرمه‌میشدی. تئز قالخیب مادیانلاری

مانشیرلادی. آمما بۇ باره‌ده هئچ کسه بیر سؤز دئمه‌دی.

 

آردین اوخو...

نه بیر اؤلوم اولسون،

نه بیر اؤلوم اولسون،

نه بیر قان اولسون

خزر ساحلینده گلدیم دونیایا،

داشیدیم یوکونو آغیر ایللرین.

آمانسیز اؤلومو آلماییب سایا،

چیخدیم قارشیسینا قارا یئللرین.

دیَدی داشدان-داشا باشیم مین کره،

من گئری دؤنمه‌دیم، ایره‌لی گئتدیم.

بئینیم ده، قلبیم ده دؤندو سنگره،

مسلک ووروشوندا کامیما یئتدیم...

ظولمت دونیاسینا چکیب پرده من،

قازاندیم بختیمی دؤیوشلرده من.

قلبیمده بئش‌گوشه‌ بیر اولدوز هؤردوم،

هر شئیی، هر یئری قیرمیزی گؤردوم.

بایراغیم قیرمیزی، اؤزوم قیرمیزی،

کؤنول دفتریمده سؤزوم قیرمیزی.

بو گؤزل حیاتدا دؤولتیم، واریم،

عومرومون بزیی یئنی باهاریم -

آنا وطن آدلی خزینمده‌دیر،

بؤیوک محبتی بو سینمده‌دیر.

هر سحر گؤرورم اوفوقلرده من -

قیزاریر دان یئری شعرلریمتک.

جانیمدان عزیزدیر منیمچون وطن،

بیر آن دا وطنسیز وورماییب اورک.

گئنجلیک هوسییله، ائی کؤنول، اؤیون،

کئچیلمز یوللاردان کئچیرم یئنه.

شعرلر، ماهنیلار یوکومله هر گون

اورکدن-اورَگیه کؤچورم یئنه.

اؤتدوکجئ فصیللر، اؤتدوکجه ایللر

گلیر دونیامیزا تزه نسیللر.

اونلار عشقیمیزدیر، هوسیمیزدیر،

بؤیوک قورغولاردا عوضیمیزدیر.

دئییرم، عومروموز گؤرمه‌سین خزان،

نه بیر اؤلوم اولسون، نه بیر قان اولسون.

واختیندا دونیادان کؤچدویوم زامان

کفه‌نیم قیرمیزی پارچادان اولسون.

بیر ائله کیشی‌نین توت اته‌ییندن،

بیر ائله کیشی‌نین توت اته‌ییندن،

بیل سنه ایمدادی اول ائیلر-ائیلر.

ذرّه‌‌جه اوستونده اولسا نظری

یئردن داش گؤتورسن، لعل ائیلر-ائیلر.

بؤهتان دئمه، بؤهتان توتار آدامی،

قول ائیلر، بازاردا ساتار آدامی.

جهنّم اودوندان بئتر آدامی

یوخسوللوق یاندیرار کول ائیلر-ائیلر.

عاقیل اینسان دئمز هر گؤردویونو،

دالدالار دوشمندن وای دردیگینی،

گؤرمزسن ناکسین پای وئردیگینی،

وئرسه ده، تؤهمتین بول ائیلر-ائیلر.

خسته قاسیم دئیر سؤزون بو باشدان،

پای اومما قوهومدان، یاددان، قارداشدان،

اؤزون امک چکسن، سو چیخار داشدان،

اریدر داغلاری یول ائیلر-ائیلر.

دوشه بیر ده نظریم مئهری-روخی-جانانه،

دوشه بیر ده نظریم مئهری-روخی-جانانه،

کافیرم، مئیل ائله‌سم سروو گولو ریحانه.

بو نه سؤزدور کی، منیم عشقیمی ترک ائیله‌میسن،

الله، الله، سؤزه باخ، سئیر ائله بیر بؤهتانه!

تؤوبه قیل، تارییه باخ، بیر ده چئویرمه اوزونو،

باخما دوشمن سؤزونه، لعن ائله بیر شیطانه.

هانی زاهید کی، گله بیر گؤره ترسا قیزینی،

اؤزونو ضبط ائلییه، تعنه وورا صنعانه‌‌.

ایسته‌رم، اطلسو دیبا گئیه‌سن قامتینه،

مست تاووس کیمی چتر اوراسان هر یانه.

بئلینه تیرمه ساریب، اوجلارین افشان ائده‌سن،

آچیلیب گول کیمی، مینّت قویاسان هر جانه.

