تبلیغات
ایران آذربایجانی تورکجه سینین ادبیات اوتاغی
ایران آذربایجانی تورکجه سینین ادبیات اوتاغی
یاشاسین آذربایجان

قونو سلاخلانجی

سلاخلانج

باغلانتیلار

اؤزل یارپاقلار‌

← وبلاق گؤروشلری

  • گؤروشلرین هامیسی :
  • بو گون گؤروشلر :
  • دوننکی گؤروشلر :
  • بو آی گؤروشلر :
  • قاباق آی گؤرو‌شلر :
  • یازارلارین سایی :
  • یازیلارین هامیسی‌نین سایی :
  • سون گؤروش :
  • سون دیَیشمه :

لینکلر‌

تلگرام

تلگرام دا بیزی ایزله بیلرسز
telegram.me/BilimYurdu

کیمیندیر؟

کیمیندیر؟ 

سندن خبر آلیم، آی چوبان قارا، 
بو وار-دؤولت، قیزیل پوللار کیمیندیر؟ 
کیم چکیر بو فانی دونیا کئیفینی، 
بو اذیّت چکن قوللار کیمیندیر؟ 

گلیب گلمه‌یه‌لی بیز بو جاهانا، 
نؤکر اولدوق گاه آغایا، گاه خوانا، 
ائوده اوشاغیمیز حسرتدیر دونا، 
بس آتلازلار اوسته گوللر کیمیندیر؟ 

خوش گلمیر بیزلره بو قانلی دؤوران، 
آلیر دا، ساتیر دا اینسانی اینسان. 
دؤزمور بو دردلره هئچ چوبان افقان، 
بیزه نه وار، بو خوش ایللر کیمیندیر؟

قالیندی

قالیندی 
آیری دوشدوم وطنیمدن، ائلیمدن، 
باشی چنلی، قارلی داغلار، قال ایندی! 
ایچن اؤلمز درده درمان سویوندان، 
آخار سولار، تر بولاقلار، قال ایندی! 
بِی وفاسان، من گؤرمه‌دیم وفانی، 
چوخ چکمیشم سنین جؤورو جفانی، 
مندن سونرا رقیب سورر صفانی، 
فرش دؤشه‌لی آغ اوتاقلار، قال ایندی! 
ایلقارسیزسان، وفان یوخدو دونیادا، 
دوستونون سیرّینی وئریرسن یادا، 
شامامانی دردیریرسن خوریادا، 
سبزه بوستان، ساری تاغلار، قال ایندی! 
قوربانییم، یقین اولدو سؤزلریم، 

عشق الیندن کاباب ایستر گؤزلریم، 
قان تؤکورسن قوربت ائلده، گؤزلریم، 
آغلا، جانان دئییب آغلا، قال ایندی!

سنینله، ائی بوتی-مهروی، مِهریبان من ایدیم،

سنینله، ائی بوتی-مهروی، مِهریبان من ایدیم، 
انیسو-مونیس ایدیم، یاری-مِهریبان من ایدیم. 
جمالی‌نین گولونه نیشی-خوار تاپمادی ال 
کی، حوسن باغینا پئیوسته باغبان من ایدیم. 
صریری نازده سن خوابی-ناز ائدن گئجه‌لر، 
صباحه‌دک سری-گویینده پاسیبان من ایدیم. 
سبب نه اولدو منی هیجره موبتلا قیلدین؟ 
نثار ائدن سری-گویینده جیسمو جان من ایدیم. 
روادی بونجا چکیم دردی-فیرقتین، آخیر، 
ویصال گونلری، ائی دوست، کامران من ایدیم. 
بلا خدنکینه، نئیلیم، منی نیشان قیلدین، 
رقیب تنه‌سینه خاطیری-نیشان من ایدیم. 
سلامت اهلی نه بیلسین نه دیر ملامتی-عشق؟ 
ائل ایچره شؤهرتی-عشق ایله داستان من ایدیم. 
دریغ، یانمادی یار، گؤرمه‌دی فراق اودونو، 
نئچون گومان ائله‌مز عشقده یانان من ایدیم. 
همیشه وصلین ایله شادو خورم اولموشدوم، 
بو هیجر اودونا یانان زارو ناتوان من ایدیم.