نظرینده دوزوله، صف چکه خودّامو کنیز،

سن اؤزون تخته چیخیب ایلشه‌سن خاقانه.

عشق اودون دوغرو ایمیش، گیز‌له‌مک اولماز، بالله،

آلیشیب اؤز-اؤزونه، دوشدو سؤزوم داستانه.

یازیغیم گلدی، نباتی، سنه، یاندی اورگیم،

حئیفسن، چوخ دا دخی گزمه بئله دیوانه.

هوما یینی هجو

هوما یینی هجو

ائی هومایی، بو نه اطواردی ایظهار ائله‌دین،

چرخی-بدمئهر کیمی ظولمو پدیدار ائله‌دین،

صوبحی-کازیب کیمی صادق یوزونو تار ائته‌دین،

صادقین ثابتی-اشکین یوزه سیّار ائله‌دین،

شفقی-اشک ایله توخسارینی گولنار ائله‌دین؟

دوستلوقدا نه اوچون گوزله‌مه‌دین اندازه،

دوشمن اولدون نییه اول سروقدو

طنّازه، قلئیی-شیشه‌یه سالدم گئدیبن

آوازه - کی، فیلانی توخی-زیبایه اوراردی غازه،

شاهیدی-قیسمته مششاته‌لیک ایظهار ائله‌دین.

صادقین نامه‌سی گلدی منه، ائی طالبی-راز،

سانکی یازمیشدی اونو ناز ایله محموده

ایاز، لئیک باشدان-آیاغا شیکوه ایدی، سوزو

گوداز، گؤتونور عشقی-حقیقین دئمیسن عشقی-

مجاز، ائی برادر، نه اوچون سن بئله رفتار ائله‌دین؟

صادقین وصفینی داستانه گتیردین سن اؤزون،

گئدیبن کیشوری-شیروانه گتیردین سن اؤزون،

تؤهفه تک بزمی-سولئیمانه گتیردین سون

اؤزون، میندیریب رخشینی مئیدانه گتیردین سون

اؤزون، بئش اسفینی عالمه فیردووس کیمی جار ائله‌دین.

ائی عزیزیم، گلیبن شور ایله گؤفتاره اؤزون،

ائیله‌دین خلقی زولئیخا توخی-دیلداره

اؤزون، چکدین اول یوسیفی-گولچؤهره‌نی بازاره

اؤزون، ائیله‌دین عرض متاعنی خریداره اؤزون،

سوما دؤندون نییه بس تلقی-خریدار ائله‌دین؟

ائی هومایی، قسم اول پادشهی-قههاره

- کی، وئریبدیر قولاغا سم، گؤزه نظّاره،

حوسنده یوسیف اولا گر او مهی-سیّاره،

اولماییب پیرهنی-عصمتی هرگیز پاره،

یوخ یئره سن بو ایشی بیر غرضین وار ائله‌دین.

خود توتاق صادقه لازیم گؤرونوردو بؤهتان،

نئیله‌میشدی سنه محمود آغا، ائی روحی- روان؟

شرم ائدیب گؤزله‌مه‌دین حقی-نمک، حؤرمتی-

نان، گئدیبن قله‌یه حقینده دانیشدین هدیان،

فیلهقیقه، نه اونو، سن اؤزووی خار ائله‌دین.

آغانین نعمتی-الوانی گؤزوندن گلسین!

سوفره‌ی-بزمی-سولئیمانی گؤزوندن

گلسین! کابابی، چاخیری، بوریانی گؤزوندن

گلسین! مئیی اولسون جیگرین قانی، گؤزوندن

گلسین! چونکی حقینده اولان فئیضینی اینکار ائله‌دین.

گلمیسن بیر نئچه دفعه‌‌ سن اؤزون شیروانه،

حوسنده بنزر ایدین مئهرو مهی-تابانه،

سنه ده محمود آغا ائتدی خیانت، یا

نه؟ نییه بیجا یئره سالدین کیشینی بؤهتانه؟

بینوانین نه اوچون فیسقینی ایقرار ائله‌دین؟

نغمات اهلینه محمود آغانین رغبتی

وار، بیلمه‌ین یوخدو، بو اسراره اونون

شؤهرتی وار، گر اولا، حقی ده واردیر، کیشی‌نین

دؤولتی وار، دؤولتی، مریفتی، لذّتی وار،

حؤرمتی وار. سن بو ظاهر ایشی باعث نه دیر اینکار

ائله‌دین؟ [ ... ل

اولوتورپاق

اولوتورپاق

آنا تورپاق، اولو تورپاق

هم اینسانین اللهی،

هم اینسانین قولو تورپاق.