قوشلار یووالار-آندروید اوچون





اویغولاماین آدی:قوشلار یووالار
دیل : آذربایجان تورکجه
اؤلچو:1.6  مگابایت
حاضیرلایان : آدسیز یازار
قوشلاری تاینماق اوچون گؤزل بیر اویغولاما
ائندیر-دانلود
یاردیم لینکی

تاپماجالار اویغولاماسی






آد : تاپماجا
سیستم:آندروید سیستملری
حاضیرلایان : آدسیز یازار
اؤلچو:1.20 مگابایت

تورکجه تقویم آندروید اوچون


 
آذربایجان تقویمی آندروید سیستملری اوچون
اولاناقلار:
1: توركجه آذربایجان تقویمی
2:فارسجا تقویم
3:میلادی تقویم
4:هجری تقویم
5:هر گون اوچون یاداش آلماق اولاناغی
6:فالا باخماق اولاناغی(12 حئیوان،اسكی توركلردن گلن بیر فال)
7:ویتگئت اولاناغیWidget -ابزارك صفحه تقویم سالماق اولاناغی
8:یازیلیم ایكی الیفبادا اولماسی(عرب ولاتین )
9: آذربایجان اؤزل گونون سالماق اولاناغی
10:فونت اویغولاماق ایمكانی

آشیق جونون

آشیق جونون 
گونلرین بیرینده کور‌اوغلو یئنه ده قیراتی مینیب گدیگی کسمیشدی. 
بیر ده باخدی کی، بودو بیر کاروان گلیر. کور‌اوغلو گؤزله‌دی، ائله کی، 
کاروان گلیب چاتدی، بیر نره چکیب آتی داغدان آشاغییا بوراخدی. کاروانداکی 
آداملار ال-آیاق آچانا کیمی کور‌اوغلو اونلارین باشی‌نین اوستونو آلدی. 
دئییرلر کور‌اوغلو هر کاروانی سویوب داغیتمازدی. قاباقجا اونلاردان 
باج ایستردی. بو کاروانین دا قاباغینی کسیب باج ایسته‌دی. بأزیرگان‌باشی اونو 
تک گؤروب سؤزلرینه فیکیر وئرمه‌دی. ایسته‌دی کی، کاروانی چکسین. او بیلمیردی 
کی، بو آدام آدی دیللرده داستان اولان قوچ کور‌اوغلودور. قان ووردو 
کور‌اوغلونون بِینینه. دلی کور‌اوغلو یئنه جوشدو. اوّل میصری قیلینجا ال 
آتماق ایسته‌دی. سونرا لعنت شیطانا دئییب اوچ تئللی سازی دؤشونه باسیب، 
گؤرک نه دئدی: 
گل سنه سؤیله‌ییم، بأزیرگان‌باشی، 
گلمیشم من سندن باج آلام، گئدم! 
داغیدام قفله‌نی، تؤکم مالینی، 
گلمیشم من سندن اؤج آلام، گئدم! 
پولاد شِش پرینن ازم باشینی، 
آخیدام گؤزونون قاننی یاشینی، 
جیداییلن اؤلچم آل قوماشینی، 
ناغدین دا اولماسا، وئج آلام، گئدم! 
کور‌اوغلویام، سرت قایادان آتیللام، 
هاردا داوا اولسا اوردا تاپیللام، 
آج قورد کیمی جومله‌‌‌نیزه تپیللم، 
اورتادان اولمازسا، اوج آلام، گئدم! 
بأزیرگان‌باشی بونون کور‌اوغلو اولماغینا عینانمادی. او ائشیتمیشدی کی، 
کور‌اوغلونون یئددی مین یئددی یوز یئتمیش یئددی دلیسی وار کی، اونلار دوشمن 
گؤرنده، شیره، پلنگه دؤنورلر. ایندی اونو گؤروب کور‌اوغلو اولدوغونا 
اینانمادی، باج وئرمک ایسته‌مه‌دی. آتینی سوروب یولا دوزلمک ایسته‌ییردی 
کی، کور‌اوغلو آلدی باشی‌نین اوستونو، گؤرک نه دئدی: 
آلمامیش آل قوماشینی، 
بوراخمارام سنی بوردان! 
ایچیب دویمامیش قانینی، 
بوراخمارام سنی بوردان! 
توتوبسان یوکونو اوجا، 
سنسن تاجیرباشی خوجا. 
ماتاهینی سویمایینجا 
بوراخمارام سنی بوردان! 
مئیداندا شِش پر آتمامیش، 
قوللارین دالدا چاتمامیش، 
قیرات دؤشونه قاتمامیش، 
بوراخمارام سنی بوردان! 
هارادان توتدون سوراغی، 
آل ائیله‌دین قاننی یاغی، 
سیننه چکمه‌میش داغی، 
بوراخمارام سنی بوردان! 
قوچ کور‌اوغلو ایستر خراج، 
ایگیدسنسه گیر، مئیدان آچ. 
مالینی ائیله‌رم تاراج، 
بوراخمارام سنی بوردان! 
کور‌اوغلو سازلا دئدیگی کیمی سؤزده ده دئدی: 
– بأزیرگان‌باشی! من سنینله داوا ائله‌مک ایستمیردیم. ایندی کی، باج 
وئرمه‌دین، اؤز خوشونلا داوا-دالاشسیز کاروانی چنلیبئله چک! یوخسا 
زورلا آپاراجاغام. 
بأزیرگان‌باشی اؤزونو ائله گؤستردی کی، گویا راضیدی، کاروانی چنلیبئله 
چکیر. عامّا حیله‌‌‌ یولو ایله گؤز آلتی اؤز یاراخلی-یاساقلی آداملارینا هیم 
ائله‌دی کی، کور‌اوغلونو وورسونلار. یاراقلی تاجیرلر کور‌اوغلویا هوجوم ائله‌دیلر. 
ائله بیل کی، بئش-اون دنه سیچان بیر قیزمیش کرگدانی اؤلدورمک 
ایسته‌ییردی. بو قاباقجا کور‌اوغلویا گولمه‌لی گلدی. سونرا بوینونون قاتقات 
دوران اتی قیزاردی. کور‌اوغلو آشدی، داشدی، آسلان کیمی جوشدو، قاپلان کیمی 
قئیظه گلدی. میصری قیلینجی چکدی، ترلان کیمی قیراتین بئلینه یاتیب مئیدانا 
تپیلدی. ساغدان ووردو سولدان چیخدی، سولدان ووردو ساغدان چیخدی، 
تاجیرلری خورد-خشیل ائله‌دی. باخدیلار کی، یوخ بو زارافات ائله‌مه‌لی آدام 
دئییل، سلاحلارینی تؤکوب دایاندیلار. کور‌اوغلو هامیسینی قیراتین دؤشونه 
قاتیب چنلیبئله گتیردی. دلیلر قاباغا چیخدی. ماللاری یئره دوشوردولر، 
یئربه‌یئر ائله‌مه‌یه باشلادیلار. کور‌اوغلو باخدی کی، تایلارین ایچینده بیر 
بؤیوک دمیر صاندیق وار. فیکیرلشدی بو یقین قیزیل-گوموشدی. ایشاره ائله‌دی 
ساندیغی آچدیلار. نه چیخسا یاخشیدی. باخدیلار کی، ساندیغین ایچینده ساچی چیینینده 
بیر آدام اوزانیب. کور‌اوغلو قالدی مهطّل کی، بو نه سیرّدی؟ دؤندو 
بأزیرگان‌باشی طرفه کی، اوندان سوروشسون، گؤردو بأزیرگان‌باشی مئییت کیمی 
تیر-تاپ اوزانیب یئره. یانینا یویوردو، گؤردو خئییر ها... دونن اؤلوبسن، 
بو گون! بأزیرگان‌باشی قوپ-قورو قورویوب. دلیلردن بیریسی دئدی کی، بس 
سن ساندیغی آچاندا او اؤزوندن گئتدی. سودان-زاددان تؤکدولر، کیشی بیر آز 
اؤزونه گلدی. کور‌اوغلو سوروشدو: “بو نه سیرّدی؟”. 
بأزیرگان‌باشی دئدی: 
– کور‌اوغلو، ایندی کی، بئله اولدو، دوزونو دئیه‌جه‌یم. بو منیم آشیغیمدی. 
آدی دا آشیق جونوندو. بو او قدر آیاغی یونگول، خئییر برکتلی 
آدامدی کی، منیم یانیما گلندن بری مال-دؤولتیم حدّینی آشیب. 
سن بیزه هوجوم ائلیینده من هاوانی بولوت گؤروب اونو صاندیقدا گیزلتدیم 
کی، بلکه مالیم، دؤولتیم گئتسه ده، او قالسین. 
کور‌اوغلو فیکره گئتدی. بیر طرفدن آشیق جونونو اؤز یانیندا ساخلاماق 
ایسته‌ییردی، بیر طرفدن اونو بأزیرگان‌باشی‌نین الیندن زورلا آلماق 
ایستمیردی. بیر ده باشینی یوخاری قالدیراندا آشیق جونونو قاباغیندا دیز 
چؤکموش گؤردو. 
آشیق جونون دئدی: 
– قوچ کور‌اوغلو، گؤزوم، کؤنلوم سنی توتوب. عومرومون آخیریناجان 
سنه قوللوق ائده‌جم. 
آشیق جونون او گوندن کور‌اوغلونون یانیندا قالدی. عومرونون لاپ 
آخیر گونونه‌جن اونون آشیغی اولدو. 
دئییرلر کی، آشیق جونون همیشه شهرلری، کندلری، اوبالاری، اویماقلاری 
گزیب دولاناردی، هاردا بیر ایگید، نجیب، آنا سودو ام‌میش اوغلان گؤرسه 
گلیب کور‌اوغلویا خبر وئرردی. کور‌اوغلو دا اونلاری اؤز دسته‌سینه گتیردردی.