سنسن آنالارین آناسی دا،

سنسن آتالارین آتاسی دا،

سنسن دونیانین دونیاسی دا،

داهیسی ده، دوهاسی دا،

اجدادی دا، اولوسو دا:

بو دونیاسی، "او دونیاسی" دا ...

آنا تورپاق، اولو تورپاق،

ائی اینسانین اللهی،

ائی اینسانین قولو تورپاق!

اینسان - سنین نادینج بالان،

ان شیلتاق و ان دینج بالان.

سؤکوب داش-قایا دیشلرینی،

عمارتلر تیکن ده او،

هامارلاییب، طومارلاییب،

اورگینی چکن ده او،

اوز-گؤزونو شیریملاییب،

اکن ده او، بیچن ده او،

آتوم یوکلو فلاکتله

داخیلینی سؤکن ده او.

هم اینسانین اللهی،

هم اینسانین قولو تورپاق! دؤزورسن

بشرین هر بلاسینا، دؤزورسن

اینسانین چوخ اداسینا، تحقیر

ائشیتمیسن چوخ واخت سسینده، لاکین

سون نفه‌سینده

یول وئرمیسن اورگی‌نین باشیندا،

دینجلیک تاپیر تورپاغیندا، داشیندا.

قالیر اولو یادداشیندا؟

عبادتگاهیم

عبادتگاهیم

ایسته‌ییمه یول گئدیرم

گؤزو باغلی، سینه داغلی،

من دونیایا نئیله‌میشم

منه باخیر قاشقاباقلی.

ب.واهابزاده

مزارین اؤنونده دایانمیشام لال،

دانیشا بیلمیرم، دینه بیلمیرم

منی قوجاقلاییب قارا بیر خیال،

دانیشا بیلمیرم، دینه بیلمیرم.

***

خیال اوزاقلارا آپاریر منی،

سنین کؤرپه‌لیگین یادیما دوشور.

عکسینی گؤرنده مزار داشیندا،

دیلیم سؤز توتمیایر، وارلیغیم اوشور.

***

بیرجه یول باش قالدیر، معجزه‌‌ یارات،

بیرجه آن دا اولسا روحومو ائت شاد.

یانان اورگیمه بیر داملا سو آت،

منیم اورک بالام، آی قابیل بالام.

***

اینانا بیلمیرم بو یوخلوغا من،

ائله بیل قلبیمده گونش توتولوب.

اینانا بیلمیرم شیرین حیاتدان،

منیم اورک پارچام قابیل یوخ اولوب.

***

مزاریندان سس گلیر دئییر، آی آتا.

گؤز یاشی تؤکمه‌یین نه معناسی وار؟

بیر ده بو یئرلرده منی آختارما،

قاییت جوت بالامین قلبینده آختار.

***

عشیرم، درد چکیر منی بو یئره،

آتایام یوکسه‌لیب گؤیلره آهیم،

هر گون گله‌جه‌یم من بو یئرلره،

چونکی بو مزاردی عبادتگاهیم.

تزیم خیطابه‌سی

تزیم خیطابه‌سی

نه گؤزل گونشسن، تا اوزاقلاردان

ائدیرسن بیزیمچین هر شئیی عیان.

ایشیق جینسیندندیر هرچند کی، چیراق،

ایشیقسیز چیراق دا گؤرونمز آنجاق.

اصیل تاجیدارلیق، دوشون، یاخشی بیل،

یوزلرجه تاج ییغیب ساخلاماق دئییل.

حؤکمودار اودور کی، هر باشا مودام

مرحمت گؤستریب، تاج ائده انام.

اینسانی آزدیران خیاللاری سن

باشلاردان قیلینجلا رد ائله‌میسن.

اوجالسا بیر شاهین فیکری، بایراغی،

شاد اولار اوردوسو، یوردو، تورپاغی.

سنین بایراغینا بزکدیر ظفر،

گوجونله یوخ اولدو دردلر، سیتملر.

کیانلار کؤچوبلر ایندی دونیادان،

یئرلری بوش دئییل، سنسن حؤکموران.

اؤلکه‌ده بو خالقا رهبر اولدون سن،

فطرتین گؤزلدیر سنین ازلدن.