حقدن ایلتیماس قایداسی

حقدن ایلتیماس قایداسی 
ترسلیک ائتمیرسنسه، اوحدی، دایان 
لازیم اولمایانی ایسته‌مه اوندان. 
نَیینه گرکدیر خرمن، کند، باغ؟! 
نه اونون اؤزوندن یاخشی اولاجاق؟! 
اگر ایسته‌ییرسن، اؤزونو ایسته، 
او، سنی یئتیرر مورادین اوسته. 
موریدسه، مورادی اودور اینسانین، 
قئیرینی ایسته‌سن سوستدور ایمانین. 
یولو اونسوز گئدن یولدا قالار، دور! 
ترک ائله اؤزونو، قالان تک اودور. 
اؤزونو فنا ائت، او، اول بیر آندا، 
سن هئچ اولاجاقسان اونا چاتاندا. 
او قوش بو دانه‌نین شیکاریدیر، بیل، 
گزدیگین، بو ائودن کناردا دئییل. 
کئچر داراغینا یارین ساچلاری، 
دوز گئدر اوخلار دا هدفه ساری. 
اورا اؤزباشینا کیم گئده بیلر!؟ 
بیر اللهلا گئدر، کیم گئتسه اگر. 
نه وارسا دونیادا، دوغرو سؤز بودور، 
یا اونون اؤزودور، یا اونونکودور. 
اونون دونیاسینا عاغیل ایریشمز، 
یانینا گئتمه‌یه علم گیریشمز. 
کمالین نه قدر اولسا دا قوچاق، 
یئنه یورولاراق یولدا قالاجاق. 
چاغیرسا آیریلا بیلمه‌یه‌جکسن، 
قووسا بس هارایا گئده‌جکسن سن؟! 
قاچسان، هارا وار کی، اوردا او، یوخدور؟! 
ساواشسان، سئومزلر، حقیقت بودور. 
اونو تانیمایان دونیادا نه وار، 
او، یا بوش قاپیدیر، یا قورو دیوار. 
بو رسمین سیرّینی کیم، نئجه بیلر، 
رساما شوبهیله باخیرسان اگر؟! 
او جالال بیزسیز ده اولار، یاخشی باخ! 
ابدی اولموشدور، دایم اولاجاق. 
منصبده، مقامدا اولدوقجا گؤزون، 
آند اولسون اللها، گؤرمزسن اوزون. 
او، سندن اولماییر بیرجه آن اوزاق، 
گوناه بیزده دئییل، اؤزون یاخشی باخ! 
کیمسه اؤزباشینا قوووشماز یارا، 
آنجاق محمّدله گئدیلر اورا.

شاعر - وطن

شاعر - وطن 
آرادا-بره‌ده گؤرورسن تئز-تئز، 
دئییرلر: "نه چوْخدور شاعرلریمیز، 
بۇنون قارشیسینی آلاق بیز گرک، 
بیزه حکیم گرک، مۆهندیس گرک..." 
منسه دئییرم کی، شاعر بوْل اوْلسون، 
بۆتون دوْغولانلار شاعر دوْغولسون. 
صنعتکار صنعته آماللا باشلار، 
شعریم - آمالیمدیر - دئسم، یئریدیر. 
شعر یازماسا دا، عقیده‌‌‌داشلار 
دۆنیانین ان بؤیوک شاعرلریدیر. 
"شاعر چوْخدور" دئیه گیلئیلنمه‌یین، 
الحذر ائله‌یین طۆفئیلیلردن. 
یاخشی سؤز اؤنونده سیز ده باش ایین، 
شاعر کی، ییٛغماییر سؤزلری یئردن. 
شاعری کیمسه‌یه دیَیشمه‌رم من، 
اوْنلار هر جیلوه‌ده مین سیرّ آختاریر. 
ایدراکم ایریشمز درینلیگیندن 
اوْنلار سؤز آختارمیر، فیکیر آختاریر. 
اوْنلار گئجه-گۆندوز درد، الم چکیر، 
بۇ آغری گلمه‌سین چوْخ یۆنگول سیزه. 
بلکه ده ان ضعیف، ان کیچیک شاعر 
بؤیوک وطنداشدیر وطنیمیزه... 
  
شاعرین بدنی - بۇ آنا توْرپاق، 
نفسی - خزریدیر، قانی - کۆر، آراز. 
چوْخ شئی وطنسیز ده یاشاییر، آنجاق 
شعرسه وطنسیز، ائلسیز یاشاماز... 
شاعره وظیفه‌‌‌، رۆتبه نه گرک! 
"وطن"، "وطن" دئییر کؤنول سسی ده. 
وطنی سئومکدیر، وطنی سئومک، 
شاعرین ان بؤیوک وظیفه‌‌‌سی ده. 
آنجاق... بلا اوْندا، درد اوْندادیر کی، 
وظیفه‌‌‌ خۇمان گؤزونو اؤرتن، 
وطنی پۇل کیمی جیبینه دۆرتن 
بیر رۆشوت دۆشگونو، رۆتبه‌لی نادان 
دۇروب کۆل اۆفورور گؤزلریمیزه. 
وطنی سئومه‌یین "قایدالاریندان" 
اۇتانماز-اۇتانماز درس دئییر بیزه. 
وطنی سئومکده نه قایدا، قانون؟ 
وطن سئوگیسی‌نین حۆدودو وارمی؟ 
ائی نادان، اؤلچولر اؤزونون اوْلسون، 
محبت اؤلچویه، حدّه سیٛغارمی؟ 
مای، 1967

سوسادی کؤنلوم نیگارین لعلی-روح‌افزاسینه،

سوسادی کؤنلوم نیگارین لعلی-روح‌افزاسینه، 
طالبی-شؤوقم حبیبین صورتی-زیباسینه. 
ائی صبا، اوغراشدیغینجا شول خورامان سروه توش، 
مندن اؤپ آنین آیاغین، سجده قیل بالاسینه! 
گؤزلری سئوداسی عاشق جانینا قیلدیقلارین 
اول بیلیر کیم، عاشق اولموش نرگیسی-شهلاسینه. 
عینینی آچ، عینیمه باخ، جومله‌‌‌ عینین عینییم، 
سد هزاران جان فدادیر عینی‌نین سئوداسینه. 
  
سورما سئوداییلرین حالین، طبیبی-آمه کیم، 
دوشمه‌ین بیلمز بو حاله گؤزلری سئوداسینه. 
صورتی، حوسنو جمالی جومله‌‌‌ زیبادیر آنین، 
حوسنونه قوربان اولاییم، بلکه، سر تا پاسینه. 
کیم کی، ظاهر گؤرمه‌دی اوزونده حقین صورتین، 
گوزگوزو عاری دئگیلدیر، چاره قیلسین پاسینه. 
بی بدلدیر حوسن ایچینده، لوطف ایچینده بی‌نظیر، 
واحیدیّت ثابت اولدو حوسنی-بی همتاسینه. 
خیرمانیندا حوسنونون گوندور باشاقچی آی ایله، 
اوتان، ائی نیسبت قیلان، قاشی-هیلالی داسینه. 
زاهیدین هئچ اولدو زئهدو، هئچه کئچدی طاعتی، 
باشلادی یاسینه، شیمدی کیمسه گلمز یاسینه. 
چرخ-نرّادین نوقوشین ترس اوخور گؤزسوز فقیه، 
کبتئینی گؤر کی، آتار هوققابازین طاسینه. 
روحی-قودس اولدو نسیمی، جیسمینی طرح ائیله‌دی، 
گؤوهری-فرد اولدو دوشدو وحدتین دریاسینه.