ایندی بو دونیادا سنسن تاجیدار،

الینله تاج قویار باشینا شاهلار.

چاتماز عدالتده سنه پیشداد،

کئیخوسروو، کئیکاووس، نه ده کئیقوباد!

یئددی فیروزه‌لی بو قصرده سن

حاقا، عدالته ووسعت وئرمیسن74.

بیر قدح‌ مئی وئریر سنه نظامی،

گرک نوش ائده‌سن کئیکاووس کیمی.

بو توسی قدح‌له محمودا بیلدیر

"شاهنامه"نین قدری-قیمتی نه دیر!75

ایکی خزینه‌نین واریثی، حؤکمن،

سخاوتده سنسن، سؤز دئمکده من76.

بورج اگر واختیندا اؤده‌نیلمسه،

قایدادیر: واریثدن چاتار واریثه77.

من ائله سؤز دئدیم - دئمه‌میش هئچ کس،

بیر ایش گؤر - اولماسین اونا هئچ عوض.

منه عقلیم چاتیب بو ایشده دادا،

مووفّق اولاسان سن اوخوماقدا.

یار ائتسک بو ایکی گؤزل نیّتی،

بیره اون آرتاجاق سؤزون قیمتی!

باغیمدا ریحاندیر منیم بو اثر،

سنین ائیوانینی قندیلتک بزر.

مجلیس قور، بو مئیله دولدور کاسانی،

شؤله‌سی، نشه‌سی دورولتسون قانی.

سن مئی ایچ، گتیرمه هئچ بیر بهانه،

آغزیم مؤهورلودور اوز وورما منه.

داماغین چاغ اولسون، بختین ده جاوان،

جاهاندا اولاسان جاهان پهلوان.

بو دونیا، بو دؤوران سنه یار اولسون،

روزگارین همیشه خوش روزگار اولسون!

گؤیلر عولویّتدن دوشمز هئچ زامان،

سن ده گؤیلر کیمی اوجا اولاسان.

قیلینجین کسکیندیر گون شؤله‌سیندن،

گؤیو ده یئر کیمی سن رام ائدیبسن.

پارلاق قیلینجیندان مهو اولسون یاغی،

سندن قودرت آلسین کیان بایراغی.

بؤیوک بیر ایش اوچون، بیل، ائی حؤکمودار،

گؤندردیم، دوغرودور، من بیر یادیگار،

سن اؤزون ابدی بیر یادیگار قال،

دئدیگیم بو سؤزو دایم یادا سال!

بایاتیلار

داغلار مارالا قالدی،

اوتو سارالا قالدی.

سرین چشمه، گؤی یایلاق

یئنه مارالا قالدی.

******

عزیزیم سؤزه قالدی،

بیر شیرین سؤزه قالدی.

یاد قووولدو داغلاردان،

ائل-اوبا بیزه قالدی.

******

داغلاردا تالام قالدی،

بیچمه‌دیم، لالام قالدی.

داغیلسین قوربت اؤلکه،

اوردا بیر بالام قالدی.

******

باغچادا باریم قالدی،

درمه‌دیم، ناریم قالدی.

اؤزوم یاد ائله دوشدوم،

وطنده یاریم قالدی.

******

آرازدا آخار قالدی،

ترلان اوچدو، سار قالدی.

ائلیمدن آیری دوشدوم،

گؤزلریم باخار قالدی.

******

گئتدی آرخا دولاندی،

سولار چارخا دولاندی.

دوشمن ائلین گوجوندن

قورخا-قورخا دولاندی.

******

داش داش اوسته قالمازدی

داش داش اوسته قالمازدی

دئییرلر کی، موللانین آنادان اولدوغو کند چوخ گؤزل ایمیش. چوخ گؤزل

هاواسی، جوربه‌جور سولاری، قشنگ باغلاری، باغچالاری وار ایمیش.

ایستی یای گونلری‌نین بیرینده موللا ائشیدیر کی، شهرین حاکمی واخت کئچیرمک

اوچون هامان کنده گزمه‌یه گئدیب. قالیر کندین قئیدینه کی،

گؤره‌سن حاکمین بو واخت کئچیرمیی کنده نَیه باشا گله‌جک؟

بیر هفته کئچیر. موللا ائشیدیر کی، حاکم قاییدیب گلیب. دوروب حاکمین

یانینا گئدیر. باخیر کی، حاکمین کئیفی چوخ سازدی.