دیوانلار

دیونلار یازیلیمی سایین علی میکائیلی حاضیرلادریغی گؤزل بیر ایشدیر
بورادان اونلار تشکوروموزو بیلدیریک 
بو یازیلیم اؤنملی بؤلومولری
1-شعر (100 مین بیت یاخین)
2-ادبیات ساحه سی
3-مرثیه ادبیانی
4-بایاتیلار(5000 یاخین)
5-لایلایلار
6-ناغیللار
7-آتالار سؤزو
8-تاپماجالار
9-سؤزلوک
آندروید اوچون ائندیر
جاوا  اوچون ائندیر
قایناق:http://alimikaily.mihanblog.com/
آرتیق بیگلی اوچون سایین علی میکائیلی نین اؤز وبلاقینا باشا وورا بیلرسیز

کونلومون سلطانی

درد بوغــــــور درمان نه دیر آی مهرِ منّــــان هارداســـــان

آیریلیـــــــق جان یاندیریر آی درده درمــان هارداســــــان

 
آتشِ عشقــــــی ویریبسان کونلـــــــوما حیــــــــــرانینام

گوزلــــــــورم گوندوزگئجه یول مهـرسوزان هارداســــــان

 
لرزه سالــــــدین جیسمیمه بیـــــــریان باخیشلا یاندیریر

جیسمیـــــــمی بیداده باخ لـــیلای دوران هارداســــــان

 

آشفته کونلــــــوم غم توتوب غمخانــــــه لرسلطانی یام

کونلـــــــومون سلطانی آی نجمِ فـــروزان هارداســــــان

 

مجنـــــــونام مجنون قَــــدَر چوللــــــــرده روزگاریم ساویر

گئل باهاریم گئل یازیم قلبیمده طـــــوفان هارداســــــان

 

هرگئجــــــه صوبحـــه تکی(درگاهی)اولــــــــدوزدوساییر

گئلمیرسن علّت نئـــــــدیر خورشیدِ تابان هارداســــــان


شاعر:درگاهی

آزری-قنبری

کیتابین آدی :آزری-قنبری 
بیچیم : آندروید
ائندیر-دانلود
باشقا لینک

دۆنیادا

دۆنیادا 

چێرپێنما اۆرگیم، دؤیۆنمه قلبیم، 
کیچیلمه دۆشمنه، اییلمه یادا! 
اوْدلار اؤلکه‌سی‌نین اۇجالێب باشێ، 
دئییلیر شؤهرتی بۆتۆن دۆنیادا. 

آه چکمه، قم یئمه، چوْخ باخما یوْلا، 
آغلاما، سێزلاما، ائیله‌مه نالا، 
چوْخ چکمز یئترسن یئنه وۆصالا، 
دردین آرتێب اوْلماز حدّن ضیادا. 

پارچالانما اۆرک، یارالانما سن، 
تزه بۆتؤولندین، پارچالانما سن، 
وفالێ دوْستۇندان آرالانما سن، 
دوْلان آرخاسێنجا، دوْلان پیادا! 

چتیندیر اؤلۆمدن، یامان آیرێلێق، 
ائیله‌دی قددیمی کامان آیرێلێق، 
سێخسا دا حسینی زامان، آیرێلێق، 
دوْستۇندان ال چکمز، دؤنمز نبادا!

من ائله توخومدان "قورو-یاش"آدیم

من ائله توخومدان "قورو-یاش"آدیم

گوندوزلر

اونودور دونیا منی!

گئجه‌لر

آی توپورور گونشی،گؤزومون قاراسینا!

من عاجیز

نیفرت ائتدیگیم حیاتی، آزدیرا بیلمه‌دیم

دردی آخیردان دامارلاریمدا!

آزدیردی او منی!

آزدیردی یاشام دئدیگی ساختا بیر تاماشادا!

اکیلدیم اورمانلیقدا!

من ائله توخومدان قورو قالدیرمیشدیم

هاوالی باشیمی!

قونمادی بوداغیما تانری بئله!

اونونلا بیته‌جک آل-وئریم،

بو گون...یارین

اؤلوم قدر اوجوز اولدوغو نفسی،

ساتیپ باهاسینا بیر عومور منه!

شاعیر:آروز مرادی

قایناق :آنا وطن وبلاقی

 
  • یارپاقلارین سایی :90
  • 1  
  • 2  
  • 3  
  • 4  
  • 5  
  • 6  
  • 7  
  • ...  
 

وبلاقا گؤره

بو دیل دنیزدی سیزین تک صدفده اینجیسی وار
قیزیلدی سیزده اولان اوزگه‌نین اگر میسی وار
دئسزکی اودلو دیاردی بیزه وطن یاراشار
بیزیم اوجاقلارین آنجاق کور ائیله‌ین هیسی وار
"عقیل"
وبلاق مودیری : نژادمحمد

سون یازیلار

آختارماق

یازارلار

Page Rank بالاجا خوخان آذربایجان تورکجه سینده ایسلام دینی و قرآن کریم