سلام-کلامدان سونرا موللا حاکمدن سوروشور:

- یاخشی، حاکم آغا نئجه کئچدی؟ راضی قالدینمی؟

حاکم دئییر:

- بیلیرسن نئجه یاخشی کئچدی... هئچ بیلمه‌دیم کی، بیر هفته نئجه گلدی،

نئجه کئچدی؟ بیر ده باخدیم کی، قورتاریب. باخ، بیرینجی گون کندده بؤیوک

بیر یانغین اولدو، کندین تامام یاریسی یاندی. جاماعت ائله قیشقیریب

قاچیردی کی، آدامین گولمکدن قارنی جیریلیردی. حتی بیر نئچه آدام دا

یاندی.ایکینجی گون بیر قودورموش ایت اون-اون بئش نفره‌جن آدام قاپدی.

اؤزون فیکیرلش گؤر نه قیامت اولار دا... لذّت وئردی. صاباحیسی بیر سئل

گلدی، بیر سئل گلدی، داها نه دئییم... تزه بیچیلمیش بوغدالار سویون

ایچینده اوزوردو، اونلارین دالینجا آداملار اؤزلری ده اوزوردولر. چوخلو

آدام دا آپاردی. دؤردونجو گون بیر کندلی دلی اولدو، بئش-آلتی آدام اؤلدوردو.

بئشینجی گون بیر دام اوچدو، بوتون کولفت قالدی آلتیندا. اؤلن، قولو

سینان، باشی ازیلن. آلتینجی گون بیر آرواد اؤزونو بوغوب اؤلدوردو... آخیر کی،

دئمینن باشا گلن دئییل. باشقا جور کئیف چکدیک. من عومرومده بئله

کئیف گؤرمه‌میشدیم.

موللا حاکمین سؤزلرینه قولاق آسیب دئییر:

- یاخشی کی، بیر هفته‌یه گلیبسن. بیر آز دا قالسایدین کندده داش

داش اوستده قالمازدی.

قالیندی

قالیندی

آیری دوشدوم وطنیمدن، ائلیمدن،

باشی چنلی، قارلی داغلار، قال ایندی!

ایچن اؤلمز درده درمان سویوندان،

آخار سولار، تر بولاقلار، قال ایندی!

بئیوفاسان، من گؤرمه‌دیم وفانی،

چوخ چکمیشم سنین جؤورو جفانی،

مندن سونرا رقیب سورر صفانی،

فرش دؤشه‌لی آغ اوتاقلار، قال ایندی!

ایلقارسیزسان، وفان یوخدو دونیادا،

دوستونون سیرّینی وئریرسن یادا،

شامامانی دردیریرسن خوریادا،

سبزه بوستان، ساری تاغلار، قال ایندی!

قوربانییم، یقین اولدو سؤزلریم،

عشق الیندن کاباب ایستر گؤزلریم،

قان تؤکورسن قوربت ائلده، گؤزلریم،

آغلا، جانان دئییب آغلا، قال ایندی!

سنینله، ائی بوتی-مهروی، مِهریبان من ایدیم،

سنینله، ائی بوتی-مهروی، مِهریبان من ایدیم،

انیسو-مونیس ایدیم، یاری-مِهریبان من ایدیم.

جمالی‌نین گولونه نیشی-خار تاپمادی ال

کی، حوسن باغینا پئیوسته باغبان من ایدیم.

سریری نازده سن خابی-ناز ائدن گئجه‌لر،

صباهه‌دک سری-گویینده پاسیبان من ایدیم.

سبب نه اولدو منی هیجره موبتلا قیلدین؟

نثار ائدن سری-گویینده جیسمو جان من ایدیم.

روادی بونجا چکیم دردی-فیرقتین، آخیر،

ویصال گونلری، ائی دوست، کامران من ایدیم.

بلا خدنکینه، نئیلیم، منی نیشان قیلدین،

رقیب تنه‌سینه خاطیری-نیشان من ایدیم.

سلامت اهلی نه بیلسین نه دیر ملامتی-عشق؟

ائل ایچره شؤهرتی-عشق ایله داستان من ایدیم.

دریغ، یانمادی یار، گؤرمه‌دی فراق اودونو،

نئچون گومان ائله‌مز عشقده یانان من ایدیم.

همیشه وصلین ایله شادو خورم اولموشدوم،

بو هیجر اودونا یانان زارو ناتوان من ایدیم.

 
  • یارپاقلارین سایی :90
  • ...  
  • 2  
  • 3  
  • 4  
  • 5  
  • 6  
  • 7  
  • 8  
  • ...  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم